تسجيل الدخول

مشاهدة النسخة كاملة : استفسار : شلووون اطلع فيزا حق امريكا باقصى سرعه ضروري !!!


ظل القمر
10-06-2011, 08:40 PM
السلام عليكم ورحمة الله وبركاته

يا جماعه بغيت اطلع فيزا لامريكا باقصى سرعه

حد يعرف مندوب او اي طريقه اقدر من خلاله اطلعها

ضروري الله يجزاكم خير
هبة ريح
10-06-2011, 08:49 PM
اكيد كل شيء ف السفارة وماتوقع الفيزة بطول
ظل القمر
10-06-2011, 10:21 PM
ادري انه بالسفاره

انا اقصد احد يخلصها لي بسرعه
لحاله مستعجلله جدا
La Bella
10-06-2011, 11:38 PM
أول شي تروحين الاستيديو وتقولين لهم صور للفيزة امريكا
حجز التذاكر وحجز الفندق
وتروحين اي مكتب سفريات يعبي لج الطلب وياخذ لج موعد من السفاره
وبعدها تروحون السفاره وخلال 3 ايام او 4 ايام الفيزا جاهزة
][ الوحيد ][
11-06-2011, 01:02 AM
أول شي تروحين الاستيديو وتقولين لهم صور للفيزة امريكا
حجز التذاكر وحجز الفندق
وتروحين اي مكتب سفريات يعبي لج الطلب وياخذ لج موعد من السفاره
وبعدها تروحون السفاره وخلال 3 ايام او 4 ايام الفيزا جاهزة


وممكن تطول الفيزا اكثر من هالفتره :)
هبة ريح
11-06-2011, 02:11 AM
ماتوقع اطول اقصى حد يومين
هبة ريح
11-06-2011, 02:12 AM
ادري انه بالسفاره

انا اقصد احد يخلصها لي بسرعه
لحاله مستعجلله جدا

الله يعينك ماعرف صراحه :rolleyes2:
مهل
11-06-2011, 02:24 AM
السلام عليكم

ظل القمر .. ايش الحاله المستعجله ؟

طبعا مابي اعرف ولكن بقولج ليش .

الاجراء كالتالي ،، تروحين تصورين و تذكرين لهم ان التصوير للسفاره الامريكيه .

بعدها تمرين حد من المكاتب يعبيلج الطلب في النت او اذا عندج درايه عبيه انتي .

بعد الانتهاء من تعبذه الطلب تطلع لج خانه لتحديد موعد للمقابله .. اتوقع بيعطونج موعد بعد اسبوعين تقريبا .

اذا يناسب انتظري الموعد ،، اذا ماينسب روحي ثاني يوم للسفاره الساعه ٦ و نص الصبح وقفي في الطابور و عطيهم الاوراق و اذا قالولج انه موعدج بدري عليه اشرحيلهم الوضع او عطيهم اثبات حالتج المستعجله .. مثلا كتاب طبي او دراسه او اي مر يثبت انج تحتاجين الفيزه بسرعه .. اذا دخلوج و قبلو العذر .. بالكثير يومين و الفيزه عندج
مستثمر 999
11-06-2011, 02:28 AM
الاجراءات سهله وسريعه وخاصه اذا انت قطري


للقطريين بحد اقصى بعد يومين من بعد المقابله وصلاحيتها 10 سنوات بدون تحديد

اول عن عن طريق النت ( بيانات سهله وتحديد موعد )

صوره شخصيه + تسديد الرسوم اعتقد 500 ريال في البنك التجاري فقط

ولا تحاول تألف قصص لانهم يعرفون عنك كل شي

وتحياتي
الـقـاسـي
11-06-2011, 02:34 AM
سهل الموضوع دشين موقع السفاره الامريكيه في قطر وتعبين الابلكيشن بس قبلها لازم تدفعين الفلوس لانه مطلوب رقم الوصل مال المبلغ وهو 479 ريال في التجاري تندفع ,,
وتحددين الموعد اذا في علاج او شي هناك تقدمين مايثبت هالشي وترى لهم عرات ممكن تتاخر وممكن على طول انا لما قدمت ثاني يوم خذتها واخوي قدم ونفس اليوم قالوا له تعال العصر خذها بس اتوقع عشان عندهم اجازه اليوم اللي عقبه وفي ناس يطولون لين ماياخذونها ..
ظل القمر
11-06-2011, 12:54 PM
انا عندي مريض راح يعمل عمليه بداية الاسبوع القادم
والمصيبه انه الموعد مع السفاره وايد بعيد
نهاية الشهر
دفعت اليوم عند التجاري وصورت الصور الي يبونها
وسويت الابلكيشن من النت وهم كشف حساب وبتوصلني اوراق من المستشفى
يبقى العصر حجز التذكرة والفندق
يعني تهقون لو رحت بكره من اول الصبح بينفع ! ادخل واخلص السالفففففه !!

