سؤال لوزارة الداخليه بخصوص خطوط سير المشاه في الستي

[مابدل العادات]

السلام عليكم ورحمة الله وبركاته

حبيت استفسر من وزارة الداخليه بخصوص خطوط سير المشاه الي في الستي سنتر قدام البوابة الرئيسيه

وسببي الأول في الأستفسار هو اني شفت انه اغلب مشاكل القطريين مع الاجانب (( الأمريكان والأوربيين )) تكون في هاي المكان بالذات وانا واحد منهم

لأنك إذا مشيت على الخط قبل الأمريكي يجي يضرب الموتر ويقولك شوف الخطوط ؟!! وهاي صارت معي شخصيا وتلاغيت وياه وكل واحد راح في صوب

لأنه القانون موب واضح في هاي المكان بالذات هل الشارع من حق المشاه في كل وقت ولازم نوقف ونشوف إذا فيه حد بيمشي وعقب نمشي مثل المعمول به في أغلب امكان الدوله

ولا الأولويه للي يجي قبل (( الموتر )) أو (( الشخص ))

لأنه الي اشوفه حاليا انه الأولويه حق الي يجي قبل وكل الناس ماشيه على هاي الأساس من اول مافتح الستي ألا الأمريكان والأوربيين

فاأتمنى جواب من وزارة الداخليه لجل يروح البس ونعرف القانون بالضبط بالنسبه لهاي المكان
لأنه مايصير نتهاوش مع خلق الله وفي النهايه القانون لهم وبعد مايصير يضربون مواترنا والقانون لنا

والله يعطيكم الصحه والعافيه :)

[مابدل العادات]

43 مشاهده ومافيه ولا رد ؟؟؟؟

[® قطر ®]

اخوي مايبيلها تفكير.. الاولويه للامريكي والانجليزي.. في جميع الحالات :tease:

[R 7 A L]

43 مشاهده ومافيه ولا رد ؟؟؟؟

ترى اغلبية المشاهدات من الزوار مو من الاعضاء :)



نرجع لموضوعك


اخوي تدري ليش الامريكان والاجانب هو اكثر من يزعل بخصوص خطوط المشاه


لانها عندهم خصوصاً امريكا شي رئيسي ومطلبق مية بالمية سواء بالسائق او المترجل اذا الاشارة للمترجل راعي السسيارة يجب ان يوقف ولايتحرك لين تسمح لة الاشارة


فية خطوط مشاة لونها احمر ( انتر لوك ) تحصلها في الشوارع الغير رئيسية هني في امريكا لو واحد يمشي وبعيد منها حوالي 20 متر لازم راعي السيارة يوقف لين يمر المترجل


مادري الى في الستي سنتر نفسها ولاغير ؟

[Right]

سواء أمريكي ولا أوروبي يجب على السائقين إحترام المشاة

ويجب التوقف عند خطوط المشاة

الخطأ يقع على السائقين وعلى قوانين المرور

ليش في أمريكا وأوروبا وفي الدول المتقدمة يحترمون المشاة وعندنا لا ؟؟

تحس أن هالشي عندهم يوصل لدرجة التقديس

مثال أنا أعيشه حالياً في ألمانيا

إذا مريت على شارع وفيه خطوط مشاة توقف إجباري

حتى لو أن إلي يمشي جدامك مآخذ راحته على الآخر " كنه يمشي على بيض "

محد يقدر يقوله شي لأن هذا حقه

أما عندنا فحدث ولا حرج

[hamoor4ever]

الخطأ على السائق ليش ماتعترفون بغلطكم لازم تتوقف السياره لين يمرون والقانون واضح ولو هناك مليون واحد لازم تنطرهم لين يخلصون هاذي القانون ، اما انا عن نفسي فقانوني مختلف مافتكر اصلا بيلحق يطق سيارتي لان ماراح اوقف :tease:لحد وبصراحه ماحب اروح اماكن الزحمه لكثره المشاكل

