شفتو غرف القطريين في طوارئ السد

[sadaf_qa]

:omg:

رحت طوارئ السد مستبشره ان فيه غرف خاصه ومعامله سريعه للقطريين في البدايه
غرفة انتظار النساء صغيره وكتمه
انتظار وقت طويل اكثر من ساعه
دكتور واحد
وغرفة الدكتور صغيره صغيره الغرفه اكبر من سريرالمريض دخل الدكتور وماقدرت ادخل معاه وكلمتهم وقلت لهم مالقيتو اصغر من هذه الغرفه احسه تنكيل والله قلنا علاج مجاني بس لاتنكلون في القطري

ويوم كنت انتظر كانت تنتظر معانا عائلتين سودانيتين والدكتور مهتم بحاله منهم كثير

يوم كان للقطريين شدخل السوداني

وكلمتهم الدكتور المسوول فال كل القطريين يشتكون على الغرف الصغيره

يارب رحمتك

[راشد محمد]

الله يعين

[Abdulraman]

دار دار بيت بيت زنقه زنقه
الله المستعان

[انصار جليري]

لاحول ولا قوة الا بالله العلى العظيم

[ام السعف]

بالنسبة لي ،، اشوف الطوارئ ما فيها قطري واجنبي ،، الطوارئ للحالات
المستعجلة ،، فمن جذيه الانسانية تحتم من كانت حالته تستدعي هو الاحق ،،

وربنا يشافي كل مريض

[القطو السمين]

الله يجزاهم خير على وضع غرفة للقطريين ياريت يكبرونها ولي يقول مافيه فرق بينا وبين الاجنبي خله ينتظر مع الاجانب بدال مايقعد ساعة يقعد ثلاث ساعات وعقب بنشوف علومكم في المنتدى

[بوخميس]

صج تخلف

الله المستعان حتي في الامراض نبي نتعالج ونأخذ حق غيرنا

[hasss1969]

لاتعليق

[بيبيب]

اللهم لا تؤاخذنا بما فعل السفهاء منا



اتمنى يسكرونها وترجع مثل الاول وبلا عنصريه !

والطواري للجميع سواء قطري او غير قطري مابقى الا بعد القبور تتطالبون انها تكون للقطريين بعد ؟؟؟؟؟؟!!!!!!

[R 7 A L]

:omg:

رحت طوارئ السد مستبشره ان فيه غرف خاصه ومعامله سريعه للقطريين في البدايه
غرفة انتظار النساء صغيره وكتمه
انتظار وقت طويل اكثر من ساعه
دكتور واحد
وغرفة الدكتور صغيره صغيره الغرفه اكبر من سريرالمريض دخل الدكتور وماقدرت ادخل معاه وكلمتهم وقلت لهم مالقيتو اصغر من هذه الغرفه احسه تنكيل والله قلنا علاج مجاني بس لاتنكلون في القطري

ويوم كنت انتظر كانت تنتظر معانا عائلتين سودانيتين والدكتور مهتم بحاله منهم كثير

يوم كان للقطريين شدخل السوداني

وكلمتهم الدكتور المسوول فال كل القطريين يشتكون على الغرف الصغيره

يارب رحمتك




قلبتها من كل صوب ماقدرت افهمها :rolleyes2:



عموماً اختي مثل ماتفضلت اختنا العزيزة ام السعف
في الحالات الطارئة مافية فرق بين مواطن واجنبي الى حالتة تستدعي السرعة هو الأول

[الخزرجي قطر]

الله المستعان الله يشفي مرضانا ومرضى المسلمين

[فرقاك عيد]

الله يجزيهم خير على هذه الغرف قبل الواحد يوقف مع عياله 3 سااااعاااااااااااااااااات اربع عادي لين يجي دوره بس الحين بسرعه صحيح الغرفه كبر السرير بس الحمد لله افضل من قبل


وبخصوص الاخ او الاخت المحتجه وتقول

اتمنى يسكرونها وترجع مثل الاول وبلا عنصريه !

