ابـــــــــــــي وظيفـــــــــــــة والله العظـــــــــــــــيم محتاجتهـــــــــــــا

[مملوحة الفال]

السلام عليكم


انا وحده من البنات اللي نزلت لنا موضوع الأخت مملوحة الفال واللي استخدم نكها في موضوعي

انا بنت قطرية وظروفي صعبه ( يحز في نفسي اذكر الشي هذا )
وكأنه لازم اقول قطرية وظروفي صعبه عشان اكسر خاطر خلق الله

والله العظيم انه ظروفي لا تحتمل والله سبحانه شايف وظعي وهو من سيئ إلى أسوء بس مابي وظيفة ماتناسبني ووالله ماهو تشرط انا صح محتاجة بس ابي شي يرضى عليه ولي أمري وقبلها ربي

تكفوووووووووون


والله العظيم مابي مساعدات مالية من احد ولا شي ابي اتوظف عشان احسن وضعي
ابوي متقاعد واحنا 9 اشخاص على راتب
تقاعدي مايتعدى 5000 ريال

صعبـــــــه هــــــــذه


الله لا يحطكم في مثل وضعي اللي اشرح فيه ظروفي وعددنا وراتبنا التقاعدي :weeping:


اتمنى من المشرفين الكرام ماينقلون موضوعي لقسم الاستفسارات والله يرحم والديكم احسه يضيع بين المواضيع

[الرمـــاح]

الله ييسر اموركم انشالله :(

[chillis]

الله يفرج همج وكربتج ويرزقج بوظيفه ترضين فيها اللهم امين :(

[انتر ميلان]

الشيخة بس اذكري شهادتج أو تخصصج وان شاءالله بنساعدج

[ام حمادي]

الله يعين يا أختي انتوا الثلاث بنات

والله بدور لج فالنت والا حد يقبل في اللي اعرفهم مدرسات

بس اكتبي مؤهلاتك عشان اللي عنده واسطه يدور

بكلم اللي فالمدارس بس ما اتوقع الحين يوظفون الا شهر تسعه

ومركز موزه بنت محمد فيه وظايف ومركز ديني وانتي ارفقي مع اوراقك ورقة تقاعد ابوك وانك مافيه حد يشتغل وهم ان شاء الله بيوظفونك

[مرتبش]

بالتوفيق ان شاء الله
الجرايد مفعولها اسرع والله اعلم

[مملوحة الفال]

الله ييسر اموركم انشالله :(

إن شاء الله وجزاك الله خير



الله يفرج همج وكربتج ويرزقج بوظيفه ترضين فيها اللهم امين :(


اللهم آمين وجزاك الله خير

[النائب]

بالتوفيق إنشاء الله

إذا مواطنة ووصل بك الحال للبحث عن وظيفة في المنتدى فلاحول ولاقوة إلا بالله العلي العظيم .

مثلك كثير ورسالة لمسؤولي البطالة والتقطير .

أيها المسؤولين عن التوظيف في هذه البلاد / شعبكم أبنائكم عجايزكم وشيبانكم يستغيثون بكم ألا يكفي هذا .

[نوفي]

الله ييسر اموركم يارب والله يفتحها عليكم
وان شاءالله تحصلين وظيفه لج ولاخوانج

[بنت البدر 77]

ثانوية والا جامعيه ؟

[درع الوطن]

وعليكم السلام ورحمة الله وبركاته

لا تحاتين أختي ... بلادنا خيرها كثير ويوصل القاصي قبل الداني ... ولكن وكلي الأمر لله العلي القدير وأعملي بالآتي:

دعاء الحاجة

عن عبد الله بن أبى أوفى قال: قال رسول الله - صلى الله عليه وسلم: "من كـــانت له حــاجة إلى الله أو إلى أحـد من بنى آدم فليتوضأ وليحسن الوضوء ثم ليصل ركعتين، ثم ليثن على الله - عز وجل - وليصل على النبي ثم ليقل: لا إله إلا الله الحكيم الكريم، سبحان الله رب العرش العظيم، الحمد لله رب العالمين، أسألك موجبات رحمتك وعزائم مغفرتك، والغنيمة من كل بر، والسلامة من كل إثم لا تدع لي ذنباً إلا غفرته، ولا هماً إلا فرجته، ولا حاجة هي لك رضاً إلا قضيتها يا أرحم الراحمين"

رواه الترمذى وابن ماجه


عن ابن عباس أن النبي - صلى الله عليه وسلم - كان يقول عند الكرب: "لا إله إلا الله العظيم الحليم، لا إله إلا الله رب العرش العظيم، لا إله إلا الله رب السماوات ورب الأرض رب العرش الكريم"

رواه الترمذى


عن أبى بكرة أن النبي - صلى الله عليه وسلم - قال دعوات المكروب:
"اللهم رحمتك أرجو فلا تكلني إلى نفسي طرفة عين، وأصلح لي شأني كله لا إله إلا أنت"

رواه أبو داود

والله يوفقكم ويستر عليكم وييسر لكم ولكل محتاج في أغنى بلاد العالم

[مملوحة الفال]

بالتوفيق إنشاء الله

إذا مواطنة ووصل بك الحال للبحث عن وظيفة في المنتدى فلاحول ولاقوة إلا بالله العلي العظيم .

