« علموا أولادكم السباحة »

[قطريه ماركه]

السلام عليكم ورحمة الله .....

ان السباحة رياضة للعقل والجسم معاً، وهي تمنحك تناسقاً في حركات الجسم، ولها أثر كبير في تدعيم الثقه بالنفس.
(اللي دفعني لكتابة الموضوع )
أمس و أنا أمشي في سباير جنب الألعاب ... خلف مبنى حمد للرياضات المائية ...

شفت مبنى صغير و ناس داشين و طالعين دخلت استفسرت و طلع المكان للسباحة ...

فحبيت أذكركم بهالرياضة المهمة .. و أنه دولتنا وفرت لنا كل هالأشياء المهمة و المفيدة

ف ليش ما نستغلها .. و خاصة أنه القطريين كان عددهم قليل ...

و في شي للأطفال اللي هو مدرسة استرالية لتعليم السباحة و هاي الإعلان الخاص فيهم ..
http://im3.gulfup.com/2011-06-08/1307525023541.jpg (http://www.anavip.net/vb/)مركز تحميل الصور (http://www.gulfup.com/)

و فيه أيام مخصصة للنساء و أيام للرجال و أيام للعوائل .......

و في إشتراك يومي و شهري و سنوي ........

المطلوب تعبئة النموذج و صورة من الاي دي و صورة شخصية ... بس

فحبيت أشجعكم على انكم تشتركون و تشركوون عيالكم ...

و ( خلنا نثبت وجودنا في قطرنا )

[البدع]

موضوع جميل

ياليت الناس تستغل الصيف لتعليم أبناؤها حفظ القران والسباحة والانجليزي

[شبح الصمت]

الله يذكرج بالشهادة

والسباحة من أجمل الرياضات

تحرك الجسم كامل وتنشطه وثاني شيء رياضة ممتعه وجميلة

إن شاء الله بحاول اخذ لي ليسن في المغاوص

عشان اخلص الهوامير الي فالدوحه كلها

:nice:

[بو الجوري]

و الله السباحه مفيده إختي :..

و صج إحنا في قطر نفتقد النوادي اللي فيها مسابح :..

قبل أخبر كان نادي الدوحه و إشتراكه السنوي زين :..:)

لكن الحين النوادي للي عندهم همـجَه :.. :(


بس كـم اسعارهم اليوميه ؟ و شلون المسبح يستاهل و إلا ؟


و مشكوره على الطرح :..

[قطريه ماركه]

موضوع جميل

ياليت الناس تستغل الصيف لتعليم أبناؤها حفظ القران والسباحة والانجليزي

صح كلامك أفضل شي طبعا حفظ كلام الله ...

و بعد ذلك السباحة ...

و نسيت أقول نقطة سلبية فيهم اللي هي تعبئة الطلب فقط باللغة الانجليزية ليش مادري ؟؟

[بوخالد911]

شي جيد


بس كم الاسعار؟

لا هنتي

[قطريه ماركه]

الله يذكرج بالشهادة

والسباحة من أجمل الرياضات

تحرك الجسم كامل وتنشطه وثاني شيء رياضة ممتعه وجميلة

إن شاء الله بحاول اخذ لي ليسن في المغاوص

عشان اخلص الهوامير الي فالدوحه كلها

:nice:

تسلم ياخوي و ياك ان شاء الله ...

لا لا كلشي و لا تخلص الهوامير ترى نمووووت في مجبوس الهامور :victory:

[قطريه ماركه]

و الله السباحه مفيده إختي :..

و صج إحنا في قطر نفتقد النوادي اللي فيها مسابح :..

قبل أخبر كان نادي الدوحه و إشتراكه السنوي زين :..:)

لكن الحين النوادي للي عندهم همـجَه :.. :(


بس كـم اسعارهم اليوميه ؟ و شلون المسبح يستاهل و إلا ؟


و مشكوره على الطرح :..