والطواري للجميع سواء قطري او غير قطري مابقى الا بعد القبور تتطالبون انها تكون للقطريين بعد ؟؟؟؟؟؟!!!!!!

اقول لها او له الطواري بكبره وحتى المستشفى للكل خاصه الاجااانب بس الي صار تحديد غرفتين اخر المستشفى للقطررين ومااعتقد هذا بيأأأثر في باقي المرضى من اولاد الاجانب والصراحه عدد الاجانب بالمستشفى خيااالي وكبير وهذا الي كان يخلي الواحد ينقع بالطوارى ويروح عيادات خاصه تجنبا للزحمه بس ليمتى وخير البلاد مايقدر يستفيد منه القطري ومو كل قطري يقدر ياخذ عياله عيادات خاصه وبسكم حقد واحتجااااج على القطري كلها الا غرفتين السرير كبر الغرفه وحاسدينا عليها



نقطه هامه
بالسعوديه المستشفى الحكومي للمواطن فقطططططططططططط
اما الاجنبي يتعالج بمستشفيات خاصه او على موسساتهم اما هنا الدوله ماقصرت مع الكل وعمرهم ما اطردو اجنبي بالعكس ياخذووون حقهم كاااامل بالعلاج والرعايه

[ســـارة]

\


الموضوع إنساني بحت ، حتى بالطوارئ نبي ناخذ حق غيرنا ، مع أن


الألم واحد عندي وعند غيري

الموقف واحد عندي وعنده ..

الدكتور اللي يعالجنا ينظر لنا بسواسية ، وبخصوصية أكثر لصاحب الأزمة الصحية الأحوج

ألا بالعكس احنا نقدر نروح عيادة خاصة ، لكن الآخر المقيم يمكن مايقدر على هالتكاليف

\

شافاكم الله وعافاكم ولا أراكم مكروهـ ..

تقديري للجميع

[al.wajbah]

الا نبي للقطريين فقط فقط فقط !

واللي ماتعب مع عياله في ساعات الانتظار لا يقعد يتفلسف!

الاجانب لاتحاتونهم ماخذين حقوقهم وزيادة

حاتوا المواطنين المساكين اللي رواتبهم ماتسمح لهم العلاج في العيادات الخاصة

والا روحو الاهلي وعيادة الدوحة وشوفوا بعينكم الاجانب الي يتعالجون بالتأمين

وشوفوا اعدادهم واعداد المواطنين وعقب تعالوا انتقدوا !!!!!!

[شموخ قطر]

مستكثرين على القطريين هالغرفتين؟ بالعكس القطري لوتعالج بالخاص
بيكون على حسابه اما الاجانب بارده مبرده من التأمين ..فليش مايكون للقطريين قسم خاص بهم
بدل التبهدل بين الاجانب والزحمه الفظيعه ..اذا رحت للتطعيم مالك مكان من هالاجانب اوالطوارئ
نفس الحاله ..المفروض القطريين لهم مستشفيات خاصه بروحهم ويكفي الاجانب انهم يتعالجون ببلاش
ولاحمد ولاشكر ..القطريين صاروا اقليه ببلادهم ..والاجانب كلونا من كل ناحيه والله المستعان ..

[انا حره]

انا ناحستهم وقلت لهم لالالالالالالالا

ابي ادخل القسم مال الاجانب وجانا السيكيورتي وتفاهمت معاه وقلت لهم لا والف لا مادخل الغرفه صغيره ودكتور واحد ونيرس وحده تاخذ الحراره والاجانب تقريبا 8 اسره غير الغرف والدكاتره متوفرين بكثره عندهم ودخلوني هاذاك الصوب وخلصت باقل من نص ساعه ورحت للقطريات وقلت لهم وسووو مثلي

[meeemz]