مثلك كثير ورسالة لمسؤولي البطالة والتقطير .

أيها المسؤولين عن التوظيف في هذه البلاد / شعبكم أبنائكم عجايزكم وشيبانكم يستغيثون بكم ألا يكفي هذا .



والله كسر ت خاطر عمري استغفر الله العلي العظيم

[missperfect]

الله يفرج عنكم
اكثري من الدعاء والاستغفار

[بومحمد911]

اللهم فرج عن اختنا في الله كربتها ويسر لها امرها

اااامين

[nasser 519]

الله يفرج همج وكربتج ويرزقج بوظيفه ترضين فيها اللهم امين

[السليطي86]

السلام عليكم اختي

الله يعينج اختي والله حاس فيج والوضع الي تمرون فيه وخلج متفائلة بالله خير
والله ما يخلي عبده في ضيق , ان شاء الله بتنفرج....
لكن ما اقول غير حسبي الله على الي وصل حال القطرية الى هذا الحال...
وأبشري بسأل الربع والي اعرفهم , واذا في اي وظيفة تناسب بطرش لج...
لكن ايش شهادتج؟ ....
وكثري من الدعاء في صلاتج واذكري الله في كل وقت وبتنفرج...
الدعاء شيء استفدت انا منه وايد والله فرج همي والحمدلله...

[مملوحة الفال]

الله ييسر اموركم يارب والله يفتحها عليكم
وان شاءالله تحصلين وظيفه لج ولاخوانج

آمـــين


ثانوية والا جامعيه ؟


ثانوية عامة

[بن غيث]

هذه قطر .... الحمد لله
انصح الاخت انها تروح وزارة العمل وتقدم عندهم . . صج انهم علل .. بس الله يعينها
وتقدم في الميرة الي مشاهد الهلال الاحمر الي صوب الكورنيش
وتقدم في البنوك وشركات التامين .. اكيد بتعين لها وظيفة
ويا رب افرج عليها واجعلها اسعد الناس
وافرج هم كل القطريين ويسر لهم امورهم

[BoYousuf]

الله ايوفقج اختيي وييسر امورج,, وتلقين الوظيفه المناسبه :(

والله ويه هاي المستوى المعيشي المرتفع,, ضروفكم وايد صعبه ,, الله يسهل عليكم

اتمنه انج اتحطين موأهلاتج مثل ماقال اخوي انتر ميلان عشان لو حد من الاعضاء كان ابيده شي في مجال وظيفي ولا شي,, يتفاعل علا طول ويه الموضوع ويعطييج الازم

مااملك الا دعواتي لج ربي ايوفقج ان شالله

[شبح الصمت]

لا حول ولا قوة الا بالله

الله يعيـنج اختي ويوفقـج يارب

أكثــري من الدعاء

[مملوحة الفال]

وعليكم السلام ورحمة الله وبركاته

لا تحاتين أختي ... بلادنا خيرها كثير ويوصل القاصي قبل الداني ... ولكن وكلي الأمر لله العلي القدير وأعملي بالآتي:

دعاء الحاجة

عن عبد الله بن أبى أوفى قال: قال رسول الله - صلى الله عليه وسلم: "من كـــانت له حــاجة إلى الله أو إلى أحـد من بنى آدم فليتوضأ وليحسن الوضوء ثم ليصل ركعتين، ثم ليثن على الله - عز وجل - وليصل على النبي ثم ليقل: لا إله إلا الله الحكيم الكريم، سبحان الله رب العرش العظيم، الحمد لله رب العالمين، أسألك موجبات رحمتك وعزائم مغفرتك، والغنيمة من كل بر، والسلامة من كل إثم لا تدع لي ذنباً إلا غفرته، ولا هماً إلا فرجته، ولا حاجة هي لك رضاً إلا قضيتها يا أرحم الراحمين"

رواه الترمذى وابن ماجه


عن ابن عباس أن النبي - صلى الله عليه وسلم - كان يقول عند الكرب: "لا إله إلا الله العظيم الحليم، لا إله إلا الله رب العرش العظيم، لا إله إلا الله رب السماوات ورب الأرض رب العرش الكريم"

