الى وزارة الداخلية ..... فتشوني في ايران .. وفتشوني في السعودية .. وفتشوني في امريكا

[البدع]

اذا تروح السعودية تلاقي نقاط تفتيش (قبل كانوا يمشوني ... الحين بعضهم يوقفني ويسالني وين الرخصة وملكية السيارة)

في ايران ايضا تفتيش ... ولكن العن .. (يفتش اوراق السيارة والي في السيارة)

وفي امريكا واجهتني نفس الشيء

وفي اليابان كذلك (يسال عن البطاقة الشخصية ويفتشك يشوف معاك مخدرات او اسلحة)

البعض يظن انه نظام سيء وديكتاتوري

بينما الحقيقة انه نظام جيد جدا ويحمي المجتمع

تلاقي تاجر المخدرات يخاف يشيل مخدرات او سلاح او حتى يسرق سيارة

وتلاقي العمال الهاربين يخافون من الهروب او الدخول بطريقة غير شرعية

مشكلتنا ان وزارة الداخلية تسال على الليسن والمكية فقط في نقاط التفتيش (الليلة فقط)

ماتفتش السيارة

او توقف العمال وتطلب منهم ابراز هويتهم لمعرفة اذا كانوا مخالفين ام لا

ليس شرط ان تفتش كل العمال او الناس

لو تفتش بشكل عشوائي فراح تلاقي الكل يخاف ويمشي بشكل قانوني

هذا يسمى نظام رقابة تطبقه اغلب الدول

وعندنا للاسف لايطبق

[المرحب]

البدع

صدق فتشوووووك :omg:


تسلم على الموضوع يا الغالي

فعلاً كنت أتمنى يحصل هذا عندنا في الدوحه وخصوصاً في الصناعية وفي أكثر من نقطة

[البدع]

البدع

صدق فتشوووووك :omg:


تسلم على الموضوع يا الغالي

فعلاً كنت أتمنى يحصل هذا عندنا في الدوحه وخصوصاً في الصناعية وفي أكثر من نقطة

لو اقولك شلون فتشوا سيارتي في تريكا او ايران بتنصدم

فتشوها قطعة قطعة

حتى تاير السبير نزلوه

صدقني

لو وزارة الداخلية توقف الناس بشكل (عشوائي) وتفتشهم تفتيش دقيق

بتلاقي الكل يخاف من الهروب من كفيله

وستقل نسبة الجرائم عندنا في قطر

بس الاحظ انهم معتمدين على (المعلومات) فقط

[بصمة قطرية]

فعلاً اخوي لو تطبق هالشي عندنا راح تخف المخالفات ..
ولا راح تلقى عمال هاربين ..

[وبشرالصابرين]

كان اول نقاط تفتش الشباب ومخلفات المخفي وحجز على صور المكينه

[البدع]

فعلاً اخوي لو تطبق هالشي عندنا راح تخف المخالفات ..
ولا راح تلقى عمال هاربين ..

مرة كان عندي مصري عامل

قال لي : رفيجه صار له 4 سنين هارب من كفيله

قلت له كيف عايش

يقول عادي .. مابيطلعش بالليل

قال بي : بيجمع فلوس عقب بيسلم نفسه

وبيسافر على حساب الدولة او كفيله

[البدع]

كان اول نقاط تفتش الشباب ومخلفات المخفي وحجز على صور المكينه

شاطرين يفتشون صوب الدحيل ومدينة خليفة والكورنيش

وحدهم يفتش على ليسن السائق فقط والملكية

اما الباقي مايدريون عنه خير شر

لو شايل مخدرات مادروا عنه

[بوخالد88]

اي نعم اخوي للاسف التفتيش عندنا يصير لقافة بس جي من غير سبب يبغي يوقفك الموتر ايش عليه هدرز سويدي ولا بحريني والموتر عليه تنسيم ،لا لا عيل اكيد الهد ممسوح عند كويتي وخذ تاليف علي كيف كيفك ، اما امريكا والله مب من احسن لك توقف راح يطلع اعيونك بس علي التفتيش العادي ،اتحصل الشرطي يتمتع بهاشي علي اقل من راحته يوقفك علي جنب ، وبعد عشر دقايق ينزل طبعا لما توصل الدورية المساندة وعلي اقل من مهل يطلب الرخصة ويبلغ ولما يردون عليه .وانت ردد ياللللليل .