شفيها صج غرفه صغيره بس جزاهم الله خير قبل كنت اهلك وانا انتظر بالساعات ، الحين في ربع ساعه اخلص والله اسرع من المركز الصحي .. مب من كثر الاشياء الخاصه بالقطرين على العكس هم ماكلين الخضر واليابس وكل شي لهم مزاحمينا في كل شي وبعد يسبونا ومايدانونا ، و يوم سووا شي لنا تذمرتوا وتبون مساواه ! عندهم مستشفيات خاصه كثيره اما الحكوميه خلها لاهلها

[الرايــق]

صراحة قريت ردود تفشل ..
الله يشفي جميع مرضى المسلمين

[راقي]

في الطواري مافي قطري واجنبي ..

شدعـوه عـاد حتى الواحد بيمووت قطري واجنبي

هذي حاله انسانيه ..

[التيما]

اختي الحمد لله ماقصروا وزين حطوا غرفة للقطرين .. مساله كتمه وصغيرة و و هاي يختلف من شخص لاخر يعني في ناس بيقولون الحجم عادي وبعضهم بيقول صغيرة .. ثاني شي العائلة السودانية يمكن عندهم جواز ! ثالث شي : يمكن حالة ولدهم اسوأ من حاله لدج او بنتج الله يحفظ عيالج ..
اتفق مع اختي ام السعف ان الطوارئ والاطفال بالذات مافيه قطري وغير قطري .. احنا بشر ماتصل فينا الامور للعنصرية في علاج اليهال .. *

[خالد32]

قولو الحمد لله
و الله يشفي عيالكم

[قطريه ماركه]

الحمدلله انه سووا علاج للأقلية القطرية ..

و اللي فيه انسانيه زايده و يقدر ينتظر 50 جدامه اجاااااااانب و هو القطري الوحيد نفس ما قالوا الاخوان
يتعالج مع الاجانب ...

كان الوضع مأساااااااااه حقيقية !! اجانب عرب و هنود .. لكن انجليز و امريكان ما في !!!! ما اعتقد انه ما يمرضوون !!!!!!!!

لكن الحمدلله ارسلنا حق وطني الحبيب و كلمنا لين وصلت المعلومه ... انه العقل ما يستوعب أنه اهل البلاد مالهم هالحق البسيط ... و كل ما نروح ننتظر بالثلاث و الاربع ساعات عشان خمس دقايق بيشوفنا فيها الدكتور ....

الحمدلله حتى لو كان المكان صغير بس الحال أهون من قبل ....... قدامنا عائلة بالكثير عائلتين قطريين ..

و ارجووووووو من اللي قالوا انهم يبون يتعالجون مع الاجانب يروحون و ينتظرون مع الاجانب ....

الحمدلله و الشكر الدولة تعطيننا حقوقنا و هم يتبطروون على النعمة و الحق !!

و لو في بلادهم جان ما شفتوا علاج مجاني ولا بسعر رمزي !!!

[شمسان]

اعتقد اغلب اللي ردو مايراجعون في طواري السد
يمكن الخدم يودون عيالهم
لان صار للقطريين غرفة وحده بس لقياس الحرارة وغرفة وحده للعلاج وغرفة الانتضار صغرة جدا
واغلب اللي يروحون يوقفون في الممر
يعني اذا قدامك بس اربع اشخاص لازم تتنظر نص ساعه اذا مب اكثر
لكن عند الاجانب تقريبا ست اسره ولو كانوا عشرين واحد يمشي الدور عندهم
فنحن نطالب تسويتنا بالاجانب

[البيرق]

مادام القطري ماسد النقص فلابد يلقى معاملة اقل مقارنة باصحاب الجنسية الواحدة بين الاطباء والمرضى
صرنا اقلية الاقليات
وياليت تخصص مستشفيات خاصة بالقطريين

[الـراسي]

اللهم لا تؤاخذنا بما فعل السفهاء منا



اتمنى يسكرونها وترجع مثل الاول وبلا عنصريه !

