يعزمهم ولا لاء ؟؟؟

[انتر ميلان]

السلام عليكم ورحمه الله

وصبحكم الله بالخير

عندي موضوع بسيط وأحب أتناقش فيه ونشوف آرائكم

أعرف واحد من الشباب عرسه عقب شهر تقريباً (( عقبالي وعقبال كل العزوبية ان شاءالله))

وهو يداوم في مكان مختلط ،،
والرجال اجتماعي وتربطه علاقة مميزة مع كل الموظفين والموظفات اللي معاه في القسم

جاني أمس وقال: ياخي متوهق !! قلت له عسى ماشر ؟

قال: أعزم الموظفات على عرسي ولا لاء ؟

هو مستحي يعزمهم ...... ويخاف اذا ماعزمهم يقولون شدعوه يعرس ومايعزمنا ؟؟ :rolleyes2:


شرايكم :telephone: ؟؟

ملاحظة:
الرجال متابع المنتدى.. باركوا له علشان مايزعل :tease:
وينتظر آراء مقنعة

[ضوى]

اول شي مبروك زفافه وان شاء الله ربي يتمم له على خير

لو انا مكانه ماعزم البنات مجرد رجوعه من اجازة الزواج يقدم الشوكولاته للجيمع وانتهى الموضوع

[بنك بانثر]

ممكن يعزم الريايل الي يصيرون حق الموظفات
مثلا اخوانهم او ريايلهم لو متزوجات او حد يصيرلهم .

[نوفي]

مبروووك والله يتمم له على خير ان شاءالله

عادي يعزمهم اذا له رغبة ان يعزمهم

[Cute Mother]

ليش يعزمهم ؟ .... تخيل واحد يعزم أختك على عرسه ؟ !!!!

ما يجــــــــــــــــــوز

[مساهمة بسFresh]

السلام عليكم ورحمه الله

وصبحكم الله بالخير

عندي موضوع بسيط وأحب أتناقش فيه ونشوف آرائكم

أعرف واحد من الشباب عرسه عقب شهر تقريباً (( عقبالي وعقبال كل العزوبية ان شاءالله))

وهو يداوم في مكان مختلط ،،
والرجال اجتماعي وتربطه علاقة مميزة مع كل الموظفين والموظفات اللي معاه في القسم

جاني أمس وقال: ياخي متوهق !! قلت له عسى ماشر ؟

قال: أعزم الموظفات على عرسي ولا لاء ؟

هو مستحي يعزمهم ...... ويخاف اذا ماعزمهم يقولون شدعوه يعرس ومايعزمنا ؟؟ :rolleyes2:


شرايكم :telephone: ؟؟

ملاحظة:
الرجال متابع المنتدى.. باركوا له علشان مايزعل :tease:
وينتظر آراء مقنعة

اذا يرضى الرياييل يعزمون اخته على اعراسهم خله يعزمهم

[انتر ميلان]

اول شي مبروك زفافه وان شاء الله ربي يتمم له على خير

لو انا مكانه ماعزم البنات مجرد رجوعه من اجازة الزواج يقدم الشوكولاته للجيمع وانتهى الموضوع

فكرررررة :nice: :nice: :nice:

[MAZEN37]

بصراحه اول مره ما اعرف شجاوب!!!!

[الرايــق]

اولا الف مبروك للمعرس ..

انا اشوف ان مالها داعي بصراحة.....

[R 7 A L]

في البداية الف مبروك له والله يرزقه بالذريه الصالحه


عيب يعزمهم :anger1:
وين قاعدين !!

[مساهمة بسFresh]

السلام عليكم ورحمه الله

وصبحكم الله بالخير

عندي موضوع بسيط وأحب أتناقش فيه ونشوف آرائكم

أعرف واحد من الشباب عرسه عقب شهر تقريباً (( عقبالي وعقبال كل العزوبية ان شاءالله))

وهو يداوم في مكان مختلط ،،
والرجال اجتماعي وتربطه علاقة مميزة مع كل الموظفين والموظفات اللي معاه في القسم

جاني أمس وقال: ياخي متوهق !! قلت له عسى ماشر ؟

قال: أعزم الموظفات على عرسي ولا لاء ؟

هو مستحي يعزمهم ...... ويخاف اذا ماعزمهم يقولون شدعوه يعرس ومايعزمنا ؟؟ :rolleyes2:


شرايكم :telephone: ؟؟

ملاحظة:
الرجال متابع المنتدى.. باركوا له علشان مايزعل :tease:
وينتظر آراء مقنعة

ولو خذنا السؤال بشكل عكسي :
ان زوجته تبي تعزم الشباب اللي وياها في الشغل على عرسها علشان مايقولون شدعوة تعرس وماتعزمنا
شنو رايه ؟

[انتر ميلان]

ليش يعزمهم ؟ .... تخيل واحد يعزم أختك على عرسه ؟ !!!!