يعطيك العافية اخوي.

[MAZEN37]

كلامك صحيح بس الحمدلله الدار دار امن وامان والتجاوزات بسيطه
وان كان في حاجه ماسه ما بيقصرون وهم كفو
الله ادم علينا الامن والامان

[qtr qtr]

اخوي البدع ترى الشخص اللي عنده مخدرات او متعاطي المخدرات مرااقب 24 ساعه من قبل التحريات لا تفكر ان الداخليه راقدين .. والحمدلله الله يعطيهم الف عافيه
اما العماله السائبه ترى في مداهمه عليهم .. تحصلهم يداهمونهم في سكنهم او في المحلات ... وياما صادوا

كل دوله ولها سياستها بطرق تتبع الجرائم

في حد تهجم عليك او حد تعرضلك في بيتك ؟؟؟؟؟

[فاروع]

اللهم اجعل هذا البلد آمنا وسائر بلاد المسلمين

[حسن]

انا عندي شور يالبدع احسن ان تقوم الداخليه تركب اجهزه تفتيش مطوره مثل اللي في مركز بوسمره وتحطها على جميع الخطوط الداخله للدوحه والخارجه مثل الوكره ودخان والشمال وسلوى واي سياره تطلع اوتدخل تتفتش عن كل شي مخفي هروب هدرز دبه صوت استماره حوادث مخدرات مطلوب للشيكات هروب خدم وعمال اتنها لياسن واقامات ها شرايك مهب احسن

[Bu Rashid]

البدع دائما مبدع

كفايه زحمه الشوارع وهم يفتشونا .. رحنا فيها
ممكن يكون التفتيش ليلا وعند دخول الدوحه
ويكون الاختيار عشوائيا

مثلا اذا مر اخونا بوحارب على طول تفتيش كامل وذاتي ايضا :secret:
واذا مرت أختنا روز يؤدون لها التحيه :)

[R 7 A L]

صادق اخوي البدع
ياليت التفتيش عندنا في قطر يصير مثل التفتيش في امريكا

دوريات امريكا 24 ساعة خارج مقر العمل تدور وتوقف وتراقب السيارات اي سيارة يشكون فيها من ناحية الشكل او قيادة راعيها اذا كانت مو مضبوطة يوقفونه وكل سيارات الشرطة عندهم مزوده بكمبيوتر



اتمنى اتمنى من مدير إدارة المرور السيد سعد الخرجي الله يصبحه بالخير يعمل دورات لافراد المرور في امريكا على شان يطبقون النظام الرائع عندنا

[المقاول]

اخوي .. منضر نقاط التفتيش في اى بلاد ورجال الامن تحجز هذا وتفتش على هذا منضر مزعج
يوحي بضعف الاجهزه الامنية .. وغياب احترام الانسان المحترم.. تخيل نفسك انت وعائلتك داخل قطر وخارج في نزهه مع اولادك والاولاد مبسوطين .. فجأه نقطت تفتيش تفتش عليك . شيصير فى الاولاد على طول بيخافون وبتغيب السعاده عنهم . رجال شرطة وتفتيش. اطفال. يعني قانون طواري وهذا اللي تحاربه الشعوب في مصر وسوريا..لكن بخصوص المخالفات والمطلوبين . كل الاجهزة الامنية تعمل وتترصد ولها مصادرها وتحاول ان تجد الوقت والمكان المناسب للقبظ حتى لا ينزعج المواطن والمقيم والاسر المحترمه... في قطر كل الاجهزة الامنية التابعة لوزارة الداخلية وخاصتا مكافحة المخدرات تعمل بكل جد واجتهاد . قطر تعتبر خالية تماما
من المخدرات. شكرا لوزارة الداخلية والعاملين فيها..
المـــــقاول

