قطــــر حبيبتي بلادي فقيرة .. poor country [الأرشيف]

الحياة الخالدة

08-06-2011, 08:24 AM

صبحكم / مساكم الله بالخير ..

قدر الله علي أدخل مستشفى حمد من كم يوم و طلعت بالسلامة .. و لله الحمد و المنة ..

لكن خل أقول لكم بعضاً من مشاهداتي اللي تعور القلب ..

أول شي في الطواريء :
كانت حرارتي مرتفعة و التهاب في الدم .. دخلوني قسم الاقامة القصيرة و ركبوا المغذي ..
طبعاً الغرفة مليانة من كل الجنسيات ..
و الأسرة جنب بعض .. و واصلة لين الباب ..
بس للأمانة في بينها ستاير ..
علقوا علي المغذي و شوي الا حد قاعد يدز حامل المحلول i.v.stand
قلت مساكين من الزحمة الله يعينهم .. بس خفت الابرة تطلع كشفت الستارة شوي و الا وحدة قاعدة على الحامل على الأرض .. شلون مدري ..
ما في كراسي .. و ما في مكان أصلا حق كراسي .. :rolleyes2:
poor country :(

ثانياً :
يات الممرضة تسحب دم .. و الا تربط يدي بقفاز ..
قلتلها مافي الربطة البلاستيكية المخصصة قالت لا ..
قلت لها اي صح
poor country :(

ثالثاً :
كتبوا لي حق دخول .. قلت الحمد لله .. و الله يستر على الغرفة
طبعاً مافي الا غرفة عمومية
بس الحمد لله الحمد لله لقينا غرفة بفلوس ..
الله يسرها بسرعة مع ان حتى هالشي صعب ..
نطرنا البوي يجي يوصلنا فوق .. و هني تعطلنا .. ساعة الله وكيلكم ..
قلنا بنروح مشي .. قالوا ممنوع
ساعة كاملة .. لحد ما رجعت هددتهم اني بطلع فوق مشي ..
قالوا مافي الا 1 مدري اثنين و مشغولين
قلت صح يا حرام ..
poor country :(

أخيراً :
طلعت الحمد لله بالسلامة بعد كم يوم ..
بس لي ابر مضاد لازم كل يوم اروح المستشفى عشان يعطوني اياها
رحت .. الغرفة العمومية المعروفة
رجال و نسوان و بينهم ستاير
الغرفة كان فيها من غير مبالغة 3 رجال على أسرة .. و 4 على كراسي
و 5 حريم على كراسي و انا السادسة و 3 ممرضات
و لكم أن تتخيلوا شلون يحطون الابرة و شلون يركبون أكثر من دوا في نفس الحامل
قلت لهم عالاقل افتحوا غرفة ثانية افصلوا الحريم عن الرجال .. قالوا الحين العصر مسموح لنا بس غرفة وحدة
قلت لهم صح الله يعينكم ..
:( poor country
قالو لا حرام لا تقولين جذي قطر غنية
قلت صح غنية .. بس مب حق أهلها ..

و رجعت و في اليد إبرة ..
و في القلب حسرة ..
و على اللسان دعوة ..
و حسبنا الله و نعم الوكيل .. و لا حول و لا قوة إلا باللـــــه ..

شبح الصمت

08-06-2011, 08:26 AM

حمد لله على سلامتج وخطاج الشر وأجر وعافيه

ضوى

08-06-2011, 08:29 AM

بالطواري نساء ورجال ؟؟؟؟

سهم الخيانة

08-06-2011, 08:29 AM

حسبي الله ونعمه الوكيل فيكم
لا تحمدون ولا تشكرون

chillis

08-06-2011, 08:30 AM

تستاهلين السلامه بس سؤال الي يطرح نفسه انا سمعت ان الطوارئ الحين انقسم قسمين قسم للقطرين وقسم للاجانب هل صح هالمعلومه ولا غلط ؟

بن غيث

08-06-2011, 08:30 AM

والمشكلة ان كل يوم نسمع ان قطر تتبرع بكم مليون هني وهناك
المفروض يعدلون الي في الداخل قبل لا يتبرعون برع

سارونه

08-06-2011, 08:32 AM

الحمد لله على السلامة .. الله يكون بالعون .. ما في الا الدعاء لله ..

يارب يكون معانا ويحمي قطر من كل حاسد ومحتال وحرامي ..

الحياة الخالدة

08-06-2011, 08:33 AM

حمد لله على سلامتج وخطاج الشر وأجر وعافيه

اللــــه يسلمك .. و الشر ما يجيك ..
و الله يعافيك .. و يعافي غاليك ..

و الله ما تضايقت من المرض كثر ما تضايقت من الأوضاع ..
فلوسنا برة حق مدن طبية كاملة متكاملة
و احنا على هالمستشفى العام الوحيد ..
قالوا بيفتحون .. و بيفتحون ..
و فتحوا ..
و لكن .. يبقى الحال على ما هو عليه ..

ام حمادي

08-06-2011, 08:34 AM

الحمدلله على سلامتج اول شي

بعدين مالقيتي الا مقصبة حمد ع قولة الوالده فديتها

محد مهتم فيها لان اصحاب القرار ما يتنازلون يتعالجون فيها فما يهتمون فيه ابداً

النائب

08-06-2011, 08:34 AM

باقي يستدحون كل شخصين في سرير وتكمل سالفة القصر العيني في مصر

الحياة الخالدة

08-06-2011, 08:37 AM

بالطواري نساء ورجال ؟؟؟؟

لا حبيبتي ..

الرجال و النساء في غرفة العلاج اللي يسمونها i.v. room
في الطابق الخامس 2 جنوب

هذا عقب ما طلعت من المستشفى و قمت أراجع يومياً عشان يركبون علي إبرة المضاد

نوفي

08-06-2011, 08:37 AM

الحمدالله على سلامتج ماتشوفين شر ان شاءالله

الله يعينا ويعينج مالنا الا الصبر وربج بيفرجها ان شاءالله

كازانوفا

08-06-2011, 08:37 AM

الحمدلله على سلامتك هذا اهم شي
والباقي ارميه وراكي يمكن اللى شفتيه عشان تحمدي الله
لانه يستاهل الحمد بكل الاحوال

والحمدلله على سلا متك

دلة الرسلان

08-06-2011, 08:38 AM

لا والعجيب يعزمون خلق الله عليه على قولة فلانه مكسورة وتبرد:(

الحياة الخالدة

08-06-2011, 08:38 AM

حسبي الله ونعمه الوكيل فيكم
لا تحمدون ولا تشكرون

جزاك الله خير

الحمد لله و الشكر

حسبي الله و نعم الوكيل ..

درع الوطن

08-06-2011, 08:39 AM

أولاً الحمد لله على السلامه أختي

وفيه مقولة مشهوره بخصوص مستشفى حمد:
الداخل فيه مفقود والخارج منه مولود :eek5:

أنا رحت مره أزور واحد من الربع حصلته مرقدينه تحت في الطوارئ لمدة يومين بسبب عدم وجود سرير فاضي وكان يشتكي من القلب ويصيح أنه مو قادر ينام ولا يرتاح ...
تخيل انك تكون تعبان وتتألم وماتقدر تنام من الإزعاج والصراخ من المصابين ومن المفجوعين بموت قريب لهم ... والزحمة غير شكل وأختلط الحابل بالنابل .. والله إني كنت شاهد على هالشي

ماقول إلا .. لاحول ولا قوة إلا بالله العلي العظيم ..والحمد لله رب العالمين

قطرية ونص

08-06-2011, 08:42 AM

الف حمد لله على سلامتج
والله المستعان

الحياة الخالدة

08-06-2011, 08:44 AM

تستاهلين السلامه بس سؤال الي يطرح نفسه انا سمعت ان الطوارئ الحين انقسم قسمين قسم للقطرين وقسم للاجانب هل صح هالمعلومه ولا غلط ؟

الله يسلمج يا غالية ..

شقول لج .. و الله مدري .. :rolleyes2:
القسم اللي كنت فيه .. من كل الجنسيات ..
الا اذا كانوا اللي في الغرفة كلهم مجنسين .. هذا شي ثاني ..
كل شي يصير ..
بس ما اتوقع لانهم كانوا يروحون يدفعون فلوس ..

الحياة الخالدة

08-06-2011, 08:50 AM

والمشكلة ان كل يوم نسمع ان قطر تتبرع بكم مليون هني وهناك
المفروض يعدلون الي في الداخل قبل لا يتبرعون برع

و احنا و الله يا خوي ما نعترض أبداً على التبرعات ..
بالعكس .. فيها أجر كبير ..
و لما يستدعي الأمر تشوف حتى الشعب كله يتبرع ..
اللي عنده و اللي ما عنده

لكن يحز في نفسك لما تروح مستشفى في بلادك
و تحس كأنك في مخيمات الإغاثة من كثر الزحمة و نقص الامدادات
حتى يمكن المخيمات حالها أرحم
لأنها بتطلع في وسائل الإعلام قدام كل العالم ..
فلازم الصورة تكون مشرفة

خلهم يدشون بإعلامهم الطوارئ و لو يوم واحد ..
عشان الكل يشوف معاناة الناس ..

لا حول و لا قوة إلا بالله

برق لمع

08-06-2011, 08:51 AM

تستاهلين السلامه بس سؤال الي يطرح نفسه انا سمعت ان الطوارئ الحين انقسم قسمين قسم للقطرين وقسم للاجانب هل صح هالمعلومه ولا غلط ؟

اخت CHILLIS لا مب صحيح هالكلام ، وانا مثلج بعد سمعت واستانست قلت اخيراً بيميزونا ويرفعونا درجة :anger1:
انا ابيج يوم من الايام تروحين طواريء مستشفى حمد العام وتشوفين الحالة المأساوية هناك
لان كل اللي ذكرته اختي الحياة الخالدة صحيح وانا عشته بنفسي والله تقولين قاعدين في أديس بابا مو في قطر اللي فيها سباير وفيلاجيو وغيره وغيره ،، يااااالله ياااالله كم الوضع مزري هناك
وكله كوم والمريض يكشف عليه الدكتور بين ستاير كوم ،،بالضبط نفس الافلام الهندية
الحين بدال لا يدفعون مليارات في بناء ملاعب مش من الاولى يهتمون بالمستشفيات والصحة
انا مقهووووووووووورة
قسم بالله حرام ولد البلد يتعالج مع الهنود وعمال النظافة في نفس الغرفة ،، على الاقل لنا غرفة خاصة ما نندمج مع هالفئات من المجتمع ،، اكثرهم عمال بناء ونظافة ومن المنطقة الصناعية ،،،

أم حمد

08-06-2011, 08:51 AM

اولا" الحمدالله على السلامه

ثانيا" مايحتاج تقولين لي

شفت الوضع بعيني وكان لي شكوى على وطني الحبيب من كم شهر بخصوص الكلام اللي ذكرتيه

وكلموني العلاقات العامه

والظاهر انهم على وضعهم لقطرين محذفين فالطواري مع العمال في غرفة وحده !

نفسي في شي واحد بس

وزير الصحة يداوم من 7 الصبح الى 10 بالليل

طورائ حمد !!

واشوف ردت فعله وتعقيبه على سير العمل والوضع فالطوارئ

وطوارئ الولاده <======== هذي قصه ثانيه الله اعلم بها الوزير مش مهم يعلم بها لكن في ذمته !

:telephone:

ولي العهد

08-06-2011, 08:53 AM

سلامات واجر وعافيه ولاباس عليج

الحياة الخالدة

08-06-2011, 08:57 AM

الحمد لله على السلامة .. الله يكون بالعون .. ما في الا الدعاء لله ..

يارب يكون معانا ويحمي قطر من كل حاسد ومحتال وحرامي ..

الله يسلمج يا قلبي من كل شر

اللهم لك الحمد حمداً كثيراً طيباً مباركاً فيه ..
و الله راضيين بأمراضنا و حامدين و شاكرين ..

بس نفضفض عن اللي في قلوبنا شوي ..
في ناس حتى هاذي مستكثرتها عليج .. :(

اللهم آمين .. اللهم آمين .. اللهم آمين

الحال مايساعد

08-06-2011, 08:58 AM

نموذج من السلف الصالح وكيف يشكر ربه على نعمه بالرغم ما حل به من بلاء عظيم

أحد السلف كان أقرع الرأس ، أبرص البدن ، أعمى العينين ، مشلول القدمين واليدين وكان يقول: 'الحمد لله الذي عافاني مما ابتلى به كثيراً ممن خلق، وفضلني تفضيلاً '.

فمر به رجل فقال له: مما عافاك؟ أعمى وأبرص وأقرع ومشلول فمما عافاك؟

فقال:ويحك يا رجل؛ جعل لي لساناً ذاكراً، وقلباً شاكراً، وبدناً على البلاء صابراً،

'اللهم ما أصبح بي من نعمه أو بأحد من خلقك فمنك وحدك لا شريك لك، فلك الحمد ولك الشكـر. قال تعالى:
{وَمَن يَعْشُ عَن ذِكْرِ اْلرَّحْمَنِ
نُقَيِّض لَهُ شَيْطَاناً فَهُوَ لًهُ قَرِينٌ} الزخرف 36.

الحمد لله على كل حال ، الحمد لله الحمد لله الحمد لله

روح الاطلس

08-06-2011, 09:01 AM

بالطواري نساء ورجال ؟؟؟؟

اي نعم سرير عليه حرمة وجنبها سرير فيه ريال وجنبهم سرير فيه هندي

عادي مخلوطة :)

الحياة الخالدة

08-06-2011, 09:03 AM

الحمدلله على سلامتج اول شي

بعدين مالقيتي الا مقصبة حمد ع قولة الوالده فديتها

محد مهتم فيها لان اصحاب القرار ما يتنازلون يتعالجون فيها فما يهتمون فيه ابداً

الله يسلمج حبيبة قلبي

بحكم اني موظفة هناك و كنت مداومة فرحت الطوارئ
يعني متوصيين فيني الله يسلمج
الله يخلي لج الوالدة و يطول بعمرها

بس لما يضطرون يدخلون يتعالجون فيه لأي سبب من الأسباب
ساعتها يستوعبون الوضع
بس يعني ما يطولون فيه
لأنهم يتصرفون بسرعة و يسافرن للعلاج بالخارج

و الحمد لله على كل حال

alsubaiai

08-06-2011, 09:04 AM

حسبي الله ونعمه الوكيل فيكم
لا تحمدون ولا تشكرون

:eek5:

الحياة الخالدة

08-06-2011, 09:09 AM

باقي يستدحون كل شخصين في سرير وتكمل سالفة القصر العيني في مصر

بالضبط أخوي
هذا بس اللي ناقص عشان تكمل :(

بس عالأقل لما هالشي يصير في مصر معروفة ليش ..
أعدادهم ما شاء الله بالملايين .. و مو ملحقين عليهم ..