رواه الترمذى


عن أبى بكرة أن النبي - صلى الله عليه وسلم - قال دعوات المكروب:
"اللهم رحمتك أرجو فلا تكلني إلى نفسي طرفة عين، وأصلح لي شأني كله لا إله إلا أنت"

رواه أبو داود

والله يوفقكم ويستر عليكم وييسر لكم ولكل محتاج في أغنى بلاد العالم

موكلة امري لله عينه ما تغفل ولا تنام

وجزاك الله خير اخوي

[ام حمادي]

http://web1.moe.gov.qa/candidates/candidatesintro_sp.aspx

شوفي هذا موقع وزارة البيئه عاد انا ابي اتوظف عندهم قالوا لي عنهم

انتي روحي لهم وروحي لمركز موزه

شوفي واحد عنه خبره هنا يكتب سي في لك يقنعهم ومثل ما قلت لك ارفقي مع اوراقك شهادة راتب ابوك ومدى حاجتك للوظيفه واهل الخير كثير بيوظفونك إن شاء الله

[NeverLand]

300 الف مواطن -اذا مب اقل- ومب لاقين شغل في بلدهم اللي كل جنسيات العالم تشتغل فيه بأحسن وظايف ورواتب !!! .. والله حرام !!!

الله يوفقج اختي ويفتحها عليج وعلى كل مواطن ومواطنه مولاقيين شغل .. بصراحه شي يقهر ويحز بالخاطر نشوف وحده من خواتنا فاتحه موضوع بمنتدى الكل يشوفه وقاعده تذكر كم راتب تقاعد ابوها وشلون عايشين بس عشان تشتغل

[ضوى]

اتذكر واحد من المسائيل قال انه قطر مافيها بطالة !!!!!!!!!!!!!!!!!!!!!!

الله يساعدج ياليت بيدي اقدر اساعدج ، بس ربي يتكفل بج هو خير المستعان

[همسه]

الله يفرج عليج وعلى كل قطري و قطريه مب لاقين شغل في بلدنا قطر ام الخير اللي خيرها واصل البعيد قبل القريب اتمنى تلقين شغل في اقرب وقت

اهل قطر اهل عزه و كرامه و ماتهون عليهم نفوسهم لكنهم احتدو و شي يصعب على النفس والله اني حاسه فيج الله يوفقج يارب

واخواني و خواتي في المنتدى ماراح يقصرون ان شاء الله

كثرة الاستغفر تعجل بالفرج ان شاء الله

اكثري من الاستغفار

الله يرزقكم الرزق الحلال الطيب و يقدق علينا و عليكا من رحمته و فضله و منه و كرمه انه سبحانه و تعالى على كل شي قدير

آمين يارب

[لابس بشت]

اختي شيكي على الخاص

[الـراسي]

الله يوفقج ان شاء الله وتحصلين اللي يساعدج

بالحصول على الوظيفة اللي تناسبج

[يحفظك ربي]

الله يكون بعونج اختي وان شاء الله تلاقين الوظيفه اللي تحسن من وضعكم وماتكونين بحاجه الى احد

اكثري من الاستغفار وقراية سورة الضحى من قلب وبنية صادقة وستجدين مايسرك بإذن الله

بالتووفيق ان شاء الله

[أم حمد]

http://www.qatarshares.com/vb/showthread.php?t=458690

الله يفرجها عليس وعلى كل من ضاقت عليه يارب

[جوهرة قطر]

والله شى يحز فى الخاطر

الله يوفقج اختى وتحصلين على الوظيفه اللى تناسبج ويفك كربتج يارب

[رمــش الغلا]

وصلني ع البي بي اليوم

تعلن مدرسة نموذجية جديدة في منطقة السيليه بوجود شواغر في التخصصات التالية:
- منسقات لجميع المواد
- معلمات لجميع المواد
- مساعدات ثانوية عامة
- مشرفات إداريات
- سكرتيرة
- مدخلة بيانات
- مسؤولة مصادر تعلم

الأولوية للقطريات
يرجى ارسال السيرة الذاتية على الايميل التالي:
almahmood5001@hotmail.com
صاحبة الترخيص ومديرة المدرسة / أمينة المحمود

والله يوفق لج حبيبتي

[out]

شيكي الخاص الغاليه

[ولي العهد]

من الواضح ان الاخت تبي تتوظف في مكان مافيه خلط لذالك الله يعطيها على قد نيتها ويفرج همها ويسر امرها ولكن ومن وجهة نظري بما انها حاصله على شهادة الثانويه فقط فعليها تقبل باي وظيفه ومن ثم تطلب نقل من قسم الى قسم .

