((ضحية جامعة قطـــــر)) ياليت المساعدة بخصوص الجامعات في الأمارات ((ضحية جامعة قطـر)) [الأرشيف]

جونسون

14-06-2011, 05:06 AM

السلام عليكم

اخواني

بداية الموضوع

مثلي مثل اي شاب قطري .. حب يخدم بلاده

ويرد لها لو شوي من فضلها علينا

..

تخرجنا من الثانوية العامه وقررت الدراسه في جامعة قـ(ه)ــطر

قريب من الاهل والاصدقاء

مع ان كل القريبين مني قالو لي لا اطلع برا قطر

لكن انا الله يسامحني ماسمعتهم

وقلت لا بتخرج في هالجامعه المحترمه

لكن لاحول ولا قوة الا بالله

جامعة كل دكتور فيها مادري من وين يجيبونهم .. (( الا من رحم ربي من الاخوان المسلمين والعرب ))

لكن قدر الله ماشاء فعل ..
__________________

اسمحولنا ع البداية الطويله .. لكن شسوي من القهر والله

____________

انا ناوي ادرس في الامارات العربيه المتحدة .. دولة شقيقة وقريبه من قلوبنا

ياليت اللي عنده خلفيه عن الجامعات هناك

شنو الجامعات الزينه هناك

سمعت عن جامعة عجمان
و جامعة الشارقة

كيف الداراسه فيهم

عربي ولا انجليزي ؟

سهله ولا صعبه مثل جامعة قطر :weeping:

__________________

خاتمه :

ضيعو مستقبلي الله يسامحهم

ياليت حد يلتفت عليهم ويشوف لهم صرفه

كل شباب قطر راحو يدرسون براا

ما لاحظو هالشي ؟؟

نسبة الخريجين كل سنة تقل عن اللي قبلها

limited

14-06-2011, 05:08 AM

اخوي جونسون

ولد خالي يدرس في جامعة الشاؤقه ويمدحها جدا وهو توه مخلص اول فصل دراسي هناك وهو موجود حاليا بقطر اجازة صيفيه لين شهر اكتوبر

شد حيلك وسجل فيها

والله يوفقك

جونسون

14-06-2011, 05:17 AM

اخوي كيف يمدحها من اي ناحيه ؟

شيك الخاص اخوي

ننتظر تفاعل باقي الاعضاء

alrheeb2020

14-06-2011, 05:27 AM

الله يوفقك ويسهل علييك ,,

لكن اتمنى انك ماكنت ضحية الكسل,, ومجرد جامعة قطر شماعة ^_^

الله يحفظك ويسهل عليك ونجوفك متخرج ويرزقك بالزوجه الصالحه

basma222

14-06-2011, 05:34 AM

السلام عليكم

الجامعه تبي حد يدرس اول باول

الحمدلله وايد تخرجوا من جامعه قطر بتفوق

الله يوفقك

فتى الجود

14-06-2011, 05:44 AM

ماتدري يمكن اخيره

(( ذكرتني با ثنين اخوان واحد اسمه تركي واحد اسمه عبدالله ـ الله يرحمهم ))

راحوا الامارات سنة 2001م
عشان يسجلون في احدى الجامعات عقب ما حفوا على جامعة قطر " وطلباتها اللى ماتخلص "

وقدر الله عليهم ربك وصار حادث عليهم وتوفوا بالسيارة بعد ماحترقوا بالسيارة

والله كل ما اتذكرهم
أقول عسى الله لا يسامح من كان السبب في خروجهم وخرج غيرهم للدراسة بالخارج .

الله يوفقك ان شاء الله

واذا حصلت جامعه حطلنا عنوانها خلنا نستفيد

BoYousuf

14-06-2011, 05:48 AM

رب ضاره نافعه,, وان شالله اتكون خييره ياخوي..

عندي ولدعمتي يدرس في عجمان والجامعه تدريسها كله عربي

بس الطلاب القطريين الي اهناك تقريبا الكل يدرس قانون,, والصراحه يمدحلي اياها ويقول ماهي بڈيك الصعوبه
بس عن التخصصات الثانيه الله اعلم ماعندي احد فيها..