ما يجــــــــــــــــــوز





اذا يرضى الرياييل يعزمون اخته على اعراسهم خله يعزمهم

المشكلة ان رضى الناس غاية لاتدرك

وهو من الأساس مستحي يعزمهم ... عالعموم وصلت الفكرة

[انتر ميلان]

بصراحه اول مره ما اعرف شجاوب!!!!

انا بعد هالسؤال أول مرة يمر علي

وماعلقت على سؤاله ... وقلت له بنشوف شباب المنتدى :victory:

[بوخالد88]

الله يبارك حق المعرس ويتمم له علي خير

اشوف انه ماله داعي يعزمهم

[انتر ميلان]

ولو خذنا السؤال بشكل عكسي :
ان زوجته تبي تعزم الشباب اللي وياها في الشغل على عرسها علشان مايقولون شدعوة تعرس وماتعزمنا
شنو رايه ؟

أظن انه بيطلقها قبل العرس :tease: :secret:

بس لو انعزموا الشباب هو مايدري .. وين بيحفظهم

بيقعد يوسوس الحين هههههههه

[حيهور]

ليش يعزمهم ؟ .... تخيل واحد يعزم أختك على عرسه ؟ !!!!

ما يجــــــــــــــــــوز

عجبني ردك في الصميم

اذا ترضاها على نفسك ياخي اعزم هههههههههههههه

ومبروك على الزواج

والخمدالله اني ماشتغل في خلط حاليا والله يثبتنا جميعا على طاعته

[انتر ميلان]

عجبني ردك في الصميم

اذا ترضاها على نفسك ياخي اعزم هههههههههههههه

ومبروك على الزواج

والحمدالله اني ماشتغل في خلط حاليا والله يثبتنا جميعا على طاعته

الله يبعدنا عن الأماكن المختلطة

انزين بارك للمعرس لايزعل عليك :tease:

[khaleeji]

هذي آخرة الاختلاط

طبعآ مايصير

[ام السعف]

اول شي مبروك زفافه وان شاء الله ربي يتمم له على خير

لو انا مكانه ماعزم البنات مجرد رجوعه من اجازة الزواج يقدم الشوكولاته للجيمع وانتهى الموضوع

اتفق مع هالرأي ،، ليش يفتح على نفسه باب ما بيتسكر ؟

[هبوب الكوس]

بصراحه اول مره ما اعرف شجاوب!!!!

خلني اجاوب بدالك

عيب الواحد يعزم حريم غرب

الرجال يتكفل في دعوه المعازيم

والمراه تكفل في دعوه الحريم

ومبروك مقدماً والله يرزقة الذرية الصالحة

[برق لمع]

ليش يعزمهم ؟ .... تخيل واحد يعزم أختك على عرسه ؟ !!!!

ما يجــــــــــــــــــوز
وانت صح
ما اتفق مع اللي يعزمون البنات على عرسهم والعكس تجي موظفة تعزم ريال على عرسها والله عيييييب

[Dawn]

الحمدلله اكتشفت ان للحين الدنيا بخير ،، وللحين فيه حدود بين الجنسين رغم الاختلاط ...
ما يندرى شلون الردود بعد كم سنه :rolleyes: ...

مبروك مقدما للمعرس وبالتوفيق والفال للي ما عرسوا ..

[jassim_007]

ياخوي الموضوع بسيط...خل يكلم حد من قسم الموارد البشريه و هناك يتكفلون و يطرشون الدعوه بالايميل للموظفين و الموظفات " كنوع من الواجب" و علشان لحد يقول ما عزمتنا ... ولا بالاساس ماتوقع حد بيحضر

[انتر ميلان]

هذي آخرة الاختلاط

طبعآ مايصير

نصحته ياخوك يبتعد عن الاماكن المختلطة :omen2: بس مكانه في تطوير

والمفروض ان الفكرة وصلت له :telephone:

[مساهمة بسFresh]

ياخوي الموضوع بسيط...خل يكلم حد من قسم الموارد البشريه و هناك يتكفلون و يطرشون الدعوه بالايميل للموظفين و الموظفات " كنوع من الواجب" و علشان لحد يقول ما عزمتنا ... ولا بالاساس ماتوقع حد بيحضر

بصراحة فكرة وايد ذكية وماخطرت على بالي :victory:

[Doha Sun]

ماله حاجة .. ولا لهم حاجة يروحون عرس زميلهم في الدوام والمشكلة اذا رحو وسلمو عليه في الكوشة وش موقفه من زوجته بيكون ؟

[انتر ميلان]

الحمدلله اكتشفت ان للحين الدنيا بخير ،، وللحين فيه حدود بين الجنسين رغم الاختلاط ...
ما يندرى شلون الردود بعد كم سنه :rolleyes: ...

مبروك مقدما للمعرس وبالتوفيق والفال للي ما عرسوا ..

