علاج على حسابي الخاص بالخارج

[سمو الاميرة]

بسم الله الرحمن الرحيم


السلام عليكم ورحمة الله وبعد ..

أخواني انا قطرية وعاني من الم في الاعصاب ودسك في الظهر وعندي مراجعات على مستشفى حمد الطبي ولكن دون جدوا وبدون تقاير طبية للعلاج في الخارج على نفقه الدولة وسافر على حسابي الخاص اكثر من مرة الى لندن وعندي تقارير و اوراق تفيد بدخولي المستشفى وعملت عملية هناك وفواتير دفع كذلك ولكن تكاليف العلاج بالخارج غالية جداً
ولا ستطيع كل مرة الذهاب على حسابي الخاص .
وسمعت ان يمكن ان اقدم فواتير الدفع للجنة الطبية لتعويضي المبالغ التي دفعتها للعلاج
بالخارج هل هذا الكلام صحيح ام لا ؟

ارجو من الجميع مساعدتي ..

[الأصيلة]

نعم صحيح كما سمعت...
وحتى لما تروحين على حسابك أول ماتوصلين المكتب الطبي
يحول العلاج على الدولة على طول..
دائما تصير من الكثير من الناس..
يمكن ماقدمتي الأوراق للمكتب الطبي في لندن ...

[Right]

ما تشوفين شر و ربي يشافيج إن شاء الله

نعم فيه طلب " أبلكيشن " تعبينه وبعدين يبعث للجنة الطبية بالدوحة

عاد ما يندرى يوافقون عليه ولا لا وأعتقد يحتاج لج واسطة

عندي نسخة من الـــ " أبلكيشن " إذا تبينه بطرشه لج ؟

بما أني في ألمانيا حالياً و لوجه الله تعالى

أقدر أساعدج بعرض نسخ من تقاريرج على دكاترة هنا في ألمانيا

طالعة من الشر بإذن الله

[برشلوني قطر]

الي اعرفه وانتي اهناك تقدمين وعادة يوافقون..بس اذا رجعتي ماتوقع..

الوالد الله يرحمه سوا عمليه ف تايلند وطرشو من اهناك للمكتب الطبي ووافقو ع دفع مصاريف العلاج

والله يشفيج ويشفي مرضى المسلمين

[qatara]

عليج بالصدقه

فهي تدفع البلاء (المرض وغيره ) وتطفي غضب الرب

الله يشفيج ويعافيج ويشفي كل مبتلى

[المسك1969]

السلام عليكم
الله يشافيج ويعافيج يارب

[R 7 A L]

ياجماعة
لاتوهقون الاخت

عندنا ناس في امريكا من اهل قطر صار لهم اكثر من ثلاث اسابيع وللحين يدفعون من احسابهم .

[simsim1963]

يا جماعه هذي سمو الاميرة من فترة عندها موضوع بشأن التوظيف في المنتدى . البنت فيها الخير والله على مساعدتها اهل قطر . وياريت الي عنده واسطه ولا طريقه يقدر يساعدها جزاه الله خير . وهي تستاهل

[hamoor4ever]

ماعندي فكره بس اللي اعرفه ان كل شي بالواسطه يصير

[المليونير الفقير]

اختي خلي عنج المكتب الطبي اكتبي اكتاب موجه لسمو الامير وقدميه فالديوان الفرع الي فالكرنيش جنب نجمة الهند سابقا وارفقي معاه تقاريرج وفواتيرج وباذن الله يعطونج تعويض هذا واتمنالج كل التوفيق

[سمو الاميرة]

الكل مشكورين على ردودكم والله يفعل ما يردين

[فتى الجود]

قدمي على اللجنة الطبية
ولو ارفضوا

خلها ترفض
وقدمي على مقابلتها وخلهم يرفضون

وقولي لهم ابي رفضكم موثق

وبعدها الى مكتب سمو ولي العهد
واول سؤال راح تسألين عنه بيقولك هل رحتى المكتب الطبي ؟

طبعاً تقولين له نعم ورفضوا وهذا موثق
وان شاء الله خير
والله يوفقك لك

[مضاربه]

المكتب الطبي في لندن بالواسطه اختي انا السنه الي فاتت خسرت شكثر وعبيت ابلكيشن وقالو بنتصل لج اذا تم الموافقه ولا شفت منهم شي كله كلام في كلام

[سويسرا]

نعم صحيح كما سمعت...
وحتى لما تروحين على حسابك أول ماتوصلين المكتب الطبي
يحول العلاج على الدولة على طول..
دائما تصير من الكثير من الناس..
يمكن ماقدمتي الأوراق للمكتب الطبي في لندن ...


كلام الاصيله صحيح %%ومن واقع تجربه

[Class]

ما تشوفين شر و ربي يشافيج إن شاء الله

نعم فيه طلب " أبلكيشن " تعبينه وبعدين يبعث للجنة الطبية بالدوحة

عاد ما يندرى يوافقون عليه ولا لا وأعتقد يحتاج لج واسطة

عندي نسخة من الـــ " أبلكيشن " إذا تبينه بطرشه لج ؟

بما أني في ألمانيا حالياً و لوجه الله تعالى

أقدر أساعدج بعرض نسخ من تقاريرج على دكاترة هنا في ألمانيا

طالعة من الشر بإذن الله





كفيت و وفيت

صدقت مثل ما قلت يبيلها - واسطة - في اللجنة الطبيةعشان الموافقة

[كبريت]

لك الله وعليك بالصدقه
الله يشفيك

[القيادة]

ماعندي فكره بس اللي اعرفه ان كل شي بالواسطه يصير



متتشوفين شر أنشاء الله


جبتـــــــــــــــــــــــــــــها أخوي:)