6 سنين ادور وظيفه وماحصلت !!! لاياس مع الحياه .

[بنت قطريههه]

السلام عليكم :weeping:

انا قطريه . وكلي فخر اني بهالارض الغاليه قطر .. بس لي عتب بسيط على المجلس ( الاعلى ) الي من كثر ماهو عالي قص روسنا وحنا انطالعه وننتظر منه رحمه لتوظيفنا ....


انا قطريه لي ( ست سنوات ) اطلب وظيفه ( غير خلط ) ست سنوات ضاعت من حياتي على نهاية كل فصل دراسي يمكن ينادوني . ست سنوات وانا ادق على المدارس ويعلقوني .. ست سنوات وانا ((((( اطر وظيفه ))))) لاني قطريه انثبر واسكت وقول يالله يمكن الدنيا حظوظ .. بس في مثل يقول





لا يأس مع الحياه ولاحياة مع اليأس


ارجوكم قولو لي شلي ناقص وماسويته درت على المدارس والمؤسسات مثل موزه بنت محمد والاوقاف كلن يدور واسطته وانا واسطتي رب العالمين ثم جوازي ((((((العناااااااااااااابي )))))) ًً ارجوكم مساعده نصيحه والحل !!!

[منيرة الطواش]

مال اول تبين تشتغلين مدرسة


الحين كله خلط بلط (الله يذكرك بالخير يابابا ياسين )

[بنت قطريههه]

عندي امل ومتفائله خير انشاءالله يمكن ست سنوات الي انتظرتها تفاجأني بوظيفه يستاهلها جوازي العنابي

[العتوي]

والله ياختي كل مكان خلط مافي اماكن مافي خلط
صعبه تقولين ابي اتوظف وابي مكان مثلا مافي خلط
كل الاماكن خلط
سواء قطاع خاص او قطاع حكومي كل الدوائر اكثريتها خلط
وانا فاهم عليج انج تبين مكان بس نساء بس صعبه الا اذا عندج فيتامين واو تقدرين تروحين وين ما تبين
وعندي لج اقتراح بسيط اشتغلي باي مكان لو جاج مكان ثاني مافي خلط ع طول روحي ع الاقل هل الفتره تشيلين روحج مجرد اقتراح
لو تحبين اساعدج بالقطاع الخاص خبريني باحاول لج لو بغيتي
والله يوفقج ان شاء الله

[بنت قطريههه]

العتوي جزاك الله خير بس خلط مستحيل هالمبدئ مااقدر اقتنع فيه ..

مدارس قطر كلها مافيها وظايف وبرج برزان الي شايل هالاوراق شيسوي في اوراقي ست سنين منقعه عندهم ولا حد فيهم كلمني وقالي مقابله وظيفه شدعوه شيبونا نسوي نشتكي عند الامير ! صعبه حالتي وكثير مثلي والحل !

[العتوي]

ويجزيج بمثله اختي
بس حبيت اساعدج انا
وعارف اللي يمرون فيه كثير من البنات والشباب
بس والله هاي اللي بيدي يعني لو بيدي شي تاكدي جان قدرت اسويه
وعارف انتي مو مقتنعه بالخلط
بس صدقيني صعبه والله صعبه
انا اشتغل بمكان خلط مع اني انا مو مقتنع بس شاسوي لولا الحاجه جان ما شتغلت بمكان خلط
وعندي اختي بعد نفسي تشتغل بمكان خلط بس والله الحاجه هي اللي تخلي الواحد يروح هل المكان مع انه هي ماتبي بس في الاخير تدري الضروف الحياه صارت صعبه وراحت والله وفقها

وفي الاخير يا اختي انا اتمنالج تحصلين المكان اللي تبينه والله يوفقج بس انا قلت حبيت اساعدج لو تبين في قطاع الخاص
والله يوفقج وين ماتروحين
:)

[بنت قطريههه]

موهلاتي شهاده ثانويه عامه ودبلوم سكرتاريه بتقدير امتياز ودورات طباعه بعد بتقدير امتياز ودارسه icdl ً ولي خبره مع التعامل بالحاسب مااظن فيه شي ناقصني للوظيفه !

