______________________ مـــــــواطـن تـأهـل ( حديث بين رجل ونسيبة ) _________________

[ابن التويم]

مواطن تأهل ( حديث بين رجل و نسيبه )

في الكوفي شوب المستشفى الأهلي ..

السلام عليكم بوناصر .. مبروك .. مبروك المولود الجديد
هلا بومحمد الله يبارك فيك و يسلمك .. تفضل .. تفضل .. استرح
انا كنت فوق عند الرضيعه و قالوا لي انك قاعد هنيه قلت اجي ابارك لك
ايه عقب ما مرت عملية الولاده بالسلامه و دخلوا ام ناصر الغرفه الله يحفضها قلت اخليها ترتاح شوي و نزلت هنيه اتقهوى
Excuse me sir
ايش تشرب يا بومحمد
كباتشينوو الله لا يهينك
two cappuccino please
لا كوفي شوب حلو .. و الغرف زينه .. والله مستشفى معتبر .. انا اول مره اجي اهنيه
ايه والله وين الأول في ولادة بنتي ساره اول العام تبهدلت بهدله مع مستشفى حمد .. لو احنا في مستشفى حمد الحين جان لقيتنا في الممرات و إلا في كفتيريتهم التعبانه ..
ايه يوم تجي ساره انا كنت مسافر ..
الله يجيرك زحمه على غرفة الولادة و عقب ما خلصنا من الولادة مالقينا غرفه و قعدنا يمكن 3 ساعات طلبه معاهم لين دبروا لنا غرفه وفي الاخير طلعت الغرفه جماعيه، ايش اللي غرفه جماعيه زين شوفولنا غرفه خاصه بندفع شنسوي قالوا مليانه و فوق هذا الليله بـ 1800 ..
اسمع الرضيعه الحين تقول لي " الحمدلله اللي افتكينا من مسشفى حمد و أذيتهم " .. شكلها مرتاحه هنيه وايد
ايه والله اذوها تغربلت .. ياخي كانت في غرفه جماعيه مافيه خصوصيه ولاشي والحمام مشترك واذكر المره اللي بجنبها كانوا يجونها ضيوف .. يجونها حريم ورجال .. الحريم اشوى لكن الرجال يمكن زوجها و اخوانها .. وما بينك و بينهم الا ستاره و ام ناصر تستحي تتكلم ويطلع صوتها والا تروح الحمام و الرجال موجودين في الغرفه هذا غير ازعاج عيالهم .. بس شسوي كنت موظف حكومي مضطر .. ما لك شوفه ثانيه
والله الساعه 11:30 ما وراك دوام يا بوناصر
ماعليك لا تحاتي
إلا اخبارك مع الشغل الجديد .. كملت سنه الحين ..؟
ايه الحين كملت سنه و كم شهر
والله الوقت يمر بسرعه كأنك متوظف من ايام
للأسف ياليتني متوظف عندهم من زمان ضيعت سنين اشتغل في الحكومه ع الفاضي .. و الله احس اني كنت مخدوع
شدعوه مخدوع .. يا بوناصر .. ههههه
ايه والله وانا صادق .. تحط الحكومه عند الشركه .. انا لو للحين على الحكومه كان ما قدرت اجيب ام ناصر تولد هنيه الحمد لله الشركة تعطيني تأمين صحي وتعليم للعيال و ميزات ما شاء الله و مفتك من الحكومه مالي شغل فيهم عيالي لكبروا بدخلهم مدرسة الخليج على حساب الشركة من صف الاول لين يتخرجون من الثانويه و بعدين بوديهم يدرسون برى و العلاج الحمد لله مثل ما انت شايف مستشفى خاص انا و ام ناصر والعيال وخلاص بعد ما اروح حق مستشفى حمد و غربالهم .. وين الاول متبهدل .. وين كنا و وين صرنا .. مفتك ما لي علاقه في الحكومه و تعليمهم التعبان و خدماتهم الصحيه اللي الله بالخير ..
والله انت تشجعنا يا بو ناصر
والله اطلع من الحكومه .. متمسك فيهم على ايش .. من زين رواتبهم و الا من زين معاملتهم ما ادري شلاقين فيهم احنا .. بند مركزي و تقاعد مبكر و ما ادري ايش .. وكل يوم شكاوي في الراديو و الجرايد
اهم شي الرواتب .. الواحد يعدل وضعه على الاقل
بعد رواتب الشركه يبيلها كلام .. اكيد رواتب الشركه اعلى بوايد ..
كم توصل الرواتب السينير عندكم
شوف يا بومحمد ما اخفي عليك شي ما انت غريب .. بالنسبه للراتب انا استلم الحين ضعف اللي كنت استلمه ايام الحكومه مع انه في تفرقه في الشركه بينا وبين الاجانب لأن الاجانب يعطونهم ميزات و رواتب افضل بس يبقى الوضع في الشركة احسن من الحكومه بالف مره ..
و الله انا ضغط على نفسي هذي السنه و استفدت من البدلات في السفرات الـ 3 اللي رحتها عن طريق الشركه و الحمد لله سددت الدين اللي كان علي و افتكيت و الحمدلله .. و لو اني على الحكومه كان ما قدرت .. كان يبي لي سنين لين اسدده ..
زين قضيت دينك ..
الحمدلله والشغل تراه زين تستفيد وايد و تحس بذاتك تحس انك قاعد تنتج وعلى طول فيه تدريب و تطوير و دورات داخل قطر و برى .. حتى الموظفين .. حتى الموظفين تحس عقلياتهم غير .. ياخي ما تدري اشكثر انا متحسف ما اشتغلت معاهم من البدايه .. ما ادري شلي وداني الحكومه ..
والله يبي لي افكر في الموضوع ..
فكر فكر و اذا قررت جيب لي السي في و ابشر انشالله ..
زين انا بروح يا بوناصر ورانا دوام بكره .. و انت تسهل روح نام وراك دوام .. والرضيعه لا تحاتي ما عليها شر انشالله و الوالده عندها ..
لا ما عندي دوام الله يخلي الشركه يعطونك 3 ايام اجازه اذا جاك مولود جديد ..
بعد .. اسمع بكره بيجيك السي في .. هههه

