بخصوص حماية المستهلك ......ممكن اجابة ؟؟

[فيزيائية]

السلام عليكم ورحمة الله وبركاته

اشتريت فستان جديد من محل ما وله فروع خارجية ....على انه (نيو اريفل) يعني توه نازل ...بمبلغ وقدره....
وبنفس اليوم وانا اتصفح موقعه على النت استغربت انه ليس من الكولكشن الجديد وانما عليه تنزيلات نصف السعر ....
اليس مايفعله المحل هو غش للزبائن ؟؟
ومادور حماية المستهلك هنا ...
اللي عنده خبره ياليت ينورنا
واللي عنده رقمهم ممكن يحطه
بس ابغي اعرف اذا هالشي قانوني وصحيح...والا تلاعب ؟؟



وجزاكم الله خير مقدما.:shy:

[فتى الجود]

السلام علييكم










هذا جاوبهم



















http://www12.0zz0.com/2011/06/18/00/839320727.jpg (http://www.0zz0.com)

[بو خليفه 123]

هلا اختي فيزيائيه ..

اولاً مبروك عليك الفستان و جعله ملبوس العافيه ان شاء الله ..

للأسف أنا عانيت من هذي الحركه الي يتخذونها البائعين لمجرد البيع فقط .. لكنهم مايدرون انهم يخسرون زبون على المدى البعيد .


قانونياً لا يمكنك محاسبة المحل طالما انك شريتي الفستان قبل اصدار ورقة الترخيص للتنزيلات من قبل وزارة الاقتصاد.


لكن مايضر انك تراجعين حماية المستهلك .. لكن اتوقع في حالتك ان القانون لا يحمي الفيزيائيين :)


8005000. الخط الساخن

: 44945550 / 44945500. هاتف الوزارة : 44945555 ...

[فيزيائية]

اخوي بو خليفه.....
اشكرك على ردك
انا شريت الفستان اتثناء التنزيلات
عالعموم وانا اتحدث مع البائعات اكدن لي ان الفستان لو انه غير جديد بالموقع
الا انه للتو واصل وحديثا نزل مع المجموعة الجديدة لذا لم تشمله التنزيلات
عالعموم حصل خير
والتجربة تعلم الانسان يفتح عينه عدل في ظل الاستغلال البشع الحادث ....
وبالنسبة لحماية المستهلك كان لي كذا اتصال حسيت انهم يحتاجون الى حماية هم ايضا !!!!

[بو خليفه 123]

غريب امره هالمحل ..

اذا كان بوتيك عالمي اتوقع انهم LINE واحد يعني الكوليكشن ينزل عالمياً ..
لكن اذا محل فرعي فهو غير مرتبط بالنيو كولكشن مع اولد كولكشن ..

ممكن يكون اولد كولكشن في البوتيك الاصلي و المواقع لكن ينزل عنده مع الـ New Arrival

ليس دفاعاً عن المحل .. لكن اتوقع الخطأ على الطرفين ..

وش رايك ؟

[فيزيائية]

ومن هم الطرفين ليكون انا احدهم ؟؟؟
هم قالوا لي ان الفستان للتو نازل في محلهم بالدوحة
وليس جديد بالكولكشن ....
عالعموم انا لما شفت اني باعور راسي تركت الامور
وخليت القرعى ترعى ....
مب انا قطرية !!!!!!لازم اسوي جذيه ):

[بو خليفه 123]

أنتي الطرف الأول (والذي يتحمل 70% من الخطأ) :anger1:


ليه ؟

أنا بالعاده اذا بشتري غرض بمبلغ و قدره احب اسوي Market research سريع و اقارنه بالموقع بالنت .. والمحلات الاخرى اذا كانت تملك نفس الماركه .. "في بعض الحالات طبعاً" و ليس كل ما اشتري سلعه بسوي هالمنوال .. فاضي أنا ؟!

القصد من مشاركتي السابقه ان المحل الي شريتي منه ممكن هالفستان يكون كولكشن قديم في البوتيك الاصلي حقه .. لكن توه نازل من المحل الي شريتي منه ..


و دامك قررتي ان القرعه ترعى ليه طلبتي رقم حماية المستهلك ؟ :anger1:

[بصمة قطرية]

اختي فيزيائية ~
مسائك ورد ..
بصراحة أســواقنا في قطر و بالذات محلات الماركات غشاشين وحرامية ..
أتسوق من السعودية كل إجازة ..
و في محلات ماركات معينة دايماً آخذ منهم ..
والله بعدها بست شهور تنزل البضايع في أسواق قطر
تنزل في نفس المحلات نفس البضايع
اللي يقهرني شغلتنين :
أولاً : يصرون ان الكولكشن جديد ..
ثانياً : فرق السعر
طبعاً احنا مليارديرية لازم السعر دبل ..
مرة كنت في محلل وشفت المعروض و البياعه تقول لي انه نيو أرايف ..
قلت لها هاي قديم و أنا ماخذته من شهور طويلة من دولة ثانية
تقول لي مستحيل البضايع تنزل في نفس الوقت وتتوزع على كل الأفرع
يعني انا كذابه ..:anger1:
قلت لها أوكي ..
بعدها بيومين مريت نفس المحل و معاي اللبسة والفاتورة
حظي اني ما كنت لابستها للحين ..
شافت اللبسة والسعر والتاريخ سكتت ولا قدرت تقول كلمة ..!!! :secret:
قلت لها قولي لي بس من الكذاب الحين ..
وين الأمانة في عرضكم ..
وين الذمة اللي لازم تراعونها مع الزباين اذا كنتو تكذبون وتحلفون
و تطلعونا كذابين ..
آخر كلمة قلتها لها ..
خافوا ربكم ..
هاي اللي مكرهني في اسواقنا انهم كذابين ومخادعين ..
المعروف ان البضايع تتوزع على كل الأفرع في نفس الوقت ..
ليش تنزل عندنا عقب شهور ..!!
خــاطري أعرف السبب .....!!!!!!

[فيزيائية]

خلاص انا غلطانه يابو خليفة ......بس عن جهل اكيد (:
مشكلتنا لانعرف حقوقنا ولا شي ...


بصمة ...
ارجوج لاتعورين قلبي في كل مكان مستغلينا ومستغفلينا
وتره صارت معاي اني اشتري لبنتي بدله في التنزيلات في دبي
القاها هني بالنيوكولكشن ......!!

[بو خليفه 123]

[SIZE="5"]خلاص انا غلطانه يابو خليفة ......بس عن جهل اكيد (:
مشكلتنا لانعرف حقوقنا ولا شي ...

SIZE]


المهم ان نتعلم من اخطائنا ..

و لكل فرسٍ كبوه ..


:victory: