ياريت لنا أسعار خاصة احنا هالقطر بالفنادق مثل الكويتيين

[we-r-sawa]

كل الفنادق بالكويت لهم تسعيرة خاصة للكويتيين على مدار السنة وتسعيرة خاصة للمقيمين ومواطني مجلس التعاون في اجازات آخر الأسبوع واجازات الأعياد وراس السنة والصيف كله وأغلب الفنادق راح تبدأ تسعيرة الصيف هذه السنة من 16/6 الى تقريبا بعد عيد الفطر أي في 15/9/2011 ...يعني أنا عادة أسكن بالماريوت بعد الخصم بحدود 52 دينار مع الافطار والضريبة وهو سعره فعليا 82 دينار بالأيام العادية حتى لو حجزتوا عن طريق booking ماراح تحصلونه بهذا السعر وطبعا هذا ينطبق على أغلب فنادق الكويت ان أسعارهم بداخل الديرة وليست معلنة بالخارج على مواقع الانترنت..تقدرون أيضا بالأيام اللي مافيها خصومات اذا عندكم ناس معرفة وحبايب بالكويت تحجز باسمهم بعد الاتفاق معاهم وانت تدفع لما تعمل checkout وبعد راح توفر طبعا..

[معيوف]

اعتقد صار عندنا فتره فندق الماريوت سوى مثل هذي الخصومات حق اهل قطر في الصيف ومميزات وتمتع بكل مرافق الفندق باسعار مخفضة ولكن ماردي لين الحين ولا لا
و الفندق الي عند الريتز نسيت اسمه بعد مسوي خصومات خاصة للقطريين طبعا من زمان ماعتقد لين الحين مستمره

[we-r-sawa]

بالكويت عندهم خصومات الفنادق بشكل دايم بدون تقطيع وصراحة المواطن القطري هنا ماله أي مميزات أبدا بأي شي وواسطتك بكل شي هو الأجنبي ولا حول ولا قوة الا بالله

[Kuwaiti88]

كل الفنادق بالكويت لهم تسعيرة خاصة للكويتيين على مدار السنة وتسعيرة خاصة للمقيمين ومواطني مجلس التعاون في اجازات آخر الأسبوع واجازات الأعياد وراس السنة والصيف كله وأغلب الفنادق راح تبدأ تسعيرة الصيف هذه السنة من 16/6 الى تقريبا بعد عيد الفطر أي في 15/9/2011 ...يعني أنا عادة أسكن بالماريوت بعد الخصم بحدود 52 دينار مع الافطار والضريبة وهو سعره فعليا 82 دينار بالأيام العادية حتى لو حجزتوا عن طريق booking ماراح تحصلونه بهذا السعر وطبعا هذا ينطبق على أغلب فنادق الكويت ان أسعارهم بداخل الديرة وليست معلنة بالخارج على مواقع الانترنت..تقدرون أيضا بالأيام اللي مافيها خصومات اذا عندكم ناس معرفة وحبايب بالكويت تحجز باسمهم بعد الاتفاق معاهم وانت تدفع لما تعمل checkout وبعد راح توفر طبعا..


تدرين ليش أغلب الكويتيين يسافرون بره كل عطلة نهاية أسبوع إلى دبي أو البحرين أو لبنان

وإلخ ...

لأن عندنا قانون جائر لا يسمح للشباب بحجز أي فندق أو منتجع إلا لازم يكون عنده عقد

زواج ...

يعني الشباب اللي مو متزوجين ما يقدرون يحجزون بدون عقد زواج من منطلق ما يبون يصير فساد ...

فتلقين كل الفنادق تسوي عروض للعائلات فقط ... :weeping:

يعني على الأقل حتى السعودي يقدر يستانس ويحجز شاليهات واحنا لأ ...

[we-r-sawa]

هذي صدقت فيها ومافيها منطق أبدا لأن مثل ماتفضلت شفت عزاب وعازبات من دول خليجية يقدرون يقعدون بفنادق الكويت ولكن حرام على العزاب والعازبات من الكويت!!!

[البدع]

رحت ٣ فنادق بالكويت

وكلهم تسألوني انت كويتي ولا ،،، لا

ويوم سالت احدهم قال إحنا مانسكن كويتيين عندنا

والله اعلم

[Kuwaiti88]

رحت ٣ فنادق بالكويت

وكلهم تسألوني انت كويتي ولا ،،، لا

ويوم سالت احدهم قال إحنا مانسكن كويتيين عندنا

والله اعلم


عشان جذي احنا الشباب على طول نسافر كلما يت فرصه على دبي ...

ويقولون نبيكم تشجعون الإقتصاد المحلي الكويتي ...

شلون نشجع الإقتصاد المحلي وانتوا ممنوع نحجز بالفنادق والمنتجعات ...

:anger1:

[البدع]

كويتي ٨٨

حاطين أغاني كثيرة عن الكويت في الإذاعات بشكل غير طبيعي

ماهي المناسبة؟

[Kuwaiti88]

كويتي ٨٨

حاطين أغاني كثيرة عن الكويت في الإذاعات بشكل غير طبيعي

ماهي المناسبة؟


الله يسلمك عودة حضرة صاحب السمو أمير البلاد الشيخ صباح الأحمد الجابر الصباح

من رحلة الفحوصات الطبيه في المملكه المتحده واللي تكللت بالنجاح ...

عالعموم الأغاني الوطنيه عندنا شغاله على طول ...

ياريت تحط لنا تقرير عن رحلتك وشنو سبب زيارتك للكويت هل للسياحه أو زيارة للأهل والأصدقاء ...

وتقولنا شنو اللي اعجبك وشنو اللي ما عجبك بالكويت ...

:)

[البدع]

أغاني حلوة

اول مرة اسمع بعضها