موضوع للنقاش!!زاد الخدم.

[آمل اللقاء]

السلام عليكم ورحمة الله وبركاته،،،


في موضوع ابغي اناقشه معكم وبعدين بقول لكم السبب في مناقشته.
والموضوع هو "زاد الخدم" ابغي اعرف كيف توزيعكم لزاد بالنسبه للخدمات والسواقين؟!

وانا اول وحده ببدأ عن نفسي
السواقين عازلهم الوالد بروحهم يشتري لهم الزاد وهم يسون حق نفسهم لتفادي دخولهم داخل البيت.

والخدمات تقول لهم امي احسبوا حسابكم من الاكل الي يسونه لنا..

بس انا شفت شي ثاني خالني اناقش معكم الموضوع
وبقوله لكم عقب ما اشوف ارائكم..

وتقبلوا مني كل احترام،،

[Dawn]

ياكلون من نفس اكلنا وكل بيوت قطر نفس الشي ... انتي شنهو اللي شفتيه ؟؟

[بصمة قطرية]

اكلهم من اكلنا
كل شي يتوفر لنا يتوفر لهم ..
الثلاجات قدامهم ..
والمطبخ مفتوح لهم ..
الحمدلله ما عمري حاسبتهم على أكل ..
للأسف في ناس يقفلون الثلاجات عن الخدم ..

[R 7 A L]

ماعندنا سواقيين
والخدامات ياكلون من زادنا من المطبخ اي شي سامحين لهم فية

[بصمة قطرية]

ياكلون من نفس اكلنا وكل بيوت قطر نفس الشي ... انتي شنهو اللي شفتيه ؟؟

للأسف في ناس تحاسبهم على الأكل ..
وما تسمح لهم ياكلون شي الا اللي يعطونهم اياه ..
يعني ممنوعين من الاكل بدون استئذان ..

[راشد محمد]

نفس الشي..احنا ناااكل كلنا من نفس القدر..ما به فرق

[الشمالي111]

مفتوح لهم كل شي و اكلهم من اكلنا

بس وش الشي اللي شفتيه

[الشمالي111]

للأسف في ناس تحاسبهم على الأكل ..
وما تسمح لهم ياكلون شي الا اللي يعطونهم اياه ..
يعني ممنوعين من الاكل بدون استئذان ..


حرام عليهم اوادم يعني حلال على اهل البيت وهم اللي يكرفون ويشتغلون من الصبح لين الليل واخرتها قافلين عليهم

[بصمة قطرية]

حرام عليهم اوادم يعني حلال على اهل البيت وهم اللي يكرفون ويشتغلون من الصبح لين الليل واخرتها قافلين عليهم

والله انقهر لما اشوف هالشي ..
وصدقني تصير كثير ..

[Dawn]

الاكل ان تم خاس شالفايده تحرم هالفقارى منه ؟؟ ..
ما اتخيل خدامه تجي لمعزبتها وتقول ممكن آكل ؟ هذي المعزبه اكيد مريضه نفسيا ... فيه ناس البخل عندهم مرض الله لا يبلانا

[ابوعلي]

اختي من الي شفته

الخدامات والسواق ياكلون من اكلنا والمطبخ مفتوح لهم ولكن الي شفته ::

- الخدامة كانت تاخذ أغراض من المطبخ مثل (( العيش - السكر - السمج )) وتعطي السايق او بعض العمال بالسر وبدون علمنا وفي الفترة الصباحية

- العلاقات الغرامية زادت بينهم وخاصة لما يستلمون الاكل عند باب البيت

والحمدلله سفرتهم ومنعت هالامور مع الخدم الجداد والسايق زدت في راتبه وهو يصرف على نفسه

[فتى الجود]

السلام عليكم

بالنسبة للخدامات :

يكلون من اكلنا وعادي

بالنسبة للسواقين :

عندى دريول واحد وياكل من اكل البيت واوقات

يدش يسويله عشاء (( ويطبخ بالمطبخ الخارجي ))

عـــــــــادي - اهم شي يخلي المطبخ وراه نظيف


بــس

في المنطقة اللى فيها بعض عيال عمي( بيوتهم كلهم بجانب بعض )

مخصصين محلق كبير للدريولية وصبيان الفريج كلهم
وكل واحد يدفع تقريباً 150 ريال للدريول او الخادم ويتشاركون كلهم الصبيان مع بعض

[آمل اللقاء]

الحمدلله من شفت ردودكم عرفت ان الدنيا للحين بخير،،

اللي شفته يا خواني واخواتي ان في يوم من الايام في بيت وحده من الاهل كان وقت الغدا وبقى من الغدا كثير قالت اختي للخدامه جيبي صحن وانجبي الباقي حق السواقين بدال لا ينكت قالت انزين وانجبت لهم وراحت بس شافتها راده بالصحن قالت لها ليش ماوديتيه لسواقين؟ تقول المدام مارضت ، ويوم راحت لصاحبة البيت وقالت لها ليش تقول ما ابغي اعودهم ياكلون من اكلنا :anger2:ينكت ولا انهم يتعودون ياكلون منه..