[راعي البيرق]

اخوي .. منضر نقاط التفتيش في اى بلاد ورجال الامن تحجز هذا وتفتش على هذا منضر مزعج
يوحي بضعف الاجهزه الامنية .. وغياب احترام الانسان المحترم.. تخيل نفسك انت وعائلتك داخل قطر وخارج في نزهه مع اولادك والاولاد مبسوطين .. فجأه نقطت تفتيش تفتش عليك . شيصير فى الاولاد على طول بيخافون وبتغيب السعاده عنهم . رجال شرطة وتفتيش. اطفال. يعني قانون طواري وهذا اللي تحاربه الشعوب في مصر وسوريا..لكن بخصوص المخالفات والمطلوبين . كل الاجهزة الامنية تعمل وتترصد ولها مصادرها وتحاول ان تجد الوقت والمكان المناسب للقبظ حتى لا ينزعج المواطن والمقيم والاسر المحترمه... في قطر كل الاجهزة الامنية التابعة لوزارة الداخلية وخاصتا مكافحة المخدرات تعمل بكل جد واجتهاد . قطر تعتبر خالية تماما
من المخدرات. شكرا لوزارة الداخلية والعاملين فيها..
المـــــقاول

لا اخوي اختلف معاك في هاي النقطة
لانه المفروض تقول لعيالك ولاسرتك ان هالشي من اجل صالح البلاد وامنها
وتربي فيهم هذا الحس الامني
بمعنى انه مادام هذا العمل في صالح البلد فلا بد ان العيال يفرحوون ويايدون هالعمل

[Mohammed2]

بس اذا كل نقطة تفتيش بيقعدون يفكون السياره والسبير ومادري ايش ...
يبيلهم على الاقل ساعتين !!
واذا في اكثر من سياره يبيلهم ساعات وساعات
وبتصير زحمه عند نقاط التفتيش ويمكن في ناس مستعجلين
فمادري احسها صعبه شوي ان لازم السياره تتفكك
والحمدلله في بلدنا نسبه الاجرام ضئيله ولله الحمد
مع ان صح ان الدوله لازم تزيد من نسبه الامان لكن اكيد في طرق ثانيه للتفتيش تكون اسهل واسرع
ممكن يكون في جهاز تدخل فيه السياره ويفتشها مثل اللي بالمطارات

ومشكور اخوي على طرحك لمثل هذا الموضوع المهم

[المقاول]

ارحب بوجهة نظرك.

[ابن الجزيرة]

اذا تروح السعودية تلاقي نقاط تفتيش (قبل كانوا يمشوني ... الحين بعضهم يوقفني ويسالني وين الرخصة وملكية السيارة)

في ايران ايضا تفتيش ... ولكن العن .. (يفتش اوراق السيارة والي في السيارة)

وفي امريكا واجهتني نفس الشيء

وفي اليابان كذلك (يسال عن البطاقة الشخصية ويفتشك يشوف معاك مخدرات او اسلحة)

البعض يظن انه نظام سيء وديكتاتوري

بينما الحقيقة انه نظام جيد جدا ويحمي المجتمع

تلاقي تاجر المخدرات يخاف يشيل مخدرات او سلاح او حتى يسرق سيارة

وتلاقي العمال الهاربين يخافون من الهروب او الدخول بطريقة غير شرعية

مشكلتنا ان وزارة الداخلية تسال على الليسن والمكية فقط في نقاط التفتيش (الليلة فقط)

ماتفتش السيارة

او توقف العمال وتطلب منهم ابراز هويتهم لمعرفة اذا كانوا مخالفين ام لا

ليس شرط ان تفتش كل العمال او الناس

لو تفتش بشكل عشوائي فراح تلاقي الكل يخاف ويمشي بشكل قانوني

هذا يسمى نظام رقابة تطبقه اغلب الدول

وعندنا للاسف لايطبق



التفتيش تم في المعابر...


هل تم تفتيشك في امريكا او السعودية او حتى ايرات في الشارع


يجب الا نخلط الامور

التفتيش في الشارع يتم على شكل حملات امنية او بموجب معلومة او بلاغ

اما ان تتحول الشوارع الى نقاط تفتيش فهذا مرفوض فلسنا في حالة طواريء


تصيحون كل يوم من الزحمة وتعطيل السير وفي نفس الوقت تطالبوا بالتفتيش عن العمال الهاربين في الشوارع


عجبي

[حسن]

يابن الجزيره علشان يستتب الامن ولا انت شرايك

[ابن الجزيرة]

يابن الجزيره علشان يستتب الامن ولا انت شرايك

الامن مستتب وللله الحمد واعتقد قطر من اقل البلدان في نسبة الجريمة



من ناحية اخرى ..نظم الوقاية من الجريمة ودراءها قبل وقوعها طورت بشكل كبيرل جدا ولم يعد التفتيش هو العامل الرئيس


المعلومات الاستخباراتية هي الاهم هنا وان كان مطلوب من حين الى اخر التفتيش في اماكن التجمعات المشبوهة


المخدرات مثلا لا تصنع في قطر حسب علمي ولكنها تدخل البلاد عبر المنافذ وخاصة التهريب عن طريق البحر من دول مجاورة وتحديدا ايران وباكستان


وهذا يتطلب المراقبة البحرية وزيادة الدوريات البحرية الحديثة

هروب العمال والخدم تتطلب وعي اجتماعي اكثر منها حل امني


فلو كل مواطن اضطلع بدوره الوطني وبلغ عن كل هارب لما وجدت احدا يشكوا من غياب وهروب العمال


يعني المشكلة اساسا ليست في الداخلية واجهزتها بل في المواطن الذي يقبل تشغيل


عامل او عاملة هاربين من مخدوميهم

[سما الوطن]

والله هاي النظام اللي تريده نظام دوليه بوليسيه

شنو توقيف واشتباه وتفتيش !!!


ولو حد في قطر توقف بهذه الطريقه والله بتلاقيه كتبت موضوع طويل عريض هني بالمنتدى يحتج
ويكون معاه حق

الله يديم عليه نعمه الامان والحريه والكرامه
وما نستوي مثل بعض الدول ..حواجز وتفتيش و و ....بحجه ومن غير حجه

وبعدين اخي معلوماتك خطأ
في امريكا مستحيل اي شرطي يقدر يوقف سياره ويفتشها
ما عنده تلك الصلاحيه
تلاقي سياره مجرم ومشتبه ان بالسياره استوت الجريمه وتم عند الشرطه واقفه ولا حد يقد يقرب منها حتى يحصلون على اذن تفتيش

وعلى فكره بالدول اللي تقول انها بها تفتيش و و ..ما اشوف معدل الجريمه انخفض عندهم

ما ادري ميزه عندنا لا تريدها وتتمنى نظام لا يحترم حريه الانسان ولا كرامته

وتتكلم عن معدل للجريمه بقطر
هي لله الحمد منخفضه اصلا
تتكلم عنها كأنها نسبه عاليه!!

[مخطط قطري]

ياخي انا سافرت السعوديه 100 مره وامريكا 30 مره وايران زرتها مره وحده في مهمه رسميه ولا عمرهم فتشوني ياخي يمكن انت شكلك شبهه عادي يعني مب شرط فتشوك لازم بعد تبي في قطر تفتش
قطر امن وامان ولله الحمد ولا هذا مؤشر على مقياس الامن ترا التفتيش للعلم بس يعني تحليلك الاخير واستنتاجك المبنى على الموضوع دليل قصر وضيق ادراكك
ياخي مادري شلون طريقه تفكيرك انت الله يعنيك على عمرك الجهل فعلا عدو الانسان

