افضل شركات المقاولات عن تجربه شخصيه (البحث عن عرض سعر) !!!

[Qt.1]

شباب بغيتكم اترشحون لي كم شركة مقاولات علشان اوزع عليهم الخرايط حق عرض السعر , وعقب الله يكتب الي فيه الخير ونختار وحده ونبني , بس رجاء خاص شباب نبي عن تجربه شخصيه من حيث نظافة البناء والمده الزمنيه والمعامله ؟

وجزاكم الله كل خير :)

[بوخالد911]

الله يووفقك


شيك الخااص

[رآعي موآجيب]

ليش يابو خالد لييييش

ترانا نحبك فـ الله فلا تبخل على اخوانك بالمقاول السمح القنوع اللي ذبحه اسلامي :nice:

[بو الجوري]

هلا أخوي :..

بطرشلكـ على الخاص :..

و الله يوفقك و يعينك :..

و نصيحــه :.. لا تعتمد على رخص السعر :..
يعني شوف الجوده و قارن :..

و شوف عرض السعر شامل شنو :..

[بوخالد911]

ليش يابو خالد لييييش

ترانا نحبك فـ الله فلا تبخل على اخوانك بالمقاول السمح القنوع اللي ذبحه اسلامي :nice:

هلا بك عزيزي
أحبك الله في الذي أحببتني من أجله

لا ذبح اسلامي ولا نصراني حتى
:nice::nice::nice:

السوق عرض وطلب

وشوووف السعر المناسب لك

والله يوووفقكم

:victory::victory::victory:

[بوخالد911]

بس حبيت أضيف شيء مهم :

المقاول اللي يخاف ربه بذي الأيام ؛ كالعملة الصعبة

والله يسهل علييكم

[مضارب دوسري]

تبي راحة البال خل المقاول اسيوي
باكستاني ولا هندي

اهم شي مايكون عربي

[فريج النجادة]

تبي راحة البال خل المقاول اسيوي
باكستاني ولا هندي

اهم شي مايكون عربي

انا عندي عمالة عربية مصرية تشتغل

حتى يوم الجمعة

وتخلص قبل الوقت المحدد

والتجربة خير برهان

[مضارب دوسري]

انا تكلمت عن الذمه
بصراحه اكثر قضايا المحاكم من مقاولين مصريين وسوريين

افضل حل يكون المقاول اسيوي يكون شغله نظيف ومب طماع ولا جشع ولا يحاول يستغل اي غفله من صاحب العقار عشان يسوي له شغل مش حالك

وخير برهان انت من فتره تقول تسوي العظم ب 1400
650 ريال فالمتر شغل يد و750 مواد

هذا خير برهان اخوي

[بوخالد911]

تبي راحة البال خل المقاول اسيوي
باكستاني ولا هندي

اهم شي مايكون عربي

:victory::victory::victory::victory::victory::vict ory:

[فريج النجادة]

انا تكلمت عن الذمه
بصراحه اكثر قضايا المحاكم من مقاولين مصريين وسوريين

افضل حل يكون المقاول اسيوي يكون شغله نظيف ومب طماع ولا جشع ولا يحاول يستغل اي غفله من صاحب العقار عشان يسوي له شغل مش حالك

وخير برهان انت من فتره تقول تسوي العظم ب 1400
650 ريال فالمتر شغل يد و750 مواد

هذا خير برهان اخوي

انت تدري بارك الله فيك ان البيوت ليست وحدة

وممكن يكون بيتين نفس المساحة وكل واحد سعرة يختلف

عن الثاني على حسب خريطة البيت

والعمالة ليست واحدة ممكن اثنين نفس الجنسية واحد أمين والثاني حرامي

[الفاو]

بعد اذن صاحب الموضوع
انا بعد ادور شركه مقاولات شغله عدل وسعره ممتاز
لاتبخلون علينا يالاعضاء المحترامين
وشكرا

[مضارب دوسري]

اخوي فريج النجاده
ماختلفنا على موضوع كل خريطه تختلف عن الثانيه ولكن
انا تكلمت على حسب عرضك
قلت فيه المواد 750 وشغل اليد 650

يعني واحد مثلا يبني بيت مساحة البنيان 500 متر
يعني عمالتك بتاخذ 325 الف عن البيت

لو قلت العماله ب 250 مثل باقي الشركات كان قلنا ان عرضك مغري
تقول 250 شغل يد و المواد تكون على حسب الخريطه
اما انك حددت تكلفة المواد بشكل ثابت اللي هو 750 وشغل اليد 650
فمعناته ان العماله اللي عندك محد فاهم بيبني عندها

في اكثر من شركه تقول المواد مثلا750 وانا شغل يدي 200
صريح ومايبي يلاعب
يعني يقول ابي 375 الف مواد و 100 الف شغل يدي

يعني ب 950 ريال للمتر

وانت فارق عنه ب 450 ريال للمتر
يعني الواحد يقدر يوفر 225 الف مقارنه عن عمالتك

[Qt.1]

شكرا لكم شباب , وفي انتظار المزيد من الااراء (من تجربه شخصيه)

[فريج النجادة]

