حـــــــــــــــــــــريق بالقرب من سينمــــــــــــــــا الخليــــج صـــور

[ابوسعود]

الحريق في مجموعه من البرت كابن اليوم

قبل صلاة المغرب

ومشاء الله دورية الفزعه من بداية الحريق موجودين

الله يعطيهم العافيه

تصويري عذراااا على عدم الوضوح

تصوير البي بي

http://www.gmrup.com/d1/up13077444831.jpg (http://www.gmrup.com/)



http://www.gmrup.com/d1/up13077444832.jpg (http://www.gmrup.com/)



http://www.gmrup.com/d1/up13077444833.jpg (http://www.gmrup.com/)

[هبة ريح]

لاحول الله هلمره يمكن جات سليمة ، الحرايق ماتكثر الا فترة الصيف الله يعين ويحفظ الناس

[بنت قطريههه]

من اكثر مسببات الحريق (( مراوح الشفط )) لازم تسكرونها مب ترقدون وتخلون الكهربا تصير نار

[عيون الدوحة]

لاحول ولاقوة الا بالله
الله يستر ومايكون في اصابات

[بوح المشاعر]

لاحول ولا قوة إلا بالله

[jeep-srt8]

من اكثر مسببات الحريق (( مراوح الشفط )) لازم تسكرونها مب ترقدون وتخلون الكهربا تصير نار

يعني ياخوي هي جت على مروحة شفط ؟؟خخخخخخ في مكيفات في ليتات وكل على حسب الي ينام ويترك التلفزيون والي ينام ويترك الكمبيوتر والي ينام ويترك كل اليتات شغالة <<<في ينانوة :nice: يخافون من اليتات:rolleyes2:

والقائمة تطووول

والله يحميييينا ويستر علينا وعليكم كله الا النااااار من اشوفها ارتعد

[NeverLand]

الله يعين .. عاد اول امس احترق بيتنا :(

كان يوم عادي بالبيت ماوعينا الا الكهربه انطفت علينا فجأه على الساعه 9 ونص بالليل .. قلبنا نغزنا وقلنا معقوله يقطعون الكهربا هالحزه ؟!! شوي الا اسمع صراخ الاهل برا .. نااار ناااار اطلعوا من البيت .. والخدامات يصارخون والاهل حالتهم حاله .. اختي تقول وين امي طلعوهااا من غرفتها .. وانا اقول وين اخوي الصغير !!! .. وكل واحد ماسك جواله بيده ومخلي النور شغال عشان يشوف فيه الطريق .. مالقينا الا الوالد ماسك هوز الماي ورابط ثوبه كأنه قاعد يلعب كرة قدم ويحاول يطفي النار بالحوش .. والحمدلله انها انطفت وقدر يسيطر عليها ..

ابوي كان برا البيت لما ولعت النار .. وهو بطريقه لمح من بعيد نار طالعه من فريجنا ولما قرب بسيارته لقى النار طالعه من بيتنا !!! .. اختبص وحاول يطفي النار بهوز الماي لكن النار كل مالها وتزيييد وتكبر لدرجة انها اوصلت لمستوى الدور الثاني لبيتنا .. راح ابوي وطفى كهربة البيت ورجع يطفي النار وفعلا النار خفت بعد ماسكر الكهربا .. بعدها اتصلنا بالدفاع المدني وماقصروا جاو بسرعه .. شباب قطريين صغار لكن صج يرفعون الراس .. وقالوا شنو سبب الحريق .. وهو تشابك الزرع مع واحد من الكشافات الكبيره اللي فيها حراره مش طبيعيه من اللي حاطينهم بالحوش .. وقالوا عادي نفتح الكهربا مره ثانيه ماعدا كهربة الكشافات ..

عشنا لحظات صعبه يومها .. حسينا نفسنا قاعدين بفلم اكشن .. الحمدلله ان ربنا ستر وان النار ولعت بنفس اللحظه اللي كان ابوي واصل فيها البيت .. لو ولعت واحنا نايمين وماندري عنها كانت راح تقضي على البيت كله .. بس الحمدلله على كل حال ..

