من أفضل دكتور لأزاله اللوزتين لطفل 6 سنوات

[المزن الرياني]

السلام عليكم

ولدي كل فتره تلتهب اللوز عنده والدكتور نصحني ازيلها له بأسرع وقت
والصراحه متخوف من دكاتره مستشفى حمد بس شسوي ... مضطر

فياليت اللي عنده خبره بالموضوع يفيدني بأفضل دكتور يسوي هالنوع من العمليات
وخاصه ان الاطفال تتم عمليه الازاله جراحياً وليس بالليزر

وجزاكم الله خير

[الألماسي]

ما يشوف شر يا رب . .

عليك بدكتور هندي في مستشفى حمد اسمه " قنيشن " يزيلها بالكي الحراري و ماتاخذ 20 دقيقه في مستشفى الرميله عن تجربه شخصيّه اخوي المزن لولد أخوي و كان ايامها بعمر الخمس سنوات . .

[ضوى]

والله مافي بعدهم دكاترة الرميلة شطار الصراحة

توكل على الله وكلهم ماشاء الله عليهم ، والله كلهم بلا استثناء هالعمليات تتسوى مثل الورد وبشكل يومي

[الدمعه]

في دكتوره في رميله تسوي عمليات اللوز حق اليهال وماتتاخر ..

د.هيام وجربناها في ثلاث يهال من عمر خمس ورايح ..

[كازانوفا]

انا سويتها بالعمادي عند الدكتور احمد سلمان
تبارك الله عليه بجد دكتور شاطر ويفهمك اللى لك واللى عليك ويتم يتابع حالة

[بصمة قطرية]

انا سويتها لولدي عند الدكتور عبدالجبار
ممتاز بصراحة ..
كان عمره وقتها اربع سنين ..
حتى الدكتور الهندي ممتاز وايد يمدحونه ..
بس المواعيد تطول واااايد ..
يعني ولدي حالته كانت عاجله لأنه طول السنه مصخن من بلاعيمه
وعطوني الموعد بعد ثلاث شهور ..

[المزن الرياني]

انا سويتها لولدي عند الدكتور عبدالجبار
ممتاز بصراحة ..
كان عمره وقتها اربع سنين ..
حتى الدكتور الهندي ممتاز وايد يمدحونه ..
بس المواعيد تطول واااايد ..
يعني ولدي حالته كانت عاجله لأنه طول السنه مصخن من بلاعيمه
وعطوني الموعد بعد ثلاث شهور ..



واااايد نصحوني به
اليوم خذت تحويل من السد والحمدلله واحد من الربع كلم الدكتور وخذت معاه موعد الاسبوع الجاي
وان شاءالله خير

تسلمون جميعاً على ردودكم والله لا يوريكم مكروه بعزيز لديكم
والله يحفظ عيالكم وعيال جميع المسلمين

[هجمة مرتدة]

ليش تتعب نفسك وعندك الدكتور عبدالعزيز الجفيري وهو غني عن التعريف وصدقني ماراح تحصل أحسن منه في قطر

بحكم تجربة سابقة معه، إنسان قمة في التواضع والإحترام ومتخصص في صميم عمله وله باع طويل وخبرة واسعة وسمعت أنه يجري مثل هذه العمليات بأحدث التقنيات (التبريد) في مستشفى الرميلة والعمادي وله عيادة خاصة في منطقة أبو هامور مقابل محطة بترول أبو هامور

وماعلى ولدك شر إن شاء الله وعملية اللوز بسيطة

[Mishaal]

نصيحتي وعلى ضمانتي لحالات الأنف والأذن والحنجرة سواء للكبار أو الصغار روح عند د. عبدالعزيز الجفيري بدون تردد وبعد التوكل على الله لأنه ما شاء الله عليه فهيم ووايد شاطر في هالعمليات ومابيقصر معاك إن شاء الله ....................................

[مفكّر]

ليش تتعب نفسك وعندك الدكتور عبدالعزيز الجفيري وهو غني عن التعريف وصدقني ماراح تحصل أحسن منه في قطر

بحكم تجربة سابقة معه، إنسان قمة في التواضع والإحترام ومتخصص في صميم عمله وله باع طويل وخبرة واسعة وسمعت أنه يجري مثل هذه العمليات بأحدث التقنيات (التبريد) في مستشفى الرميلة والعمادي وله عيادة خاصة في منطقة أبو هامور مقابل محطة بترول أبو هامور

وماعلى ولدك شر إن شاء الله وعملية اللوز بسيطة إن شاء الله

روح عند عبدالعزيز الجفيري وانت مغمض،،، وطهور ان شالله،،،

[Right]

الدكتور " جنيشن " هندي الجنسية

قمة في الأدب والإحترام والإخلاص في العمل والإحترافية

ما عليه كلااااااااااااام

[Aziz jassim]

Dr.aljufairi is one of best ENT surgeon in Qatar and the Gulf most of the Qatari families and VIP people they treeating in his clinic