[NeverLand]

والله وااايد مستانس ان في ناس قاعده تستجيب وتساعد :) .. صج لو خُليت خُربت .. يزاكم الله بالخير يا اهل قطر يا عيال الاصووول .. وفي ميزان حسناتكم ان شاء الله

[راعي ال VXR]

اختي راجعي الخاص

[Dawn]

اختي انا قدمت لج في كذا مدرسه عن طريق معارفي لكن للاسف الكل قال على شهر 9 التوظيف ..
كان ودي اخدمج وتتوظفين اليوم قبل باجر ،، بس ،، هذا اللي الله قدرني عليه ..
وانا متابعه معاج ان شا الله لحد ما انتي والبنات تلقون وظيفه مناسبه لمؤهلاتكم ..

والسموحه اختي :(

اما بالنسبه للاماكن اللي مافيها خلط ماعندنا غير مراكز التحفيظ والمدارس ... جربي قدمي على مراكز التحفيظ بس حطي في بالج حتى لو بواسطه بتنطرين شهور ،،،، والله يوفقكم يارب ..

[الوردة]

الأخت الكريمة
أرجو إرسال الرقم ع الخاص
وأسأل الله تعالى أن يوفقكِ ويسدد خطاكِ

[عبد الوهاب]

السلام عليكم


وظيفة في مستشفى الخور

تصلح لج ولا لا

[مملوحة الفال]

شيكي الخاص الغاليه

جزاك الله خير


من الواضح ان الاخت تبي تتوظف في مكان مافيه خلط لذالك الله يعطيها على قد نيتها ويفرج همها ويسر امرها ولكن ومن وجهة نظري بما انها حاصله على شهادة الثانويه فقط فعليها تقبل باي وظيفه ومن ثم تطلب نقل من قسم الى قسم .

الله يفرجها وجزاك الله خير


والله وااايد مستانس ان في ناس قاعده تستجيب وتساعد :) .. صج لو خُليت خُربت .. يزاكم الله بالخير يا اهل قطر يا عيال الاصووول .. وفي ميزان حسناتكم ان شاء الله

جعله في ميزان حسناتكم وجزاكم اله خير



اختي راجعي الخاص

جزاك اله خير



اختي انا قدمت لج في كذا مدرسه عن طريق معارفي لكن للاسف الكل قال على شهر 9 التوظيف ..
كان ودي اخدمج وتتوظفين اليوم قبل باجر ،، بس ،، هذا اللي الله قدرني عليه ..
وانا متابعه معاج ان شا الله لحد ما انتي والبنات تلقون وظيفه مناسبه لمؤهلاتكم ..

والسموحه اختي :(

اما بالنسبه للاماكن اللي مافيها خلط ماعندنا غير مراكز التحفيظ والمدارس ... جربي قدمي على مراكز التحفيظ بس حطي في بالج حتى لو بواسطه بتنطرين شهور ،،،، والله يوفقكم يارب ..

اشكر سعيك لنا وجعله في ميزان حسناتك




الأخت الكريمة
أرجو إرسال الرقم ع الخاص
وأسأل الله تعالى أن يوفقكِ ويسدد خطاكِ

إن شاء الله وجزاك الله خير


السلام عليكم


وظيفة في مستشفى الخور

تصلح لج ولا لا

جزاك الله خير انا ساكنة في مكان بعيد عن الخور

[راسي براسك]

الله يرزقج يارب ويعينج ,,
بس بعد ياليت تخلين الأهل اللي عندهم مؤهلات في البيت
يقدمون ويبحثون
لان حتى لو أشتغلتي صعبه تصرفين على بيت كامل وأنتي مؤهلج شهادة ثانويه

ونصيحتي لما تقدمين لاتخلين أوراقج عند الاستقبال
أدخلي على مدير / مديرة الموارد البشرية

[ANONYMOUS]

ثقي بالله ان اللي كاتبه الله لج بيصير

الله يفرجها عليكم

[ام السعف]

الله ييسر اموركم ان شالله :(

اللهم آمين يارب كل العباد ،، تيسر لها امورها وترزقهم وظايف
تسد حاجاتهم في هذه الحياة ،،

[الألماسي]

اختي روحي قدمي على " المستشفى الأهلي " من فتره طالبين موظفين قطريين ثانويه عامه من الجنسيين للعمل الإداري . .

الله ييسر اموركم و يستر عليكم . .

[بومحمد المطاوعه]

الله يعينج ويسر امرج

هاذي حال القطري والقطريه

الاجنبي يتنعم في بلادنا واحنا القطريين ماندري وين نتنعم ؟؟؟؟؟

حسبي الله ونعم الوكيل

[yellow]

بالتوفيق إنشاء الله

إذا مواطنة ووصل بك الحال للبحث عن وظيفة في المنتدى فلاحول ولاقوة إلا بالله العلي العظيم .

مثلك كثير ورسالة لمسؤولي البطالة والتقطير .

أيها المسؤولين عن التوظيف في هذه البلاد / شعبكم أبنائكم عجايزكم وشيبانكم يستغيثون بكم ألا يكفي هذا .

