تقييمات المعلمات

[مدرسة]

السلام عليكم و رحمة الله بركاته ,,,,

^

^

^

^

^

^

يا جماعة حسب علمي اغلب المدارس قامت بعملية التقييم للمعلمات في المدارس المستقلة .. هل ضروري المعلمة توقع على التقييم ؟؟؟ و متى الفترة اللي لازم التقييم يتم خلالها ؟؟

مع تحياتي

[Dawn]

اي نعم حبيبتي ضروري تناقشين تقييمج وتوقعين عليه اذا وافقتي على التقييم واذا لا ممكن تأجلين التوقيع وتطلبين تظلم ويكون عبارة عن اجتماع مع رئيستج المباشره النائبة الاكاديمية للمدرسات ، او النائبة الاداريه للاداريات .. وتطلبين توضيح للدرجات الناقصه ( وتجيبين دليل على انج تستحقين تقييم افضل ) طبعا لج انتي كمعلمة يعني تجيبين ملفاتج التحضير والتقييم والانشطه والبورتفوليو .. واذا افحموج او اقنعتيهم بتستلمين تقييمج وبتوقعينه ..

نصيحه لوجه الله لا تنسين تطلبين نسخه من التقييم واحتفظي فيه كاثبات للبورتفوليو ....

وبخصوص متى الفتره تكون قبل نهاية السنه الدراسيه فيه مديرات يأجلونها لآآآآآآآآآآآخر اسبوع او 2 .. طبعا انتي مدرسه وتعرفين السبب :)

بالتوفيق يارب

[ريماس الغلا]

اي لازم توقعين عليه

واذا ما اعجبج : اعترضي لمديرتج


او ارفعي اعتراضج لمدير الموارد

[مدرسة]

مشكورين يا جماعة الخير

الموضوع و ما فيه انا سمعنا ان التقييمات لازم تكون في نهاية مايو علشان الزيادات و مش عارفة هالمعلومة صحيحة او لا..

[qatar143]

صباح الخير أختي الكريمة
من حقج توقعين ومن حقج ترفضين
واذا ماتبين توقعين وتحسين انج مظلومة تجيبين الاثباتات للمديرة واذا ما في فايدة ، ترفعين الموضوع للموارد البشرية أو لجنة شؤون العاملين في المجلس الاعلى للتعليم

والموارد البشرية ماتستلم من المديرة التقييم الاوهو موقع
يعني ما تقدر تعتم\ه قبل ما يتوقع منج شخصيا
وما عليج من أي كلمة تقولج اياها المديرة

[mannoo66]

لاتوقعين الا بعد قراءة التقييم ومناقشته اذا حسيتي انك انظلمتي حااااسبي توقعين وانتي مش راضيه لان التوقيع يعتبر موافقه وهالشئ ضدك ولا تقدرين بعدها ترفعين تظللم والله يجازي كل من ظلم موظفينه واجبرهم على توقيع تقييم ظلم أو جزاء ظلم أو تنبية ظلم..هالشي حاصل بكثرة في المدارس مديرات المدارس مثل المافيا اللهم ياكافي ...يحسبون الدنيا دايمه لهم

[التيما]

حسبي الله عليهم .. انظلمنا والله والامتياز حق الحبايب بس .. واشتكي من الحين لين باجر محد بيسوي لج شي .. مايبون لج الامتياز بيطلعون لج الف حجه انج ما تستحقينه ولو عندج الادلة بيطلعون لج شي ثاني ..

[التيما]

لاتوقعين الا بعد قراءة التقييم ومناقشته اذا حسيتي انك انظلمتي حااااسبي توقعين وانتي مش راضيه لان التوقيع يعتبر موافقه وهالشئ ضدك ولا تقدرين بعدها ترفعين تظللم والله يجازي كل من ظلم موظفينه واجبرهم على توقيع تقييم ظلم أو جزاء ظلم أو تنبية ظلم..هالشي حاصل بكثرة في المدارس مديرات المدارس مثل المافيا اللهم ياكافي ...يحسبون الدنيا دايمه لهم

صديقة لي في مدرسة كل مدرساتهم من 65 و70 و 73 ومحد ياخذ في 80 وطالع الا نادر .. والامتياز قلة هم نفسهم كل سنة ما يتغيرون .. استغرب هالمجلس الاعلى لمن يشوف مدرسة تقييم مدرساتها في السبعينات كل سنة وهالمدرسة تسوي وورش ما تتساءل المدرسة من مديرة ونائبة شنو هالمستوى المصخرة من المدرسات ؟؟؟ وليش هالمستوى وشدور الورش ؟؟ يعني اشكرة التقييم فيه ظلم .. حسبي الله عليهم

[^NoOOoR^]

أكثر بنود التقييم في يد المنسقة وهي اللي تقيّم مدرساتها . وبنود قليلة عند كل من النائبتين الأكاديمية و الإدارية .
يا حي المنسقة اللي قيمت مدرساتها ويا ظلم النائبة اللي قالت لكل المنسقات قيموا بالقلم الرصاص ..
طبعا المدرسات عارفين ليش قالت بالرصاص ..

[التيما]

أكثر بنود التقييم في يد المنسقة وهي اللي تقيّم مدرساتها . وبنود قليلة عند كل من النائبتين الأكاديمية و الإدارية .
يا حي المنسقة اللي قيمت مدرساتها ويا ظلم النائبة اللي قالت لكل المنسقات قيموا بالقلم الرصاص ..
طبعا المدرسات عارفين ليش قالت بالرصاص ..

شرايج رفيجتي كل التقييم بيد النائبة !! لا منسقة ولا ادارية لها دور ؟؟ ولا مديرة بعد !!! لا ومحبره التقييم يعني توقعين توقعين :telephone:

[^NoOOoR^]

شرايج رفيجتي كل التقييم بيد النائبة !! لا منسقة ولا ادارية لها دور ؟؟ ولا مديرة بعد !!! لا ومحبره التقييم يعني توقعين توقعين :telephone:
:weeping::weeping:

[بسمة حزن]

احنا تقيمنا مال العام ماشفناه ولاندري عنه

[همس الورد]

انزين ماعرفت ليش البعض يأجلون التقييمات لآخر اسبوعين؟ يرجى التوضيح.

[ريم الشمال]

لا نستطيع انعطي اكثر من هذا العدد امتياز عذرهم ( قسم بالله تحسين بالظلم )
ريم الشمال

[مدرسة]

عندهم الف عذر و عذر لتنزيل تقييم المعلمة و نغيب عرضي يحسبونها غصب بلا راتب علشان ينزل التقييم فتلقى المدرسة العرضي مالها 5 او ست ايام ما غابتهم و محسوب لها 3 او 4 بلا راتب !!!!

[kitmat]

الله يعين انزين انا عندي سؤال بعد التقييم متى لازم تنزل العلاوة الدورية وهل يتم احتسابها من اول السنه ولا شلون او تنزل باثر رجعي

[kitmat]

انزين ماعرفت ليش البعض يأجلون التقييمات لآخر اسبوعين؟ يرجى التوضيح.

اوه ماتدرون ليش علشان محد يحاجج الثاني على التقييم والشى الثاني انتو ماتشوفون اللي يصير طق ومطاقق الله ياكافي ماكنا نشوف اللي قاعد يصير الحين في الوزاره قبل

[ريم المدينة]

تمصلحي للنائبة عشان التقييم