ارجو الانتباه عصابة تنتحل شخصية كيوتل

[المقاول]

الان وصلني اتصال من هذا الرقم (00971502863290) شخص يدعي ان اسمة محمد يوسف من كيوتل بتحدث الانجليزيه فتح موضوعه هناك 200000 الف بس انا قاطعته قلت انت تكلمني من الامارات شلون تقول كيوتل . قال نعم الخط اماراتي بس تابع لكيوتل ..انا حسيت ان العمليه نصب واضح خاصه وهو يسمعني اصوات ناس عنده .. قلت ممكن اجتمع معك ونتكلم .. قال اوكيه تعال في كيوتل .. قلت وين ؟ قال الفرع الرئيسي وصار يتهرب ... الان
ارجو الحيطه واذا كان هناك بعض الاعضاء يقدر يزودنا بمعلومات واستيضاح او باتخاذ الاجراءات اللزمة لردعة ... وشكرا للجميع

[نوفا91]

واحنا بعد ناقصينهم !!

[QATAR2011]

اليوم جاني اتصال من الامارات واستغربت لأن ماعندي حد هناك أبداً،،، بس الحمدلله مارديت

[بعيد الدار]

لا يكون المتصل صدق انها انزلت الزيادات :shy:

[غزلان]

وانا بعد من يومين جاني نفس الأتصال وقالي خط كيوتل فزتي ب200000 سكرت في ويهه

[rawad]

وانا كمان اجاني رقم من الامارات ونفس القصة الرقم 00971509807698

[الشامخه]

وانا بعد كل اسبوع يجيني اتصال نفس الموضوع




نصب واحتيال

[الشامخه]

وانا بعد كل اسبوع يجيني اتصال نفس الموضوع




نصب واحتيال

[برشلوني قطر]

وانا بعد من يومين جاني نفس الأتصال وقالي خط كيوتل فزتي ب200000 سكرت في ويهه




هههههههههههههههههههههههههههه زين سويتي:nice:

[هجمة مرتدة]

لا تظلمونهم يمكن يبون يرجعون اللي انهبوه منا كيوتل على مدار السنوات الماضية بأثر رجعي !!

[صعبة وصوفه]

وأنا بعد جاني اتصال من الامارات امس بالليل حوالي الساعه 11
والرقم كان (........55-971+)

طبعا مارديت، عرفت أنهم نصابين

[تميم بن خالد]

تم الاتصال بي وطلب رقم اسيم كارت .00971509805976وهذا رقمة

[Toomy]

تم الاتصال بي وطلب رقم اسيم كارت .00971509805976وهذا رقمة

نفس الرقم جاني العصر 4:35 و لا رديت عليهم .

[لمعة الالماس]

أنا بعد جاني رقم من الامارات وما رديت ٠٠٩٧١٥٥٢٦٤٨٠٦٥

الساعة ٣.٥٥ العصر

[خوي الدرب]

قاتل الله الإعلام الكذاب

[نبض القلم]

أنا جاني هذا التصال وطبعا رديت المهم قالي مبروك انت فزت بميتين الف
بس شوف الرقم الي علي شريحتك وعطنا اسمك كامل قلتلة بشوف وبرجع اتصلك كلمت كيوتل احذرهم من هذي العملية
النصب طبعا ومافية رد شافي ماكذبت خبر كلمت صديق لي
بالأمن العام بدبي وعطيتة الرقم وقالي إحنا ندورهم

[االشامخ]

انا بعد جاني نفس الرقم بس مارديت

[R 7 A L]

باي باي ياهل شرق لاحد يزعل مني اذا مرديت علية :weeping:

[HAYA]

و أنا أيضا وجدت مكالمة لم يرد عليها من الإمارات ، و هذا هو الرقم للتنبيه :
00971509805976

[واقعي وصريح]

وانا بعد

[qtr7]

جاني من شهر سكرت في وجهه وعطيت رقمهم واحد من ربعي في كيوتل .احسن شي نعطي العصابه رقم عبدلله بن سعود ومعرفي!

[Qt.1]

وانا بعد جاني نفس الرقم , بس ياحظكم ايجيكم في اوقات عدله انا جايني الساعه 12 ونص فليل ولامرتين !!

[BoYousuf]

:eek5: اففف لاعبين لعبتهم والله

متصليين حق عاااالم,,,

الله ايفكنا من شرهم ان شالله,,, يعني ابروحنه متلتهيين وبعد هم يبون ينصبون

[khaldoon]

كثير تيجيني مكالمات من الامارات و مصر بس رنه وحده و تسكر و ارقام ما اعرفهم فما اهتم فيهم

[راشد محمد]

انا جاني هالرقمين 00971555707241
و00971555707240

[<اضرب واشرد>]

لا تسكرون في وجيهم رَوحوا معاهم في السوالف والأسئلة والاحراجات وضيعوا وقت .. عشان مايستغلون الوقت في الايقاع بأكبر عدد من الضحايا.

وعشان يملون ويشوفون الشغلة ماوراها فايدة ، ويشوفون تجارة حلال غيرها.

[alrheeb2020]

هههههههههههههههههههههههههههههههه ,, اما في ناس لحين اتصدق هالاشياء ههه


الله يجزااك خير اخوي عالتنبييه ويرحم والديييك ماقصرت

[تاجر كشخة]

يا سلام انا ادورهم فلة بستانس معاه واطير ريحته واخلص رصيده هع هع توني رسلت له رساله قلت له ما فيه جوائز حق اصحاب فودافون خخخ اول ما يتصل بستلمه

[علاء الدين 1]

الان وصلني اتصال من هذا الرقم (00971502863290) شخص يدعي ان اسمة محمد يوسف من كيوتل بتحدث الانجليزيه فتح موضوعه هناك 200000 الف بس انا قاطعته قلت انت تكلمني من الامارات شلون تقول كيوتل . قال نعم الخط اماراتي بس تابع لكيوتل ..انا حسيت ان العمليه نصب واضح خاصه وهو يسمعني اصوات ناس عنده .. قلت ممكن اجتمع معك ونتكلم .. قال اوكيه تعال في كيوتل .. قلت وين ؟ قال الفرع الرئيسي وصار يتهرب ... الان
ارجو الحيطه واذا كان هناك بعض الاعضاء يقدر يزودنا بمعلومات واستيضاح او باتخاذ الاجراءات اللزمة لردعة ... وشكرا للجميع

نفس الموضوع أنا وصلني اتصال من هذا الرقم 971504938041 00 اليوم العصر .

[راقي]

يا سلام انا ادورهم فلة بستانس معاه واطير ريحته واخلص رصيده هع هع توني رسلت له رساله قلت له ما فيه جوائز حق اصحاب فودافون خخخ اول ما يتصل بستلمه

هههههههههههههههههههههههههههه

شكلي بسووي نفسك
عشان اكسر روتيين الملل والاجازه :victory:

[بوسلمان 2010]

كفايه علينا السنغال والصومال بعد هذي السالفه وين الامارات الله يستر الظاهر يحسبون في كل بيت خليجي


بير بترول وبنك الله المستعان

[مخطط قطري]

انا بالعكس قمت اخذ واعطي معاه دام المكالمه على حسابه :)

[المقاول]

شكرا لردود جميع الاعضاء .. والحمد لله اننا شعب واعي .. طبعا هذي عصابات
تغزي الدول اللي تعرف ان السيوله عندها متوفره . ودفع مبلغ بسيط مارايح يؤثر عليها
وهم مبلغ بسيط من هنا ومبلغ بسيط من هناك في الاخر ملاييين... ولديهم كل الامكانيات
الله يحمي قطر وشعبها من كل شر

[تاجر كشخة]

هههههههههههههههههههههههههههه

شكلي بسووي نفسك
عشان اكسر روتيين الملل والاجازه :victory:

هع هع لحد الحين ما رد علي:rolleyes2:

[Mohammed2]

