محتارة في الاثاث وديكور البيت

[المسك1969]

السلام عليكم
انا جدا محتاره في شراء اثاث جديد او ما اشتري؟؟
عندي اطفال صغار .. واخاف اشتري اثاث جديد ويتبهذل
طيب ابي اناقش واياكم امرين:
الاول: انا صبغت البيت صبغ عادي جدا .. يعني مافي ترخيم ولا تعتيق .. بس غمقت اطراف الجبس بنفس الصبغ وطلع حلو وبسيط... لكن اتمنى اني احط شي في البيت يبرز كشخته بس بسعر مناسب ... يعني شنو احط من ديكور والا الديكورات بس في الصبغ والاضاءة؟؟؟
الامر الثاني: ماعرف اشتري غرف نوم جديده لليهال وادري ما تخترب بس لأنهم صغار... اكبرهم تسع واصغرهم ثلاث شنو اشتري لهم حق يهالووه والا حق كبار... شفت في نابكو اشياء حلوه بس المشكله بعد عيالي يخافون ينامون كل واحد بغرفه
والله حاله... قلت اشتري واغصبهم وعقب قلت ليش اخسر فلوسي وكلهم خوافين وبيرقدون ويا بعض في غرفه... لاتنسون الصاله بعد...شاحط فيها جلسه والا كراسي عاديه...
رجاء النصح حفظكم الله
جزاكم الله خيرا

[الـــبـيـرق]

الله يعييينج لان انا والاهل في نفس الحيررررررررررررررره
يا ليت نلقى افكار تساعدنا هني

[شموخ دائم]

,

,


مرحبا

الله يعطيك العافيه على الحيره في اتخاذ القرار

واسهل طريقه لاتخاذ القرار هو ان نشوف الاهم

اولا الاشياء المهمه

1 ...؟
2...؟
3...؟

بعد ما نرتب الاشياء المهمه الي راح نبتدي فيها

ثانيا الامكانيات الماليه
نروح نشوف امكانياتنا الماليه نفرض عندنا مبلغ من المال
نوزعه على الاشياء المهمه ونشوف تكفي او لا

ثالثا العروض والاسعار

نشوف كم بيكلفنا كل حاجه نبي نشتريها نجيب الاسعار من المحلات

وراح يصير كل شي واضح الي نقدر عليه نسويه والي فوق امكانياتنا
نخليه الفتره القادمه نأجله شوي

التخطيط هذا مهم جدا لكل انسان في كل المجالات

انا جدا محتاره في شراء اثاث جديد او ما اشتري؟؟

اذا القديم تعبان على الاخر غيريه واذا حالته لاباس فيها خليه الان لا تغيرينه
والسبب ان الفلوس نحطها في الاهم

انا صبغت البيت صبغ عادي جدا .. يعني مافي ترخيم ولا تعتيق

الترخيم والتعتيق موضه قديمه لا تعملينه نهائيا
الاكسسوارات مهمه بالبيت مثل التحف واللوحات على الحائط الي فيها براويز عريضه
جدا جميله وايضا الابجورات الاضاءه الي بالزاويه لها جو مميز

الامر الثاني: ماعرف اشتري غرف نوم جديده لليهال

اذا بتشترين اشتري للكبير ويكون نوعها خشب قوي عملي اشتري حجمها لشخص بالغ
او من المراتب الوطنيه الي نفس الفندق هذي عمليه جدا
وبتعيش فتره طويله ان شاء الله مافي خساره اهم شي نوعها قوي مو بس كشخه وسهل تخرب
بالتوفيق لك


,

,

اخوك

شموخ دئم

[فارس الكلمة]

بعد الصبغ .. يمكن وضع لوحات جدارية جميلة .. في الصالة و مدخل البيت

يمكن وضع بعض المزهريات المليئة بالأوراق الخضراء الاصطناعية .. في

زوايا البيت من الداخل .. ما دري إذا كان اليهال الله يحفظهم بنات أو أولاد

إذا كانوا أولاد ممكن وضع أثنين في غرفة مع سراير جميلة و مفارش وثيرة

و عليك أن تنامي معهم حتى يتعودون على الغرفة ..