والطواري للجميع سواء قطري او غير قطري مابقى الا بعد القبور تتطالبون انها تكون للقطريين بعد ؟؟؟؟؟؟!!!!!!

عدد القطريين 300 الف والاجانب فوق المليون شرايك ياللي تقول عنصرية

مب بلادنا وحنا اولا وثاني شي شف في بلادهم كيف يعاملون اللي مب من بلادهم

ما ودي احدد دولة معينه ولكن الله المستعان

[فروووت]

السلام عليكم

القصة هذي عن تجربة حقيقية صارت من ثلاث اسابيع

الله يحفظ عيالنا وعيالكم جميعا ، كنت راجع من الشغل بعد الساعة 10 مساء وريحت شوي على الكنبة، الا شوي اسمع صراخ من المطبخ زوجتي وبنتي 4 سنوات تصارخ وتبجي ، قمت متخرع وعلى طول صوبهم ، شفت بنتي الله يسلمها ( نور عيني ) تصارخ ، انصبت عليها شوربة حارة على طول خذيتها ورشيت عليها الماي وشليت ملابسها العلوية الا الجلد قايم ومحمر ( تحت الرقبة وعلى الصدر ) ، وعلى طول على طوارئ السد ، لين وصلت سالوني جبت البطاقة قلت لا ويشهد الله انهم ما قصروا معاي على طول جابولي سرير والممرضة والدكتور جاو وقاموا بالمطلوب وحولوني على طول على طوارئ حمد ، وصلت هناك وبعد في الطوارئ ما قصروا ( كان في زحمة مو طبيعية ) دبرولي سرير من غير سؤال ولا شي ، الا اشلون صار وايش اللي انصب عليها وكم عمرها و ...... لين البنت هدت وقال لي الدكتور هي عندها حرق درجة اولى وثانية وللعمل بعد كنت صاف في الممنوع عند البوابه وحسبت انهم بيخالفوني بس ما اهتميت بس اللي شفته انه حتى السكورتي قام وصف سيارتي في اقرب مكان وجابلي المفتاح في غرفة الدكتور( ما قصروا معاي الله يجزاهم كل خير )

المهم انا اشوف وعن تجربة انهم في المستشفيات بصوره عامه يشوفون الحالة هل تستدعي الاستعجال او لا
وهاي ممكن يعجب البعض والبعض الاخر لا ( اللي يحسب حالتة لها الاولوية عن الغير )

والله يسلم الجميع

[طموح معيدة]

الوضــــع لا يطــــــاق مع تـــزايـــد الاجانــــــــب ومزاحمتـــهم لنـا فــي كـــل المرافـــــق العامـــــة

نطالــب بمستــشفى خــاص للقطــــــريــــــــــن

[الساهر 17]

بدل ما يتبروعون للعراق لمحو الاميه بميلغ 6 مليون دولار يسون مستشفى للاطفال يكون خارج الدوحة بهذه المبلغ يكون على احدث مستوى ومساحته كبيره crazy

[we-r-sawa]

أتفق معااااااااااااااك 100% يالعزيز الساهر 17 وصح الله لسانك بقول كلمة حق وبميزان حسناتك

[meeemz]

اعتقد اغلب اللي ردو مايراجعون في طواري السد
يمكن الخدم يودون عيالهم
لان صار للقطريين غرفة وحده بس لقياس الحرارة وغرفة وحده للعلاج وغرفة الانتضار صغرة جدا
واغلب اللي يروحون يوقفون في الممر
يعني اذا قدامك بس اربع اشخاص لازم تتنظر نص ساعه اذا مب اكثر
لكن عند الاجانب تقريبا ست اسره ولو كانوا عشرين واحد يمشي الدور عندهم
فنحن نطالب تسويتنا بالاجانب

انا قمت على طول اروح لهم ولا اروح المركز الصحي لانهم اسرع منه والدكاتره افضل يعني رايحه 5 مرات من بدايه السنه واكثر مره قعدت فيها ساعه الا ربع ولما كنا نراجع مع الاجانب كنا ننطر بالساعات ودايما جهتهم زحمه

[ام السعف]

الحمدلله انه سووا علاج للأقلية القطرية ..

