سواقة المرأة في الدوحة

[بنكبيري]

عندي تساؤلات كثيرة :con2:عن موضع سواقة المرأة في قطر وعدم احترام الشباب لهم في الطريق أثناء السواقة ليش يعني كل هالحركات :anger1:
أكثر من وحدة ذكرت إنها تتعرض للمضايقة أثناء سواقتها وعدم احترامها وإتباع أسلوب تخويفها باللف عليها و مزاحمتها ومن هالحركات اللي مالها داعي ابي اعرف ليش:anger1:
قبل المرأة إذا تبي تسوق كان من المستحيلات.. بس اليوم تغير هذي الشيء.. إحنا الحين وصلنا 2011:anger3:
شنو إلي خل الرياييل يوافقون على سواقة المرأة ..مب بس يوافقون بعد يطلبون منها السواقة؟
شنو إلي خل المرأة تفضل السواقة...هل عشان تقول أمام الناس إنها تسوق ..ولا عشان تقوم بمتطلباتها إلي المفروض يقومون فيها رياييل البيت ؟
أتمنى اشوف رأيكم في الموضوع يا الأعضاء.. وخصوصا الشباب ابي افهم موقفهم من هالموضوع :waiting:

[خالد32]

يمكن لان سواقتها مثل الرجل الالي بدون فن
و لاكن لايجوز مقابلة الخطاء بالخطاء
سواقة المرأة بطيئة جداً و تحب الخط اليسار (السريع)
و ممكن ما تدري ان المرايات عشان تشوف الي وراها

انا مب ضد لكن لازم تعطي غيرها حقه في استخدام الطريق
و اذا كانت تقدر تجيب دريول فالاحسن انها ما تسوق من الاصل

اما اذا تبي تسوق من باب الحرية فانا ارفض لان الرجل عنده اشياء وايد حر يسويها و مب حرام لكن المرأة ترفضها تماماً

[ثابت]

بالعكس اخوي المرآة لها احترامها قد تكون هناك فئة من الشباب او بعض البنات الي يكونون مظهرين زينتهم ويتحرشون فيهم الشباب
لكن والله بالعكس انا اشوف الحرمة تسوق وحق مشروع لها افضل من انة يكون هناك سائق لا يحل عليها ولا يحشم حلال الناس

[كازانوفا]

صارلي اكثر من 15 سنه اسوق عمري ما تعرضت لاي مضايقه
هذا الشي يرجع للبنت واسلوبهاااا هي اللى تعطي مجال حد يعترضها او لاااا

[ثابت]

صارلي اكثر من 15 سنه اسوق عمري ما تعرضت لاي مضايقه
هذا الشي يرجع للبنت واسلوبهاااا هي اللى تعطي مجال حد يعترضها او لاااا


كلام سليم اختي والله يبعد عنكم عيال الحرام ويحفظكم

[كازانوفا]

كلام سليم اختي والله يبعد عنكم عيال الحرام ويحفظكم



اللهم امين وجميع بنات المسلمين يارب

[بوخالد911]

امشي عدل يحتار عدوك فييك

[Mohammed2]

من وجهة نظري البنت اذا كانت محتشمه وماتظهر اي نوع من انواع زينتها لما تعرض لها اي شخص ومحد راح يضايقها

بس في بعض البنات تشوفهم متزينين كأنهم في عرس !! وهم بس عندهم مشوار بسيط او بيروحون بيوت اهلهم او صديقاتهم
هذي النوعيه اكيد بتتعرض لمضايقات

مع العلم ان بعض البنات يحبون هالشيء ويحبون الشباب يتعرضون لهم فيتزينون عشان يجذبونهم

صح ان الشباب المفروض مايتعرضون للبنات

لكن

البنت لازم تستر على زينتها وماتبديها للغير اذا كانت ماتبي اي مضايقات

[qatarya-vip]

اصابع يدكم مو مثل بعض مثل مافي شباب يضايقون فيه شباب والنعم فيهم اهل واخوان وقبل لا يتصرفون مع اي وحده يحطون اخواتهم وامهاتهم جدام عيونهم

وفعلا انا صار لي سنتين اسوق والحمدلله للأن ماتعرضت للمضايقة ولو تحصل مضايقة بسيطة بمجرد مايشوفون ان مافي اي رد فعل مني او التفات يروحون وهنا البنت لها دور لكن اذا انا راح اسابقهم وازاحم الشباب وراح اركب الرصيف وغيره من هذه الحركات شيء طبيعي اني راح احصل على مضايقة

وبالنسبه للمزاحمة في الشوارع ماانكر ان فيه شباب يحبون يفرضون عظلاتهم على البنات بانهم يزاحمون وياخذون الشارع كله لهم لكن صدقيني السائقين بالشارع كله يحترمون البنت وبالعكس يفسحون لها المجال على عكس البعض

وهنا نقدر نقول انه مثل مافي شباب يضايقون فيه بنات يستحقون هذه المضايقة ووجب على الجميع التمييز والتفرقة بين النوعين :)

[القحطاني505]

لا ينبغي مضايقة الغير تخويفًا أو لأي سبب آخر

لأن ذلك ربمّا يؤدي إلى ما لا تُحمد عقباه

[الألماسي]

ليش الناس طايحين بالبنك بيري :/

[خوي الدرب]

أشوفكم هذه الأيام فاتحين على سواقة المرأة للسيارة !!!

لا يكون لديكم هاجسا في منع المرأة من السواقة ؟!!!

[هدى السليطي]

انا اقول البنت اذا كانت حاطه مكياج او مش حاطه يتحرشون فيها
بس الله يسامحهم شبابنا
"اعمل ما شئت كما تدين تدان"

[حسن]

انا اقول البنت اذا كانت حاطه مكياج او مش حاطه يتحرشون فيها
بس الله يسامحهم شبابنا
"اعمل ما شئت كما تدين تدان"

نصيحه للك اذا واحد تحرش فيك دقي في وجه بريك انه دايما اسويها اذا واحد ملزق في الموتر ويبي يطوف وانه اتجاوز

[بنت البدر 77]

الحمد لله صار لي 9 سنوات اسوق ماتعرضت لاي مشكلة بالعكس كل شبابنا فيهم خير ، وفي حالهم
ويحترمون سواقة المرأة

عني وانا امرأة ساعات سواقة البعض منهن تجيب المرض خاصة الاجنبيات بصراحة يقبضون الشارع

السريع ويمشون اربعين !! وساعات عشرين !!
والمشكلة ما يتركون لك مجال تسوق وانت معاك حق !


شئ يبط الجبد .. واطالب واطالب بوضع رادار للي يسوق اقل من المسموح ويكون في كل شارع حد اقصى للمشي

اما عن المضايقات الحمد لله مافي شئ ، والمرأة هي اللي تترك مجال للشباب يتحرشون بها ااذا كانت غير ملتزمة بحجابها وبالأدب العام .

اذا كانت جذي تستاهل ما يجيها .


الله المستعان

[جوهرة قطر]

انا الحمد الله صار لى 4 سنوات من سقت وماتعرضت الا لمضايقه وحده كان يأشر على التاير

قلت يمكن التاير مبنجر وانا مب حاسه فيه بس يوم سفطت على جنب وفتحت الباب ماكان فيه

شي سوالى حركه براسه كنه يستهزء وهو يضحك وراح مادري الصراحه شستفاد من هذى

الحركه

[بنت قطريههه]

ضد سواقة المره وبقوه الا اذا كان للضروره مدرسه مستشفى شغل اما تصدق عمرها وتمشى بدون محرم عييييييييييييييب وحرااااااااااااااااام من يرضا بشوفاته ازاحم الرجال!

[Najla..]

الكلام في هالموضوع انفتح ملايين المرات من 10 سنين والناس تقول وتقول وتقول ..

من وجهة نظري اشوف الشباب تغيروا مب مثل قبل
صج تصير في مضايقات بعض الاحيان .. بس لما يشوفون مافي قبول من البنت يوخرون الا الهيلق منهم

المهم
السواقة استوت ضرورية هالايام خصوصا مع الانفتاح وكثرة متطلبات الحياة
المراة الحين تشتغل وتظهر في اماكن عامه واللي تدرس في الجامعة واللي عندها عيال وبنات وتخاف تخليهم لحالهم مع السايق .. فصارت السواقة من متطلبات الحياة

وفي ناس لين الحين عندهم معتقدات ان المراة لين ساقت بتكون معرضة لهالمواقف وان الشيطان بيقص عليها ووبتسوي وبتسوي ..
واللي ما عنده ثقه في هله ويشك في اخلاقهم لا يخليهم يسوقون بس لا يحكم على الكل ويفكر بنفس التفكير ..

[المناعي QTR]

ضد سواقة المره وبقوه الا اذا كان للضروره مدرسه مستشفى شغل اما تصدق عمرها وتمشى بدون محرم عييييييييييييييب وحرااااااااااااااااام من يرضا بشوفاته ازاحم الرجال!


