ويستمر مسلسل المجلس الاعلى(الأصغر)بالتخبط ..العلاقة بين الآلة الحاسبة والمجلس الأعلى

[الحظ]

مطلوب من جميع الطلاب احضار نوع معين من الآلات الحاسبة لامتحان مادة الرياضيات مع العلم بان هذه الانواع ليست متوفرة بالأعداد المطلوبة ويجب علي الاسرة التي لديها عدد من الاطفال في مراحل مختلفة ان توفر العدد المطلوب ونفس النوع علي اقل تقدير 3 الالات للأسرة الواحدة لاستخدامها لساعة واحدة وفي اخر العام وهذا ومن غير تدريب الطلاب علي استخدامها طوال العام هذا هو التخبط تخبط تخبط *

[طرف محايد]

في هذه الليلة المباركة .. ليلة الامتحانات الوطنية


تذكرت ليلة رمضان المباركة


من خلال انتشار الناس في المجمعات




الليلة كنت أبحث لابني عن الآلة الحاسبة


التي اختفت الليلة في ظروف غامضة


كان المتسبب في اختفائها المجلس الأعلى


وقد طلبوا من الطلاب نوعين من الآلة الحاسبة


رقم 82 و 85


والسؤال لماذا هذا التعنت في اختيار النوع


فلقد استغربت من نفاد الآلات من جميع مكتبات ومحلات الدوحة


هل هي صفقة تجارية لهذه النوعية؟


هل هي قضية تعجيزية؟


هذا عدا اللغط الكبير حول قضية الامتحانات الوطنية نفسها



تصبحون على آلة حاسبة
*

[R 7 A L]

شنو مواصفات هذه الآله ؟

[R 7 A L]

هذا ثاني موضوع اقراه عن الآلات الحاسبة فهمونا ياناس
شنو مواصفاتها الى طالبينهــــا

[Right]

عاد شوف منو وكيل هالنوع بالذات من الآلات الحاسبة ؟؟

وأفهم يا فهيم !!!!

[Right]

نفس الموضوع عن الآلات الحاسبة

وهذي نفس الإجابة


عاد شوف منو وكيل هالنوع بالذات من الآلات الحاسبة ؟؟

وأفهم يا فهيم !!!!

[منيرة الطواش]

ليش مايوفرونها مثل كل سنة؟؟؟؟؟

[الحظ]

والله أزمة والله أزمة علي الآلات الحاسبة رقم ٨٢ او ٨٥ وليس مقبول اي رقم من غيرهم
لكم الله لكم الله يا اولياء الامور

[طرف محايد]

هذا ثاني موضوع اقراه عن الآلات الحاسبة فهمونا ياناس
شنو مواصفاتها الى طالبينهــــا

نوعين ًً ً ً بس ذاكر أرقامهم


الي هي 82 و 85


وفعلا استنفدت من كل مجمع ونوفتيه

اعتقد حتى المطاعم أجروا حاسباتهم الليلة

[الحظ]

ليش مايوفرونها مثل كل سنة؟؟؟؟؟


دعم التعليم في الدول الأخري لم يجعل هنالك ميزانية لطلاب قطر الله المستعان

[طرف محايد]

نفس الموضوع عن الآلات الحاسبة

وهذي نفس الإجابة


عاد شوف منو وكيل هالنوع بالذات من الآلات الحاسبة ؟؟

وأفهم يا فهيم !!!!






والله مادري ممكن تنورنا


لكن هو تساؤل يطرح نفسه

ليش هالرقمين بس


مع أني لقيت مثيلاتها !!!

[صعبة وصوفه]

يبون نوعية من الحاسبات بس تسوي جمع وطرح وضرب،، حقت العصر الحجري:rolleyes2:
انزين أبي أحد يفهمني ليش لاااازم هالنوعية من الحاسبات؟؟؟!!