المكان راقي و على مستوى الصراحه ...

بس احس يفتقر للناس ..

و الاسعار خيااااال نسيت اتطرق لها .. انا و بنتي مشتركين حاليا في نادي عشان بركة السباحة

و طلع علي بـ 2700 في الشهر !!

و توني مكتشفه هالمكان و أسعاره : للفاميلي : 75 لليوم

و للأديلت : 30 لليوم

و الياث : 25 لليوم

و التشايلد : 15 لليوم

انفنت : مجاناً

و اذا الشهر 400 أو 300 يختلف على حسب العمر بس صج أسعار رمزية جدا ....

[قطريه ماركه]

شي جيد


بس كم الاسعار؟

لا هنتي

هلا بوخالد ...

الاسعار رمزية جدا ..... كتبتها في ردي اللي فووق

[بو الجوري]

بس على ماعتقد :.. في أوقات معينه :..

يعني مثلا الحريم لهم 3 أيام فالإسبوع من الساعه كذا لين الساعه كذا :..:)

صح وإلا :.. ؟ :telephone:

كان خذتي منهم الجدول :..:nice:

[قناص الخليج]

التسجيل عن طريق الانديه مجانا للابناء

وبالتوفيق

[بصمة قطرية]

التسجيل عن طريق الانديه مجانا للابناء

وبالتوفيق

فعلاً عيالي مسجلين عن طريق نادي والتسجيل مجاني ..
يروحون مرتين في الاسبوع ..

عموماً اسعارهم جداً رمزية ..
مسبح سباير معروف ..
من العام نحاول نسجل وكله زحمة مافي مجال ..

[بوحارب]

اخبر تعلمت السباحة وانا عمري 9 سنين والحمدلله الحين اطب من فوق جسر الغربي ماعندي مشكلة

والعيال اعلمهم من الحين اترس لهم البانيو واخليهم يطامرون ههههههه

واحيانا البحر
\
اختي بكم الدخول اليومي للبرجة؟؟؟

[قطريه ماركه]

بس على ماعتقد :.. في أوقات معينه :..

يعني مثلا الحريم لهم 3 أيام فالإسبوع من الساعه كذا لين الساعه كذا :..:)

صح وإلا :.. ؟ :telephone:

كان خذتي منهم الجدول :..:nice:

اي صح الأيام موزعة خلال الاسبوع

الجدول موجود مدبس في أوراق طلب الالتحاق :victory:

[قطريه ماركه]

التسجيل عن طريق الانديه مجانا للابناء

وبالتوفيق

صحيح الاندية متوفرة أيضا :victory:

[قطريه ماركه]

اخبر تعلمت السباحة وانا عمري 9 سنين والحمدلله الحين اطب من فوق جسر الغربي ماعندي مشكلة

والعيال اعلمهم من الحين اترس لهم البانيو واخليهم يطامرون ههههههه

واحيانا البحر
\
اختي بكم الدخول اليومي للبرجة؟؟؟

اي اهم شي التعليم في الصغر .. كالنقش عالحجر :nice:

الدخول اليومي على حسب العمر يعني لك 30 ريال ....

[® قطر ®]

صح كلامك أفضل شي طبعا حفظ كلام الله ...

و بعد ذلك السباحة ...

و نسيت أقول نقطة سلبية فيهم اللي هي تعبئة الطلب فقط باللغة الانجليزية ليش مادري ؟؟


المكان راقي و على مستوى الصراحه ...

بس احس يفتقر للناس ..

و الاسعار خيااااال نسيت اتطرق لها .. انا و بنتي مشتركين حاليا في نادي عشان بركة السباحة

و طلع علي بـ 2700 في الشهر !!

و توني مكتشفه هالمكان و أسعاره : للفاميلي : 75 لليوم

و للأديلت : 30 لليوم

و الياث : 25 لليوم

و التشايلد : 15 لليوم

انفنت : مجاناً

و اذا الشهر 400 أو 300 يختلف على حسب العمر بس صج أسعار رمزية جدا ....

:omg: :eek5: :rolleyes2: :telephone:

escape

[قطريه ماركه]

:omg: :eek5: :rolleyes2: :telephone:

escape

هااااااااي يعني صدتني :eek5:

والله المكتوب في الورقة جذي عشان أثبت لكم أنه الورقة كلها بالانجليزي ..

بس تعبانه أحول الكيبورد انجليزي :secret:

و انا سألته ما في فورمة بالعربي قال لا :rolleyes2:

عشان جي استغربت و تساءلت !!! دولة عربية و التسجيل بالانجليزي :rolleyes2:

[بـــــــنت النوخـّــــذه]

انا كلش مافضل البرك الخاصه المغلقه للسباحه لان تنقل الامراض والله العالم بحال كل واحد وهو طاب البرجه يسبح وعاد غير اليهال ياسلااااااااام ياخذون راحتهم عدل:looking:

مره واحد من عيالنا في برجه خاصه صادته حساسيه مادري اليهال شمهببين بالماي المكان مغلق في داخل البرجه والماي ابد يحوم حولهم:omen2: حتى لو الماي مفلتر بعد شسمه


المهم اتمنى تطهير البحر من الاجانب وملابسهم الخليعه عشان نقدر انروح ونتعلم مع اعيالنا السباحه بهالبحر المالح الي يرد الروح ويشفي من الامراض وينقي الجسم من الجراثيم

عموما فعلا" السباحه هوايه جميله جدا"

[استغفرالله]

انا مليت الفورمة عشان ادخل ولدي من 3 شهور ولا ردوا علينا

ونفس الشي لبنت اخوي ماردوا علينا حتى يوم ردينا عليهم عقب اسبوع قالوا لين احين

مادري قطوا الابليكيشن اللي في الرسبشن

عموما اللي اشوفهم يتعلمون في المدرسة الاسترالية عيال الانجليز ... يعني اكيد الاولية لهم

على من نشتكي ؟؟؟

[نــــظــــره]

و فيه أيام مخصصة للنساء و أيام للرجال و أيام للعوائل .......


ياريت والله نتعلم السباحه من فتره اختي كانت بتغرق واحنا نطالعها :eek3:
بسبب جهلنا بالسباحه بس الحمدلله ربي سخر لها ثنتين انقذوها في اللحظه الاخيره :(


اتخيل لو كان صار لها شي واحنا قاعدين انتفرج :eek3:

نبي نتعلم السباحه وفوقها الرمي وركوب الخيل

تسلمين اختي على الموضوع

[بـــــــنت النوخـّــــذه]

و...


ياريت والله نتعلم السباحه من فتره اختي كانت بتغرق واحنا نطالعها :eek3:
بسبب جهلنا بالسباحه بس الحمدلله ربي سخر لها ثنتين انقذوها في اللحظه الاخيره :(


اتخيل لو كان صار لها شي واحنا قاعدين انتفرج :eek3:

نبي نتعلم السباحه وفوقها الرمي وركوب الخيل

تسلمين اختي على الموضوع





:eek5:

وين كانت بتغرق اختج في البحر ولا البرجه!!!!!!!! << سؤال فضول

الحمد الله على سلامتها


وبالنسبه للرمي الله وناسه خاطري ارمي اقصد اتعلم الرمي 00اما السباحه صج خاطري اتعلم بس كله يتراولي ان بيجيني سمك القرش << متأثره بالافلام :p

[مشتاقة لقطر]

نتمى هالشي والله


لان تكررت بالامارات اكثر من سالفة وقوع اطفال بالبحر وغرقووووو

واخر سالفة الاربعا اللي طاف براس الخيمة بمزرعة ولد عمره 13 سنة مع اخوه يمشون احذا البركة وزلقت رجله طاح وغرق الين يو الاهل جد هوو طااااف عالسطح
وقبله بشهور بنوتة 8 سنين بعدزلقت وطاحت وغرقت