و اللي فيه انسانيه زايده و يقدر ينتظر 50 جدامه اجاااااااانب و هو القطري الوحيد نفس ما قالوا الاخوان
يتعالج مع الاجانب ...

كان الوضع مأساااااااااه حقيقية !! اجانب عرب و هنود .. لكن انجليز و امريكان ما في !!!! ما اعتقد انه ما يمرضوون !!!!!!!!

لكن الحمدلله ارسلنا حق وطني الحبيب و كلمنا لين وصلت المعلومه ... انه العقل ما يستوعب أنه اهل البلاد مالهم هالحق البسيط ... و كل ما نروح ننتظر بالثلاث و الاربع ساعات عشان خمس دقايق بيشوفنا فيها الدكتور ....

الحمدلله حتى لو كان المكان صغير بس الحال أهون من قبل ....... قدامنا عائلة بالكثير عائلتين قطريين ..

و ارجووووووو من اللي قالوا انهم يبون يتعالجون مع الاجانب يروحون و ينتظرون مع الاجانب ....

الحمدلله و الشكر الدولة تعطيننا حقوقنا و هم يتبطروون على النعمة و الحق !!

و لو في بلادهم جان ما شفتوا علاج مجاني ولا بسعر رمزي !!!

اخبر مرة رحت طواري السد ولدي الصغير يحن ويون من اذنه،،
وصلنا عطونا رقم وقبلنا 40 واحد :eek5:،، طبعا في اطفال قبلنا
شفت امهاتهم يتشرون لهم من المكينة وهات اكل ولعب وناطرين دورهم ،،
حسيت ولدي بدا يتعب زيادة ،، وبدا يدوخ ،، وللحين جدامي يمكن فوق 25 واحد
وكنت في كل مرة اشوفهم واكلمهم ،، ان المكان هذا طواري يعني للحالات
المستعجلة ،، يقولون لي انطري دورج ،،

لما شفت ولدي خلاص بدت عيونه تذبل ،، دخلت غرفة الكشف،، وقلت لهم
ابي الحين الولد هذا ينكشف عليه ،، ومب طالعة من هالغرفة ،، قالوا لي بالدور
قلت هذا طواري للحالات الطارئة ،، وبنفس الوقت كان مقيم عربي شال بنته
المسكين يقول بنتي حراراتها ارتفعت زيادة يقولون له خلها برع ،،
من قالوا له خلها برع ،، قلت له يا اخوي خلها برع لما عيالنا يموتون وهم
يدورون وما يعرفون يميزون ما بين حالة طارئة وحالة عادية ،،

انطر برع او خلك مثلي اقعد اهنيه واللي له شي يكلمني ،،
2 اطباء سووا اعمارهم ما يدرون عننا ،، الثالث صوت على المسؤول
قال لي شسالفة ،، قلت له والله لو ولدي دقيقة وحدة ما انكشف عليه مب معدية
هاليوم عليكم كلكم في المستشفى ( اشبسوي ما ادري ،، بس بالفعل قام يذبل)
قلت لهم خافوا الله بنوصل ساعيتن واحنا ناطرين وحرارته بدت ترتفع
وما كان فيه شي قبل ما اييبه غير انه صرخ من اذنه ،،

قال لهم قيسوا حرارته خلونا انشوف ،، من قاسوا حرارته لقوها
قريب 39 ،، وعلى طوول شربوه ادوية وخففنا من ملابسه ،، وبدى يدوخ،،

وبنفس الوقت شلوه في غرفة ثانية ،، كشف عليه الطبيب وقال عنده التهاب
حاد في الاذن وهو السبب ،،واحنا عند الدكتور دخلوا يهال ياكلون شبس
ويصيحون يبون عصاير :)
بذمتكم هالأطفال مكانهم الطواري ؟
المشكلة لما مركز للطوارئ و الناس يشلون عيالهم له كأنه
مركز صحي عادي :)

