استفسار: عن صلالة الاماكن السياحيه الفنادق طيران

[==النور==]

استفسار عن صلالة

ناوية اذا الله راد اروح صلالة مع عيالي ------طبعا طيران----

اذا حد ممكن يساعد بخصوص اي مطار نحجز؟في مطار بصلالة ؟؟على اي خطوط؟؟

وكذلك السكن ---------------------ندورر البراد والمناظر الطبيعية والترفيه,,واهم شي الامن لنا-------انتظر ردودكم الطيبة

ووجزيتم خير الجزاء

[السنافية]

حسب علمي مطار صلالة داخلي يعني تنزلون بمطار مسقط ساعتين وبعدين على صلالة
عندج الخطوط القطرية والطيران العماني دايركت على مطار مسقط
بس اتوقع الحين الجو حار صلالة تفضل بموسم الخريف
اتمنى لج رحلة سعيدة :)

[leeth]

كيف الطريق للسيا ره

[زقرت]

صلاله تطلع لها على الطيران العماني دوحه مسقط مسقط صلاله
واذكر ان فيه تاجير سيارات فورويل من المطار اذا بغيت
فيها كذا فندق لاكن ماذكر اساميهم واذا تبي شقق او فلل انصح ب صلاله الجديده راقيه وهاديه و الاسعار جيده
اذكر خذنا شقه ديلوكس غرفتين وصاله ومطبخ ب 350
صلاله حلوه لاكن بالكثير عليها خمس ايام مافيها الى ملاهي واحده ومجمع واحد

[زقرت]

كيف الطريق للسيا ره

15 ساعه من الدوحه
تطلع من الدوحه الى العين
ومن العين تاخذ منفذ مزيد الحدودي
واطلب من المنفذ العماني خريطه الطريق لصلاله
والخريط واضحه وضوح الشمس

[مهل]

على الطيران العماني من الدوحه الى مسقط ثم الى صلاله او اعتقد فيه طيران اماراتي ناسي اي واحد ولكن من بوظبي الى صلاله مباشره دون النزول الى مسقط

السكن فيه فنادق خمس نجوم و الحجز لازم يصير باسرع وقت و فيه ايضا قريه او منتجع كبير جذا جذا اشبه بشاليهات مسيعيد .. هذا ممتاز و تصير فيه فعاليات الصيف داخله


كيف الطريق للسيا ره


انسى تروح صلاله بالسيره .. اسئل مجرب .. غير طول المسافه و قله محطات لبترول و الخدمات المتواضعه جدا على الطريق .. يعتبر الطريق خطر جدا جدا بسبب المسار المزدوج (شارع واحد رايح جاي) و ايضا البقر و الابل على الطريق شي خطر جدا خصوصا في الليل

[أسد الجزيرة]

افضل وقت لزيارة صلالة شهر 8 و عن طريق العمانية حدعا اسبوع بالكثير

[ذيب ولد ذيب]

انسى تروح صلاله بالسيره .. اسئل مجرب .. غير طول المسافه و قله محطات لبترول و الخدمات المتواضعه جدا على الطريق .. يعتبر الطريق خطر جدا جدا بسبب المسار المزدوج (شارع واحد رايح جاي) و ايضا البقر و الابل على الطريق شي خطر جدا خصوصا في الليل


اسمحلي يالطيب ,,

طريق صلاله صح انه اتجاه واحد لكنه فاضي وماعليه زحمه وانا سافرت عليه وماحسيت بشي بالعكس افكر اسافر مره ثانيه بالسياره ,,

والبقر هذا اكيد اذا انك رحت بالطياره بتاجر سياره يعني نفس السالفه بتواجه البقر ولازم تحاسب ,, اما فالخط لاماشفت ولا بقره ,,

اللي يحب السفر بالسياره ويحب الخطوط ماعنده مشكله واللي متعود على خط مكه ماعنده مشكله ,,

[ذيب ولد ذيب]

وافضل وقت لزياره صلاله هو شهر ثمانيه والافضل بعد نص ثمانيه ,, اما شهر سبعه ما انصح احد ,,

[ذيب ولد ذيب]

كيف الطريق للسيا ره


اخوي بالسياره افضل شي تطلع من الدوحه مروراً بالعين منفذ مزيد الى عبري ,, تبات في عبري والفجر تطلع لصلاله بتوصل حدود الساعه 2 الظهر ,,

[مهل]

اسمحلي يالطيب ,,

طريق صلاله صح انه اتجاه واحد لكنه فاضي وماعليه زحمه وانا سافرت عليه وماحسيت بشي بالعكس افكر اسافر مره ثانيه بالسياره ,,

والبقر هذا اكيد اذا انك رحت بالطياره بتاجر سياره يعني نفس السالفه بتواجه البقر ولازم تحاسب ,, اما فالخط لاماشفت ولا بقره ,,

اللي يحب السفر بالسياره ويحب الخطوط ماعنده مشكله واللي متعود على خط مكه ماعنده مشكله ,,

البقر و المطايا داخل صلاله مافيه مشكله عادي و اصلا من جماليات البلد :)

البلا البقر و المطايا الي على الطريق ،، تعرضنا لموقفين على الطريق ولله الحمد ربك ستر .


كلن على هواه و الي يناسبه .. اعرف شخص عمره قريب ٦٠ كل سنه يروح صلاله بالسياره مع مجموعه شيبان . الله يحفظه

[we-r-sawa]

فتحوا فندق هيلتون وماريوت هذي السنة وفخمين جدا وتقدرين تدخلين على موقع هذي الفنادق مباشرة من google وباذن الله ناويين نروح لها برمضان مثل ماتفضل واحد من الأخوان وحسب ماقالوا العمانيين في مسقط أفضل فترة بشهر 8

[ذيب ولد ذيب]

فتحوا فندق هيلتون وماريوت هذي السنة وفخمين جدا وتقدرين تدخلين على موقع هذي الفنادق مباشرة من google وباذن الله ناويين نروح لها برمضان مثل ماتفضل واحد من الأخوان وحسب ماقالوا العمانيين في مسقط أفضل فترة بشهر 8


مشكلة فندق الماريوت انه بعيد عن وسط صلاله ,, يعني تمرين بطريق مقطوع وهذا الشي الي ماخلاني احجز فيه

[we-r-sawa]

مشكلة فندق الماريوت انه بعيد عن وسط صلاله ,, يعني تمرين بطريق مقطوع وهذا الشي الي ماخلاني احجز فيه

شكرا أخوي على هالمعلومة،وباين مو أول مرة تروح فهل تقترح فندق هيلتون وكيف موقعه؟لأن ناويين نروح برمضان اذا شاء الرحمن

[ذيب ولد ذيب]

شكرا أخوي على هالمعلومة،وباين مو أول مرة تروح فهل تقترح فندق هيلتون وكيف موقعه؟لأن ناويين نروح برمضان اذا شاء الرحمن


الهلتون موقعه حلو بالنسبه لفنادق صلاله وهناك فندق الكروان بلازا بعد ممتاز , لكن الصراحه ماسكنت فيه فما اقدر اقيم من الافضل فيهم بس هم افضل فندقين في صلاله على حسب علمي ,, والماريوت انا كنت بحجز فيه في صلاله بس لما رحت له بالسياره كنسلت لانه بعيد وخطه مقطوع وبالليل موحش وفي ابل تمر يعني خطر ,,

[we-r-sawa]

الهلتون موقعه حلو بالنسبه لفنادق صلاله وهناك فندق الكروان بلازا بعد ممتاز , لكن الصراحه ماسكنت فيه فما اقدر اقيم من الافضل فيهم بس هم افضل فندقين في صلاله على حسب علمي ,, والماريوت انا كنت بحجز فيه في صلاله بس لما رحت له بالسياره كنسلت لانه بعيد وخطه مقطوع وبالليل موحش وفي ابل تمر يعني خطر ,,

مشكور على الرد وكلك ذوق والله وربي يسخر لك عباده وييسر أمورك وماقصرت وفعلا هذي المعلومة قيمة جيدا وفي ميزان حسناتك ان شاالله