ايش السؤال اللي ماتحب حد يسألك اياه؟

[الفرحه]

مااهو السؤال الذي لا تحب أن يسألك به أحد ؟؟؟

السلام عليكم ورحمة الله وبركاته

سوف نعتبر انفسنا في مواجهة صريحة مع النفس ونكتب هنا بصراحة عن رأينا فيما يلي :

اخواتي واخواني مــا هـــو السؤال الذي لاتـــحب ان يسالـــك به احد ؟؟

ولا تحب الا جابة علية؟؟؟

اريد تحديد السؤال !! وبدون احراج !!!!!!!

اي سؤال لا تحبون أن يسألكم احد به ... يلا ابتدوا ... من عنده الشجاعة ...
ان بالنسبه لي السوال هوهل انتي تعبانه؟
:anger1::anger1::anger1:

[للصبر اخر]

امممممممم
انا لما يسألوني كم عمرج ؟
واجاوبهم واسمع التعليقات

[متواصل]

وعليكم السلام ورحمة الله وبركاته

السؤال القبيح وخاصة من اشخاص ماعرفهم

كم راتبك ؟؟؟

[شبح الصمت]

الاسئلة عندي كلها مفتوحه بحدود المعقول وعدم المبالغه وعدم التدخل في الخصوصيات البحته

[مساهمة بسFresh]

وايد
منها على سبيل المثال :
انتي شغالة في جريدة؟
سؤال وايد سخيف :)

[هبوب الكوس]

اتضايق لين يسالوني كم عمرك هههه وشدعوى ممثل

صراحه اذا يسالوني وين رايح :(

[قطر70]

انا السؤال اللي يقهرني اذا كلمني احد من ربعي وقلت انا في الحلاق ويقولي شتسوي :rolleyes2:
يعني شسوي اقشر بصل :anger1:

[برق لمع]

احب كل شخص يسألني يراعي اولا حدود علاقته معاي وما يتعداها
فهناك فرق بين الاهل وبين الاصدقاء وزملاء العمل
وإن كنت افضل عدم الاكثار من الاسئلة

[انتر ميلان]

وعليكم السلام ورحمة الله وبركاته

السؤال القبيح وخاصة من اشخاص ماعرفهم

كم راتبك ؟؟؟

مدري ايش بيستفيد من هالسؤال :anger1: :anger1:

[Doha Sun]

سؤالين ..
من تكلمين ؟
ليش شريته غالي ؟

[الشاااهين]

بصراحه ماحب حد يسألني بكم شريت السياره

[missperfect]

الاسئلة الخاصة جدا جدااا

[محمد]

ماحب الاسئلة بشكل عام ..

الا نوعية شخبارك و شعلومك :p

[MAZEN37]

لما حد يسئلني وين بيتكم
بيتنا في منطقه غريبه
شمال الغرافه شرق الناصريه جنوب زغوى
شسم المنطقه مادري؟؟؟

[NeverLand]

السؤال المزعج .. كم راتبك ؟


مدري ايش بيستفيد من هالسؤال :anger1: :anger1:

اللي يستفيدونه هو كم راتبك = كم تساوي بنظرهم

[المتحدث الرسمي]

..

يعتمد السؤال على قرب الشخص مني و علاقته فيني

بس ما احب حد يسالني سؤال شخصي بحت

[المتحدث الرسمي]

وعليكم السلام ورحمة الله وبركاته

السؤال القبيح وخاصة من اشخاص ماعرفهم

كم راتبك ؟؟؟


مدري ايش بيستفيد من هالسؤال :anger1: :anger1:

..


حسد و لقافه بعيد عنكم

[بوخالد88]

السؤال اللي يقهرني لما يقولي ايش لونك ؟ يعني شنو مايشوفني جدامة اي لون!

بس صج السؤال هو في زيادة او لا وانا اشدراني حالي حالك اخوي !!!

[كازانوفا]

اكره سؤال هو ايش قوة علاقتك بفلانه وباهلهااا
والسؤال الثاني كم راتبك ما بعرف سؤال احسه بجد سخخخخخخخخخخخخخيف مثل صاحبه
والسؤال الثالث كم اجار البيت
طيب وبعد هالتحقيق لوين ناويين يوصلووووووو

[Najla..]

وعليكم السلام ورحمة الله وبركاته

السؤال القبيح وخاصة من اشخاص ماعرفهم

كم راتبك ؟؟؟

اوووووف انا اكره هالسؤال بعد :anger1:

[wadha-qa]

السؤال السخيف المتكرر دائماً

كم راتبج ؟؟

[لابس بشت]

السؤال اللي ينرفزني
كلمني عن نفسك؟؟ او تكلم عن نفسك
اسألني ايش تبي تعرفه وباقولك
اما كلمني عن نفسك بعد وشو؟؟:anger1:

[عايش زمانه]

سؤالين ترفع ضغطي

لما حد يتصل لك ويقول لك انت وين مكانك..
والثاني لما يتصل واحد ويقولك انت راقد..