[R 7 A L]

خلنا نكون صريحين للامانة الدولة من 15 سنة تصيح وتعب عب تبي الناس يتوجهون ( لقطر للبترول ) وسوت سنة 2001 خطة للتقطير وكانت اكبر دفعه من عدد المواطنيين القطريين في تاريخ قطر للبترول

تبي الناس يشغلون هالوظائف المميزة والى الدولة بحاجة ان المواطنين يكونون فيها
حطت مميزات من رواتب عالية وتأمين صحي
لكن اكثريتنا يبي الراحة ويبي الساعة 9 يفرفر كم فرة في السد وعقبها يرجع للبيت


السؤال الأن هل مازالت تريد مواطنين خصوصاً الى اعمارهم كبار ؟ ولا اكتفت ؟

[بوخالد88]

هههههه اخوي ابن التويم يعطيك العافية علي القصة اللي هي صج لانها تعبر عن واقعنا اللي نعيشة.

بس الله لا يهينك تعطيني رقم بوناصر ابغي اعطيه السي في انا بعد تعبت من شغل الحكومة.

يعطيك العافية .

[Dawn]

انا جربت كم اسبوع اشتغل في بنك بس ما نفعت كلش
رحت المدارس وهي نظامها لنا ( العقود المباشره ) تعتبر شبه خاصه ( مافيها اي ميزه من ميزات القطاع الخاص ولا حتى تطبق علينا قوانين الموارد :( ) كانت اسوء تجربه في حياتي وندمت اني تركت البنك :(
والحين رجعت للحكومي ... :) وكل شي من الله زين ... اللهم لك الحمد والشكر

