مشاهدة النسخة كاملة : سيدة قطرية بلى عائل تتعرض لحادث من قبل أفريقي و الشرطة لا حياة لمن تنادي
منارة الدوحة
10-06-2011, 07:19 PM
تعرضت سيدة قطرية مطلقة بلا عائل يوم الاحد 5/6/2011 أثناء وجودها بالعمل لحادث سطو من قبل رجل افريقي
سطى على البيت و تهجم على الخادمة و بيدة سكين و البيت به بنات وعند صراخ الخادمة هرب و دبت حالة الخوف في ارجاء البيت واضطروا الى طلب الشرطة و جاء خبير البصمة و لم يتم الوصول الى شي ... و عاشت تلك السيدة حالة رعب هي و بناتها لا يعلم بها الا الله و شاءت الاقدار ان سطى اليوم الجمعة 10/6/2011 رجل افريقي آخر وقت صلاة الجمعة و سطى على البيت مرة اخرى لان عرف ان الدنيا سايبة و مافي حد يردعة و حاول الدخول الى البيت مرة ثانية و اذا بالخادمة تصرخ لانها شافته و حاول كتم انفاسها و اذا بصاحبة البيت و بناتها يتصلون للشرطة و طبعا هرب فجاءت الشرطة و تم اخذ الاقوال و النتهى الموضوع بالصمت كالعادة و اضطرت الذهاب الى مركز المركز التابع لمنطقتها تطلب حالا لما يحدث لها و بكل قهر يقول لها احد أفراد الشرطة ايش تيبن انسوي شلون انجيبة يعني نعمل له سحر مثلا :weeping::(
تخيلوا رد هذا الضابط الحين لو وحدة من خواته جان عمل النون و ما يعلمون و قوم القيامة و ما قعدها لكن ما قول الا حسبي الله و نعم الوكيل ...
المهم ان هذه السيدة القطرية من الخوف اخذت ابوها الثمانيني و أبنائها و ذهبت عند احدى خواتها و هي تقول اين الامن و الامان موكفاية مطلقة ولا بيت من الدولة ساكنه في بيت للإيجار ولابه خساير و بعد خراب بيوت .... شلون الانسان يعيش و هو مب حاس بأمان وين عايشين في الادغال .
و اتمنى هذه الشكوى تصل للمسؤولين .... و صدقوني انا اعرفها شخصيا
ورقة غار
10-06-2011, 07:21 PM
الله المستعان .........
jajassim
10-06-2011, 07:26 PM
الحافظ الله ، الحمد لله على السلامه ،
والله يستر على الجميع
مخطط قطري
10-06-2011, 07:37 PM
اذا تم الاعتداء عن نفس المنزل اكثر من مره اعتقد تصير عمليه مراقبه للبيت وابشرج بعد اوقات يكون في كميرات تتثبت من بعد 3 او 4كيلو ودقتها كانها موضوعه من بعد 3 او 4 متر:)
انتي صادقه ولا اكذب كلامج بس مش معقوله يتم الاعتداء على منزل اكثر من مره هذا دليل واضح وقطعي انه الجناه سواء هم نفسهم او غيرهم يعرفون المكان عدل وحافظينه
وحسب القانون القطري من الماده 12 من الفصل السابع لج الحق في رفع المووضوع الي النيابه العامه اذا تم تقاعس واستهتار الجهاز الامني من القيام بدوره بشكل المطلوب
ANONYMOUS
10-06-2011, 07:57 PM
الله يستر عليكم
اطلبوا منهم تحريات تراقب البيت .. اذا يصير..
ابن البيطار
10-06-2011, 09:14 PM
اختي انتي متاكده من السالفه ولا سمعتيها . معروف اي تكرار لحادثه ينحط مراقبه وتحريات .وحتى رد الضابط ماعتقد يقولها شتبين نسوي يعني , لان في اجرائات ياخذونها الشرطه وبأمانه شرطتنا يتسمون بحسن التعامل والانضباط .
بصمة قطرية
10-06-2011, 09:22 PM
لا حول ولا قوة الا بالله ..
صج شي غريب ..
حيهور
10-06-2011, 09:28 PM
شرطة مايعرفون شي
المحقق كونان ابرك منهم
مادري لين متى تستحمل إهمال الشرطة البزران
الله يعينها
سهم قطر
10-06-2011, 10:01 PM
شرطة مايعرفون شي
المحقق كونان ابرك منهم
مادري لين متى تستحمل إهمال الشرطة البزران
الله يعينها
والله انت اللي شكلك بزر
تعامل الشرطة راقي وكل المواطنيين والمقيمين لامسين هالشي
والموضوع لو تكرر لازم بتنحط مراقبة على البيت
ولو القصة الحقيقية ممكن الاخت تتصل على العضيد والموضوع بيوصل على طول لسعادة الوزير وهو مايسكت عن هالامور
منارة الدوحة
10-06-2011, 10:03 PM
اشكر كل اللي رد على الموضوع .... و اقسم بالله العظيم و اللي رفع السماوات بغير عمد ان الموضوع صار لوحدة من قرايبي و لازدت و لازليت في شيء والله انها لين الحين برع البيت مب عارفة شتسوي واتفكر ان تروح يوم الاحد حقوق الانسان .... بس علشان تعرفون ان المطلقات مالهم ظهر لا بيت و حقوق و بعد لا امان ياناس خاطري متقطع عليها هي و عيالها مب عارفة شاقول والله لولا الخصوصية جان قلت لكم اسمها و المركز اللي كانت فيه علشان اللي عنده شك يروح يتأكد ....
فلهاااا
10-06-2011, 10:06 PM
ودي ارد بس اخاف احثلها
لان اللي صار مسخره بصراحة
المشكلة اذا الواحد دافع عن نفسه ياويله
الله المستعان
راشد محمد
10-06-2011, 10:08 PM
الله يعينها ويسخر لها عيال الحلال
بوخالد88
10-06-2011, 10:08 PM
والله شي غريب الاخوان في الشرطة مايقصرون.
qatara
10-06-2011, 10:08 PM
شسالفه السيدات القطريات كلهم مطلقات هههههه
® قطر ®
10-06-2011, 10:11 PM
الله يعينها ويسخر لها عيال الحلال
آمين......
سهيل قطر
10-06-2011, 10:12 PM
اشكر كل اللي رد على الموضوع .... و اقسم بالله العظيم و اللي رفع السماوات بغير عمد ان الموضوع صار لوحدة من قرايبي و لازدت و لازليت في شيء والله انها لين الحين برع البيت مب عارفة شتسوي واتفكر ان تروح يوم الاحد حقوق الانسان .... بس علشان تعرفون ان المطلقات مالهم ظهر لا بيت و حقوق و بعد لا امان ياناس خاطري متقطع عليها هي و عيالها مب عارفة شاقول والله لولا الخصوصية جان قلت لكم اسمها و المركز اللي كانت فيه علشان اللي عنده شك يروح يتأكد ....
مصدقة ما يحتاج حلفان ...