والله انه مستحي بس يخاف يزعلون
بس في رد مقنع من الاخت ضوى .. يوزع الكافي عليهم وينتهي الموضوع



ياخوي الموضوع بسيط...خل يكلم حد من قسم الموارد البشريه و هناك يتكفلون و يطرشون الدعوه بالايميل للموظفين و الموظفات " كنوع من الواجب" و علشان لحد يقول ما عزمتنا ... ولا بالاساس ماتوقع حد بيحضر

هو يبي يفتك من القيل والقال :telephone: والفكرة ممتازة

[MAZEN37]

بس برأي الموضوع مب عن يجوز الاختلاط او لا
الفكره انه موظف وشغال مع موظفات مده طويله وزملاء عمل
هل في امكانيه يعزمهم على عرسه؟
بالنهايه لو عزمهم ما راح يعزمهم يجون عرس الرجال بتكون دعوتهم لصاله الحريم !

[المتحدث الرسمي]

..

اولا :

اخوي بالمبارك على عرس رفيجك والله يتمم له على خير ان شالله
ثانيا :

الله يرزقك ببنت الحلال يالعزوبي <<<< حاسدك :tease:
ثالثا :

انا قبل عرسي اللي معاي في المكتب سالني قالي بتعزم البنات اللي ويانا او ازواجهم (( دوامي مختلط ))

الصراحه توهقت و عقب تميت اتفوكر بيني وبين نفسي وقلت لو زوجتي مثلا عزمت الي وياها في الدوام شبيكون موقفي ؟؟

وانا اشوف اذا البنات تشرهو انه ليش ماعزمتنا هم اللي بيطلعون بالشينه

والله يوفق الكل ان شالله

[المنتعش]

:discuss:مبرووك للمعرس قبل كل شي والله يرزقه بزوجة وذرية صالحه يارب .. الجواب مافي داعي يحتار هل قطر يعرفون السنع ماخبرت رجال يعزم بنات حتى لو يقربون له الحريم هم يتكفلون بسوالف هذة سوا والدته او خواته وهو يتكفل بس بالرجاجيل واذا هو مودن من الشباب الفري ومتوهق يحط بطاقة في الممر في ادارته ويكتب يتشرف فلان بن فلان بدعوتكم لحفل زفاف بتاريخ كذا وكذا ويخليها عامة وطبعا والبنت اللي فيها خير مب حاضرة لانها تعرف السنع ..

[MAZEN37]

:discuss:مبرووك للمعرس قبل كل شي والله يرزقه بزوجة وذرية صالحه يارب .. الجواب مافي داعي يحتار هل قطر يعرفون السنع ماخبرت رجال يعزم بنات حتى لو يقربون له الحريم هم يتكفلون بسوالف هذة سوا والدته او خواته وهو يتكفل بس بالرجاجيل واذا هو مودن من الشباب الفري ومتوهق يحط بطاقة في الممر في ادارته ويكتب يتشرف فلان بن فلان بدعوتكم لحفل زفاف بتاريخ كذا وكذا ويخليها عامة وطبعا والبنت اللي فيها خير مب حاضرة لانها تعرف السنع ..
هذا الكلام الطيب:victory:

[@north_star@]

اول شي مبروك زفافه وان شاء الله ربي يتمم له على خير

لو انا مكانه ماعزم البنات مجرد رجوعه من اجازة الزواج يقدم الشوكولاته للجيمع وانتهى الموضوع

هذا الكلام السنع وعسى الله يباركله ويرزقه بالذرية الصالحة

[المسك1969]

السلام عليكم
لا ما يعزمهم ... ويجيب بعد عرسه شيء حلو ويوزعه للقسم...تخيل لو اختك جاتك تقول لك زميلي بحضر عرسه عازمني خخخ ... لا مايجوز ولا له حاجه ان يقول لهم شيء بس يعزم الشباب فقط

[am-tmim]

مثل مآقال احد الاخوان بعد مايرد ياخذ له شكولاته ويوزعها على قسمه

تربينا على الرياييل يعزمون الرياييل والحريم للحريم

[كازانوفا]

الف مبروووووووووووووك للمعرس وربي يرزقكم بالذريه الصالحه والرزق الواسع يارب العالمين
من وجهة نظري ما له داعي بصراحه لانها مش حلوه بحقه

وصار معنا بالشغل شاب تزوج وما عزم لا رجال ولا حريم والكل استغرب منه ومن تصرفه
فانا رديت عليهم وقلت هذه حياته وهو حر فيهااااا

[Najla..]

