هل تسامح مديونك بفلوسك ؟؟

[MAZEN37]

السلام عليكم
مدري ليش القلب يعور يوم تسوي خير بالناس وتسلفهم عقب ينكر معروفك ويهرب ويفتكر شطاره اكل فلوسك حرام
المشكله الواحد زعلان انه عقب ما راح يسوي خير ويمتنع عن مساعده المحتاج ,لكن اكيد انا غلطان وبحتسب عند ربنا -جاني شخص من جنسيه عربيه اعرفه وتعامل وياه سنين قام يصيح وقالي انه بنته عمرها 6 سنوات والحين الحين لازم يسونلها عملية قلب:weeping: وما عندي المبلغ وطلبت من كذا شخص وما ساعدوني ويبكي:weeping: بصراحه حطيت نفسي مكانه وقلت اللهم الطف وقام قلبي يعورني وعشت الدور صح واستبعدت انه ينصب علي بهالطريقه ويفاول على بنته المهم قلتله تفضل ورح حول الفلوس :telephone:وربك كريم
انصدمت :eek5:عقب يومين ناصب على كفيله وشرد escapeكلمت اخوه قالي اخوي عيار ولا عنده شي:tease:
بصراحه انا ما زعلت على الفلوس لاني بغيت فيها وجه ربنا الكريم انا زعلت على الناس وقلة الدين والضمير باستخدام اسلوب رخيص والعيش بمدأ الغايه تبرر الوسيله

[المقاول]

ما دام عملك خالص لوجه الله .. انسى الموضوع هذا ابليس يحاول يضيع عليك الاجر
حتى لو كان الطرف الثاني كذب عليك.. انت عملته لله ...

[بوخالد88]

الله يعوظ عليك اخوي مب في الدنيا لانها فانية ان شاء الله يوم القيامة

اخوي بسالك احين يوم خذا المبلغ منك هل صار مليييييونير مثلاً ياخي هالناس ماتفكر في

شي اسمه يوم حساب، العالم كلها توقف تحت يد رب العالمين ( الله ) وكلن ياخذ حقة ، الفقير

والغني الفراش والوزير وكلنا سواسية وكلنا راح نتحاسب سواسية وانت هل راح تصير

فقير من هالمبلغ اتمني انه لا .

ارجو تقبل ردي.*

[المزن الرياني]

والله انا من سنتين جاني واحد يطلب سلف لضروف صعبه يمر بها
ووالله ساعتها ماكان عندي شي ,, تسلفت له وعطيته
تفاجأت بعدها بكم يم انه ماخذ سياره
ومن يومها ماشفت منه تلفون واحد وطبعاً ولا ريال واحد
والصراحه مالي خلق اكلمه
يبغي يردها كان بها .. مايبغي الله كريم

[بودحوم]

يدك لا مدت وفاء . لاتحرى وش تجيب
............... كان جاتك سالمه حب يدك و خشها ..


أجرك عند ربي مايضيع

[حسن]

هو اللي سويته في ميزان حسناتك اما هو يبشر بحساب عسير من رب العلمين

[R 7 A L]

انت ان شاء الله من هل الخير وابشر ان الله بيرد لك الخير دامها لوجه الله

لكن السؤال للي يستغفلون ربعهم الى مساعدينهم شلون ضمايرهم مرتاحة وهم ناصبين على ربعم ومتسلفين منهم من سنيين وربعم مستحين منهم ؟

[نتفـه]

يااااااااااااااااه صارت معاي وايد .. واللي استغربه اساعدهم بمبالغ ويختفون ولا يبون يشوفون رقعة ويهي ,, ليش؟؟ هاي الشي اللي محيرني!!!! شسويت لهم ما غير حرمت نفسي وعطيتهم يعني واااااااااااااايد ناس جذي الحين الطيب يستغفلونه ويساعدهم ويطنشونه بعد ؟؟؟؟ هاي وما قلت لهم ردوها بعد ,,
اللي مرض واللي ظرف خاص واللي دين واللي واللي ,, حسبي الله ونعم الوكيل فيهم .. كنت احسبه لوجه الله لكن يوم شفت التطنيش اللي ماله داعي ما احللهم ولا ابيحهم ..

[مشتاقة لقطر]

يااااااااااااااااه صارت معاي وايد .. واللي استغربه اساعدهم بمبالغ ويختفون ولا يبون يشوفون رقعة ويهي ,, ليش؟؟ هاي الشي اللي محيرني!!!! شسويت لهم ما غير حرمت نفسي وعطيتهم يعني واااااااااااااايد ناس جذي الحين الطيب يستغفلونه ويساعدهم ويطنشونه بعد ؟؟؟؟ هاي وما قلت لهم ردوها بعد ,,
..

انا نفس الشي


الي يضحك بالموضوع


شوف شلون التملحس والحب والابتسامة شاقة الحلج قبل لا تعطينهم ..


وشوفي خياس النفس ومبغضة وجهج بعد السلف


بالنسبة اللي اسامحه او لا ..

يعرفوني ..

واقولهم ..
كوني متواصلة معاي قوليلي وش ظرفج من عيوني ماعندي مشكلة


بس اللي تسويلي طااااااااااااف والا طناااااااااااااش ؟؟ ما احللها

ماحب حد يستغفلني

[تاجر كشخة]

قاااالوها لما يجيك يتسلف منك يحب يدك ولما تطالب بحقك تبوس رجوله وفوق هالشي ما يعطيك و يشرد منك ويسوي نفسة انه ما يشوفك
انا عن نفسي والحمدلله ما اتسلف ابدا ابدا وان تسلفت ما ارتاح لين ما ارجع حقه
وفي ناس تاكل الحرام وتنام ولا همها

بس تدرون اني احترق من داخلي لما احد يسويها فيني وكانه ضحك علي وانا طلعت ساذج لما شقيت الوجه معاه وسلفته بس ما اقول الله يجازيه على عمله

[بوحارب]

اسامح في كل شي الا الفلووس :tease:

[Dawn]

اسامحه ولا اسأله عن المبلغ لان الهدف من البدايه كان لوجه الله .. والله سبحانه يعطي كل واحد على قد نيته ... واحسن شي في الدنيا ان الواحد تكون نيته طيبه .. وتأكد ان ربي بيردها اضعاف مضاعفه في الدنيا قبل الآخره .. وهو اكيد الله ما راح يوفقه وبيرجع يتسلف من غيرك بعد .

[ANONYMOUS]

انا فهمت ان الموضوع عطيته سلف


وكل الاعضاء فهموه انك عطيته صدقه لوجه الله


اذا عطيته لوجه الله أكيد ماتنتظر يرد لك المبلغ

[سما الوطن]

ان كان الموضوع تبرع من طرفك ..او دين لله بالحالتين سيكون لك ثوابين

ثواب التبرع او فك كربه مسلم بالدين
وثواب انه خدعك وكذب عليك

بالنسبه لي انبسط لما يصير معاي مثل هذا الموقف ..واقول هذا المبلغ سبقني للأخره صار مضمون ولو كان معاي بالدنيا كان يمكن راح مني او مناك

[بوعلي-Qtr]

سواء كان دين او صدقه الافضل انك تنساها
وانا اشوف ان الواحد مايعطي اي حد مبالغ كبيره ونص حلاله وبعدين يتشكى انه شرد وقص علي .. الاقربون اولى بالمعروف وان خسس فيك خلها عشان الشيبه ابوه سواء كان عمك او خالك او احد قرايبك
اللي فعلا محتاج بياخذ منك حتى الريال
واللي حالته صعبه وماقدر يرد المبلغ بسرعه الافضل انه يطلب من اللي متسلف منه انه يصبر عليه مب يسفهه ولا كانه متسلف من الريال *

[خوي الدرب]

من ترك شيء لله عوّضه الله خير منْه

[jeep-srt8]

مالك ذنب يالغالي واجرك ان شاء الله عند ربا لعالمين وبكرة هذا بيقول كان عندي رجااااال بعته علشان الفلوووس ولو يقدر يطولك بيبوس رجوولك ليل نهار

ماقصرت يالغالي ومو علشان واحد تمتنع عن مساعدة الناس في الي اكيييد يحتاااج وفي النصاب الي لازم تتعامل معاه بطريقة خاصة جداً مثلاً الاخ النصاب لو انك طلبت منه ورقة تثبت انها مريضة وهذا الشي مايزعل

بس لاتخاف وين بيهرب من القبر ويوم الحساب

[بصمة قطرية]

تصير وايد ..
يا صارت لي ..
اجرك على رب العالمين ..
في ناس ما تستحي ..

[ام السعف]

مديونك اللي يغشك واللي يبوقك باسم التجارة
هذول كلهم في الهوى سوى ،،

عني مرات كثيرة اقول ربي عوضني خير في عيالي
واحاول ابتعد عن فكرة الدعاء عليه ليل ونهار وانه يغص في حقي من اليوم
ليوم الدين :(

[بوح المشاعر]

أجرك على الله واحتسبها صدقة وفي ميزان حسناتك إن شاءالله
وسامحه فمن ترك شي لله عوضه الله خير منه

[تحداني]

اشلون اتفسرونها اجركم عند الله سبحانه وتعالى
هاي مو صدقه .. ولا زكاه .. ولا وقف .. ولا حتى مال سبيل


في ناس ما تستحي .. وما عندها ذوق .. ولا ضمير .. ولاعندها كرامه
لان الانسان اذا احد يطالبه بريال واحد المفروض ان تأخر عليه يروح له ويعتذر له بالتأخير
بس في هالزمن الأغبر كل القيم والمفاهيم الآدميه تغيرت وصار في اشكال
خساره ينقال عنهم بشر ويتركون انطباع سئ

الحمد لله والشكر


جملكم الله برضاه