اخوي فريج النجاده
ماختلفنا على موضوع كل خريطه تختلف عن الثانيه ولكن
انا تكلمت على حسب عرضك
قلت فيه المواد 750 وشغل اليد 650

يعني واحد مثلا يبني بيت مساحة البنيان 500 متر
يعني عمالتك بتاخذ 325 الف عن البيت

لو قلت العماله ب 250 مثل باقي الشركات كان قلنا ان عرضك مغري
تقول 250 شغل يد و المواد تكون على حسب الخريطه
اما انك حددت تكلفة المواد بشكل ثابت اللي هو 750 وشغل اليد 650
فمعناته ان العماله اللي عندك محد فاهم بيبني عندها

في اكثر من شركه تقول المواد مثلا750 وانا شغل يدي 200
صريح ومايبي يلاعب
يعني يقول ابي 375 الف مواد و 100 الف شغل يدي

يعني ب 950 ريال للمتر

وانت فارق عنه ب 450 ريال للمتر
يعني الواحد يقدر يوفر 225 الف مقارنه عن عمالتك

الاسعار قابلة للمساوة

[رياني qtr]

انا تكلمت عن الذمه
بصراحه اكثر قضايا المحاكم من مقاولين مصريين وسوريين

افضل حل يكون المقاول اسيوي يكون شغله نظيف ومب طماع ولا جشع ولا يحاول يستغل اي غفله من صاحب العقار عشان يسوي له شغل مش حالك

وخير برهان انت من فتره تقول تسوي العظم ب 1400
650 ريال فالمتر شغل يد و750 مواد

هذا خير برهان اخوي



انشهد انك صدقت وخاصة الجنسية الاولى لو يحلف لك على مسجد لا تصدق حسبي الله عليهم باقو من واحد من الربع 400 الف والى يومك وهو مع المحاكم وماقدر ياخذ منهم لا حق ولا باطل والاخ يسافر ويصيف على حساب رفيجنا كل سنة

[Qt.1]

لللرفع

[AL-ANSARI]

شوف اكثر من مقاول والي ترتاح له من ناحية السعر ويفضل يكون في قطري تتعامل معاه احسن لك

[AL_MUTAEM]

بالتوفيق اخوي ..

اتمنى منك التعامل مع شركه وان ترا اعمالهم الاخيره وان يكون التفاهم مع شخص قطري وليس احد العمال او الفورمان ومن الافضل وجود مهندس بالشركه ..

وصدقني اخوي السعر مش مشكله الاهم راحتك النفسيه وطريقة عمل العماله والاهم الاشراف عليهم من قبل الشركه والاستشاري .

سوف يتم ارسال عدة شركات تعاملت معاهم بالخاص ..

[مضارب دوسري]

اخوي المتيم شلون السعر مب مهم

اذا جاك مقاول عظم وبلاستر ب 950
ومقاول ثاني عظم بلاستر ب 1300

بصراحه هل ستختار اللي يسوي المتر ب 1300 ؟ وتقول في نفسك اهم شي الراحه النفسيه ؟

اي واحد فيهم لازم بتراقبه وبتروح تشوفه كل شوي وكل واحد بتتعب معاه خصوصا اذا تسوي بيت العمر مب بيت تجاري

الفرق اللي بينهم 350 ريال عن المتر هذي تساوي نص التشطيبات

هل معقوله بتخليها عادي وتخلي المقاول ياخذها بارده مبرده منك ؟

[مضارب دوسري]

اخوي المتيم شلون السعر مب مهم

اذا جاك مقاول عظم وبلاستر ب 950
ومقاول ثاني عظم بلاستر ب 1300

بصراحه هل ستختار اللي يسوي المتر ب 1300 ؟ وتقول في نفسك اهم شي الراحه النفسيه ؟

اي واحد فيهم لازم بتراقبه وبتروح تشوفه كل شوي وكل واحد بتتعب معاه خصوصا اذا تسوي بيت العمر مب بيت تجاري

الفرق اللي بينهم 350 ريال عن المتر هذي تساوي نص التشطيبات

هل معقوله بتخليها عادي وتخلي المقاول ياخذها بارده مبرده منك ؟

[المقاول]

انا ارشح لك ....
شركة الودعاني للتجارة والمقاولات
صاحبها واحد قطري .. صدق وامانة . واسعار العظم عندهم فوق 1000 ريال
احسن من مقاول بيك اب يعطيك سعر رخيص وينهبك ويغشك ... وهذا بيت العمر مش مزحة

[مضارب دوسري]

اخوي صاحب الموضوع
فيه شركتين فالخور الكل يمدحهم هنا فالمنطقه
بس المشكله انك فالدوحه وبيكون السعر اغلى عشان المسافه