[نــــظــــره]

:eek5:

وين كانت بتغرق اختج في البحر ولا البرجه!!!!!!!! << سؤال فضول

الحمد الله على سلامتها


وبالنسبه للرمي الله وناسه خاطري ارمي اقصد اتعلم الرمي 00اما السباحه صج خاطري اتعلم بس كله يتراولي ان بيجيني سمك القرش << متأثره بالافلام :p


الله يسلمج يالغاليه

لا والله ف البرجه لانها درجات مادري شالي خلاها اطب في العميق تصدقين كنت قريبه منها طبيت ابي انقذها كنت بموت وراها :shy: لاحد يضحك ...... :(
بس الحمدلله لما جفت الحريم ينقذونها تراجعت
والله ف نفسي كنت اقول خلنا نموت سوا المهم ماقعد اطالعها وهي تموت ,, ربج كريم سبحانه

بس الحين اخذنا قرار لاتراجع فيه بهالصيف باذن الله بنتعلم السباحه

أما سمكة قرش اههههههه
لاتخافين ماعليج خوف يابنت النوخذه من عالم البحار :nice:

والله انا بعد خاطري اتعلم الرمي وركوب الخيل لان مثل مااحتجت للسباحه يمكن نحتاج لهم هذي وصايا الرسول

اوف هذرت وايد حطمت رقمج القياسي :D

[قطريه ماركه]

انا كلش مافضل البرك الخاصه المغلقه للسباحه لان تنقل الامراض والله العالم بحال كل واحد وهو طاب البرجه يسبح وعاد غير اليهال ياسلااااااااام ياخذون راحتهم عدل:looking:

مره واحد من عيالنا في برجه خاصه صادته حساسيه مادري اليهال شمهببين بالماي المكان مغلق في داخل البرجه والماي ابد يحوم حولهم:omen2: حتى لو الماي مفلتر بعد شسمه


المهم اتمنى تطهير البحر من الاجانب وملابسهم الخليعه عشان نقدر انروح ونتعلم مع اعيالنا السباحه بهالبحر المالح الي يرد الروح ويشفي من الامراض وينقي الجسم من الجراثيم

عموما فعلا" السباحه هوايه جميله جدا"

من المفترض أنه ينظفونها على طوول بالكلور ....

صح لازم في البرك خاصه تكون البيئة صحية و نظيفة 100%:victory:

[قطريه ماركه]

انا مليت الفورمة عشان ادخل ولدي من 3 شهور ولا ردوا علينا

ونفس الشي لبنت اخوي ماردوا علينا حتى يوم ردينا عليهم عقب اسبوع قالوا لين احين

مادري قطوا الابليكيشن اللي في الرسبشن

عموما اللي اشوفهم يتعلمون في المدرسة الاسترالية عيال الانجليز ... يعني اكيد الاولية لهم

على من نشتكي ؟؟؟

لا هاي قبل بس الحيين اللي شفته على طوول التسجيل و انتي واقفه .......

[قطريه ماركه]

و فيه أيام مخصصة للنساء و أيام للرجال و أيام للعوائل .......


ياريت والله نتعلم السباحه من فتره اختي كانت بتغرق واحنا نطالعها :eek3:
بسبب جهلنا بالسباحه بس الحمدلله ربي سخر لها ثنتين انقذوها في اللحظه الاخيره :(


اتخيل لو كان صار لها شي واحنا قاعدين انتفرج :eek3:

نبي نتعلم السباحه وفوقها الرمي وركوب الخيل

تسلمين اختي على الموضوع





سلامتها ما تشوفون شر ....

اي بعد حلوو الواحد يتعلم عشان ينقذ غيره ....

[الخيالة]

في لهم رقم تلفون اتصل واستفسر؟؟؟؟؟؟ ؟؟؟؟؟