عمليه قلب

[سارا البدر]

السلام عليكم

استفسار بسيط لو سمحتوا :)

شرايكم في دكتور عامر الشيخوني هو استشاري امراض قلب
وبخصوص عمليات القلب في قطر شلون مستواها
وهل لكم تجارب او سمعتوا احد سووا عمليه القلب في قطر
والحمدلله كانت ناجحه

يمكن ثقلت عليكم بس ابي قلبي يرتاح
الله يشفي مريضتنا ولا يوريكم مكروه في غالي

[بنت قطريههه]

الله يشفي مريضكم انشاءالله

تبين الصراحه لاتغامرون وتعالجونه في قطر ودوها امريكا على حساب قطر وانشاءالله يشفى ويرد احسن من اول انا اعرف ناس يتعالجون في امريكا مريض. قلب

[حـ ن ـيـ ن]

الافضل لندن او امريكا

الله يشفي مريضكم ان شاءالله

[Miss]

على حسب العمليه ..

القسطره يسوونها وايد هنيه ..

لكن اذا فتح قلب لا تغامروون وتسونها هنيه ..

عندج لندن ممتازه ووايد يسوون فيها ..

حاولي تستخرجين لها تقرير طبي وودوها ..

الله يشفيها يا رب

[مستثمر 999]

انا ارشح الدكتور عبدالواحد الحمادي

وبخصوص عمليات القلب ما شاء الله الدوله مب قصره وموفره كل شي


والله الشافي سواء كانت العمليه في قطر ولا في المريخ

اهم شي اتباع الارشادات خلال فترة النقاهه

[سارا البدر]

طرشنا تقاريرها لندن وتايلاند والامارات والهند والرياض
وكلهم ردهم واحد عمليه قلب مافي حل ثاني

وبالعكس عمليات القلب في قطر جدا متطوره واحسن منها مافيه
حتى لما رحنا الرياض الدكاتره هناك قالوا لنا ليش جايين عندنا
عندكم دكاتره شطار ماشاء الله + ان مريضتنا رافضه تسوي العمليه برع قطر

والله يسهل يااربي بس كنت ابي اعرف لو احد عارف دكتور عامر

جزاكم الله خير

[تحداني]

ما عندي فكره عن هالدكتور بالتحديد
بس عمليات القلب في الدوحه رائعه خاصه ان كانت قسطره كما قرأت في احد الردود
ولو كان الامر اعقد فالقرار راجع لك

توكلي على الله ولا تقلقي
وان شاء الله لن يصيبنا الا ما كتب الله لنا


جملك الله برضاه

[بـــــــنت النوخـّــــذه]

طرشنا تقاريرها لندن وتايلاند والامارات والهند والرياض
وكلهم ردهم واحد عمليه قلب مافي حل ثاني

وبالعكس عمليات القلب في قطر جدا متطوره واحسن منها مافيه
حتى لما رحنا الرياض الدكاتره هناك قالوا لنا ليش جايين عندنا
عندكم دكاتره شطار ماشاء الله + ان مريضتنا رافضه تسوي العمليه برع قطر

والله يسهل يااربي بس كنت ابي اعرف لو احد عارف دكتور عامر

جزاكم الله خير

الله يشفيها لكم ويخليها

توني من اشوي في البرنامج على قناه قطر يتكلمون عن افتتاح مستشفى القلب وبكفاءه عاليه جدا" وخدمات متميزه 00

سئلي عندهم بيفيدونج وتوكلو على الله اهم شي راحه المريض ورغبته والشفى بيد الله وين ماكنتي

وبشرينا بعد العمليه ^_^

[حسن]

دكتور عبد الواحد ممتاز والدكتور الثاني عبدالعزيزالخليفي من اكفاء دكاتره القلب في قطر

[علاء الدين 1]

السلام عليكم

استفسار بسيط لو سمحتوا :)

شرايكم في دكتور عامر الشيخوني هو استشاري امراض قلب
وبخصوص عمليات القلب في قطر شلون مستواها
وهل لكم تجارب او سمعتوا احد سووا عمليه القلب في قطر
والحمدلله كانت ناجحه