يعني يخافون أحد يغش ويخزن معادلات بالميموري؟؟!!! في إختراع إسمه (مسح الذاكره) memory press يضغطون بالقلم على الحاسبة من ورى لمدة ثواني معدودة وتنمسح كل الذااااكرة،،

الله يعينكم يالطلاب :rolleyes2:

[Right]

والله مادري ممكن تنورنا


لكن هو تساؤل يطرح نفسه

ليش هالرقمين بس


مع أني لقيت مثيلاتها !!!



" لا يفتى ومالك في المدينة "

ومالك هنا هو " المجلس الأعلى للتعليم "

[الحياة الخالدة]

اي و الله يعني امتحاناتهم بكرة
و اليوم طرشوا مسجات لأولياء الأمور يطلبون أنواع معينة نوعين بس 82 و 85
يبلفيت نوع عادي مب متطور
غير عن اللي كانوا يشتغلون عليها طول السنــــــة
و تخيل ان كل الناس اليوم بس طالعة تدور هالنوع من الالات الحاسبة

و ما لقوها .. لان الاعداد اللي كانت موجودة منها خلصت
صج صج مسخرة

[Grnas]

http://img.alibaba.com/photo/286401720/Casio_FX_85_MS_Scientific_Calculator.jpg

هذي كانت معاي في الثانوية

[عيون الدوحة]

وانا اشووف الدنيا زحمة اليوووم المرخية
والكل معصب ويلف على الثاني
اتاري الموضوع يخص المجلس الادنى

[بدون]

حسبي الله و نعم الوكيل ،التعنت وصل فيهم إلى هذه الدرجة

هي مب بس الالات الحاسبة ، علب الهندسة اختفت من المكتبات بقدرة قادر

و لو كان هناك نوع له خاصية معينة لطلبوه لتعجيز الأهالي عقابا على احتجاجهم على الاختبارات

[صعبة وصوفه]

وووينكم يالمجلس الأعلى مانبهتوا الطلاب من فترة كافية!!! جايين تتشرطون بليلة الإمتحااان !!! صبااااح الليل !!!
يعني غصصصب تبون توترون الطلاب،،

[الأصيل]

ازمات المجلس الاعمى للتخبيط ما تخلص :anger1:

زيد عليهم ازمه في علب ادوات الهندسه :(

دورت في سبع مكتبات واشوف الكل يدور علبه وما لقوا

آخر شي لقيت علبه يتيمه في مكتبه صغيره :)

البنغالي استغل الازمه وباعني اياها 15 ريال :omg:


وانا كنت اشتريها للعيال قبل من الرونق 4 ريال:eek5:

[طرف محايد]

ليش مايوفرونها مثل كل سنة؟؟؟؟؟



السنة الجاية حتى أقلام الرصاص مافي


مادري وش آخرتها مع المجلس الأعلى

[نجم الجنوب]

fx-82 es او fx-85 es الالأت الحاسبه المطلوبة .. الناس تذابحت عليها ماخلوا مكتبة في قطر بس للاسف البضاعة خلصت :telephone:

[بنت قطريههه]

الله يعينكم الصراحه

[طرف محايد]

والله أزمة والله أزمة علي الآلات الحاسبة رقم 82 او 85 وليس مقبول اي رقم من غيرهم
لكم الله لكم الله يا اولياء الامور


صحيح ما يقبلون غير هالرقمين

والا أنا لقيت غيرهم وبدائية جدا وغير مطورة



لكن الشكوى لله

[حليتان*]

http://img.alibaba.com/photo/286401720/Casio_FX_85_MS_Scientific_Calculator.jpg

هذي كانت معاي في الثانوية

:omg: حرااام والله

شهالأله !!