بس من كلامهم انصحك فيها اخووي للقانون وما عندي اي خبر عن الجامعات الثانيه

اتمنى اي افدتك بالي اقدر عليه..
وان بغيت عن امريكا حاضرينلك :)

الله ايوفقك ويسهل عليك واتكون جامعه قطر مجرد كبوه جواد :)

الزجاجي

14-06-2011, 06:08 AM

صدق من قال .. ما يحك ظهرك الا ظفرك

الامارات قريبه .. تقدر تتواصل معاهم بالتلفون او تروح لهم الا 6 ساعات بالسياره منها تمشايه ومنها سؤال عن القبول

وجامعه قطر ماهي الا جامعه مثل اي جامعه فيها المتفوق وفيها الضعيف .. وحلو الواحد يطلع منها ولو بكلمه حلوه بغض النظر عن النتيجه

الله يوفقك ويعينك على دراستك ونقرا لك يوم من الايام انك متخرج وبتوفق ان شاء الله :)

جونسون

14-06-2011, 06:31 AM

الله يوفقك ويسهل علييك ,,

لكن اتمنى انك ماكنت ضحية الكسل,, ومجرد جامعة قطر شماعة ^_^

الله يحفظك ويسهل عليك ونجوفك متخرج ويرزقك بالزوجه الصالحه

وياك الشيخ

لا والله ياخوي مب من كسل لكن شنقول

وياك ياخوي

السلام عليكم

الجامعه تبي حد يدرس اول باول

الحمدلله وايد تخرجوا من جامعه قطر بتفوق

الله يوفقك

وياك :omg:

ماتدري يمكن اخيره

(( ذكرتني با ثنين اخوان واحد اسمه تركي واحد اسمه عبدالله ـ الله يرحمهم ))

راحوا الامارات سنة 2001م
عشان يسجلون في احدى الجامعات عقب ما حفوا على جامعة قطر " وطلباتها اللى ماتخلص "

وقدر الله عليهم ربك وصار حادث عليهم وتوفوا بالسيارة بعد ماحترقوا بالسيارة

والله كل ما اتذكرهم
أقول عسى الله لا يسامح من كان السبب في خروجهم وخرج غيرهم للدراسة بالخارج .

الله يوفقك ان شاء الله

واذا حصلت جامعه حطلنا عنوانها خلنا نستفيد

الله يرحمهم ويسكنهم الجنه انشالله

والتوفيق فالك انشالله اخوي

رب ضاره نافعه,, وان شالله اتكون خييره ياخوي..

عندي ولدعمتي يدرس في عجمان والجامعه تدريسها كله عربي

بس الطلاب القطريين الي اهناك تقريبا الكل يدرس قانون,, والصراحه يمدحلي اياها ويقول ماهي بڈيك الصعوبه
بس عن التخصصات الثانيه الله اعلم ماعندي احد فيها..

بس من كلامهم انصحك فيها اخووي للقانون وما عندي اي خبر عن الجامعات الثانيه

اتمنى اي افدتك بالي اقدر عليه..
وان بغيت عن امريكا حاضرينلك :)

الله ايوفقك ويسهل عليك واتكون جامعه قطر مجرد كبوه جواد :)

انا بعد سمعت هالكلام عن جامعة عجمان

الله يرحم والديك اخوي

عطيتني معنويه الله يجزاك خير

كيف امريكا .. ؟

صدق من قال .. ما يحك ظهرك الا ظفرك

الامارات قريبه .. تقدر تتواصل معاهم بالتلفون او تروح لهم الا 6 ساعات بالسياره منها تمشايه ومنها سؤال عن القبول

وجامعه قطر ماهي الا جامعه مثل اي جامعه فيها المتفوق وفيها الضعيف .. وحلو الواحد يطلع منها ولو بكلمه حلوه بغض النظر عن النتيجه

الله يوفقك ويعينك على دراستك ونقرا لك يوم من الايام انك متخرج وبتوفق ان شاء الله :)

تسلم الشيخ

chillis

14-06-2011, 07:19 AM

انت ما شرحت الوضع كامل في شغلات ناقصه هل درجاتك بالجامعه كانت مرتفعه ؟ هل ما استلمت انذارات ؟ ليش دايما نقط السبب على الدكاتره او المدرسين ياريت تشرح لنا بالتفصيل

BoYousuf

14-06-2011, 07:26 AM

انا بعد سمعت هالكلام عن جامعة عجمان

الله يرحم والديك اخوي

عطيتني معنويه الله يجزاك خير

كيف امريكا .. ؟

والله ياخوي تجربه الغربه تجربه وايد مفيده,, الحمدلله لين اليوم ماتندمت عليها,, تتعلم واتجوف الدنيا اشلون ماشيه والاعتماد علا النفس,, بس تره يبيلها صمله وصبر..