إحنا في دولة نسبة الأمن مرتفع فيها ولله الحمد بس لاتظنيين إنا في الدولة الفاضلة اللي ما فيها اي جرايم ....
بعدين فيه ناس للحين يعتقدون أنا في عصر الثمانينات والسبعينات يخلون الابواب مفتوحة بحسن نية ناسين ان ديموغرافية البلاد تغيرت والاجانب كثروا فلازم الواحد ياخذ بعض الاحتياطات ولازم كل واحد فينا يعلم اهل بيته والاطفال كيف يستعين بالشرطة ويعرفونهم بخدمة 999 ويحفظونهم رقم البيت واسم الشارع واسم المنطقة تحسبا لاي ظرف طارئ والله الحامي من قبل ومن بعد
وشكرا
منارة الدوحة
10-06-2011, 10:14 PM
اوكي يا سهم قطر شتفسر كلام الشرطي لما قالها وين انجيبه انسويله مثلا سحر ؟؟ و للعلم عندها شهود على كلام الشرطي و ماراح تسكت ... وهي تستحي تتكلم في وطني الحبيب و طلبت مني ان عن طريق هذا المنبر منتدى الاسهم القطرية اني اقول اللي صار لها ... و ياريت للي يقدر يدلني و يرسلي على الخاص رقم عاشة المهندي اللي دائما تتكلم في وطني الحبيب علشان الكل يسمع بالمشكلة و توصل للمسؤولين الكبار و اللي مب امصدق لا يصدق .
مرحوم قطر
10-06-2011, 11:42 PM
مادري اختي انا ما اكذبج
بس اعتقد يمكن السالفه فيها لبس شوي
لان وزارة الداخليه عندها قسم المراقبه في كذا جهه
و اذا كان الامر كذا يكون في دورية مراقبه
مثل ما حصل على سبيل المثال حق واحد الله يستر عليه يوم هددوه كويتيين
و حطو دورية مراقبه عند بيته غيره قصص كثيره
بس اتمنى تتاكدين من الموضوع
و لو الموضوع صدق انا و الشباب مستعدين انسوي شفتات حمايه حق بيتها
الخزرجي قطر
10-06-2011, 11:47 PM
الله يعينكم ويستر عليكم في الدنيا والاخره
R 7 A L
10-06-2011, 11:57 PM
الحمدلله على سلامتها
واكيد الاخوة في الداخلية ماراح يقصروا
وان شاء الله صوتها بيوصل
مستثمر 999
11-06-2011, 12:04 AM
لا حول ولا قوة الا بالله
intesar
11-06-2011, 12:32 AM
كل شي جايز
انا ابي افهم انتي بس ليش رابطه الموضوع بانها مطلقة ؟! ترى الحادثة شي والي قاعده تتكلمين عنه عن امور الاخوات المطلقات موضوع ثاني تماما ومنفصل
اي جريمة من هالنوع هي جريمة بغض النظر ضد من تكون سواء متزوجة او مطلقة او غيره و بعدين انا مادري اشلون الافريقي عرف انها مطلقة
عموما الله يسهل عليها امرها ولازم ترد تراجع الشرطة مره و مرتين ومليون حفظ الامن شغلتهم اولا واخيرا والحادثة غريبه بصراحة لان معروف ان لو تمررت اي جريمة يتم المراقبة
تحياتي
leeth
11-06-2011, 12:52 AM
تطلب مرا قبة بيتها
فتى الجود
11-06-2011, 12:56 AM
اذا الحرامي رجع للمكان اكثر من مره
معانته انه راصد البيت وكل حركات وتحركات البيت واهل البيت
هذا رابط الشكوى بنكتب وزير الداخلية
خليها ترسلهم وتشرح وظعها
http://www.moi.gov.qa/site/arabic/feedback/index3.html
ANONYMOUS
11-06-2011, 01:01 AM
انا ابي افهم انتي بس ليش رابطه الموضوع بانها مطلقة ؟! ترى الحادثة شي والي قاعده تتكلمين عنه عن امور الاخوات المطلقات موضوع ثاني تماما ومنفصل
اخوي اهي قاعده توضح حالة البيت .. ان مافي رجال
يعني لو في رجال داخل وطالع سواء زوج او اخوان او عيال كبار..
هل بيتجرأ الافريقي أو غيره انه يدش البيت للسرقه او لعمل اي شي يضر
سداوي&مدريدي
11-06-2011, 01:05 AM
والله قهر
المفروض يوفرون لهم افراد من الشرطه لحماية البيت :anger1:
اوعمل كمين للمجرم
واذا الشرطه ماقدرت اتوفر لهم الامن والامان :anger1:
اهل قطر حاضرين لهم وفي الشوفه والعجرى جاهزه بنتحبل له واذا طاح في يدنا ياويله
yesno
11-06-2011, 01:12 AM
اوكي يا سهم قطر شتفسر كلام الشرطي لما قالها وين انجيبه انسويله مثلا سحر ؟؟ و للعلم عندها شهود على كلام الشرطي و ماراح تسكت ... وهي تستحي تتكلم في وطني الحبيب و طلبت مني ان عن طريق هذا المنبر منتدى الاسهم القطرية اني اقول اللي صار لها ... و ياريت للي يقدر يدلني و يرسلي على الخاص رقم عاشة المهندي اللي دائما تتكلم في وطني الحبيب علشان الكل يسمع بالمشكلة و توصل للمسؤولين الكبار و اللي مب امصدق لا يصدق .
أوكي اختي ممكن تقولين اسم مركز الشرطه الي تابعه له منطقتهم حتى يصل الموضوع لوزير الداخليه وعشان حقها يرد لها من الضابط قبل المجرم
بما انها اطلبت منج المساعده
الله يسهل عليها و يفرج كربتها ،، ولكن طليقها لايعني انه طلقها معناته انقطعت العلاقه .. هذي بناته الي واها اذا انا فاهم صح . هو مسؤول عن امنهم و سترهم و غيره
اعتقد اذا البنات الي في البيت هم بنات الطليق هو الي لازم يهتم بالموضوع . او من مايكون ولكن اب الابناء هو الشخص المعني .
الله المستعان
هارودز
11-06-2011, 01:28 AM
الله يحفظ العائلة يارب
منارة الدوحة
11-06-2011, 01:45 AM
حسبي الله و نعم الوكيل هي تقول انها من حوالي 8 شهور لا حظت وجود شخص يراقب البيت و الشي الثاني انا قصدت اوضح ان البيت مافيه رجال هذا قصدي من كلمة مطلقة
و اشكر كل اللي تعاطفوا معاها
و هي ما تبغي الفضايح و حقها ياخذه لها العزيزالحكيم هو المنتقم بس سؤوال السكين اللي طاحت من يده و الشرطة رفعوا البصمات اللي عليها و بعدين معقوله ماله بصمة و الله شيء محير
بس ما قول الا اللي عرجه في الماي مب مثل اللي عرجة في النار
بوحارب
11-06-2011, 02:01 AM
حسبي الله عليهم
والله يستر على اختنا وعلى بناتها
Miss Model
11-06-2011, 02:42 AM
السلام عليكم ورحمة الله وبركاته ,
اشكر الجميع على الرد ,,
انا ابنة صاحبة المشكله
احب اقول , ل اللي يتوقع اني قاعدين نتبلى أو نألف سالفه خرافية .. انا ماراح اتبلى ولا بشوه سمعة بلادي ,, اانا ماكتبت الا لاني صج انا اعاني من المشكلة .. لاني خايفه .. ! انا ابنتها الكبيره .. ماعندي أي اخو اكبر مني .. والله شاهد وعالم بكل كلمة انا اقولهآ .. واللي يده ف الماي مو مثل اللي يده بالنار
" الكلام سهل والفعل أصعب " ..
نعم . انا ماحصلت الخدمة الكافية من الأمن .. اللي يقولون انهم ف خدمة الشعب ..!
الحرآمي اللي اقتحم بيتنا مرتين .. وف األأسبوع نفسه ,, يوم الاحد ويوم الجمعة ..
ومقتحم وكله ثقه .. دارس الموضوع .. وماقتحم من بااب , الا شقح بيوت جيرانا عشان يوصل لنآ ..
تبون تعرفون شنو حالنا الان : سهرانين ومتجمعيين ف مكان واحد من الخوف ولا نعرف وين نروح ولا شنسوي..!
اخوي عمره 18 سنة .. هو وربعه برا ف الشارع يدورون ..
تبون تعرفون شسوى .. ؟؟؟؟ نط بيت جيرانا المسافرين وفتح الباب عشان كلبهم يطلع .. لان امس فليل كان ينبح عليه وبغى يفضحه .. بس لأنه كلب بيت ضل موجود ..
انا مو قاعده اكذب ولا شي .. مآعتقد السالفه فيهاا مزح .. احنا ف البيت كلنا بنات واطفال ..!! وخدامه
الشرطة : يعشمونا بجيتهم .. ومكلمينهم من الساعه 11 ونص ولحد الآن محد جآنآ ..
يستهزأون ويستخففون بالموضوع .. ! :) للأسف بسسس .. ! هذا حالنا وصل لهدرجة ..؟؟؟
اوكي .. ماايبون يدافعون عنا ولا يحمونآ .. ! يبوونا احنا نقتل .. لو اخوي تعرض له ..!!!!! هنيه بيتحركون صح\
بيمسكون اخوي لانه دافع عن نفسه صح !!
للأسسسف للأسسف ,, !!!!! الى متى على هالحآآل .. ؟ ينطرونه يتعرض لنآ ..
انا اكتب الحين ويدي على قلبي .. واخاف من صوت ااي شي ..!!
اللي يقول كاميرات وتحريات رايحه وراده.. جو يوم واحد ..! وراحوأ , المجرم ترك اثااار مب بس اثر وراه
وينه جناح الاثررر .. وين البصصصممممااااااااااااااااااااات !! ووين ؟؟؟؟
......
ماعندي شي زود اقوله ..!
سكرمر
11-06-2011, 02:58 AM
الحمدلله على كل حال
الامن موجود في الدوله
بس اتوقع ان هذا تقـصر من الضابط نفسه اللى ماسك الموضوع
لانه المفروض انه يراقب البيت على الاقل بعد هالشي
ولا لازم يصير وفيات او اصابات عشان يراقب البيت
بوخليفة83
11-06-2011, 03:04 AM
اختي روحي حق المحامية فوزية العبيدلي وشرحي لها السالفه بالضبط وخاصتا كلام الضابط المستهتر اللي يحتاج دوره في التعامل مع الناس وبتعلمج الاجرات اللي تتخذينها في المركز والضابط
فوزيه العبيدلي اللي سمعت عنها انها اول قطرية تمسك رتبة ملازم في قطر ان شاء الله بتفيدج
خوي الدرب
11-06-2011, 03:04 AM
إذا بترت يد السارق أمام الناس في مكان عام
تورع الأخرون من فعلته
Miss Model
11-06-2011, 04:25 AM
تسلمون والله على الرد
جزاكم ربي ألف خير !
مثل ماقلت استهتار من الضابط اللي مآسك الموضوع وقصور منه
ان شآآاء اللّہ أحنا مب ساكتييين ! مب بس عشانا ، عشآن آآي عاايلة ممكن تمر بهالموقف ،، ويحطون حد !
صدقت أخوي " خوي درب " ؛ جان بيتعضون ! مب كلن يتسـتر على الموضوع
واللّہ عمرنا ، وسنين عشنا ماشتكينا مـن الهنوود ، كثر ماشتكينا مـن آفارقه وفيتناميين
شفيهم زود عن الهنود ! ،
ليش يوم جافوا مشاكلهم ، ماقاموا بترحيلهم ممن البلاد !!! نفس ماصار مـن فترا مع الجنسيات العربية !
يااارب أحفظنا واحفظ المسلمين من خطر هالقوة العاملة ! ومن هالناس المتوحشه
basma222
11-06-2011, 06:31 AM
لا حول ولا قوة الا بالله
qtr qtr
11-06-2011, 07:59 AM
مافي الا حل واحد
اعزكم الله وكرمكم الله تحط في بيتها كلب حراسه .. صدقوني انه راح ينتفه تنتيف
الموضوعي
11-06-2011, 08:36 AM
للأسف الداخلية ماعندها معايير صارمة لاختيار الضباط فتجد أن بعض الضباط الجدد مايعرفون يتعاملون مع الناس ويفتقدون لأساسيات الحوار والنقاش ، وهؤلاء بالطبع تجدهم ماعرفوا في حياتهم مجالس او رفقة رجال ، ولا حد من اهلهم علمهم السنع
شوفي يا مس موديل يمكن الضابط حديث التخرج ولا يكون عنده الخبره الكافيه في التحقيق دام الشخص اقتحم البيت مرتين في مده بسيطه لازم يكون هناك فريق من البحث والتحري يقوم بوضع المنزل تحت المراقبه على الاقل لمده اسبوع لحين ظهور تقرير البصمه لاكن الحين روحو لمدير التحقيق وشرحوله الوضع وذا ماسوى شي شوفو مدير المركز وان شاء الله بيساعدكم
Miss Model
11-06-2011, 09:03 AM
..
آآي والله .. مآاقصصروا عليهم آلشيوخ
عدل أوضاعهم ،، وزاد رواتبهم ،
وكرمهم ، والاولوية لهم ،،
رواتب خياليه ودنيا ،، حق شنووووووو ؟!!!!
شسووّ ! هذا اللي تعلمووه !
هآآي القسم اللي حلفوا علييه !!؟
واللله أني موااصصله من أمسس ! وقاعده اتحسس مـن أي صوت !
وكل اللي قالوه خدامتكم تعرفه !
الخدامه ? بيتنا ماصار لها إلا 3 شهور ، وهو لامحينه من 8 شهور أو أكثر
ولو الخدامه تعرفه ! بيحاول يعتدي عليها بالقوو وواول مآايسمع حسنا يرضخها ويرد ينقز ف البيووت ؟!! إلا كان بتدخله واحنا محد !!!!! وتخلص ويااه !
يعني حتى تحليل مآآيعرفون يحللون !!
قطؤها ? رأس الخدامه عشآن يرتاحون .
والخدامه شوي وتشرد من الخوف والموقف اللي تعرضت له !
Miss Model
11-06-2011, 09:08 AM
مآسووّ شيء ،
تعرف شنو المشكله ؛ ان راحت أمي مركز العاصمة ، واشـتكت 3 مرات ،
طبعا مايتحركون بس يصدرون أوامر على مركز مدينة خليفه ،،
ومركز مدينة خليفه مآيسسون شيء ، ومركز العاصمة مب صدقين ان هم مآيسوون شيء
يعني الحل ندور شركة حمااية ! ونجيب سكيورتيه ! نفس الإعراس ، يمكن هم يحمونا مقابل مبلغ من المال !
مآسووّ شيء ،
تعرف شنو المشكله ؛ ان راحت أمي مركز العاصمة ، واشـتكت 3 مرات ،
طبعا مايتحركون بس يصدرون أوامر على مركز مدينة خليفه ،،
ومركز مدينة خليفه مآيسسون شيء ، ومركز العاصمة مب صدقين ان هم مآيسوون شيء
يعني الحل ندور شركة حمااية ! ونجيب سكيورتيه ! نفس الإعراس ، يمكن هم يحمونا مقابل مبلغ من المال !
خدامتكم وش جنسيتها وعندها يلفون ولا لا وبعدين انتو اي مركز تابعين العاصمه ولا مدينه خليفه ويمكن حطو لكم تحريات بس انتو ماتعرفونهم
Miss Model
11-06-2011, 09:29 AM
الخدامه مالها شغل ,
لو الخدامه جايبته .. ماجاها بهالطريقه .. ولا صرخت تطلب النجده ورافع عليها سكييين !!
وجنسيتها سيرلنكية .. وشجابها عند الافريقي ..!!!
الخادمة شوي وتعاني من حالة نفسييية !!
ومو واحد يايبه .. اول مرا واحد .. وثاني مرا واحد ثاني ومن نفس الجنسية
احنا تابعين لمدينة خليفه .. والتحريات نعم شفتها لمدة يوم واحد فققققططططط
والدليل ان التحرريات .. الي صج تموآ .. هو خالي " اخو امي " .. وربعه .. ليل ونهار لين الفجرر ..
وعشان جي مانط .. الا امس وقت توقع الكل ف صلاة الجمعة ..! وشاف السيااير محد !
بس اخوي كان موجود ولله الحمد .. كان توه جاي من المسجد وقمنا من نومنا على صراخ الخدامه بقمة راسها تطلب المساعده .. وتخيل اول ماسمع حسنا رضخها على الطوفه وشقح بيت الجيران والبيت اللي جنبه لين انخش .. لان اخوي على طول نط وشاف بس .. ماقدر يدخل بيت الجيران عشان مايكون اعتداء على ملك الغيرر !!!!!! ماحصل له أي اثر .. مستغل ان الجيران مسافرررين !!
والحــــــــــــــــــــــــــــــــــل ؟ !
bo_hamad
11-06-2011, 09:42 AM
البارحه يقول لي واحد من الربع انه شخص من جنسية عربية دخل بيتهم ومسكوا وضربوا ضرب واتصلوا في الشرطة جاو
تخيل 3 اخوان وكل واحد طوله متر ونصف وش سوا فيه خلوا يكره اليوم اللي دخل البيت هههه
شوفي ياختي هل تم التنسيق معكم من قبل مركز التابع لكم واعطاكم رقم شخص معين في حاله حدوث او شفتو اي شي انكم تتصلونله على الفور وبعدين يوم اخوك شافه هل تم الاتصال بالشرطه ومن المركز ولا 999 واش صار ولا انتم ماتصلتو لانه اشوف كانت صيدته سهله دام انه طلع مره ثانيه وفي النهار وانخش في بيت جيرانكم
Miss Model
11-06-2011, 10:04 AM
بو حمد .. هههه انا اخوي اول شي 18 سنة عقبي بجمن سنة ..
المشكله مانشووفه .. يختفي ف غمضه عين .. تقول فص ملح وذااب ..
واخوي .. ماقدر يشوفه .. بس سمع حسه يوم رضخ كل شي وعفد بيت الجيران ..
كلمنا المركز كلمنا كل شي .. مافي فايده ولا عطونا رقم حد نتواصل ويااه .. ولا شيييء
تقول حد صاب عليهم ماااي بااررد ولآ كأن اللي يصير شي صج خطيرر ..
وحق عاايله صج محتاجه حد يحميهآآ .. !
وتكلمهم بكل برود وخياس نفس يكلمونك .. ! شنو ذي ! ليكون نطر منهم احنآآ .. ؟
بو حمد خاطرنا مره نجوفه يوم يطيييحح فـ يدنآ ..! مانلحق مانلحق ..
وزين مآسوو .. والله خل يكسرونه وينتفونه .. ولا يقطونه بس جي .!
لآن محد راح ياخذ حقهم ولا يبرد الحرررة الللي ف قللبهمم ..
عنبووه افررريقي لاعب ف حسبتنا جذي .. !
منوو عيال البلد احنا ولاهممم !!
يا ميس موديل اجوبتك مششتته ولا فيها تركيز واقوالك ملخبطه مره شفتوه ومره ماشافه واحس في لخبطه وانتي ادافعين عن الخدامه ومادي وشو الموضوع مبهم
الدمعه
11-06-2011, 10:23 AM
شسالفه السيدات القطريات كلهم مطلقات هههههه
لان الرياييل اللي مثلك وشرواك مافيهم خيرهم ..وخيرهم للبقر ..
Miss Model
11-06-2011, 10:25 AM
انا مادافع عن الخدااامة ..
انت اللي مو مرركزز .. !!
انا قلت .. احنا لمحناه قبل 8 شهور ..
ويوم اعتدا على بيتناا مررتيييييين !!!!! احناا ماشفنااه .. بس نركض على صراخ الخدامه
قد انه شاااررررد .. ويختفي ومانقدرررررر نصيده ..
والخادمه ما ادافع عنها .. انا اقول كلمة حق .. ماصار لها الا 3 شهورر ..
وهو من 8 شهوررر .. !! ولو تعرفه يا حسسن ! جان جابته بهدوءءءءء مب بهالطرريقة !
ولا مسك لها سجين وهددها .. صح ولا انا غلطانه .. ؟
Miss Model
11-06-2011, 10:26 AM
الدمعه ااخ والله يبتيها ههههه !! قلتي نفس الكلمة اللي ف قلللبي !