[AL-ANSARI]

الله يستر مع هالحر

[مشتاقة لقطر]

سلامات نيفر لاند

والله يعينا عالصيف ومفاجاته

[basma222]

لاحول ولاقوة الا بالله

[basma222]

لم يسفر عن أية خسائر في الأرواح..حريق هائل يلتهم كبائن الكهرباء بجوار إشارات السينما2011-06-11



عادل الملاح:
تمكنت أجهزة الدفاع المدني مساء أمس من السيطرة على حريق هائل شب في كبائن الكهرباء بالطريق الدائري الثالث بجوار إشارات السينما ولم يسفر الحريق عن أية خسائر في الأرواح بعد محاصرته من مختلف الجوانب.
وكانت إدارة الدفاع المدني قد تلقت بلاغا في السادسة من مساء أمس بنشوب حريق بجوار إشارات السينما وتحديدا خلف بنك المشرق بالطريق الدائري الثالث فانتقلت على الفور 6 سيارات مطافئ مجهزة بأحدث الوسائل والأجهزة كما انتقل رجال الفزعة واللخويا والمرور وتم غلق الطريق من الجانبين وتم تسيير السيارات من طرق أخرى وقام رجال المطافئ بالتعامل مع الحريق قبل امتداده إلى باقي المنشآت أو العقارات المجاورة وتمت السيطرة عليه في اقل من ساعة رغم ضخامته نتيجة إمساك النيران في مجموعة كبيرة من الأسلاك الكهربائية داخل الكبائن مما أدى إلى سرعة انتشار النيران.
وقد تصاعدت ألسنة النيران ودخان الحريق على ارتفاع أمتار من السماء وشاهده سكان المناطق المجاورة وتبين من المعاينة المبدئية أن الحريق نشب في عدد اثنين من كبائن الكهرباء المتواجدة بالقرب من إشارات السينما وتمت السيطرة عليه، وعلى جانب اخر قام رجال المرور في لحظات بغلق كل المخارج المطلة على الحريق وغلق الطريق الدائري الثالث حفاظا على أرواح المارة وقاموا بتحويل مسارات السيارات إلى طرق أخرى بكل يسر وسهولة دون تعطيل في حركة المرور بعد التعامل الحذر الذي اتخذه رجال المرور بمشاركة اللخويا والفزعة وباقي الأجهزة المعنية التي انتقلت على الفور إلى مكان الحريق

[الرايــق]

الله المستعان

[كازانوفا]

الحمدلله عالسلامه يا نيفرلاند
وربي يحمي المسلمين بكل مكان يارب من الحر والحرايق

[NeverLand]

سلامات نيفر لاند

والله يعينا عالصيف ومفاجاته


الحمدلله عالسلامه يا نيفرلاند
وربي يحمي المسلمين بكل مكان يارب من الحر والحرايق

مشتاقه وكازنوفا ..

الله يسلمكم ويحميكم من كل شر يارب :)

[مـراحـب]

الله يعين .. عاد اول امس احترق بيتنا :(

كان يوم عادي بالبيت ماوعينا الا الكهربه انطفت علينا فجأه على الساعه 9 ونص بالليل .. قلبنا نغزنا وقلنا معقوله يقطعون الكهربا هالحزه ؟!! شوي الا اسمع صراخ الاهل برا .. نااار ناااار اطلعوا من البيت .. والخدامات يصارخون والاهل حالتهم حاله .. اختي تقول وين امي طلعوهااا من غرفتها .. وانا اقول وين اخوي الصغير !!! .. وكل واحد ماسك جواله بيده ومخلي النور شغال عشان يشوف فيه الطريق .. مالقينا الا الوالد ماسك هوز الماي ورابط ثوبه كأنه قاعد يلعب كرة قدم ويحاول يطفي النار بالحوش .. والحمدلله انها انطفت وقدر يسيطر عليها ..

ابوي كان برا البيت لما ولعت النار .. وهو بطريقه لمح من بعيد نار طالعه من فريجنا ولما قرب بسيارته لقى النار طالعه من بيتنا !!! .. اختبص وحاول يطفي النار بهوز الماي لكن النار كل مالها وتزيييد وتكبر لدرجة انها اوصلت لمستوى الدور الثاني لبيتنا .. راح ابوي وطفى كهربة البيت ورجع يطفي النار وفعلا النار خفت بعد ماسكر الكهربا .. بعدها اتصلنا بالدفاع المدني وماقصروا جاو بسرعه .. شباب قطريين صغار لكن صج يرفعون الراس .. وقالوا شنو سبب الحريق .. وهو تشابك الزرع مع واحد من الكشافات الكبيره اللي فيها حراره مش طبيعيه من اللي حاطينهم بالحوش .. وقالوا عادي نفتح الكهربا مره ثانيه ماعدا كهربة الكشافات ..

عشنا لحظات صعبه يومها .. حسينا نفسنا قاعدين بفلم اكشن .. الحمدلله ان ربنا ستر وان النار ولعت بنفس اللحظه اللي كان ابوي واصل فيها البيت .. لو ولعت واحنا نايمين وماندري عنها كانت راح تقضي على البيت كله .. بس الحمدلله على كل حال ..

الحمدلله ع سلامتكم
والله يطول في عمر الوالد ويخليه لكم