ليش طريقة التفكير هذي .. ماتوقعت تكون جذيه ردود الناس .. هو بيعزمها عرس الحريم مب عرس الريايييل

واصلا بطاقة الدعوة للنساء مكتوب فيها تتشرف حرم فلان بن فلان لحضور حفل زفاف ابنها

يعني هو من باب المجامله يعطيهم بطاقة الدعوة والبنات غالبا ما يروحون

شدخل انت ترضى حد يعزم اختك على عرسه !!!!!!! وين المشكله دام ان البنت تشتغل معاه في نفس المكان علاقتهم علاقة عمل وبس .. ومن قال له اصلا يخلي اخته تشتغل في مكان فيه رياييل

انا اذكر يوم عرسي الوالد عزم البنات الي في شغله وجاو العرس وعرفوا بنفسهم عند الوالده

قول له يتوكل على الله ويعزمهم من باب المجاملة .. وبالمبارك مقدما

[{راشد}]

معروف ان اعراس اهل قطر مقسمه ,

الرجال يرحون للرجال والنساء للنساء,

واعتقد ما راح يجون اصلا اذا كانوا قطريات

[OREO]

رايي ما يعزم الا القطريين ,,,

[ام السعف]

رايي ما يعزم الا القطريين ,,,

تقصد القطريات ؟

لانه يتكلم عن نون النسوة :shy:

[wadha-qa]

ماله داعي يعزم البنات

بس يعزم الشباب

عندنا في الدوام الشباب يوزعون شوكليت ع الاداره اذا ملجو

و العرس يوصل ايميل للجميع و طبعا الدعوه للرجال شدخل الحريم

[جوهرة قطر]

بالمبارك والله يتمم عليه

لا يعزمهم ولا شي واذا بيتشرهون خل يتشرهون مب لازم يحضرون احس لقافه خخخخخ
وحتى لو عزمهم من باب المجامله من السنع انها ماتحضر العرس

[BO.ABDULLA]

اولا : مبروك للمعرس ان شالله .
ثانياً : من وجهة نظري انا استحي انزل موضوع نفس هالموضوع بالمنتدى لانه الكتاب معروف من عنوانه اعزم الببببنننات ليش ؟؟؟

[خالد32]

يعزم الاهل و ((((((( الاصدقاء))))))))

اما (((((( زملاء )))))) الشغل ..... ماله داعي
الا اذا كانت تربطهم علاقه قويه مثل الصداقه
الاجتماعية برع الشغل اما في الشغل علاقة عمل

و مثل ما قالو الاعضاء بعد العرس جيب شوكلاته من اغلى نوع ترى السالفه تستاهل

و الله يبارك له

[دوحة حمد]

انا اشوف انه ماله لزمه يعزم البنات اللي معاه فالدوام اصلا مب حلوه في حقه لما ام المعرس تستقبلهم ويقولون لها احنا زميلات المعرس بالدوام احس احراج :nono:

واذا ماحب يكسر بخاطرهم اول مايرجع الدوام يعزمهم على غدا او ريوق فالدوام وانتهت المشكله :ok:

والله يبارك له ان شاء الله ويهنيه ويرزقه بالذريه الصالحه

[fhd4]

خله يسأل عروسته .. شنو رايها .. ؟!


على العموم ... الله يبارك له ويرزقه الخير ...

[ابوجاسم2008]

لايعزمهم :secret:

[OREO]

تقصد القطريات ؟

لانه يتكلم عن نون النسوة :shy:

اووووووبس :oops:

من الاعيلة طيرت نون النسوة الله يهديني .. لكن بعد راح اعيد لا يعزم الا الاقطريين <<< عنصري :rolleyes2:,,

و بخصوص الخوات الاقطريات اللي في الدوام ... العلاقه بينه و بينهم الشغل و بس .. و هذا رايي

[مستوى الدعم]

عادة الشباب لا يوجهون الدعوات إلا للموظفين الرجال...

ويتركون البطاقات في مكان عام بالقسم..ليراها الجميع

لكن إذا أحس الشاب بالإحراج من فكرة عدم دعوة الزميلات وخاصة ممن يعمل معهن منذ عدة سنوات... ويكن لهن احتراماً

في تلك الحالة من الممكن للموظف أن يترك مهمة دعوتها إلى إحدى شقيقاته..أو والدته..

ليتجنب التسبب بالإحراج لنفسه وللموظفة..

هناك نقطة مهمة: في هذه الأيام لا يمكن توجيه دعوة عامة بالايميل لعرس النساء... فكما هو معلوم.. أن الدخول بالبطاقات في أغلب الحالات... لأن الأعداد المدعوة محسوبة ولا يمكن زيادتها بدعوة غير مدروسة لزميلات الدوام..

[أين الحل ؟]

اتوقع أنسب حل : بأن أخت المعرس تتصل فيهم وتعزمهم على عرس أخوها بما أن هي بنت مثلهم .

وتنتهي المشكلة .

[الفرحه]

اول شي مبروك زفافه وان شاء الله ربي يتمم له على خير

لو انا مكانه ماعزم البنات مجرد رجوعه من اجازة الزواج يقدم الشوكولاته للجيمع وانتهى الموضوع

والف مبروك والفال حق الغير متزوجين ويقدر يحط بطاقة العرس عند التوقيع والكل يشوفه وماله داعي يعزم البنات

[السامـي]

أول شيء مبروك للمعرس والمعرسة،ومنه المال ومنها العيال.
ثاني شيء أنا مع هالرأي.
الجواب مافي داعي يحتار هل قطر يعرفون السنع ماخبرت رجال يعزم بنات حتى لو يقربون له الحريم هم يتكفلون بسوالف هذة سوا والدته او خواته
:victory:

[بو الجوري]

ههههههههههههههههههه
:funny:

ياخي شدعوه :..