رحت مكتب سفريات اقول لهم عندكم مندوب يخلصها لي بسرعه ما عندهم حق السفاره
الامريكيه !!
ظل القمر
11-06-2011, 01:22 PM
وفي نقطة ثانيه

كيف اطلع رخصة سياقه دوليه حق اهناك !
مهل
11-06-2011, 04:27 PM
انا عندي مريض راح يعمل عمليه بداية الاسبوع القادم
والمصيبه انه الموعد مع السفاره وايد بعيد
نهاية الشهر
دفعت اليوم عند التجاري وصورت الصور الي يبونها
وسويت الابلكيشن من النت وهم كشف حساب وبتوصلني اوراق من المستشفى
يبقى العصر حجز التذكرة والفندق
يعني تهقون لو رحت بكره من اول الصبح بينفع ! ادخل واخلص السالفففففه !!

رحت مكتب سفريات اقول لهم عندكم مندوب يخلصها لي بسرعه ما عندهم حق السفاره
الامريكيه !!

اختي دام مستشفى و عمليه و فيه موعد .. اخذي اوراقج و روحيلهم الصبح ٦:٣٠ خليج واقفه عند باب السفاره باوراقج .. ولا حد راح يقولج شي و فيزتج دام فيه علاج يعني ثاني يوم بتستلمينها ان شاءالله

بخصوص الليسن .. تاخذين ليسنج القطري و تاخذين صورتين .. و تروحين سفريات ريجنسي .. الي موقعم بيكون على يدج اليمين و انتي طالعه من اشاره الشورى رايحه اشاره السد .. فيه كاونتر استقبال في الوسط .. قوليلهم بطلع ليسن دولي و عطيهم ١٥٠ ريال .. وقعي على الطلب و بعد ٥ دقايق الليسن ان شاءالله في يدج .

بس تاكدي من كتابه الاسهم الصحيحه .
clouds
11-06-2011, 06:01 PM
انا عندي مريض راح يعمل عمليه بداية الاسبوع القادم
والمصيبه انه الموعد مع السفاره وايد بعيد
نهاية الشهر
دفعت اليوم عند التجاري وصورت الصور الي يبونها
وسويت الابلكيشن من النت وهم كشف حساب وبتوصلني اوراق من المستشفى
يبقى العصر حجز التذكرة والفندق
يعني تهقون لو رحت بكره من اول الصبح بينفع ! ادخل واخلص السالفففففه !!

رحت مكتب سفريات اقول لهم عندكم مندوب يخلصها لي بسرعه ما عندهم حق السفاره
الامريكيه !!
الفيزا يوم واحد ويعطونكم
ظل القمر
12-06-2011, 06:35 PM
جزاكم الله خير اخواني خصوصا الي قالوا رحوا من ست ونص الصبح وبيدخلونج

الحمدلله رحنا ودخلوني بدون موعد وتيسرت الامووووور كلها

وبكره ان شاء الله استلام الفيزا الساعه 3 العصر

دعواتكم يا جماعة الخير

وجزاكم الله خير
قطري طموح
13-06-2011, 03:45 PM
الله يوفقك ياظل القمر ويشفي مريضكم .
لطآم
14-06-2011, 04:08 AM
صورتين خلفيه بيضا
وطلب تعبينه بمكتب السفريات بيحدد لج الموعد
وقبل الموعد تروحين تدفعين الرسوم يعطونج الوصل
من البنك التجاري تقولين لهم رسوم فيزاء امريكا
وتسوين المقابله الصبح اذا خذوا جوازج الصبح
العصر تستلمين الفيزاء ان شاءلله
هذا اللي صار معاي بالضبط مقدم الطلب تاريخ
6/1/2011 والمقابله بتاريخ 19/1/2011
خلصت المقابله الصبح العصر خذيت جوازي فيزاء عشر سنوات
بس بقولج شيء اذا جوازج جديد توج مسويته اخذي معاج الجواز القديم
لانهم يطلبونه مثل ماسوا معاي جوازي جديد ماصارله سنه قالوا جيب القديم
نعطيك الفيزاء العصر واذا ماجبته بنعطيك الفيزاء بعد اسبوعين لين مايخاطبون المركز
الرئيسي بأمريكا وعقب يوافقون لي رحت جبته والعصر خذت الفيزاء الحمدلله
ALRAYYAN
14-06-2011, 07:12 AM
صورتين خلفيه بيضا
وطلب تعبينه بمكتب السفريات بيحدد لج الموعد
وقبل الموعد تروحين تدفعين الرسوم يعطونج الوصل
من البنك التجاري تقولين لهم رسوم فيزاء امريكا
وتسوين المقابله الصبح اذا خذوا جوازج الصبح
العصر تستلمين الفيزاء ان شاءلله
هذا اللي صار معاي بالضبط مقدم الطلب تاريخ
6/1/2011 والمقابله بتاريخ 19/1/2011
خلصت المقابله الصبح العصر خذيت جوازي فيزاء عشر سنوات
بس بقولج شيء اذا جوازج جديد توج مسويته اخذي معاج الجواز القديم
لانهم يطلبونه مثل ماسوا معاي جوازي جديد ماصارله سنه قالوا جيب القديم
نعطيك الفيزاء العصر واذا ماجبته بنعطيك الفيزاء بعد اسبوعين لين مايخاطبون المركز
الرئيسي بأمريكا وعقب يوافقون لي رحت جبته والعصر خذت الفيزاء الحمدلله


معلومه مهمه والله .. بوديه معاي لين جا وقت المقابله ان شاء الله :nice: