الفزعه يااخوان نخيتكم لاتردوني

[جود الحزن]

السلام عليكم

بغيت اسئلكم عن محلات تبيع كاميرات مراقبه وبسعر زين
لاني اناامس صدت خدامتي قاعده تراقب غرفتي تبي تشييك اذا انا نمت والا لا علشان تطلع او تدخل حد بيتي الله واعلم
لانها كانت لابسه جينز وبودي ويبين بتطلع وكان هالكلام الساعه عشر ونص بالليل
ولما واجهتها طبعا جذبت وقعدت تصيح قالت كنت ابي انزل اييب ماي من المطبخ لانه غرفتها بالسطح هي وقلت لها الجينز قالت برد تخيلو
قلت لها تجذبين الماي عندج فوق وانتي تلبسين بيجامه للنوم موب غبيه انا اصدقج بس بعدين خفت تسوي فيني شي انا والا عيالي لاني اناارمله وبروحي بالبيت مع عيالي
فحسستها اني واثقه فيها بس علشان ماتضرنااا قلت لها لو موب واثقه فيج مابخليج ثانيه ببيتي لانه هذي بيت نظيف وانجان بحط كميرا واراقبج
بس ما نمت يااخوان والله ميته خوف وكل شوي انزل اشييك بيتي والغرف فقررت اني اركب كاميرا على الدري اللي يودي لغرفتها والمطبخ وماعلي منها وبقولها علشان تخاف وماتسوي شي انتو شنو رايكم ؟؟
ولاحد يقول لي سفريها تدرون ازمة خدم وخاصه الفلبينيات
اسمحو لي على الاطاله والموضوع موب مرتب لاني مواصله من امس ومنقهره واحاتي وخاصه عيالي
جزاااااااااااااااكم الله الف خير يااروع اخوان

[بوخالد88]

اول شي الله يعينج عليها اختي

راح تلاقينها في محل اسمه العنابي او محلات راديو بشير وكلهم جنب دوار البنك العربي

سابقاً وارجوا انه افدج ، وبعد بين فترة وفترة يحطون اعلان في الوسيط بس مب مذكر اسمه

وفي محل اسمه راديو شاك له فرع في الستي سنتر والمول واوتقع عندهم.



الله يستر عليكم ويحفظكم.

[basma222]

اول شىء غير مفتاح البيت يمكن عندها نسخه وتطلع في الليل وانتي نائمه
من كم شهر ناس من الاهل شكوا في الخادمه وركبوا كاميرة وشافوا الخادمه الساعه 11 في الليل تطلع وكان في سيارة جدام الباب تنتظرها ويوم شافتهم شاردة ولليوم ما يعرفون عنها شىء
الوسيط للشرق في اعلانات عن اماكن بيع الكاميرات

الله يحفظج انت واعيالج منها

[بوخالد88]

وبعد نسيت اوضح لج انه في بيعض الكميرات حديثة ومتصلة مع النت وتقدرين تشوفين البيت من كمبيوتر الشغل او الاي فون او الاي يباد بس هاذي اشوي اغلي من العادية .

هاي اللي اقدر افيدج فيه حالياً

*

[حسن]

يالله صباح خير المنتدي اليوم مواضيعه كلها بوليسيه من موضوع البدع لين الي شاقح عليهم حرامي والحين موضوعك
شوفي اختي هذه الخدم وبلاويهم وهم شر لابد منه واعتقد من خلال كلامك خدامتك عندها تلفون وهي مرتبه مع حد اما الهروب ولا قضاء ليله حمره خارج المنزل :omg: اول شي اذا كان عندها جوال اسحبيه منها او انك تسفرينها والله يعينك على الخساير واما بالنسبه للكيمرات روحي عند دوار البنك العربي وهناك محلات هي عندها كيمرات وبيركبون لك والله يعقل خدامتك

[سهم الغدر]

السلام عليكم ورحمه الله وبركاته


اختي بتلاقينه بمحل راديو بشير او محل العنابي ..نفس ماقال الاخ بوخالد


في عده انواع من الكاميرات اذا بتحطين كاميرا بس وحده بنفس المكان انصحج بكاميرا صوت وصوره...
اما اذا بتحطين بنفس المكان اكثر من كاميرا بس حطي كاميرا بصوره...
وفي معاهم رسيفر بـــ 8 كاميرات او 4 كاميرات على حسب طلبج ..ولازم تاخذين لهم هارد ديسك لمده شهر يسجلج تسجيل متواصل وبالتاريخ والساعه... ومن تلقاء نفسه يسجل اذا خلص الشهر ... انا افضل محل العنابي لان توصيلهم للويرات ارتب من بشير مع اني تعاملت مع الاثنين ...

وفي كاميرا من كيوتل بس صعب تحصلين عليها لان كل ماكنت اروح لهم يقولون خلصت... الميزه اللي فيها تراقبين من جوالج اي وقت ..سعرها قريب 1000 ريال ومن غير الخدمه بالجوال و اوقات الذروة .

اتمنى اني افدتج .. واي استفسار انا تحت امرج

[R 7 A L]

الله يعينك
اصبري عليها لين يخلص رمضان بعدها سفريها

[ابن الجزيرة]

لا تحولي بيتك الى رعب وخوف


زرع كاميرا لن يجدي ..فهل ستراقبيها 24 ساعة


اعطيها حقوقها ..عامليها باحترام وعطف


حذريها ان لاحظتي عليها تصرفات مريبة ووضحي لها العاقبة من اي تهور


وعيشي في امان انتي والمحروسين اولادك


اما ان بدا الخوف والشك والريبة فاحسن لك ان تعيشي في امان وبلا خادمة


وكفى الله المؤمنين شر القتال

[المقاول]

جود الحزن
هناك شي اسمة حل جذري ... كنسليها وسفريها ... ودوري على وحده كبيره فى السن ومن الفلبين. حسب خبرتي .. لان خدامتج عندها تليفون وعندها صديق وغبيه بعد ..يعنى تحاول تخرج مع رفيجها اول الليل .. انت كشفتيها الحين بس تأكدي انها خرجت كم مره وانت ماتدرين
موضوع الكميره .. مش حل .. وبعدين الكميره مكشوفه .. بتخترع طريق اخر ماعليه كميره وبتروح لصديقها..وبتقضين وقتج تراقبين.. انت تراقبين العيال ولا الخدامه؟
سفريها ودوري غيرها والله يعنيج على المكاتب

[جود الحزن]

اول شي الله يعينج عليها اختي

راح تلاقينها في محل اسمه العنابي او محلات راديو بشير وكلهم جنب دوار البنك العربي

سابقاً وارجوا انه افدج ، وبعد بين فترة وفترة يحطون اعلان في الوسيط بس مب مذكر اسمه

وفي محل اسمه راديو شاك له فرع في الستي سنتر والمول واوتقع عندهم.



الله يستر عليكم ويحفظكم.

اللهم آمييين

جزاك الله الف خير اخوي

كفيت ووفيت

[جود الحزن]

اول شىء غير مفتاح البيت يمكن عندها نسخه وتطلع في الليل وانتي نائمه
من كم شهر ناس من الاهل شكوا في الخادمه وركبوا كاميرة وشافوا الخادمه الساعه 11 في الليل تطلع وكان في سيارة جدام الباب تنتظرها ويوم شافتهم شاردة ولليوم ما يعرفون عنها شىء
الوسيط للشرق في اعلانات عن اماكن بيع الكاميرات

الله يحفظج انت واعيالج منها

حتى لو غيرت النسخه اذا تبي تطلع تقدر من الدريشه ما يمسكهم شي ذولا
الله يستر بسس موب طايقه اشوف ويهاااا كلش
مشكوره وماقصرتي اختي
جزاج الله الف خير

[جود الحزن]

يالله صباح خير المنتدي اليوم مواضيعه كلها بوليسيه من موضوع البدع لين الي شاقح عليهم حرامي والحين موضوعك
شوفي اختي هذه الخدم وبلاويهم وهم شر لابد منه واعتقد من خلال كلامك خدامتك عندها تلفون وهي مرتبه مع حد اما الهروب ولا قضاء ليله حمره خارج المنزل :omg: اول شي اذا كان عندها جوال اسحبيه منها او انك تسفرينها والله يعينك على الخساير واما بالنسبه للكيمرات روحي عند دوار البنك العربي وهناك محلات هي عندها كيمرات وبيركبون لك والله يعقل خدامتك


شنسوي اخوي بلاوي هالخدم وهالعماله والله
بالنسبه للتلفون هي عندها بس على قولتها كرت فلبيني علشان اهلها يطرشون لها مسجات عليه وانا موب مصدقتها ومتاكده انه عندها كرت قطري بس مطنشه لانه اغلبية الخدم عندهم
فعلشان جذي مادققت على هالنقطه لاني ماتوقعت كلش توصل لذي الدرجه
ومااقدر اسفرها الحين رمضان ياي وهي تخلص اقامتها بشهر 11 ولا بعد يوم صدتهاامس تقول ابي اجدد سنتين بعد انا محتاجه فلوس شكلها تبي تسكتني بس على بالها برضى عليها قلت لها اوك بس مستحيل اخليها اذا كملت اقامتها بذلفهااا
مشكور اخوي على تكرمك بالرد
وجزاك الله الف خير

