امتحانات المجلس الاعلي [الأرشيف] - منتديات شبكة الأسهم القطرية

مشاهدة النسخة كاملة : امتحانات المجلس الاعلي

الحظ

08-06-2011, 05:25 PM

انتبة
قمة التخبط قمة التخبط
الاختبارات الوطنية للمجلس الاعلي باللغة العربية
الرياضيات والعلوم
يتم التعليم و التدريس بالانجليزي طوال العام وبعدها يتم مفاجئة أبنائنا بطريقة امتحانات مغايرة
اناشد اناشد اناشد
صاحبة السمؤ الشيخة موزا بنت ناصر ال مسند
التعليم يحتضر انقذي أولادنا

بوسعيد2

08-06-2011, 05:32 PM

قطر الاول في كل شئ بس قبل الاخير تقليد اعمى

بوسعيد2

08-06-2011, 05:34 PM

حـــــــــــــــــــــــــســـــــــــــــــــــــ ــبــــــــــــــــــــــــــنــــــــــــــــــــ ـــا الله ونعم الوكيل

sendarala

08-06-2011, 05:36 PM

بس اللي اعرف ان المجلس بلغ ادارات المدارس بان الاسئلة بتكون باللغتين ( العربية والانجليزية في نفس الوقت ) هذا اللي بلغونا فيه

بوسعيد2

08-06-2011, 05:36 PM

والله منجح المجلس على الطريقة ذي

الحظ

08-06-2011, 05:44 PM

بس اللي اعرف ان المجلس بلغ ادارات المدارس بان الاسئلة بتكون باللغتين ( العربية والانجليزية في نفس الوقت ) هذا اللي بلغونا فيه

ادخلوا موقع المجلس الاعلي للتأكد بان الامتحانات باللغة العربية
الله يستر الله يستر الله يستر

BLING-QTR

08-06-2011, 05:45 PM

من خلال هالرابط تقدرون تتواصلون مع طويلة العمر

http://arabic.mozabintnasser.qa/contactus/Pages/default.aspx

اتمنى الكل يدخل عليه ويكتب اللي بخاطره

بوسعيد2

08-06-2011, 05:50 PM

من خلال هالرابط تقدرون تتواصلون مع طويلة العمر

http://arabic.mozabintnasser.qa/contactus/pages/default.aspx

اتمنى الكل يدخل عليه ويكتب اللي بخاطره

يكفي وطن الحبيب الله يسلمك الي واصل حتى في الوطن العربي خل الناس الي يبكون تنحل مشكلهم وبعدين بنفكر وسلامتك

الحظ

08-06-2011, 05:50 PM

سوف ادخل علي الموقع وارسل رسالة الي صاحبة السمؤ الشيخ موزا بنت ناصر المسند وأتمني من كل مواطن ان يرسل لانقاذ أبنائنا من الضياع

ريماس الغلا

10-06-2011, 08:07 PM

المفروض الغاء فكرة المدارس المستقلة

Qtr95

10-06-2011, 08:11 PM

BoYousuf

10-06-2011, 08:39 PM

:omg:

الله المستعان ياخوي,, بس في احد من الاعضاء حط رابط للملجس الاعلى وفيه امتحانات للتدرب عليها,, وكانت بالعربي وبالانجليزي,, ليش التخبط وعدم استعمالها

الله ايعيين طلاب المدارس والله,,, يننوهم

ام السعف

10-06-2011, 08:58 PM

انا اوريك فيهم المجلس الأعلى ..

تراني حاقد عليهم حقد مو طبيعي ..
من النوع اللي ماقدر انا بالليل بس افكر شلون اقهرهم هههههه
هاذي خطوة اليوم ..

http://www.************/watch?v=Oi6vnwH3qgM

you tube

الموسيقى هادية ما تليق بالمادة المنشورة :(
يبي لكم موسيقى اترج رج وتثير الضغن والعصب و ترفع من وتيرة الحماس
لتفاعل الباردين وياكم :telephone:

الحين بيدخل علي صاحب مقولة لا تحرضين الاعضاء :weeping:

Qtr95

10-06-2011, 09:02 PM

الموسيقى هادية ما تليق بالمادة المنشورة :(
يبي لكم موسيقى اترج رج وتثير الضغن والعصب و ترفع من وتيرة الحماس
لتفاعل الباردين وياكم :telephone:

الحين بيدخل علي صاحب مقولة لا تحرضين الاعضاء :weeping:

الجيات اكثر انشالله ,
انا على صدد عمل حملة الكترونية :shy:
انا انطر سوسو تطرشلي صيغة شلون اكتب الكتاب ..
بس ليحين ما ردت ..

ام السعف

11-06-2011, 12:27 AM

الجيات اكثر ان شاءلله ,
انا على صدد عمل حملة الكترونية :shy:
انا انطر سوسو تطرشلي صيغة شلون اكتب الكتاب ..
بس ليحين ما ردت ..

كانت تقول لي انها تعد لك صيغة مناسبة وتبحث عن اسامي :telephone:
اعتقد انها خلصت ( المفروض خلصتي يا بنت الحلال ) :telephone:

كلنا معاك ان شاءالله ،،وتحت امرك وانا امك :shy:

R 7 A L

11-06-2011, 03:04 AM

الوردة

11-06-2011, 10:22 AM

الاختبارات ستكون بمشيئة الله تعالى باللغتين الإنجليزية والعربية بحيث سيعطى لكل طالب كراستين أسئلة واحدة باللغة العربية والأخرى باللغة الإنجليزية وهو عليه أن يختار اللغة التي سيجيب بها دون تدخل المراقبين ووفقا للاستطلاع الذي أجريته بإحدى المدارس الثانوية حول هذا الموضوع كان رد الطلبة على النحو التالي
الطلاب الذين تعودوا على نظام المستقلة والاختبارات الوطنية معظمهم سيختارون الإجابة باللغة الإنجليزية
طلاب الفوج السابع معظمهم سيختارون الإجابة باللغة العربية لأنهم لم يتعودوا على نظام الاختبارات الوطنية والدراسة بالإنجليزية لأنهم في أول الطريق

qatar143

11-06-2011, 10:23 AM

اخي العزيز الحظ
صباح الخير
كيف حالك

المجلس الأعلى للتعليم ابلغ إدارات المدارس أن الامتحانات باللغتين والطالب كيفه يختار مايريد .. صباح الخير مرة أخرى .

استغفرالله.

11-06-2011, 11:24 AM

المجلس الاعلى للتحطـــيم

كازانوفا

11-06-2011, 11:27 AM

ياريت الغاء فكرة المدارس النستقله والامتحانات الوطنيه اللى ما لها داعي
علمو وبرمجو الطلاب على نمط معين وبين يوم وليله كل شي تغير او تم ادخال نظام غريب لا يتقبله العقل ولا يستوعبه

بوحارب

11-06-2011, 11:35 AM

يعني مب خالصين مع هالمجلس الأعلى

التيما

11-06-2011, 11:49 AM

الامتحانات بتكون بالعربي والانجليزي هالمعلومه انا متاكدة منها كمدرسة .. المصيبة صيغه الاسئلة باللغة العربية الفصحى .. تخيلوا طالب في الرابع يجيه سؤال بالرياضيات ( ماهو ناتج العملية أدناه والمستثنى من الاجابة ) !!! اذا الطلاب مب متعودين على هالنمط من الاسئلة بهالطريقة تبهذلونهم شولا ؟؟ حسبي الله على هالمجلس الأعمى ..

ماسويتي فينا خير يا حمدة السليطي ..

( أكاديمية )

11-06-2011, 02:07 PM

التيما

11-06-2011, 02:26 PM

لاتسبقوا الأحداث ... !!!!!
الأختبارات بأذن الله سهله وماتستدعي هالتخّوف ومن المنهج ... !
بس شدوا الهمة وأرقوا لها وخلكم عن الكسل والمجلس الأعلى ماقصر حطالكم نماذج على الموقع
وراح تكون الأختبارات مترجمة >>> ----- أسهل من كذا وش تبون ؟

للعلمك اختي اكاديمية .. بحكم اني مدرسة .. ترى الخوف مو من الامتحانات .. الخوف من المهزلة اللي صايرة .. انقهر لمن تجي اخت واكاديمية مثل حضرتج وتستهزأ بالأهل وتقول لهم أرقوا لها !! ارقى بوشوا بالله ؟؟

حبيبتي ترى احنا مرينا على النماذج اللي حاطها المجلس الأعلى كأهالي وانصدمنا مو من الاختبارات .. انصدمنا ان هالنماذج عيالنا مادروا عنها طول السنة أصلا .. طيب الامتحانات اذا هي بتكشف بلاوي المدرسين شذنب عيالنا ؟؟