الساهر 17
11-06-2011, 11:02 AM
لاحول الله بس اعتقد ان التحريات .......... اكيد بيراقبون البيت وخصوا اذا تهجم كم مره واذا مافي فايده
وطني الحبيب ........... وشباب قطر فيهم الخير
كازانوفا
11-06-2011, 11:24 AM
ياريت ما ننسى دعاء الاستوداع ليحفظنا الله
ونستغنى عن طلب البشر ومساعدتهم
بالفعل صرنا باخر الدنياااا
الله يحميهم ان شالله
لا تقطونها فراس اخوج ويروح يلحقه وهو مب قادر عليه خاصه انه عمره ١٨ يعني شاب لكن مب حمل افريقي !! الله يشوفلكم ان شاءالله
® قطر ®
11-06-2011, 11:30 AM
لان الرياييل اللي مثلك وشرواك مافيهم خيرهم ..وخيرهم للبقر ..
:victory:
التيما
11-06-2011, 11:39 AM
اشكر كل اللي رد على الموضوع .... و اقسم بالله العظيم و اللي رفع السماوات بغير عمد ان الموضوع صار لوحدة من قرايبي و لازدت و لازليت في شيء والله انها لين الحين برع البيت مب عارفة شتسوي واتفكر ان تروح يوم الاحد حقوق الانسان .... بس علشان تعرفون ان المطلقات مالهم ظهر لا بيت و حقوق و بعد لا امان ياناس خاطري متقطع عليها هي و عيالها مب عارفة شاقول والله لولا الخصوصية جان قلت لكم اسمها و المركز اللي كانت فيه علشان اللي عنده شك يروح يتأكد ....
اختي انا ما اشكك في كلامج ولج كل الاحترام .. لكن اولا شدخل انها مطلقة بالسالفة ؟؟ ترى حكومتنا ماقصرت مع المطلقات وانا كنت مطلقة وكنت مرتاحة الحمد لله ..
بعدين اختي بيت يتم التهجم عليه مرتين ؟؟ مالهم خص حقوق الانسان .. تروح المركز وتبلغ الضابط المسئول عن الموضوع .. معليه خلينا نتكلم بالعقل .. المره الأولى جاوا الشرطة وارفعوا البصمات وقالوا مافي شي .. وثاني مرة نفس الشي .. يمكن فكروا ان الموضوع مب صج ترى هالشرطة يشوفون بلاوي من هالناس ..
من رايي ما تخلي بيتها .. شوفي اختي الحرامي يخاف مو صاحب البيت .. خليها ترجع بيتها .. وتروح المركز وتكلم مدير المركز بالموضوع وعن انها تشوف ان المحققين مايسوون شغلهم لان البيت مرتين تعرض للسرقة ..
اللي استغربه من هالاقوياء اللي يتهجمون عالبيت نفسه ومرتين وبعز النهار ؟؟؟
الموضوع فيه ان ..
Miss Model
11-06-2011, 11:54 AM
تسلمون اخواني على الررردود ,, اي والله انا خاايفه على اخوي تعرف 18 سنة متهور ممكن يسوي أي شي
التيما حبيبتي : مرأه مطلقه " أمي " .. او بألاصح خالعه .. يعطونها مليون وميتين
وامي سنير مالها بيت عن طريق الاسكان الحكومي حتى ..
يبونا نطلع من فريج ونروح نسكن بأخر الدنيا .. قولي لي مليون وميتين شتسوي ..؟؟!!!!!
نسكن بآخر الدنيا عشان يتوحدون فينا العمال صحح ؟؟!!!! بيت خالتي راحوا الخور ولجأوا لهالحل
بس يموتون رعب كل ويكند من هالعمال اللي متروسسييين !!
المطلقه هذاك اول مرتااحه ,, الحين لآ بيت ولآ شي ..!
الساهر بس احب اقولك : التحريات مب فاضيه .. حق بيوت ونااس .!!
وعلى فكرة الشرررطة .. جاات وجافت كل شي على حطته وماحركنا شي وصورا وخذوا كل شي
بس هم مو " سيريآس " ف الموضوع ..!! ..
الشرطه ماعندها وقت حق هااي يبه ,, لهم وقت عشان يراكضون ورا العالم .. الا مخالفه حزام الا مخفي الا هدرز .. الا سباق الا استعرراض .. لآن حتى الفزعه اللي حق هالمواقف .. مب فاضيه قاعده تلاحق العالم ..
ويتسببون عليهم كل اخر شهررر ..!
منارة الدوحة
11-06-2011, 12:17 PM
اشكر كل اللي تفاعل مع الموضوع .... و جزاه الله الف خير اللي طلب مني على الخاص رقم القضية و انشاء الله ينحل الموضوع ... و بصراحة انا منبطة جبدي حيل من اللي معانا في المنتدى و جالس يشكك في الكلام يمكن بنت المراة من الحرة اللي تانس بها ما تعرف شتقول لكن حرام عليك يا حسن لان الموضوع لو صاير لك جان قومت الدنيا و قعتها . على العموم اشكر حتى اللي ردو و تبرعوا بالمساعدة و الحماية و لو بكلمة تثلج الصدر و المسلم اخو المسلم فما بالكم مسكينة مطلقة .
منارة الدوحة
11-06-2011, 12:29 PM
نمر الخريطيات قومتو الدنيا و قعتوها ... و الحين افريقي ساطي على بيت الشرطة باردين
و اشكر اخوي مخطط قطري على تواصلك و حتى لو ما قدرت تسوي شي يكفي شعورك و تعايشك مع الموضوع فكل الشكر لك
بوغانم995
11-06-2011, 12:47 PM
السلام عليكم ....تعاطفي مع صاحبة الموضوع شىء طبيعي ......وهذه شيمة كل قطري وعربي موجود على هذه الأرض العزيزه على قلوبنا...اجمعين مواطنين ومقيمين .....وهذا للخصوص وليس العموم .
كلنا يعلم ويعرف ان مراكز الشرطه لها سجلات تحفض بها المجرمين على تصنيف الجرائم التي ارتكبةها ...مع الصور وبصمة اليد .....وأعتقد ان كان بلأمكان ...ان بدل من اسماع الكلام الذي لا يسمن ولايغني من جوع .....للمشتكيه ان يجبر خاطرها ....بكلمه وهذا من أولويات العمل في التحريات ....حتى تطمأن ...ويزول الخوف والهلع ....ثم يشرع في أخذ الأقوال ......ترويع الآمنين من ما شدد عليه الدين الحنيف في العقوبه...التي وصلت لحد القتل ...الخ ...اللهم أحفض بلدنا و اهلنا والمقيمين الطيبين من كل مكروه
رياني qtr
11-06-2011, 12:55 PM
شسالفه السيدات القطريات كلهم مطلقات هههههه
اي والله كثروا ويبغون بيوت وارضي ببلاش وهي ماعندها اسرة ماعرف وش هالتفكير
شكلهم ناوين ياجرونها وينافسون المجمعات السكنية :victory:
اشكر كل اللي تفاعل مع الموضوع .... و جزاه الله الف خير اللي طلب مني على الخاص رقم القضية و انشاء الله ينحل الموضوع ... و بصراحة انا منبطة جبدي حيل من اللي معانا في المنتدى و جالس يشكك في الكلام يمكن بنت المراة من الحرة اللي تانس بها ما تعرف شتقول لكن حرام عليك يا حسن لان الموضوع لو صاير لك جان قومت الدنيا و قعتها . على العموم اشكر حتى اللي ردو و تبرعوا بالمساعدة و الحماية و لو بكلمة تثلج الصدر و المسلم اخو المسلم فما بالكم مسكينة مطلقة .
الاخت مناره الدوحه انا مهب قاعد اشكك في البنت مع العلم انتي اللي طرحتي الموضوع ودخلت هي على الخط وانا وجهت لها اسئله واضحه وصريحه ولاكن ماحصلت لها رد مقنع وتضارب في الاقوال واسئلتي لها كانت من باب الوصول للمساعده واحاول اوجهه لاكن شتتتني مره من ثمان اشهور ومره من فتره الصراحه ياليت تحذفين الموضوع وتصيغينه من جديد وتحاولين بعدون عاشه وبرنامج وطني الحبيب وحقوق الانسان
الكلام اللي ماله داعي انا اليوم الساعه 10 ونص الصبح بلغت عن حادث انقلاب سياره عند مدينه الكعبان طبعا الاتصال للعمليات اللي هم 999 بعد مابلغتهم تلقيت ثلاث اتصالات من الشرطه من الدوريه اللي على الخط ومن مركز الرويس ومن الزباره في اقل من 5 دقايق مما يدل على اهميه البلاغ وسرعه الاستجابه
الله يستر عليكم ويحميكم من كل مكروه
ترى احنا يا اختي بالشوفه وحاضرين بأي شي واطلبي عزج وكلنا اخوانج
والله صرنا باخر زمن وين قبل البيوت مفتوحه والامن والامان بكل قطر
الله يستر عليكم ان شاء الله
شميرام
11-06-2011, 02:54 PM
الخدامه وشو جنسيتها ،،،ثر في خدامات يتعاونون حتي لو ضربها يتفقون عليه حتي لو ربطها وكفخها عادي يكنون متفقين ثاني شي يمكن هي تصرخ عشان تبغي تضغط عليه ،،، ،،، يمكن فيها يني
الحين حطو حديد عل الدرايش حطو كيمرات مراقبه و حطو جلب (ما توقعت في يوم بنحط جلاب حراس ،جيرانكم ليش عندهم جلب هل هم أجانب ول حراسه ؟
أنتو تفقدون اشياء في البيت الاشياء الصغيره ؟؟
بومحمد المطاوعه
11-06-2011, 02:55 PM
ابشركم هالشي الي صار ف الاخت
مب غريبه ولا هي الوحيده
انا اعرف واحد
الحرامي دوم يطب بيته وياخذ لفه
رحنا المركز وسوينا كل شي والتحريات كانو موجودين ولا في فايده
لين شاف مافي حد طب يعني مانعرف شنسوي
لو مسكناه وانضرب ضرب بناكلها عدل
يعني لو شفت حرامي قوله حبيبي اقعد الحين بنادي لك الشرطه انزين بابا
هاي الي يبونه
اما لو ضربته بتتبهدل عدل
تحياتي لكم
مستر بن
11-06-2011, 03:02 PM
الله المستعان ..
منارة الدوحة
11-06-2011, 03:51 PM
gold , بو غانم 999 كل الشكر الله لا يراويكم مكروة والله انكم كفو و النعم فيكم
حسن : قول كلمة حق و لا اسكت احسن و يش رايك اتروح مركز مدينة خليفة تتأكد احسن من انك تشكك
و بعدين اقولك جنب مهب جنك جر علية الشوك
السلام عليكم ورحمة الله وبركاته
اختي في الله والله هذي مصيبة كبيرة احنا بلدنا بلاد الامن والامان والله شي غريب لاكن ابشرك يااختي انتي في قطر لاشعبها ولا اميرها يرضى بالغلط والله اهل قطر اهل النخوه والكرم اختي وزير الداخليه كل اربعاءيجلس في مجلسه وياخذ شكاوي الشعب وارجو منك انك تتقدمي بشكوى في هذه المجموعة المتهاونة في اداء الواجب وحتى الأمير الله يحفظة بابه مفتوح للجميع في الجلسة العامة
و ماعليج من اللي يحاولون يشككون في الموضوع ,,, و هذا موضوع كبير و لاينسكت علية و تراج في بلادك ووسط هلك و احنا عزوتك و الكل ماراح يقصر معاج .... و الله يحفظك انتي و هلك ... و وافينا بالمستجدات علشان نتطمن عليج
هبوب الكوس
11-06-2011, 04:43 PM
في هذا الموقف اللي تعرضت له الاخت او غيرها
وقتلت السارق للدفاع عن النفس
هل تتعرض لمساله قانونية وتتهم بالقتل :telephone:
في هذا الموقف اللي تعرضت له الاخت او غيرها
وقتلت السارق للدفاع عن النفس
هل تتعرض لمساله قانونية وتتهم بالقتل :telephone:
تتعرض للمسائله القانونيه والتحقيق معها وقد تاخذ حكم فيها
منارة الدوحة
11-06-2011, 04:49 PM
صح الله لسانك يا هبوب الريح و هذا اللي جالسة تفكر فيه و خايفة على ولدها
للعلم و لدها عمر 18 سنة من امس مارقد ايحوط في الفريج خايف على امه و خواته و جزاهم الله الف خير عيال الحلال من بعض الشباب كانوا و لا زالو مع الولد جعلهم ذخر
منارة الدوحة
11-06-2011, 04:55 PM
كل الشكر لا اخوي مخطط قطري جعلك ذخر ما قصرت ان اشهد انك رجال و كفو و الله انك تحري بها
يامناره الدوحه وانتو تخظعون لمدينه خليفه يعني وسط البلاد مهب في شيكاغو
ابن البيطار
11-06-2011, 05:21 PM
اختي قطر بلاد امن وامان ولو في خطاء بيكون من الضابط . وان شالله شرطتنا فيهم الخير مانبي نعم على الجميع ونعطي الموضوع اكبر من حجمه . روحي حق المسؤل الي اعلى من الضابط وشتكي عنده وان شالله بيتخذ اللازم . وماشالله مثل ماتقولين اخوج عمره 18 وخالج موجود وهم فيهم الخير .
الـخـالـدي
11-06-2011, 05:23 PM
لا حول ولا قوة الا بالله ... الله يكون في عونها
اختي عليها بهذا الدعاء وا نشاء الله مايضرها شي ..
اللهم اني أأتمنتك نفسي وأهلي ومالي من كل شر .. وتكمل الدعاء بلي يجول فخاطرها و ان شاء الله مايقربها شر ..
الرايــق
11-06-2011, 06:31 PM
مادري شقول على الموضوع بصراحة..
بس يا اختي حنا وكل الشباب حاضرين باي شي تامرين فيه..
منارة الدوحة
11-06-2011, 07:13 PM
اقول حسن لو صار الموضوع مثل ماتم سرده حق وحدة من خواتك ارجوك بس ابغي رد منك شالاجراء اللي راح تسوية
بوخالد88
11-06-2011, 09:24 PM
اختي طمنينا ايش اللي صار وياكم !!