[R 7 A L]

السلام عليكم

القصة هذي عن تجربة حقيقية صارت من ثلاث اسابيع

الله يحفظ عيالنا وعيالكم جميعا ، كنت راجع من الشغل بعد الساعة 10 مساء وريحت شوي على الكنبة، الا شوي اسمع صراخ من المطبخ زوجتي وبنتي 4 سنوات تصارخ وتبجي ، قمت متخرع وعلى طول صوبهم ، شفت بنتي الله يسلمها ( نور عيني ) تصارخ ، انصبت عليها شوربة حارة على طول خذيتها ورشيت عليها الماي وشليت ملابسها العلوية الا الجلد قايم ومحمر ( تحت الرقبة وعلى الصدر ) ، وعلى طول على طوارئ السد ، لين وصلت سالوني جبت البطاقة قلت لا ويشهد الله انهم ما قصروا معاي على طول جابولي سرير والممرضة والدكتور جاو وقاموا بالمطلوب وحولوني على طول على طوارئ حمد ، وصلت هناك وبعد في الطوارئ ما قصروا ( كان في زحمة مو طبيعية ) دبرولي سرير من غير سؤال ولا شي ، الا اشلون صار وايش اللي انصب عليها وكم عمرها و ...... لين البنت هدت وقال لي الدكتور هي عندها حرق درجة اولى وثانية وللعمل بعد كنت صاف في الممنوع عند البوابه وحسبت انهم بيخالفوني بس ما اهتميت بس اللي شفته انه حتى السكورتي قام وصف سيارتي في اقرب مكان وجابلي المفتاح في غرفة الدكتور( ما قصروا معاي الله يجزاهم كل خير )

المهم انا اشوف وعن تجربة انهم في المستشفيات بصوره عامه يشوفون الحالة هل تستدعي الاستعجال او لا
وهاي ممكن يعجب البعض والبعض الاخر لا ( اللي يحسب حالتة لها الاولوية عن الغير )

والله يسلم الجميع





الله يجزاهم خيــــــر


هذه هي القاعدة التي نعرفهــم عليها
ولكل قاعدة شواذ قد تكون قليلة جداً او شبة نادرة

[بوخليفة83]

الصراحه انا انسان مب عنصري والناس كلهم سواسية بالنسبه لي وحترم النظام والقانون
لاكن دايم افكر هل لو كنا احنا نتعالج في دول اخوانا الاجانب هل بيعاملونا نفس مانعاملهم
هل لو اشتغلنا عندهم (الله لايقول) بيعطونا رواتب وحقوق فوق اللي تعطينه بلادنا(مستحيل )
هل بيعاملونا معامله طيبه نفس مانعاملهم(هم ياكلون بعضهم البعض وشلون الغريب)
هل بيوقفون معانا اذا صارلنا شي (ماعتقد لو نرجع للتاريخ هم كانو وين وحنا وين ومحد سأل عنا)
الله يهديهم ويهدينا وترجع الامه الاسلاميه امه وحده متماسكه اتحب بعضها البعض
الله لايغير علينا من الخير والبركة ووقفة اهل قطر مع بعضهم البعض في الرخا والشده وتماسك الشعب مع الحكومه
( وموتووووووووو قهر يالحاسدين)

[بوحارب]

الله يحفظ لكم عيالكم جميعا

مب غلط اذا سوو غرف خاصة للقطريين بعد عيال البلد ومن حقهم يتلقون احسن درجة من العلاج والأهتمام

ما قلنا طلعوا الأجنبي من غرفة العلاج ودخلوا القطري لا لا محد يرضى بالشي

بس مطلوب القطري يروح ويلاقي قسم لحاله يحصل في علاج بدون عذاب ولا شقى

بروحهم القطريين اقلية في البلاد مساكين هههههه الا 300 الف بس :(:(:(:(:(:(:(:(