مخالفه قطع الاشاره

[fzaa_qatar]

السلام عليكم ورحمه الله .. قطعت الاشاره اللي فشارع مجلس التعاون مقابل ابراج الفردان فليل بأمر من لخويا في الاتجاه المعاكس لمرور موكب .. المهم رحت اليوم المرور وقابلت ظابط الرادار وشاف الفيديو وقالي بتكنسل اليوم .. فقلت اسال اللي مر بنفس حالتي متى بتكنسل المخالفه ولا بتاخذ وقت مع اني شيكت قبل اشوي للحين موجوده .. وجزاكم الله كل خير

[خالي مشاعر]

المشكله اخوي مب انها بتكنسل ومتى بتكنسل

المشكله انك تستأذن من الدوام وتطلع عشان شي انت مالك ذنب فيه

ليش مايسوون رقم معين او موظف يستقبل مكالمات الحالات هذي ويشيلها
او ترسلهم ايميل بالوقت ورقم السياره ويردون عليك بايميل انهم شالوا المخالفه

[برق لمع]

السايق لي قطع الاشارة ليش يدفعها الكفيل ؟؟؟
نفسي اعرف هذا بأي قانون بشري ؟
واذا شيبة كبير كفيله او مرة كبيرة ومعاش تقاعدهم 2000 ريال وما قدروا يدفعون شنو راح يصير فيهم ؟؟؟

[Rashid554]

الي اعتقد انه موجود
مثلا الرادار الي عند الفردان من الساعه 11:30:00 الى 11:31:00 كل المخالفات الي في هالوقت تنحذف اوتماتيكي سواء راجعت او ماراجعت

[الرويـس]

^
برق لمع
في واحد من الشباب خصم مخالفة الاشارة من راتب الدريول ..

[eXpert*]

الي اعتقد انه موجود
مثلا الرادار الي عند الفردان من الساعه 11:30:00 الى 11:31:00 كل المخالفات الي في هالوقت تنحذف اوتماتيكي سواء راجعت او ماراجعت

كلام سليـــــــــــــــــــــــــــــــــــم

ما يحتاج تراجع أبداً .

[fzaa_qatar]

انا قطعت الاشاره الساعه 9:56 وسرعتي كانت 29 وعلي سالفه الاخ اللي تكلم عن الدوام انا من سكان دخان ونزلت الدوحه الساع5 الفجر عشان الحق المواعيد من ٦:٣٠ الى ٧:٣٠ انا ابيهم يخلصوني لاني ببيع الموتر *

[برق لمع]

^
برق لمع
في واحد من الشباب خصم مخالفة الاشارة من راتب الدريول ..

3000 او اكثر شلون تنخصم من الدريول
اااه تقصد دفعها وبعدين خصمها ،،، ما يسوى عليه يعني جنه دافعها هو
السؤال : اذا الريال ماعنده شيسوي يتسلف يعني ؟؟