[المسك1969]

السلام عليكم
شموخ دائم اتحفتني ربي يحفظك من كل شر واشكرك على تعليقك بس المراتب من وين اشتريها وبكبتات وكميدينو والا بدون...جزاك الله خير على المرور والتعليق

فارس الكلمه شكرا اخوي على رايك وبسويه ان شاء الله.. لازم كل اثنين في غرفه ان ما اجتمعوا بروحهم ويا بعض من الخرعه... جزاك الله خير على المرور والتعليق

الله يعينا واياك.. هي محيره بس تتسهل ان شاء الله ويجزاهم الله خير الاخوه ماقصروا بأرائهم ربي يحفظهم

[همسـات]

,

,


مرحبا

الله يعطيك العافيه على الحيره في اتخاذ القرار

واسهل طريقه لاتخاذ القرار هو ان نشوف الاهم

اولا الاشياء المهمه

1 ...؟
2...؟
3...؟

بعد ما نرتب الاشياء المهمه الي راح نبتدي فيها

ثانيا الامكانيات الماليه
نروح نشوف امكانياتنا الماليه نفرض عندنا مبلغ من المال
نوزعه على الاشياء المهمه ونشوف تكفي او لا

ثالثا العروض والاسعار

نشوف كم بيكلفنا كل حاجه نبي نشتريها نجيب الاسعار من المحلات

وراح يصير كل شي واضح الي نقدر عليه نسويه والي فوق امكانياتنا
نخليه الفتره القادمه نأجله شوي

التخطيط هذا مهم جدا لكل انسان في كل المجالات

انا جدا محتاره في شراء اثاث جديد او ما اشتري؟؟

اذا القديم تعبان على الاخر غيريه واذا حالته لاباس فيها خليه الان لا تغيرينه
والسبب ان الفلوس نحطها في الاهم

انا صبغت البيت صبغ عادي جدا .. يعني مافي ترخيم ولا تعتيق

الترخيم والتعتيق موضه قديمه لا تعملينه نهائيا
الاكسسوارات مهمه بالبيت مثل التحف واللوحات على الحائط الي فيها براويز عريضه
جدا جميله وايضا الابجورات الاضاءه الي بالزاويه لها جو مميز

الامر الثاني: ماعرف اشتري غرف نوم جديده لليهال

اذا بتشترين اشتري للكبير ويكون نوعها خشب قوي عملي اشتري حجمها لشخص بالغ
او من المراتب الوطنيه الي نفس الفندق هذي عمليه جدا
وبتعيش فتره طويله ان شاء الله مافي خساره اهم شي نوعها قوي مو بس كشخه وسهل تخرب
بالتوفيق لك


,

,

اخوك

شموخ دئم

ماشاء الله
ما ازيد على هالكلام

وبالتوفيق

اخوي شموخ
تفكير منطقي
تحيات لك

[dream~qa]

أختي مسك ما أدري أنتي شريتي ولا للحين بس أنا باعطيج نصيحتي عن غرف الأطفال من واقع تجربتي

أولا افصلي البنات عن الأولاد وسوي غرفتين فقط وكل غرفة سوي لها خزانة حائط مناسبة تعيش معاهم لين يكبرون .

أما الأسرة .. روحي المراتب الوطنية شارع سلوى وسوي لهم اسرة تجيج نفس الفنادق وعندهم ديزاينات وايد حلوة واسعارهم زينة وهو ممكن يسوي لج معاهم كوميدينو وتسريحة وطاولة مكتب إذا تحبين . ولو أني أشوف أن هالزيادات مب مهمة وايد .

[ja077]

المصنع الوطني للمراتب ........ طريق سلوي