[العتوي]

والله يا اختي انا حالي من حالج
خذت كورسات ودورات وايد اشياء فوق 15 دوره ماخذ وعندي شهادات وقدمت كذا مكان محد يتصل
قلت اتم بمكاني لين احصلي مكان ثاني اطلع منه

والله يكون بعونج

[بنت قطريههه]

الله كريم وهل الخير وايد مايقصرون وانشاءالله الرزق باذن الله يجينا

[قطرية فذة]

:) أنا تميت 7 سنوات وماعندي مانع اشتغل حتى لو خلط وبعد 7 سنوات حصلت شغل

معاناه ماقدر اوصفها لك لكن عرفت فيها قطر

أسأل الله بمنه وكرمه ان يفتح عليك بالفتح المبين يارب العالمين
ويرزقك من حيث لاتحتسبين اللهم امين

الله يوفقك

سلام

[بنت قطريههه]

قطريه فذه والنعم بالله سبحانه مثل مافرجها عليج يفرجها علي وعلى باقي المسلمين انا مثلج ويمكن حالتي اصعب عندي ضروف محتاجه الشغل ويارب تجي السنه الجايه ووظيفتي قدامي يارب

[قطرية فذة]

تدرين اختي انا اختي مثلك مازالت تبحث عن عمل وهي مثلك تبيه بدون خلط وصار لها فوق 8 سنوات تبحث أسئل الله لها عملاً يحفظ عليها دينها اللهم امين ولك كذلك

الواقع مزري بحق محد بحاس لو حد يحس كان تحرك

والله اختي تمعنت بالدين حصلت فيه امور سبحان الله احنا غفلنا عنها بالواقع

الدنيويه دخلت قلوبنا وانا ايضاً اعترف

مب موضوعنا بس حبيت اذكر ان
ما أكل أحد طعاماً خير من أن يأكل من عمل يده، وإن نبي الله داود كان يأكل من عمل يده

صنعه باليد احسن من سؤال الناس حتى لو شيخ او وجيه من اعيان البلد ماتحرى امانه الله في يده على ولايته

عزك عند ربك ونفسك شامخه والكريم عظيم لا يحوجك الله لحد الا اغناك بغناه ومن حيث لاتحتسبين

وان كان من بينا تلك النفس التي كرمها الله بكرمه تشوف موضوعك من الله مرسله راح تعزك بعزه الله

وتفتح لك ابواب خير الله

ارفعي راسك انتي في قطر والله يعزك مب كل الناس زباله

اهلنا قلوبهم طيبه وفيهم خير وخير مب طبيعي وراح تشوفينه

ارفعي راسك ولاعاد اشوفك منزلته

اكثري الاستغفار وثقه تنفرج

وفقك الله

[بنت قطريههه]

الحمدالله على كل حال .. اشكرج اختي على هالروح الطيبه وكلامج السمح متوكله على الرزاق الي يرزق عباده واملي بالله كبير مثل مانتظرت وقدمت ان الله بيعوض صبري بسرور اما موضوع اختج لازم ماتيأس وتحرك احنا مادرستنا واجتهدنا عشان نيأس لكل مجتهد نصيب ولازم تكون فيها هالروح الرياضيه عشان اذا محد كلمها من المدارس ماتصير ارهابيه وتاكل السيفي وهي راقده .. الحاله صعبه والروح رياضيه لدرجة العضلات المشدوده على الاخرررر ... ادعو لي ان الله يكتب لي وظيفه انشاءالله

[out]

ربي يوفقج بإذن الله

تحياتي

[حقيقه]

مافيه شغل بدون اختلاط وان كان المكتب بس بنات اكيد المسؤول .. المدير بيكون رجال

وبعد العامل اللي بيدخل لكم الشغل او الكرك والقهوه والنسكافيه .. الخ بيكون رجال

[بنت قطريههه]

من يقول مافي شغل بدون اختلاط لا الحمدالله فيه واكبر دليل الدعوى والارشاد والمدارس بس الي يقهر اني اقدم ومحد يرد علي تكفون ابي حل ؟ وبعدين مع السنين الضايعه من المسؤول عنها ؟

[قطرية فذة]

قد اسمعت اذ ناديت حياً

اختي انتي مسؤله عنها

ان عدم الشيئ ابحثي عن اقل الضرر

بتحصلين ان شاء الله

[alhajri-100]

ياسبحان الله ياتشتغل بخلط ولا مافيه
صدق قهر ان شالله عقب هالانتظار تحصلين الوظيفه الي تبين
وانا احيس على هالمبدأ انس ماتبين خلط وخلس على رايس
وان شالله بتحلين
جعل ربي يوفقس وين مارحتي

[بنت قطريههه]

اسمع عن الفوج السابع وتقديم الوظايف وانا مريت على مدارس الفوم الرابع والخامس والسادس ولاحد وظفني انبنت مدارس وانا انتظرها تفتح واخرتها اكتب في هالمنتدى عن مشكلتي والله انها ست سنين ولاادري ليش مانادوني ! مدارس حذانا يسجلون الي يقرب لهم والباقي قلعتهم . انا مابي اسكت واتم اقول خلاص مافي الا الخلط اتمنى تقولون لي اذا عندكم حد توظف في هالاماكن شالطريقه !

[المناعي QTR]

الله يرزقج كل ماتتمنينه يارب عاجلا غير اجل

بالتوفيق اختي

[بنت قطريههه]

جزاك الله خير ماقصرت

[بوح المشاعر]

أختي قدمي على المدارس الجديدة وموفقة إن شاءالله

[بنت قطريههه]

انشاءالله بس فتحت الفوج السابع ولين اللحين ماحطو ايميلاتهم عشان اطرش لهم cv

[alfahad1]

جربتي الداخليه

الله المستعان

[بنت قطريههه]

للاسف خلط ماسمعته مخصص للنساء

[فتى الجود]

السلام عليكم



يمكن تعرفين هالاجراءات بس يمكن اضيف شي جديد



روحي :

برج برزان بالدور الارضي
عند يوسف السعدي اوالبنات با لأستقبال
هذي
(( ادرة القوى العاملة الوطنية بالدولة ))

قدمي على مكانين

وزارة العمل اى ادرة بالوزارة
او
وزارة الشؤؤن الاجتماعية - اي مكان بس حاولي ادارة الظمان الاحتماعي

تقريباً هذي من اقل الاماكن بالدولة اللى فيها اختلاط

وبالتوفيق ان شاء الله

و سلام عليكم

[بنت قطريههه]

فتى الجود الله يجزاك خير المشكله قدمت اوراقي لي سنين بس ماجاني رد !!

[هبوب الكوس]

الله يعينج و يوفقج

الشكوى لغير الله مذلة

اطلبي الله ليل ونهار وان شاء الله باتوفقين

[بنت قطريههه]

هبوب الكوس والنعم بالله واتمنى يشوفون حالتي ست سنوات وانا انتظر وتاليتها معاهم!

[فتى الجود]

فتى الجود الله يجزاك خير المشكله قدمت اوراقي لي سنين بس ماجاني رد !!



لا اكيد مافي رد

هذا الموضوع مايصير انك تقدمين و
وتنسينه

لازم متابعه شبه يوميه

عشان تحصل وظيف
اما انك تقدمين وتطينطرينهم
فتأكدي ان ماراح يتصلون

لازم متابعه

[بنت قطريههه]

متابعه ! قصدك اكلمهم ويردون ويخلوني معلقه على الخط


والا اطلب ادخل على المدير وينقعوني في الانتظار ! اي وحده تختار فيهم الاولى اكثر من الثانيه وكلهم طايحين بهالجمله (( لو بيأيدي وظفتج )) يعني من بيده التوظيف ؟*

[فتى الجود]

متابعه ! قصدك اكلمهم ويردون ويخلوني معلقه على الخط
والا اطلب ادخل على المدير وينقعوني في الانتظار ! اي وحده تختار فيهم الاولى اكثر من الثانيه وكلهم طايحين بهالجمله (( لو بيأيدي وظفتج )) يعني من بيده التوظيف ؟*

لا اختى

تدخلين على مدير ادارة القوى العاملة و تقولين له ابي وظفيه ؟ انا مقدمه من فتره طويلة ؟

و تقولين له متى اجيك عشان اعرف وقت المقابله ؟؟

وتابعين با أنك تروحين لهم كل اسبوع او اسبوعيين بالكثير ؟؟؟

والله يوفقك

[بنت قطريههه]

مشكور اخوي وانا اليوم رايحه له والله كريم ،

[ابومشخص]

ماعليك منهم دامك تركتي هالاشياء لله سبحانه يعيوضك الله باللي احسن منهم

[بنت قطريههه]

ونعم بالله ، والله كريم بعباده يفتح علي وعليكم ابواب الرزق يارب

[بنت قطريههه]

استغفر الله واتوب اليه

[بنت قطريههه]

استغفر الله واتوب اليه
*

*