تخيل يجيني واحد يوم عرسي يسلم علي :..
و يقولي أنا زميل زوجتك فالعمل :.. :funny: هي عازمتني :..


هو ماله خص فعرس الحريم :..
يعني هله عندهم بطاقات معينه ويعزمون اللي ودهم :..
واهل العروس نفس الشي :..

يعني هو لـه يحق يعزم اللي وده في عرس الرجال :..
لكن الحريـــم :.. لا طبعاً مب عدله :..

ولا حد بينقد عليه و لا شي :.. يعني لايحاتي :.. :rolleyes2:


و فالنهايه :.. الله يوفقه وجعله مبارك :..

[الفرحه]

:discuss:مبرووك للمعرس قبل كل شي والله يرزقه بزوجة وذرية صالحه يارب .. الجواب مافي داعي يحتار هل قطر يعرفون السنع ماخبرت رجال يعزم بنات حتى لو يقربون له الحريم هم يتكفلون بسوالف هذة سوا والدته او خواته وهو يتكفل بس بالرجاجيل واذا هو مودن من الشباب الفري ومتوهق يحط بطاقة في الممر في ادارته ويكتب يتشرف فلان بن فلان بدعوتكم لحفل زفاف بتاريخ كذا وكذا ويخليها عامة وطبعا والبنت اللي فيها خير مب حاضرة لانها تعرف السنع ..

القصد من البطاقة اللي تنحط ان الكل يعرف ان الريل بيتزوج اذا سبحان الله نسى حد من ربعه .

[بن جلبان]

ليش يعزمهم ؟ .... تخيل واحد يعزم أختك على عرسه ؟ !!!!

ما يجــــــــــــــــــوز

ههههههههههههههههههههههههههههه


:victory:

[بلوتنيوم]

بعيدا عن العادات والتقاليد الى نعرفها
مستغرب
ليش يحاتي يزعلون او مايزعلون
العلاقة في الشغل المفروض تكون مهنية بحته :)

[القيسي]

اول شي مبروك زفافه وان شاء الله ربي يتمم له على خير

لو انا مكانه ماعزم البنات مجرد رجوعه من اجازة الزواج يقدم الشوكولاته للجيمع وانتهى الموضوع


:nice::nice::nice:

[ام السعف]

بعيدا عن العادات والتقاليد الى نعرفها
مستغرب
ليش يحاتي يزعلون او مايزعلون
العلاقة في الشغل المفروض تكون مهنية بحته :)

:)

عاد البعض يحب يسوي من الحبة قبة ،،

اللحين زوجة الموظف تولد ،، وبعض الموظفات يهادون الموظف
هدايا للمولود :shy:

[Rider]

اذا زوجته تشتغل وعزمت الرجاجيل الي معاها في الشغل هو يصير يعزم الحريم

[بلوتنيوم]

:)

عاد البعض يحب يسوي من الحبة قبة ،،

اللحين زوجة الموظف تولد ،، وبعض الموظفات يهادون الموظف
هدايا للمولود :shy:

كماااان
ماهو هذا الى يساهم
بتحول العلاقة من اختلاط ذو ضوابط الى اختلاط سلطة :secret:

عموما الى يفتح الشباك
لازم
يتحمل الانفلونزا :omen2:

[ام السعف]

كماااان
ماهو هذا الى يساهم
بتحول العلاقة من اختلاط ذو ضوابط الى اختلاط سلطة :secret:

عموما الى يفتح الباب
لازم
يتحمل الانفلونزا :omen2:

منهو انت ؟ :(

الواحد من الأفضل يسكر الباب من الأساس :shy:

[falsaadi]

اصلا عزمهم وللا ماعزمهم ... الموظفات اللي رضت وراحت عرس عشان (موظف زميل بيتزوج) .... ابغى اعرف رد فعل زوجها النشمي هههههههههههه شنو قالها ؟؟ (اي كفو والله هذا زميل ولازم تروحين)؟؟ وللا يمكن قاصه عليه وقايله زميلتها...والبعض الاخر يدوووووور بس اي عرس..عشان سوالف ساعتين وللا 3 مواعيد

الله المستعان

بيني وبينك..اعزم الناس لقراب منك واهلك واهلها .. والله يتمملك ع خير وبس

ولا حتى تييب وياك حلوى عشان اي حد بالدوام...خالف تعرف

وشكرا

[المتحدث الرسمي]

:)