مافي شي صعب بالدنيا,, وجامعات امريكا مب بالصعوبه الموجده بالمدينه التعليميه,, اهم شي اللغه وامورك في التمام وعلا حسب التخصص يعني لو مثل الهندسه ما تحتاج ڈيج اللغه نفس البزنس علا سبيل المثال يعني.

تحتاج بس قبول من جامعه معترف فيها, عشان الابتعاث , وما ايكون هاي الشي الا بشهادات اللغه طبعا مثل الايلز الي اشوفه صراحه مقبوول وسهل يعني مقدور عليه ان شالله ,, ولا اتجي احسابك في معهد لغه تابع للجامعه الي تبي تدخلها ومعترف فيها وبعدها اتحول علا بعثه..
اڈا فييك شده صبر خمس سنوات او اربع علا غربه,, خڈها مني نصيحه ولا اتفوت الفرصه :) يستاهل الموضوع وتجربه اتعلم بالمستقبل

بس حاسب من بريطانيا :secret:

جونسون

15-06-2011, 03:20 AM

الله يوفقك اخوي ويردك سالم غانم

انا الحين خلني ع الامارات قريب

ننتظر باقي الاعضاء

Eyeliner

15-06-2011, 11:31 AM

اخوي نصيحتي قدم وتوكل على الله صدقني كوني طالبه بجامعه قطر ماراح تحصل شي من وراها
بقولكم الي يقول ان الجامعه يبيلها شدة حيل اسمحولي مافي اكثر منا احنا البنات في المراكض والدراسه
بس السبب الرئيسي في الدكاتره الله يسامحهم ولو انا ولد بقرر اروح جامعه الشارقه افضل او الجامعه الامريكيه

الله يوفققكك اخوي

Bin Hood

15-06-2011, 02:42 PM

اخوي جامعة الدولة هي جامعة الامارت العربية المتحدة وهي حكومة والقبول يكون عن طريق بعثة من الدولة او واسطة وهب شرط الواسطة يشتغل في الجامعة

اما الجامعات الخاصة الي اعرفها جامعة الشارقة الامركية فمن اقوى الجامعات الخاصة في الامارت , وطبعا بالنسبة للقبول اتقدم الاوراق المطلوبة والرسوم .

والله يوفقك وين ما كنت

we-r-sawa

15-06-2011, 03:56 PM

أخوي الفاضل كثير مثلك اللي عانوا من جامعة قطر راحوا جامعة ستندن بقطر واحتسبوا لهم الساعات اللي أخذوها بجامعة قطر حسب المصدر اللي قال لي والكل يمدحها وهذا موقعهم وشوف ايش شروطهم:
www.stenden.com
وصار في فروع لجامعات لأجنبية كثيرة بدول الخليج واذا حاب تدرس انتساب بجامعات بريطانية لهم فروع بالخليج في مجال الادارة فأنا أعرف المسئول شخصيا وعندهم فروع بدول الخليج وتقدر تتواصل معاه..

ولد مشيرب

15-06-2011, 05:20 PM

والله ياخوي تجربه الغربه تجربه وايد مفيده,, الحمدلله لين اليوم ماتندمت عليها,, تتعلم واتجوف الدنيا اشلون ماشيه والاعتماد علا النفس,, بس تره يبيلها صمله وصبر..

مافي شي صعب بالدنيا,, وجامعات امريكا مب بالصعوبه الموجده بالمدينه التعليميه,, اهم شي اللغه وامورك في التمام وعلا حسب التخصص يعني لو مثل الهندسه ما تحتاج ڈيج اللغه نفس البزنس علا سبيل المثال يعني.