انا ثالث ثنوي جابو لنا الات حاسبه جديده :( وهم مساكين يلزمونهم بهالأله :(

[النابلسي]

اخ طرف محايد،
لقد بحثت في اكثر من خمس محلات (لقد نسيت الرقم من كثر البحث!!) و لم اجدها...فما مصير الطلاب اللي حيستخدموا Casio ولكن نوع مختلف؟؟

[انصار جليري]

عنبو الا ذي الالة الحاسبة بالذات


طلبت زار ذي


متأكدين المجلس الاعلى هو اللي طالبها ولا مكية ام زايد



ماعندهم سالفة

[طرف محايد]

اخ طرف محايد،
لقد بحثت في اكثر من خمس محلات (لقد نسيت الرقم من كثر البحث!!) و لم اجدها...فما مصير الطلاب اللي حيستخدموا casio ولكن نوع مختلف؟؟



سمعت انها ممنوعة وجانا قرار من المدرسة بذلك


لكن مادري اذا بعض المدارس بتتغاضى


الله أعلم

[بوخليفة83]

انا اذا الله رزقني بعيال ان شاء الله بدخل اعيالي مدرسه انجليزيه ولا امريكيه وحتى الهندية احسن منهم عندهم نظام وناس فاهمه تتعامل مع الطلاب من الطفوله لين التخرج وناس تتفهم وتقدر اولياء الامور وتقدم لهم تفاصيل عن حياة ابنائهم التعليميه واذا عندك اي معلومه او استشاره يساعدونك ويستمعون لك مب نفس ربعنا لاتعليم ولاسياسات ولا احترام ولاترتيب الناس كلهم مب فاهمين هم اللي فاهمين بس
تخبط في تخبط في تخبط:anger1:

[نورالهدى]

لاحول ولاقوة الا بالله العلي العظيم

[الجــــــآدل]

ههههههههههههههههههه والله حاله
شر البلية ما يضحك اليوم انا كنت فالمكتبه ونفس الحاله ادور هندسه لخواتي مالقيت
ومن مكتبه لمكتبه اخر شي لقيت وحده بروحها في زاويه ومبطله
بعد قلت باخذها ع الاقل احسن من لا شي :anger1:
ورحت احاسب وبالصدفه شفتهم طلعو كرتون جديد كله علب هندسه
واروح ركض فلم اكشن صار :eek5:
الناس ماباقي الا تتضارب ما صدقو يلقـوون
والكل نفسه فخشمه ما يسسسسوى علينا :(

[BoYousuf]

هو صحيح,,حته بالجامعات بعض المواد تطلب الاله البسيطه الي بدوون اي امور متطوره فيها عشان الغش واستعمال الموميري

بس الصراحه يعني ماعندهم اي نظام ولا تخطييط انه يعطون خبر قبلها اب فتره!!! ولاعبالهم الناس فاضيينلهم بس هم عشان ايقضون متطلباتهم في يوم ولا يومين بس...

تخبط في تخبط,, ألى الاسفل ولا شفنه الاعلى

[بوحارب]

والله ماعندهم سالفه

[فتى الجود]

شنو مواصفات هذه الآله ؟

فتحه مكيفين وثلاجة
واسبير علاق
هههههههههه






اظحك معاك وانا اخوك

والله ياخوك اذبحونا


لا احنا اللى اعيلنا بالروضه خالصين

ولا اللي اوصولوا الثانويه خالصين

المجلس الاعلى

خلكم على


(( لا ارى ، لا اسمع ، لا اتكلم ، لا أدرى شسالفه ))

[الحياة الخالدة]

طرشوا مسجات لأهالي طلبة الابتدائية في إحدى المدارس المستقلة

بعد الامتحانات الوطنية لا يخرج الطلبة إلا في الساعة 12 ظهراً ..

و في نهاية المسج :

و لكن الإدارة لا مانع لديها من أخذ الطلبة الساعة 10 !!!
----------------

يعني يطلعون من وقت و الا ما يطلعون !!
ناخذهم 10 و الا 12 ؟؟

ذكروني بمقولـــــــة .. روح جاي يا زلمــــة ..

[ANONYMOUS]

----------------

يعني يطلعون من وقت و الا ما يطلعون !!
ناخذهم 10 و الا 12 ؟؟

ذكروني بمقولـــــــة .. روح جاي يا زلمــــة ..