عاد البعض يحب يسوي من الحبة قبة ،،

اللحين زوجة الموظف تولد ،، وبعض الموظفات يهادون الموظف
هدايا للمولود :shy:


اي والله انها صارت لي :secret::shy::secret::shy::secret::shy:

شالوهقه يا سعيدان :rolleyes2:

[qatarya-vip]

لا مايعزمهم ومثل ماقالوا الاخوات فوق عقب مايرجع شوكليت يكفي

واعتقد اغلب الأخوان في الدوائر الحكومية يعملون كذا سواء في زواجات او ولادات شوكليت ويلف عند الكل وخلاص :)

[ام السعف]

اي والله انها صارت لي :secret::shy::secret::shy::secret::shy:

شالوهقه يا سعيدان :rolleyes2:

اهاا وصرت سعيدان بعد :funny:

[بوعبدالرحمن5]

من كان يصدق ان يوما من الايام راح يطرح هالسؤال ؟؟

مادري ليش عورني قلبي من قريت سؤاللك ؟؟

فعلا اصبح الواحد حيران !!!

والله المستعان !!:weeping:

[بلوتنيوم]

منهو انت ؟ :(

الواحد من الأفضل يسكر الباب من الأساس :shy:

من انتم :omen2:







اي والله انها صارت لي :secret::shy::secret::shy::secret::shy:

شالوهقه يا سعيدان :rolleyes2:

هههههههههههههههههه
المفروض ياسعيدان تسكر الباب من بدايتها وماتقبل :omen2:

[بـــــــنت النوخـّــــذه]

السلام عليكم ورحمه الله

!! قلت له عسى ماشر ؟

قال: أعزم الموظفات على عرسي ولا لاء ؟

هو مستحي يعزمهم ...... ويخاف اذا ماعزمهم يقولون شدعوه يعرس ومايعزمنا ؟؟ :rolleyes2:


شرايكم :telephone: ؟؟

ملاحظة:
الرجال متابع المنتدى.. باركوا له علشان مايزعل :tease:
وينتظر آراء مقنعة

عليكم السلام

انا الي اعرفه الريال مايعزم الحريم على عرسه الا اذا كانو من هله يودي لهم بطاقه هذا الي انا اعرفه 00

وبعدين اشدخل يزعلون يطقون راسهم بالطوفه اسمحولي على اللفظ حتى لو بمكان مختلط من هاذي الي بتجي عرس بعزيمه رجل غريب !!!!!!!!!!!!!!!!!!!!!! ولا بعد عرسه حلاتين اقول لاهلي رايحه عرس واحد من الربع معاي بالدوام بيعرس اليوم اهههههههههههه :p


كلام نهائي لايعزم ويوفر البطاقات لنفسه ولاهله وجماعته عيب الريال يعزم حريم غرب على عرسه 000

واذا رفيجك يقرى الكلام خله يبطل عينه عدل قوله بنت النوخذه اتقولك بتندم كثر شعر راسك اذا عزمت الموظفات لعرسك ترى ماراح تسلم من القيل والقال وبيطلعون الاخطاء السبعه فيك وفي عرسك وكل شي 00والمثل يقول الباب الي يجيك منه الريح سده واستريح



رأي شخصي ^_^

[بلوتنيوم]

من كان يصدق ان يوما من الايام راح يطرح هالسؤال ؟؟

مادري ليش عورني قلبي من قريت سؤاللك ؟؟

فعلا اصبح الواحد حيران !!!

والله المستعان !!:weeping:

اشياء وايد محد كان يصدق انها تصير او تنطرح
تعتقد بعد عشرين سنة
وش نوعية الاسئلة الى بتطرح :(

[ام السعف]

من انتم :omen2:




نحن هم نحن :( من انت ؟ :(

[المتحدث الرسمي]

اهاا وصرت سعيدان بعد :funny:

هههههههههههه شنسوي يا ماما عوده :shy:



من انتم :omen2:




هههههههههههههههههه
المفروض ياسعيدان تسكر الباب من بدايتها وماتقبل :omen2:


الوهقه انهم جايبين كافي و حاطينه على مكتبي
شالدبره الحين شالعمل ؟؟

مافي الا تحطه في الممر و ياكلونه :tease:

[مساهمة بسFresh]

لو تبون تكونون موضوعيين في ردودكم تصوروا التالي:
ان وحدة طرحت موضوع في المنتدى تقول انها شغالة في مكان مختلط وعلاقتها زينة مع الشباب في الشغل يعني وماتدري تعزمهم على عرسها ولا لا
لان نفس الشي

[بلوتنيوم]

نحن هم نحن :( من انت ؟ :(

سرحان عبد البصير :tease:





هههههههههههه شنسوي يا ماما عوده :shy:





الوهقه انهم جايبين كافي و حاطينه على مكتبي
شالدبره الحين شالعمل ؟؟

مافي الا تحطه في الممر و ياكلونه :tease:

هههههههههههههههههه
فيهم الخير
والله يعينك لازم ترد الهدية :tease:

[ام السعف]

سرحان عبد البصير :tease:




وانا اقول لهم مب هو يقول لي الا هو :(

[موضي قطر]

وانا اقول لهم مب هو يقول لي الا هو :(


وشفيك تكتبين بالحبر السري :(

[انتر ميلان]

بيض الله وجيهكم يالربع على الآراء والأفكار اللي ماطرت على بالي وأكيد ماطرت على باله ،،،

والزمن كل ماله ويتغير وتتغير الأسئلة معاه ،،،

وأكيد هو شاف الموضوع ووصل له العلم ،،، والأمر متروك له ...