تحتاج بس قبول من جامعه معترف فيها, عشان الابتعاث , وما ايكون هاي الشي الا بشهادات اللغه طبعا مثل الايلز الي اشوفه صراحه مقبوول وسهل يعني مقدور عليه ان شالله ,, ولا اتجي احسابك في معهد لغه تابع للجامعه الي تبي تدخلها ومعترف فيها وبعدها اتحول علا بعثه..
اڈا فييك شده صبر خمس سنوات او اربع علا غربه,, خڈها مني نصيحه ولا اتفوت الفرصه :) يستاهل الموضوع وتجربه اتعلم بالمستقبل

بس حاسب من بريطانيا :secret:

ياالطيب ولدي عنده قبول من امريكا وبريطانيا ليش ماتنصح بريطانيا؟

بوحارب

15-06-2011, 05:22 PM

الله يوفقك

راقي

15-06-2011, 05:27 PM

الا جااااااااامعة قهـر !!!

يقهـرون الله يقـهرهـم .. والله يلعبون بالطالب لعبه ..

we-r-sawa

15-06-2011, 05:32 PM

الا جااااااااامعة قهـر !!!

يقهـرون الله يقـهرهـم .. والله يلعبون بالطالب لعبه ..

نعم أخوي وهذي السياسة موجهة من فوق وليست اعتباطا لأن مايبون كل الطلبة يتخرجون مستوى جامعي ولا يبون الكل يبدأ من بداية السلم الوظيفي (السنير) على أيام زمان،
والله يرحمها من أيام حلوة ومبروكة

BoYousuf

15-06-2011, 05:51 PM

ياالطيب ولدي عنده قبول من امريكا وبريطانيا ليش ماتنصح بريطانيا؟
هلا والله اخوي ,, الله ايوفق ولدك واتمناله كل خير ان شالله...

صحيح بريطانيا اقرب للدوحه واجازات اكثر,, بس ياخوي الواحد ايدور راحه البال..
الي يدرسون في بريطانيا اشفوهم دوم مب مرتاحين للوضع المعيشي اهناك,, وكل اجازه اجوفهم رادين الدوحه ولو لايام معدوده بس..
نظام التدريس في بريطانيا: لو اتلاحظ بالبدايه عندهم نظام الفاونديشين,, بعد هاي السنه وبمعدل معين من الدرجات,, ينقبل بالجامعه وفي المرحله الي بعدها الجامعيه تقدر اتقول نظام مدارس كا جدول مواد ينعطه لك وانت بس تمشي عليه..
مافي شي صعب بالدنيا.. بس للامانه الدراسه في بريطانيا اصعب من امريكا ابوايد...

في امريكا: نظام الدراسه نفسه الي ندرس فيه في جامعه قطر والمدينه التعليميه والي هو نظام الكورسات.. الدراسه ماهي اڈيك الصعوبه نفس بريطانيا.. معامله الناس لك محترمه وابتسامه في وجوهم كل مكان... اڈا الولد انتظم ان شالله ومشه علا الجدول يحتاج بس اربع لين اربع ونص سنوات الدراسه بس...

بس بالغربه اڈا ما انت عايش اف راحه نفسيه ومرتاح من الي حواليك,, ماراح تتقدر تتعايش او تعطي جهدك كله علا دراستك... راح تتضايق من المكان وتتمنه بس تفتك منه لو اب اي طريقه..

وعلا كلام وايد من الشباب الي في بريطانيا انه لو يرجع فيهم الوقت جان اختارو امريكا,, بس مب كلام الكل هاي طبعا..
هاي وجهت نظري المختصره بدون تفصيل لاشياء ثانيه :shy:

كل التوفيق اخوي لولدك,, والله ايوفقه وايسر اموره وين ماكان...

we-r-sawa

15-06-2011, 06:07 PM

ياالطيب ولدي عنده قبول من امريكا وبريطانيا ليش ماتنصح بريطانيا؟]

بالرغم من بعض الأشياء الايجابية الي ذكرها أخونا بخصوص الدراسة بأمريكا وأنا أتفق معاه بذلك الا أن الدراسة في بريطانيا أيضا يعتمد على التخصص وكذلك بأمريكا،وفي كليات سهلة وصعبة في أمريكا وبريطانيا..
ميزة بريطانيا ان السنة التأسيسية (الفاونديشن) من ضمن سنوات الدراسة ومهب مثل أمريكا يعني على سبيل المثال اللي يدرس هندسة في بريطانيا ياخذها في أربع سنوات وفي أمريكا 5 سنوات هذا اذا كان ياخذ الساعات كاملة بدون تأخير..يعني مافي شي اسمه أحسن وأفضل وبالنهاية لابد من المذاكرة والاجتهاد..والله يوفق ولدك ويبعد عنه عيال الحرام ويحفظه منل شر

أم غانم

15-06-2011, 09:01 PM

موفق إن شاء الله ..