[Rashid554]

معروف ان المشاة في منتصف شارع رئيسي طبقوها امام استاد خليفة حتى حطو دوريات مرور لتنظيم السير ولتعليم الاخوه ان يجب احترام خط المشاة
وخط المشاة له الاولية سواء كان امريكي او غيره

ثاني شي اخوي بخصوص بداية العنوان يعني سؤالك لوزارة الداخلية ، هل المنتدى يتبع لوزارة الداخلية !
تقدر تتواصل مع ادارة المرور عبر هالايميل traffic@moi.gov.qa

[khaleeji]

طبعا خطوط المشاه الاولويه للمشاه

والمفروض يكون للمرور دور توعوي في ذلك ولكنهم مشغولي في منع البوالين والمخفي ,,,,,,

وتدعس الرادار لصيد اكبر عدد وغير ذلك من الامور الهامه

[مابدل العادات]

اخوي مايبيلها تفكير.. الاولويه للامريكي والانجليزي.. في جميع الحالات :tease:
هلا وغلا

اخوي الغرض من الموضوع السؤوال فقط عن القانون وليس الحق لجنسيه على الأخرى

والله يعطيك العافيه



ترى اغلبية المشاهدات من الزوار مو من الاعضاء :)



نرجع لموضوعك


اخوي تدري ليش الامريكان والاجانب هو اكثر من يزعل بخصوص خطوط المشاه


لانها عندهم خصوصاً امريكا شي رئيسي ومطلبق مية بالمية سواء بالسائق او المترجل اذا الاشارة للمترجل راعي السسيارة يجب ان يوقف ولايتحرك لين تسمح لة الاشارة


فية خطوط مشاة لونها احمر ( انتر لوك ) تحصلها في الشوارع الغير رئيسية هني في امريكا لو واحد يمشي وبعيد منها حوالي 20 متر لازم راعي السيارة يوقف لين يمر المترجل


مادري الى في الستي سنتر نفسها ولاغير ؟

هلا وغلا

ماهو الله يسلمك هاي هو السبب الرئيسي لكتابتي للموضع لأني طالب في امريكا واشوف اشلون النظام اهني يخليك تحترم المشاه في كل مكان والقانون صارم من ناحيه المشاه

لجل كذا وجهت السؤال وانا ذكرت في الموضوع انه في كل مكان في الدوله المواتر توقف والناس تمشي ألا في هاي المكان بالذات لأنه الأمور موب واضحه ولا فيه قانون صريح او حد يرتب الأمور لجل الناس تعرف لأنه الي اشوفه في هاي المكان بالذات انه كل واحد بالكيف يعني مره المواتر توقف للناس ومرات الناس توقف للمواتر

والله يعطيك العافيه اخوي الرحال :)




سواء أمريكي ولا أوروبي يجب على السائقين إحترام المشاة

ويجب التوقف عند خطوط المشاة

الخطأ يقع على السائقين وعلى قوانين المرور

ليش في أمريكا وأوروبا وفي الدول المتقدمة يحترمون المشاة وعندنا لا ؟؟

تحس أن هالشي عندهم يوصل لدرجة التقديس

مثال أنا أعيشه حالياً في ألمانيا

إذا مريت على شارع وفيه خطوط مشاة توقف إجباري

حتى لو أن إلي يمشي جدامك مآخذ راحته على الآخر " كنه يمشي على بيض "

محد يقدر يقوله شي لأن هذا حقه

أما عندنا فحدث ولا حرج




هذا الي ابغي اوصل له وبحكم ضروف دراستي في امريكا شفت هاي الشي بعيني انهم يحترمون المشاه بشكل موب طبيعي

واتوقع الخطاء ربما من إداره المرور لأنهم ماشددو على هاي النقطه لجل كل الناس تعرف القانون الخاص بالمشاه

واكرر انا خصيت مكان معين لأنه ماشوف حد يرتب الأمور هناك وكل يوم تشوف شي

والله يعطيك العافيه على الرد :)


الخطأ على السائق ليش ماتعترفون بغلطكم لازم تتوقف السياره لين يمرون والقانون واضح ولو هناك مليون واحد لازم تنطرهم لين يخلصون هاذي القانون ، اما انا عن نفسي فقانوني مختلف مافتكر اصلا بيلحق يطق سيارتي لان ماراح اوقف :tease:لحد وبصراحه ماحب اروح اماكن الزحمه لكثره المشاكل

هههههههه خوش قانون قانونك خخخ

ماهو الله يسلمك ادري انه هاي القانون

ولاكن انا اتكلم عن مكان معين وهاي المكان كل يوم تشوف الناس على طريقه يوم الناس توقف للمواتر ويوم العكس فالواحد ماعرف لهم الصراحه ولازم في تشديد في هاي المنطقه لجل الكل يعرف القانون :)

معروف ان المشاة في منتصف شارع رئيسي طبقوها امام استاد خليفة حتى حطو دوريات مرور لتنظيم السير ولتعليم الاخوه ان يجب احترام خط المشاة
وخط المشاة له الاولية سواء كان امريكي او غيره

ثاني شي اخوي بخصوص بداية العنوان يعني سؤالك لوزارة الداخلية ، هل المنتدى يتبع لوزارة الداخلية !
تقدر تتواصل مع ادارة المرور عبر هالايميل traffic@moi.gov.qa

الله يعطيك العافيه وهاي الي ابغي اوصله ليه مايحطون حد يرتب الأمور في هاي المكان لجل الناس تعرف الأولويه لمن

وترى انا لما خصيت الأمريكي عن غيره لأنه هو في بلاده القانون مطبق وهو عارفه

ولاكن احنا اختلط علينا الأمر في هاي المنطقه بالذات ولحد يفهم الموضوع انه عنصريه ولا شي ضد الأمريكان ولا الأوروبيين :)

[فتى الجود]

السلام عليكم

لاهو الغلطان ولانت الغلطان



اخوى دام انك كتبت الموضوع معناته انك تبي تعرف نفسك هل انك غلطان او لا ؟


للأسف


احنا هنا بقطر او عند الدول العربيه ماعندنا الثقافه المروريه للمشاه او للدرجات الهوائية او الناريه


من جميع النواحي :

01 المرور مقصر في نشر التوعيه المرورية - ولاعندنا غير حطو رادار شلوا رادر بس !!
02 التخطيط مقصرين " لا مب مقصرين الا مطنشيين "



المشاه هم اللى لهم الاوليه في

ثم

التكاسي والباصات ( لانها تعتبر خدمه عموميه )

ثم

السياكل والدراجات


ثم

السيارت الخاصه


طبعاً في قطر ما غير السياره :nice:



طبعاً انا باعطيك مثال واحد :

ان الجماعه اللى بالتخطيط ماعندهم اى تفكير ان الناس ممكن تمشي على رجولها

خط الشمال وهو يعتبر خط سريع
وما يجوز الخط السريع ان المشاه يقطعونه

من دوار التظامن الى دوار مدينة الشمال ( الرويس )

هل في كوبري مشاه ؟
هل في مصعد او سلالم متحركه ؟؟

انا في ماليزيا شفت على احد الخطوط السريع (( الهاي واي ))
شفت جسر على الخط يربط الجهتين والصعود اليه بمصعد + سلم كهربائي


أشراييك
اشلون لو كان الجو حلو وتبي تتمشى من اللاند مارك الى اللولو


بالله عليك اشلون تمر ؟؟


اذا القائمين على مشروع مثل مشروع خط الشمال و المهندسين يغفلون عن هالنقاط المهمه

هل تبي يكون عندهم نوع من التفكير
انهم لازم يسون توعيه با أحقية خطوط المشاه




اخوى لا انت غلطان ولاهو ذنبك

( لانك ماخذنا كمواطنين اى توعيه من بلادك حول هذا الموضوع ولا نعرف ان خطوط المشاه الأوليه لهم )