انا جاني اتصال من هالرقم وكان هندي وقالي نفس الكلام اني فزت بـ 100 الف ريال
وعطاني رقم يقولي ان هالرقم موجود على الشريحه مالتك sim صكيت المكالمه وتأكدت طلع ان الرقم هو نفسه !!
رديت واتصلت له قالي مبرووووووك انت فزت معانا
وبعدها قالي نبيك بس اطرش لنا مبلغ وقدره 1500 ريال عشان نحول لك الـ 100 الف وطرش لنا مبلغ وقدره 2500 ريال عشان المدير يوقع عالشيك مالك
انا استغربت قلت له شنو طرش وطرش انا فزت اعطيكم فلوس ليش !!
يقولي لا اخوي احنا مسلمين وانت اخوي واحنا صادقين واحنا واحنا ...
قلت له اوك اخذ الفلوس اللي تبيها من الجائزه اللي انا فزت فيها وعطني الباقي >> حكر له
قال لا مايصير مانقدر
قلت له انت نصاب وتلعب عالناس وماعندك سالفه وفلوس ماراح اطرش لك لو تنقز الين السما
وصكيت الخط في ويهه

ارجو ان اللي يجيه مثل هالاتصالات ان لاينخدع فيهم المقصد انهم يبوقون الناس

وتسلم اخوي

[المقاول]

:nice::nice::nice::nice:
انا جاني اتصال من هالرقم وكان هندي وقالي نفس الكلام اني فزت بـ 100 الف ريال
وعطاني رقم يقولي ان هالرقم موجود على الشريحه مالتك sim صكيت المكالمه وتأكدت طلع ان الرقم هو نفسه !!
رديت واتصلت له قالي مبرووووووك انت فزت معانا
وبعدها قالي نبيك بس اطرش لنا مبلغ وقدره 1500 ريال عشان نحول لك الـ 100 الف وطرش لنا مبلغ وقدره 2500 ريال عشان المدير يوقع عالشيك مالك
انا استغربت قلت له شنو طرش وطرش انا فزت اعطيكم فلوس ليش !!
يقولي لا اخوي احنا مسلمين وانت اخوي واحنا صادقين واحنا واحنا ...
قلت له اوك اخذ الفلوس اللي تبيها من الجائزه اللي انا فزت فيها وعطني الباقي >> حكر له
قال لا مايصير مانقدر
قلت له انت نصاب وتلعب عالناس وماعندك سالفه وفلوس ماراح اطرش لك لو تنقز الين السما
وصكيت الخط في ويهه

ارجو ان اللي يجيه مثل هالاتصالات ان لاينخدع فيهم المقصد انهم يبوقون الناس

وتسلم اخوي

:nice::nice::nice:

[مجازف]

يسعد مساكم / صباحكم بكل خير

عندي شريحة من إتصالات الإمارات وفي تاريخ 25/4/2011م وتحديدا ً الساعة 2:03 م وصلتني الرسالة النصية التالية من etisalatINF الإماراتية

عزيزي المشترك
لا تقع ضحية للمكالمات المضللة التي تدعي بأنك قد فزت بجوائز مالية من اتصالات. سيخبرك المحتالون بالأرقام المطبوعة على بطاقة SIM لإيهامك بأن المكالمة حقيقية، علماً بأن كافة بطاقات SIM بدولة الإمارات تحمل نفس الرقم الأول المكون من 8 أرقام (89971122). يرجى إبلاغ أقرب مركز شرطة عند تلقي أي من هذه المكالمات.

***:. لمزيد من الإيضاح ورد في الرسالة النصية أعلاه طلب إبلاغ أقرب مركز شرطة عند تلقي أي من هذه المكالمات ، والمقصود شرطة دولة الإمارات العربية فقط.

أرجو أن تعم الفائدة ، وحفظ الله قطر وأهلها من كل مكروه ياكريم.

[محمد]

والله كلكم بصوب ونا بصوب جاني امس رقم مجهول اول ما رديت قالي يا اخي انت مسحور عاد انا من غير شي كانت نفسي فخشمي قلت له بشر امك و صكيت فوجهه