استفسار : بطــااقة الـ atm في سويسرا

[مساهمة]

السلاام عليكم ورحمة الله ..



لوسمحتوا حابه استفسر عن بطاقة الفيزا بس مب الإئتمانية .. لاا بطاقة الصراف الالي لبنك الدولي الاسلامي..


انا قالولي انها تنفع احجز بها من بوكينق .. وجربت وفعلا الفندق سحب ربع فرنك عشان يتأكد ومشت الامور .. والحجز اووكي



سؤالي : هل ممكن استخدم هالبطاقة لتأجير السياره خصوصا سالفة التأمين ؟



ارجوو الافادة

[غير البشر]

السلاام عليكم ورحمة الله ..



لوسمحتوا حابه استفسر عن بطاقة الفيزا بس مب الإئتمانية .. لاا بطاقة الصراف الالي لبنك الدولي الاسلامي..


انا قالولي انها تنفع احجز بها من بوكينق .. وجربت وفعلا الفندق سحب ربع فرنك عشان يتأكد ومشت الامور .. والحجز اووكي



سؤالي : هل ممكن استخدم هالبطاقة لتأجير السياره خصوصا سالفة التأمين ؟



ارجوو الافادة



اختي مساهمه اهم شي تأكدي من بطاقتج
شنو مكتوب عليها

master card
visa
visa electron
naps

وبعدها شوفي شركات الحجز شنو تاخذ منها

وبالتوفيق

[مساهمة]

visa electron

هو الحجز بالنت عن طريقها يصير .. بس مادري التأمين

[Chambray]

اي نعم اخوي
يصير
لان بطاقة الصراف تصير بطاقة ماستر كارد وفيزا حتى لو هي فيزا اكترون في الخارج
مرة ماشتغلت معاي بطاقة الفيزا فستخدمت بطاقة الصراف الآلي واشتغلت كأنها بطاقة فيزا بالضبط
وتم حجز المبلغ وعند فك الحجز عن المبلغ ارجعت الفلوس في حسابي بعد اسبوعين

[مساهمة]

والله طمني كلامك ..ماقصررت


ننتظر باقي خبراتكم :)

[التيما]

بس انتبهي بعد ماترجعين لاني حجزت سيارة الصيف الماضي ودفعت اللي علي من الفيزا وخصموا وخلصوا ولمن رجعت لاحظت مسج من البنك بسحوبات بمبالغ بسيطه كل مره يا ٥٠ ريال يا ١٠٠ ريال ودقيت عالبنك وقالوا لي من شركة سيارات في بلجيكا وعطيتهم اوردر يوقفون السحب ودقيت عليهم يقولون محد يسحب يعني نصب اشكره .. فانتبهي بعد الرجوع .. وتاكدي انه انسحب وكم والتاريخ بالضبط ..

[التيما]

نسيت اقول حتى الفنادق في بوكينج لا تحجزين عالبطاقة .. صدقيني مجربتهم .. اختاري الفندق اللي تبينه وروحي له من هناك ارخص ولا تدفعين بالفيزا الا حجز السيارة بس لان الفنادق تاخذ فوايد عالفيزا .. اذكر رحت ميلانو واحنا حاجزين من نفس الفرع في باريس بس حجز وشرطت عليهم مايسحبون من الفيزا بس ياخذون الفيزا ضمان ولمن رحت ميلانو قلت له بدفع كاش وعطيناه الفلوس ومع كذا انسحب المبلغ والحمد لله جاني مسج من البنك بالسحب وانزل لهم واكلم المسؤول ويعطيني نفس المبلغ اللي انسحب بالضبط مع اقامة مجانية يوم زيادة .. والسحب كان زيادة عن الكاش بشوي وقالوا انها ضريبه عالفيزا .. فصرت ما احجز الفنادق ابدا من هني ولا النت .. احدد الفندق واروح وادفع كش وارتاح ووايد اريح هالطريقة .. فنصيحة خلي الفيزا للسيارة فقط لانها ضرورية للحجز ..

[monatee]

دائماً يفضل عدم استخدام بطاقه atm في الخارج

طريقة خصم وحجز المبالغ مش مثل الفيزا والماستر .. لان هالبطاقات تخصم دايركت من هالشركتين

اما atm الاجراءات تختلف فيها لان يكون المبلغ من حسابج الجاري او التوفير والبنوك تدخل في اجراءات الخصم مما يسهل النصب والبوقات على هذه الحسابات

اما بطاقات الفيزا او الماستر لما تنباق البنك يرجع فلوسج بطريقه اسرع اسهل ويكنسل البطاقه ويعطونج بطاقه جديده برقم جديد ... فيكون حسابج الجاري او التوفير في السليم وماينخاف عليه