ولدي عطيته نموذج الاختبارات وولدي ممتاز في الرياضيات .. أنا شفت الأسئلة انصدمت السالفة فيها منقلة ومثلث وانا أم ماعمره ولدي ولا مدرستهم اطلبت ادوات هندسة !!! وأسأله قلت يمكن انا اكون مقصرة ومانتبهت كل شي جايز ويقولي لا عمرنا ما استخدمنا المثلث ولا المنقلة :omg: .. قلت ولدي مفهي يمكن انا فرحانه واقول عنه شاطر بسأل عيال اخوي بنفس الصف .. يقولون لي ما يستخدمون المنقلة ولا المثلث ؟؟ طيب بالله شلون يحطون لهم نماذج فيها استخدام مثلث ولا منقلة دامهم مب متدربين عليه ؟؟؟؟؟؟؟

قياسات انا حاسبتها شي ومدرستهم حاطه لهم حسبة غير غلط .. سألت اللي حولي كلنا صح والمعلمة معلمتهم غلط الحين امشي على حسبتي للمسألة ولا حسبة المعلمة ؟؟؟؟؟ حليها وارقي اشوف مع الاسئلة ..

سؤال تقريبي يبلغ طول رجل مترين كم تتوقع طول الشجرة ؟؟ انا قسته 8 امتار ومعلمته حاطة الجواب 6 امتار !!!!!!!!!!!!!!!!!!!!!!!!!!!!!!!!!!!!!! وشو الصح ؟

نرقى بوشوا ولا وشوا ؟؟ ترى احنا راقيين والحمد لله ونعرف ندرس عيالنا .. البلا في المعلمين والمجلس الأعلى ..

الحين لو رسب ولدي والله ما سكت انا اعرف ولدي وواثقه فيه انه متفوق اقراله سؤال يقولي مافهمته ؟؟؟؟ من بيفهمه اللغة اللي حاطينها في الامتحان ..

سجل حامد 14 هدف وحامد وسعود 25 هدف اكتب معادلة رياضية لإيجاد ( هـ ) وهي عدد الأهداف التي سجلها سعود ؟؟
يعني مايعرف يقول من اولها كم عدد الأهداف التي سجلها سعود ؟؟ وشو ايجاد ( هــ ) ؟؟

مسألة رياضية يبون طالب يحلها في الرابع عبارة عن اربع مسائل مع بعض !!

استخدم مثلث قائم الزاوية وارسم مستقيم مواز للخط أ و ب ثم استخدم مثلث ومسطرة لرسم مستقيم عمودي على الخط د و ج وسميه ه و و ثم صف العلاقة بين المستقيم ج ود و المستقيم ه و و !!!!!!!!!!!!!!!!!!!! بذمتج ياللي تبينا نرقى هاي سؤال ؟؟؟ سؤال فيه اربع طلبات حق طالب في الرابع ؟؟ طفل بيرسم الخط الأول وبيفكر انه خلص باقي السؤال من بينبهه انه ما حله ؟؟؟

حسبي الله عليكم يالمجلس الأعمى .. بهذلتوا عيالنا .. عساهم كلهم يفشلون ويرسبون عشان تعرفون انكم فاشلين ..

Mohammed2

11-06-2011, 02:31 PM

من كلام الدكتوره حمده ان الامتحانات بتكون باللغتين الانجليزيه والعربيه

al3grab

11-06-2011, 02:32 PM

شر البليه ما هههههههه

التيما

11-06-2011, 02:38 PM

من كلام الدكتوره حمده ان الامتحانات بتكون باللغتين الانجليزيه والعربيه

اقولك شي .. ولدي متعلم بالانجليزي .. واخر الايام بدت معلمتهم تعلمهم بالعربي صار يكتب نص عربي ونص انجليزي ..

تخيل وانا ادرسة كتب على مستطيل 10 و 4 بالانجليزي وحط 5 بالعربي بينحسب له عربي ولا صفر بالانجليزي ؟؟

حاولت اعلمه يا بالعربي بس يا بالانجليزي بس ماقدر مسكين طول السنه انجليزي واخر الاسابيع بالعربي بهذلوهم حسبي الله عليهم :weeping:

ام السعف

11-06-2011, 02:51 PM

:waiting:

خير ا ن شاءالله ؟
شوشت عليك بشي ؟
ولا شفت تناقض ثاني في كلامي ؟
او يمكن تحريض وانا ما ادري؟ :)

ام السعف

11-06-2011, 02:52 PM

R 7 A L

11-06-2011, 08:30 PM

خير ا ن شاءالله ؟
شوشت عليك بشي ؟
ولا شفت تناقض ثاني في كلامي ؟
او يمكن تحريض وانا ما ادري؟ :)

تعتقدين الموسيقى الصاخبــــة بتنفع الطلاب في الركيز !!!

Qtr95

11-06-2011, 09:28 PM

للعلم انا مالقيت الحاسبة اللي يبونها ..
هو في 3 انواع , ومالقيت ولا نوع :(