[بلوتنيوم]

وانا اقول لهم مب هو يقول لي الا هو :(

ههههههههههههههه
انت ماصدقت ياسيد :omen2:

[ام السعف]

وشفيك تكتبين بالحبر السري :(

ابحث عن الحقيقة بعيد ا عن عيون المتلصصين :(

[Najla..]

لو تبون تكونون موضوعيين في ردودكم تصوروا التالي:
ان وحدة طرحت موضوع في المنتدى تقول انها شغالة في مكان مختلط وعلاقتها زينة مع الشباب في الشغل يعني وماتدري تعزمهم على عرسها ولا لا
لان نفس الشي

عرس الحريم يختلف عن عرس الرجاجيل

[jassim_007]

عادة الشباب لا يوجهون الدعوات إلا للموظفين الرجال...

ويتركون البطاقات في مكان عام بالقسم..ليراها الجميع

لكن إذا أحس الشاب بالإحراج من فكرة عدم دعوة الزميلات وخاصة ممن يعمل معهن منذ عدة سنوات... ويكن لهن احتراماً

في تلك الحالة من الممكن للموظف أن يترك مهمة دعوتها إلى إحدى شقيقاته..أو والدته..

ليتجنب التسبب بالإحراج لنفسه وللموظفة..

هناك نقطة مهمة: في هذه الأيام لا يمكن توجيه دعوة عامة بالايميل لعرس النساء... فكما هو معلوم.. أن الدخول بالبطاقات في أغلب الحالات... لأن الأعداد المدعوة محسوبة ولا يمكن زيادتها بدعوة غير مدروسة لزميلات الدوام..

لا عادي يصير : ) في نفس الايميل الي يوصل للكل يكون في ملاحظه بخط صغير ...انه الحضور بكروت دعوه و الي تبي كرت خل ترد على الايميل و تخبره :shy: و بجذي سوى الي عليه و في نفس الوقت ماتوقع حد بيطلب الكرت

[sh50]

انا رايي ان يعزمهم
الموظفات زميلاته بروحون لعرس النساء

[روح الاطلس]

مدري احس عادي!!

فيه موظفين يعزمون البنات يعطي البطاقات لسكرتيرة الادارة ويقول لها وزعيها على الموظفات واللي تبي تحضر بكيفها واللي ماتبي بكيفها


بس سمعت ان وحده من الموظفات حضرت عرس زميل لها وماخلت احد من اهله ماسلمت عليهم وباركت وقالت لهم انا زميلته بالدوام!
تخيل هالموظف لو عزم البنات وجات وحده ملقوفة وسلمت على اهل العروسة ( ممكن يوصل خبر للعروسة وتغار وتقعد تحقق معاه اش علاقتك بالموظفة تعزمها على عرسك!) لازم يفكر قبل

وانا اقول اريح لراسه لا يعزم اي موظفة ويفك عمره ( بس مع ذلك لو عزم عادي مافيها شي)

[clouds]

انا اشوف الشي عادي ممكن يوزع البطاقات مع المراسل اذا كان ينحرج
بعدين انا لما كنت اشتغل كانو عندنا موظفين مسولتهم حرمه فلو كان بيعرس مب من باب الذوق يعزمها على عرسه؟؟هي كانت دكتوره وهم شباب صغار احس عادي..ومش اي موظفات بس الموظفات اللي يكونون في قسمه ويختلظ فيهم اكثر من الباقي ويحضر اجتماعات وغيره معاهم...
ترى صارت لوحدها عرفها ومااكنت متزوجه وتشتغل مع واحد في الدوام وجه بيتهم عزم ابوها واخوانها وعطى اخوها بطايق لعرس الحريم وحضرت هي واهلها العرس عاااااادي
واذا كانت موظفه ومديرها واحد احس مب حلوه بعد ماتععزم زوجته لعرس الحريم فعادي بتعطي مديرها
واعرف ناس مايختلطون بالعرب ولا لهم صداقات اذا صار عندهم عرس كتبو بطايق لزوجات ربع عيالهم وقالو لهم وزعو على ربعكم يعطون حريمهم..لأان يبون ناس تحضر العرس
والله دامهم معاه من سنين في الدوام ويختلظ بهم وايد خل يطرش لهم عادي مافيها شي

[law girl]

