استفسار بخصوص السفر الى دبي

[فارس بلا جواد]

السلام عليكم ورحمة الله وبركاته

و أسعد الله صباحكم اخواني و اخواتي بكل خير وبركة

انا انشاء الله عما قريب جداً بسافر دبي مع الاهل ومب عارف وين الاماكن السياحية طبعا غير

المجمعات والمولات وين تنصحوني اروح ؟ انا طبعا مع الاهل من غير الاطفال بروحنا بس

وعندي اجازة مدتها أربعة أيام ( 4 ) وابغي اعرف مكاين الصراف الالي

هل ممكن اسحب من رصيدي عن طريق بطاقتي ولا لازم اودي معاي كاش ؟

لاني جربت بعض المكاين ( الكاش مشين ) في السابق ما تعطيني كلش

وهل لازم يكون معاي فيزا ولا ما يحتاي ؟

وهل في مكاتب تأجير سيارات في دبي تعطيني سياره بسواقها لمدة يوم كامل ؟

ولا لازم احجز عن طريق السفريات ؟

ياريت اذا حد عنده عناوين مكاتب تأجير السيارات يعطيني اياها

طبعا التمشيه بتكون من الساعه 3 العصر لين 10 فليل خبركم حر موت اوهيه مافيني شده

اطلع من الضحى انا باكون في فندق علبحر ابي استمتع في البرجه والبحر خلال هذا الوقت

وين اروح اي صوب وهل في اماكن الواحد يستاهل يروح لها غير المجمعات والمول ؟

وفي النهاية

تقبلوا خالص شكري وتقديري وعساكم علقوه يارب


اخوكم الصغير

فارس بلا جواد

[محمد]

غير المجمعات و المول الاماكن محدوده اخوي .. بس عندك the walk في جميرا بيتش .. مكان حلو حق التمشايه .. لكن على هالجو راح تنشوي الله يعينك ..

بشكل عام هالوقت الجو ما يسعفك الا في المولات .. على فكرة دبي مول بروحه ما يكفيه 4 ايام ترى !!
تقدر بعد تاخذ جوله في برج خليفه "لو تبي" لان انا رحت التور وما يسوى صراحة .. تقدر تحجز من النت الشخص الواحد بـ 100 ريال .. لو رحت تحجز التور من برج خليفه هناك الشخص الواحد بـ400 ريال !!



بالنسبة حق البطاقة طبعا تشتغل هناك وتقدر تسحب منها و تقدر تدفع منها دايركت بعد ..

مكاتب التاجير ماعندي خبره فيهم بصراحة .. لان اروح بموتري كل مرة

الله الله في الاهل .. يا زين هالنوع من السفرات .. واهم شي لا تسترخص في الفندق شوف احسن فندق واسكن فيه انا اخر مرة رحت شنقريلا وكان ممتاز لكن الافضل ادريس دبي مول لانه شابك بالمجمع وماعليه كلام ,,

[فارس بلا جواد]

مرحبا ومسهلا اخوي محمد

مشكور وماقصرت الشيخ على هلمعلومات والحر شراً لا بد منه شنسوي

ان طاعك الزمن ولا طيعه

وفعلا مثل ماقلت ما في الا المجمعات والمولات

على العموم الله يعطيك الف عافيه وعساك علقوه ياخوك

[fhd4]

تروح وترجع بالسلامة ..

أخوي بالنسبة لبطاقات البنك ... ما تقدر تسحب إلا من الحساب الجاري ...

هذا بالنسبة لبنك الدولي الاسلامي ... وأعتقد باقي البنوك نفس الشي .. تأكد منهم ...

مثل ما قالك أخوي محمد ... الأماكن محدودة ...

لكن روح المولات الجديدة ... مثل العربي مول ... ومردف سيتي سنتر ...

[أبورودي]

هلا اخوي
دبي رائعه ستستمع بها كثيرا جدا
لكن الجو الحار والرطوبه العاليه ستحرمك من التجول خارج الاماكن المكيفه

تاجير السيارات بسائق متوفر هناك بكثره وفى شركه اسمها عرب لينك ولها موقع على النت يمكنك التواصل معهم

الصرف الالى يمكنك السحب من اي ماكينه طالما ان حسابك فى البنك جاري وكلي عمليه سحب تخصم منك 6 ريال

