أستفسار : بغيت اسئل بخصوص موضوع الاميال ع القطريه ؟

[A l i]

السلام عليكم ورحمه الله وبركاته

اخواني بغيت اسئلكم شلون اذا ابي اعرف الرحله بكم ميل تحتاج؟
سواء كانت على اي درجه

بغيت اعرف مصر كم ميل؟ عالبزنس !
وفي دول ثانيه ابي اعرفها شلون *

[غزلان]

ماعرف

يمكن مكتوب في بيانات التذكره

[غير البشر]

تفضل اخوي

الخطوه الاولى تدخل موقع القطريه
وتسجيل دخول

http://www.qatarairways.com/qa/ar/homepage.html


http://im.gulfup.com/2011-06-11/1307820146241.png (http://www.anavip.net/vb/)

وبتطلع لك هالصفحه وتختار الي باالاحمر
نفس الي بالصوره

http://im.gulfup.com/2011-06-11/1307820146352.png (http://www.anavip.net/vb/)


وبعدها تنـزل بالصفحه تحت
وحط مكان الاقلاع والهبوط وبتطلع لك النتيجه :nice:

http://im.gulfup.com/2011-06-11/1307820146473.png (http://www.anavip.net/vb/)


اذا ماعندك يوزر نيم وباسوورد
راسلني على الخاص بالي تبغيه
وانا بقولك كم ميل تحتاج :victory:

[we-r-sawa]

غير البشر;7325493]تفضل اخوي

الخطوه الاولى تدخل موقع القطريه
وتسجيل دخول

http://www.qatarairways.com/qa/ar/homepage.html


http://im.gulfup.com/2011-06-11/1307820146241.png (http://www.anavip.net/vb/)

وبتطلع لك هالصفحه وتختار الي باالاحمر
نفس الي بالصوره

http://im.gulfup.com/2011-06-11/1307820146352.png (http://www.anavip.net/vb/)


وبعدها تنـزل بالصفحه تحت
وحط مكان الاقلاع والهبوط وبتطلع لك النتيجه :nice:

http://im.gulfup.com/2011-06-11/1307820146473.png (http://www.anavip.net/vb/)


اذا ماعندك يوزر نيم وباسوورد
راسلني على الخاص بالي تبغيه
وانا بقولك كم ميل تحتاج :victory:[/COLOR]

أخي الفاضل لست بحاجة الى يوزر نيم وباسوورد
فقط ادخل على الموقع مباشرة من هنا

http://www.qatarairways.com/privilegeclub/en/calculator-earn.html
وحط من الدوحة الى المكان اللي راح تسافر له وبيطلع لك أوتوماتيكيا

[خشوف]

http://www.qatarshares.com/vb/showthread.php?t=458841

ادخل هنا

[A l i]

مشكوريييين وماقصرتووو والله
ماعرف شلون اشكركم :) :)

[we-r-sawa]

شدعوة أخوي ماطلبت شي وهذا واجب علينا والمعلومة بمثابة صدقة جارية والله يتقبل من الجميع

[yousef545]

اشلون اعرف نقاطي و انا عندي البطاقه العاديه متى بطور و بيعطوني العنابيه ؟

للاسف سفراتي قليله ماعندي اجازه

[البدع]

الصراحة

استفدت من الموضوع

سؤالك كان في بالي

يعيطك العافية يا (غير البشر)

[we-r-sawa]

اتصل على رقم نادي الامتياز 44496449 وهم متواجدين من الساعة 8 صباحا لحد الساعة 10 مساء متواصل وعطهم رقم عضويتك وراح يقولون لك كم نقاط عضويتك حاليا وكم تحتاج للترفيع،وكم ميل عندك واذا تحب تجيك باستمرار على عضويتك بنفسك مستقبلا قول لهم يرسلون لك الرقم السري على اميلك،وأيضا يمكنك ارسال اميل لموقع نادي الامتياز بخصوص أي استفسار
membersvc@qmiles.com

[we-r-sawa]

معلومة مهمة:الحجز بالانترنت عالقطرية له جوانب ايجابية ان أول مرة تشتري التذكرة لما تسافر بعدها راح تضاف لك 2000 كيومايلز وهذي غير كيومايلز التذكرة روحة وجية حسب وجهة البلد اللي رايحها،وبعدها كل مرة تشتري فيها التذكرة عالانترنت وبعد ماتسافر راح تضاف لك 500 كيومايلز غير كيومايلز التذكرة،وفوق هذا توفر نظير الخدمة وأعتقد 5% اللي ياخذها مكتب الخطوط القطرية لو اشتريتها من عندهم وخاصة اذا كانت أكثر من تذكرة راح يصير فيها توفير كثير.

[A l i]

we-r-sawa

ماشاءلله عليك الله يعطيك العافيه ماقصرت والله :)

[جوهرة قطر]

انزين شلون اذا ابي اشترك فى خدمه اميال انا سفراتى وايد بس ما اهتم حق هالسوالف

[we-r-sawa]

انزين شلون اذا ابي اشترك فى خدمه اميال انا سفراتى وايد بس ما اهتم حق هالسوالف
ادخلي على موقع نادي الامتياز
www.qmiles.com
وبعدها بتشوفين عبارة join privilege club وابدأي بملأ بياناتك الشخصية وراح يرسلون لك رقم العضوية وكلمة المرور على اميلك

[جوهرة قطر]

جاري التسجيل ...... :nice:

ومشكور اخوي

[we-r-sawa]

بس بعد ماتسجلين اذا عندك أي بطاقة فيزا أو ماستر كارد مع أي بنك لهم اشتراك مع الخطوط القطرية عطيهم بطاقة العضوية عشان تسجل لك الأميال كل ماصار عندك مشتريات وتنزل لك الأميال كاملة على حسابك بالقطرية كل آخر شهر ودايما جيكي على حسابك أول بأول
واذا اشتريتي أي حاجة من السوق الحرة على أي رحلة بالقطرية لا تنسين تسجلين رقم العضوية كذلك واخذي الايصال وتابعي بعدها اذا نزلت لك الأميال والا لأ
وفي خطوط مشتركة مع القطرية بالأميال مثل الميدل ايست ولوفتهانزا وكذلك بعض الفنادق وعموما جيكي على صفحتهم عشان تشوفين الجهات المشتركة المتنوعة لاكتساب الأميال وبالتوفيق

[جوهرة قطر]

احس سالفه :eek5:

على العموم جزاك الله خير اخوي وماقصرت

[we-r-sawa]

احس سالفه :eek5:

على العموم جزاك الله خير اخوي وماقصرت

لا أبدا لا سالفة ولا شي وبالفعل راح تتجمع عندك أميال كثيرة وراح تستفيدين منها