شي عآدي جداً ..
الحين عآدي يشتغلون بمكآن خلط ..
بس مآيصير يحضرون العرس .!
شهالمبدأ ..
البنت بتحضر عرسه مع النآس ..
مآرآح تروح له بمكآن سري ..
وبعدين دآم الأهل رضوآ إنهـآ تشتغل بمكآن خلط مآ أتوقع ان عندهم مشكلة تحضر عرس أي زميل لهآ ..
وبعدين الوآحد يوم بيعزم البنآت على عرسه ..
مآرآح يعزم البنأت كلهم ..
فالعآدة يعزم اللي معآه بنفس القسم ..
أو مسؤولته أو أي وحده بينه وبينهـآ إحترآم ..
وأتوقع انه قآيل لهله عن البنآت اللي فالدوآم ..
لانهم هم اللي يكتبون الأسآمي ..
والبنآت يوم يروحون العرس يعرفون بنفسهم لأهل المعرس ..
وكآن الله غفوراُ رحيماً ..
ولآ السآلفة هينة ومآفيهآ أي مشكلة :)

[Right]

على البركة إن شاء الله

يعزم الشباب " الرجال " فقط

(اللهم بارك لهما وبارك عليهما واجمع بينهما في الخير)

[برشلوني قطر]

الصراحه انا يوم عرسي عطوني نغزات بس انا ماعزمتهم...

ماشوف له داعي...

[خالد32]

شي عآدي جداً ..
الحين عآدي يشتغلون بمكآن خلط ..
بس مآيصير يحضرون العرس .!
شهالمبدأ ..
البنت بتحضر عرسه مع النآس ..
مآرآح تروح له بمكآن سري ..
وبعدين دآم الأهل رضوآ إنهـآ تشتغل بمكآن خلط مآ أتوقع ان عندهم مشكلة تحضر عرس أي زميل لهآ ..
وبعدين الوآحد يوم بيعزم البنآت على عرسه ..
مآرآح يعزم البنأت كلهم ..
فالعآدة يعزم اللي معآه بنفس القسم ..
أو مسؤولته أو أي وحده بينه وبينهـآ إحترآم ..
وأتوقع انه قآيل لهله عن البنآت اللي فالدوآم ..
لانهم هم اللي يكتبون الأسآمي ..
والبنآت يوم يروحون العرس يعرفون بنفسهم لأهل المعرس ..
وكآن الله غفوراُ رحيماً ..
ولآ السآلفة هينة ومآفيهآ أي مشكلة :)

الوحده يمكن عندها ضروف تشغلها في مكان مختلط لكن مب معناه انهم يتعازمون
علاقتهم يحددها مكان عملهم فقط اما بعد الدوام محد المفروض يعرف الثاني
يمكن الوحده تعزم زميلاتها و الواح يعزم زملائه لكن العكس شي غريب و شاذ من وجهة نظري البسيطه

[بعيد الدار]

ليش يعزمهم ؟ .... تخيل واحد يعزم أختك على عرسه ؟ !!!!

ما يجــــــــــــــــــوز

:fight:

بكرك ولد يا معرس... والله يصلحلك المال والذريه

[بنت قطريههه]

عيب .

[ANONYMOUS]

ياخوي الموضوع بسيط...خل يكلم حد من قسم الموارد البشريه و هناك يتكفلون و يطرشون الدعوه بالايميل للموظفين و الموظفات " كنوع من الواجب" و علشان لحد يقول ما عزمتنا ... ولا بالاساس ماتوقع حد بيحضر

وشلون يدشون البنات القاعه؟

يسوون برنت أوت حق الايميل ؟ بدال كرت الدعوه والدعوه الشخصيه*

[الحياة الخالدة]

ماله حاجة .. ولا لهم حاجة يروحون عرس زميلهم في الدوام والمشكلة اذا رحو وسلمو عليه في الكوشة وش موقفه من زوجته بيكون ؟


و حتى لو .. أقول لو صارت و اضطر و عزمهـــــم ..

ماني خابرة ان الحريم يطلعون يباركون للمعرس و العروس على الكوشــــة ..
اشدعوة فيلم عربي ..

الله أعلــــم .. مادري إذا الدنيا بعد تغيرت ..
كل شي جايز ..

عموماً ..
ألف مبروك حق رفيجك .. الله يتمم له على خير ..
و يرزقهم الذرية الصالحة .. :omen2:

[بـــــــنت النوخـّــــذه]

خله يعزم عضوات واعضاء المنتدى مالهم رب يعني نحن زملاء منتدى << اتغشمر:p


انزين انا عندي حل نهائي ومن بعده قرر :

خل صاحبك يشور خطيبته ألي اهي زوجته يقول لها شرايج بعزم صديقاتي الموظفات الي اهم يقولون عنهم زماله عمل هل عادي اعزمهم واقول العزيمه من (صوب زوجتي العزيزه وتفضلوا حياكم العرس نيابه عنها ):)