لاحول ولا قوة الا بالله فعلا موقف احزني كثير يعني هالخدم مب اوادم حالهم من حالكم والاكل باقي من اكلكم والرسول صلى الله عليه وسلم قال " في كل كبِد رطبة أجرٌ".
والدين التعامل لنفرض وحده من الخدم غير مسلمه وترى هذا التعامل الا تعتقدون انها سوف تاخذ موقف سئ عن الاسلام ،والاسلام حث على اللين في التعامل لكـن لا املك سوى ان اقول لا حول ولا قوة الا بالله..

[ana_ana]

بالنسبه لبيت الوالد الله يحفظه

الخدم نظامهم

الخدامات الفلبينيات يطبخون لحالهم الاكل الي يناسبهم
والهنديات كذلك مع السواقيين لنهم من نفس الثقافه

واكل البيت ينطبخ خاص لأهل البيت لأن الخدم مايعجبهم المطبخ الخليجي

فالوالده الله يحفظها مخليتهم على راحتهم ياكلون الي يعجبهم ويناسبهم

[آمل اللقاء]

بالنسبه لبيت الوالد الله يحفظه

الخدم نظامهم

الخدامات الفلبينيات يطبخون لحالهم الاكل الي يناسبهم
والهنديات كذلك مع السواقيين لنهم من نفس الثقافه

واكل البيت ينطبخ خاص لأهل البيت لأن الخدم مايعجبهم المطبخ الخليجي

فالوالده الله يحفظها مخليتهم على راحتهم ياكلون الي يعجبهم ويناسبهم

هذا شي طيب انكم تراعون مشاعرهم بس الغير يحسسهم انهم غير وهم غير يعني مستوى الخدم انزل من مستواهم ما ياكلون من الاكل الي ياكلونه وهذا ان دل يدل على صغر العقليه لديهم..
واشكرج على مرورج الطيب

[آمل اللقاء]

ياكلون من نفس اكلنا وكل بيوت قطر نفس الشي ... انتي شنهو اللي شفتيه ؟؟


اكلهم من اكلنا
كل شي يتوفر لنا يتوفر لهم ..
الثلاجات قدامهم ..
والمطبخ مفتوح لهم ..
الحمدلله ما عمري حاسبتهم على أكل ..
للأسف في ناس يقفلون الثلاجات عن الخدم ..


ماعندنا سواقيين
والخدامات ياكلون من زادنا من المطبخ اي شي سامحين لهم فية


نفس الشي..احنا ناااكل كلنا من نفس القدر..ما به فرق


مفتوح لهم كل شي و اكلهم من اكلنا

بس وش الشي اللي شفتيه


اختي من الي شفته

الخدامات والسواق ياكلون من اكلنا والمطبخ مفتوح لهم ولكن الي شفته ::

- الخدامة كانت تاخذ أغراض من المطبخ مثل (( العيش - السكر - السمج )) وتعطي السايق او بعض العمال بالسر وبدون علمنا وفي الفترة الصباحية

- العلاقات الغرامية زادت بينهم وخاصة لما يستلمون الاكل عند باب البيت

والحمدلله سفرتهم ومنعت هالامور مع الخدم الجداد والسايق زدت في راتبه وهو يصرف على نفسه


السلام عليكم

بالنسبة للخدامات :

يكلون من اكلنا وعادي

بالنسبة للسواقين :

عندى دريول واحد وياكل من اكل البيت واوقات

يدش يسويله عشاء (( ويطبخ بالمطبخ الخارجي ))

عـــــــــادي - اهم شي يخلي المطبخ وراه نظيف


بــس

في المنطقة اللى فيها بعض عيال عمي( بيوتهم كلهم بجانب بعض )

مخصصين محلق كبير للدريولية وصبيان الفريج كلهم
وكل واحد يدفع تقريباً 150 ريال للدريول او الخادم ويتشاركون كلهم الصبيان مع بعض

اشكركم جميعا على ارائكم الطيبه..

[بـــــــنت النوخـّــــذه]

الحمدلله من شفت ردودكم عرفت ان الدنيا للحين بخير،،

اللي شفته يا خواني واخواتي ان في يوم من الايام في بيت وحده من الاهل كان وقت الغدا وبقى من الغدا كثير قالت اختي للخدامه جيبي صحن وانجبي الباقي حق السواقين بدال لا ينكت قالت انزين وانجبت لهم وراحت بس شافتها راده بالصحن قالت لها ليش ماوديتيه لسواقين؟ تقول المدام مارضت ، ويوم راحت لصاحبة البيت وقالت لها ليش تقول ما ابغي اعودهم ياكلون من اكلنا :anger2:ينكت ولا انهم يتعودون ياكلون منه..

[..[/COLOR]

:weeping::weeping:

حــــــــــــــــــــــــــــــرام شهالقسوه الي بقلبهم

والله مره كنت فاضيه ماعندي شي سرحت بخيالي تخيلت نفسي وحده من الشغالات الي عندنا اشلون هاده اهلي وجايه بيت ناس غرب اطبخ عندهم واستحمل اليهال ووووووووووو

باااااال سجدت شكر لله وقلت الحمد الله على نعمتك يارب 00

عموما الشغالات والدريوليه عندنا مايبون يسافرون بلادهم كلش هذي الخلاصه لانهم خلاص صارو منا وفينا

[mannoo66]

ههههههههه اعرف وحده تحسب البيض وراهم الحمد لله والشكر

عادي خدمنا ياكلون اللي يبونه المطبخ والثلاجات مفتوحين ورغم هذا ساعات اشوفهم يسوون لهم اكل خاص فيهم يحبون الصوالين الخاثره مع الرز الابيض

[آمل اللقاء]

:weeping::weeping:

حــــــــــــــــــــــــــــــرام شهالقسوه الي بقلبهم

والله مره كنت فاضيه ماعندي شي سرحت بخيالي تخيلت نفسي وحده من الشغالات الي عندنا اشلون هاده اهلي وجايه بيت ناس غرب اطبخ عندهم واستحمل اليهال ووووووووووو

باااااال سجدت شكر لله وقلت الحمد الله على نعمتك يارب 00

عموما الشغالات والدريوليه عندنا مايبون يسافرون بلادهم كلش هذي الخلاصه

هذا ان دل يدل على طيب تعاملكم معهم والله يجزاكم خير على حسن التعامل مع هالضعفاء المساكين..

واشكرج اختي على مرورج الطيب..

[آمل اللقاء]

ههههههههه اعرف وحده تحسب البيض وراهم الحمد لله والشكر

عادي خدمنا ياكلون اللي يبونه المطبخ والثلاجات مفتوحين ورغم هذا ساعات اشوفهم يسوون لهم اكل خاص فيهم يحبون الصوالين الخاثره مع الرز الابيض

يارب رحمتك معقوله فيه ناس اقلوبهم قاسيه لهدرجه الله لا يبلانا ..
عاد كلش ولا صوالين الهنووود اموت عليها اذا شفت خدامتنا مسويه لها قلت لها عطيني منها تصدقين اشتهيتها :)

اشكرج اختي على مرورج الطيب.

[البحار00]

عسى الله يطول بعمرج يا يمه

فاتحه المطبخ لخداماتي وخدامتها والدريول

يأكلون مثل مايبون ويشتهون على هواهم*

[آمل اللقاء]

عسى الله يطول بعمرج يا يمه

فاتحه المطبخ لخداماتي وخدامتها والدريول

يأكلون مثل مايبون ويشتهون على هواهم*

الله يخليها لكم ويطول بعمرها،،
هذا هم امهاتنا ماعمرهم حسسونا ان الخدم غير عنا الا يقولون لنا خافوا الله فيهم..

اشكرك اخوي على مرورك الطيب.

[بوخالد88]

ياكلون من نفس الجدر اللي ناكل منه ، وحتي لو طلبنا من المطعم بعد نطلب لهم ويانا .

بس في شي يكسر الخاطر لين شفتي الخدامة معة المعزبة واليهال في المطعم وكلهم

ياكلون الا هي بس اطالعهم !!!!!! مب حراااام

يعطيكم العافية.

[بنت صقار]

ارحم من في الارض يرحمك من في السماء..
الدريول نزيده على معاشه 150 يشتري اكله بروحه وموفرين له في حجرته ثلاجه وغاز ومواعين بس عليه يشتري ويطبخ..لنفسه
اذا شرينا زاد وخضره وفواكه..اعطيه منهم دفعه بلا..ونفس الانسان تشفى بعد بروحه يشيل ويحط من هالكراتين..
الخدم..اكلهم اللي يبغونه لان نظام اكلنا في البيت يختلف احيانا..
على حسب مزاجنا وما اقدر الزمهم باكلنا اللي احيانا ما يحبونه..فالمجال مفتوح لهم من المطبخ والستور والثلاجات..
واعرف ناس..قافلين كل شي ويطلعون بس اللي يناسب وجبتهم..حتى الليمون الاسود والبصل والطمام بالحبه..
والخدم حظهم ونصيبهم..عاد اذا بقوا او لا...وبيتحاسبون على كل شي موجود..في المطبخ بتحقيق بوليسي:(

[basma222]

اول يوم اعيالي صغار كان عندي خادمه وتاكل من اكلنا
بس من 15 سنه ما عندي خادمه انا اللى اشتغل في البيت بروحي
والحمدلله

[الدمعه]

كل شي متوفر لهم ..

واول ماتجي الخدامه اقول لها تبين اكل معين سوي بروحج .. مب مشكله ..