عندك جامعات الآمارات .. وجامعات السعودية ..

تقدر تنتسب أو تنتظم أو تسجل بنظام التعليم عن بعد .. بختصر لك من الآخير

إن رحت المجلس العلى بيقولون لك مب معترف فيهم وغيرة من الكلام .. أهم شي شهادتك

تصدقها لك الخارجية وتقبلها جهتك الوظيفية وغير هذا تاخذ شهادة وتكمل تعليمك هذا الآهم

we-r-sawa

15-06-2011, 09:07 PM

السلام عليكم

اخواني

بداية الموضوع

مثلي مثل اي شاب قطري .. حب يخدم بلاده

ويرد لها لو شوي من فضلها علينا

..

تخرجنا من الثانوية العامه وقررت الدراسه في جامعة قـ(ه)ــطر

قريب من الاهل والاصدقاء

مع ان كل القريبين مني قالو لي لا اطلع برا قطر

لكن انا الله يسامحني ماسمعتهم

وقلت لا بتخرج في هالجامعه المحترمه

لكن لاحول ولا قوة الا بالله

جامعة كل دكتور فيها مادري من وين يجيبونهم .. (( الا من رحم ربي من الاخوان المسلمين والعرب ))

لكن قدر الله ماشاء فعل ..
__________________

اسمحولنا ع البداية الطويله .. لكن شسوي من القهر والله

____________

انا ناوي ادرس في الامارات العربيه المتحدة .. دولة شقيقة وقريبه من قلوبنا

ياليت اللي عنده خلفيه عن الجامعات هناك

شنو الجامعات الزينه هناك

سمعت عن جامعة عجمان
و جامعة الشارقة

كيف الداراسه فيهم

عربي ولا انجليزي ؟

سهله ولا صعبه مثل جامعة قطر
خاتمه :

ضيعو مستقبلي الله يسامحهم

ياليت حد يلتفت عليهم ويشوف لهم صرفه

كل شباب قطر راحو يدرسون براا

ما لاحظو هالشي ؟؟

نسبة الخريجين كل سنة تقل عن اللي قبلها[/QUOTE]

هلا أخوي هل جربت تدخل موقع جامعة stenden؟

هبة ريح

15-06-2011, 11:36 PM

هلا والله اخوي ,, الله ايوفق ولدك واتمناله كل خير ان شالله...

صحيح بريطانيا اقرب للدوحه واجازات اكثر,, بس ياخوي الواحد ايدور راحه البال..
الي يدرسون في بريطانيا اشفوهم دوم مب مرتاحين للوضع المعيشي اهناك,, وكل اجازه اجوفهم رادين الدوحه ولو لايام معدوده بس..
نظام التدريس في بريطانيا: لو اتلاحظ بالبدايه عندهم نظام الفاونديشين,, بعد هاي السنه وبمعدل معين من الدرجات,, ينقبل بالجامعه وفي المرحله الي بعدها الجامعيه تقدر اتقول نظام مدارس كا جدول مواد ينعطه لك وانت بس تمشي عليه..
مافي شي صعب بالدنيا.. بس للامانه الدراسه في بريطانيا اصعب من امريكا ابوايد...

في امريكا: نظام الدراسه نفسه الي ندرس فيه في جامعه قطر والمدينه التعليميه والي هو نظام الكورسات.. الدراسه ماهي اڈيك الصعوبه نفس بريطانيا.. معامله الناس لك محترمه وابتسامه في وجوهم كل مكان... اڈا الولد انتظم ان شالله ومشه علا الجدول يحتاج بس اربع لين اربع ونص سنوات الدراسه بس...

بس بالغربه اڈا ما انت عايش اف راحه نفسيه ومرتاح من الي حواليك,, ماراح تتقدر تتعايش او تعطي جهدك كله علا دراستك... راح تتضايق من المكان وتتمنه بس تفتك منه لو اب اي طريقه..