[جود الحزن]

السلام عليكم ورحمه الله وبركاته


اختي بتلاقينه بمحل راديو بشير او محل العنابي ..نفس ماقال الاخ بوخالد


في عده انواع من الكاميرات اذا بتحطين كاميرا بس وحده بنفس المكان انصحج بكاميرا صوت وصوره...
اما اذا بتحطين بنفس المكان اكثر من كاميرا بس حطي كاميرا بصوره...
وفي معاهم رسيفر بـــ 8 كاميرات او 4 كاميرات على حسب طلبج ..ولازم تاخذين لهم هارد ديسك لمده شهر يسجلج تسجيل متواصل وبالتاريخ والساعه... ومن تلقاء نفسه يسجل اذا خلص الشهر ... انا افضل محل العنابي لان توصيلهم للويرات ارتب من بشير مع اني تعاملت مع الاثنين ...

وفي كاميرا من كيوتل بس صعب تحصلين عليها لان كل ماكنت اروح لهم يقولون خلصت... الميزه اللي فيها تراقبين من جوالج اي وقت ..سعرها قريب 1000 ريال ومن غير الخدمه بالجوال و اوقات الذروة .

اتمنى اني افدتج .. واي استفسار انا تحت امرج

وعليكم السلام ورحمة الله وبركاته

انا ما ابي كاميرا كيوتل لاني اغلبية الوقت بالبيت مااطلع وااايد الا للضروره وبعدين احسها غاليه دامها عن طريق كيوتل
بركب العاديه احسن لي
كفيت ووفيت
جزاك الله الف خير

[جود الحزن]

الله يعينك
اصبري عليها لين يخلص رمضان بعدها سفريها


ويعينك ويعين الجميع ياااارب
مالي الاالصبر لاني صج محتاجتهاا
وهي تخلص بشهر 11 بصبر لين تخلص اقامتها وبذلفهااا

جزاك الله الف خير اخوي

[جود الحزن]

لا تحولي بيتك الى رعب وخوف


زرع كاميرا لن يجدي ..فهل ستراقبيها 24 ساعة


اعطيها حقوقها ..عامليها باحترام وعطف


حذريها ان لاحظتي عليها تصرفات مريبة ووضحي لها العاقبة من اي تهور


وعيشي في امان انتي والمحروسين اولادك


اما ان بدا الخوف والشك والريبة فاحسن لك ان تعيشي في امان وبلا خادمة


وكفى الله المؤمنين شر القتال


المشكله اني مدلعتهااا ومعطتهااكثر من حقها ومريحتها ومااظغط عليها بالشغل وراتبها 900 مع انها لاتطبخ ولاشي بس تنظيف وبيتي موب عود وكلن يحسدها ع الراحه اللي فيها
بس صج ما ينتسوى فيهم خير كلش هذااخرة الدلع للخدم يمكن لو اني قاسيه عليها ما سوت جذي كلش
وبعدين شلون اعيش بدون خدامه بذمتك فيه بيت خالي من الخدم الحين ؟؟
هم شر لابد منه
مشكور وماقصرت اخوي

[جود الحزن]

جود الحزن
هناك شي اسمة حل جذري ... كنسليها وسفريها ... ودوري على وحده كبيره فى السن ومن الفلبين. حسب خبرتي .. لان خدامتج عندها تليفون وعندها صديق وغبيه بعد ..يعنى تحاول تخرج مع رفيجها اول الليل .. انت كشفتيها الحين بس تأكدي انها خرجت كم مره وانت ماتدرين
موضوع الكميره .. مش حل .. وبعدين الكميره مكشوفه .. بتخترع طريق اخر ماعليه كميره وبتروح لصديقها..وبتقضين وقتج تراقبين.. انت تراقبين العيال ولا الخدامه؟
سفريها ودوري غيرها والله يعنيج على المكاتب
المشكله هي كبيرة اقولكم جده عيوووووووووز وشيفه والله
وهي فلبينيه
انا متاكده انها عندها حركات بس كنت اطنش لان خدامة بيت هلي قالت لهم عنها انها موب شي ورايحه فيهاوقالت انه كل خدم بيت هلي واهل ريلي بعد تخيل لان البيت مليان من الخدم والسواقين فصارت اللعبه والخراااب يعني الكل في الهوا سوااا
فلو سفرتها وكنسلتها بعد اللي بتجيني نفس الشي بتخترب وكانك يبو زيد ماغزيت وهل بنسفر كل خدم العايله صعبه والله لانهم شبكه كامله من الدمار
حسبي الله عليهم ونعم الوكيل
مشكور وماقصرت اخوي
جزاك الله الف خير

