هي موضه والا ذوق تعبان ؟

[نوفا91]

السلام عليكم

اول شي اقول لكم ان هالموضوع كان في بالي من فترة

طوييييييييييييييييلة

وكل مرة اتردد في طرح الموضوع ,,

اقول يمكن الموضوع عادي ..؟ او مب مهم او حرية شخصية او او او


بــس بعد ما شفت


( بنت تسوق هليكس )

قلت لازم اطرح الموضوع واشوف رايكم
:nice:


ندخل في الموضوع وبكل اختصار


الانفتاح عندنا مشالله كبير والمرأة ماخذه حريتها والحمدلله
وسواقة الحريم - مع انها الله بالخير - بــس يسوقون


ومعروف ان الحريم لهم ذوق خاص في اختيارات السيارات



بــس لاحظت هالايام وانا اتمشى كثرة الكروزرات والجموس اللي يسوقونها

( البنات )

والمشكلة ان الموتر مضبط من تواير وتطيح وغيره من سوالف الشباب

اتفاجا ان يكون راعي الموتر

بنت


واللي شفته اليوم وحده تسوق هليكس اعتقد امصخت السالفة



مادري صاير هالشي موضة بين البنات ..؟

ولا اهي حرية شخصية ..؟ وذوق تعبان ..؟

وتشوفون هالشي عادي ولا انا بــس الي ما عاجبني الوضع



انطر رايكم


للامانه منقول..



بس الصج انا امس شفت بنت تسوق جمس اسود وعليه بعد صوت مادري شتسمونه :rolleyes2:

[eXpert*]

يمكن موتر اخوها

وماعندهم غيره ؟ وين المشكلة ؟

[ســـارة]

\

الله يسلمك هذا الذوق وجرت العادة عليه ، أنا بنية أشوف وحدة تسوق جمس أضحك

شلون أنتم ، صدق تلاقيها نقاب وحالة والجمس شكبر تحس موب لااااايق .. :nice:


\

بس إذا البنية تسوق وماعندها غير الهيلكس تقضي مشاويرها الضرورية ،، تقعد في البيت ؟؟

لأجل " أتعبني الحزن " ما يتطنز عليها ، ويكتب عنها موضوع في المنتدى ويضحك على المنظر ؟ :shy:

[بنت صقار]

في فريجنا..وحده في العقد الرابع وأم ايتام..وحالتهم"مستورة"وماعندها الا عرواي..تودي عيالها المدارس وتقضي امور بيتها(ولا مطلوب منها تجاري الذوق العام وماتجرح نظر الماره وتشتري صالون؟!
اعتقد العراوي انفع في حالتها من الصالون.
المهم سياره والسلاااااااااااااااام..تغنيها عن الحاجه للناس

[موضي قطر]

في فريجنا..وحده في العقد الرابع وأم ايتام..وحالتهم"مستورة"وماعندها الا عرواي..تودي عيالها المدارس وتقضي امور بيتها(ولا مطلوب منها تجاري الذوق العام وماتجرح نظر الماره وتشتري صالون؟!
اعتقد العراوي انفع في حالتها من الصالون.
المهم سياره والسلاااااااااااااااام..تغنيها عن الحاجه للناس


اصلن وهو فيه بيت في قطر مافيه عراوي :telephone:

[بنت صقار]

اصلن وهو فيه بيت في قطر مافيه عراوي :telephone:

:weeping:انا ماعندي..خاطري في واحد...للجمعيه واغراض البيت..قرقعته..تحسسني بشوارع الفريج

[وطن]

شنو هليكس؟؟

ما اعرفها :shy:

[@north_star@]

شنو هليكس؟؟

ما اعرفها :shy:

بيكم تويوتا :nice:

[موضي قطر]

:weeping:انا ماعندي..خاطري في واحد...للجمعيه واغراض البيت..قرقعته..تحسسني بشوارع الفريج

لا زم تحنين على ابو العيال يشتري لكم وحده يازينها في الفريج :shy:




شنو هليكس؟؟

ما اعرفها :shy:


فشلينا ياوطن هذه صورتها


http://up.3ros.net/get-6-2011-rvtihl4w.jpg (http://up.3ros.net)

[بصمة قطرية]

انا هالبيكم اللي مش قادره ابلعه ..
احس برستيجي ما يسمح لي اركب عراوي :tease:

>>> خفي علينا :tease::tease::secret:
صج ما احبه ..:shy:

اما البنات اليوم ما خلوا شي للشباب ..
كل مواتر الشباب نافسونهم فيها البنات ..
لا هدرز وتطيح وغير باقي السوالف
ما خلوا شي للشباب ..:eek5:

[ام السعف]

اصلن وهو فيه بيت في قطر مافيه عراوي :telephone:

بيتنا ،، وابوي خاطره في عراوي :(

الله يرحم ذيك الأيام ايام العز والحب والعراوي :(
واقول مثل ما قال الشاعر :
وما الحب الا للعراوي الأولي ...> ياء

[Rashid554]

ياخي يمكن ماعندها الا هالموتر ولا شي ما اعتقد فيها شي يعني لازم يعني تسوق لكزس ..