لكن احنا كم عددنا ..
و على أساس ..
ان احنا دولة غنية فلوسها تتوزع يمين و يسار و فوق و تحت ..

الحياة الخالدة

08-06-2011, 09:11 AM

الحمدالله على سلامتج ماتشوفين شر ان شاءالله

الله يعينا ويعينج مالنا الا الصبر وربج بيفرجها ان شاءالله

الله يسلمج حبيبتي و يسلم غاليج ..
و الشر ما يجيج يا رب ..

اللهم آمين ..
و الصبر مفتاح الفرج ..

Qatar-Qa

08-06-2011, 09:16 AM

حسبي الله ونعم الوكيل في المسؤول عن اللي صاير

لو بس كان التعيين والتوظيف للمسؤولين على اساس الخبره والشهاده والانجازات ومب على أي ( اساس ثاني ) وقتها بس بنتطور*

النائب

08-06-2011, 09:16 AM

بالضبط أخوي
هذا بس اللي ناقص عشان تكمل :(

بس عالأقل لما هالشي يصير في مصر معروفة ليش ..
أعدادهم ما شاء الله بالملايين .. و مو ملحقين عليهم ..

لكن احنا كم عددنا ..
و على أساس ..
ان احنا دولة غنية فلوسها تتوزع يمين و يسار و فوق و تحت ..

ليس المهم أن تكون دولة غنية لأن فيه شي إسمه ( البركة ) ....!

الحياة الخالدة

08-06-2011, 09:21 AM

الحمدلله على سلامتك هذا اهم شي

الله يسلمج من كل شر يا قلبي ..

والباقي ارميه وراكي يمكن اللى شفتيه عشان تحمدي الله
لانه يستاهل الحمد بكل الاحوال

اللهم لك الحمد و لك الشكر ..
و ربي يستاهل الحمد و الشكر ..
على الخير و الشر ..
و لنا في كل شي بإذن الله أجر ..

والحمدلله على سلا متك

جزاكِ الله خير أختى كازانوفا

R 7 A L

08-06-2011, 09:25 AM

في البداية الحمدلله على السلامة وخطاك الشر وأجر وعافية ان شاء الله

رأيي في الصحه او الطب او مؤسسة حمد
لن يتغير
دام فية أكثر من جهه عليا حكومية خاصة بالطب فلن يتعدل الحال لو صرف علية مليارات
اذا صارت وزارة او هيئة الصحة ومؤسسة حمد الطبية جهه وحدة راح يتعدل الوضع وينتظم هرم الصحة عندنا في قطر .

الحياة الخالدة

08-06-2011, 09:26 AM

لا والعجيب يعزمون خلق الله عليه على قولة فلانه مكسورة وتبرد:(

و احنا نقول ..

اللي ما يدري يقول حلبة .. و اللي يدري متوحلٍ بـــــه ..

الدمعه

08-06-2011, 09:26 AM

الحمدلله عالسلامه .. وخطاج الشر ..

والله يرحمنا برحمته الواسعه ...

وحسبي الله على من يحاول يكذَب ويسكر حلوج المواطنين ... حتى عن الفضفضه ..:nop:

قبل اسبوعين كنت في طواريء الولاده مع اختي من كثر الزحمه ومافي سراير

حتى في الطواريء ... حولوهم مستشفى الخور .. المره بتولد يقولون لها

صبري شوي مافي سرير :anger1:

برق لمع

08-06-2011, 09:29 AM

ليس المهم أن تكون دولة غنية لأن فيه شي إسمه ( البركة ) ....!

وإذا كانت غنية نفس قطر وفي مجال مهم نفس الصحة لماذا التردد في تحسين الاوضاع
وارضاء اهل البلد وإكرامهم ،،، اليس هذا اجحاف وظلم لنا ؟؟؟؟
ولو كنا دولة فقيرة محد راح يتذمر بنقول هذا الموجود ونرضى به

برق لمع

08-06-2011, 09:30 AM

الحياة الخالدة

08-06-2011, 09:34 AM

أولاً الحمد لله على السلامه أختي

الله يسلمك من كل شر أخوي

وفيه مقولة مشهوره بخصوص مستشفى حمد:
الداخل فيه مفقود والخارج منه مولود :eek5:

أنا رحت مره أزور واحد من الربع حصلته مرقدينه تحت في الطوارئ لمدة يومين بسبب عدم وجود سرير فاضي وكان يشتكي من القلب ويصيح أنه مو قادر ينام ولا يرتاح ...
تخيل انك تكون تعبان وتتألم وماتقدر تنام من الإزعاج والصراخ من المصابين ومن المفجوعين بموت قريب لهم ... والزحمة غير شكل وأختلط الحابل بالنابل .. والله إني كنت شاهد على هالشي

و ياما قصص انقالت ..
و قصص أكثر ما انقالت ..
الله لا يحوجنا و لا يحوجكم للمستشفيات ..
و يشفي مرضى المسلمين يا رب ..
الموظفين يحاولون و الكثير منهم و الله يحاولون قد ما يقدرون
و كل هو و ضميره
لكن الضغط على المستشفى ما يسمح ..

ماقول إلا .. لاحول ولا قوة إلا بالله العلي العظيم ..والحمد لله رب العالمين

اللهم لك الحمد
جزاك الله خير أخوي

الحياة الخالدة

08-06-2011, 09:37 AM

الف حمد لله على سلامتج
والله المستعان

الله يسلمج حبيبة قلبي ..
جزاج الله خير ..

بوخالد911

08-06-2011, 09:38 AM

حمدلله ع السلامة

افضل شي خصصوا مكان خاص للقطريين

موووفقين

الطيب عنواني

08-06-2011, 09:38 AM

الحياة الخالدة

08-06-2011, 09:47 AM

اخت chillis لا مب صحيح هالكلام ، وانا مثلج بعد سمعت واستانست قلت اخيراً بيميزونا ويرفعونا درجة :anger1:
انا ابيج يوم من الايام تروحين طواريء مستشفى حمد العام وتشوفين الحالة المأساوية هناك
لان كل اللي ذكرته اختي الحياة الخالدة صحيح وانا عشته بنفسي والله تقولين قاعدين في أديس بابا مو في قطر اللي فيها سباير وفيلاجيو وغيره وغيره ،، يااااالله ياااالله كم الوضع مزري هناك
وكله كوم والمريض يكشف عليه الدكتور بين ستاير كوم ،،بالضبط نفس الافلام الهندية
الحين بدال لا يدفعون مليارات في بناء ملاعب مش من الاولى يهتمون بالمستشفيات والصحة
انا مقهووووووووووورة
قسم بالله حرام ولد البلد يتعالج مع الهنود وعمال النظافة في نفس الغرفة ،، على الاقل لنا غرفة خاصة ما نندمج مع هالفئات من المجتمع ،، اكثرهم عمال بناء ونظافة ومن المنطقة الصناعية ،،،

بالفعل هو مثل ما ذكرتي أختي الكريمة
يكشف علينا يبلفيت من ورا الستارة
يا هالستارة اللي أي هوا أو حد يمر عليها تنكشف
و انتي و حظج عاد يكون حد مار من المرضى أو أهاليهم .. أو البويات اللي وقت الحاجة ما تلقاهم .. بس وقت الفرجة حاضرين و عند ويهك

احنا يا أختي ما نستهين بأحد .. و لا نتعالى على أحد
كلنا بشر .. و محد أحسن من أحد ..
و المرض ماله جنسية
بس نبي الستر علينا
و الكرامة في بلادنا
هذا و احنا في بلادنا جذي
لو نروح برة و يقدر علينا ربي المرض .. ايش بيسوون فينا هناك
أتوقع بنلقى معاملة أحسن شوي

الحياة الخالدة

08-06-2011, 09:55 AM

اولا" الحمدالله على السلامه

الله يسلمج من كل مكروه يا رب

ثانيا" مايحتاج تقولين لي

شفت الوضع بعيني وكان لي شكوى على وطني الحبيب من كم شهر بخصوص الكلام اللي ذكرتيه

وكلموني العلاقات العامه

والظاهر انهم على وضعهم لقطرين محذفين فالطواري مع العمال في غرفة وحده !

نفسي في شي واحد بس

وزير الصحة يداوم من 7 الصبح الى 10 بالليل

طورائ حمد !!

واشوف ردت فعله وتعقيبه على سير العمل والوضع فالطوارئ

تهقين ممكن هو يسويها ..
أو أي حد من المسؤولين ..
الله يرحم سيدنا عمر بن الخطاب - رضي الله عنه - يوم كان يتفقد أمور المسلمين
من نفسه و بدون محد يدري عنه
و تهقين انهم ما يدرون
و لا يسمعون .. و لا يشوفون
أشك في ذلك

إذا كنت لا تدري فتلك مصيبــــةٌ ..
و إن كنت تدري .. فالمصيبة أعظــــــمُ ..

وطوارئ الولاده <======== هذي قصه ثانيه الله اعلم بها الوزير مش مهم يعلم بها لكن في ذمته !

:telephone:

لا حول و لا قوة إلا بالله العلي العظيم ..

الحياة الخالدة

08-06-2011, 09:57 AM

سلامات واجر وعافيه ولاباس عليج

الله يسلمــــك أخوي ..

و لا يراويك مكروه في غالي ..

الحياة الخالدة

08-06-2011, 10:01 AM

نموذج من السلف الصالح وكيف يشكر ربه على نعمه بالرغم ما حل به من بلاء عظيم

أحد السلف كان أقرع الرأس ، أبرص البدن ، أعمى العينين ، مشلول القدمين واليدين وكان يقول: 'الحمد لله الذي عافاني مما ابتلى به كثيراً ممن خلق، وفضلني تفضيلاً '.

فمر به رجل فقال له: مما عافاك؟ أعمى وأبرص وأقرع ومشلول فمما عافاك؟

فقال:ويحك يا رجل؛ جعل لي لساناً ذاكراً، وقلباً شاكراً، وبدناً على البلاء صابراً،

'اللهم ما أصبح بي من نعمه أو بأحد من خلقك فمنك وحدك لا شريك لك، فلك الحمد ولك الشكـر. قال تعالى:
{وَمَن يَعْشُ عَن ذِكْرِ اْلرَّحْمَنِ
نُقَيِّض لَهُ شَيْطَاناً فَهُوَ لًهُ قَرِينٌ} الزخرف 36.

الحمد لله على كل حال ، الحمد لله الحمد لله الحمد لله

اللهم لك الحمد حمداً كثيراً طيباً مباركاً فيه ..
كما ينبغي لجلال وجهك و عظيم سلطانك ..

جواك الله خير أخي الكريم ..

الحياة الخالدة

08-06-2011, 10:03 AM

اي نعم سرير عليه حرمة وجنبها سرير فيه ريال وجنبهم سرير فيه هندي

عادي مخلوطة :)

:secret: :omg:
تسلمين أختي روح الأطلس ..

Najla..

08-06-2011, 10:03 AM

خطاج الشر اختي وماتشوفين شر ..

مستشفى حمد من الزحمة الي عندهم ما قاموا يهتمون في المرضى الي يجونهم

ودايما يحسسونك ان انت عيار وكذاب ومافيك شي بس تدعي المرض..

بس الصراحه انا اهني مستشفى الخور .. والله عندهم عناية واهتمام واجهزتهم زينة ونظيفة

ودكاترتهم يعطونك وجه وكل شوي يمرون عليك ويتطمنون

ما شالله ما شالله

بس ارد واقولها مب حق سواد عينك يالقطري .. كله عشان يستفيدون الاجانب اللي يشتغلون في لفان

وهذي عوايدها قطر

الحياة الخالدة

08-06-2011, 10:05 AM

:eek5:

شفت شلون ياخوي

طلعنا احنا الغلطانين .. :rolleyes2:

سبحان الله العظيم ..

ما راح نحس بغيرنا .. الا لما ننحط في الموقف نفسه

الحياة الخالدة

08-06-2011, 10:08 AM

حسبي الله ونعم الوكيل في المسؤول عن اللي صاير

لو بس كان التعيين والتوظيف للمسؤولين على اساس الخبره والشهاده والانجازات ومب على أي ( اساس ثاني ) وقتها بس بنتطور*

هاذي أمانة ..

و اللي مو قد الأمانة لا يشيلها ..

و الا بياخذ وزر هالناس كلهم ..

جزاك الله خير ..

علي رشيد

08-06-2011, 10:11 AM

باقي يستدحون كل شخصين في سرير وتكمل سالفة القصر العيني في مصر

ههههههههههههههه :nice:

الحياة الخالدة

08-06-2011, 10:11 AM

ليس المهم أن تكون دولة غنية لأن فيه شي إسمه ( البركة ) ....!

صحيح أخوي النائب ..
في شي اسمه البركـــــة ..

و في شي اسمه حسن الإدارة

يوم قلت لهم احنا poor country
قالوا لا انتو دولة غنية بس قولي poor management
يعني سوء إدارة

الله يصلح الحال .. :omen2:

القيسي

08-06-2011, 10:11 AM

عسى الله يصلح الحال

برق لمع

08-06-2011, 10:14 AM

بالفعل هو مثل ما ذكرتي أختي الكريمة
يكشف علينا يبلفيت من ورا الستارة
يا هالستارة اللي أي هوا أو حد يمر عليها تنكشف
و انتي و حظج عاد يكون حد مار من المرضى أو أهاليهم .. أو البويات اللي وقت الحاجة ما تلقاهم .. بس وقت الفرجة حاضرين و عند ويهك

احنا يا أختي ما نستهين بأحد .. و لا نتعالى على أحد
كلنا بشر .. و محد أحسن من أحد ..
و المرض ماله جنسية
بس نبي الستر علينا
و الكرامة في بلادنا
هذا و احنا في بلادنا جذي
لو نروح برة و يقدر علينا ربي المرض .. ايش بيسوون فينا هناك
أتوقع بنلقى معاملة أحسن شوي

والله تعالجنا في كذا دولة في اسيا واوروبا وافريقيا
تصدقين عاد ان خدماتهم افضل وارقى ،، ماقولج المستشفيات الخاصة لا والله بل المستشفيات الحكومية عندهم

الحياة الخالدة

08-06-2011, 10:16 AM

في البداية الحمدلله على السلامة وخطاك الشر وأجر وعافية ان شاء الله

الله يسلمك أخوي رحال ..
خطاك اللاش ..
و الله يعافيك و غاليك من كل شر ..