كل مكان فيه ميزات الشغل الخاص راتبه زين لكن فيه مشاكل مع الاجانب والغيره والتنافس وطبيعة الشغل اللي تكون صعبه الى حد ما ..
والشغل الحكومي راتب قليل لكن راحة بال :) وسهوله وروتينيه في المهام الوظيفيه والزملاء ما عندهم لا تنافس ولا دروا عنك ..
وانا اميل للشغل الحكومي مع اني شغوله بس حلوه راحة البال ،،، والفلوس مالها اهميه كبيره لانها اصلا بتروح على العلاج اذا الشغل متعب ويحرق الاعصاب .. يعطيك العافيه عالموضوع

[ابن التويم]

خلنا نكون صريحين للامانة الدولة من 15 سنة تصيح وتعب عب تبي الناس يتوجهون ( لقطر للبترول ) وسوت سنة 2001 خطة للتقطير وكانت اكبر دفعه من عدد المواطنيين القطريين في تاريخ قطر للبترول

تبي الناس يشغلون هالوظائف المميزة والى الدولة بحاجة ان المواطنين يكونون فيها
حطت مميزات من رواتب عالية وتأمين صحي
لكن اكثريتنا يبي الراحة ويبي الساعة 9 يفرفر كم فرة في السد وعقبها يرجع للبيت

السؤال الأن هل مازالت تريد مواطنين خصوصاً الى اعمارهم كبار ؟ ولا اكتفت ؟

و انا معاك يا رحال وهم احسن ناس في تطبيق خطط التقطير و الرواتب و الامتيازات و حقوق الموظفين وهم من افضل الؤسسات في الدوله هذا ما يختلف عليه اثنين .. بس احنا ما نبي ننزهم .. بعد هم لهم مشاكلهم .. و يا ليتك ما ذكرت حادثت 2001 .. موضوع 2001 و اكبر دفعه كان اكبر اسائه لخطط التقطير .. و السبب .. انه بعد التوسعات الضخمه مثل ل ن جي و انضمام نودكو لقطر للبترول .. نزلت نسبة القطريين في المؤسسه الى اقل من 10% بسبب تعيين موظفين اجانب جدد باعداد كبيره .. فغضب الوزير اللي هو راعي خطة التقطير و يراقبها بشكل فعال باجتماع كل 6 شهور .. فضغط على المدراء بأن يرفعون نسبة التقطير مره ثانيه و في اقصر وقت .. بعدها صارت الكارثه .. قاموا المدراء وسووا كل التسهيلات الممكنه لتوظيف القطريين ولكن للاسف للوضايف و الادارات الهامشيه و ليس الوظايف و الادارات المهمه .. و راح معظمهم في الأمن ( سكيورتي ) يعني مالهم شغل في الشركه .. و بهذي الطريقه احتالوا على خطة التقطير اللي تهدف الى اعداد القطريين للوضايف المهمه في الادارات المهمه صانعة القرارات المهمه .. لقيادة الشركة .. و الى حد الآن نسبة القطريين لا تتعدى الـ 30% في قطر للبترول وهي شركة فيها 17000 موظف. و على هذي الحسبه لايمكن يصير عندهم اكتفاء .. و ليش ما ياخذون قطريين كبار اذا كان عندهم خبره .. هذا هم كل يوم جايبين انجليز شيبان ..

بس كل هذا اللي كتبته انا، خارج موضوعنا .. موضوعنا الاساسي ليش الحكومه ما تنافس هذي الشركات و تصير مثلهم او احسن منهم .. مب حكومه و كل شي بيديهم .. ليش ما يطورن المؤسسات الحكوميه .. ؟؟

اما اكثريتنا يبي الراحه و يبي يفرفر في السد .. هذا ما اعتقد ينطبق على كل موظفين الحكومه .. و حتى لو صار يصير في مرحلها اسميها مرحلة الطيش توه خريج ثانويه وفي راسه حب ما انطحن .. بس يتزوج وتصير عنده مسؤوليات يصير واحد ثاني .. و الله في كلا القطاعين في قطريين يذهلونك .. و الله انهم يذهلون حتى الاجانب على صغر سنهم ..