يمكن ثقلت عليكم بس ابي قلبي يرتاح
الله يشفي مريضتنا ولا يوريكم مكروه في غالي

بسم الله الرحمن الرحيم
(( وَإِذَا مَرِضْتُ فَهُوَ يَشْفِينِ ))..!!
تتقلب صفحات الحياة وتتعدد الأحداث التي تمر على الإنسان ، فينال منها ما
ينال و « هل تجيء الأيام بما نحب ؟
ما أكثر العواصف التي تهبُّ علينا ، وتملأ
آفاقنا بالغيوم المرعدة ، وكم يواجَه المرء بما يكره ، ويُحرم ما يشتهي » [1] .
ومن تلك الأحداث والعواصف التي تواجه الإنسان « المرض » فلا يكاد يخلو إنسان من
عارض يمر به ، فيصاب بمرض أو يوجد عنده من يمر بمرض من الأمراض التي
لا يملك داءها ودواءها إلا الله - سبحانه وتعالى - :  وَإِذَا مَرِضْتُ فَهُوَ يَشْفِينِ 
( الشعراء : 80 ) .
الى الأخت ساره البدر بخصوص عملية القلب المفتوح
أحسن مستشفى للعمليات القلب هو مستشفى مايو كلينك في أمريكا
لأن أنا عملت العملية عندهم , على حساب الدولة , في سنة 2009 , وكانت العملية في القلب .
والحمد لله رب العالمين العملية كانت ناجحة
وأموري طيبة من فضل الله علي
ملأحظة : هذا عنوان المستشفى


United States
Rochester, Minnesota
200First Street SW
Rochester , MN 55905
Tel : 507 – 284 – 2511
www.mayoclinic.com

[سارا البدر]

الحمدلله مريضتنا اجرت العمليه من 3 ايام
اللهم لك الحمد الامور كلها تمام والعمليه ناجحه
ومريضتنا بصحه وعافيه

مشكورين وجزاكم الله خير
والله يشافي مرضانا ومرضى المسلمين

[طير حوران]

الحمدلله مريضتنا اجرت العمليه من 3 ايام
اللهم لك الحمد الامور كلها تمام والعمليه ناجحه
ومريضتنا بصحه وعافيه

مشكورين وجزاكم الله خير
والله يشافي مرضانا ومرضى المسلمين

اولا نهنيكم بسلامة المريضه وجعلها الله كفاره لها

ثانيا من الدكتور اللي اجرى العمليه وكم صمام مسكر كان عندها وهل كانت عضله القلب عندها قبل العمليه جيده وهل كانت مصابه بجلطه من قبل

ساعدينا بهذه المعلومات فلدينا مريض قرر له عمليه

[علاء الدين 1]

بسم الله الرحمن الرحيم
قال تعالى:
( وإذا مَرِضْتُ فَهوَ يَشفيني )
نهنيكم بسلامة المريضه وجعلها الله كفاره لها .
والله يشافي مرضانا ومرضى المسلمين أجمعين .
أمين يا رب العالمين .

[سارا البدر]

طير حوران

اسفه على التاخير

اللي اجرى لها العمليه الدكتور عامر الشيخوني
وعندها 4 شرايين مسكره ومنهم الرئيسي ولله الحمد وقت العمليه
غيروا لها 3 شرايين وال4 مااحتاج تغير
خذوا لها شرايين 2 من ساقها وشريان من صدرها

وعضله القلب ولله الحمد جيده جدا وهذا اللي شجعها على اجراء العمليه

لا ماكان فيها ولا شيء لان مرض القلب اكتشفناه عندها من شهرين بس

الله يشافي مريضكم ويعافيه يااربي اي سؤال انا في الخدمه


علاء الدين ,, الله يجزاك خير

[طير حوران]

طير حوران

اسفه على التاخير

اللي اجرى لها العمليه الدكتور عامر الشيخوني
وعندها 4 شرايين مسكره ومنهم الرئيسي ولله الحمد وقت العمليه
غيروا لها 3 شرايين وال4 مااحتاج تغير
خذوا لها شرايين 2 من ساقها وشريان من صدرها

وعضله القلب ولله الحمد جيده جدا وهذا اللي شجعها على اجراء العمليه

لا ماكان فيها ولا شيء لان مرض القلب اكتشفناه عندها من شهرين بس

الله يشافي مريضكم ويعافيه يااربي اي سؤال انا في الخدمه


علاء الدين ,, الله يجزاك خير

شكرا وجزاك الله خير