رأيي في الصحه او الطب او مؤسسة حمد
لن يتغير
دام فية أكثر من جهه عليا حكومية خاصة بالطب فلن يتعدل الحال لو صرف علية مليارات
اذا صارت وزارة او هيئة الصحة ومؤسسة حمد الطبية جهه وحدة راح يتعدل الوضع وينتظم هرم الصحة عندنا في قطر .

و نرد و نقول الله يصلح الحال ..
بارك الله فيك أخوي ..

الحياة الخالدة

08-06-2011, 10:22 AM

الحمدلله عالسلامه .. وخطاج الشر ..

الله يسلمج يا بنت العم ..
و خطاج اللاش يالغالية ..

والله يرحمنا برحمته الواسعه ...

اللهم آمين .. :omen2:

وحسبي الله على من يحاول يكذَب ويسكر حلوج المواطنين ... حتى عن الفضفضه ..:nop:

حسبي الله و نعم الوكيـــــل ..

قبل اسبوعين كنت في طواريء الولاده مع اختي من كثر الزحمه ومافي سراير

حتى في الطواريء ... حولوهم مستشفى الخور .. المره بتولد يقولون لها

صبري شوي مافي سرير :anger1:

في أشياء ينصبر عليها ..

و في أشياء مو بيدج ..
شلون بتصبر المرة اللي بتولد يعني و الياهل بيطلع !!
جان عندهم طريقة خل يعلمونكم .. :(

almaf1a

08-06-2011, 10:23 AM

ويقولن لنا العلاج مجاني

الحياة الخالدة

08-06-2011, 10:29 AM

وإذا كانت غنية نفس قطر وفي مجال مهم نفس الصحة لماذا التردد في تحسين الاوضاع
وارضاء اهل البلد وإكرامهم ،،، اليس هذا اجحاف وظلم لنا ؟؟؟؟
ولو كنا دولة فقيرة محد راح يتذمر بنقول هذا الموجود ونرضى به

يقول لج الأوضاع بتتعدل ..
و بنبني و بنفتح .. و بنسوي و بنسوي
بس مادري ليش في أشياء تجهز بسرعة البرق مثل المباني الرياضية و غيرها من الأشياء غير الحيوية
و في أمور مهمة و استراتيجية تتعطل سنين و تنطبخ مب على نار هادئة إلا على جمر .. أغلبه رمــــــاد ..

إلا ظلم و ظلم .. و يكذب من يقول غير هالكلام
و اللي يقول غيره .. مرده بينحط في الموقف و بيعرف ان الله حق

أنا الحمد لله ما صار لي الا شي بسيط و كل هالاشياء اللي ذكرتها بسيطة ..
لا تقارن بما يمر به غيري من المعاناة
و احنا نسمع و نشوف بنفوسنا .. البلد صغيرة و ما ينخش فيها شي

نفسي عزيزه

08-06-2011, 10:31 AM

الحمد الله على سلامتج :(

ولاحول ولاقوة الا بالله

وماتشوفين شر ان شاء الله

وبالنسبه للمستشفى الله يستر بس

ZURICH

08-06-2011, 10:35 AM

سلامـات ماتشوفين شر
دكاتره المستشفى استغفر الله ينقع الواحد بالدور على باله انه بيفحص عند بروفيسور يطلع دكتور ..... او ....... مايعرف يكتب على الكمبيوتر
ولا يعرف يشخص ويقولك وش تبي دواء .. !! الحين انا الطبيب او انت
واذا طلبت اجازة طبيه قال الله واكبر كحه وتبي طبيه ..

روحي خاص وفكي نفسك لازحمة ولاشي .. والدكتور يسألك جم يوم إجازة تبين ؟
الله يجزاهم خير يقدرون الظروف بس عيبهم بفلوس

دولة قطر.

08-06-2011, 10:38 AM

الله المستعان

المتحدث الرسمي

08-06-2011, 10:40 AM

..

خطاج الشر اختي

بس سؤال يعني مالقيتي الا مستشفى حمد ؟؟

انا عن نفسي مااروح له كلش و اذا مرضت بعيد الشر عن المسلمين اروح مستشفى خاص ادفع فلوس ولا انقهر وا نغث و امرض فوق مرضي بسبة هالمستشفى

مع اني مب من حملة التامين الصحي

الحياة الخالدة

08-06-2011, 10:41 AM

حمدلله ع السلامة

افضل شي خصصوا مكان خاص للقطريين

موووفقين

الله يسلمك أخوي ..

الحين ينط لك واحد يقول لك اشمعنى و اشمعنى

و انتو يالقطريين كله تبون تتميزون عن باقي البشر ..

ما يدرون ان القطري في بلاده بالع القهر و ساكت ..

برق لمع

08-06-2011, 10:42 AM

يقول لج الأوضاع بتتعدل ..
و بنبني و بنفتح .. و بنسوي و بنسوي
بس مادري ليش في أشياء تجهز بسرعة البرق مثل المباني الرياضية و غيرها من الأشياء غير الحيويةو في أمور مهمة و استراتيجية تتعطل سنين و تنطبخ مب على نار هادئة إلا على جمر .. أغلبه رمــــــاد ..

إلا ظلم و ظلم .. و يكذب من يقول غير هالكلام
و اللي يقول غيره .. مرده بينحط في الموقف و بيعرف ان الله حق

أنا الحمد لله ما صار لي الا شي بسيط و كل هالاشياء اللي ذكرتها بسيطة ..
لا تقارن بما يمر به غيري من المعاناة
و احنا نسمع و نشوف بنفوسنا .. البلد صغيرة و ما ينخش فيها شي

طبعا هالاشياء اولى وأحق
اما صحة المواطن وراحته فما اعتقد انها من الاولويات
الله المستعان

الحياة الخالدة

08-06-2011, 10:45 AM

هههههه يقولون صبري شوي <<< شر البلية ما يضحك

الله يكون في العون خلو الواحد يضحك من القهر .

اي صبروا .. ايش وراكم
كله بس تتحلطمون .. لا حمد و لا شكر

بينقال هالكلام لي و لك و لغيرنا ..

نضحك يا خوي .. و الا بننبط من الحرة ..

الحياة الخالدة

08-06-2011, 10:51 AM

خطاج الشر اختي وماتشوفين شر ..

خطاج اللاش حبيبتي .. و الله يبعد عنج كل شر ..

مستشفى حمد من الزحمة الي عندهم ما قاموا يهتمون في المرضى الي يجونهم

ودايما يحسسونك ان انت عيار وكذاب ومافيك شي بس تدعي المرض..

بس الصراحه انا اهني مستشفى الخور .. والله عندهم عناية واهتمام واجهزتهم زينة ونظيفة

ودكاترتهم يعطونك وجه وكل شوي يمرون عليك ويتطمنون

ما شالله ما شالله

بس ارد واقولها مب حق سواد عينك يالقطري .. كله عشان يستفيدون الاجانب اللي يشتغلون في لفان

وهذي عوايدها قطر

إذا بنحصل اهتمام و رعاية و حد يعطينا ويه ..
يا هلا و يا مرحبا بالاجانب ..

الحياة الخالدة

08-06-2011, 10:53 AM

ههههههههههههههه :nice:

و الله ياخـــوي شر البلية ما يضحك ..

الحين نقولها طنازة .. باجر تصير صج .. :rolleyes2:

الحياة الخالدة

08-06-2011, 10:55 AM

عسى الله يصلح الحال

اللهـــــم آميــــن .. :omen2:

الحياة الخالدة

08-06-2011, 10:57 AM

والله تعالجنا في كذا دولة في اسيا واوروبا وافريقيا
تصدقين عاد ان خدماتهم افضل وارقى ،، ماقولج المستشفيات الخاصة لا والله بل المستشفيات الحكومية عندهم

أصدق و انا اختـــــج .. أصدق

الله يعين بس ..

الحياة الخالدة

08-06-2011, 10:59 AM

ويقولن لنا العلاج مجاني

يقولون

و التعليم بعد

و الكهربا و الماي

بس انتو يا أهل قطر .. لا حمد و لا شكر :(

الله يفرجها علينا يا خوي :omen2:

ام السعف

08-06-2011, 11:04 AM

ما فيها شي ،، اشفيها لو تحسون في معاناة الناس في الدول الثانية !!

سؤال في خاطري :
عيال المسؤولين او المسؤولين لو مرضوا شيسوون ؟

هل معقولة يعرضون نفوسهم للمواقف هذي ؟

:)

الحياة الخالدة

08-06-2011, 11:04 AM

الحمد الله على سلامتج :(

الله يسلمك أخوي من كل شر ..

ولاحول ولاقوة الا بالله

وماتشوفين شر ان شاء الله

الشر ما يجيك ..
و الله يشفيك و يعافيك يا رب .. :omen2:

وبالنسبه للمستشفى الله يستر بس

اي و الله ..
الله يستر ..

الحياة الخالدة

08-06-2011, 11:08 AM

سلامـات ماتشوفين شر

الله يسلمك ياخــــوي من كل شر ..

دكاتره المستشفى استغفر الله ينقع الواحد بالدور على باله انه بيفحص عند بروفيسور يطلع دكتور ..... او ....... مايعرف يكتب على الكمبيوتر
ولا يعرف يشخص ويقولك وش تبي دواء .. !! الحين انا الطبيب او انت
واذا طلبت اجازة طبيه قال الله واكبر كحه وتبي طبيه ..

:secret:

روحي خاص وفكي نفسك لازحمة ولاشي .. والدكتور يسألك جم يوم إجازة تبين ؟
الله يجزاهم خير يقدرون الظروف بس عيبهم بفلوس

المشكلة ياخـــوي مو بالفلوس
أنا ما رحت لأن دوامي أصلاً في حمد .. و رحت للطوارئ لما مرضت فجأة وقت الدوام
و الحمد لله رب العالمين ..

الحياة الخالدة

08-06-2011, 11:10 AM

الله المستعان

و نعم باللـــــه ..

ولدالمنتدي

08-06-2011, 11:12 AM

خطاج الشر

الحياة الخالدة

08-06-2011, 11:15 AM

..

خطاج الشر اختي

خطــــاك اللاش ياخـــوي ..

بس سؤال يعني مالقيتي الا مستشفى حمد ؟؟

انا عن نفسي مااروح له كلش و اذا مرضت بعيد الشر عن المسلمين اروح مستشفى خاص ادفع فلوس ولا انقهر وا نغث و امرض فوق مرضي بسبة هالمستشفى

مع اني مب من حملة التامين الصحي

مثل ما قلت حق أخوي حوران
كنت مداومة في حمد و مرضت .. طبيعي أروح الطوارئ عندنا .. :rolleyes2:

في الأشياء الخفيفة اللي ما تستدعي خبرة كبيرة و أجهزة متطورة .. المستشفيات و العيادات الخاصة تنفع
و مو خسارة تدفع الفلوس في مكان انت ضامن الكفاءة فيه

لكن الخاص ما يصلح حق كل شي ..

الله يرحمنا برحمتــــه ..

جزاك الله خير أخوي ..

ANONYMOUS

08-06-2011, 11:22 AM

سلامات واجر وعافيه

لي رديتي الدوام.. حاولي تعالجين اي قصور واجهتيه مع المسؤول هناك

الحياة الخالدة

08-06-2011, 11:23 AM

ما فيها شي ،، اشفيها لو تحسون في معاناة الناس في الدول الثانية !!

و الله يختـــــج ما فيها شي ..
لا احنا أحسن منهم .. و لا هم أحسن منا ..
و معاناتهم أكثر منا و أكبر ..
بس احنا يا ام السعف فسقانين .. :(

سؤال في خاطري :

اسألي حبيبتي ..
لا تخلين شي في خاطرج
كم أم السعف عندنا ..

عيال المسؤولين او المسؤولين لو مرضوا شيسوون ؟

هل معقولة يعرضون نفوسهم للمواقف هذي ؟

:)

و الله يا حياتي .. يفداج الكذب ..

ما عرفت أحد منهم عشان أجاوبج ..

بس أتوقع اذا كبارية كلش
ليلة ليلتين بالكثير ..
في حمد أو أي مستشفى خاص
و من عقبها للخارج دايركت ..

يعني أتوقع جذي ..
و الله أعلم ..

الحياة الخالدة

08-06-2011, 11:25 AM

خطاج الشر

خطــــاك اللاش يا ولد المنتــــدى ..

الحياة الخالدة

08-06-2011, 11:28 AM

سلامات واجر وعافيه

الله يسلمك من كل شر أخــــــوي ..

لي رديتي الدوام.. حاولي تعالجين اي قصور واجهتيه مع المسؤول هناك

ان شاء الله .. :)

مستوى الدعم

08-06-2011, 11:36 AM

مستر قطر

08-06-2011, 11:41 AM

الحمد لله على سلامتج اشكرج على اسلوبج فالكتابه الي اكثر من رائع

برق لمع

08-06-2011, 12:01 PM

عزيزتي الحياة الخالدة..

الحمدلله على سلامتج وخطاج الشر..

مستشفى حمد الضغط عليه كبير ولأنه شبه مجاني لكثير من الجنسيات.. تلقين مالج محط ريل..

هم وصلوا لمرحلة يتعاملون مع الحالات بالأولوية الأخطر فالخطير..
اللوم مب على المستشفى.. اللوم على اللي في ايديهم الميزانيات وما يبنون مستشفى ثاني وثالث لاستيعاب الحالات المتزايدة نتيجة الانفجار السكاني المتفاقم...

والمشكلة أنه موظفين المستشفى عليهم ضغوط متزايدة.. والحوافز ضعيفة للاستمرار..

وحدة أعرفها كانت موظفة في المستشفى واستقالت من فترة بسيطة.. قالت أنه في اتفاقية بين مستشفى حمد ومستشفى السدرة .. أن السدرة ما توظف أي شخص يستقيل من حمد!!!

لكن عادي يستوردون لهم أجانب من برع يتمتعون بخيرات البلد..

بشر يعملون في ظل هذي الضغوط كلها.. ما أعرف شلون ممكن يكون لهم طاقة على خدمة الناس..

لا والله اخوي ويشهد الله اني انتظر دوري بطواريء حمد ومدخلين وحدة جات بعدي يمكن بساعة ولا حالتها خطيرة ولا شي كانت تلعب بالبلاك بيري على الكرسي
ويوم قلت للموظفة الموضوع قالت ولا يهمج انا بساعدج :eek5:
انا مابيها تساعدني ولا ابي اخذ مكان ناس وصلوا قبلي ابيهم يراعون النظام في الدور
لا والممرضات بما انهم اكثرهم هنديات فماشاء الله عليهم يساعدون ربعهم ويخلصونهم قبل غيرهم

الحياة الخالدة

08-06-2011, 02:47 PM

عزيزتي الحياة الخالدة..

الحمدلله على سلامتج وخطاج الشر..

الله يسلمج يا غالية .. و خطاج اللاش حبيبتي ..

مستشفى حمد الضغط عليه كبير ولأنه شبه مجاني لكثير من الجنسيات.. تلقين مالج محط ريل..

هم وصلوا لمرحلة يتعاملون مع الحالات بالأولوية الأخطر فالخطير..

اللوم مب على المستشفى.. اللوم على اللي في ايديهم الميزانيات وما يبنون مستشفى ثاني وثالث لاستيعاب الحالات المتزايدة نتيجة الانفجار السكاني المتفاقم...

والمشكلة أنه موظفين المستشفى عليهم ضغوط متزايدة.. والحوافز ضعيفة للاستمرار..

وحدة أعرفها كانت موظفة في المستشفى واستقالت من فترة بسيطة.. قالت أنه في اتفاقية بين مستشفى حمد ومستشفى السدرة .. أن السدرة ما توظف أي شخص يستقيل من حمد!!!

لكن عادي يستوردون لهم أجانب من برع يتمتعون بخيرات البلد..

بشر يعملون في ظل هذي الضغوط كلها.. ما أعرف شلون ممكن يكون لهم طاقة على خدمة الناس..

و انا يالغالية ماحط اللوم لا على المستشفى و لا على الموظفين ..
في ناس في الادارة نعرفهم يحاولون الاصلاح قدر استطاعتهم ..
و في موظفين / موظفات من جميع الدرجات الوظيفية يبذلون أقصى جهدهم ..
و الكل يشكر على ما يقدم ..
ممكن يكون في ناس مقصرين .. و هالشي موجود بكل مكان .. مو بس بالمستشفى
هذا الأمر يحكمه شي اسمه الضمير .. و شي اسمه الأخلاق ..

الأمر أكبر من ذلك .. مثل ما تفضلتي ..
الناس اللي بيدهم الحل و الربط ..
و بيدهم الميزانية ..
و بيدهم القرار ..
هذيلا هم المسؤولين .. و هم المحاسبين ..
و هم اللي بيوقف قدامهم كل واحد انظلم .. و كل واحد عانى ..
و كلهم قدام رب العالمين ..
ساعتها ما حد منا و لا منهم .. يقدر يتحجج و يتعذر .. أو يلف و يدور ..

الله لا يجعلنا من الظالمين يا رب ..

شكراً لج أختي .. مستوى الدعم

الحياة الخالدة

08-06-2011, 02:52 PM

الحمد لله على سلامتج اشكرج على اسلوبج فالكتابه الي اكثر من رائع

الله يسلمـــــك من كل شر أخوي مستر قطـــر ..

جزاك الله خير لكلماتك الطيبة .. :)

الحياة الخالدة

08-06-2011, 03:00 PM

لا والله اخوي ويشهد الله اني انتظر دوري بطواريء حمد ومدخلين وحدة جات بعدي يمكن بساعة ولا حالتها خطيرة ولا شي كانت تلعب بالبلاك بيري على الكرسي
ويوم قلت للموظفة الموضوع قالت ولا يهمج انا بساعدج :eek5:
انا مابيها تساعدني ولا ابي اخذ مكان ناس وصلوا قبلي ابيهم يراعون النظام في الدور
لا والممرضات بما انهم اكثرهم هنديات فماشاء الله عليهم يساعدون ربعهم ويخلصونهم قبل غيرهم

تصير يا حبيبتي تصير ..
في الطوارئ و في العيادات ..
تاخذين رقم 2 أو حتى 1 و تشوفين دورج مطول ..
و قدام عينج تشوفينهم يدشون قبلج بمصاحبة معارفهم من موظفين المستشفى ..
من جميع الجنسيات ..
و انتي بالعة الضيم و القهــــر و ساكتة ..

و صج مثل ما قلتي ..
حتى احنا يا موظفين المستشفى ..
نحتاج واسطــــة البويات في تخليص أمورنا ..
سبحان الله مب استهانة فيهم ..
بس هذا اللي يصير ..
يشوفج البوي منهم واقفة و متوهقة .. تكسرين خاطره .. و يتبرع لتخليص حاجتج ..
جزاهم الله خير .. :(

Dawn

08-06-2011, 03:44 PM

الحمدلله على السلامه حبيبتي ،، وما تشوفين شر

Stay Healthy قد ما تقدرين

هذا انتي عرفتي انج في Poor Country

نصيحه لج وللجميع ... درهم وقايه خير من قنطار علاج ..

والله المستعان

ع.م

08-06-2011, 05:25 PM

كل اللي قلتيه صح .. والوضع بعد أسوأ ..

وأحييج على أسلوبج الرائع في إيصال الفكرة..

الله كريم..

الحظ

08-06-2011, 05:40 PM

الحمد الله علي السلامة الي طلعة من هذا المستشفي وانت ماشي علي رجليك
لكم الله يأهل قطر

الحياة الخالدة

08-06-2011, 09:06 PM

الحمدلله على السلامه حبيبتي ،، وما تشوفين شر

الله يسلمج يا قلبي ..
و الشر ما يجيج ان شاء الله ..

stay healthy قد ما تقدرين

we are trying our best dear sister
but things are sometimes out of your hands

هذا انتي عرفتي انج في poor country

أنا قلتها من الحسرة اللي في قلبي
و انا ادري ان بلادنا مب فقيرة
الله منعم علينا .. و عليها بنعم لا تعد و لا تحصى .. و لله الحمد و الشكر
بس للأسف خيرها حق غيرها
و ارد اقول .. ما نبيها تقطع الخير عن المحتاجين
نبي أمورنا تتصلح و بس

نصيحه لج وللجميع ... درهم وقايه خير من قنطار علاج ..

كلامج في محله أختي
بس في النهاية .. المرض مقدر و مكتوب
و كله بأجره ان شاء الله ..

والله المستعان

و نعم باللــــه العظيم ..
بارك الله فيج أختي العزيزة ..

الحياة الخالدة

08-06-2011, 09:11 PM

كل اللي قلتيه صح .. والوضع بعد أسوأ ..

وأحييج على أسلوبج الرائع في إيصال الفكرة..

الله كريم..

الحمد للــــه ان الفكرة وصلت مثل ما أبيها ..
و اللي قلته غيض من فيض ..
و يمكن ما يعبر عن ربع ما يحدث في الواقع ..
لكن نتأمل خير ..
و ندعو الله من كل قلوبنا أن يصلح الأحوال ..

جزاكِ الله خير أختي العزيزة .. :)

الحياة الخالدة

08-06-2011, 09:19 PM

الحمد الله علي السلامة الي طلعة من هذا المستشفي وانت ماشي علي رجليك
لكم الله يأهل قطر

الله يسلمك من كل شر يا رب ..

اللهم لك الحمد و لك الشكر ..
و كل اللي يجي من ربي خيــــــر ..

أهل قطر .. ناس طيبين
و فيهم الخير ..
عمرهم ما تمنوا لغيرهم الا كل خير
سكتوا و سكتوا و سكتوا
و ما تكلموا الا لما فاض بهم الكيل
و شافوا بلادهم مثل الكيكة اللي يتهافت عليها الكل و يتقاسمونها
و هم قاعدين يتفرجون
و حتى الزود ( و اسمحو لي بهالكلمة ) مستكثرينه عليهم :(

و لا حول و لا قوة إلا بالله العلي العظيم ..

الـمـحـنـك

08-06-2011, 09:48 PM

الحياة الخالدة

08-06-2011, 10:04 PM

عندما يشتكي المواطن فأنه يتذمر وعندما يشتكي المقيم فهو صادق يعني الواحد مايدري شيقول احنا نحمد الله ونشكره على كل حال ولكن نريد الافضل لنا ولهلنا وعيالنا نريد الافضل لانه عندنا امكانيه للافضل لكن مافيه حد يتحرك صدق راعي المثل اللي يقول الحي يحييك والميت يزيدك غبن

صدقت أخـــــوي المحنك ..

و يقهرك أكثر اللي يقول لك انت ما تحمد و لا تشكر .. و ما عندك الا التشكي

يا أخي الأوضاع وصلت الناس حق شي مب في طبعهم
خلت اللي ما يتكلم يتكلم
و اللي ما يشتكي يشتكي
و اللي يده في النار .. مب مثل اللي يده في الماي

من يقول ان أهل قطر يوصل حالهم للشكوى لدرجة البكاء في وسائل الإعلام المختلفة
من كان يتخيل ان هالشي يصير في يوم من الايام
طول عمرنا عندنا عزة نفس
و أهلنا عاشوا على التمر و الماي و اللبن
عاشوا على خير الله من البحر .. من الصيد و اللولو
عانوا معاناة ما يعلم بها إلا ربنا
و كانوا ساكتين و راضيين .. و حامدين ربهم على كل شي
الحين غصب تكلموا لما صارت بلادهم في خير
و يسمعون قطر و قطر ..
قطر عندها و قطر عندها ..
مليارات الدولارات تروح حق فلان و علان
حق الشؤون الفلانية و العلانية
حق الدولة الشرقية و الدولة الغربية
و هاذي الأشياء المعلنة .. و الله يستر على غير المعلنة

و يوم يجون أهلنا يتكلمون .. و يطلبون أبسط حقوقهم
قالوا انتو ما تحمدون و لا تشكرون
لا و يتحسبون علينا بعد ..
سبحانك يا ربي .. سبحانك

هبوب الكوس

08-06-2011, 10:14 PM

الحمدلله على سلامتج من كل شر

وبخصوص الموضوع ما نقول الا الله كريم

الحياة الخالدة

08-06-2011, 10:55 PM

الحمدلله على سلامتج من كل شر

اللــــــه يسلمك يالهبوب .. و يسلم غاليك من كل مكروه ..

وبخصوص الموضوع ما نقول الا الله كريم

اللــــــه كريم ..

أحييك على تواقيعك المميزة أخوي الهبوب .. :)

بوحارب

08-06-2011, 11:03 PM

ماتشوفين شر لابأس طهور ان شاء الله

والله يعينكم على طواري حمد من زمان وهم يقدمون خدمة سيئة !!

بـــــــنت النوخـّــــذه

08-06-2011, 11:07 PM

باقي يستدحون كل شخصين في سرير وتكمل سالفة القصر العيني في مصر

اولا" اختي الحمد الله على سلامتج واجر عافيه حبيبتي الحياه الخالده

وثانيا" كلام النائب صحيح مره دخلت الطوارئ حسيت نفسي فعلا" بالقصر العيني والاسره تعبانه حيل والدكاتره وجيهم اللهم ياكافي اذا فيج مرض يشرد المرض منج 00

وثالثا" : انا اول واخر مره دخلت الطواري كان فيني اغماء اشوي ودخلت تمت الممرضه اتفر بيدي بالابره بغيت اموت اطلعت عيني ومن بعدها قلت توبه نوبه ادخل هالمقبره :weeping:

واما الحين كله مستشفى خاص ما اقدر اعرض نفسيتي للتعب بمستشفى حمد 00 لو ادفع دم قلبي بس اشتري راحتي وصحتي

واتمنى من الدوله يخلون لنا تأمين صحي للمستشفيات الخاصه ومستشفى حمد يعيدون التنظيم فيها وتأهيل الدكاتره عشان نقدر ندخلها واحنا مرتاحين نفسيا" وجسديا"

سلام (ن) عليكم
:)

الأستاذ

08-06-2011, 11:10 PM

السلام عليك أختي الحياة الخالدة ..
جعلك ما تشوفين شر ..
وأجر وعافية إن شاءالله ..
يوم كنت أقول الحياة صعبة ..
كنتِ تقولين نظارة سوداء ..
أشربي .. ..:)
هذا المستشفى تم تشييده عندما كان سكان قطر لا يتجاوزون 400 ألف نسمة ..
والآن عدد السكان تجاوز المليون و700 ألف ..
الظاهر الجماعة فاتهم القطار .. ونسوا ..
ومعذورين أيش بيبدون له ..
زيادة مدارس وإلاّ شوارع وإلا ابراج وإلا ملاعب ..
أصبروا إن شاء الله كم سنة وبينفتح مشفى الخور والوكرة وبتنحل المشكلة..
وخلال هذه الفترة من مات سنعتبره شهيد النهضة ..

khaldoon

08-06-2011, 11:17 PM

الحمد لله على سلامتج من كل شر

لا تعليق

الحياة الخالدة

08-06-2011, 11:20 PM

ماتشوفين شر لابأس طهور ان شاء الله

والله يعينكم على طواري حمد من زمان وهم يقدمون خدمة سيئة !!

اللـــــه يجيرك من الشر أخوي بوحارب ..
و عساك سالم من كل مكروه ..

و الله يا بوحارب .. في ناس تجتهد قدر إمكانها .. ما نبخسهم حقهم
بس الامكانيات ضعيفة .. خبرك poor country ..

اللهم لك الحمد ..

الحياة الخالدة

08-06-2011, 11:30 PM

اولا" اختي الحمد الله على سلامتج واجر عافيه حبيبتي الحياه الخالده

الله يسلمج و يعافيج من كل شر حبيبة قلبي
أحمد ربي أولاً و أخيراً على محبتكم و أخوتكم .. الله لا يخليني منكم يا رب ..

وثانيا" كلام النائب صحيح مره دخلت الطوارئ حسيت نفسي فعلا" بالقصر العيني والاسره تعبانه حيل والدكاتره وجيهم اللهم ياكافي اذا فيج مرض يشرد المرض منج 00

الله لا يحوج أحد لدخول الطوارئ ..
لأن الأوضاع فيه تكون معظم الأحيان مأساوية .. :(
و أكيد انتي تقصدين بعض الدكاترة .. :secret:
و اذا المرض بيشرد من وجيههم زين .. هذا هو المطلوب .. :)

وثالثا" : انا اول واخر مره دخلت الطواري كان فيني اغماء اشوي ودخلت تمت الممرضه اتفر بيدي بالابره بغيت اموت اطلعت عيني ومن بعدها قلت توبه نوبه ادخل هالمقبره :weeping:

اسم الله عليج .. ان شاء الله في عدوينج و اللي يكرهونج ..

واما الحين كله مستشفى خاص ما اقدر اعرض نفسيتي للتعب بمستشفى حمد 00 لو ادفع دم قلبي بس اشتري راحتي وصحتي

الله لا يحوجج و لا يحوج حبايبج لا للخاص و لا لغيره ..

واتمنى من الدوله يخلون لنا تأمين صحي للمستشفيات الخاصه ومستشفى حمد يعيدون التنظيم فيها وتأهيل الدكاتره عشان نقدر ندخلها واحنا مرتاحين نفسيا" وجسديا"

نتمنى .. و نتأمل خير ..
و ربـــــج كريم يالغالية ..

سلام (ن) عليكم
:)

و عليكم السلام و رحمة الله و بركاته ..

الحياة الخالدة

08-06-2011, 11:51 PM

السلام عليك أختي الحياة الخالدة ..
جعلك ما تشوفين شر ..
وأجر وعافية إن شاءالله ..

الشر ما يجيك أستاذنا
الله يعافيك و يسلم غاليك ..

يوم كنت أقول الحياة صعبة ..
كنتِ تقولين نظارة سوداء ..
أشربي .. ..:)

و من قال لك ان الحياة صارت سهلة .. :)
مجرد تغيير الأسماء لا يعني تغير الوضع ..
إنما يتغير تعاملنا معـــــه .. أو تكيفنا عليه ..
أشرب يا أستاذي .. أشرب .. مثل ما يشرب غيري ..

النظارة السوداء .. لقب أطلقه عليك صديقك اللدود .. و عدوك الحميم
أنا ما يخصني .. :secret:

هذا المستشفى تم تشييده عندما كان سكان قطر لا يتجاوزون 400 ألف نسمة ..
والآن عدد السكان تجاوز المليون و700 ألف ..

و ما زالوا أهل قطر الأصليين أقلية ..
كلهم كم 100 ألف و عيزانين عنهم ..

الظاهر الجماعة فاتهم القطار .. ونسوا ..
ومعذورين أيش بيبدون له ..
زيادة مدارس وإلاّ شوارع وإلا ابراج وإلا ملاعب ..

يا هالقطـــــــار .. اللي ياما فات ناس
بغض النظر عن نوعية القطـــــار ..
اي و الله ايش بيبدون لهم ..
المشكلة مشغولين و مشاريع .. و حالتهم حالة
و في النهاية
نسمع جعجعةً .. و لا نرى طحينــــــا :rolleyes2:
بس أهم شي الملاعب ..

أصبروا إن شاء الله كم سنة وبينفتح مشفى الخور والوكرة وبتنحل المشكلة..

أبشرك يالأستــــــاذ .. فتحوا ..
وينك انت ؟؟ مب في البلاد
بس ما انحلت المشكلة للحين ..

وخلال هذه الفترة من مات سنعتبره شهيد النهضة ..

و يا كثر الشهداء .. و الضحايا ..

شرفتني يا أستاذي .. :)

الحياة الخالدة

09-06-2011, 12:14 AM

الحمد لله على سلامتج من كل شر

لا تعليق

الله يسلمك يا خلدون من كل شر ..

ما يحتاج تعليق ..
يكفيني مرورك الكريم أخـــــوي ..

خزامئ

09-06-2011, 12:48 AM

وانا سار لي نفس الشي كان عندي في الرميله في قسم الاقامه القصيره موعد عمليه بصيطه وصلت 8 ونص على موعدي قالو لي مافيه سرير اجلسي على كرسي لين يطلع واحد من المرضى وجلست من 8 ونص لين 12 الاربع على كرسي كني لاجيه ولت فقاراء ماعندنا فلوس نبني لنا ميتشفيات
حسبي الله ونعم والوكيل
الله لا يسامح من ولا امر المسلمين ولا نصح في عمله
الواحد منهم اول مايزكم على طول يتعالج براء من افلوس مهب احق منا بها
الله يمهل ولا يهمل

قسماً

09-06-2011, 01:07 AM

الخزرجي قطر

09-06-2011, 01:14 AM

الحمد لله على السلامه اجر وعافيه ان شاالله

الحياة الخالدة

09-06-2011, 01:19 AM

sh50

09-06-2011, 01:24 AM

الحمدالله علئ سلامتج
وفعلا مستشفئ حمد اصبح لا يسع العالم هذيلا كلهم

الحياة الخالدة

09-06-2011, 01:27 AM

طواري مستشفى حمد غني عن التعريف ، اللي عمره مادخله مايدري عنه ،
الله لايحد كم عليه، شوفو غرف استقبال الحالات الطرئه ولا مادري شسمها
الله وكيلكم خلط حريم ورجال في نفس الغرفه مايفصل بينهم الا ستاره
الغرفه مزحومه ماتقدر تمشي فيها من كثر الناس اللي فيها
سواء المرضى اواهلهم ، والدكتور مايلحق على المرضى ، تسمع هذا ينادي وذاك يصرخ
الله يعينهم ويعينا ، والله اللي يدخل هناك
صج يحس انه داخل في مستشفى حكومي في الهند

صحيح أخوي ما راح يقدر كلامنا الا اللي تحده الظروف و يروح الطوارئ ( الله لا يحد مسلم عليها ) ..
مهما وصفنا و قلنا .. بيظل الشوف غير السمع ..
و الله المستعان ..

على العموم أجر وعافيه اختي ، خارجه من الشر ان شاء الله
الله يفرجها قريب ان شاء الله:(

الله يعافيك من كل شر يا رب
و نعم بالله
ضاقت فلما استحكمت حلقاتها .. فُــرِجَت .. و كنت أظنها لا تُفــــــرجُ ..

الحياة الخالدة

09-06-2011, 01:30 AM

الحمد لله على السلامه اجر وعافيه ان شاالله

الله يسلمك و يعافيك من كل شر أخــــوي ..

قطر love

09-06-2011, 01:30 AM

الحياة الخالدة

09-06-2011, 01:33 AM

الحمدالله علئ سلامتج
وفعلا مستشفئ حمد اصبح لا يسع العالم هذيلا كلهم

الله يسلمج يا رب
المستشفى بيلحق على من و الا من
الله يعين بس

السليطي86

09-06-2011, 08:30 AM

poor country

الحمدلله على السلامة اختي الحياة الخالدة وما تشوفين شر وأجر وعافية ان شاء الله
لكن شلون صحتج الحين ان شاء الله احسن؟

اختي اشكرج على الموضوع المسرود بطريقة لبقة , والي قاعد اقرأ ردوده واخذ نفس عميق من الي في قلبي وحالة المستشفى الي لا توصف الا في...

(poor country)

لأني عشت تقريباً كل لحظة مريتي فيها واكثر...
وناس وايد عاشوها انا متأكد....

فعلاً الحالة مأساوية هناك ولاتطاق , ناس محذفه في كل صوب يمين ويسار وكل شي في صوب والريحة الكريهة (الله يعزكم) , وشيء يجيب للمريض المرض وكل مرض بعده مرض , الواحد بيلقاها من وين ولا من وين...

قطر مهما تكلمنا عنها من سيئات وسلبيات كثيرة في خدمات التعليم والصحة وغيرها طغت على كل ايجابي , تبقى قطر الي اسجد على ترابها لله وأتفدى كل حبة رمل فيها واقول : (والحمدلله على كل حال)...

في كلام وايد عندي لو بقعد يوم كامل اتكلم عن الوضع ما بخلص...

ونسأل الله الصحة والعافية...

وشكراً على الموضوع مرة ثانية

الـراسي

09-06-2011, 08:55 AM

اولاً حمدالله على السلامه اختي وما تشوفين شر

وبالنسبة لمستشفى حمد صار مثل المسلسلات التركية الى مالا نهاية

الدمعه

09-06-2011, 08:56 AM

في أشياء ينصبر عليها ..

و في أشياء مو بيدج ..
شلون بتصبر المرة اللي بتولد يعني و الياهل بيطلع !!
جان عندهم طريقة خل يعلمونكم .. :(

اف سكتي مستشفى الولاده قصه ثانيه ..

مانقدر نتكلم ...

مانبي فضايح .. عيب ..:secret:

ولا اذا جاج دكتور من غير مايستاذن .. :anger1:

ودج ترفسينه بريلج والا تضربينه بجهاز التخطيط ههههههههههههههههههه

فرحة ايامي

09-06-2011, 08:57 AM

حبيبتي سلامتك....

وسلامة ابتسامتك.....تنور المنتدى وحياتي - وليل آهاتي

حبيبتي سلامتك

وااااااااااحشتني وايد

وكانت الطامة انك كنت في مقصب الطوارئ - عفوآ أ قصد الطوارئ - اعلمي أيتها العزيزة وهذا لا يخفى على إنسانة مسلحة بالعلم والثقافة والمعرفة مثلك٠

انه لولا البلاء لكان يوسف في حضن أبيه مدللآ 000 لكنه مع البلاء أصبح عزيز مصر !

أسأل الله الذي رفع السموات بغير عمد أن يرفع عنك كل بلاء حبيبتي000

ويجعل صباحك خير ويحفظك من كل سوء000

ويوفقك حيثما اتجهت وييسر لك الخير ما ظهر منه وما بطن....

ويبعد عنك الشر 0

حبيبي سلامتك سلامة ابتسامتك0

ألف لا بأس أيتها الغالية0*

السليطي86

09-06-2011, 09:05 AM

موضي قطر

09-06-2011, 09:21 AM

اف سكتي مستشفى الولاده قصه ثانيه ..

مانقدر نتكلم ...

مانبي فضايح .. عيب ..:secret:

ولا اذا جاج دكتور من غير مايستاذن .. :anger1:

ودج ترفسينه بريلج والا تضربينه بجهاز التخطيط ههههههههههههههههههه

اختي عندها طلق وحالتها حاله وكانوا يقولون لها مدام مافيه سرير اصبري شوي وخلوها مع كم وحده في الممر :rolleyes2:
حسيت ان الطلق والولاده بيد الحريم <<< طلعتوا مب هينين :(

فرحة ايامي

09-06-2011, 10:29 AM

هذا الواقع وللاسف

فقيره في اعين المواطنين وغنيه في اعين الغير

راينا وسمعنا الكثير والكثير

ملايين الملايين

الحمدلله على نعمه التامين الصحي فهي ما ابعدتنا عن مقصب حمد

فمن يدخل يعلن الشهاده و يعلم اذا يكتب له الله عمرا جديدا مديدا

حتى لو كانت الخدمه في المستشفيات الخاصه سيئه فهي تكون احسن من المقصب

فهناك تعلم مالك ما عليك اما مستشفى حمد غمض وادخل

الله كريم بنتكلم وايد لا بنوصل لنتيجه

المهم الحمدلله على سلامتج

ويطول الله بعمرج في طاعته

وهذا درس للمستقبل :)

صحيح ما قلت التأمين الصحي ساعدنا كثير

لكن المشكلة للمستشفيات الخاصة مساؤها أيضًا مضطرين احنا وأطفالنا 0000 وكما قالت الحياة خالدة لا فرق بين من يعمل داخل المستشفى وخارجه الجميع في الهم شرق0

نسأل الله السلامة0

لكن الأمر لله من قبل ومن بعد

ام السعف

09-06-2011, 12:09 PM

اختي عندها طلق وحالتها حاله وكانوا يقولون لها مدام مافيه سرير اصبري شوي وخلوها مع كم وحده في الممر :rolleyes2:
حسيت ان الطلق والولاده بيد الحريم <<< طلعتوا مب هينين :(

:shy::shy::shy:

بلوتنيوم

09-06-2011, 12:13 PM

باقي يستدحون كل شخصين في سرير وتكمل سالفة القصر العيني في مصر

ههههههههههههه
ان شاء الله مانوصل لهدرجة
المستشفيات الجديدة بطريقها للافتتاح
عط سداح فرصة يثبت وجودة :)

ماتشوفين شر يالحياة الخالدة

الحياة الخالدة

09-06-2011, 12:48 PM

هذا الواقع وللاسف

فقيره في اعين المواطنين وغنيه في اعين الغير

احنا نقول انها فقيرة ياخــــوي ..
نقولها بلساننا نعم .. من حر ما فينا
بس و الله و الله و الله ان ترابها عندنا غالي ما نعادله بالذهب
و هي غنية بهواها .. غنية بأرضها و سماها .. غنية ببرها و بحرها
غنية بكل ما فيها .. و غنية بأهلها و عيالها المخلصين
و مثل ما أهلنا صبروا و تعبوا و كابدوا .. مستعدين نصبر و نتعب و نستحمل ..
و عساها ما تشوف الفقر أبد ..

الغير اللي تقول عنهم .. ما يشوفونها الا فلوس و نفط و غاز
و ما شافوها بعيون أهلها
و كلنا نعرف لو بعيد الشر كل هالخير راح عنها ..
ما بنشوف منهم و لا واحد ..
و يمكن يذكرونها بالخير .. و يمكن لا ..
هذيلا هم الغُــرب اللي عازينهم و رازينهـــــم ..

راينا وسمعنا الكثير والكثير

ملايين الملايين

الحمدلله على نعمه التامين الصحي فهي ما ابعدتنا عن مقصب حمد

فمن يدخل يعلن الشهاده و يعلم اذا يكتب له الله عمرا جديدا مديدا

قل لن يصيبنا إلا ما كتب اللــــه لنا يا قطر love
و اللي بيموت بيموت بمرض و من غيره
في حمد و الا في الخاص و الا في أرقى المستشفيات في الخارج
نسأل الله حسن الخاتمـــــة
و الله يطول بعمركم بالطاعة و العمل الصالح

حتى لو كانت الخدمه في المستشفيات الخاصه سيئه فهي تكون احسن من المقصب

فهناك تعلم مالك ما عليك اما مستشفى حمد غمض وادخل

ليس دفاعاً مستميتاً عن مستشفى حمد ..
لكن صدقني ياخـــــوي ان جتنا حالات من بعض المستشفيات الخاصة منتهية
تعرف شنو منتهيــــــة ..
الخاص استنفذ كل ما عنده .. و استنزف كل ما في جيب المريض ..
اللي لما شاف ما شاف .. رجع حق حمد ..
و أحياناً من غير تقرير حتى .. عشان ما يدينون أنفسهـــــــم ..

الواحـــــد وين يروح بس ..
أنا ماقول لا تروحون خاص ..
بس اذا كنتو ضامنين الطبيب اللي رايحين له و سمعته طيبة .. لا تترددون
و كلامي عن العمليات و الشغلات الكبيرة طبعاً ..