ما عندي اضافة الا (( لا حول ولا قوة الا بالله ))

[بنQATARت]

اختي روحي المدارس الأبتدائية القريبة من بيتكم
وقدمي على وظيفة معلمة مساعدة
وظيفة محترمة وراتبها يوصل تقريبا 10000 ريال
وهذي الوظيفة للقطريات فقط
والمؤهل المطلوب ثانوي فقط
وهما راح ايدربونج
وشرحي وضعج للمديرة
وان شاء الله ربي يوفقج

[بوح المشاعر]

الله يوفق اختنا ويسهل طريقها للحصول على الوظيفة

[القيادة]

الله يفرج همج

يالله وين دور الامانه العامة

وين الارقام الوظيفية وين وين

بنت البلد وهذا وضعها ليش

حسبى الله ونعم والوكيل

[كيفي قطري]

اختى مملوحه الفال شيكي الخاص

[أخو من طاع ربه]

الله يكون في عونج اتمنى تثبيت الموضوع الى ان تجد اختنا العزيزة وظيفه

[مملوحة الفال]

الله يرضى عليكم جميع واشكر كل اللي رد واللي حاول يعطيني اماكن

للتوظيف والله يوفقكم ..

سبحان الله وبحمده سبحان الله العظيم

[النجلا]

الله يوفقج يــآآرب ويفرجهــآ عليج ..

http://www.qatarshares.com/vb/showthread.php?t=458740

[بوحارب]

الله ييسرلج

[الحال مايساعد]

الله يفرجها عليك يارب

[واقعي وصريح]

اختي راجعي الخاص

[بعيد الدار]

الله يفك عوقك


بس أذا كان المسول الفعلي لسياسة التوظيف في أي وزارة اجنبي


وين تحصلين وظيفه

[بصمة قطرية]

لا حول ولا قوة الا بالله ..
والله شي يعور القلب ان يوصل حال المواطن لهالدرجة ..!! :(
الله يفرج همج ويرزقج بالوظيفة اللي تتمنينها ..
اختي ياليت توضحين نوع الوظيفة اللي تبينها عشان الكل يعرف ..
يعني انج ما تبي مجال خلط ..
ولا تبين بنوك ربوية ..

[Locale]

الله يفرجها عليج
وعلى كل مسلم

[ع.م]

أنا حاسة إنج بتتوظفين قريباً.. فحبيت أكون أو شخص يبااارك.. :) بالمبارك..

الله يرزقكم من حيث لاتحتسبون .. و يفرج عنكم يارب..

خلي عندج ثقة بالله الرزاق سبحانه.. والله ماينسى عباده يالغالية..

[مملوحة الفال]

الله يفك عوقك


بس أذا كان المسول الفعلي لسياسة التوظيف في أي وزارة اجنبي


وين تحصلين وظيفه

الحمدلله على كل حال بس انا أملي في الله كبير ومتوكله عليه



لا حول ولا قوة الا بالله ..
والله شي يعور القلب ان يوصل حال المواطن لهالدرجة ..!! :(
الله يفرج همج ويرزقج بالوظيفة اللي تتمنينها ..
اختي ياليت توضحين نوع الوظيفة اللي تبينها عشان الكل يعرف ..
يعني انج ما تبي مجال خلط ..
ولا تبين بنوك ربوية ..


جزاجك الله خير الشيخة

ايه نعم مابي ربوية ولا خلط احنا مسلمين شلون بنتجرا نطلب الرحمة ولا الفرج من الله واحنا نتهاون بالأمور هذه



الله يفرجها عليج
وعلى كل مسلم

جزاك الله خير


أنا حاسة إنج بتتوظفين قريباً.. فحبيت أكون أو شخص يبااارك.. :) بالمبارك..

الله يرزقكم من حيث لاتحتسبون .. و يفرج عنكم يارب..

خلي عندج ثقة بالله الرزاق سبحانه.. والله ماينسى عباده يالغالية..

الشكر لله ولكل من حاول ويحاول يساعدني

والله يبارك فيكم كلكم ويسر امور المسلمين

[chloe]

الله ايسر لج امورج ويرزقج من حيث لاتحتسبين

[قطرية فذة]

فتح الله عليكم من اوسع ابوابه يغدقكم بالخير حتى تحتاروا اي الخير تتخذون أغناكم سبحانه بغناه ولا احوجكم لأحد الا يسر لكم من اهل الخير نفساً من خير الله خيره تبدل حالكم الى حال افضل
مرسله من الله مباركه

اغنيتم

[hamadali]

فيه وظيفة إذا بغيت

[الجــــــآدل]

بصراااااااااااااااحه انا ادووووووووور وظيفه بعد :(

ثانويه اللي يقدر يساعدني ياليت

[العتوي]

اختي
لو حابه تشتغلين بقطاع خاص خبريني ع الخاص وباحولج ان شاء الله
بس اختي بالنسبه للاماكن الخلط
كلنا نشتغل فيها هو مب عيب ولا حرام اللي بيكون محترم بيتم محترم ومحد بيكلمه
وان شاء الله اقدر اساعدج بشي
تقبلي مروري

[المتحدث الرسمي]

..