[سما الوطن]

صباح الخير اخوي البدع احنا تفتيشنا تفتيش تجاري
يعني يوقفونك في الطريق علشان يشفون الملكية او الرخصة منتهيه مركب مخفي علشان يعطونك مخالفه
صراحه من حقهم ربعنا يدخلون في عالم البزنس والتجارة !!!
الدول الثانية تفتيشهم امني بالدرجه الاولى يعني امن المواطن والوطن من اهم اولياتهم

الدول الثانيه ما عندها للمواطن كرامه

وكل الدول المتقدمه والراقيه تحترم حريه المواطن
وتفتيشهم فقط للرخص والملكيه ..وهذا ليس فقط لناحيه البزنيس بل من ناحيه امنيه بعد وحتى لو كان من ناحيه بزنس فما اشوف فيها شي

[بلوتنيوم]

ارفع كتاب بالاقتراح لوزارة الداخلية
واقترح عليهم التفتيش يكون 6:30 صباحا و 2 بعد الظهر و 7 مساءا
علشان المجرمين مايفلتون من العقاب :)

[OREO]

والله هاي النظام اللي تريده نظام دوليه بوليسيه

شنو توقيف واشتباه وتفتيش !!!


ولو حد في قطر توقف بهذه الطريقه والله بتلاقيه كتبت موضوع طويل عريض هني بالمنتدى يحتج
ويكون معاه حق

الله يديم عليه نعمه الامان والحريه والكرامه
وما نستوي مثل بعض الدول ..حواجز وتفتيش و و ....بحجه ومن غير حجه

وبعدين اخي معلوماتك خطأ
في امريكا مستحيل اي شرطي يقدر يوقف سياره ويفتشها
ما عنده تلك الصلاحيه
تلاقي سياره مجرم ومشتبه ان بالسياره استوت الجريمه وتم عند الشرطه واقفه ولا حد يقد يقرب منها حتى يحصلون على اذن تفتيش

وعلى فكره بالدول اللي تقول انها بها تفتيش و و ..ما اشوف معدل الجريمه انخفض عندهم

ما ادري ميزه عندنا لا تريدها وتتمنى نظام لا يحترم حريه الانسان ولا كرامته

وتتكلم عن معدل للجريمه بقطر
هي لله الحمد منخفضه اصلا
تتكلم عنها كأنها نسبه عاليه!!


الدول الثانيه ما عندها للمواطن كرامه

وكل الدول المتقدمه والراقيه تحترم حريه المواطن
وتفتيشهم فقط للرخص والملكيه ..وهذا ليس فقط لناحيه البزنيس بل من ناحيه امنيه بعد وحتى لو كان من ناحيه بزنس فما اشوف فيها شي

المشكله انج تتكلمين بدون دراية وعلم ،،، انصحج تاخذين لج جولة على مركز العاصمه لمدة ساعه و تشوفين انواع و اشكال و الوان الجرايم ،،

[Rashid554]

والله لو فتشونا ماراح يسكتون الاخوان بالانتقادات
راح يقولون احنا قطرين وشلون يفتشونا وشلون وشلون ومن هالكلام

[قسماً]

مرة كان عندي مصري عامل

قال لي : رفيجه صار له 4 سنين هارب من كفيله

قلت له كيف عايش

يقول عادي .. مابيطلعش بالليل

قال بي : بيجمع فلوس عقب بيسلم نفسه

وبيسافر على حساب الدولة او كفيله


اي اخوي هم يعطونهم فرصه يجمعون فلوس ويلمون من هني وهناك وينتظرون لين يشبع ويكتفي
بعدين يسلم نفسه لهم ويجي دور الكفيل المسكين عشان يدفع له ثمن التذكره ويسافر مطمئن البال

[سما الوطن]