بس في حدود وحطيتها متاخر ..من عقب تجارب ..

في البدايه كنا نشتري الفواكه وهم اللي يغسلونها وتنحط في المطبخ جدامهم بلفيت

ان مانبي نحرمهم .. شوي الا الخضره خلصت ..نشم بس ريحه المنجا او ريحه السنطر ..

يوم شفت اللعبه حتى مانذوقه تخيلوا .. قمت احط نصه في المطبخ ونصه عندنا في

الصاله فوق عشان اليهال ..حتى ام ريلي ظلمتني كانت تحسب اني احطه كله

فوق عنها :cry2:

هذا غير العيش .. واقسم بالله مال نحاسه يسوون .. اشوف العيش ينكت من صحنهم

في الزباله .. ليش انزين اخذي على قد اللي بتاكلينه يمكن عقب حد يشتهي يرد له ..

يخلون العصير اللي بالثلاجه مالة المطبخ ويجون فوق وياخذون من عصير اليهال

اللي نشتريه حق المدرسه وبالخش بعد..لو مايعرفون ان هالشي غلط ماخذوه بالخش ..

سبحان الله يطيحون بعيني وبالصدفه ..

واشياء ووااايد لو بتكلم مومخلصه .. ان عطناهم على كيفهم يلعبون لعبتهم ..

وان حاسبناهم نحس ان مسويين شي غلط .. احنا اصلا ماتربينا على هالشي ..

خدامة امي غرفتها بابها عالمطبخ ..

يونيه العيش والسكر ماتكمل شهر .. واطقم المواعين الصين والحرارت ..كلها

محد وكله مادري ماما انا مافي حرامي ..

تعبنا واحنا نتكلم مع امي مافي فايده ..لين امي طاحت بها مدخله اثنين المطبخ

الساعه 2 بالليل .. ثاني يوم مسفرينها ..

احين شوفو اليونيه اشقد تقعد .. اشدعوه بالعقل .. ماخليهم على كيفهم ولااحرمهم..

لين شريننا من المطعم لازم نعطيهم .. ولين طبخت اكلات غريبه لازم احسبهم ..

مااخلي عينهم على اللقمه .. حتى الدريول اعطيه .. مع ان اكله بروحه يسويه ..

بس ارجع اقول كل شي بحدود ..

[qrt_trading]

بالنسبة لي انا ماعندي سايق لكن الشغالات عندي ياكلون من نفس أكل البيت وإذا يبون يطبخون لهم شي ثاني غير إللي لنا احنا بكيفهم لكن المهم عندي إن الأكل المطبوخ يكون على القد يعني مافي شي ينقط في الزبالة وانتو بكرامة، أما بالنسبة للفواكه فالثلاجه مفتوحة لهم ياخذون إللي يبونه بدون إستئذان وحاطة ثلاجتين ثلاجه لعصاير اليهال وشغالاتي ما يمسكون هذي العصاير ومثلها ثلاجه حاطة فيها عصاير وكولا وسفن آب وغيره وهذي الثلاجه إللي فيها أكثره لهم، أما بالنسبة لي فأنا عندي ثلاجتي الخاصة إللي عندهم تحت عندي فوق لكن علشان مازاحمهم فيه ويمكن يخافون ياخذون من الثلاجه ليخلص العصير.

[آمل اللقاء]

ياكلون من نفس الجدر اللي ناكل منه ، وحتي لو طلبنا من المطعم بعد نطلب لهم ويانا .

بس في شي يكسر الخاطر لين شفتي الخدامة معة المعزبة واليهال في المطعم وكلهم

ياكلون الا هي بس اطالعهم !!!!!! مب حراااام

يعطيكم العافية.

ياويلها من الله التي تسوي كذا هاذي تعتبر انسانه منزوعه الرحمه من قلبها الله يعافينا بما ابتلاها به..

يعطيك العافيه على المرور..

[آمل اللقاء]

ارحم من في الارض يرحمك من في السماء..
الدريول نزيده على معاشه 150 يشتري اكله بروحه وموفرين له في حجرته ثلاجه وغاز ومواعين بس عليه يشتري ويطبخ..لنفسه
اذا شرينا زاد وخضره وفواكه..اعطيه منهم دفعه بلا..ونفس الانسان تشفى بعد بروحه يشيل ويحط من هالكراتين..
الخدم..اكلهم اللي يبغونه لان نظام اكلنا في البيت يختلف احيانا..
على حسب مزاجنا وما اقدر الزمهم باكلنا اللي احيانا ما يحبونه..فالمجال مفتوح لهم من المطبخ والستور والثلاجات..
واعرف ناس..قافلين كل شي ويطلعون بس اللي يناسب وجبتهم..حتى الليمون الاسود والبصل والطمام بالحبه..
والخدم حظهم ونصيبهم..عاد اذا بقوا او لا...وبيتحاسبون على كل شي موجود..في المطبخ بتحقيق بوليسي:(

هذه التربيه الي ربينا عليها نحرم الغير مهما كان وضعه..
يعطيك العافيه ع المرور..