ولا هو غلطان

( لانه هو جاى من ثقافة ووعي با حقية المشاه وخطوط المشاه وعنده قناعه تامه حسب قانونهم اذا ماوجدت الخطوط على الأرض تصير الأولويه للمشاه ):)

[مهل]

مهل يقول و مهل صادق

ان الاولويه للسياره و ليس للشخص الماشي الي يبي يعبر الشارع

[الغربه]

شبتقول بعد

الله المعين

[بوحارب]

انا اشوف ان اللي في السيارة يخلي اللي يمشي يعدي والأمور طيبة سواء طريق مشاه ولا طريق عبور <<< زين نفس الشي ههههه

[مرتبش]

الاولوية للمشاة

لكن عدم احترام حق المشاة في العبور بسلام امر يتكرر بشكل كبير لدرجة انه الواحد يشك في نفسه وبعدين حاسبوا من اللي وراكم اذا وقفتوا فجأة..عادي يكنسل سيارتك

قد يكون هالامريكان والاوربيين يعتقدون ان نظام المرور عندنا قوي مثل بلدانهم..مايدرون ان المرور عندنا اوتماتيكي .. صورة رادار وتتسجل في الكمبيوتر وتدفع بالبطاقة كل شي توماتيك الحمدلله ,,تطور رهيب

[الحجاجي]

السلام عليكم

لاهو الغلطان ولانت الغلطان



اخوى دام انك كتبت الموضوع معناته انك تبي تعرف نفسك هل انك غلطان او لا ؟


للأسف


احنا هنا بقطر او عند الدول العربيه ماعندنا الثقافه المروريه للمشاه او للدرجات الهوائية او الناريه


من جميع النواحي :

01 المرور مقصر في نشر التوعيه المرورية - ولاعندنا غير حطو رادار شلوا رادر بس !!
02 التخطيط مقصرين " لا مب مقصرين الا مطنشيين "



المشاه هم اللى لهم الاوليه في

ثم

التكاسي والباصات ( لانها تعتبر خدمه عموميه )

ثم

السياكل والدراجات


ثم

السيارت الخاصه


طبعاً في قطر ما غير السياره :nice:



طبعاً انا باعطيك مثال واحد :

ان الجماعه اللى بالتخطيط ماعندهم اى تفكير ان الناس ممكن تمشي على رجولها

خط الشمال وهو يعتبر خط سريع
وما يجوز الخط السريع ان المشاه يقطعونه

من دوار التظامن الى دوار مدينة الشمال ( الرويس )

هل في كوبري مشاه ؟
هل في مصعد او سلالم متحركه ؟؟

انا في ماليزيا شفت على احد الخطوط السريع (( الهاي واي ))
شفت جسر على الخط يربط الجهتين والصعود اليه بمصعد + سلم كهربائي


أشراييك
اشلون لو كان الجو حلو وتبي تتمشى من اللاند مارك الى اللولو


بالله عليك اشلون تمر ؟؟


اذا القائمين على مشروع مثل مشروع خط الشمال و المهندسين يغفلون عن هالنقاط المهمه

هل تبي يكون عندهم نوع من التفكير
انهم لازم يسون توعيه با أحقية خطوط المشاه




اخوى لا انت غلطان ولاهو ذنبك

( لانك ماخذنا كمواطنين اى توعيه من بلادك حول هذا الموضوع ولا نعرف ان خطوط المشاه الأوليه لهم )



ولا هو غلطان

( لانه هو جاى من ثقافة ووعي با حقية المشاه وخطوط المشاه وعنده قناعه تامه حسب قانونهم اذا ماوجدت الخطوط على الأرض تصير الأولويه للمشاه ):)