الشركتين عرضوا علي اسعار العظم وبلاستر بشكل مبدئي يبدا من 900 وينتهي ب 950
والكهربائي بيكون من عندهم والبايب فيتر والبلاستر
والعازل بس لهم سعر يشملهم كلهم بحدود ال85000 ريال
الكهربا قالي انجليزي انجليزي بين ال35000 الى 40000
والبايب فيتر قالي كل حمام ب 3000 ريال او اقل
كل شي بيثب بعد ماتنتهي الخرايط وتحديد عرض السعر
وقالي اذا تسليم مفتاح بيكون كامل 1520 للمتر
بس اذا ابي ازيد اسعار التشطيب بعد ما يسوي عرض سعر اقدر ازيد السعر على راحتي حتى لو ابي ب 1650 بس تكون الزياده في اسعار المواد التشطيب

بصراحه انا عجبني سعره والاهم انه هندي وشفت اكثر من 3 بيوت سواهم وكلمت اصحاب البيت ومدحوه لي

[desert hunter]

ياجماعه شركة بردى شرايكم فيها

[AL_MUTAEM]

اخوي المتيم شلون السعر مب مهم

اذا جاك مقاول عظم وبلاستر ب 950
ومقاول ثاني عظم بلاستر ب 1300

بصراحه هل ستختار اللي يسوي المتر ب 1300 ؟ وتقول في نفسك اهم شي الراحه النفسيه ؟

اي واحد فيهم لازم بتراقبه وبتروح تشوفه كل شوي وكل واحد بتتعب معاه خصوصا اذا تسوي بيت العمر مب بيت تجاري

الفرق اللي بينهم 350 ريال عن المتر هذي تساوي نص التشطيبات

هل معقوله بتخليها عادي وتخلي المقاول ياخذها بارده مبرده منك ؟


اخوي مضارب دوسري ..
انا كنت اقصد الفروق الصغيره يعني من 20 الى 50 ريال لان السعر بالسوق بالوقت الحالي العظم من 950 الى 1050 وهذا اللي اقصده بس بهالسعر اللي انت تقوله بصراحه مامر علي 1300 وعظم بلاستر !!
اخوي دائما عط الخباز خبزه لو كلا نصه يعني انا انصح حُسن اختيار الاستشاري حتى لو بسعر عالي المهم يكون ضميره حي ومش يوقع على صورة الموقع لان بعض الاستشاريين الله يهديهم مايروح الموقع ويطلب من الشركه ارسال صوره للمرحله اللي وصلوا لها ..!!
واتوقع القصد مفهوم وانا ما اقصد الجميع بس فيه نسبه منهم الواحد يتحاشاهم واتوقع سمعتهم بالسوق معروفه ..

هذا اللي كنت اقصده واتمنى وصول المعلومه .

[مضارب دوسري]

هلا اخوي المتيم
ابشرك في مقاولين يطلبون 1300 و1250
وفي احد الاعضاء يطلب 1400 فالمتر وله موضوع عندنا
كلامك صحيح بخصووص الاستشاري

[Qt.1]

اخوي صاحب الموضوع
فيه شركتين فالخور الكل يمدحهم هنا فالمنطقه
بس المشكله انك فالدوحه وبيكون السعر اغلى عشان المسافه

الشركتين عرضوا علي اسعار العظم وبلاستر بشكل مبدئي يبدا من 900 وينتهي ب 950
والكهربائي بيكون من عندهم والبايب فيتر والبلاستر
والعازل بس لهم سعر يشملهم كلهم بحدود ال85000 ريال
الكهربا قالي انجليزي انجليزي بين ال35000 الى 40000
والبايب فيتر قالي كل حمام ب 3000 ريال او اقل
كل شي بيثب بعد ماتنتهي الخرايط وتحديد عرض السعر
وقالي اذا تسليم مفتاح بيكون كامل 1520 للمتر
بس اذا ابي ازيد اسعار التشطيب بعد ما يسوي عرض سعر اقدر ازيد السعر على راحتي حتى لو ابي ب 1650 بس تكون الزياده في اسعار المواد التشطيب

بصراحه انا عجبني سعره والاهم انه هندي وشفت اكثر من 3 بيوت سواهم وكلمت اصحاب البيت ومدحوه لي

تسلم يامضارب والله يعطيك العافيه , وبالفعل السعر اشوفه معقول مقارنه بشركات ثانيه وانا ارضي في الخيسه روضة الحمام وفي وايد بيوت تنبني اهناك الحين , والله يكتب الي فيه الخير :)

[Qt.1]

للرفع شباب وبانتظار المزيد لتعم الفائده

[الحـ قطر ــب]

شباب رشحولنا شركة مقاولات زينة وماتاخر الواحد

[قطري قديم]

ياشباب انا عمالتي كلها من النيبال والهند وما ابقي امدحهم بس المشاريع الي انجزناها والمشاريع الي مالزلنا شغالين فيها تثبت الكفاءة انشاء الله من ناحيه الوقت وجودة العمل والسعر المنافس باذن الله
اخوكم/ قطري قديم

[قطري قديم]

والي حاب يزور المواقع ويقابل الملاك انا حاضر وفي خدمتكم .

