لي متى استهتار سواقين تناكر وقود ..!! [الأرشيف]

مشاهدة النسخة كاملة : لي متى استهتار سواقين تناكر وقود ..!!

راية الفخر

10-06-2011, 01:22 AM

السلام عليكم

حبيت اتكلم بخصوص سواقة بعض سائقين تناكر وقود اليوم بغينا نروح فيها والسبب سرعة واستهتار سواق دنكر تابع لوقود لولا تدخل العناية الالهية ..الصراحه لازم يحطون عقوبات صارمه على السواقين اللي يستهترون بارواح الناس ويعرضون حياتهم وحياة الناس للخطر بسبب السرعه الزائده ..
الحمدلله ان الله لطف بنا اليوم بس لي متى هالاستهتار اللي نشوفه من سواقين شركة وقود ..
وماهي الجهة اللي نقدر نشتكي عندها على هالسواقين المستهترين ..

البدع

10-06-2011, 01:26 AM

احترم رايك

ولكن اشوفهم محترمين القوانين

مالمست منهم شيء يخوف

الي صدق يخوف

هم تناكر السعودية

او يمكن لاني شفت تناكر السعودية المتهورين وصار تناكر وقود في قطر عادي عندي

مهل

10-06-2011, 01:29 AM

السلام عليكم

اخوي مره تعرضت لنفس موقفك ،، و بعد فتره كنت قاعد مع مجموعه من الربع شغالين في المؤسسه .. قلت لهم القصه و قالولي لو انك مكلم شركه وقود او تراسل لهم على موقع الشركه بالي صار مرفق معاه رقم السياره و الساعه كم و المكان الي صارت فيه المشكله .. راح يحاسبون السواق حساب عسير

مهل

10-06-2011, 01:30 AM

ايه اخوي نسيت اقولك .. بعض التعليقات ماعليك منها :nice:

البدع

10-06-2011, 01:33 AM

معليش يا اخوان

تعودت اني ما راد على التفاهات

وبالتوفيق ياصاحب الموضوع

R 7 A L

10-06-2011, 01:35 AM

الله يهديهم
اغلبيتهم قطريين
المفروض يعطون انطباع جيد ان القطريين ملتزمين بقوانين المرور

عيون الدوحة

10-06-2011, 01:37 AM

هاهاهاي كنت برد على موضوعك بس شفت تعليق أخ مهل
انفجرت من الضحك ونسيت وش كنت بعلق

البدع

10-06-2011, 01:37 AM

الله يهديهم
اغلبيتهم قطريين
المفروض يعطون انطباع جيد ان القطريين ملتزمين بقوانين المرور

اذكر انهم طلبوا سواقين تريلات في الجرائد

اقل شيء شهادة اعدادية او ابتدائية

واذكر السوريين يحاولون باي طريقة يشتغلون في وقود

قالوا لي ان رواتبهم 8 الى 10 الاف

بس مش متاكد ان الغالبية قطريين

ما اعتقد

R 7 A L

10-06-2011, 01:43 AM

اذكر انهم طلبوا سواقين تريلات في الجرائد

اقل شيء شهادة اعدادية او ابتدائية

واذكر السوريين يحاولون باي طريقة يشتغلون في وقود

قالوا لي ان رواتبهم 8 الى 10 الاف

بس مش متاكد ان الغالبية قطريين

ما اعتقد

ابشرك اكثريتهم قطريين
وحوادثهم مو بسيطة

البدع

10-06-2011, 01:48 AM

ابشرك اكثريتهم قطريين
وحوادثهم مو بسيطة

مرة صارت هوشة قدامي بين سائق وقود

وبين موظف في محطة بترول الجامعة

بس التنكر كان واقف مب متحرك

ظنيت السائق سوري

بس نصيحة للي يستحقر سواقة التناكر

اعرف سعودي يدخل 18 الف ريال صافي كل شهر من سواقة التناكر والتريلات في السعودية

يجيب بضاعة لقطر

ولأنه خليجي

الي في الحدود يكرمونه ويساعدونه ويمشونه بسرعة

R 7 A L

10-06-2011, 01:52 AM

مرة صارت هوشة قدامي بين سائق وقود

وبين موظف في محطة بترول الجامعة

بس التنكر كان واقف مب متحرك

ظنيت السائق سوري

بس نصيحة للي يستحقر سواقة التناكر

اعرف سعودي يدخل 18 الف ريال صافي كل شهر من سواقة التناكر والتريلات في السعودية

يجيب بضاعة لقطر

ولأنه خليجي

الي في الحدود يكرمونه ويساعدونه ويمشونه بسرعة

بالعكس اخوي ماحد يستحقرهم
الا نفتخر فيهم ونقول لهم ماشاء الله

الرايــق

10-06-2011, 02:44 AM

44608666
هذا رقمهم الخاص لتلقي الشكاوي ..

ما يردك الا تلفونك ..

مهل

10-06-2011, 02:45 AM

44608666
هذا رقمهم الخاص لتلقي الشكاوي ..

ما يردك الا تلفونك ..