رد وافي جزاك الله خير


خط الشمال .. يا كثر ما تحصل ناس تبي تمر

من محطه الدحيل للجهه الثانية

من الدحيل لطيبة

من محطه الخيسه للجهة الثانية

وشوف الحوادث اللي ممكن تصير

لان مافيه مكان للمشاه أبداً

حتى في الجسور نفسها الجديدة

مافيه مكان ممكن الواحد يستخدمه وينتقل عبر الجسر مشي للجهة الثانية


الله يعين ..

[القيسي]

صح لسانك فتى الجود

[الحال مايساعد]

أعتقد انه الأولويه للأضعف هنا بمعنى الأولوية للمشاه ، لكن بعد لازم يكون في "سيكيورتي" ينظم السير

[Najla..]

لا تقارنون الوضع هني باوروبا وامريكا
هناك اذا في خط للمشاه تلاقي من بعيد اشارات واضحه واضواء تدل على ان هذا خط للمشاه
هني مافي الا خطوط على الارض يعني الي يسوق يطالع يمين ولا يسار ولا ورا ولا الارض؟؟
مافي شي واضح والواحد حزات ينسى

وبعدين يوم دربونا في مدرسة السواقة ويوم اختبار الليسن محد جاب لنا طاري خطوط المشاه وان احنا لازم نوقف !!!

انا عن نفسي اذا لقيت ناس يبون يطوفون وانا عندي مجال ان اوقف بوقف من نفسي من باب الانسانية خصوصا اذا كانوا عايلة ومعاهم اطفال وانا مب مجبورة اصلا
والمشاه هم اللي المفروض ياخذون حذرهم مب السائق والقوانين الي تتطبق في بلادهم مب شرط كلها لازم تمشي معانا .. الا اذا صدر قانون من المرور وتم نشر التوعية في هالموضوع .. هني على عيننا وعلى راسنا

[فتى الجود]

رد وافي جزاك الله خير
خط الشمال .. يا كثر ما تحصل ناس تبي تمر
من محطه الدحيل للجهه الثانية
من الدحيل لطيبة
من محطه الخيسه للجهة الثانية
وشوف الحوادث اللي ممكن تصير
لان مافيه مكان للمشاه أبداً
حتى في الجسور نفسها الجديدة
مافيه مكان ممكن الواحد يستخدمه وينتقل عبر الجسر مشي للجهة الثانية
الله يعين ..




السلام علييكم

الله يعين وشاكر لك ردك
وكلامك كله صح

بس تصدق انى اوقات اشك هالمهندسين ناس طبيعين

لا من غير المعقول انسان طبيعي وسوي مايفكر بالمشاه ؟؟ !!





صح لسانك فتى الجود




صــــــــــــــــــــــح ابدنك

أخـــوى القيسي

[فارس قطر]

الاولوية للمشاة وخاصة كبار السن ونساء والاطفال لعبور الطريق

لاكن عندنا التخطيط وداخلية غافلين عن هذة النقطة

والمرور مب قادر يحل مشكلة الزحمة تبونة يحل مشكلة المشاة الراجلة.

[مابدل العادات]

الله يعطيكم الصحه والعافيه على الردود والنقاش الجميل

وفعلا صح السانك يالغالي فتى الجود وماقصرت يالذيب

واتمنى من إدارة المرور وضع إرشادات تنبيهيه في هاي المكان وفي كل اماكن سير المشاه ونشر التوعيه للشعب

نورتور موضوعي بردوردكم ونقاشاتكم الجميله :)

[أسير الأحلام]

يا اخي من مبادئ قانون المرور بأن هذا الخطوط تعني الأولوية لعبور المشاة وليست السيارات ويجب التأكد من خلو طرفي الممر من أي شخص يريد العبور .. هذا الي نعرفه وتعلمناه .