[مساهم الشبكه]

الشيخ انا تعاملت مع شركة فاس للتجاره والمقاولات مع هندي اسمه بريم ولا عمري شفت صاحب الشركه ويشهد الله علي ان ولا مره تهاوشت معاه او قلت له امر ولا سواه لي مشت اموري معاه بشكل جدا طيب ....فيه ملاحظه ابيك تحطه في بالك ..البعض يقولك بخلصك البيت في خلال سبع شهور وتاخر عليك على سبيل المثال في عشر شهور ترى مقياس العمل عنده ممتاز ولا هو بفاشل وانا حصل لي هالامر وهناك اسباب مثل ايام الصيف يكون قرار ادارة العمل والعمال تفرض عليهم بنص دوام الامر الثاني شركات الردي مكس يكون موعدهم بعيد عليك الامر الثالث فيه بعض صبيات العمدان تاخذ وقت اكثر لين مايشيل الخشب عشان يكمل باقي اعمال البناء وخاصه اذا البيت كان فيه شغل من ناحية العمدان الخ فيعني عليك بالحلم وطولة البال وحياتك عقب بناء البيت تصير مقاول سوبر ستار والله يوفق لك مسعاك يارب

[بوسياف]

السلام عليكم

ويصبحكم بالخير جميعااا....

انا ويا الاخ الي يقول السعر مايفرق اهم شئ السعر ,,, لان اغلب الي يعطونك اسعار نازلة نصابين او شغلهم اي كلام .. وعن تجربه شخصية ..

لانه موب معقول كل المقاولين من 1000 وطالع ....ويجيك مقاول يقول 850 او 900 ريال للمتر ....
احنا نقول وش علي بشد عليه واراقبه وبيني وبينه عقد ،،، لكن والله انهم يهدون حيلك ويضيقون خاطرك ويكدرون ايامك ... وبعدين يكفي انهم مايشتغلون من خاطر ولاينصحونك من الاخطاء انا وانت والثاني والثالث
بالنهاية خلفيتنا عن المقاولات بسيطه جدا ....

تبي نصيحتي عندي لك شركة ماعليها كلام ....
واذا حاب بعد حياك زورني وتقهوى وياي وشوف شغلهم شلون عندي ....

وانا بالنهاية حاس بمعاناتك ... لاني كنت مستعجل لان وراي دراسة وتعاقدت ويا شركة كرهتي بعيشتي الين تركتهم
لكن الشركة الحالية تاكدت انهم اوادم موب نفس الي قبل ....

[بن بحر]

صباح الخير للجميع

حبيت اوجه دعوه لكم ولاخواني اللي حابين يبنون بيوتهم انهم يتفضلون عندنا في شركة ابحار العالمية للمشاريع ونشوف خرايطهم وندرسها ونعطيهم السعر اللي بيرضيهم بإذن الله واذا حابين تشوفون شغلنا على ارض الواقع حياكم الله والحمد لله رب العالمين من بنا عندنا جاب قرايبة واخوانه وربعه يبنون عندنا وموقعنا في شارع ام الدوام مقابل كوكتيل مندرين في سوق غانم التجاري الطابق الاول شقة رقم 6 ويا مرحبا ويا مسهلا بالجميع

[بن بحر]

اوووووه سوري نسيت اقولكم ترا عندنا مصمم ومنفذ ديكورات داخلي وفي قمة الروعه ويا مرحبا

[بوشاهين2]

طويل العمر ليش أتعور راسك وخايف أنك تتوهق مع أي مقاول .. طويل العمر أدخل على ( لجنة المناقصات المركزية - تصنيف الشركاة - قائمة الشركاة المصنفه ) وأختار الشركة ألي تعجبك ولتخاف ولتحاتي لأن هالشركات أمصنفه من الدولة ..

[المـــــ$$$ـــــتثمر]

ما أقول إلى الله يعين كل من هو مقبل على البنيان أو قاعد يبني
بصراحة انه هم .. وقرف .. وعوار راس .. وسندارة .. وتفكير ما يوقف .. ومراكض .. ومراقبة ..

الله يعين ..

أنا عندي كم نصيحة (( من وجهة نظري تسوى ذهب ))

1 - لا تتعاقد مع أي مقاول ( إلا إذا شفت أكثر من بيت هو مسويهم ) موضوع أنك تشوف البيت وتسأل راعية ظروري جداً ......... !!!!!!!!!!! غير كذا أنت على عماها
2 - خذ وقتك وراحتك لأبعد الحدود في كتابة العقد وتحديد المواصفات
( والله العظيم انه بيه بنود ما تخطر على بال احد )
خذ العقد + المواصفات .. واعرضهم على أكثر من إستشاري ( حتى لو بفلوس والله موب خسارة )
موضوع العقد وتحديد السعر ترى ما راح يطلع أبداً زي إلي مذكور في العقد (( صدقني ))
على سبيل المثال ( أنا شخصياً )
مع ان المقاول يدري أني بركب جبس للبيت بالكامل
في النهاية قالي أخذ على تركيب السبوت لات 10 ريال للحبة
قال أيش موب محسوب في العقد ( موب مذكور )

نصيحة لوجة الله إذكر أدق التفاصيل في العقد ( صح انك بتتلعوز في ذكر التفاصيل ,, لكن بترتاح في النهاية )

مثلاً ( المقاول زاد علي مبلغ يتعدى الـ 10000 فقط لتمديدات السبوت لايت )
قال ايش : ما إتفقنا عليها في العقد