الله كريم بنتكلم وايد لا بنوصل لنتيجه

المهم الحمدلله على سلامتج

ويطول الله بعمرج في طاعته

وهذا درس للمستقبل :)

الله يسلمك أخوي من كل شر

درس ياخوي .. و هذانا نتعلـــــــم .. و ندفع الثمن ..

الحياة الخالدة

09-06-2011, 01:07 PM

poor country

الحمدلله على السلامة اختي الحياة الخالدة وما تشوفين شر وأجر وعافية ان شاء الله
لكن شلون صحتج الحين ان شاء الله احسن؟

الله يسلمك ياخــــــوي و يحفظ غاليك من كل مكروه ..
الحمد لله رب العالمين صحتي وايد أحسن .. عساك سالم من الشر ..

اختي اشكرج على الموضوع المسرود بطريقة لبقة ,

يا خــــوي حاولت قد ما أقدر أعرضه بطريقة تشرح بالضبط الوضع الحاصل ..
من غير مبالغة .. و من غير ما أبخس حق أحد جد و اجتهد في شغله ..
و الحمد لله ان الفكرة اللي أبيها وصلت .. من غير زيادة أو نقصان ..

والي قاعد اقرأ ردوده واخذ نفس عميق من الي في قلبي وحالة المستشفى الي لا توصف الا في...

(poor country)

لأني عشت تقريباً كل لحظة مريتي فيها واكثر...
وناس وايد عاشوها انا متأكد....

ارفق على نفسك ياخــــــوي .. ألزم ما عليك صحتك
و الكلام لي و لك و لكل من يمر بهالوضــــــع ..
نحتر و ننقهــــــر .. و نشيل في قلوبنا ..
و في النهاية محـــــد يتضرر غيرنا ..

فعلاً الحالة مأساوية هناك ولاتطاق , ناس محذفه في كل صوب يمين ويسار وكل شي في صوب والريحة الكريهة (الله يعزكم) , وشيء يجيب للمريض المرض وكل مرض بعده مرض , الواحد بيلقاها من وين ولا من وين...

اي و الله محذفــــــه .. بكل ما تحمله الكلمة من معنى
اليوم بس رحت آخذ إبرة المضاد .. أسرة الرجال و كراسيهم .. مجابلة كراسي الحريم .. اللي يتعالجون كلهم و ياخذون أدويتهم في نفس الغرفة
تخيلوا معاي .. في نفس الغرفة
و شنو الفاصل .. ستارة خفيفة متحركة ..
عيني مجابلة الستارة غصب .. انسحبت فجأة .. من وراها مريض قطري مع زوجته ..
منسدح ياخذ الدوا .. لما انكشفت ستارته انحرج لانه ما كان مستر عدل ..
ايش رايكم عاد ..
وين صارت
10 مرضى و مريضات غير مرافقين بعض المرضى في غرفة عمومية ..
و الممرضات مساكين .. بيلحقون على من و الا من ..

الله يعين بس .. الله يعين

قطر مهما تكلمنا عنها من سيئات وسلبيات كثيرة في خدمات التعليم والصحة وغيرها طغت على كل ايجابي , تبقى قطر الي اسجد على ترابها لله وأتفدى كل حبة رمل فيها واقول : (والحمدلله على كل حال)...

أكيد هاذي قطر .. غلاها من غلا الروح ..

في كلام وايد عندي لو بقعد يوم كامل اتكلم عن الوضع ما بخلص...

ونسأل الله الصحة والعافية...

اللهم آمين .. اللهم آمين ..

وشكراً على الموضوع مرة ثانية

عشت يالسليطــــــي ..

الحياة الخالدة

09-06-2011, 01:39 PM

اولاً حمدالله على السلامه اختي وما تشوفين شر

وبالنسبة لمستشفى حمد صار مثل المسلسلات التركية الى مالا نهاية

اللـــــه يسلمك أخوي الراســـــي .. و يحفظك من كل شر

تهقى يعني في ناس تستمتع بما يحدث فيه .. مثل ما تستمتع بالمسلسلات التركيـــــة ؟؟!! :(
الله يرحمنا برحمتـــــه ..

الحياة الخالدة

09-06-2011, 01:45 PM

الحياة الخالدة

09-06-2011, 02:00 PM

حبيبتي سلامتك....

وسلامة ابتسامتك.....تنور المنتدى وحياتي - وليل آهاتي

حبيبتي سلامتك

وااااااااااحشتني وايد

فديتج يا غالية و فديت قلبــــــــج ..
انتي اللي نورتي قلبي و روحي بكلماتج اللي أدري انها من كل قلبج ..
وانتي وحشتيني أكثر و الله
و لا أخفيكِ أنني أدخل الموضوع و أبحث بين ثناياه عن اسمك
فشكراً لكِ .. لقد أسعدتِ يومي كله ..

وكانت الطامة انك كنت في مقصب الطوارئ - عفوآ أ قصد الطوارئ - اعلمي أيتها العزيزة وهذا لا يخفى على إنسانة مسلحة بالعلم والثقافة والمعرفة مثلك0

انه لولا البلاء لكان يوسف في حضن أبيه مدللآ 000 لكنه مع البلاء أصبح عزيز مصر !

و لنا فيهم عبرة و من قصصهم عظـــــة .. عليهم أفضل الصلوات و التسليـــــــم
أثق كل الثقــــة أختي فرحــــة ..
بأن ربي ما ابتلاني بمرض تلو الآخر .. إلا لأنه يحبني .. و لأنه يريد أن يطهرني جل و علا ..
أسأل الله أن أكون على قدر هذا الحب .. و على قدر هذا الابتـــــلاء
فلك الحمد و لك الشكر يا الله ..

أسأل الله الذي رفع السموات بغير عمد أن يرفع عنك كل بلاء حبيبتي000

ويجعل صباحك خير ويحفظك من كل سوء000

ويوفقك حيثما اتجهت وييسر لك الخير ما ظهر منه وما بطن....

ويبعد عنك الشر 0

حبيبي سلامتك سلامة ابتسامتك0

ألف لا بأس أيتها الغالية0*

و أسأل الله الحليم الكريم .. رب العرش العظيم
أن يحفظك .. و عائلتك .. و كل غالِ لديك .. من كل شر و مكروه

و أن يجمعني و إياك و كل أعضاء و عضوات منتدانا الكريم في الفردوس الأعلى
أحببنا أناساً و تعلقنا بهم .. و يعلم الله .. و نحن لم نرهم .. و لم نعاشرهم
فتلك هي الأرواح تتعارف و تتآلف .. أو تتنافر
فاللهم نسألك أن تجعلنا ممن تعارفوا و تآلفوا .. و لا تجعل في قلوبنا غلاً للذين آمنوا .. ربنا إنك رؤوفٌ رحيــــــم ..

الحياة الخالدة

09-06-2011, 02:03 PM

:con2:

ألف لا بأس ايتها الغالية

:con2: مب غريبة هذي الكلمات علي

يعني هكا وهكا

حتى هنيه لا اله الا الله

لا إلــــه إلا الله .. محمداً رسول الله

شالسالفة !! :omg:

الحياة الخالدة

09-06-2011, 02:07 PM

اختي عندها طلق وحالتها حاله وكانوا يقولون لها مدام مافيه سرير اصبري شوي وخلوها مع كم وحده في الممر :rolleyes2:
حسيت ان الطلق والولاده بيد الحريم <<< طلعتوا مب هينين :(

شفتي شلون يا موضي
سبحان الله العظيم ..

الحياة الخالدة

09-06-2011, 02:15 PM

صحيح ما قلت التأمين الصحي ساعدنا كثير

لكن المشكلة للمستشفيات الخاصة مساؤها أيضًا مضطرين احنا وأطفالنا 0000 وكما قالت الحياة خالدة لا فرق بين من يعمل داخل المستشفى وخارجه الجميع في الهم شرق0

نسأل الله السلامة0

لكن الأمر لله من قبل ومن بعد

لكل مستشفى مساوئها ..

بس يات على بالي نقطـــــة ثانية .. تعجبت منها ..
روحو يا جماعة المستشفيات الخاصة
و تفرجوا بس .. شوفوا الأجانب شلون يتعالجون بالراحة .. مغطيهم التأمين الصحي ..
لا مواعيد و لا سندارة
و احنا اللي يبلفيت أهل البلد متمرمطين في المستشفيات الحكومية ..
مواعيد و طوابير .. و روح و تعال ..
و ناطرين التأمين .. ناطرين متى يوصل محقــــــان ..
و الله كريم ..

الحياة الخالدة

09-06-2011, 02:17 PM

:shy::shy::shy:

تسلم لنا هالخدود الحمرا يا ام السعف

الحياة الخالدة

09-06-2011, 02:21 PM

ههههههههههههه
ان شاء الله مانوصل لهدرجة
المستشفيات الجديدة بطريقها للافتتاح
عط سداح فرصة يثبت وجودة :)

نتأمل خير أخــــــوي بلوتنيوم ..
و هذانا ناطرين انجازات سداح .. بفارغ الصبر
بس يا خوفي في النهاية
يتمخض الجمل .. فلا يلدُ إلا فأراً .. :(

ماتشوفين شر يالحياة الخالدة

الشر ما يجيــــــك ياخــــوي ..

latof

10-06-2011, 03:37 PM

بويوسف

10-06-2011, 04:08 PM

لا حول ولا قوة الا بالله .. طيب وبعدين وين الناس اللي تقول احمدوا ربكم واشكروه على الاكل والشرب !! والا هذيلا وقت الحزة ما يدخلون مستشفى حمد ؟

متى بنشوف مستشفى كامل فيه اسرة وفيه اطباء كافيين للقطريين ؟ ترانا ما وصلنا ربع مليون قطري ..

ليش القطرية لين تولد ما تلقى لها غرفة صغيرة خاصة لها ؟ ليش تضطر تقعد في غرفة مشتركة مع هندية او باكستانية او ايا كانت ؟؟

الدولة مش قادرة تبني مستشفى ولادة ثاني ؟ الدولة مش قادرة تبني مبنى جديد فيه اسرة ضعف الموجود ؟ محد سأل هالاسألة من قبل ؟

ريم الشمال

10-06-2011, 04:34 PM

ههههههههههههه
ان شاء الله مانوصل لهدرجة
المستشفيات الجديدة بطريقها للافتتاح
عط سداح فرصة يثبت وجودة :)

ماتشوفين شر يالحياة الخالدة

المسألة ليس شئ جديد وشئ قديم
الأدارة تعبانه والامور لابد أن يعاد النظر فيها
الي يفشل في ادارة القديم هل تتوقعون ينجح في الجديد
نريد الاهتمام بمسؤولية مع ممتلكات الشعب وخدماته وحسن أدارتها
وسداح إذا مو قدها يترك المسؤوليه للقادر عليها وعندنا من القطريين من يستطيع الاداره فلماذا لا نعطيهم الفرصة .

ما تشوفين شر الحياة الخالده

ريم الشمال

hady_qatar

10-06-2011, 08:36 PM

حسبي الله ونعمه الوكيل فيكم
لا تحمدون ولا تشكرون

اخي الكريم اسمحلي بس اسلوبك مب حلو شنو يعني لاتحمدون ولاتشكرون؟؟؟
الانسان المفروض يسعى دائما للتطوير والتحسين ويسعى دائما للقمة
طبعا لازم نحمد ربنا على النعم الكثيرة بس احنا مب دوله فقيره عشان نرضى بهالمستشفى اللي اقرب ماتكون لمستشفى عالم ثالث انا كل ما اروح هناك اطلع من عندهم مريض اكثر

احنا دوله غنية ولله الحمد والمفروض تبين نعمة الله علينا المفروض اتكون مستشفياتنا اكبر وافضل مستشفى وخاصه بالنسبة لعدد السكان القليل

اذا ماطورنا نفسنا وماسعينا للافضل و بس قعدنا على اللي عندنا لاتطوير ولاتحسين عيل ليش غيرنا بيوتنا من الطين زمان لول والحين مسلح التطوير مطلوب ابتداءا من الانسان لانه اكبر ثروة الى المباني والصناعات والشوارع والترفيه والصحه والتعليم

ولك جزيل الشكر

مسك روز

10-06-2011, 08:44 PM

لا والعجيب يعزمون خلق الله عليه على قولة فلانه مكسورة وتبرد:(

:shy:

بس في ناس ماعجبهم الكلام :telephone:

مسك روز

10-06-2011, 08:48 PM

الحمدالله على سلامتج حبيبتي

ماتشوفين شر ان شاءالله

الحياة الخالدة

11-06-2011, 10:49 AM

والله أنا قبل كم يوم كنت في زيارة لمستشفى النساء والله ان المدخل اولا لا يوجد باب الكتروني والله أني صادقه في كلامي والله ان المدخل ظلام وحار كانه نار وللعلم يجب ان يكون المدخل شي يليق بدولة قطر الحبيبة وان يكون في جو بارد ونور وين نحن جالسين في مستشفى دوله فقيرة ودولتنا سمعنا عنها اقامت مستشفيات في الدول أأتي اصلا مستوى العلاج أرقى من دولتنا لا اقول حسبي الله ولكن اقول الرجاء يا وزير الصحن قم بزيارة الى مداخل المستشفيات وزيارة عشوائيه لطوارئ حمد العام

الانسان ياخذ الانطباع عن المكان من أول ما يدخله ..
يا يرتاح لـــــه .. يا تصيده الضيقة منه ..
هم بدوا الحين في الاهتمام بالمداخل و الممرات .. و هذا ما لاحظته في مداخل العيادات الخارجية للنساء و الولادة .. و مستشفى الأمل ..
و يظل الأهم هو الخدمات الأساسية التي تخدم المريض بطريقة مباشرة ..
و تعطي مجال لموظفي المؤسسة لإعطاء أفضل خدمة لمرتادي المستشفى ..
و نتأمل يجي اليوم اللي ما عاد نسمع فيه جملــــــــة :
تدخل المستشفى مريض و تطلع زايد عليك المرض
نتأمل و نتمنى من كل قلوبنا ..
و ربـــــج كريم ..
شكراً لمرورج و تعليقج أختي العزيزة ..

الحياة الخالدة

11-06-2011, 11:45 AM

لا حول ولا قوة الا بالله .. طيب وبعدين وين الناس اللي تقول احمدوا ربكم واشكروه على الاكل والشرب !! والا هذيلا وقت الحزة ما يدخلون مستشفى حمد ؟

لما يدخلون المستشفى .. و ينحطون في هالمواقف
تلقاهم يا خـــوي يركضون و يشتكون .. و يقلبون الدنيا فوق تحت ..
و ينسون كل هالكلام اللي يتفلسفون علينا فيه
من صجـــــك بيستحملون !! بس الانسان أحيانا يقص على عمره .. لان الكلام سهل و اللسان مافي عظم ..

