الى وزير الاوقاف و وزير الداخليه (طفح الكيل مع مكاتب الخدم)

[مهل]

السلام عليكم ورحمة الله و بركاته


كثيره هي المواضيع التي تناولت مشاكل مكاتب الخدم سواء في المنتدى او خارجه الكثير يتحدث عن المكاتب و تلاعبهم و تواطىء هذه المكاتب مع الخادمات او السائقين و ايضا التواطىء مع المكاتب في دول الخدم التي يأتون منها .

و انا و غيري من الكفلاء من يدفع الثمن سواء مادري او معنوي ... طفح الكيل يا جماعه ولا حول لنا ولا قوه .

هل يعقل ان افتح موضوع اناشد فيه سمو الامير حفظه الله بسبب موضوع خدم .. والله استحي

اخر ما شاهدته من تحايل للاسف يخص الديانه

عندما تأخذ طلبات للخادمات تجد مقابل الخانه الخاصه بالديانه احد هذه الاختيارات

1- moslim
christian -2
nom moslin -3

الاختيار الثالث يعني الديانه البوذيه او اي ديانه اخرى

وبعد ان تختار الخادمه و تكون الديانه هي احد اهم عناصر الاختيار سواء مسلمه او مسيحيه

تتفاجاء بعد عده اشهر ان الخادمه تتبع الديانه البوذيه او اي ديانه اخرى غير كتابيه .
او حتى ان كانت خادمتك مسيحيه ناقشها في اي امر واضح في الديانه المسيحيه قد تتفاجأ بانها لاتفقه شيء وهذا يعني انها من ديانه اخرى .

لاحظتو انك تكتشف انها غير مسلمه او غير كتابيه بعد عده اشهر و ان ضمان المكتب قد انتها ؟

ما هذا الغش و التلاعب ... الا نجد من يحمينا

[Dawn]

ايه وايد صادفت هالموقف .. للأسف الخادمات يغيرون ديانتهم علشان الزياده في المبلغ المدفوع من قبل الكفيل للمكتب لان لها نسبه فيه ..

[La Bella]

والله موضوع الخدم صار مشكلة كل بيت
وخصوصاً الخادمات الي يشردون ويروحون يشتغلون بالساعات بمكاتب الخدم
والله في مدرسة مصري متعاقد معاهم وجايب لهم الخدامات كلهم شاردين وصارت مشكلة بوق بالمدرسة
واستدعو الشرطة قبل لاتوصل الشرطة المصري جاء بالباص وخذ الخدامات واختفى
وأمثله كثيره

[R 7 A L]

ياكثر الخدم الى جبناهم و مانرضى الا انهم يكونوا مسلمين وندفع زيادة للمكاتب


يجون ويروحون ماشفناهم ركعوها

[مهل]

ايه وايد صادفت هالموقف .. للأسف الخادمات يغيرون ديانتهم علشان الزياده في المبلغ المدفوع من قبل الكفيل للمكتب لان لها نسبه فيه ..

ايه هذي هي ،، هذا غش و استغفال لنا ،، انا شذمبي اقع في ار منهي عنه .. حتى الاكل من يدها مايجوز .. حتى راعيه البيت لازم تستر عنها كانها رجل .

تدرين شلون .. بدون هالنواهي هذي كلها ،،، انا كيفي انا ابي الخدامه على طلبي الي انا طلبتها عليه لاني دافع فلوس لخادمه مسلمه ولو كانت غير ذلك هذي مش غلطتي و انا وقعت في غش من قبل هذا المكتب


والله موضوع الخدم صار مشكلة كل بيت
وخصوصاً الخادمات الي يشردون ويروحون يشتغلون بالساعات بمكاتب الخدم
والله في مدرسة مصري متعاقد معاهم وجايب لهم الخدامات كلهم شاردين وصارت مشكلة بوق بالمدرسة
واستدعو الشرطة قبل لاتوصل الشرطة المصري جاء بالباص وخذ الخدامات واختفى
وأمثله كثيره

هذي مشكله امنيه اكبيره او بمعنى اصح هذا قصور امني لدينا للاسف


ياكثر الخدم الى جبناهم و مانرضى الا انهم يكونوا مسلمين وندفع زيادة للمكاتب

يجون ويروحون ماشفناهم ركعوها

مرحبا يارحال ،، ياخوي هذا يعتمد على معزبتها لازم ترص عليها عشان تصلي بما انها مسلمه و متعافيه و تحت رعايتي .. ليش ماتصلي
شمعنى الام ترص بنتها اذا ماشافتها تصلي ؟ الخادمه جزء من الاسره و لازم نهتم فيها اهتمامنا في اهل بيتنا

[العضو العتيج]

مادري انت تتكلم عن الخدم او يوم القيامة وانت شعليك من دينهم كل شي بتبحثون فيه...هي موظفة تاخذ راتب اذا كان شغلها زين وملتزمه كان بها فيها مشكله وماعندها التزام تقدر تتصرف

[com]

ترى مرات الخدم يسجلون انهم مسلمين وهم مب حول الاسلام بس عشان يجون الخليج ..

والله يالخدم انهم ارزاق .. الله يكفينا شرهم

[بنت صقار]

صار الناس ينجبرون يجيبون عن طريق خمهم ومعارفهم..ارخص واضمن,,,,,,,,,,,ولا المكاتب..من زمااااااااااان حراميه..

[موت في سبورت]

انا من الناس المتضررين من الخدم

ومن المكاتب اللي نهبتنااااااا وللاسف المبلغ اللي ادفعه يروح علي

انا جبت خدامه اول مره تجي قطر

وبعد ثلاث شهور شردت

وكان سوالي من تعرف في قطر عشان يشجعهاااا على هالشي

وبعدها بفتره قريت موضوع عن المكاتب والخدم

وكانوا يتكلمون فيه بان الشخص اللي بالمكتب يتفق مع الخدم بانهم يشتغلون لمده شهور وبعدها

يشردهاااااا وترجع الخدامه لديرتها عن طريق الابعاد

والمبلغ اللي هو 7500 يتم مقاسمته بين المكتب والخدامه

اصلا شو اللي بيخوفهم من انهم ما يسون هالحركه

ما في شي للاسف ..؟؟؟؟؟؟؟؟؟؟؟؟؟؟

والعمال بقطر عارفين القانون عدل وعارفين شو بيصير

يعني حق المواطن القطري ضاع وما زال ضايع

[msd313]

اشدخل وزير الاوقاف ووزير الداخلية
المشكلة بينك وبين المكتب اللي انت طالب عنده مسلمة وجاتك مسيحيه او بوذية

تبي الوزارتين يتابعون لك مكاتب الخدم ويراقبونهم ولا يبعثون مندوبين للدول اللي تجيب منهم الخدم عشان يشيكون عليهم؟؟؟؟؟

[راشد محمد]

الله يرحمنا برحمته..الخدم شر لا بد منه..نتمنى يفتحون لنا الهنود..ارحم

[مهل]

مادري انت تتكلم عن الخدم او يوم القيامة وانت شعليك من دينهم كل شي بتبحثون فيه...هي موظفة تاخذ راتب اذا كان شغلها زين وملتزمه كان بها فيها مشكله وماعندها التزام تقدر تتصرف

هذا شلون ارد عليه ؟ مسلم انت ولا شنهو بالضبط ؟



اشدخل وزير الاوقاف ووزير الداخلية
المشكلة بينك وبين المكتب اللي انت طالب عنده مسلمة وجاتك مسيحيه او بوذية

تبي الوزارتين يتابعون لك مكاتب الخدم ويراقبونهم ولا يبعثون مندوبين للدول اللي تجيب منهم الخدم عشان يشيكون عليهم؟؟؟؟؟

حلو ... بما انك مستغرب من مناشدتي لوزير الداخليه و الاوقاف ،، اذا انت تعرف من الشخص الذي يجب ان نتجه له .. نورنا يا ابو التوجيه انت

[بوسلمان 2010]

الله المستعان مافي حد يردعهم واغلب المكاتب في الدولة مو حق اصحبها طبعا حق المدير والكفيل يكتفي باجار


السجل بس والبعض منهم باسماء ناس اكباريه واذا كلمت مدير المكتب قال هذا المكتب حق افلان الفلاني


يعني لاتكلم وارضى بالامر الواقع

[العضو العتيج]

هذا شلون ارد عليه ؟ مسلم انت ولا شنهو بالضبط ؟
لا..انا شنو بالضبط


يا امة ً ضحكت من جهلها الامم ُ

[رجل اطفاء]

لا حول ولا قوة لابالله

[saoud]

عزيزي مكاتب العمل ماهي من اختصاص وزارة الداخليه او وزاة الاوقاف اذا عندك شكوى تتجه الى مكتب الاستقدام وهو تحت مظلة وزارة العمل وهم بدورهم يقومون بمحاسبة المكاتب
ومبناهم مقابل مبنى جريدة الرايه والله اعلم

[قلم طموح]

مكاتب الخدم صايرين سامسرة يجيبون لك الخدامة ويحفظونها كلمه ( مكتب مكتب ) وعق لين وديتها لهم قالو لك ماتبي تشتغل ويبيعونها على غيرك بأغلى من السعر الي شريته بها واذا قتلهم عطوني غيرها قالو ماعندنا طلبات واذا تبي فلوسك خذها . عاد هو في هالوقت زاد سعر الخدامه يعني ماهمه لان السعر وصل لين 9000.
احنا صارت لنا نفس القضية لكن ابوي راح وزارة العمل واجبرهم انهم يردون فلوسه ويسفرونها يعني ما يعطونها حد ثاني . يجماعه اذا حصلت لكم مشكلة على طول روحو وزارة العمل.