[آمل اللقاء]

اول يوم اعيالي صغار كان عندي خادمه وتاكل من اكلنا
بس من 15 سنه ما عندي خادمه انا اللى اشتغل في البيت بروحي
والحمدلله

الله يعطيج الصحه والعافيه واشكرج على مرورج الطيب.

[آمل اللقاء]

كل شي متوفر لهم ..

واول ماتجي الخدامه اقول لها تبين اكل معين سوي بروحج .. مب مشكله ..

بس في حدود وحطيتها متاخر ..من عقب تجارب ..

في البدايه كنا نشتري الفواكه وهم اللي يغسلونها وتنحط في المطبخ جدامهم بلفيت

ان مانبي نحرمهم .. شوي الا الخضره خلصت ..نشم بس ريحه المنجا او ريحه السنطر ..

يوم شفت اللعبه حتى مانذوقه تخيلوا .. قمت احط نصه في المطبخ ونصه عندنا في

الصاله فوق عشان اليهال ..حتى ام ريلي ظلمتني كانت تحسب اني احطه كله

فوق عنها :cry2:

هذا غير العيش .. واقسم بالله مال نحاسه يسوون .. اشوف العيش ينكت من صحنهم

في الزباله .. ليش انزين اخذي على قد اللي بتاكلينه يمكن عقب حد يشتهي يرد له ..

يخلون العصير اللي بالثلاجه مالة المطبخ ويجون فوق وياخذون من عصير اليهال

اللي نشتريه حق المدرسه وبالخش بعد..لو مايعرفون ان هالشي غلط ماخذوه بالخش ..

سبحان الله يطيحون بعيني وبالصدفه ..

واشياء ووااايد لو بتكلم مومخلصه .. ان عطناهم على كيفهم يلعبون لعبتهم ..

وان حاسبناهم نحس ان مسويين شي غلط .. احنا اصلا ماتربينا على هالشي ..

خدامة امي غرفتها بابها عالمطبخ ..

يونيه العيش والسكر ماتكمل شهر .. واطقم المواعين الصين والحرارت ..كلها

محد وكله مادري ماما انا مافي حرامي ..

تعبنا واحنا نتكلم مع امي مافي فايده ..لين امي طاحت بها مدخله اثنين المطبخ

الساعه 2 بالليل .. ثاني يوم مسفرينها ..

احين شوفو اليونيه اشقد تقعد .. اشدعوه بالعقل .. ماخليهم على كيفهم ولااحرمهم..

لين شريننا من المطعم لازم نعطيهم .. ولين طبخت اكلات غريبه لازم احسبهم ..

مااخلي عينهم على اللقمه .. حتى الدريول اعطيه .. مع ان اكله بروحه يسويه ..

بس ارجع اقول كل شي بحدود ..

هذا شي طيب انج تحطين للخدم حدود وتعليمات يتبعونها وانا ايدج على هالنقطه، والشي الطيب انج اذا طبختي شي غريب عطيتهم منه البعض من الي قست اقلوبهم الله يعافينا بما ابتلاهم به ما يحسب احسابهم ولا يفكرون فيهم..
ويعطيج العافيه اختي على مرورج الطيب..

[wadha-qa]

الخدم عندنا ياكلون من نفس اكلنا حتى لين شروا للصغار جبس ولا ايس كريم ..الخ
ولا طلبنا من مطعم نحسب حسابهم ما فيه فرق بينا وبينهم تراهم بشر ولهم نفس تشتهي الاكل

[آمل اللقاء]

بالنسبة لي انا ماعندي سايق لكن الشغالات عندي ياكلون من نفس أكل البيت وإذا يبون يطبخون لهم شي ثاني غير إللي لنا احنا بكيفهم لكن المهم عندي إن الأكل المطبوخ يكون على القد يعني مافي شي ينقط في الزبالة وانتو بكرامة، أما بالنسبة للفواكه فالثلاجه مفتوحة لهم ياخذون إللي يبونه بدون إستئذان وحاطة ثلاجتين ثلاجه لعصاير اليهال وشغالاتي ما يمسكون هذي العصاير ومثلها ثلاجه حاطة فيها عصاير وكولا وسفن آب وغيره وهذي الثلاجه إللي فيها أكثره لهم، أما بالنسبة لي فأنا عندي ثلاجتي الخاصة إللي عندهم تحت عندي فوق لكن علشان مازاحمهم فيه ويمكن يخافون ياخذون من الثلاجه ليخلص العصير.

صدقيني رحمتج لهم بتلاقينها في دنياج قبل آخرتج..
والله يعطيج العافيه على مرورج العطر..