لكن الي يبط الجبد الصراحه هالبنات الي طايحين بموضه يديده جواتي من غير دلاغات الصراحه شي غريب !!

[نوفا91]

بخصوص انا ما اتكلم عن اللي حالتهم مب لين هناك وماتقدر تشتري سياره غيرها لكن صج في بنات يتعمدون هالشي وانا بصراحه استغرب من الاهالي ..

يعني وحده تسوق جي ولا طالعه فوق الرصيف ..!!!عسى ابي ماشر ..

[نوفا91]

ياخي يمكن ماعندها الا هالموتر ولا شي ما اعتقد فيها شي يعني لازم يعني تسوق لكزس ..

لكن الي يبط الجبد الصراحه هالبنات الي طايحين بموضه يديده جواتي من غير دلاغات الصراحه شي غريب !!

انا بنت ومادريت بهالموضه !!!!
عسى ماااشر ..:rolleyes2:

[نتفـه]

هل هاي يستدعي موضوع بكبره ؟؟؟؟؟؟؟؟؟؟
ما تعرفين ظروف بنت الناس ,,
اما بنات ينافسون شباب ف تطيح المواتر والهدرز وغيره ف انا ما شفت الصراحه ولو فعلا صحيح؟! ف عليهم العوض !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

[ع.م]

كيفها..

[صعبة وصوفه]

أعتقد حرية شخصية،،
وبعدين في ناس عندها ظروف يمكن تسوقه وهي مب عاجبها، أو يمكن عاجبها،،
بعدين شفيها ساقت هيلكس والا عراوي والا صاروخ، عادي مافيها شي..

[مضاربه]

وشفبها يمكن البنت ماعندها الا هالسياره شتسوي بالله

[مضاربه]

بخصوص انا ما اتكلم عن اللي حالتهم مب لين هناك وماتقدر تشتري سياره غيرها لكن صج في بنات يتعمدون هالشي وانا بصراحه استغرب من الاهالي ..

يعني وحده تسوق جي ولا طالعه فوق الرصيف ..!!!عسى ابي ماشر ..

عادي انا اطلع فوق الرصيف اذا السير واقف شنهي المشكله كل شي محللينه على نفسكم ومحرمينه علينا

[رياني qtr]

يمكن موتر اخوها

وماعندهم غيره ؟ وين المشكلة ؟



صحيح انا مع هالكلام ومرة شفت وحده بجمس حبه وربع محول دينالي منزل ونفخة بالبانة
وحركات ماعتقد بنت عندها وقت تضبط هالتضبيط اتوقع سيارة اخوها واحتدت تسوقها او يمكن سيارة موقته تستخدمها استخدام موقت ولحد مالله يوفقها بسيارة غير واعتقد هالشي حرية شخصية بما انها محترمة نفسها الكل راح يحترمها لو راكبه بيجو موديل 77

[بدون]

عادي !!! يمكن عاجبها و تحب تسوقه !!

لولا اختلاف الأذواق لبارت السلع

[Super Cool]

حتى المواتر صار فيها مذكر و مؤنث!!!!
اخبر الموتر حديد بلا جنس!!!!

[التيما]

يمكن سيارة اخوها .. انا مره اختربت سيارتي وانجبرت اسوق سيارة اخوي سبورت من قلب شبابية وشكلي كلش مب بالعته بس انجبرت .. ماصارت قضية .. وبعدين مافيها شي يعني ولا فيها تقليد للشباب اصلا .. يمكن بتروح جمعية ولا سيارة البيت اختربت وانجبرت .. سوء النية موجود على طول ماشاء الله *

[التيما]

بخصوص انا ما اتكلم عن اللي حالتهم مب لين هناك وماتقدر تشتري سياره غيرها لكن صج في بنات يتعمدون هالشي وانا بصراحه استغرب من الاهالي ..

يعني وحده تسوق جي ولا طالعه فوق الرصيف ..!!!عسى ابي ماشر ..

ههههههههه شدخل !!!!!
ليكون الجي مكتوب عليها للشباب فقط ! ولا ممنوع نصعد عالرصيف ؟؟ والله شي

[بـــــــنت النوخـّــــذه]

اههههههههههههههههههههه

يحليلهم البنات ليكون بعد مركبه بوالين بالتاير مادري شيسمونها:p

ترى انا بعد شفت وحده مركبه صوت بسيارتها اشله مادري :nice:

عموما الاهم الوحده ماتكون شاذه بتصرفاتها عادي تركب اي سياره بس اتناسب وضعها كبنت لاتقلد الصبيان فيها

[الحجاجي]

سبحان الله ..