وعلا كلام وايد من الشباب الي في بريطانيا انه لو يرجع فيهم الوقت جان اختارو امريكا,, بس مب كلام الكل هاي طبعا..
هاي وجهت نظري المختصره بدون تفصيل لاشياء ثانيه :shy:

كل التوفيق اخوي لولدك,, والله ايوفقه وايسر اموره وين ماكان...

اللي يدرسون في بريطانيا مرتاحين ودايم اجازات ومب نفسنا عندنا في الجامعه لازم 60 وفوق

في بريطانيا النجاح عندهم 30% او 40% واحنا في جامعة قطر نكرف وهم بالساهل مرتاحين والفاونديشن محسوب لهم بعكس جامعتنا

وويوم يخلصون وظايف سنعة وبعدين بالنسبة حق الايتلس والتوفل في بعض الجامعات في بريطانيا يقبلون بنسب اقل من قطر ، واهم شيء في بريطانيا حضور المحاضرات وامورهم طيبة
الله يعين :anger1:

we-r-sawa

16-06-2011, 01:03 AM

captin

16-06-2011, 04:29 AM

يمكن فيها خير لك

موفق بإذن الله وتأكد أنك تسجل بجامعة
موثوقة من ناحية الإعتراف الاكاديمي لها بوزارة التعليم العالي بالإمارات
وأن شهادتها معادلة من قبل في قطر بلجنة معادلة الشهادات وانها تكون بنظام
الإنتظام مش بنظام الإنتساب عشان ما يتعطل موضوعك عند المعادلة.

وهذا رابط فيه مجموعة من الجامعات الحكومية والخاصة
بدولة الإمارات ادخل عليه واجمع المعلومات قبل ما تقرر وشوف الأنسب لك

http://universities.roro44.com/ar/uae/page-0.html

BoYousuf

16-06-2011, 08:56 PM

اللي يدرسون في بريطانيا مرتاحين ودايم اجازات ومب نفسنا عندنا في الجامعه لازم 60 وفوق

في بريطانيا النجاح عندهم 30% او 40% واحنا في جامعة قطر نكرف وهم بالساهل مرتاحين والفاونديشن محسوب لهم بعكس جامعتنا

وويوم يخلصون وظايف سنعة وبعدين بالنسبة حق الايتلس والتوفل في بعض الجامعات في بريطانيا يقبلون بنسب اقل من قطر ، واهم شيء في بريطانيا حضور المحاضرات وامورهم طيبة
الله يعين :anger1:

هلا اختي.. انا قارنت بين بريطانيا وامريكا علا وجهت نظري الشخصيه :shy: ما قلت عن جامعه قطر... صحيح كلامج عندهم اجازات واايد واتفق وياج اف هاي الشي..

بس تره هاي ال 40٪ الي هي درجه النجاح عندهم تره بعد تطلع من عينهم عشان اييبونها,, صحيح نسبه النجاح نازله,, بس من الصعب انك توصلها او اتجيب درجات مرتفعه عندهم,, بس الي بيجتهد وبيشد حييله بيوصلها وبييب احسن ان شالله.. بس صعب انه تلقين قبول اف بريطانيا علا حد علمي اف جامعه معترف فيها اب درجه بالايلز اقل من المطلوبه من جامعه قطر,, حته جهت الابتعاث تطلب منك انك اتجيب خمسه ونص ولا خمسه علا الاقل عشان تبتعث,, هاي النظام في البترول والله العالم عن الاماكن الثانيه.,بس اتكلم عن البعثات الي علا طول جامعه مب الي لغه,, الي لغه موضوع ثاني..

بس انه الفاونديشن مب محسووب !!! هاي مصيبه اجوفها,, ممكن استفسر اختي,, طلاب الهندسه علا سبيل المثال الي ياخڈون الماث,, هل ينحسب لهم عقب او ايشيل عنهم مثالا الكالكلس١ ؟؟؟ علا الاقل,,, بس انه يرجعون ويدرسون نفس الشي مره ثانيه,, هاي مصيبه الصراحه,, ماعندي معلومات عن الفاونديشن في جامعه قطر بس الله يعينكم اڈا ترجعون اتعيدونهم اب مواد بالتخصص..