متى بنشوف مستشفى كامل فيه اسرة وفيه اطباء كافيين للقطريين ؟ ترانا ما وصلنا ربع مليون قطري ..

ليش القطرية لين تولد ما تلقى لها غرفة صغيرة خاصة لها ؟ ليش تضطر تقعد في غرفة مشتركة مع هندية او باكستانية او ايا كانت ؟؟

مع احترامنا لكل الجنسيات ..
بس الحين يجون يقولون لك .. انتو القطريين تبون تتميزون بكل شي حتى بالمرض ..
و ما تبون الخير الا لكم بروحكـــــم !! انتو فيكم و انتو فيكم .. و اقعد عاد تعذر و برر و فسر ليش قلت هالكلام
و في النهاية ما راح يقتنعون بعد .. :(

روح أخوي العيادات الخارجية .. و شوف نسبة القطريين الموجودين بالنسبة للمقيمين و الأجانب
و شوف اشكثر يقعدون ينتظرون لما يجيهم الدور و فيهم الكبير في السن و فيهم اللي ما يقدر يقعد على الكرسي فترة طويلة
ما تنقهر ؟؟ ما يحز بنفسك يعني ؟؟
فيها شي لو خلصوا هالكم واحد من أهل قطر أو فصلوهم .. و بعدين التفتوا للبقية
ما طلبنا شي مو من حقنا أعتقد ..
و في النهاية يجيك واحد من المقيمين و الاجانب ..
و يقهرك أكثر يقول لك اي انت قطري .. كل شي عندك
و ما تحتاج واسطة حق شي
يا بختك ..
اي و الله يا بختك .. :(
يحسدون العمي على كبر عيونـــــه ..

الدولة مش قادرة تبني مستشفى ولادة ثاني ؟ الدولة مش قادرة تبني مبنى جديد فيه اسرة ضعف الموجود ؟ محد سأل هالاسألة من قبل ؟

ياما انسألت هالأسئلة
و من قال ما تقدر
الا تقدر و تقدر ..
و تقدر بعد
و لكن ..

شكراً لمرورك أخـــــوي بويوسف ..

الدمعه

11-06-2011, 12:26 PM

اختي عندها طلق وحالتها حاله وكانوا يقولون لها مدام مافيه سرير اصبري شوي وخلوها مع كم وحده في الممر :rolleyes2:
حسيت ان الطلق والولاده بيد الحريم <<< طلعتوا مب هينين :(

اي شفتي شلون ..يتراوالي الولاده في البيت ابرك.. اقول حق امي يايمه ولديننا

في البيت انتي عندج شهاده وخبره ..ماترضى ..:court:

اقول حق الموظفه مومن كثر القطريات اللي شفتهم في الولاده شلون مافي غرف خاصه ..

تقول لي حتى الاجانب احين خذو غرف خاصه مب بس انتو .. مب غرف.. سويتات ..

عندي خمس يهال مره وحده خذت غرفه خاصه .. وهذول ماخذين سويت ..

والورد مالي الممر ..

واحنا طالبين ميني كب كيك ..اتصل لي الدريول يقول مدام ممنوع ..

اقول له شنو اللي ممنوع .. قال: السيكورتي يقول تعالي .. قلت زين يله يامره انزلي

شوفي الممنوع .. والله العظيم وانا نازله قلت لايكون المره حاطه الكيك في فازه كبيره

ومبهرجه زياده عن اللزوم .. واقسم بالله يوم نزلت بغيت اصفق السيكورتي بالقلاص

اللي منزلني عشانه ..بس استحيت ومااحب اتكلم مع الرياييل اخاف .. بس قلت له شنو

الممنوع .. قال هذي .. القلاص طوله شبر ويمكن اقل بعد .. وفيه عودان خشب مغرز

فيها كب كيك .. قلت له من صجك منزلني عشان ذيه .. قال ايه ممنوع ..

وش فيه ممنوع :eek5: .. قال لي ممكن ينكسر .. قلت انزين وهالفلبنيات الثلاث

اللي احين وانا نازله هم طالعين ومعاهم دريولهم وشو شالين في يدهم ..كل وحده شاله

صينيه اكبر من الثانيه .... والا بس عالفقير ممنوع ..

اصلا احنا ماقدرنا نطلب ضيافه كبيره لان ندري ان مافي غرف فمانبي نسوي

زحمه في المكان احنا اللي بنبتلش فيها ..

تصدقون كنا حاطين صينيه فطاير من توسكانا وصينيه حلو وطبعا الشاي والقهوه ..

جات الدكتوره سودانيه .. عينها على الطاوله .. الا تقول تجك تجكت جك ..

يعني تجكجك بحلجها هههههههه المهم .. تو ماتش توماتش .:anger1:

قلت لها على شنو توماتش .. ماردت علي .. كنت بتضارب وياها .. مادري شفيهم

في ذاك اليوم ..

مع ان احنا مالنا في الهواش ولا التحلطم .. :( بس لين طفح الكيل تطلع الزيارين..

الحياة الخالدة

12-06-2011, 08:23 AM

المسألة ليس شئ جديد وشئ قديم
الأدارة تعبانه والامور لابد أن يعاد النظر فيها
الي يفشل في ادارة القديم هل تتوقعون ينجح في الجديد
نريد الاهتمام بمسؤولية مع ممتلكات الشعب وخدماته وحسن أدارتها
وسداح إذا مو قدها يترك المسؤوليه للقادر عليها وعندنا من القطريين من يستطيع الاداره فلماذا لا نعطيهم الفرصة .

يبي له يا أختي اللي يمسك زمام الأمـــــور و بيده القرارات ..
يبي له يكون قلبه على البلد .. و على أهـــــل البلد
و يكون حقاني .. و مخلص في عملـــــه .. و ما يبدي مصلحته على مصلحة قطر و أهلها ..
و محد يوقف العراقيل في طريقـــــه ..

هل يا ترى بنلاقي هذا الشخص ..
أو هاذي المجموعة من الناس ؟؟

ما تشوفين شر الحياة الخالده

ريم الشمال

الشر ما يجيــــج أختي العزيزة .. ريم الشمال :)

الحياة الخالدة

12-06-2011, 08:28 AM

اخي الكريم اسمحلي بس اسلوبك مب حلو شنو يعني لاتحمدون ولاتشكرون؟؟؟
الانسان المفروض يسعى دائما للتطوير والتحسين ويسعى دائما للقمة
طبعا لازم نحمد ربنا على النعم الكثيرة بس احنا مب دوله فقيره عشان نرضى بهالمستشفى اللي اقرب ماتكون لمستشفى عالم ثالث انا كل ما اروح هناك اطلع من عندهم مريض اكثر

احنا دوله غنية ولله الحمد والمفروض تبين نعمة الله علينا المفروض اتكون مستشفياتنا اكبر وافضل مستشفى وخاصه بالنسبة لعدد السكان القليل

اذا ماطورنا نفسنا وماسعينا للافضل و بس قعدنا على اللي عندنا لاتطوير ولاتحسين عيل ليش غيرنا بيوتنا من الطين زمان لول والحين مسلح التطوير مطلوب ابتداءا من الانسان لانه اكبر ثروة الى المباني والصناعات والشوارع والترفيه والصحه والتعليم

ولك جزيل الشكر

شكراً لك أخوي على ردك ..
سبحان الله في ناس تقط الكلام من غير ما توزنـــــه ..
تقطــــه و تمشي ..

عندهم خلاص لما انت تنتقد شي في بلادك .. معناته انك لا تحمد و لا تشكر
و كأنهم الوحيدين في هالعالم اللي مخلصين و يحبون بلادهم .. و غيرهم لا ..

راسي براسك

12-06-2011, 08:28 AM

مستشفى حمد

لاتعليـــــــق !

الحياة الخالدة

12-06-2011, 08:31 AM

:shy:

بس في ناس ماعجبهم الكلام :telephone:

الحمدالله على سلامتج حبيبتي

ماتشوفين شر ان شاءالله

عاد اللي مو عاجبــــه الكلام ..
الله ما كثر الا الطوف في هالبلاد ..
يختار أيها شاء .. :secret:

الله يسلمــــــــــج من كل شر حبيبة قلبي
و لا يراويج مكروه في غالي .. :)

الحياة الخالدة

12-06-2011, 08:33 AM

مستشفى حمد

لاتعليـــــــق !

شكراً لمرورك الكريــــم .. :secret:

الطائر الحائر

12-06-2011, 09:30 AM

10 مليارات لمصر ومدري كم مليار لليبيا وتونس واليمن ودارفور وجزر القمر وووووو وتبقى قطرpoor country

ازغوىAAA

12-06-2011, 10:42 AM

وين اهل المليارات يتبرعون بمستشفى حق القطريين اذا كانت وزارة الصحه ماتقدر تتحرك

الحياة الخالدة

13-06-2011, 08:00 AM

10 مليارات لمصر ومدري كم مليار لليبيا وتونس واليمن ودارفور وجزر القمر وووووو وتبقى قطرpoor country

لا حول و لا قوة إلا باللــــــــه العلي العظيم ..

تُفــــرج بإذن الله ..

الحياة الخالدة

13-06-2011, 08:06 AM

وين اهل المليارات يتبرعون بمستشفى حق القطريين اذا كانت وزارة الصحه ماتقدر تتحرك

في بعض دول الخليــــــج ..

يتبرع من أنعم الله عليه بافتتاح مراكز طبية متخصصــــة .. على مستوى عالي ..
و نراها كثيراً على أرض الواقع .. و بلوحة كبيرة أمام المركز ..
افتتح هذا الصرح بتبرع من فلان الفلاني ..
أو في ثواب فلان الفلانــــــي ..
و يخدم قطاعاً كبيراً من المرضى المحتاجين ..

أنا واثقة و متأكدة من وجود مثل هؤلاء المحسنين في قطر ..
و لكن ..
أين تذهب التبرعات ..
لا أدري .. :rolleyes2:

حليتان*

13-06-2011, 08:15 AM

اخت CHILLIS لا مب صحيح هالكلام ، وانا مثلج بعد سمعت واستانست قلت اخيراً بيميزونا ويرفعونا درجة :anger1:
انا ابيج يوم من الايام تروحين طواريء مستشفى حمد العام وتشوفين الحالة المأساوية هناك
لان كل اللي ذكرته اختي الحياة الخالدة صحيح وانا عشته بنفسي والله تقولين قاعدين في أديس بابا مو في قطر اللي فيها سباير وفيلاجيو وغيره وغيره ،، يااااالله ياااالله كم الوضع مزري هناك
وكله كوم والمريض يكشف عليه الدكتور بين ستاير كوم ،،بالضبط نفس الافلام الهندية
الحين بدال لا يدفعون مليارات في بناء ملاعب مش من الاولى يهتمون بالمستشفيات والصحة
انا مقهووووووووووورة
قسم بالله حرام ولد البلد يتعالج مع الهنود وعمال النظافة في نفس الغرفة ،، على الاقل لنا غرفة خاصة ما نندمج مع هالفئات من المجتمع ،، اكثرهم عمال بناء ونظافة ومن المنطقة الصناعية ،،،

فكل شي معااك الا اخر سطرين

الله خلقنا سواسيه ياا برق لمع :nice:
مايصير تحلل وتحرم بكيفك ..تعوذ من ابليس

والحيااة خالده طهوور وماتشووفين شر :(

بوعلي2

13-06-2011, 08:18 AM

وايد ردود مادري رديت او لا :(

ماعليج شر اختي واجر وعافيه ان شاء الله

ولاحول ولاقوة الا بالله بهالمستشفيات وسوالفهم :(

بنت صقار

13-06-2011, 08:42 AM

الحياة الخالده..........انا جربت هالوضع المأساوي العام..وانا ومعاي عمال في غرفه وبيني وبينهم ستاير:(
ندمت قد شعر راس كل نيبالي في الطواري ان رحت لهم..
..
..
نعرف ان هناك اولويات وكماليات........
فهل بناء ملاعب الكرة المكلفه حق موسم ..ويمكن هالمدرجات والبارك إن اللي مساحتها باليكلو هاااااااااات..
أهم..
ولا بناء مستشفيات..نبغي افرع لمستشفى حمد والولاده في شمال قطر وجنوبها و وسطها على الاقل 6 مستشفيات..ولا الدوله تنترس مواطنين ومقيمين..وعماله..وكله في حمد؟؟
..
نبغي نكون دوله متكامله..وعقب ماتخلص اولوياتنا روحوا صوب اللعيبه..اللي ماوراهم الا(اللعب)ومعاشهم معاش دكتور@-@

بو خليفه 123

13-06-2011, 09:06 AM

الحياة الخالدة

13-06-2011, 09:07 AM

فكل شي معااك الا اخر سطرين

الله خلقنا سواسيه ياا برق لمع :nice:
مايصير تحلل وتحرم بكيفك ..تعوذ من ابليس

والحيااة خالده طهوور وماتشووفين شر :(

صحيح أخوي أماف .. بارك الله فيك ..
و المرض مثل ما قلت قبل .. ماله جنسية ..
و انا متأكدة ان اختي برق لمع ما تقصد .. و ما قالت اللي قالته الا من حرقة قلبها ..

الشر ما يجيك يا أماف
و تبشرنا يا رب بنجاحك في الثانوية و دخولك الجامعة
و حيا الله هل الخــــور .. :)

الحياة الخالدة

13-06-2011, 09:11 AM

وايد ردود مادري رديت او لا :(

ماعليج شر اختي واجر وعافيه ان شاء الله

ولاحول ولاقوة الا بالله بهالمستشفيات وسوالفهم :(

مو مشكلة أخـــــوي بوعلي2 ..
حتى لو راد من قبل .. حياك الله بأي وقت

الشرما يجيك يا رب ..
و الله يعافيك و يسلم غاليك ..
( بس لو تشيل المجبوس من توقيعك ) :(

المستشفيات المفروض انها موجودة لتخفيف المعاناة على الناس .. و ليس العكس
و ما نقول غير الله يصلح الحال .. :omen2:

الحياة الخالدة

13-06-2011, 09:21 AM

الحياة الخالده..........انا جربت هالوضع المأساوي العام..وانا ومعاي عمال في غرفه وبيني وبينهم ستاير:(
ندمت قد شعر راس كل نيبالي في الطواري ان رحت لهم..
..
..

عاد يقولون الطواريء فاصلين الحريم عن الرجال
و القطريين عن غيرهم
بس الله أعلم ..
الله يعينهم وين بيودون هالعالم ..
يبيلنا يمكن مستشفيين ثلاثة قد حمـــــد .. و يالله يلحقون بعد ..