البرامج
عندك فى مول الامارات للاطفال
كيدزنيا مكان خاص تعليمي ترفيهي للاطفال رائع يحتاج يوم كامل ولازم تذهب مبكرا من اول اليوم وينتهى البرنامج فى حدود 5 مساءا المكان دبي مول
http://www.thedubaimall.com/media/thumbnail/entertain-spotlight-image/ae2978eab499e6a978a77e2ee8e5c9e9/20100216_kidzania-bg-pic3-2.jpg

مول الامارات
به سكاي دبى مكان رائع للكبار والاطفال حيث متعه التزلج على الجليد واللعب
http://www.skidxb.com/images/logo.gif

ايضا لديك اكواريم دبي اكبر حوض سمك صناعى رائع جدا

ايضا برج خليفه

مول ابن بطوطه
يمكنك ركوب المنطاد من هناك والاستمتاع بالمول الرائع

المول الصيني دراجون مول وتدخل عالم الصين

[we-r-sawa]

دبي دار الحي وشارع زايد الذي فيه امارات مول فيه فنادق على كيف كيفك وتدلل،طبعا عندك المولات الجديدة اللي ذكروها الاخوان واذا تبي شي جديد روح منطقة الجميرا بيتش ومن هناك روح السوق التراثي وفي منطقة مسوينها مثل مدينة فينيسيا بايطاليا وفيها مطاعم مختلفة على عدة جهات وتروح لها بهذي المراكب وفي مجمع حلو صغير ومميز اسمه ماركاتو حلو وعجبني ديزاينه...والتمشاية صوب المارينا حلوة كذلك وفي جلسات حلوة داخلية وخارجية وطبعا منتجع وفندق أتلانتس شيء رائع ويستحق المشاهدة وبداخله أكواريوم كبير وديكورات الفندق وتصميمه بحد ذاته هو متعة ..

[سهاارى]

ان شاء الله سفره موفقه اخوي

بالنسبه لدبي عندك الامارات مول ولايفوتكم السكاي بصراحه ممتع والمجمع بعد حلوو وفيه ماركات
دبي مول بصراحه حلوو وكبير كثير .. وتقدر تدخل هناك الاكواريوم .. وكيديزينيا ..
فستيفال مول بعد يستاهل الزياره
تايم سكوير >> هو بصراحه مجمع صغير بس فيه المقهى الثلجي .. ممكن تاخذ فكره عنه من النت
وعندك مول دبي اوت لت >> عباره عن اوت لت لبعض الماركات
سوق التنين >> الصيني >> فيه شغلات كثير حلووه واسعاارها جداا منااسبه ورخيصه نوعا ما
مجمع ابن بطوطه .. الحلو فيه ان يجمع بتصميمه اكثر من دوله مثل الهند ومصر والصين وغيرهم
صحاري مول ( بالشارقه ) فيها مدينه العااب حلووه للاطفال مثل جنغل زون تقريبا >> تستاهل الزياره اذا معاكم اطفال
وعندكم حديقة القصباء ( بعد بالشارقه ) ممكن تروحون لها بالليل اذا كان الجو حلوو بصرااحه واااااايد شرحه

دبي فيها امااكن كثير غير هذي .. بس يمكن هذي ابرز الاماكن من وجهة نظري

[فارس بلا جواد]

السلام عليكم وصبحكم الله بالخير

اسمحولي ثقلت عليكم اخواني بتسؤلاتي

والله يعطيكم الف عافيه

الصراحه في اماكن اول مره اسمع عنها صار لي فتره مارحت دبي

واذا باروح لها عشان شغل يوم ولا يومين وانا راد الدوحه

مشكورين وماقصرتوا

بالنسبة حق الباص الي يدخلنا وسط البحر هذا وين مكانه وشلون نحجز له ؟

وبخصوص المنطاد اول مره اسمع فيه

بحاول اجربه ولو اني اخاف من المرتفعات ول يفرط الحبل و حول على ويهي هههههههههه الله يستر

مشكورين مره ثانيه واسف جدا على التأخير


اخوكم الصغير فارس بلا جواد

[Qatar_9999]

عليك بمردف ستي سنتر انا اشوفه احسن مول حاليا

[Qatar_9999]

لا تنسى سالك
اذامادل زين في دبي سالك راح يكلفك الكثير راح يطلع عليك اكثر من قيمه تاجير السياره

[أبورودي]

الباص المائي برجمان فى بر دبي قرب شارع الكويت

[ناصح لكم]

بالنسبه لبطاقة سالك ترى ما فيه داعي تاخذ بطاقة لسيارتك القطرية دور بالسيارة على كيفك ولا تدفع شي هذا من تجربه