صحيح كلامج عن الشغل,, بس الاغلب الي ايحصل شغل علا طول لنه من البدايه هو مبتعث من جهت ابتعاث فا يوم يرجع ايشغلونه علا طول.. ولو اتسوين نفسهم بتلقين شغلج جاهز يوم اتخلصيين.. بس بعد لا انكر انه في افضليه ايحطونها وقت التوضيف حق الدارسين بالخارج.. ومادري اڈا هاي شي ايجابي او سلبي..

الله يعينكم اختي علا جامعه قطر وايسهلها عليكم ولكل مجتهد نصيب,, والي بيشد حيله ماراح ايحط نفسه اف مواقف صعبه ودرجات نازله... بس احنه عندنا اب امريكا بعد يطلبون منه اعله منكم,, درجه النجاح عندنا من 70٪ :) ,, بس بعد اعتقد انه الدراسه اف جامعه قطر اصعب من عندنا.. عشان جي اقولج لا اتجوفين النسبه المطلوبه للنجاح.. جوفي مستوى الصعوبه الموجوده من قبل الدكاتره..

كل التوفيق اختي والله ايعديها علا خير علينا وعليكم :)

we-r-sawa

16-06-2011, 09:24 PM

هلا اختي.. انا قارنت بين بريطانيا وامريكا علا وجهت نظري الشخصيه :shy: ما قلت عن جامعه قطر... صحيح كلامج عندهم اجازات واايد واتفق وياج اف هاي الشي..

بس تره هاي ال 40٪ الي هي درجه النجاح عندهم تره بعد تطلع من عينهم عشان اييبونها,, صحيح نسبه النجاح نازله,, بس من الصعب انك توصلها او اتجيب درجات مرتفعه عندهم,, بس الي بيجتهد وبيشد حييله بيوصلها وبييب احسن ان شالله.. بس صعب انه تلقين قبول اف بريطانيا علا حد علمي اف جامعه معترف فيها اب درجه بالايلز اقل من المطلوبه من جامعه قطر,, حته جهت الابتعاث تطلب منك انك اتجيب خمسه ونص ولا خمسه علا الاقل عشان تبتعث,, هاي النظام في البترول والله العالم عن الاماكن الثانيه.,بس اتكلم عن البعثات الي علا طول جامعه مب الي لغه,, الي لغه موضوع ثاني..

بس انه الفاونديشن مب محسووب !!! هاي مصيبه اجوفها,, ممكن استفسر اختي,, طلاب الهندسه علا سبيل المثال الي ياخڈون الماث,, هل ينحسب لهم عقب او ايشيل عنهم مثالا الكالكلس١ ؟؟؟ علا الاقل,,, بس انه يرجعون ويدرسون نفس الشي مره ثانيه,, هاي مصيبه الصراحه,, ماعندي معلومات عن الفاونديشن في جامعه قطر بس الله يعينكم اڈا ترجعون اتعيدونهم اب مواد بالتخصص..

صحيح كلامج عن الشغل,, بس الاغلب الي ايحصل شغل علا طول لنه من البدايه هو مبتعث من جهت ابتعاث فا يوم يرجع ايشغلونه علا طول.. ولو اتسوين نفسهم بتلقين شغلج جاهز يوم اتخلصيين.. بس بعد لا انكر انه في افضليه ايحطونها وقت التوضيف حق الدارسين بالخارج.. ومادري اڈا هاي شي ايجابي او سلبي..

الله يعينكم اختي علا جامعه قطر وايسهلها عليكم ولكل مجتهد نصيب,, والي بيشد حيله ماراح ايحط نفسه اف مواقف صعبه ودرجات نازله... بس احنه عندنا اب امريكا بعد يطلبون منه اعله منكم,, درجه النجاح عندنا من 70٪ :) ,, بس بعد اعتقد انه الدراسه اف جامعه قطر اصعب من عندنا.. عشان جي اقولج لا اتجوفين النسبه المطلوبه للنجاح.. جوفي مستوى الصعوبه الموجوده من قبل الدكاتره..