لاحول ولا قوة الا بالله

بلد غني مثل بلادنا و حال الشعب وصل لهالحال

الله يفرجها عليج اختي وعلى جميع المسلمين


اختي تقدرين تقدمين على

بنك قطر الوطني - وزارة البيئه (( المواصفات و المقاييس )) - المجلس الاعلى للصحه - كيوتل

هالاماكن اللي اعرفها و طالبين موظفين

و تقدرين تروحين تقدمين في ادارة العمل

والله ييسر لج ان شالله و يفك ضيقتج

[مالك أمل]

وصلني ع الـ b.b أن ديوان المحاسبة طالب

موظفات بالثانوية العامة

الرواتب قرابة 10 آلاف

والذمة على كاتب الخبر

[out]

أنا حاسة إنج بتتوظفين قريباً.. فحبيت أكون أو شخص يبااارك.. :) بالمبارك..

الله يرزقكم من حيث لاتحتسبون .. و يفرج عنكم يارب..

خلي عندج ثقة بالله الرزاق سبحانه.. والله ماينسى عباده يالغالية..


تسلم على هالدعوه الطيبه

وتم تحديد موعد للمقابله للاخت يوم الاحد ان شاء الله واتمنى من كل الاعضاء

الموجودين يدعون لها ان ربي يوفقها وتجتاز المقابله ويتم توظيفها فالنهايه هي بنت بلادنا

دعواتكم لاختكم ان الله يوفقها وتتوظف

[بنت قطريههه]

بنات الله يجزاكم خير .. انا والله نفس الحاله بس صبرت ٦ سنين ولاحد يبي يوظفني شهادتي ثانويه دبلوم سكرتاريه ومحتاجه اشتغل في اماكن غير غلط ،، تعبت بس عندي امل في يوم اشتغل ...

[sh50]

اختي الله يفرج همج
عليك اختي بالتهجد في الليل وكثري من الدعاء
وتاكدي ان فرجه قريب00ان مع العسريسرا

[بعد الرحيل]

بالتوفيق ان شاء الله اختي في المقابله

وما شاء الله المنتدى يعج بالخيرين

جزاكم الله كل خير يا فاعلي الخير

.
.
.

[بنت قطريههه]

الله يجزاكم خير .. بس حرام ست سنين ولاحد يوظفني :(

[بنت قطريههه]

نقلوو موضوعي قسم الاستفسارات :(

http://www.qatarshares.com/vb/showthread.php?t=459063



الله يجزاكم خير لاتنسوني بعد الي يقدر يساعدني يشوف الرابط الي فوق

[منيرة الطواش]

الحال صار غريب قطرية



وتبحث عن وظيفة في منتدى


الله ييسر اموركم ان شاء الله

[بنت قطريههه]

الله يسمع منج :( نقلو موضوعي قسم الاستفسارات شكله بغبر على غبرتي الي معاي




بتم استغفر عشان تشوفون لاي درجه وصل فينا الحال ..

[بنت قطريههه]

استغفر الله العلي العظيم

[بنت قطريههه]

استغفر الله العلي العظيم
*

*

[بنت قطريههه]

استغفر الله العلي العظيم
*

*
*

[قسماً]

ويقولون قطر مافيها بطاله ومافيها محتاجين
الله على الظالم :anger1:
اختي دام انج ماتبين خلط الله يستر عليج
ليش ماتقدمين على الاسكان الطلابي التابع لجامعة قطر
جربي حظج ، الله يوفقج

[بنت قطريههه]

مادري اول مره اسمع عنهم انشاءالله بشوف والله ثم والله محتاجه الوظيفه ليش صوتنا مايوصل لحد !