عاد انا تذكرت الاخ الرئيس القائد معمر القذافي

للمرأه حق الترشح.. سواء كانت ذكر ام انثى


الظاهر يعني ممكن تاخذون عيالكم .. سواء 10 ولا 12.. بس 11 ممنوع

والله اعلم

[alrheeb2020]

قسما بالله غبااء ,,

طول السنه الطلاب يدربون عالحاسبه المطوره ,,

قبل يومين من الامتحان مطرشين مسج لازم يحضرون اقدم حااسبه متطوره ,,

تخبط في تخبط

[الحياة الخالدة]

عاد انا تذكرت الاخ الرئيس القائد معمر القذافي

للمرأه حق الترشح.. سواء كانت ذكر ام انثى


الظاهر يعني ممكن تاخذون عيالكم .. سواء 10 ولا 12.. بس 11 ممنوع

والله اعلم



كلمات القذافي ( الله يفكنا من شره ) أصبحت على كل لسان .. من أصغرهم إلى أكبرهم
و سجلت في صفحات التاريـــــخ ..

و انت الصادق أخــــــوي ..
بس الهقوة انهم يبون يحمون أنفسهم و يبينون ان هم ملتزمين بخروج الطلبة الساعة 12
يعني مخلين لهم خط رجعة
فإذا حد من المجلس الأعلى تكلم و قال ليش طلعتوهم من وقت .. قالوا هذيلا الاهل جاؤوا و خذوهم .. احنا مالنا دعوة
و اذا الاهل اعترضوا على تأخيرهم للساعة 12 بدون ما يكون عندهم شغلة غير التسدح في الصفوف ..
قالوا احنا قلنا لكم ممكن تاخذونهم الساعة 10
المهم انهم يرضون الطرفين .. و يخلون مسؤوليتهم .. :rolleyes2:

[جوهرة قطر]

خلاص مابيدنا شى نسويه اليوم اول يوم امتحانات لهم والله يوفقهم :rolleyes2:

[ام السعف]

بغض النظر عن الطلب هذا ،،


ليش يعلمون الطلاب على الآلة الحاسبة ؟


خلصنا المدرسة ولا اسمحوا لنا نمسك آلة حاسبة ؟

فليش يزرعون البلادة في عقول الطلاب ؟
: (((

[النائب]

مراسلكم من جميع مكاتب الدوحة .

إنتقد أمس كثيرا من أولياء الأمور المجلس الأعلى للتعليم بعد أن توجهوا الكثير من اولياء الأمور والطلبة للبحث عن آلآلة الحاسبة es 85/ أو es82 وللأسف فإن هذه الآلة قد نفذت من الوجود أو لم تكن موجودة في الغالب .

والله إنهم عجايز وشيبان من كتبة في مكتبة وطلاب المفروض إنهم يذاكرون جالسين يدورون من مكان في مكان للبحث عن الآلة وكأنها كنز مفقود .
ولم يحصل المسؤولين أمس وطول اليوم إلا على السب واللعن والشتم من قبل الكثيرين لما اصاب الطلاب وأولياء أمورهم من قلق وهم وتوتر .
حسبنا الله ونعم الوكيل

المسؤولين القطريين نعلم إنكم ليس بيدكم شي وإن الموضوع أكبر منكم ولكن لا نبرأكم من التواطأ في حالة إستمراركم في عملكم دون أن تستقيلوا او أن تعروا هذا المجلس واهدافة القذرة والقبيحة والتى تملى عليكم دون إبداء حقكم في الإعتراض على ماترونه ضررا على طلابكم .
إن إستمراركم هو خيانة للطلبة وبذلك إمتداد لخيانة الوطن في التعليم .

اللهم إني بلغت اللهم فاشهد .