جعل من جابج في الجنه وبيض الله وجهج

وكثر الله من امثالج

[الحال مايساعد]

العالم تغير ، وأعتقد متطلبات الحياة تستوجب هذا الشيء ، فقد أصبحت المرأة منافسة قوية للرجل في غالبية المجالات وبالتالي أصبح من الضروري توافر وسيلة التنقل وهي السيارة ، أضف إلى ذلك انشغال الزوج أو الأب أو الأخ في العمل بالإندماج في متطلبات الحياة.
وبالتالي أجد الحاجة تستدعي نزول المرأة إلى الشارع بالسيارة ، أما من حيث القيادة تنقصهم الجرأة

[clouds]

انا صار لي اكثر من سنتين اسوق ولاتعرضت لمضايقات الحمدلله يمكن لان اماكني محدوده وحولي مش بعيد واذا في مكان زحمه او مناسبات اروح مع السايق او زوجي ..بس مره كنا رايحين الطوارى انا وزوجي حول 3 الفجر او 2 ..المهم واحنا راجعين البيت في سياره تمشي فيها بنات الله يستر عليهم ووراهم سيارات مسيره من الشباب ...هلالاشكال وين ماتبون الرياييل يلحقونهم وهم طالعين هالحزه؟ووين الاهل عنهم

[abn qatar]

من ناحيتي اذا فعلا المراه محتاجه الى السواقه لظروف معينه عادي مافيها شي لان تساعد

في الحياه اليوميه اما السواقه لمجرد السواقه اشوف ان احضار سائق افضل

بخصوص المضايقات من الصوبين من الرجال والنساء بعض الرجال خصوصا الشباب يضايقون

اغلب البنات حتى لو كانت محتشمه ولا تقوم بأي حركه وبعض البنات يتحرشون بالشباب

ويضايقونهم وممكن يتسابقون معاهم حتى توصل لبعض البنات ان يطلعون رقم تلفون شخص

من رقم سيارته حتى تتعرف عليه

[نتفـه]

اصابع يدكم مو مثل بعض مثل مافي شباب يضايقون فيه شباب والنعم فيهم اهل واخوان وقبل لا يتصرفون مع اي وحده يحطون اخواتهم وامهاتهم جدام عيونهم

وفعلا انا صار لي سنتين اسوق والحمدلله للأن ماتعرضت للمضايقة ولو تحصل مضايقة بسيطة بمجرد مايشوفون ان مافي اي رد فعل مني او التفات يروحون وهنا البنت لها دور لكن اذا انا راح اسابقهم وازاحم الشباب وراح اركب الرصيف وغيره من هذه الحركات شيء طبيعي اني راح احصل على مضايقة

وبالنسبه للمزاحمة في الشوارع ماانكر ان فيه شباب يحبون يفرضون عظلاتهم على البنات بانهم يزاحمون وياخذون الشارع كله لهم لكن صدقيني السائقين بالشارع كله يحترمون البنت وبالعكس يفسحون لها المجال على عكس البعض

وهنا نقدر نقول انه مثل مافي شباب يضايقون فيه بنات يستحقون هذه المضايقة ووجب على الجميع التمييز والتفرقة بين النوعين :)

صاجه :victory:

[بـــــــنت النوخـّــــذه]

صارلي اكثر من 15 سنه اسوق عمري ما تعرضت لاي مضايقه
هذا الشي يرجع للبنت واسلوبهاااا هي اللى تعطي مجال حد يعترضها او لاااا

تبارك الرحمن لااله الا الله ماشاء الله 15 سنه الله يحفظج

كلامج صح الي متغطيه عدل ولا لابسه حجابها عدل لاكحيله ولا يمين يسار وملتزمه وفيه حدود بالطلعه وفي وقت تقف عنده عن الخروج محد بيتعرض لها لان العنوان يقول قف هذه فتاه بنت اجاويد الزم حدودك والى الامام سرّ :nice:

وحده اتسولف ليّ اتقول اخوها في المرور اتصلت وحده فيهم قطريه تطلب النجده من شباب يلاحقونها لين بيتها بالسياره يقول يوم راحو لها يقول فقلبه اذا عرف السبب بطل العجب راسمه عيونج وعباه عرس وحالتج لله وطالعه بهالشكل اكيد بيلاحقونج لان عطيتيهم الضوء الاخضر وقلتي لهم هيا اتبعوني ^_^

ونصيحه للشباب اعقلو شوفو شي يفيدكم بدنيتكم واخرتكم بسكم عاد