[بنت قطريههه]

استغفر الله العلي العظيم

[ahsees]

ربي يوفقج يارب

[الوردة]

الاخت الكريمة
طلب منج إرسال رقمج ع الخاص
عندي كم سؤال
وان شاء الله اقدر اساعدج
اتمنى ماتتاخرين علي
وجزاك الله خير

[meeemz]

من قال بس هي انا اعرف جامعيات في البيت ومعدلاتهم جيد جدا ومب لاقين وظايف

[ريماس الغلا]

الله يوفقج

[<اضرب واشرد>]

عليكم بصلة الرحم

عليكم بصلة الرحم

عليكم بصلة الرحم

والله ييسر أمورنا وأموركم ويفرج علينا وعليكم

[مريديان]

الله يوفقج يارب أختي وييسر أمرج ,,’’,

[بنت قطريههه]

الله يجزاكم خير على تفاعلكم معانا


لاتنسوني الله يجزاكم خير ست سنين وانا انتظر وظيفه :(

[Bin Hood]

الله يسر لصاحبة الموضوع الوظيفة المحترمة وللأخت بنت قطرية

[بنت قطريههه]

استغفر الله العلي العظيم
*

*

[مملوحة الفال]

جزاكم الله خير جميع واعذروني ماقدرت اتواصل معاكم واشكركم

لأنه خربان واشكر الأخت الورده والأخ out

[امـ حمد]

الله ييسر لج امورج ويفرج همك

[مملوحة الفال]

الله ييسر لج امورج ويفرج همك


آمين وجزاك الله كل خير

[البيت بيتك]

الله يعينكم
وأهل الخير موجودين انشاء الله

[لوجين]

الله لا يلوم اللي يلوووووومج اختي والله يوفق لج ويوفق لي بعد انا وخواتي لانة نعاني من نفس مشكلتج بالضبط ولا بعد ازيدج من الشعر بيت اذا ابوج براتب تقاعدي 5000 الالاف وانتم 9 اشخاص حنا 10 اشخاص وبراتب تقاعدي 3000 الالف وكل الاعمار ماتقل عن ال 25 الى 38 سنة ومب محصلين وظايف والحالة حالة حتى عرس ماحد معرس على كبر الاعمار لية ؟؟؟ لانة مافية شي ومن وين واذا عرس وين يقدر يفتح بيت ويصرف هذا بانسبة للرييايل اما حنا البنات بعد مب نافعتنا على الاقل لمساعدت الاهل والاخوان اذا هم مب محصلين حنا نحصل ونساعد لين يقدرون يوقفون على ريولهم ونشيل نفسنا عنهم وعن الكل ونشيل الوالد والوالدة ونفسنا حنا البنات بعد عمرا طويل لانة مافية اي شي ولا حد بينفق علينا بعد عمر طويل والراتب ولا شي من حين
ناس ماكلة الخضر واليابس وبجشع تعامل البشر وناس ولا شي قاعدة تحصل00 شهادات بكالوريس على الاخرطي اكثر من 12 سنة و13 سنة ماانفعتنا بشي لاهنا ولا باي محل بتتاتا غير انة ننقعها بالماي ونشربها احسن
الله يوفقج ويخليج تتوفقين باي وظيفة وباي محل بالدوحة او بغير الدوحة المهم وظيفة بمثل مطلوبج
وشروطج االي هي راحتج فيها بتكون وتوفقني انا وخواتي بعد هالفترة باي محل وايا كان بوظيفة بمثل مطالبج وشروطج ونشتغل باخر عمرنا ونلحق على شي عدل نسوية لانفسنا ولاهالينا بعد ماالكل عيز وشيب ولا حصل شي ينفعة عدل بحياتة بتاتا لابعيد ولا قريب

[مضارب مستثمر]

الله يعينكم
وأهل الخير موجودين انشاء الله

[بنت قطريههه]

والله تحطمت اليوم ادور على الوزارات ويقولون سكرنا التوظيف والمعرض المهني طلع خرطي يبون للهندسه فقط يسدون الابواب في ويهي لارقيب ولا حسيب حسبي الله عليهم *

[التيما]

الله يوفقج وتلقين يارب

[بنت قطريههه]

التيما تسلمين على هالدعوه .. بس وين يعينون من الله خير الي سادين في وجيهنا الباب قال شهر اربعه التوظيف ،، ست سنين وشهر اربعه ينتظرني .

[barod]

الله يوفقكم ويسر اموركم يارب

[هبة ريح]

الله يوفقج ويسهل امورج انتي وخواتج ويسر اموركم جميعاً

[الجوكر90]

السلام عليكم
الشيخه عادي تشتغلين فبنك ربوي ؟
اذا اي طرشي السي في وانا بحاول من صوبي

[باحث قانوني]

يا الطيبة ابي اعرف شنهي شهاداتج

وابشري بالخير ان شاء الله

ودايم استعيني بالله على كل شي وربي ييسر امورج ان شاء الله



عسى الله يقدم اللي فيه خير للجميع

[عذب الكلام 1]

استغفر الله العلي العظيم
اكثرري من الاسغفار والله يفرجها

[مملوحة الفال]

الله يوفقج ويسهل امورج انتي وخواتج ويسر اموركم جميعاً

جزاك الله خير


السلام عليكم
الشيخه عادي تشتغلين فبنك ربوي ؟
اذا اي طرشي السي في وانا بحاول من صوبي