[آمل اللقاء]

الخدم عندنا ياكلون من نفس اكلنا حتى لين شروا للصغار جبس ولا ايس كريم ..الخ
ولا طلبنا من مطعم نحسب حسابهم ما فيه فرق بينا وبينهم تراهم بشر ولهم نفس تشتهي الاكل

هذا الي تعودنا عليه ،لكن البعض معتبرهم مجرد خدم ونسى انهم بشر لهم مشاعر حالهم من حالنا ..
والله يعطيج العافيه على مرورج الطيب..

[بصمة قطرية]

الحمدلله من شفت ردودكم عرفت ان الدنيا للحين بخير،،

اللي شفته يا خواني واخواتي ان في يوم من الايام في بيت وحده من الاهل كان وقت الغدا وبقى من الغدا كثير قالت اختي للخدامه جيبي صحن وانجبي الباقي حق السواقين بدال لا ينكت قالت انزين وانجبت لهم وراحت بس شافتها راده بالصحن قالت لها ليش ماوديتيه لسواقين؟ تقول المدام مارضت ، ويوم راحت لصاحبة البيت وقالت لها ليش تقول ما ابغي اعودهم ياكلون من اكلنا :anger2:ينكت ولا انهم يتعودون ياكلون منه..

لاحول ولا قوة الا بالله فعلا موقف احزني كثير يعني هالخدم مب اوادم حالهم من حالكم والاكل باقي من اكلكم والرسول صلى الله عليه وسلم قال " في كل كبِد رطبة أجرٌ".
والدين التعامل لنفرض وحده من الخدم غير مسلمه وترى هذا التعامل الا تعتقدون انها سوف تاخذ موقف سئ عن الاسلام ،والاسلام حث على اللين في التعامل لكـن لا املك سوى ان اقول لا حول ولا قوة الا بالله..

لا حول ولا قوة الا بالله ..
والله حراااااااام
يشمون ريحة الأكل ويشوفونه وما ياكلون منه ..:(
الحمدلله طول عمرنا نعمل حساب الخدم في كل شي
حتى الحلاوة والعلك لين شروها العيال يوزعون على الخدامات ..
لين رحنا المطعم نطلب لهم ونترك لهم حرية الاختيار ..

ناس مريضة اللي تحاسب الخدم على اللقمة ..
ياربي لا تبلينا ..

[we-r-sawa]

الله لا يبلينا بداء البخل والله يبارك لنا بأرزاقنا وبيوتنا وعيالنا وديرتنا دامنا نخاف الله بهالخدم والرحمة من صفات الله سبحانه وتعالى ووضعها في عباده فندعوه الرحمن الرحيم أن لا ينزعها من قلوبنا...آمين

[هبة ريح]

الدريوليه لهم اكلهم بروح يطبخون على راحتهم كل الاشياء متوفره لهم
والشغالات ياكلون مثل ماناكل او يطبخون اللي يعجبهم

^_^

[نورالهدى]

ياكلو معانا مثل ماناكل
ولو اشتهوا شي حنا ما ناكله أشتريه لهم
وقلت لهم اي شي تشتهوه قولوا أشتريه لكم
وأي شي تبغوه أنا حاضره
ولو جبت شبس او شوكلاته لليهال أحسب حسابهم بعد
واعطيهم فلوس غير معاشهم عشان لو بغو شي يشتروا على كيفهم وخلي معاشهم حق بلادهم
بس شي واحد منعتهم عنه ومايسمعون الكلام
الفلفل
الثنتين يمرضون منه ومايسمعون الكلام
الله يهديهم

[آمل اللقاء]

الله لا يبلينا بداء البخل والله يبارك لنا بأرزاقنا وبيوتنا وعيالنا وديرتنا دامنا نخاف الله بهالخدم والرحمة من صفات الله سبحانه وتعالى ووضعها في عباده فندعوه الرحمن الرحيم أن لا ينزعها من قلوبنا...آمين

اللهم آميـــــن,,
يعطيج العافية اختي ع المرور..

[آمل اللقاء]

الدريوليه لهم اكلهم بروح يطبخون على راحتهم كل الاشياء متوفره لهم
والشغالات ياكلون مثل ماناكل او يطبخون اللي يعجبهم

^_^

هذا الفعل المعتاد عليه وجزاكم الله خير على حسن تعاملكم مع هالمساكين..فالاول والاخير يعتبرون بشر ويجب علينا رحمتهم لان من لا يرحَم لا يُرحم..

ويعطيك العافيه ع المرور..

[آمل اللقاء]

ياكلو معانا مثل ماناكل
ولو اشتهوا شي حنا ما ناكله أشتريه لهم
وقلت لهم اي شي تشتهوه قولوا أشتريه لكم
وأي شي تبغوه أنا حاضره
ولو جبت شبس او شوكلاته لليهال أحسب حسابهم بعد
واعطيهم فلوس غير معاشهم عشان لو بغو شي يشتروا على كيفهم وخلي معاشهم حق بلادهم
بس شي واحد منعتهم عنه ومايسمعون الكلام
الفلفل
الثنتين يمرضون منه ومايسمعون الكلام
الله يهديهم


فعلك طيب معهم والله يجزاج خير عليه وعلى خوفج ع صحتهم ..