بعدي ،، اشكرك بعنف

البدع

10-06-2011, 02:52 AM

بالعكس اخوي ماحد يستحقرهم
الا نفتخر فيهم ونقول لهم ماشاء الله

كلامك سليم

والصراحة

انا اتابع سائقي وقود

واركز عليهم

والي اشوفه انهم في الغالب يحترمون القوانين

الي محثلها صدق هم الباصات

خالد32

10-06-2011, 09:13 AM

صارت معاي كذا مره اشتكي عليهم بس هالكلام كان من 8 سنين
اول مره رحت مكتبهم في بوهامور و وعدوني يتخذون اجراء مع السائق
المره الثانيه كان نفس السائق (انا كنت في سياره غير الاولى) و اتصلت فيهم و نفس الكلام
الثالثه بعد نفس السائق بس ما شتكيت خفت يتفنش
الرابعه شفت واحد شوي و بينقلب على الدوار الي قبل بروة بوهامور كان مشغول بالتلفون و قلت لهم لازم اشوفه و اشوف شبتسوون و فعلاً جابوه و خذ له كلام في العضل

اما هالايام اشوفهم احسن من قبل بوايد

لكن اذا حد شاف اي استهتار منهم فاتمنى انه يتصل بالمسؤولين و يبلغ عنه لانه يمكن هو الله يحفظه و مايصير له شي بس تذكر ان اهلك و اخوانك و عيالك يمكن يمر عليهم هالدنكر و الله يستر

الله يهديهم ان شاء الله

الوردة

10-06-2011, 01:10 PM

يسرعون وايد
ورواتبهم فوق 8 الاف
ويصل ل 14

احسن من راتب موظف ......!!!!

همسه

10-06-2011, 01:29 PM

الحمد لله على سلامتك صاحب الموضوع وجعلكم ما تشوفون شر ان شاء الله

ياكثر المرات اللي تعرضنا فيها لنفس موقفك و الحمد لله الله حفظنا و الله يحفظنا دايم منهم و جميع المسلمين

آمين يارب

ومب هم بس حتى الشاحنات اعوذ بالله يمشي بسرعه و يتجاوز قدام السياير فجأه كأن الشارع فاضي الله يحفظ المسلمين

واحد من الاهل توفى الله يرحمه بسبب شاحنه جاته بسرعه وهو في سيارته ودعمته

و واحد من الشيبان طالع لصلاة الفجر وهو في طريقه للمسجد دعمه باص الحمد لله هو تعالج وسوو له عمليات لكن مش كل مره تسلم الجره

اخوي مهل ماعليك

بعض الاعضاء اللي كلش ما فوقهم فوق ورايهم هم بس الصح ومن اعترض على كلامهم صار تافه و واللي يضحك انه يحسب الناس يلاحقونه من موضوع لموضوع واجد معطي نفسه اهميه هذي النوعيه عادي عندها دم القطري رخيص شنو يعني مات في حادث ؟؟ كله واحد الا قطري دفعة بلا

الله يرد كيدهم في نحورهم

آمين يارب

كازانوفا

11-06-2011, 11:38 AM

حسبي الله عليهم سواقي التناكر اللى تابعين لوقود حسبي الله عليهم مليون مره
عليهم سرعه جنونيه قاتله وبالذات عن الدواوير فاكرين نفسهم داخلين سباق او الشارع فاضي لهم بس وبقية البشر ولا كانهم موجودين باستمرار مسببين لناااا خوف عالطريق اللى مودي لابو هامور
المره الجاي باخد رقم التنكر وبشتكي عليه واللى يصير يصيرررر لا بارك الله فيهم

com

11-06-2011, 12:29 PM

مرتبش

11-06-2011, 12:55 PM

فعلا يسرعون.. وفي الدوار ماعليهم من حد واغلبهم قطريين

وبعد مايسري عليهم قانون منع الشاحنات في اوقات الذروة

يعني 4 في واحد

ابو علاوي

11-06-2011, 02:40 PM

الله يهديهم
اغلبيتهم قطريين
المفروض يعطون انطباع جيد ان القطريين ملتزمين بقوانين المرور

يسوقون بعنف على قولة العضو مهل :nice:
وبدون مراعاة احترام قوانين السواقة :telephone:

حسن

11-06-2011, 02:44 PM

يسوقون بعنف على قولة العضو مهل :nice:
وبدون مراعاة احترام قوانين السواقة :telephone:
بوعلاوي شكللك تبي تسوق دنكر وان رايح هناك وتغرس مكان التريله يبيلك حبيبي بوعلاوي :victory:

ابو علاوي

11-06-2011, 02:52 PM

بوعلاوي شكللك تبي تسوق دنكر وان رايح هناك وتغرس مكان التريله يبيلك حبيبي بوعلاوي :victory:

هههههههههههه
التريلة طلعتها ومشيت السواق لانه غرزها مرة ثانيةههههه

خالد32

11-06-2011, 08:06 PM

للاسف الواحد يكتب موضوع جاد و فيه خطورة على الكل و نلاقي (البعض) يضحك و ينكت
يا شباب لا تستخفون بكلام الاعضاء و الي ما عنده حل او شي له دخل في المواضيع يكتب الكلام لصاحب الموضوع على الخاص

تحداني

11-06-2011, 08:13 PM

بوخليفة83

12-06-2011, 12:20 AM

من ناحية يسرعون اشهد انهم يسرعون لدرجه اني احس انهم عندهم اوامر بالسرعه
الله اذا ادخلو الدوار وقف وخل طويل العمر وقود يمر ولا بجيك شي مايسرك هاي الكلام من سنه الحين مادري اذا تغيرو ولا لا
ماعتقد انهم قطريين اللي اشوفه انهم باكستانيين

خالد32

12-06-2011, 04:05 PM

اذا نستطيع القول ان سواقه بعض النساء تشبه سواقه قائدي التريلات :)
لا اتلومونهم .. المركبات الصغيره ماتعمل احساب للمركبات الكبيره
والحر .. والزحمه .. يزيد من غضبهم فيترجمونه بالتجاوزات والسرعه

جملكم الله برضاه

يعني نعذرهم على تهورهم و تعريض الي في الطريق للخطر؟
هم مسرعين بسبب الحر ولا عشان يزيد النقلات؟