حد مسوي بركه سباحه؟؟؟

[المسك1969]

السلام عليكم
افكر اسوي بركه سباحه تقريبا 4.5x7 واخترت لها على حسب المكان اللي عندي تكون على شكل كدني (كليه)
رحت ريجنسي والريان لبرك السباحه
ريجنيسي قال لي مبدئيا 50 الف بدون الحفر على ما اذكر والريان قال لي 67 الف... من اللي سوى وبكم؟؟ هل البركه فيها مخرج للماي للمجاري والا لازم يشفط؟؟ هل سويتوا سور للمكان ووين ان سويتو؟؟

[r07]

احنا سويناها عند مترو لبرك السباحه تقريبا 8 ونص في 4 شكل منحني الحفر علينا والباقي عليهم ب 78 الف ووصلنا معاهم لغاية 73 الف.... جسم البركه مغطى باللاينرالفلتر سطحي يعني ما يحتاج غرفه للفلتراو تمديدات للصرف وهالشي اشوفه احسن واقل تكلفه في الصيانه...ونصيحتي بما ان البركه صغيره لا تحطون فيها جاكوزي او بركة اطفال عشان ما تضيع مساحتها ودرج البركه خلوه درج وجلسه في نفس الوقت...بالنسبه للسور ضروري انكم تسوون سور سواء المنيوم او حديد مشغول او سور زجاجي ..بالنسبه لنا بنسوي سور زجاجي بس للحين ما وصلنا ها المرحله وما اقدر افيدك بالمحلات...بالتوفيق والله يعطيكم خيرها ويكفيكم شرها ان شاء الله

[سهم قطر]

شلون مايحتاج تمديدات صرف
اذا بتفضيها من الماي شلون
والفلتر شلون
ممكن توضيح اكثر

[المسك1969]

السلام عليكم
شكرا روح على النصيحه الله يجزاكم خير... بس خبرني عن الزجاج اللي بتحطونه شلون بيكون.. وما تخاف انه ينكسر لو حد حذف عليه شي قوي
جزاكم الله خيرا

[المسك1969]

شلون مايحتاج تمديدات صرف
اذا بتفضيها من الماي شلون
والفلتر شلون
ممكن توضيح اكثر

السلام عليكم
اخوي سهم قطر ترى الاخ روح يقصد انه فيه drainge يعني مخرج للماي (يروح الماي لبالوعه البيت) وماله حاجه اتجيب دنكر تسحب الماي او المكينه اللي قالوا عنها.. اللي في ريجينسي قال لي هالكلام..

[r07]

شلون مايحتاج تمديدات صرف
اذا بتفضيها من الماي شلون
والفلتر شلون
ممكن توضيح اكثر

اخوي الفلتر السطحي اللي اقصده يركب في طرف البركه وتكون الاضاءه معاه بعد حجمه ما يتعدى المتر تقريبا...الفلترهذا يسحب الماي ويعيد ضخه في البركه....الفلاتر اللي كانت شايعه قبل وللحين في ناس يستخدمونها تحتاج غرفه خاصه وتحتاج تمديدات تسحب الماي لين غرفة الفلتر وبعدين ترجعه للبركه مره ثانيه... مابغي اطول بس اللي يبغي تفاصيل اكثر ترى هالنوع موجود عند ريجنسي وعند مترو لبرك السباحه للي يبغي تفاصيل اكثر ...
بالنسبه للسور الزجاجي ممكن تبحثون في صور جوجل (glass fence)

[M!$s ĀŁ!eN]

انا ابي شوي بركه صغيرونه فيها جاااكوزي .. دافي ,,