المشكله انج تتكلمين بدون دراية وعلم ،،، انصحج تاخذين لج جولة على مركز العاصمه لمدة ساعه و تشوفين انواع و اشكال و الوان الجرايم ،،

لست انا م من يتكلم من غير علم ( على فكره اليوم وبالصدفه تأكدت ان في قطر غاز ..لا يوجد جمع بين مكافاه نهايه الخدمه و راتب التقاعد ..هو مجرد كلام واشاعات ولا يوجد شي رسمي عندهم... فلست انا من يتكلم من علم )

وانصحك انت بأخذ تلك الجوله في اروقه المراكز وفي اروقه حريه الانسان

اخي اللي يطلبه البدع هو نفس قانون الطوارئ اللي هو سبب المظاهرات لانه اهدار لكرامه الأنسان و واغتصاب لحريته

[مستر بن]

والله لو فتشونا ماراح يسكتون الاخوان بالانتقادات
راح يقولون احنا قطرين وشلون يفتشونا وشلون وشلون ومن هالكلام



ايي والله صدقت ’’

[OREO]

لست انا م من يتكلم من غير علم ( على فكره اليوم وبالصدفه تأكدت ان في قطر غاز ..لا يوجد جمع بين مكافاه نهايه الخدمه و راتب التقاعد ..هو مجرد كلام واشاعات ولا يوجد شي رسمي عندهم... فلست انا من يتكلم من علم )

وانصحك انت بأخذ تلك الجوله في اروقه المراكز وفي اروقه حريه الانسان

اخي اللي يطلبه البدع هو نفس قانون الطوارئ اللي هو سبب المظاهرات لانه اهدار لكرامه الأنسان و واغتصاب لحريته


الله يرضى عليج لا تدخلين المواضيع في بعض و تمحورين الردود على كيفج مثل العاده ،،،
اولاً: انا ماذكرت لا قطر غاز و لا راس غاز في الموضوع اللي تتكلمين عنه و بلا تلفيق لكلام ماقلته ،، اناااا قلت قطر للبتروووول و روحي اقري في نص قوانينهم

ثانيا: اتمنى تتكلمين بكلمة حق اذا انج مواطنه و غيوره على بلادج بدل ما تفتين بأشياء ضد مصلحة الوطن و المواطن ،،، عيل يا سما تبين اتفهمينا كرامة المجرم فوق حقوقنا احنا المواطنين ؟؟؟؟؟

يا سما اخونا البدع يطالب بتطهير الوطن من المجرمين و مهب بتطهير الشعب القطري !!!

اتمنى تقرين و اتعرفين ايش الفرق بين قانون الطوارئ و بين قوانين الرقابة و المحافظه على امن الوطن و المواطن ،،،،

[ولد البدر]

إذا كان التفتيش على اللياسن والاستمارة يسبب زحمة قوية فما بالك لو فتشوا السيارات بالكامل ؟!!

[jeep-srt8]

اخوي في كاميرات جديده اذا تشوفها فوق سياارات الفزعة مو كلها ولكن الاغلب بتصير للكل

هذه اخوي فيها نظام ماسح للسياارت كلها اي سياراة فيها خمر حشيش او سلاح اي شيء يبان لهم عن طريق هالكيمرة

وهذا ماوصلني امس من على طريق واحد في الفزعة

[سما الوطن]

الله يرضى عليج لا تدخلين المواضيع في بعض و تمحورين الردود على كيفج مثل العاده ،،،
اولاً: انا ماذكرت لا قطر غاز و لا راس غاز في الموضوع اللي تتكلمين عنه و بلا تلفيق لكلام ماقلته ،، اناااا قلت قطر للبتروووول و روحي اقري في نص قوانينهم ثانيا: اتمنى تتكلمين بكلمة حق اذا انج مواطنه و غيوره على بلادج بدل ما تفتين بأشياء ضد مصلحة الوطن و المواطن ،،، عيل يا سما تبين اتفهمينا كرامة المجرم فوق حقوقنا احنا المواطنين ؟؟؟؟؟
يا سما اخونا البدع يطالب بتطهير الوطن من المجرمين و مهب بتطهير الشعب القطري !!!