اذا حبيتو اتبلغون عن اي شي بلغو عن طريق العمليات ٩٩٩ لانه كل شي يتسجل عندهم علشان اذا صار ماصار يكون كل شي اموثق عندهم والله يحفظكم.
اختي بعد بخصوص الجلب مب حرام تحطونه للحراسة دام السافي جي حتي لو ينبهكم لو حد
دخل البيت .
الله يحفظكم
رياني qtr
11-06-2011, 09:42 PM
احس القصة مستوحاه من فلم هندي وراعية الموضوع كل همها البيت الي ماجرته وتبغي بيت من الدولة اقول ترى الامن ف قطر من اقوى الامن بالعالم ومو معقولة بيوقفون لها دروية على الباب ليل نهار وبيوتنا لليوم بيبانها مفتوحة ليل ونهار ماعمره حد دخلها ولا فكر يشبر فيها والشباب لاتخذكم النخوة واجد ترى مو كل الي ينكتب ينصدق وبعدين الله لايهينها معقولة قطرية ومقطوعة من شجرة يبه تشوف اي حد من قرايبها عمها ولد اختها ولد خالتها المهم يكون كبير ويعيش معاهم بالبيت وانتهت القصة او تركب كيمرات على الاسوار وتشتري جيرمن شيبارد للحراسة صرنا مثل العيايز كل شي يصير لنا نكتبه بالمنتدى
الا تاخرت ترقيتي ومارقوني
الا دخلت فيلاجوا ولقيت مفاصيخ الا وحده لفت علي الا واحد دعمني وشرد
اتمنى تطرحون شي نستفيد منه بلا هالحنه قلبتوا المنتدى مجلس عيايز الله يهديكم
هبوب الكوس
11-06-2011, 10:10 PM
الله يصبرها ويفك ازمتها
Miss Model
11-06-2011, 10:19 PM
رياني .. بس احب اقول حسبي الله ونعم الوكيل .. وياجعلك تمر ف اللي احنا تمر فيييه ..!!
لو أبي بقدر احط رقم القضييية .. ورقم الملف ف آلمركزييين ..
والنآس اللي تعرضوآ حق المشكلله .. اللي نفسنآ بعد كذابين وانت الصادق .. !
طز فـ البيت يبه اذا انت تتوقع هذا اللي نبيه !! .
احنا نبي آمآن .. تعرف شنو يعني آمآآن .. !
بيوت مفتوحه قآل .. انت وين عاايششش .. ! يبه كل الناس تضرر بس محد يتكلم ويسكرون على مشاكلهم .. وكل شي من تحت لين تحححت ..!! ويتستررون على الموضوع ..
لكن آقول لك ., الدنيآ دوآره .. !! وبتلقاها ان شااءء الله ..
استهزآئك هذا بتحصله وبتجنيه يوم من الأييييام ,, والناس مالجأت الكتاابة , الا لانها يأست
ويوم انه مب عاجبك الحجي , وفر كلامك حق نفسسك , لآ تتكللم ,,
" القطري يحس بآلقطري " .. وقآلوها اخونا من قبل , " لان معدنهم اصيل ويردهم آصلهم " ,
طول عمرنا شايليييين بعض , ونفزع حق بعض , مآستخففنا بالامور . وتكلمنا عنها بهالسسخآفه بهالطرريقة ,,
والحمدلله , في نااس قدمت المساعده وخذت رقم الملف , وبتتصرف ,,
وتحققت وعرفت ان كل شي صحيح ..
والعيااييز اللي تقول عنهم , هلك ولحمك ودمك ,, احنا شعب واحد مهما اختلفنا بالقباايل ,, نضل اهل ,’
الوجع واحد , كلنا نحس فيييه ,, ومآله داعي آششرح اكثرر ,
جد كل اللي حسسسوآ وقدموا مساعدات على الخاص , احب اقولكم ,, انتو على الراس والله ,
وافتخررر ان في ناس بعدها جذيه فيههاا خييرر ,, !!! ف زمان صاررت الناس الخيره نادرررره ,
;)
مخطط قطري
11-06-2011, 10:22 PM
مس موديل وسعي خاطرج وعز الله ماقلتي الا الصج هل قطر لبعض واحنا اخوان واهل واذا عطوج بيت عليج بالعافيه تستاهلين بدال البيت بيتين ولا لج الا طيب الخاطر
بوخالد88
11-06-2011, 10:23 PM
احس القصة مستوحاه من فلم هندي وراعية الموضوع كل همها البيت الي ماجرته وتبغي بيت من الدولة اقول ترى الامن ف قطر من اقوى الامن بالعالم ومو معقولة بيوقفون لها دروية على الباب ليل نهار وبيوتنا لليوم بيبانها مفتوحة ليل ونهار ماعمره حد دخلها ولا فكر يشبر فيها والشباب لاتخذكم النخوة واجد ترى مو كل الي ينكتب ينصدق وبعدين الله لايهينها معقولة قطرية ومقطوعة من شجرة يبه تشوف اي حد من قرايبها عمها ولد اختها ولد خالتها المهم يكون كبير ويعيش معاهم بالبيت وانتهت القصة او تركب كيمرات على الاسوار وتشتري جيرمن شيبارد للحراسة صرنا مثل العيايز كل شي يصير لنا نكتبه بالمنتدى
الا تاخرت ترقيتي ومارقوني
الا دخلت فيلاجوا ولقيت مفاصيخ الا وحده لفت علي الا واحد دعمني وشرد
اتمنى تطرحون شي نستفيد منه بلا هالحنه قلبتوا المنتدى مجلس عيايز الله يهديكم
اخوي خل الناس تقول المشاكل اللي عندها او المواقف اللي تصيدهم
علشان نساهم في الحل والناس الباقية تنتبه الي هالمشكلات.
بس ياريت بخصوص الجيرمن شيبرد ( البوليسي) تنصح الاخت في انوع!!
هبوب الكوس
11-06-2011, 10:27 PM
رياني .. بس احب اقول حسبي الله ونعم الوكيل .. وياجعلك تمر ف اللي احنا تمر فيييه ..!!
لو أبي بقدر احط رقم القضييية .. ورقم الملف ف آلمركزييين ..
والنآس اللي تعرضوآ حق المشكلله .. اللي نفسنآ بعد كذابين وانت الصادق .. !
طز فـ البيت يبه اذا انت تتوقع هذا اللي نبيه !! .
احنا نبي آمآن .. تعرف شنو يعني آمآآن .. !
بيوت مفتوحه قآل .. انت وين عاايششش .. ! يبه كل الناس تضرر بس محد يتكلم ويسكرون على مشاكلهم .. وكل شي من تحت لين تحححت ..!! ويتستررون على الموضوع ..
لكن آقول لك ., الدنيآ دوآره .. !! وبتلقاها ان شااءء الله ..