[بو طالب]

انا السؤال اللي يقهرني اذا كلمني احد من ربعي وقلت انا في الحلاق ويقولي شتسوي :rolleyes2:
يعني شسوي اقشر بصل :anger1:

:nice::nice:

[المتحدث الرسمي]

السؤال اللي ينرفزني
كلمني عن نفسك؟؟ او تكلم عن نفسك
اسألني ايش تبي تعرفه وباقولك
اما كلمني عن نفسك بعد وشو؟؟:anger1:

..

شكلك تدخل الشات وايد :oops::tease:

[الفرحه]

انا السؤال اللي يقهرني اذا كلمني احد من ربعي وقلت انا في الحلاق ويقولي شتسوي :rolleyes2:
يعني شسوي اقشر بصل :anger1:

يمكن :tease::tease::tease:

[ثابت]

السؤال الي يرفع ضغطي
في اي مقابلة لعمل interview
لما يقولون لك ليش اخترتنا احنا ؟؟ :omg:
ههههههههههههههههههههههههه

[المسك1969]

السلام عليكم
كثيره هي الاسئله التي لا تعجب ونسال بها؟؟ ولكنني استطيع التملص بدبلوماسيه ان لم ارد الاجابه عليها.. وخصوصا ان الشخص ليس مقربا لي
جزاكم الله خيرا

[fhd4]

عندك واســــطة ؟؟

[الفرحه]

السلام عليكم
كثيره هي الاسئله التي لا تعجب ونسال بها؟؟ ولكنني استطيع التملص بدبلوماسيه ان لم ارد الاجابه عليها.. وخصوصا ان الشخص ليس مقربا لي
جزاكم الله خيرا

ليش اسمك المسك 1969 التاريخ هو ميلادك ؟

[لابس بشت]

..

شكلك تدخل الشات وايد :oops::tease:

هههههههههه
لا والله كانت عندي مقابله مع جهه للعمل
الا فالمقابله المدير يسألني هالسؤال
جد نرفزني وماعرفت ايش اللي يبيه بالضبط؟
عن نفسي اسئله شخصيه؟
هواياتي؟
شغلي؟ شهاداتي؟ خبراتي؟
ويوم شفت هالموضوع تذكرت سؤاله البايخ :)

[Dawn]

انا اتضايق في المنتدى لما يسألوني عالخاص ( انتي فلانه ؟ )
والا يسألوني انتي من اي عائله؟
اما لو اشوف الناس وجه لوجه عادي اقول اسمي .. بس في المنتدى ما حب اعطي اي تفاصيل خاصه صراحه ..

[BO.ABDULLA]

الصراح ماحب حد يسألني شنو فصيلة دمك

[دوحة حمد]

باااال وايد اسئله اكره حد يسألني اياها

اولها كم عمرك وثانيها من اي عايله انت وثالثها وين تشتغل وكم تستلم :rolleyes2:

رايح اخطب ولا شنو:thumbdown:

وغيرها وايد :anger1:

[بو الجوري]

في أساله تعتمد على السائل و علاقته فيك :..:)
يعني لو السؤال جاني من أخوي :.. غير لمـا يجيني من واحد توني متعرف عليه :.. أو زميل عمل :..:rolleyes2:

و أكره حد يسألني شفيكـ :.. أقوله مافيني شي :.. و يتم يحــّن :..:telephone:
بالعربي أكره الحنـّه و تكرار السؤال :..:rolleyes2:

خلااااااص لا تملـّغ :..:anger1:

:tease:



و بخصوص سؤال ( كـم راتبك ) :.. بعد يعتمد على السائل :..

لكن أحيانا مثلا أنا أسأل واحد من ربعي كم راتبك :.. مب القصد حسد أو لقافه :..:secret:
لكن مثلا هو نفس مؤهلاتي و شغال في مكان ثاني :..
و يمكن راتبه أفضل من راتبي :.. فبالتالي بروح أقدم عنده :..:victory:
و إذا هو رفض يقولي :.. عادي مب زعلان :.. :tease:

يعني لا حسد و لا شي :.. لكـن مجرد علم من أجل التطوير :..:shy:

و طبعاً اللي يسال بس عشان يبطل عيونه ويقول بل :eek5::.. هاي قوله راتبي 1000 ههههههه :..:secret:

[مستوى الدعم]

وعليكم السلام ورحمة الله وبركاته

السؤال القبيح وخاصة من اشخاص ماعرفهم

كم راتبك ؟؟؟

لا وإذا علمت بالراتب ..

يتبعه سؤال أقبح:

وين تصرفه؟

وكم جمعت؟

[بنت حواء]

مرة وحده من الأخوات سألتني...كم راتبك؟؟
رديت: ليش..عندك وظيفه تعطي رواتب عالية...؟؟:)
قالت : لاء..بس بشوف تستحق التعب اللي تبذلينه ولا لأ..!
رديت: الإنسان يحتسب الإجر في أي عمل يعمله..سواء وظيفه أو بيت..يعني انتي مثلا..لما تربين أولادك..لازم بالأول تحتسبين الأجر..وما تفكرين إنك تربين عشان يقولون الناس خوش تربية وكذا...
قالت والله انا أقرا كتب....إلخ...

وضاعت السالفه::::d

[Bothayna]

أسخف 3 أسئلة
من وين شريتي هالغرض ؟
كم عندج في حساب التوفير ؟
محد تقدم لج للحين ؟؟؟؟؟؟؟؟

جوابي لهم....... مالكم دخل فيني !!!!!!!!!!!!!!!!!!!!!!!!!!!!!!


:anger1:

[sara jsm]

اكره شي عندي يوم اسال سؤال ويجاوبوني بسؤال :weeping:

[قطرية ونص]

السؤال اللي ما احبه ولا احب حد يسالني ....

في اي بنك ؟ وكم قرضك؟

[شبح الصمت]

صراحه اكثر سؤال اسمعه

كم عمرك !!! :eek5:

كم عمرك !!!

:eek5:

وتحصلون عيون مبقــقه بعض الناس ما يصدقون طبعا لين اطلع البطاقة الشخصية

:weeping:

اعمل ايه اعمل ايه

تعودت على السؤال خلاص

[بوحارب]

كم راتبك ومتزوج !!!!

وأي سؤال ملقوف لأني ماحب اللقافه كلش :(

[ZURICH]

مثل اي شي خاص وشخصي
وين كنت
وكم راتبك
او كم عندك في التوفير
او وين بتروح
لا والي يقهرني كم عندك في الأسهم .. كلش ولا هذي :)

[الحياة الخالدة]

وين بتروحيــــــــــن ؟؟

[بـــــــنت النوخـّــــذه]

[ماحب حد يسئلني عن السعر لاي شي ألبسه خصوصا اذا كان الشي معروف سعره اصلا"

واكررررررررررررره شي اذا وحده اسئلتني عن فلانه وعلانه ماحب اتكلم عن حد الي يبي يروح يسئل من الشخص نفسه

وفي المنتدى كثير اتيني رسائل خاصه يقولون ليش منتحله شخصيه عيوز وتتكلمين بطريقه العياييز 00اشدخلكم كيفي اههههههههههه

[قطرية فذة]

تبين الصج انا بعد قلت عجوز لاني اشوف تفلسف وايد لجل كذا كنت اعذرك

<<<<< اتعزز الصدمة

عموماً مايخصني مب موضوعي

السؤؤال هو

عطينا طريقه السويت

ماحب حد يسألني

[مهل]

اي سؤال شخصي



دام الواحد ماتكلم لاتقعدون تنبرونه وش عندك و ليش سويت جدا او جذيه

احس الجيل السابق من الناس لماحين من تعابير الوجه او من طريقه رد الشخص على طول يعرفون ان هذا الموضوع لايفضل الخوض فيه .

مب شباب هاليومين الله يهديهم تقول محققين ،، يسئلك سؤال و يبيك تجاوب ،، ياخي انتبه يمكن فيه اشخاص موجودين ما احب اتكلم قدامهم بموضوع يخص عملي او يخص اسرتي او اي شيء في حياتي .

[جلمود]

فين السؤال !

انا أحط ايدي على السؤال تلائيني فريره ,, فين السؤال !!:telephone:


كم عمرك:( !!

[R 7 A L]

مايقهرني الا لما يجني واحد ويطلع ابو العريف ويقول لي ليش متضايق ؟

[PRINCESS]

كل سؤال احس بي حشريه اكرهه واكره السائل:rolleyes2:

بس اكثررررررررر سؤال اكررهه لما اسافر ويسالوني(متى ترجعين)
اووووووف شكد سؤال سخيف:rolleyes2:

يعني هو كل شي بيد ربنا يعني اني اعرف بعد ساعه ممكن شنو يصير بيه حتى اعرف شوكت ارجع؟:rolleyes2:

[بولينجر]

اي سؤال يحمل طابع الفضول لا احب ان يسألني اياه احد......

[لمعة الالماس]

ما احب الأسئلة بشكل عام

[ام لولوه]

انا والله في اسئله واجد تبط كبددددي

اولها يتصلون علي ويقولون وينج واقولهم ويني يعني في البيت <<<ويردون يسألون مره ثانيه وينج <<< هنا انا اطلع من طوري واقط كلااام <<حدث ولاحرج ههههه

ثانيا: كم وزنج ؟؟ <<هالسؤال يخليني ادور حول نفسي 10 مرات ههههههه ماحبه <<<اسباب شخصيه عاااد افهموها يعني اشكره مبين من الشكل شحقه الاحراج ههههه<<< عاد مو دعله وايد نص ونص ههههههه

بس <<< اشم ريحه هلااااقه هههههه

[مستر بن]

كم عمركــ..؟

وقبل ,

اخبار الدراسة ’’ :shy:

[مسك روز]

1- اذا وحده سألتني وين مفصله عبايتج؟ وبكم ؟
او من وين شريتي بلوزتج؟ او فستانج؟


2- اذا قلت حق وحده دقايق وبرجع لج ، واذا رجعت لها تسألني وين رحتي وشكنتي تسوين ؟


3- كم عمرج ؟ واذا جاوبت صكوني بعين :weeping:



والله اسأله وايد تبط جبدي وخصوصا لما تكون من وحده غريبه ماعرفها ..




عجبني الموضوع رووعه .. طلعت اللي بخاطري

[مستر بن]

انا والله في اسئله واجد تبط كبددددي

اولها يتصلون علي ويقولون وينج واقولهم ويني يعني في البيت <<<ويردون يسألون مره ثانيه وينج <<< هنا انا اطلع من طوري واقط كلااام <<حدث ولاحرج ههههه

ثانيا: كم وزنج ؟؟ <<هالسؤال يخليني ادور حول نفسي 10 مرات ههههههه ماحبه <<<اسباب شخصيه عاااد افهموها يعني اشكره مبين من الشكل شحقه الاحراج ههههه<<< عاد مو دعله وايد نص ونص ههههههه

بس <<< اشم ريحه هلااااقه هههههه



لا اخس شيء ’’

يتصلون ع تلفوون البيت ’’ ويسالووون وينك.؟


القذافي مثلا خخخخخ

[عاشق الشهادة]

هو يعتمد على السائل :telephone:
فيه صديق صدوق لو يبي عيوني اهديه اياها فدوه للصداقه الي بيننا :nice:

والسؤال الي لا ارضى من احد يسئلني اياه مهما كان الشخص الي امامي ,
اين ذاهب :anger1:

او


اين كنت :anger1:

[بصمة قطرية]

اسئلة كثيرة احس مالها لزمة ..
اذا كنت مصدعة ..
يسألوني ليش مصدعة ..؟ :rolleyes2:
واذا رحت مكان مع حد مع عيالي وسمعوا الولد يقول لي يمه
يسألوني ولدج ..؟
لا ولد الجيران .. :tease:
واذا شافوا ولدي الكبير يسألوني كم عمرج ..؟ :rolleyes2:
عمري 15 :tease:
واذا اتصلوا وانا نايمة يحرقون التلفون لين ارد
واذا رديت قالوا لي نايمه .. :anger1:
لا قاعدة العب كورة :anger1::anger1:

[القيادة]

أي شي شخصي ماحب أحد يسئلة لي:anger1:

[ღLady Qtrღ]

من تحبـين

[مستر بن]

الووالد ,,

اكرة شيء عنده اذا واحد قاله ’’

وينك خخخخخخخخخخخخخخخخخخخخخخ

اما الاشياء التافهه ’’

اذا كنت نعسان ’’ يقولون لي بترقد ..


اذا كنت متسبح ’’ يقوولون لي متسبح ’’

واذا ابي اروح المستشفى يقولون مريض ..؟

اذا ابي اكل ’ يقولون يوعان ’’؟

اذا بروح برا ’’ يقولون طالع ’.؟


اسئلة واجوبة آآ ف منتهى الرقة ’’ في منتهى الذوق ’’

خخخخخخخخخخخخ

[نمـر]

وين بتروح؟؟؟

آدري سؤال عادي لكن كرته لأني كل يوم أنسئل من عيالي تقريباً أكثر 100 مرة *

[aljaber1]

وينك شتسوي مالها حل الناس متعوده عليها

[jeep-srt8]

ليه راكب سيارة قرمبع

قالولك عندي ارصده فالبنك ؟؟

[ريم الشمال]

الاسئله السخيفه بدون تحديد

ريم الشمال

[بوعلي2]

:unsure:

[الهاجري 2]

طبعا انا اكره الاسئله الغبيه وخصوصا واحد يدق علي
ويقول وينك ؟
على سبيل المثال اقول ((المجلس)) او ((الملعب))
ويزيد غباءه ويكمل ويقول شتسوي ؟؟
هني تجي كلمتي الدائمه ((العب صقله)) خخخخخ