[captin]

صار التعليم عندنا في الحضيض والتراب

والسبب من يقوم على التعليم
حسبي الله عليه مليون مرة
ربي ياخذه اخذ عزيز مقتدر

[ولي العهد]

والله ياجماعة الخير اني درت كل دكاكين الفريج وكل مكتبه في الفريج ورحت مكتبة ابن القيم والمكتبه الي داخل محطة البترول الي ورى اللاند مارك وطبعا رحت السوبر ماركت الي هناك ورحت المحل الي من يمين المعصره لا حصلت الااله هذي ولا حتى علبة الهندسة لمراد رديت البيت وانا مقفل ومتنح قمت اليوم اليوم الصبح وانا طالع من البيت شفت بنتي قلت لها اسمعي (( اذا كلمتج المديره ولا اي مدرسه وقالت لج وين الي طلبناه منكم قولي لهم كلموا ابوي )) وانا حاليا انطر اتصالهم على احر من الجمر ... وربي لطفي حرت لدواره الي درتها امس وللعلم المجلس الاعلى الزم جميع المدارس المستقله انهم يتحملون 50% من هالطلبات والمجلس الاعلى يتحمل 50% الثانيه يعني في هالموضوع المجلس الاعلى بيض الله وجه ماقصر وتحمل نص والمدارس المستقله النص الثاني ولكن اعتقد ان المدارس المستقله تبي اتوفر على نفسها على حساب اولياء الامور ... طيب ماعندي مشكله وفروا على نفسكم ولكن وفروا هالطلبات في المدارس واولياء الامور بيشترون ماعندهم مشكله .

[الجسراوي]

راعي او وكيل الاله المطلوبه رفيج واحد كبير في الاعلى جعلهم الادنى ان شاء الله ...

المسكين الالات اللي عنده ستوك في الاستور قديم يبي يصرفهم اشلون عاد


وافهم يافيهم

شوف من اللي دفع منهو ومن اللي قبض منهو

وتعيش الرؤيه

ولا للفساد هههههههههههههههههههههههههه

[السد]

الله يوفقهم لهذه الخطوة الهامة
يبغون يفيدون المكاتب اول وآخر السنة !!!!

[الحياة الخالدة]

بغض النظر عن الطلب هذا ،،


ليش يعلمون الطلاب على الآلة الحاسبة ؟


خلصنا المدرسة ولا اسمحوا لنا نمسك آلة حاسبة ؟

فليش يزرعون البلادة في عقول الطلاب ؟
: (((


اي و الله يا ام السعف
كنا نسوي كل العمليات الحسابية من غير الاستعانة بالآلة الحاسبة ..
و كانت مخوخنا تشتغل صح

ما عليه الحين الدنيا تطورت و التكنولوجيا ما قصرت .. و محد معترض عليها
يمكن الواحد الحين ما عنده وقت حتى يستعمل مخــــــه ..

بس عاد تجون تحكرون الاهالي و الطلبة في يوم واحد قبل الامتحان
و على آلة حاسبة تشغلونهم بها و هم يدرورن من مكتبة لين مكتبة .. و بها يلقونها و بها ما يلقونها ..
أختي تقول و الله كانت تنباع ب 3 ريالات و احنا شاريين لهم الالات اللي يستعملونها طول السنة أقل شي ب 50 ريال و انت طالع

في النهاية قالت حق عيالها .. خذوا معاكم فلوس و اذا قالوا لكم شي .. قولوا لهم عندكم .. بنشتريها منكم .. بس فكونا .. :(

اي لييييييييييش ..:anger1:
حبكت الحين يعني .. ليلة الامتحان :omg:


سبحان الله

[الجسراوي]

فتحه مكيفين وثلاجة
واسبير علاق
هههههههههه

[/size][/color]


(( لا ارى ، لا اسمع ، لا اتكلم ، لا أدرى شسالفه ))

:tease::shy::rolleyes2::omen2::victory::discuss::a nger1::secret::(:telephone::telephone::eek5::):nic e::omg::weeping::ok::vampire::taunt::protest::cry: :app::waiting::funny:escape:app2::nop::protest::an ger3::nono::playball::swoon2::tooth::pioneer::stro ng3::tomato:omen:no::spider::whistling::court::hap py::strong:wizard::eek3::dance:threaten::D:pardon: :spider::nea::fight::anger2::eek::cool::sneaky::th is:

[شيزكيك]

رحت امس كارفور وما لقينه ورحت المكتبه الي احذا جمعية ازغوى الا يقول هالنوعية مخلصة من السوق

وطول الوقت يقولون لي عيالي احنا عندنا في البيت بس قلب الام ولما وصلنا البيت طلعت الي عندهم

نفس الي يبونها المجلس الاعلى :app:

[غير البشر]

الله يكون بعونكم :(

شي يحز النفس رددو

حسبي الله ونعم الوكيل

[ضوى]

بغض النظر عن الطلب هذا ،،


ليش يعلمون الطلاب على الآلة الحاسبة ؟


خلصنا المدرسة ولا اسمحوا لنا نمسك آلة حاسبة ؟

فليش يزرعون البلادة في عقول الطلاب ؟
: (((


ايه والله يام السعف

اتذكر كنا نترجى المدرسات يقبلون ندخل الة حاسبة عادية عشان الوقت بس مو عشان شئ ثاني ، كان يصرون نبي طريقة الحل من الاف للياء وراء ورقة الاجابة وعاد شوفي تضيع الوقت والا خطأ في رقم واحد ، والحين باعدادي يبونهم يجيبون الة حاسبة

شخصيا قلت لبنتي ولولدي غصبا عنهم بيوفرون لكم وان ماوفروا مب لازم انتوا تعرفون تمشون حالكم :rolleyes2: والله يوفقهم يارب ونخلص من هالمسرحية الهزلية اللي ضحكت كل العالم علينا

[شيزكيك]

يبون الالة علشان في اسئلة ما تنعرف او ما يتاكد من الاجابه الا اذا طقطقوا على الاله ذي الي فهمته من ولدي امس وهو يحل الاختبار التجريبي

[عابر سبيل]

http://www.chung-sim.com/foto3/casio.fx-350es.jpg

حصلت في مكتبة
ES-350..

و راعي المكتبه حاول يقنع المجلس الاعلى(عن طريقي) انها هي اياها
اخت ES 82
و ES 85...

فقلت له..يا حج..
انا داري انها كلها (مهزلة)..
بس اشله اخسر بيزات و بعدين
يجيلي (ناطور) المدرسة
و ياخذها من الولد لانها
ES-350
موب ES-82..

رغم انها على قولة المصنع..
(كاسيو)
في العمليات و وو..
هي اياها
بس الفرق في التشغيل..
وحدة بس بالبطارية..
و الثانية مزدوجة الطاقة (بطارية+شمسية)..


خليناه يروح
و معاه اللي عنده
من اول السنه..
ES-500..
مدري 500 SEL مرسديس بنز..

مشوه..و لا ما لنا الا انقول
اول و آآآآخر..

حسبنا الله و نعم الوكيل

[الحياة الخالدة]

http://www.chung-sim.com/foto3/casio.fx-350es.jpg

حصلت في مكتبة
ES-350..

و راعي المكتبه حاول يقنع المجلس الاعلى(عن طريقي) انها هي اياها
اخت ES 82
و ES 85...

فقلت له..يا حج..
انا داري انها كلها (مهزلة)..
بس اشله اخسر بيزات و بعدين
يجيلي (ناطور) المدرسة
و ياخذها من الولد لانها
ES-350
موب ES-82..

رغم انها على قولة المصنع..
(كاسيو)
في العمليات و وو..
هي اياها
بس الفرق في التشغيل..
وحدة بس بالبطارية..
و الثانية مزدوجة الطاقة (بطارية+شمسية)..


خليناه يروح
و معاه اللي عنده
من اول السنه..
ES-500..
مدري 500 SEL مرسديس بنز..

مشوه..و لا ما لنا الا انقول
اول و آآآآخر..

حسبنا الله و نعم الوكيل


عيال الهوامير ما شاء الله محد يقدر عليهـــــم .. :secret:

بس الظاهر المجلس الأعلى يبي يطبق المساواة بين الغني و الفقير .. :nice:
بس توقيتهم غلط .. كلش مو وقته ..

[الرويـس]

مش هي نفسها الآلة الحاسبة اللي طلبوها في وقت سابق أيام عهد التربية والعليم ..؟

أتصور كانت مستخدمه او انها مدرجة من ضمن الادوات اللازمة للطلبة في الثانوية لإيجاد دوال المثلثات (الظا والطتا والجا جتا و الساين والكوزاين ما اذكر بالضبط .. )
واعتقد كانت مهمه ي ايجاد دوال المثلثات ..

يمكن التوقيت في طلبها هو اللي سبب مشكلة حالية .. غير انها اتوقع هي مطلوبة في مرحلة من مراحل الدراسة ..

فهل هي نفسها ؟

[شيزكيك]

وبعدين اكيد هم بيوفرون احتياط نفس الي وفروهم حق الثانوية المستقلة

او بيشوفون البنات الي خلصوا وبيعطون الي ماعندهم

[همسه]

طرشوا مسجات لأهالي طلبة الابتدائية في إحدى المدارس المستقلة

بعد الامتحانات الوطنية لا يخرج الطلبة إلا في الساعة 12 ظهراً ..

و في نهاية المسج :

و لكن الإدارة لا مانع لديها من أخذ الطلبة الساعة 10 !!!
----------------

يعني يطلعون من وقت و الا ما يطلعون !!
ناخذهم 10 و الا 12 ؟؟

ذكروني بمقولـــــــة .. روح جاي يا زلمــــة ..



شعنده القذافي

ههههههههههههههههههههههههههه

[كحيلان قطر]

كاسيو 82 اتذكر في صف اول ثانوي سنة 95 اطلبوها منا من اول السنة وكانت شبه مفقودة فما بالكم الحين سنة 2011حتى الشركة اظن وقفت انتاجها واستبلتها بنوع ثاني ورقم ثاني بس المجلس الاعلى لحد الان ماجاهم التطور ولا بحثوا عن البديل

[ضوى]

مش هي نفسها الآلة الحاسبة اللي طلبوها في وقت سابق أيام عهد التربية والعليم ..؟

أتصور كانت مستخدمه او انها مدرجة من ضمن الادوات اللازمة للطلبة في الثانوية لإيجاد دوال المثلثات (الظا والطتا والجا جتا و الساين والكوزاين ما اذكر بالضبط .. )
واعتقد كانت مهمه ي ايجاد دوال المثلثات ..

يمكن التوقيت في طلبها هو اللي سبب مشكلة حالية .. غير انها اتوقع هي مطلوبة في مرحلة من مراحل الدراسة ..

فهل هي نفسها ؟

هي نفسها :nice: واشكثر كانت نافعة بذاك الوقت

[بوخالد911]

كثرت الشكاوى حول التعليم

ومن سيدفع هذا الثمن يا ترى
؟!؟!؟!؟

تحياتي قبل شراء آلاتي

[وزارة العدل]

طول اليوم واحنا ندور هالاله لين عشر ونص ومالقيناها

وولد اختي راح الامتحان ب اله حاسبه غير

ربي يسهل عليهم الامتحان

[الرويـس]

هي نفسها :nice: واشكثر كانت نافعة بذاك الوقت

الحمد
:(
لازالت ذاكرتي بخير

[مكتوم]

وليه المجلس ماشرالهم حسابات لفترة الاختبار وبعدين ياخذونها من الطلبه
في نهاية الاختبار

لكن على مايقولون
قول الحمد الله ازين من قول انعم الله عليكم

حسبي الله عليكم

[خزامئ]

ابشركم مدرسه بنتي وفرتها
وانا امس كله ماخليت مكان وانا ادور الها