[Abdulraman]

ماشاءالله عليك , شكلك كنت مشغل تسجيل ها
:rolleyes2:

[ANONYMOUS]

طبعا قطاع النفط والغاز له امتيازات غير الحكومه

بس يبي له جديه

[ANONYMOUS]

خلنا نكون صريحين للامانة الدولة من 15 سنة تصيح وتعب عب تبي الناس يتوجهون ( لقطر للبترول ) وسوت سنة 2001 خطة للتقطير وكانت اكبر دفعه من عدد المواطنيين القطريين في تاريخ قطر للبترول

تبي الناس يشغلون هالوظائف المميزة والى الدولة بحاجة ان المواطنين يكونون فيها
حطت مميزات من رواتب عالية وتأمين صحي
لكن اكثريتنا يبي الراحة ويبي الساعة 9 يفرفر كم فرة في السد وعقبها يرجع للبيت


السؤال الأن هل مازالت تريد مواطنين خصوصاً الى اعمارهم كبار ؟ ولا اكتفت ؟


اعتقد اذا متوفره فيك شروط معينه للوظيفه المتاحه.. ياخذونك .. وماله خص العمر

اقصد بالشروط.. الشهاده.. لغه .. خبره في المجال..


اما تبدا من الصفر.. كمتدرب نفس الشباب بو 18 سنه.. اتوقع صعب


ردي على اعتبار ان عمرك 35 سنه و 7 شهور :p

[R 7 A L]

و انا معاك يا رحال وهم احسن ناس في تطبيق خطط التقطير و الرواتب و الامتيازات و حقوق الموظفين وهم من افضل الؤسسات في الدوله هذا ما يختلف عليه اثنين .. بس احنا ما نبي ننزهم .. بعد هم لهم مشاكلهم .. و يا ليتك ما ذكرت حادثت 2001 .. موضوع 2001 و اكبر دفعه كان اكبر اسائه لخطط التقطير .. و السبب .. انه بعد التوسعات الضخمه مثل ل ن جي و انضمام نودكو لقطر للبترول .. نزلت نسبة القطريين في المؤسسه الى اقل من 10% بسبب تعيين موظفين اجانب جدد باعداد كبيره .. فغضب الوزير اللي هو راعي خطة التقطير و يراقبها بشكل فعال باجتماع كل 6 شهور .. فضغط على المدراء بأن يرفعون نسبة التقطير مره ثانيه و في اقصر وقت .. بعدها صارت الكارثه .. قاموا المدراء وسووا كل التسهيلات الممكنه لتوظيف القطريين ولكن للاسف للوضايف و الادارات الهامشيه و ليس الوظايف و الادارات المهمه .. و راح معظمهم في الأمن ( سكيورتي ) يعني مالهم شغل في الشركه .. و بهذي الطريقه احتالوا على خطة التقطير اللي تهدف الى اعداد القطريين للوضايف المهمه في الادارات المهمه صانعة القرارات المهمه .. لقيادة الشركة .. و الى حد الآن نسبة القطريين لا تتعدى الـ 30% في قطر للبترول وهي شركة فيها 17000 موظف. و على هذي الحسبه لايمكن يصير عندهم اكتفاء .. و ليش ما ياخذون قطريين كبار اذا كان عندهم خبره .. هذا هم كل يوم جايبين انجليز شيبان ..

بس كل هذا اللي كتبته انا، خارج موضوعنا .. موضوعنا الاساسي ليش الحكومه ما تنافس هذي الشركات و تصير مثلهم او احسن منهم .. مب حكومه و كل شي بيديهم .. ليش ما يطورن المؤسسات الحكوميه .. ؟؟

اما اكثريتنا يبي الراحه و يبي يفرفر في السد .. هذا ما اعتقد ينطبق على كل موظفين الحكومه .. و حتى لو صار يصير في مرحلها اسميها مرحلة الطيش توه خريج ثانويه وفي راسه حب ما انطحن .. بس يتزوج وتصير عنده مسؤوليات يصير واحد ثاني .. و الله في كلا القطاعين في قطريين يذهلونك .. و الله انهم يذهلون حتى الاجانب على صغر سنهم ..