اشكرج جزيل الشكر على مرورك الطيب..

[al saad]

انا عن نفسي كلهم من الفلبين سائق وزوجته وقربيتها ومفتك من مشاكل الحب والغرام كالهم اهل ويشترون الي يبونه من السوق الفلبيني وكل اسبوع رحله لسوق السمك اتقول اقطاوه واخليهم على راحتهم وماشفت منهم الا كل خير لين الحين .....*
واعتقد انه احسن حل قلت لهم اذا صارت مشاكل بسفر الجميع والكل مصطلب في الشغل احين 3 سنوات بدون مشاكل واذا احترمتهم يحترمونك والمطبخ مفتوح لهم كلهم

[آمل اللقاء]

انا عن نفسي كلهم من الفلبين سائق وزوجته وقربيتها ومفتك من مشاكل الحب والغرام كالهم اهل ويشترون الي يبونه من السوق الفلبيني وكل اسبوع رحله لسوق السمك اتقول اقطاوه واخليهم على راحتهم وماشفت منهم الا كل خير لين الحين .....*
واعتقد انه احسن حل قلت لهم اذا صارت مشاكل بسفر الجميع والكل مصطلب في الشغل احين 3 سنوات بدون مشاكل واذا احترمتهم يحترمونك والمطبخ مفتوح لهم كلهم

ايه والله مفتك ما شاء الله عليك، والله يبارك فيهم وماتحصل معهم مشاكل..

شاكره لك مرورك..

[جلمود]

والله من نفس أكلنا حتى الفطور بس لهم هم احنا قلاص شاي ومش:(

ولكن الخدم والله وللأسف مهما تسوي وياهم ماينقع فيهم

[ابن التويم]

والله خدامتنا هي اللي تبخل علي .. لا قلت لها ليش ما كثرتي الغدى يا حسينه .. قالت لي " شسوي مرات انت تتغدى و مرات لأ، بعدين شسوي في الاكل الزايد اقطه " ههههه ما اقول لها شي .. هي راعيت البيت .. وعجوز المسكينه .. وتراها تتكلم عربي زين و صار لها 24 سنه عندنا .. من افطنت في هالدنيا و هي قدامي ..

و لما كملت 13 سنه عندنا قالت للوالده .. انا خلاص زوجت بناتي وبنيت بيت عدل الاول بيتي مغربلني اذا امطرت ينترس ماي .. و انتي وديتيني الحج معاج وماقصرتي و الحين ابي اسافر برجع الهند ..
وين بتروحين غربلج الله .. بتروحين وبتخلينا احنا ما نصبر عنج .. و بكت المسكينه ..

المهم انها في النهايه سافرت .. بعد 6 شهور اتصلت على الوالده .. و بصوت عالي يمه انا ابي ارجع .. انا قاعده بروحي في البيت هنيه .. و البنات ما فيهم خير عقب ما تعبت و زوجتهم .. راحوا مع ازواجهم حتى ما يزوروني وقامت تشتكي .. يمه سوي لي فيزا انا ابي ارجع .. قالت لها الوالده الحين عقب ما جبنا خدامه ثانيه .. قلنا لج لا تروحين .. قالت للوالده انا مابي معاش شنو بسوي بالفلوس انا بجي بس اعيش عندج ..
والله و رحت سويت لها فيزا و جبتها ..
عاد هي متعوده على الوالده و مرافقتها في كل شي وتعرف عجايز الفريج كلهم وحتى تعرف صحونهم صحن صحن هههه هذا من عند فلانه و هذا من عند فلانه .. و تساعد الوالده على الغنم الوالده عندها زريبه في البيت .. و تساعد الوالده في الزراعه الوالده عندها نخيل .. و ليمون وبعض الشجر المثمر و في المواسم تتسلى تزرع خضروات تقضي وقتها الصبح الى راحوا العيال مدراسهم و اشغالهم .. و في رمضان تروح مع الوالده صلاة التراويح و صلاة القيام .. و اذا فيه عمره راحت معاها .. والله المسكينه .. الحين كملت 24 سنه عندنا ..

عاد الحين هي جزء لا يتجزأ من البيت .. فعلى شان جذيه هي اللي صايره راعيت البيت .. وانا متطمن على الوالده معاها .. و الحمدلله

[آمل اللقاء]

والله من نفس أكلنا حتى الفطور بس لهم هم احنا قلاص شاي ومش:(

ولكن الخدم والله وللأسف مهما تسوي وياهم ماينقع فيهم

اخوي " جلمود" اشكرك على مشاركتك وتأكد اخوي مب الاكل ما ينفع معهم كثير من الخدم الي يبين فيهم وبناء على ذلك الفترة الطويله الي تمونها عند معزبينهم.