نعرف ان هناك اولويات وكماليات........
فهل بناء ملاعب الكرة المكلفه حق موسم ..ويمكن هالمدرجات والبارك إن اللي مساحتها باليكلو هاااااااااات..
أهم..
ولا بناء مستشفيات..نبغي افرع لمستشفى حمد والولاده في شمال قطر وجنوبها و وسطها على الاقل 6 مستشفيات..ولا الدوله تنترس مواطنين ومقيمين..وعماله..وكله في حمد؟؟
..
نبغي نكون دوله متكامله..وعقب ماتخلص اولوياتنا روحوا صوب اللعيبه..اللي ماوراهم الا(اللعب)ومعاشهم معاش دكتور@-@

الدولة يا أختي مقبلة على كأس العالم 2022
و بالنسبة لهم الملاعب و الرياضة أولويات ..
أما الإنسان فتأتي أهميته بالدرجــــة الثانية ..

و بعض اللاعبين المحترفين و المدربين معاشهم أضعاف أضعاف معاش الدكتور و انتي الصادقة ..
و شوفي كل واحد شنهي الخدمة اللي يقدمها للبلد و للناس ..

سبحان الله العظيم ..

الحياة الخالدة

13-06-2011, 09:26 AM

الحمدالله على سلامتك أختي الحياة و خطاك الشر ان شاء الله ..

موضوعك من القلب الى القلب و ان شاء الله يخاطب قلوب المسؤولين و ترى الدوله النور بالمنشئات الطبيه كالتوسعه و غيره ..

تقبلي تحياتي ..

الله يسلمك أخوي بوخليفة 123 و يعافيك ..
و خطاك اللاش يا رب ..

أتمنى أن يصل إليهم ..

و يقولون ما صدر من القلب .. حتماً و لا بد أن يصل إلى القلب ..

الله يجيب الخيـــــر ..

و تحياتي لك أخي الكريم .. :)

الحياة كلمه

13-06-2011, 09:58 AM

متشوفين شر حبيبتي
اذا بنتكلم عن مستشفى الولاده حدث ولاحرج خليني ساكته احسن لي....
ولا اقول
انا ثلاثة ايام رايحه جايه للولاده من الصبح ويردوني قال شنو مافي غرفه لا فوق ولا في غرف الولاده
ويم كلمت دكتورتي اللي اروح لها خاص قالت عطيني اي ممرضه اكلمها والله خمس دقايق طلعت الغرفه فوق وجهزوني ونزلزني غرفة الولاده....
حتى بطلعة البيبي من بطني يبيلها واسطه .......

عذب الكلام 1

13-06-2011, 10:48 AM

مادري ابكي او اضحك صج من قال شر البليه مايضحك

الوضع لا مايسر عدو ولا صديق الله كريم

الحياة الخالدة

14-06-2011, 08:05 AM

متشوفين شر حبيبتي

الشـــــر ما يجيــــج يا غالية ..

اذا بنتكلم عن مستشفى الولاده حدث ولاحرج خليني ساكته احسن لي....
ولا اقول
انا ثلاثة ايام رايحه جايه للولاده من الصبح ويردوني قال شنو مافي غرفه لا فوق ولا في غرف الولاده
ويم كلمت دكتورتي اللي اروح لها خاص قالت عطيني اي ممرضه اكلمها والله خمس دقايق طلعت الغرفه فوق وجهزوني ونزلزني غرفة الولاده....
حتى بطلعة البيبي من بطني يبيلها واسطه .......

يا خوفي باجــــر حتى تنفس الهـــوا يبي له واسطة ..

يا أختـــــــي صارت واسطتهم أقوى منا .. بكل جنسياتهم
سواء في العيادات .. الصيدلية .. المواعيد .. و غيره و غيره و غيره ..

تشوفين القطري واقف .. و الله ان بعضهم يكسرون الخاطـــــر
و غيرهم يدرعمــــــون .. و بكل ثقــــة
و يطالعونك بنص عين بعد ..
و يا ويلك ان تكلمت ..
بيعطلونك أكثر ما انت متعطــــــــل ..

القوانين ما تمشي الا عليك
و الطوابير و الأرقام محد ملزوم فيها غيرك ..

و في النهاية ..
محســــود .. و يا بختك انت قطـــــري ..
على شنو يا حســـــرة :(

الحياة الخالدة

14-06-2011, 08:10 AM

مادري ابكي او اضحك صج من قال شر البليه مايضحك

الوضع لا مايسر عدو ولا صديق الله كريم

لا تبكـــــي يا خــــوي يا عذب الكلام 1
لأن البكي ما ينفعك بشي .. و بيتعبك زيادة
اضحـــــك .. و قول : يا رب الفــــــرج .. :omen2:

تحياتي لك ..

السليطي86

14-06-2011, 08:27 AM

يا خوفي باجــــر حتى تنفس الهـــوا يبي له واسطة ..

يا أختـــــــي صارت واسطتهم أقوى منا .. بكل جنسياتهم
سواء في العيادات .. الصيدلية .. المواعيد .. و غيره و غيره و غيره ..

تشوفين القطري واقف .. و الله ان بعضهم يكسرون الخاطـــــر
و غيرهم يدرعمــــــون .. و بكل ثقــــة
و يطالعونك بنص عين بعد ..
و يا ويلك ان تكلمت ..
بيعطلونك أكثر ما انت متعطــــــــل ..

القوانين ما تمشي الا عليك
و الطوابير و الأرقام محد ملزوم فيها غيرك ..

و في النهاية ..
محســــود .. و يا بختك انت قطـــــري ..
على شنو يا حســـــرة :(

ماشاء الله عليج اختي الحياة الخالدة

كل رد تردين عليه بوجهة نظر مختلفة وصحيحة ومهذبة

وما استغرب هذا الموضوع مازال من المواضيع الي تحتل المراتب الأولى

لأن فعلاً يهم كل قطري له قلب يخاف على أبناء وطنه ويخاف على مستقبل الوطن من ناحية الصحة....

والله يكون في العون... لأن اقرأ كل رد في هذا الموضوع وكل رد ردت عليه اختي الحياة الخالدة.... وبعدها اقول الله يكون في عونكم يا اهل قطر على هذا الحال الي ماله حل حتى الأن....والمشكلة تكلمنا وايد في الصحف وفي الأعلام وفي المجالس وفي القهاوي وفي البيوت لين وصلنا للشارع واحنا نتكلم لكن (عمك اصمخ)

الصحة ثم الصحة ثم الصحة قبل كل شيء و وصلنا لين باب وزير الصحة وطقيناه وتكلمنا معاه , ونشرنا في الجرايد عن كل الأخطاء وعن كل الأشياء الي ناقصة القطريين وكل سلبي يجب تصحيحه , وتم نشر الأنتقاد الي يصب في مصلحة القطريين لكن....ولكن....ولكن

اسألة وايد يبغون القطريين اجابة لها...
والمثل يقول من دق الباب جاه الجواب....
لكن...

والله يكون في عونكم يا اهل قطر

الحظ

14-06-2011, 08:31 AM

لكل ينفخ فيكم والخوف من الانفجار الكبير
لكم الله يا أهل قطر

برق لمع

14-06-2011, 09:26 AM

فكل شي معااك الا اخر سطرين

الله خلقنا سواسيه ياا برق لمع :nice:
مايصير تحلل وتحرم بكيفك ..تعوذ من ابليس

والحيااة خالده طهوور وماتشووفين شر :(

لو احنا سواسية مثل ما تقول كنا تعالجنا مع الهوامير في نفس المستشفى اخوي
انا مارضى اتعالج مع عامل او عاملة جاية الدوحة سنة وحدة ورايحة ،،، مب كبر لا والله الا اني اشوف نفسي احتاج الى معاملة افضل بدل دمجي مع الوافدين وانتظار 10 او 15 عاملة وانا وراي بيت وزوج وعيال ووظيفة حكومية من الساعة خمس ونص نقوم هني الفرق بينا وبينهم
واقولك حادثة والله صارت معاي كنت مرة في طواريء النساء وتأخر دري بالكشف ولما سالت الممرضة كم قبلي ؟ قالت 11 مريضة قلت لها كم قطرية قالت ولا وحدة ،، قلت لها انا مريضة واتألم والوافدات يشربون كرك في الانتظارويسولفون روحي شوفيهم والله حرام ،، طلعت ملفي وخلته اول واحد ودخلت على الدكتورة ،، دليل موافقة الممرضات على فصل القطريين القلة عن غيرهم

miss.qa

14-06-2011, 12:02 PM

shno raykm lo nktb 3n dwltnah w n6rsh 7g el 3alm w ngol lhm dwolat el mlayyyn shloooon shkl el hospital 3ndha????

الحياة الخالدة

15-06-2011, 06:26 AM

ماشاء الله عليج اختي الحياة الخالدة

كل رد تردين عليه بوجهة نظر مختلفة وصحيحة ومهذبة

جزاك الله خير أخوي .. السليطي86
و ما عليك زود ..

وما استغرب هذا الموضوع مازال من المواضيع الي تحتل المراتب الأولى

تدري ليش أخـــــــوي ..
لأنه جا على العـــــــوق ..
لأن الناس صبرت و صبرت و استحملت
اليوم بيتعدل الحال .. باجر بيتعدل
و لا طبنا و لا غدا الشـــــــر ..
فكل ما واحد دخل الموضوع .. تذكر مأساة و معاناة مر بها .. سواء بالمستشفى أو غيره ..
فينا اللي يقـــــدر يتكلم و يقول اللي صار ( حتى لو لمجرد الفضفضة على قولتهم ) ..
و في اللي يدعي ربه انه يفرجها و يصلح الحال ..
و في اللي يكتم حسرته و قهـــــره ,, و يبلعها ..

لأن فعلاً يهم كل قطري له قلب يخاف على أبناء وطنه ويخاف على مستقبل الوطن من ناحية الصحة....

والله يكون في العون... لأن اقرأ كل رد في هذا الموضوع وكل رد ردت عليه اختي الحياة الخالدة.... وبعدها اقول الله يكون في عونكم يا اهل قطر على هذا الحال الي ماله حل حتى الأن....والمشكلة تكلمنا وايد في الصحف وفي الأعلام وفي المجالس وفي القهاوي وفي البيوت لين وصلنا للشارع واحنا نتكلم لكن (عمك اصمخ)

أهل قطر قاموا يتكلمون في كل مكان ..
طفــــح بهم الكيل ..
وين ما التفتوا حسوا بالظلـــــــــم ..
و ما ينلامون .. و الله ما ينلامون ..

الصحة ثم الصحة ثم الصحة قبل كل شيء و وصلنا لين باب وزير الصحة وطقيناه وتكلمنا معاه , ونشرنا في الجرايد عن كل الأخطاء وعن كل الأشياء الي ناقصة القطريين وكل سلبي يجب تصحيحه , وتم نشر الأنتقاد الي يصب في مصلحة القطريين لكن....ولكن....ولكن

الصحـــــة .. نعم أخوي
و هل هناك أغلى منها ..
من غير قصور في باقي النواحي ..
الإنسان هو ثروة الوطن ..و هو أولى بالعناية و الرعاية و الاستثمار
سواء بالصحة أو التعليم أو توفير الأمان أو السكن و المأكل و المشرب ..

اسألة وايد يبغون القطريين اجابة لها...
والمثل يقول من دق الباب جاه الجواب....
لكن...

والله يكون في عونكم يا اهل قطر

ربنا يسخر لنا من يسمع .. و يرد ..

الله يعين الجميع ..
رحم الله والديك أخــــوي السليطي86 ..

الحياة الخالدة

15-06-2011, 12:27 PM

لكل ينفخ فيكم والخوف من الانفجار الكبير
لكم الله يا أهل قطر

أهل قطـــــر محتاجين لمن يمتص غضبهم و يراضيهم و ينفس عنهم .. من زود الضغط الواقع عليهم ..

خوفاً من هذا الانفجــــار ( اسم الله عليهــــــم ) ..

تحياتي لك .. :)

الحياة الخالدة

15-06-2011, 12:32 PM

لو احنا سواسية مثل ما تقول كنا تعالجنا مع الهوامير في نفس المستشفى اخوي
انا مارضى اتعالج مع عامل او عاملة جاية الدوحة سنة وحدة ورايحة ،،، مب كبر لا والله الا اني اشوف نفسي احتاج الى معاملة افضل بدل دمجي مع الوافدين وانتظار 10 او 15 عاملة وانا وراي بيت وزوج وعيال ووظيفة حكومية من الساعة خمس ونص نقوم هني الفرق بينا وبينهم
واقولك حادثة والله صارت معاي كنت مرة في طواريء النساء وتأخر دري بالكشف ولما سالت الممرضة كم قبلي ؟ قالت 11 مريضة قلت لها كم قطرية قالت ولا وحدة ،، قلت لها انا مريضة واتألم والوافدات يشربون كرك في الانتظارويسولفون روحي شوفيهم والله حرام ،، طلعت ملفي وخلته اول واحد ودخلت على الدكتورة ،، دليل موافقة الممرضات على فصل القطريين القلة عن غيرهم

أقول لج حتى الوافدين أحياناً ينكسر خاطرهــــم علينا .. و يحن قلبهم
و يستاجرون فينا ..
يصير جذي يعني ؟؟ :(
تنقلب الآية يعني بدال ما نتوسط لهم يتوسطون لنا !!
الله يجزاهم خيـــــر .. :(

شكراً لمرورك مرة أخرى أختي الكريمة ..

الحياة الخالدة

15-06-2011, 12:43 PM

shno raykm lo nktb 3n dwltnah w n6rsh 7g el 3alm w ngol lhm dwolat el mlayyyn shloooon shkl el hospital 3ndha????

شنو رايكم لو نكتب عن دولتنا .. و نطرش حق الإعلام .. و نقول لهم دولة الملايين شلون المستشفى عندهــــا ؟؟

تسمحين لي أختي بس حولت مشاركتج للعربية .. :)

والله يا اختي شقول لج
احنا ما نبي نكتب عن الاوضاع عندنا لمجرد التشهير و الانتقاد
مهما كان .. هاذي قطــــر و ما نبي و لا نرضى اي حد يضحك عليها أو يتشمت فيها
نبي اللي يسمعنا .. عشان يعدل النواقص قدر الإمكان
ما أعتقد انهم ما يقرون ولا يسمعون و لا يشوفون
و الا لازم فضايح عشان يلتفتون لنا :(