استهزآئك هذا بتحصله وبتجنيه يوم من الأييييام ,, والناس مالجأت الكتاابة , الا لانها يأست
ويوم انه مب عاجبك الحجي , وفر كلامك حق نفسسك , لآ تتكللم ,,
" القطري يحس بآلقطري " .. وقآلوها اخونا من قبل , " لان معدنهم اصيل ويردهم آصلهم " ,
طول عمرنا شايليييين بعض , ونفزع حق بعض , مآستخففنا بالامور . وتكلمنا عنها بهالسسخآفه بهالطرريقة ,,
والحمدلله , في نااس قدمت المساعده وخذت رقم الملف , وبتتصرف ,,
وتحققت وعرفت ان كل شي صحيح ..
والعيااييز اللي تقول عنهم , هلك ولحمك ودمك ,, احنا شعب واحد مهما اختلفنا بالقباايل ,, نضل اهل ,’
الوجع واحد , كلنا نحس فيييه ,, ومآله داعي آششرح اكثرر ,
جد كل اللي حسسسوآ وقدموا مساعدات على الخاص , احب اقولكم ,, انتو على الراس والله ,
وافتخررر ان في ناس بعدها جذيه فيههاا خييرر ,, !!! ف زمان صاررت الناس الخيره نادرررره ,
;)
:nice:
المسك1969
11-06-2011, 10:35 PM
شسالفه السيدات القطريات كلهم مطلقات هههههه
اكيد لكل اسبابه ومافي عاقل تتطلق وتهد بيتها وتفرق عيالها عن ابوهم الا لسبب كبير
ربي يستر عليهم ويفرج هم اختنا يارب ويستر على كل مطلقه وارمل اللهم امين
المسك1969
11-06-2011, 10:40 PM
رياني .. بس احب اقول حسبي الله ونعم الوكيل .. وياجعلك تمر ف اللي احنا تمر فيييه ..!!
لو أبي بقدر احط رقم القضييية .. ورقم الملف ف آلمركزييين ..
والنآس اللي تعرضوآ حق المشكلله .. اللي نفسنآ بعد كذابين وانت الصادق .. !
طز فـ البيت يبه اذا انت تتوقع هذا اللي نبيه !! .
احنا نبي آمآن .. تعرف شنو يعني آمآآن .. !
بيوت مفتوحه قآل .. انت وين عاايششش .. ! يبه كل الناس تضرر بس محد يتكلم ويسكرون على مشاكلهم .. وكل شي من تحت لين تحححت ..!! ويتستررون على الموضوع ..
لكن آقول لك ., الدنيآ دوآره .. !! وبتلقاها ان شااءء الله ..
استهزآئك هذا بتحصله وبتجنيه يوم من الأييييام ,, والناس مالجأت الكتاابة , الا لانها يأست
ويوم انه مب عاجبك الحجي , وفر كلامك حق نفسسك , لآ تتكللم ,,
" القطري يحس بآلقطري " .. وقآلوها اخونا من قبل , " لان معدنهم اصيل ويردهم آصلهم " ,
طول عمرنا شايليييين بعض , ونفزع حق بعض , مآستخففنا بالامور . وتكلمنا عنها بهالسسخآفه بهالطرريقة ,,
والحمدلله , في نااس قدمت المساعده وخذت رقم الملف , وبتتصرف ,,
وتحققت وعرفت ان كل شي صحيح ..
والعيااييز اللي تقول عنهم , هلك ولحمك ودمك ,, احنا شعب واحد مهما اختلفنا بالقباايل ,, نضل اهل ,’
الوجع واحد , كلنا نحس فيييه ,, ومآله داعي آششرح اكثرر ,
جد كل اللي حسسسوآ وقدموا مساعدات على الخاص , احب اقولكم ,, انتو على الراس والله ,
وافتخررر ان في ناس بعدها جذيه فيههاا خييرر ,, !!! ف زمان صاررت الناس الخيره نادرررره ,
;)
أخيه لافض فوكِ ويستاهل اكثر بعد... حسبي الله ونعم الوكيل
حكآية آحسآس
11-06-2011, 10:53 PM
اولاً: مشكورة اختي على انج عرضتي لنا المشكلة وخليتينا نطلع او نشاركج بالمشكلة ولو بالقليل..
وثانياً: اختي المشكلة هذي مالها علاقة بمطلقة او متزوجه الحرامية ممكن يتجمون على اي بيت ويمكن يعرفون البيت ويمكن مايعرفونه لاي غرض كان..
وسعي خاطرج وان شاء لله كل مشكله لها حل. والشرطة والامن بقطر والله الحمد مازال رغم مانعانية من تطورات ودخول الدخلاء والاجانب بشكل كبير قطر. ولكن نحمد لله على كل حال.
الشرطة والامن الداخلي ماراح يقصرون ان شاء لله.:telephone:
خلها ترجع بيتها وان شاء لله ماراح يسير الا كل خير. بس خليها تحتاط ماتخلي بناتها او عيالها الصغار مع الخدامة بروحهم بالبيت . تحاول وتدويهم اي مكان في الوقت الي هي مب بالبيت.
وانصحها تحط الباب الاكتروني عند مدخل البيت الخارجي هو اكثر امان وخصوصيه واذا في مجال ترفع سور البيت شوي.
وان شاء لله ربي يحفظها هي وعيالها..
.
.
Miss Model
11-06-2011, 11:35 PM
ابشششششششششششركم
كاهو طب علينا للمره الثالثه
واللي يبي يجووف حيااه اللله ,,
برررررررررررررررررررب , حتى انتهاء التحقيق , مع البحث والجنائيات , !
Miss Model
11-06-2011, 11:38 PM
ولآ طلع من الباب الرئيسي وبيتنا على الشارع , لو في تحريات كان شافوه :) اوكيه ؟
وبررررب, انا بس سرقت كمن دقيييقققه ..! بس عشان اقول لكم ,,
Right
11-06-2011, 11:38 PM
لا حول ولا قوة إلا بالله
حسبنا الله ونعم الوكيل
منارة الدوحة
12-06-2011, 12:12 AM
ابشركم امسكوووووووووووووووووووووه الحين
منارة الدوحة
12-06-2011, 12:20 AM
امسسسسسسسسسسسسسسكووووووووووووووووووه و اللي مب مصدق يروح المركز و دعوة خاصة مني ل حسن و رياني انهم يروحون المركز و يتفرجووووووووون و اذا ما عندهم سيارة بطرش لهم لموزين على حسابي
هبوب الكوس
12-06-2011, 12:23 AM
سيارة بطرش لهم لموزين على حسابي
هههههههههههههههههههههههه
بنت قطريههه
12-06-2011, 12:26 AM
الله يحفظج انشاءالله انتي وعيالج ... الدنيا مالها امان يبي لها حرص ..
ابوعلي اليافعي
12-06-2011, 12:30 AM
الف الف مبروك اختي والحمدلله على سلامتكم ..الحين نترك الموضوع للداخليه تاخذ اجرائاتها مع المجرم..واعتقد النقاش خذ حقه في الموضوع لذى لزم اغلاقه
Powered by vBulletin® Version 4.2.5 Copyright © 2024 vBulletin Solutions Inc. All rights reserved.