كل التوفيق اختي والله ايعديها علا خير علينا وعليكم :)

ردك حلو يابو يوسف بس الحمدلله ماتدرس باللغة العربية جااااااااااان رحت فيها وطي :thumbdown:وعلى فكرة اللي يشد حيله عالآاااااااخر بجامعة قطر بيحصل نتيجة حلوة لكن بعد ماتروح كل طاقته ويشيب شعر راسه والطالب عندهم بكل شي متهم حتى تثبت براءته والعكس خير صحيح:court:

BoYousuf

16-06-2011, 10:07 PM

ردك حلو يابو يوسف بس الحمدلله ماتدرس باللغة العربية جااااااااااان رحت فيها وطي :thumbdown:وعلى فكرة اللي يشد حيله عالآاااااااخر بجامعة قطر بيحصل نتيجة حلوة لكن بعد ماتروح كل طاقته ويشيب شعر راسه والطالب عندهم بكل شي متهم حتى تثبت براءته والعكس خير صحيح:court:

هههههههههه اي والله انك صادق,, بس شاسوي ماصرت جي الا لنه مافي شي يندرس بالعربي,, الله يعين,,

مرات بالمحاضره اكتب اسمي من الملل في الدفتر بالعربي,, انصدم جنه شي غريب هههه,, ان شالله يوم انرد بارد اراجع الاعراب والاملاء ههه

بداية مساهم

16-06-2011, 11:24 PM

طيب سؤال اخواني اذا درسنا في الجامعات العربيه بتعترف فيها المؤسسات والهيئات والا بس يعترفون بخريجين المجلس الأعلى

شيخ الديرة

16-06-2011, 11:51 PM

شنو الأختصاص اللي ناوي تدرسه؟

we-r-sawa

17-06-2011, 12:42 AM

طيب سؤال اخواني اذا درسنا في الجامعات العربيه بتعترف فيها المؤسسات والهيئات والا بس يعترفون بخريجين المجلس الأعلى

حسب علمي ان في الفترة الأخيرة صار في اعتراف فقط بالجامعات الرسمية في دول الخليج
مثل جامعة الامارات،جامعة الكويت...الخ

العنود55

17-06-2011, 02:32 AM

السلام عليكم ورحمة الله وبركاته

بغيت استفسر عن جامعة زايد هل معترف فيها وجزاكم الله خير الجزاء.

intesar

17-06-2011, 02:37 AM

جامعة قطر .. ما انصح حد يدخلها ..
اسأل مجرب ولا تسأل طبيب ..
وسواء كانت درجاته عالية ولا واطية .. جامعة قطر ما تسمع الا صوت نفسها حالها حال المجلس الموقر ..

دمتم بود..

حيهور

17-06-2011, 03:03 AM

مجموعي في الثانوية فوق ٩٠

ومعدلي في الكلية ٤/٤

ودوامي رافض الابتعاث لان محد راح يمسك الشغل بدالي
وجامعة قطر رافضيين اكمل معاهم الا أجيب توفل وسات
وجامعات قطر فاونديشن نفس جامعة قهر
وعندي قبول في الجامعات برع قطر في كندا وبريطانيا
وموب معترفيين فيهم

والحل ؟

ادرس اون لاين لكن شرط تكمل الدكتوراة

وبعدين خلني اشوف هيئة او مؤسسة ترفضك

شيخ الديرة

17-06-2011, 10:26 AM

مجموعي في الثانوية فوق 90
ومعدلي في الكلية 4/4
وجامعة قطر رافضيين اكمل معاهم الا أجيب توفل وسات

يا طيب اذا ما شاءالله متفوق الى هذا المستوى ليش ما عاجبك تسوي أمتحان التوفل والسات؟

الجامعات لهم متطلبات والمطلوب منك انك تسويها, وليست على مزاجك, وأتمنالك التوفيق

جونسون

19-06-2011, 04:56 AM

ليش طلعتو من موضوعي ورحتو لامريكا وبريطانيا :(

Qtr.Girl

19-06-2011, 01:02 PM

انا طالبه بجامعة الشارقه خلصت سنه والجامعه ممتازه وقويه والتعليم فيها ممتاز
والصراحه فرق كبير بينها وبين جامعة قطر راحة نفسيه وكتعامل الدكاتره ومن ناحية التدريس ... حط فبالك اخوي كل جامعه فيها الزين وفيها الشين والحمدلله انا للحين كل شي جفته زين :)

والتدريس فيه تخصصات باللغه العربيه وفي تخصصات باللغه الانجليزيه
وجامعة الشارقه تقع فالمدينه الجامعيه بالشارقه وفيها كذا جامعه تقدر تدور عنهم بالنت

واي استفسار انا حاظره

جونسون

20-06-2011, 05:00 AM