[آمل اللقاء]

والله خدامتنا هي اللي تبخل علي .. لا قلت لها ليش ما كثرتي الغدى يا حسينه .. قالت لي " شسوي مرات انت تتغدى و مرات لأ، بعدين شسوي في الاكل الزايد اقطه " ههههه ما اقول لها شي .. هي راعيت البيت .. وعجوز المسكينه .. وتراها تتكلم عربي زين و صار لها 24 سنه عندنا .. من افطنت في هالدنيا و هي قدامي ..

و لما كملت 13 سنه عندنا قالت للوالده .. انا خلاص زوجت بناتي وبنيت بيت عدل الاول بيتي مغربلني اذا امطرت ينترس ماي .. و انتي وديتيني الحج معاج وماقصرتي و الحين ابي اسافر برجع الهند ..
وين بتروحين غربلج الله .. بتروحين وبتخلينا احنا ما نصبر عنج .. و بكت المسكينه ..

المهم انها في النهايه سافرت .. بعد 6 شهور اتصلت على الوالده .. و بصوت عالي يمه انا ابي ارجع .. انا قاعده بروحي في البيت هنيه .. و البنات ما فيهم خير عقب ما تعبت و زوجتهم .. راحوا مع ازواجهم حتى ما يزوروني وقامت تشتكي .. يمه سوي لي فيزا انا ابي ارجع .. قالت لها الوالده الحين عقب ما جبنا خدامه ثانيه .. قلنا لج لا تروحين .. قالت للوالده انا مابي معاش شنو بسوي بالفلوس انا بجي بس اعيش عندج ..
والله و رحت سويت لها فيزا و جبتها ..
عاد هي متعوده على الوالده و مرافقتها في كل شي وتعرف عجايز الفريج كلهم وحتى تعرف صحونهم صحن صحن هههه هذا من عند فلانه و هذا من عند فلانه .. و تساعد الوالده على الغنم الوالده عندها زريبه في البيت .. و تساعد الوالده في الزراعه الوالده عندها نخيل .. و ليمون وبعض الشجر المثمر و في المواسم تتسلى تزرع خضروات تقضي وقتها الصبح الى راحوا العيال مدراسهم و اشغالهم .. و في رمضان تروح مع الوالده صلاة التراويح و صلاة القيام .. و اذا فيه عمره راحت معاها .. والله المسكينه .. الحين كملت 24 سنه عندنا ..

عاد الحين هي جزء لا يتجزأ من البيت .. فعلى شان جذيه هي اللي صايره راعيت البيت .. وانا متطمن على الوالده معاها .. و الحمدلله

والله اجوديه ماشاء الله عليها.. ذكرتني بخدامت بيت جدي من طلعت على الدنيا وهي موجوده صار لها اكثر من 25 سنه وما تبغي تروح ومع ان جدتي حاره معها بس صابره ومايفهم جدتي الا هي ما اقول الا يارب ترزقني بخدامه نفسهم :) .

شاكره لك مرورك..

[we-r-sawa]

المعاملة الطيبة تثمر وفي ناس صراحة مايرضون حتى يلبسون غير اليونيفورم بكل مكان يروحونه حتى بالسفر وهم بالطيارة!!! وهذا والله حرام كلنا نحب نغير ملابسنا فليش نحرمهم؟؟ماأدري في ناس معاملتهم لا انسانية من أكبر الأمور الى أصغرها...ترى بعض الخدم من الفلبين والله عندهم شهادة جامعية ولكن الحاجة هي اللي خلتهم يقبلون هالوضع..كنا بمسقط من فترة وقعدنا بفندق 5 نجوم وكانت الجرسونة فلبينية ومؤدبة جدا والمهم عرفنا انها تفهم عربي لأنها كانت بالسعودية وتقول بدأت شغلها في رمضان على ان عقدها خياطة في محل لكن تفوجأت ان حطوها خدامة بالبيت ومطلوب منها تكرف من الساعة 5 الصبح الى 5 العصر والبيت 3 أدوار وماتعطيها معزبتها لقمة واحدة الا لما تخلص الشغل كله وكانت معزبتها عندها بنت صغيرة عمرها 7 سنوات تطلب من الأم تشتري لها سندويش أو بسكوت أو شوكولاته عشان تعطي الشغالة من ورا أمها وتقول ان الله أرسل هالبنت رحمة لي..المهم بعد فترة من الارهاق طاحت طول بطول وودوها المستشفى وطلع عندها فقر دم وسوء تغذية..بتسألون وين معزبها والجواب كان عنده زوجة ثانية وزوجته هذي تحط حرتها بالخدم...وطبعا تركت الديرة وحصلت عقد عمل بفندق ريجنسي بمسقط وانتقلت الى فندق آخر براتب أعلى بعد ماخلصت عقدها مع الفندق السابق