اخوي ماقدر اشتغل في بنك ربوي حتى وانا في اشد الحاجة لوظيفة اخوي ابي الله يوفقني وإن شاء الله مهب في بنوك ربوية وجزاك الله خير


يا الطيبة ابي اعرف شنهي شهاداتج

وابشري بالخير ان شاء الله

ودايم استعيني بالله على كل شي وربي ييسر امورج ان شاء الله



عسى الله يقدم اللي فيه خير للجميع

جرى التواصل معاك على الخاص


استغفر الله العلي العظيم
اكثرري من الاسغفار والله يفرجها

استغفر الله العلي العظيم واتوب اليه
جزاك الله خير

[Bin Hood]

ان شاء الله الفرج جريب

[بنت قطريههه]

وانا والله محتاجه الوظيفه ياريت من يقدر يساعدني في مكان مب خلط

[بازار]

اختي راجعي الخاص ..

[محمد الجفيري]

الله يرزقج ويوفقج ويفتحها عليج انتي وباقي البنات والشباب المحتاجين والغير محتاجين يارب وفق الجميع لما تحبه وترضاه
والله يفتحها عليكم ويارب تلقين الي يساعدج اختي

[الجوكر90]

اخوي ماقدر اشتغل في بنك ربوي حتى وانا في اشد الحاجة لوظيفة اخوي ابي الله يوفقني وإن شاء الله مهب في بنوك ربوية وجزاك الله خير





ولا انا احب هالاماكن
بس قلت يمكن تبين اي شغله
وبالتوفيق ان شاء الله

[الألماسي]

مطلوب معلمات وموظفات وإداريات

لمؤسسة تعليمية خاصة في الوكرة

للاستفسار :

جوال : 55525352

فاكس: 44631380

إيميل : sunrise2200@hotmail.com

بالتوفيق

[Bin Hood]

الله يسر لك امورك

[مدرسة]

الله يوفقج و ييسر امورج

ليش ما قدمتي في المدارس المستقلة يبون اداريات ثانوية عامة

[برشلوني قطر]

الله يوفقج ف وظيفه تتناسب معاج

[ziad1971]

الله ييسر امرك ويوفقك بإذنه سبحانه
بس ابي اطلب منك شيء اذا لقيتي وظيفة
حاولي توخدين دورات عشان تطورين نفسك وراتبك راح يصير افضل وافضل كل ما زدتي في الدورات
شهادة الثانوية العامة ما هي بمستقبل لأي وظيفة

الله ييسر امرك

[فتافيت]

لازم الخلط مافي مكان مافيه خلط


الله يعينج

[صوت الضمير]

وين اهتمام الدولة بالمتقاعدين .. انا ابوي بعد راتبه خمس الاف

بين أسره ..

بس احنا احسن حال من اختي .. لان عندنا شباب يشتغلون ويساعدون بمصاريف البيت

هناك تقصير واضح من الدولة...

على الاقل تصرف مساعدات للابناء المتقاعدون ..

الله يوفقك يأختي ويرزقكم حاسه فيكم..

انا خريجة جامعة وقاعده بالبيت والحمدلله على كل حال

احنا موب باتصال يوظفونا .. ولا اول مانتخرج الوظيفه تنتظرنا

احنا لنا الله .. الله كريم

أبداع

[الفرحه]

الله يفرج همج يارب من فترة سمعت ان وزارة الصحة ياخذون المبنى الازرق .والله اعلم

[الساهرة]

الله يوفقج ف وظيفه تتناسب معاج
ويفرجها لج دنيا واخره

[ازغوىAAA]

ابداع بصراحه كلج بداع وان شاء الله يتغير الحال للاحسن

[doha70999]

الله يوفقج اختي

وحسبي الله على الظالم واللي قاعد يشوف وضع شباب قطر وساكت حسبي الله عليهم

[مبرمج QA]

اختي راجعي الخاص ..

[مملوحة الفال]

جزاكم الله خير جميع وإن شاء الله بيكون فيه تواصل

بخصوص الايميلات اللي طرشتوها لجهات العمل

و الله يرحم والديكم

[ورقــة أمــل]

الله يوفقج اختي وان شاء الله تلقين شغل

اتمنى لج التوفيق بس احذري من البعض ياخذون بياناتج وجذي بعدين ماتشوفين منهم شي لان هذي بالنهاية نت والحذر واجب

اذا احد وعدج روحي الجهة اللي قالج عنها وقدمي بنفسج والله يسهل امورج....

في جهات كثيرة تاخذ ثنوية عامة يمكن اسهل شي عندج وزارة الداخلية ياخذون بنات وايد ثنوية عامة واعدادي حاولي تقدمين عندهم...

[mask53]

الله يوفقج بوظيفه ماعندي الا الدعاء ومن الله الاجابه

[ولد ازغوى]

موفقه انشالله