اتمنى تقرين و اتعرفين ايش الفرق بين قانون الطوارئ و بين قوانين الرقابة و المحافظه على امن الوطن و المواطن ،،،،

اتمنى ان تقرا انت الموضوع زين
الاخ البدع ما طالب بتطهير المجتمع من المجرمين هو طالب بالتفتيش ... وبرايه هذا سيحد من الجريمه
وبعدين هو انا المعترضه الوحيده على موضوع الفتيش ؟؟؟
تركت كل اللي اعترضوا ورديت علي انا بس ليه

اما بخصوص قطر غاز ..كنت اقصد قطر للبترول وغلطت وكتبت قطر للغاز بدل قطر للبترول ..(لاني كنت عندها اقراء تقرير واصل لي من عندهم )
قطر للبترول ما عندها مثل ما تقول انت روح اقرا قوانينهم ولوائحهم
وانا ما طلعت عن الموضوع انا بتلك الجزئيه كنت ارد على ردك لما قلت لي انتي تتكلمين من غير درايه

[السامـي]

الأخ البدع..،

مع أحترامي لك،أشعر ان في الموضوع حاجة غلط.:confused:

وكأنك في عنوان الموضوع متذمر من تفتيش الدول المذكورة لك،وفي

نفس الوقت تطالب وزارة الداخلية بعمل نقاط للتفتيش المفأجئ.:(

أرجو الا يكون قد خانك التعبير في صياغة عنوان الموضوع.:unsure:

تحياتي...،

[OREO]

اتمنى ان تقرا انت الموضوع زين
الاخ البدع ما طالب بتطهير المجتمع من المجرمين هو طالب بالتفتيش ... وبرايه هذا سيحد من الجريمه
وبعدين هو انا المعترضه الوحيده على موضوع الفتيش ؟؟؟
تركت كل اللي اعترضوا ورديت علي انا بس ليه

اما بخصوص قطر غاز ..كنت اقصد قطر للبترول وغلطت وكتبت قطر للغاز بدل قطر للبترول ..(لاني كنت عندها اقراء تقرير واصل لي من عندهم )
قطر للبترول ما عندها مثل ما تقول انت روح اقرا قوانينهم ولوائحهم
وانا ما طلعت عن الموضوع انا بتلك الجزئيه كنت ارد على ردك لما قلت لي انتي تتكلمين من غير درايه






اذا انج تقصدين قطر للبترول ،،، فإسمحيلي اقولج انتي انسانه تخفين الحقائق و تزورينها و هذا الشي محسوب عليج ،،،

انا انسان على دراية تامه بقوانين قطر للبترول و من الالف الى الياء و مذكور بأن الموظف اللي خدم فوق العشرين سنه يحق له الجمع بين الاثنين ،،،،

أرجو تردين بصلب الموضوع و ما تشتتين الاعضاء على موضوع اخونا البدع ،،،

[بوفصول]

لو اقولك شلون فتشوا سيارتي في تريكا او ايران بتنصدم

فتشوها قطعة قطعة

حتى تاير السبير نزلوه

صدقني

لو وزارة الداخلية توقف الناس بشكل (عشوائي) وتفتشهم تفتيش دقيق

بتلاقي الكل يخاف من الهروب من كفيله

وستقل نسبة الجرائم عندنا في قطر

بس الاحظ انهم معتمدين على (المعلومات) فقط



يبون بخاشيش . انت ماعرفت لهم

[ماماز]

اخوي البدع شوف نسبة الجريمة في الدول الي تقول عنها مع ان تفتيشها متشدد
والمفروض يخافون لكن شوف جرائم القتل وجرائم المخدرات وقارنها مع بلادنا
هل نفس النسبة مع ان التفتيش في قطر تقول ان غير مشدد
وشكرااتمنى تقبلون وجهة نظرتي