3 - نصيحة لوجة الله أثناء كتابة العقد ( مر على السوق وشوف أسعار البناء )
عشان تعرف الوضع على الحقيقة
موب تتفق مع المقال في العقد ( مثلاً باب الخشب الداخلي الواحد بـ 1500 ريال) ولما يجي وقت تفصيل ابواب الخشب ,, تروح المناجر تتفاجئ ان الأبواب الزينة إلي انت تبيها تتعدى الـ 2000 ريال
لا يا أخي روح من الحين وشوف إلي أنت تبيه أسعارهم على كم بعدين سجله في العقد

مثلاُ : البلاط ,, السيراميك و البورسلان ,, الرخام ,, الجرانيت للمداخل : الإنترلوك ,, القرميد ,, الصبغ الخارجي والداخلي ,, روح شوف السوق قبل لا تكتب أسعارهم في العقد ..
لا تاخذ على كلام المقاول يقول لك والله الرخام على كذا وعلى كذا
أنا قالي المقال شيء والي لقيتة في السوق شيء ثاني وبأسعار أعلى ( إنصدمت ) ؟؟؟
الدرج الرخام قالي على 200 ريال
والي لقيتة في السوق على 600 ريال للمتر المربع ( لأن الدرج دائري )
والمصيبة حاسب السعر 200 ريال مع التركيب بعد موب بس سعر الرخام
وأنا كنت مفكر ان سعر المتر للرخام إلى بيركبة لي 200 ريال غير سعر التركيب

البورسلان : مكتوب في العقد سعر المتر 40 ريال لأرضيات الغرف والمطابخ والحمامات أعزكم الله
يوم وصلنا لتركيب البلاط ورحت للسوق ,, أقل بلاطة عجبتني يعني داقة .. بـ 60 ريال
والي شكلة زين وحلو على 80 ,, 90 ,, 100 وفوق ,, لا وصيني بعد

إضطريت إزيد في الأسعار ,, لين صارت معي فرقيات تعدت سعر البناء بكثير جداً جداً ,, ما كنت حاسب أي حساب لها ...


و هلم جرى ... إلخ.. إلخ.. إلخ.. من الأشياء إلي شيبت راسي ,,


4 - نصيحة لوجة الله ,, لا تعدل في التصميم إلي إتفقت مع المقاول علية
لأنه أي تعديل راح يشيل أي خسارة تطلع معه على هذا التعديل
( هو أصلاً يدورها من الله أنك تعدل إذا تطلعت حسابات مش دقيقة )
راح يزيد في سعر التعديل للتعوض عن الخسارة


5 - ارفع الأسوار ( طابوقتين او ثلاث أو اربع ) لأنها من الداخل بعد الدفان والبلاط ,, عادي أطل براسك على الشارع


6 - تأكد من كل إحتياجاتك في الكهربا قبل لا تبني أو تتعاقد مع أي مقاول
* تمديدات الحديقة (الكهربائية أو المائية) إذا بتتفق مع مزارع بيكون علية تمديد الماء
*تمديدات للسخان المركزي ( 3 فيز أو سنقل فيز ) إذا كان فيه سخان مركزي ( ركب 3 فيز حتى لو موب محتاها لأنك تقدر تأخذ منها سنقل فيز )
*تمديدات الإنترنت
*تمديدات الكميرات (للمراقبة)
*تمديدات الهاتف
*تمديدات الإنتر كم
*تمديدات المكيفات ( تأكد من أحجام المكيفات لأن من 3 طن وفوق تقريباً تحتاج 3 فيز موب متأكد )
(((((((((( الديبيهات :: لا تاخذ قد حاجتك بالضبط أبداً أبداً أبداً أبداً ))))))))))
الدي بي إلي عندي تسكر بالكامل ( Full) يعني ما فية مكان لأي بريكر إضافي
وكنت محتاج بريكرات أركب عليها التايمر إلي يشغل ويسكر الكهربا للإنارة الخارجية ( ما لقيت مكان )

كل هذة التمديدات ( لازم تكون معتمدها نهائياً ) خصوصاً موضوع اللوبنق في الغرف لأنابيب التسليك
تبي كل غرفة تتمدد بروحها ولا عادي كل غرفتين أو ثلاث مع بعض
لا تزيد وتغير في عدد السوكتات أو أماكنها ( تاخذ فلوس ووقت وتأخير )



والله لو اتكلم لين الصبح ما خلصت ,,,,,

المهم ما ابي اطول عليكم ,,,


تحياتي للجميع

[almaf1a]

ما أقول إلى الله يعين كل من هو مقبل على البنيان أو قاعد يبني
بصراحة انه هم .. وقرف .. وعوار راس .. وسندارة .. وتفكير ما يوقف .. ومراكض .. ومراقبة ..

الله يعين ..

أنا عندي كم نصيحة (( من وجهة نظري تسوى ذهب ))

1 - لا تتعاقد مع أي مقاول ( إلا إذا شفت أكثر من بيت هو مسويهم ) موضوع أنك تشوف البيت وتسأل راعية ظروري جداً ......... !!!!!!!!!!! غير كذا أنت على عماها
2 - خذ وقتك وراحتك لأبعد الحدود في كتابة العقد وتحديد المواصفات
( والله العظيم انه بيه بنود ما تخطر على بال احد )
خذ العقد + المواصفات .. واعرضهم على أكثر من إستشاري ( حتى لو بفلوس والله موب خسارة )
موضوع العقد وتحديد السعر ترى ما راح يطلع أبداً زي إلي مذكور في العقد (( صدقني ))
على سبيل المثال ( أنا شخصياً )
مع ان المقاول يدري أني بركب جبس للبيت بالكامل
في النهاية قالي أخذ على تركيب السبوت لات 10 ريال للحبة
قال أيش موب محسوب في العقد ( موب مذكور )

نصيحة لوجة الله إذكر أدق التفاصيل في العقد ( صح انك بتتلعوز في ذكر التفاصيل ,, لكن بترتاح في النهاية )

مثلاً ( المقاول زاد علي مبلغ يتعدى الـ 10000 فقط لتمديدات السبوت لايت )
قال ايش : ما إتفقنا عليها في العقد

3 - نصيحة لوجة الله أثناء كتابة العقد ( مر على السوق وشوف أسعار البناء )
عشان تعرف الوضع على الحقيقة
موب تتفق مع المقال في العقد ( مثلاً باب الخشب الداخلي الواحد بـ 1500 ريال) ولما يجي وقت تفصيل ابواب الخشب ,, تروح المناجر تتفاجئ ان الأبواب الزينة إلي انت تبيها تتعدى الـ 2000 ريال
لا يا أخي روح من الحين وشوف إلي أنت تبيه أسعارهم على كم بعدين سجله في العقد

مثلاُ : البلاط ,, السيراميك و البورسلان ,, الرخام ,, الجرانيت للمداخل : الإنترلوك ,, القرميد ,, الصبغ الخارجي والداخلي ,, روح شوف السوق قبل لا تكتب أسعارهم في العقد ..
لا تاخذ على كلام المقاول يقول لك والله الرخام على كذا وعلى كذا
أنا قالي المقال شيء والي لقيتة في السوق شيء ثاني وبأسعار أعلى ( إنصدمت ) ؟؟؟
الدرج الرخام قالي على 200 ريال
والي لقيتة في السوق على 600 ريال للمتر المربع ( لأن الدرج دائري )
والمصيبة حاسب السعر 200 ريال مع التركيب بعد موب بس سعر الرخام
وأنا كنت مفكر ان سعر المتر للرخام إلى بيركبة لي 200 ريال غير سعر التركيب

البورسلان : مكتوب في العقد سعر المتر 40 ريال لأرضيات الغرف والمطابخ والحمامات أعزكم الله
يوم وصلنا لتركيب البلاط ورحت للسوق ,, أقل بلاطة عجبتني يعني داقة .. بـ 60 ريال
والي شكلة زين وحلو على 80 ,, 90 ,, 100 وفوق ,, لا وصيني بعد

إضطريت إزيد في الأسعار ,, لين صارت معي فرقيات تعدت سعر البناء بكثير جداً جداً ,, ما كنت حاسب أي حساب لها ...


و هلم جرى ... إلخ.. إلخ.. إلخ.. من الأشياء إلي شيبت راسي ,,


4 - نصيحة لوجة الله ,, لا تعدل في التصميم إلي إتفقت مع المقاول علية
لأنه أي تعديل راح يشيل أي خسارة تطلع معه على هذا التعديل
( هو أصلاً يدورها من الله أنك تعدل إذا تطلعت حسابات مش دقيقة )
راح يزيد في سعر التعديل للتعوض عن الخسارة


5 - ارفع الأسوار ( طابوقتين او ثلاث أو اربع ) لأنها من الداخل بعد الدفان والبلاط ,, عادي أطل براسك على الشارع


6 - تأكد من كل إحتياجاتك في الكهربا قبل لا تبني أو تتعاقد مع أي مقاول
* تمديدات الحديقة (الكهربائية أو المائية) إذا بتتفق مع مزارع بيكون علية تمديد الماء
*تمديدات للسخان المركزي ( 3 فيز أو سنقل فيز ) إذا كان فيه سخان مركزي ( ركب 3 فيز حتى لو موب محتاها لأنك تقدر تأخذ منها سنقل فيز )
*تمديدات الإنترنت
*تمديدات الكميرات (للمراقبة)
*تمديدات الهاتف
*تمديدات الإنتر كم
*تمديدات المكيفات ( تأكد من أحجام المكيفات لأن من 3 طن وفوق تقريباً تحتاج 3 فيز موب متأكد )
(((((((((( الديبيهات :: لا تاخذ قد حاجتك بالضبط أبداً أبداً أبداً أبداً ))))))))))
الدي بي إلي عندي تسكر بالكامل ( full) يعني ما فية مكان لأي بريكر إضافي
وكنت محتاج بريكرات أركب عليها التايمر إلي يشغل ويسكر الكهربا للإنارة الخارجية ( ما لقيت مكان )

كل هذة التمديدات ( لازم تكون معتمدها نهائياً ) خصوصاً موضوع اللوبنق في الغرف لأنابيب التسليك
تبي كل غرفة تتمدد بروحها ولا عادي كل غرفتين أو ثلاث مع بعض
لا تزيد وتغير في عدد السوكتات أو أماكنها ( تاخذ فلوس ووقت وتأخير )



والله لو اتكلم لين الصبح ما خلصت ,,,,,

المهم ما ابي اطول عليكم ,,,


تحياتي للجميع

مشاركة مفيده جدا
جزاك الله الف خير

[مضارب دوسري]

يعطيك العافيه اخوي المستثمرر

بس بصراحه كل كلامك اخطاء من يبني تسليم مفتاح

عشان هالاسباب والاخطاء اللي صارت معاك يثبت للكل ان الافضل تتعاقد مع المقاول عظم بلاستر فقط

[قطري قديم]

بالتوفيق للجميع

[المـــــ$$$ـــــتثمر]

يعطيك العافيه اخوي المستثمرر

بس بصراحه كل كلامك اخطاء من يبني تسليم مفتاح

عشان هالاسباب والاخطاء اللي صارت معاك يثبت للكل ان الافضل تتعاقد مع المقاول عظم بلاستر فقط


ليش يا الدوسري ,,أنت تمدد البيبات قبل البلاستر ولا بعدة
تمديد البيبات قبل البلاستر ( يعني داخل في سعر العضم ) وإذا زادت التعديلات على التمديدات يعني بتدفع مبالغ إضافية
لا إذا متفق مع شركة غير تمدد لك البيبات ( حتى ولو ,, لو عدلت عليها بيدفعونك ,, سواءاً المقاول ولا أي شركة ثانية )
الأخطاء إلي أتكلم عنها ,, سواءاً مع المقاول ولا غيرة من أي شركة ,, حتى لو انت إلي اتشطب


على فكرة يا الدوسري ,, ترى فيه ناس مشغولة في أمور كثيرة غير البنيان
يعني ما يلحق يتابع أمور البنيان ,, وشلون تبيه هو الي يشطب (( والله يبطي ما خلص ))

انا عن نفسي مسوي العقد تسليم مفتاح ,, (( والله يا الدوسري لو أني مسوي العقد عضم بس ,, كان بيطلع في راسي نخل )) هذا وانا تسليم مفتاح يالله يالله أتابع البيت

الناس مهب سوى ,, في الي مشغول ,, وفيه الي متفرغ ,, وفي إلي على رواقه (5 سنين يبني عادي)

صح انك إذا شطبت بنفسك بتوفر ,, لكن فيه ناس ما تبي توفر ( كلن وله ضروفة )

انا الدوام معذبني ,, ما فيه فكه ,, اواعد عمال في البيت ولا أقدر اجيهم

الله يوفق الجميع ,,

[قطري قديم]

:app2::app2::app2:
ليش يا الدوسري ,,أنت تمدد البيبات قبل البلاستر ولا بعدة
تمديد البيبات قبل البلاستر ( يعني داخل في سعر العضم ) وإذا زادت التعديلات على التمديدات يعني بتدفع مبالغ إضافية
لا إذا متفق مع شركة غير تمدد لك البيبات ( حتى ولو ,, لو عدلت عليها بيدفعونك ,, سواءاً المقاول ولا أي شركة ثانية )
الأخطاء إلي أتكلم عنها ,, سواءاً مع المقاول ولا غيرة من أي شركة ,, حتى لو انت إلي اتشطب


على فكرة يا الدوسري ,, ترى فيه ناس مشغولة في أمور كثيرة غير البنيان
يعني ما يلحق يتابع أمور البنيان ,, وشلون تبيه هو الي يشطب (( والله يبطي ما خلص ))

انا عن نفسي مسوي العقد تسليم مفتاح ,, (( والله يا الدوسري لو أني مسوي العقد عضم بس ,, كان بيطلع في راسي نخل )) هذا وانا تسليم مفتاح يالله يالله أتابع البيت

الناس مهب سوى ,, في الي مشغول ,, وفيه الي متفرغ ,, وفي إلي على رواقه (5 سنين يبني عادي)

صح انك إذا شطبت بنفسك بتوفر ,, لكن فيه ناس ما تبي توفر ( كلن وله ضروفة )

انا الدوام معذبني ,, ما فيه فكه ,, اواعد عمال في البيت ولا أقدر اجيهم

الله يوفق الجميع ,,

بصراحه اخوي المستثمر كلامك منطقي جدااا واشكرك.