صبحك الله بالخير اخوي ابن التويم

بالنسبة لنودكو
اعتقد ان اخواننا العرب الى فيها هم من حولها الى شركة مساهمة والى فيها يعرفون هالشي جيداً واذكر ان فيها شيبان من اهل قطر حولوهم الى التقاعد بالاضافة الى ان نسبة توظيف القطريين عندهم الان قليل جداً اكثرهم سواقين دناكر .


بالنسبة لمطالبتك انه ليش مايصير في الحكومة نفس مميزات قطر للبترول او الشركات اعتقد توجهه الحكومة لاجبار الاجيال القادمة للانظام الى هذه القطاعات هو السبب فيما هو حاصل بالحكومة
ولنكن واقعيين شلون نساوي موظفين يتعبون وشغلهم كرف بالاضافة الى بعد مقار اعمالهم عن بيوتهم بموظفين الحكومة !

[R 7 A L]

اعتقد اذا متوفره فيك شروط معينه للوظيفه المتاحه.. ياخذونك .. وماله خص العمر

اقصد بالشروط.. الشهاده.. لغه .. خبره في المجال..


اما تبدا من الصفر.. كمتدرب نفس الشباب بو 18 سنه.. اتوقع صعب


ردي على اعتبار ان عمرك 35 سنه و 7 شهور :p

:omg:
لو كاتب 35 و11 شهر كان قالت انك تعرفني

[العقل الحر]

خلنا نكون صريحين للامانة الدولة من 15 سنة تصيح وتعب عب تبي الناس يتوجهون ( لقطر للبترول ) وسوت سنة 2001 خطة للتقطير وكانت اكبر دفعه من عدد المواطنيين القطريين في تاريخ قطر للبترول

تبي الناس يشغلون هالوظائف المميزة والى الدولة بحاجة ان المواطنين يكونون فيها
حطت مميزات من رواتب عالية وتأمين صحي
لكن اكثريتنا يبي الراحة ويبي الساعة 9 يفرفر كم فرة في السد وعقبها يرجع للبيت


السؤال الأن هل مازالت تريد مواطنين خصوصاً الى اعمارهم كبار ؟ ولا اكتفت ؟

اخوي رحال لاتظلم وانا اخوك

انا من دفعه سنه 2000 دخلت قطر للبترول ومعاي مئات الشباب ... ولكن لم يصفى منهم الى القليل بسبب طريقة تعيين الدرجات والظلم الذي يحصل في قطر للبترول

مثال على ذلك انا كنت في ادارة من الادارات منتشرة في جميع المصانع .. وتم تثبيتي من الموارد البشرية على درجه ( j ) وبعد مرور سنه بضبط ... قررت الادارة انى بنكون على مسمى وظيفي مساعد لمده 4 سنوات وليس المسمى مباشر .. علما انه يوجد لدينا موظفين اجانب ثانوية تم تثبيتهم على المسمى والدرجه مباشر المعني بها انا والشباب الي معاي .. اما حنا انكون مساعدين لمده 4 سنوات !! وبعد جايبين لنا عقود انوقع عليها انى انكون مساعدين

وبعدها طلعنا كلنا وكنا تقريبا 20 موظف بسبب هذا القرار الظالم .. وما بقى الى 2 او 1 والباقي ... الى صار مخرج في الجزيرة والى صار ضابط ... والبعض صاروا رؤساء اقسام

ولك الحكم في ذلك

ودمت بود

[بنت قطريه]

الحمد لله على كل حال

[القيسي]

عسى الله يصلح الاحوال

[ابن التويم]

ماشاءالله عليك , شكلك كنت مشغل تسجيل ها
:rolleyes2:

ههههه يا بوعبدالرحمن .. الحكاية ذي احصلت و المعلومات اللي صحيحه ..

و انا في البدايه بغيت اكتبها مثل ما سمعتها .. واصير انا الطرف الثالث في الموضوع و القارء الطرف الرابع ..

و لكن بعد التفكير فضلت اني اطلع منها .. و يصير القارئ هو الطرف الثالث .. عشان يصير الموضوع اقرب لإدراك القارئ .. علشان جذيه طالع الموضوع و كأنه تسجيل