[الساهر 17]

اول شىء غير مفتاح البيت يمكن عندها نسخه وتطلع في الليل وانتي نائمه
من كم شهر ناس من الاهل شكوا في الخادمه وركبوا كاميرة وشافوا الخادمه الساعه 11 في الليل تطلع وكان في سيارة جدام الباب تنتظرها ويوم شافتهم شاردة ولليوم ما يعرفون عنها شىء
الوسيط للشرق في اعلانات عن اماكن بيع الكاميرات

الله يحفظج انت واعيالج منها



انا مع الاخ في كلامه والله يحفظ جميع بيوت المسلمين

[آلملآزم]

شالفايده أختي أذا ركبتي كاميرا وشفتيها وتأكدتي مادام أنج عارفه أنها تلف وتدور !وشبه متأكده أنها تطلع مع صديقها
مالج إلا حلين 2 مالهم ثالث يا أنج تشددين عليها وتحسسينها أنج عارفه كل شي أو أنج تسفرينها وتريحين راسج
والله يعوضج خير

[basma222]

حتى لو غيرت النسخه اذا تبي تطلع تقدر من الدريشه ما يمسكهم شي ذولا
الله يستر بسس موب طايقه اشوف ويهاااا كلش
مشكوره وماقصرتي اختي
جزاج الله الف خير

النوافذ سوي عليهم حديد علشان ما تقدر تطلع والمفاتيح غيرهم ولا تخلين المفتاح في الباب لا ليل ولا نهار
النهار فتحي الباب وشيلي المفتاح والليل قفلي الباب وشيلي المفتاح

هالكلام انا سويته ايام ما كان عندي خادمه والحين الحمدلله ما عندي اشتغل بروحي ومرتاحه منهم

وركبي كاميرة

[بوحارب]

لفيها وقت النوم مثل ما يلفون البزارين :(

[المقاول]

المشكله هي كبيرة اقولكم جده عيوووووووووز وشيفه والله
وهي فلبينيه
انا متاكده انها عندها حركات بس كنت اطنش لان خدامة بيت هلي قالت لهم عنها انها موب شي ورايحه فيهاوقالت انه كل خدم بيت هلي واهل ريلي بعد تخيل لان البيت مليان من الخدم
والسواقين فصارت اللعبه والخراااب يعني الكل في الهوا سوااا
فلو سفرتها وكنسلتها بعد اللي بتجيني نفس الشي بتخترب وكانك يبو زيد ماغزيت وهل بنسفر كل خدم العايله صعبه والله لانهم شبكه كامله من الدمار
حسبي الله عليهم ونعم الوكيل
مشكور وماقصرت اخوي
جزاك الله الف خير

فيه خدامات والله محترمات وترفض الغلط ... عندنا نفس الوضع اللي عندج كوم خدامات وسواقين طبعا متوزعين بين بيوت العائله... بس الكل فاهم ان ماما العودة صارمه في قرارها تسفير يعني تسفير.. حتى لو بس شك .. والاغلبيه محترمات ومسموع كلامهم .. يعنى لو قالوا هذي مش محترمه على طول تسفير..خادمه او سائق.. والكل ماشي على الصراط المستقيم..بس والله عندنا بعض الخدامات محد يقدر يعاتبهم من احترامهم... ما اقول انه ماصار مواقف مرفوضه صار .. بس الحل الجذري موجود تسفير على طول...
عندج المسأله تحتاج تطهير عرقي..

[ANONYMOUS]

الوضع صار يخوف

وصلت عند ناس يقولون خلوها تسوي اللي تبي

بس ماتضرني وتضر عيالي وتسوي شغلعا بالبيت

تكلم .. تطلع .. مش عارف ايش.. بالطقاق

[هايمة قطرية]

مشكلة والله هل الخدم انا انصحج اختي تسحبين منها الجوال يمكن تكون على علاقة بهنود الله يكفينا شرهم، وتنبشين اغراضها وتقولين لها انا بنبش اغراضج كل اسبوع علشان تخاف وتحسب لج حساب