[مضارب دوسري]

ليش يا الدوسري ,,أنت تمدد البيبات قبل البلاستر ولا بعدة
تمديد البيبات قبل البلاستر ( يعني داخل في سعر العضم ) وإذا زادت التعديلات على التمديدات يعني بتدفع مبالغ إضافية
لا إذا متفق مع شركة غير تمدد لك البيبات ( حتى ولو ,, لو عدلت عليها بيدفعونك ,, سواءاً المقاول ولا أي شركة ثانية )
الأخطاء إلي أتكلم عنها ,, سواءاً مع المقاول ولا غيرة من أي شركة ,, حتى لو انت إلي اتشطب


على فكرة يا الدوسري ,, ترى فيه ناس مشغولة في أمور كثيرة غير البنيان
يعني ما يلحق يتابع أمور البنيان ,, وشلون تبيه هو الي يشطب (( والله يبطي ما خلص ))

انا عن نفسي مسوي العقد تسليم مفتاح ,, (( والله يا الدوسري لو أني مسوي العقد عضم بس ,, كان بيطلع في راسي نخل )) هذا وانا تسليم مفتاح يالله يالله أتابع البيت

الناس مهب سوى ,, في الي مشغول ,, وفيه الي متفرغ ,, وفي إلي على رواقه (5 سنين يبني عادي)

صح انك إذا شطبت بنفسك بتوفر ,, لكن فيه ناس ما تبي توفر ( كلن وله ضروفة )

انا الدوام معذبني ,, ما فيه فكه ,, اواعد عمال في البيت ولا أقدر اجيهم

الله يوفق الجميع ,,

هلا اخوب المستثمر انا المقاول عندي عظم بلاستر وتمديدات الكهربا وكيوتل شركه ثانيه تبدا عملها قبل البلاستر
على فكره اسبابك منطقيه لكن كلمة الحق تنقال تسليم مفتاح عيوووبه وايد ولا عمري لقيت شخص وقع تسليم مفتاح وشفته راضي عن بيته رغم انه دفع اكثر من اللي شطب بنفسه بمبلغ وقدره

الشي الاخير مستحيييييل تكوووون مشغوووول كثري مستحييييل
انا دوامي 43 يوم دوام كل 5 ايام يوم واحد اجازه وكل يوم دوام 12 ساعه عاد انت تعال واحسب
وعقب ال43 يوم يكون عندي 13 يوم اجازه

اداوم كل يوم 12 ساعه وفوق هذا عندي وقت اجي واشوف الشغل واتاكد

يعني القضيه مب قضيه مشغول
القضيه هي هل ترضى تخلي المقاول ينصب عليك او لا

تسليم المفتاح عيوووبه واااايد غير ان البيت يكون شكله cheap
رغم انه راعيه يكون دفع اقل شي اكثر من اللي شطب بروحه ب 150 او 200 الف

والسبب ان مافيه مقاول بيشطب لك تشطيب محترم
مافي احلى من انك تشطب بروحك وترتب امورك بنفسك

[المـــــ$$$ـــــتثمر]

يعني بيتي أنا شكلة رخيص (cheap ) ,,, الله يسامحك !!

والله مدري وش أقول لك يا الدوسري ,, انت مفكر انت البيوت الكشخة إلي بالدوحة كلها أهلها مشطبينها بنفسهم
موب معناته اني سويت العقد تسليم مفتاح ( المقاول بيبني على كيفة )

الله يوفقني ويوفقك والجميع

[مضارب دوسري]

لاااااا والله يااااخوي
مب قصدي بيييتك
اصلا ماشفت بيتك عشان احكم

انا قصدي عن المقاولين

على فكره في مقاولين بنا
وفي مقاولين ديكور وتشطيب

انا اقصد الشخص اللي يبي يبني بيت بحدود المليون ونص
ماتلقى المقاول كان امين في شغله معاه
لااازم يوووفر باي طريقه تمممت
اما عن البيوت الكشخه تلقى اصحابها متعاقدين مع شركات مصنفه وباسعار طبعااا فووووق ال3 او 4 مليون
يعني الوضع يختلف بين شخص وشخص

من ناحية المشاكل اللي طرحتها انت بينت ان المقاول لعب لعبته معااااك بالقووو
لا تزعل انا والله ماقصدت بيتك وشلون احكم ع بيتك وانا ماشفته
انا تكلمت عن الناس اللي اعرفهم وبنوا تسليم مفتاح مع نفس المقاول او حتى مع مقاول مش حالك
تلقاهم يتصيدون اي فرصه للربح

[almaf1a]

عقد تسليم المفتاح يوجد فيه المواصفات ونوع الارضيات والابوب
شلون بيتلاعب المقاول؟

[مضارب دوسري]

عقد تسليم المفتاح يوجد فيه المواصفات ونوع الارضيات والابوب
شلون بيتلاعب المقاول؟

يلعب فالكواليتي
مثلا انت طلبت بورسلان اسباني
طبعا فيه نوع متره ب 40 ونوع متره ب 80

الابواب نفس الشي ممكن يتعاقد مع شركه مش حالك
السوكتات مثلا فيه 10b اصلي وفيه ماليزي
مجامع الكهربا مثلا فيه ام ام ماليزي وفيه انجليزي
النوافذ نفس الشي ممكن يلعب مع شركه والجبس والصبغ وغيره وغيره

باختصار تسليم المفتاح نفس تعب التشطيب بروحك
واذا ماتابعته اكيييد بتروح فيها

انا اتكلم عن المقاولين العاديين ماتكلم عن البيوت الكشخه اللي تلقاه تسليم مفتاح ب 2500 او 3000 للمتر طبعا الوضع يختلف