علبة ألوان للتلوين ام للأكل ..... ؟؟؟

[بوNasser]

السلام عليكم ورحمة الله

قبل كم يوم دخلت بقالة في احد الاحياء ووجدت هذه العلبة

http://www.doha2010.com/saha/PHOTOt001.jpg

http://www.doha2010.com/saha/PHOTOt002.jpg

طبعا هذه علكة حقيقية على شكل علبة الوان وهذا شكل العلكة

http://www.doha2010.com/saha/PHOTOt003.jpg

http://www.doha2010.com/saha/PHOTOt004.jpg

بالضبط كالالوان الشمعية

والسؤال من سمح بدخول هذه العلكة وبيعها للأطفال؟ ومن يضمن ان يفرق الاطفال بين الالوان الشمعية الحقيقية وبين الألوان العلكة؟

يا حماية المستهلك رفقا بنا وبأطفالنا

تحياتي للجميع

[R 7 A L]

وين هيئة المواصفات والمقايسس

؟

هذي شغلتهم

[Gh2o]

يبيعونها بمكتبه ولا بقاله ؟ مع القرطاسيه ولا مع الحلاوه ؟ مكتوب عليها علوج ولا لا ؟ لو خذاها وعباله الوان وين المشكله بالضبط . ؟
انت ليش زعلان وترى لو اليهال كل الوان شمعيه بالغلط عباله علوج ابشرك ماتضره وبيعرف على طووووول من الطعم والريحه

[Rashid554]

شدعوه ياخي شدخل حماية المستهلك بالموضوع ..

اشكره مبين انها علوج ثاني شي انت شاريها من البقاله
والالوان دايما يشترونها من المكتبة
ومن هالي بيشتري علبه الوان فيها ثلاث الوان بس
حدث العاقل بما يعقل
ولا انتو بس تنتقدون لأجل النقد

[بوخالد88]

هههههههههه ابروحنا مب ناقصين اليهال من غير شي يعلجون كلي شي الله يحفظهم

يعطيك العافية

[بوNasser]

السلام عليكم

اشكر كل من شارك Ra7al , و بوخالد88

اخوي Gh2o
يبيعونها بمكتبه ولا بقاله ؟
عزيزي انا بنتي عمرها 4 سنوات ما اعتقد تفرق عندها

مع القرطاسيه ولا مع الحلاوه ؟
لا مع الحلاوة بس بكرة لو شافتها مع القرطاسية يمكن تاخذها عبالها علوج

مكتوب عليها علوج ولا لا ؟
مكتوب عليها مثل ما انت شايف بالانجليزي، وحتى لو كان بالعربي ما اعتقد اللي سنهم 3 او 4 او 5 يعرفون شنهو مكتوب

لو خذاها وعباله الوان وين المشكله بالضبط . ؟
المشكلة لو خذ الوان حقيقية وكلها عباله علوج

انت ليش زعلان وترى لو اليهال كل الوان شمعيه بالغلط عباله علوج ابشرك ماتضره وبيعرف على طووووول من الطعم والريحه
لا مب زعلان بس ما ودي ننتظر لين عيالنا ياكون الالوان ويكتشفون انها مب علوج مثل اللي تعودوا عليه
شكرا لك


اخوي راشد554

شدعوه ياخي شدخل حماية المستهلك بالموضوع ..
حماية المستهلك هي من الجهات المنوط بها حماية المجتمع من الاغذية والمواد الضارة التي تتسرب الى السوق.

اشكره مبين انها علوج ثاني شي انت شاريها من البقاله
والالوان دايما يشترونها من المكتبة
اكيد الكبار يعرفون انها علوج انا اتكلم عن الصغار، وبعدين فيه الوان في البقالات جرب اسأل اي دكان هندي او قراشي تلقا عنده الوان، وبعضهم عندهم دفاتر وعلب هندسة وغيرها


ومن هالي بيشتري علبه الوان فيها ثلاث الوان بس
اقولك حق اليهال تقول من بيشتري

حدث العاقل بما يعقل
ولا انتو بس تنتقدون لأجل النقد
طيب اقدر ارد بنفس الطريقة واقول
وانتوا بس تعترضون على كل شي ما يعجبكم ، يا اخي هذا منتدى للحوار وكل له رايه

تحياتي لشخصك الكريم وللجميع

[sara jsm]

اخوي هالعلووج قديم ومن زمان في الدكاكيين ,,
ولد اخوي عمره 3 سنين ويدري انه علوج ,,
لانه مايلون ,, والالوان الشمعيه مافيها طعم وريحه عشان تجذب اليهال ,,
الخوف يااخوي مب من هالعلوج ,,
الخوف من معجون الصلصال اللي يغرري حده ,,