أول كنا نشوف أي بنت تسوق كانه شيء غريب صاير

/

بعدها اول ما بدينا نتعود على البنات يسووقون جيات

كان شيء غريب

/

والحين نستغرب من العراوي


/

شيء طبيعي العين مب متعوده على هالاشياء

[روح قطر777]

اتفق مع باقي الاعضاء انه يمكن الموتر حق احد اخوانها او سيارتها في الكراج ومافي الا هذه الموجوده
مااعتقد انه فيها شي

[مكتوم]

يمكن موتر اخوها

وماعندهم غيره ؟ وين المشكلة ؟

صادق الواحد يلتمس حسن الظن


من راقب الناس مات هماً

[Me&OnLy]

بعض العقول سطحيه جدا وما الفرق بين العراوي والمواتر الثانيه وصل فينا الحال انزل موضوع عشان وحده تسوق عراوي؟ غريب عجيب

[R 7 A L]

في امريكا يسوقون تريلات ( قطرة ومقطورة )
عقبال بنات قطر

[ذيبة الريان]

في الستينات وصل اول رجل الى القمر ،
واليوم تتناقشون عن نوع السيارة اللي تسوقها البنت ؟

عفيه عليكم

حتى لو ساقت جوتي كفرات في بيتهم ما سلمت منكم

[بـــــــنت النوخـّــــذه]

في امريكا يسوقون تريلات ( قطرة ومقطورة )
عقبال بنات قطر

بال تريلات ؟؟؟

إلا بسئلك سكان التريله او الشاحنه سهل ينلف ولا صعب احس السايق يعاني معاناه لما يلف السكان كيف بالمرأه 00

مره وقفت شاحنه احذى السياره جلست أتأملها قلت هاي اشلون لو بطلع مكان السايق يبيلي سلم عشان اطلعها سالفه والله عباله 00اقول كلن يسوق السياره الي تناسب بنيته الجسميه ووضعه

وبعدين رحال اشلون عقبال بنات قطر يعني اروح الدوام بشاحنه مثلا " اههههههه :tooth:

يلا الحاجه وماتسوي :(

[ام السعف]

لكن الي يبط الجبد الصراحه هالبنات الي طايحين بموضه يديده جواتي من غير دلاغات الصراحه شي غريب !!

اخوي راشد هذي اشلون صايرة ؟ :)

[R 7 A L]

بال تريلات ؟؟؟

إلا بسئلك سكان التريله او الشاحنه سهل ينلف ولا صعب احس السايق يعاني معاناه لما يلف السكان كيف بالمرأه 00

مره وقفت شاحنه احذى السياره جلست أتأملها قلت هاي اشلون لو بطلع مكان السايق يبيلي سلم عشان اطلعها سالفه والله عباله 00اقول كلن يسوق السياره الي تناسب بنيته الجسميه ووضعه

وبعدين رحال اشلون عقبال بنات قطر يعني اروح الدوام بشاحنه مثلا " اههههههه :tooth:

يلا الحاجه وماتسوي :(




سكان التريله نفس سكان السيارة العادية
بس الحرفنه مو في السكان
الحرفنه الله يسلمج في الوزنية بين الراس والتريلر
يعني في اللفات يمين ويسار بس اصعب شي في التريلات ( الريوس ) اذا تبين التريلر يروح يمين اكسري السكان يسار والعكس صحيح .

بالنسبة للركوب للغماره ( القمره ) فية درج بعدين مايحتاج مجهود .



لما اقول عقبال بنات قطر على شان يواكبون تطور نساء العالــــم
( هن ) يقلدونهم في كل شي :rolleyes2:

[chillis]

يمكن حق اخوها او ابوها ومضطره تسوقها عادي يعني

[بـــــــنت النوخـّــــذه]

سكان التريله نفس سكان السيارة العادية
بس الحرفنه مو في السكان
الحرفنه الله يسلمج في الوزنية بين الراس والتريلر
يعني في اللفات يمين ويسار بس اصعب شي في التريلات ( الريوس ) اذا تبين التريلر يروح يمين اكسري السكان يسار والعكس صحيح .

بالنسبة للركوب للغماره ( القمره ) فية درج بعدين مايحتاج مجهود .



لما اقول عقبال بنات قطر على شان يواكبون تطور نساء العالــــم
( هن ) يقلدونهم في كل شي :rolleyes2:




شكرا" على الافاده :nice:

والله يارحال ماني بفاهمه شتقول اكسر السكان والوزنيه والقمره تعال هالقمره << هاي الي تغنو بها وقالو انا والليل والقمرة :omen2:

اقول خلني اسمع بنصيحه خيتي ام السعف واجلس خلف السائق واكون شيخه نفسي احسن دام فيها هالمصطلحات 000:(


بس بعد مصره ابغي احقق امنيتي بالسواقه ولو ليوم واحد بس

[وطن]

بيكم تويوتا :nice:

مو جان قالو بيك اب من البدايه
لازم يوهقوني
لول





لا زم تحنين على ابو العيال يشتري لكم وحده يازينها في الفريج :shy:






فشلينا ياوطن هذه صورتها


http://up.3ros.net/get-6-2011-rvtihl4w.jpg (http://up.3ros.net)

:shy::shy::shy:

شعرفني انا



يا جماعه وين المشكله خلها تسوق اللي تبيه
انا من كثر ما كان في خاطري اسوق بيك اب الجمس مادري الشفر
المهم هذا الكبير
خلوني اهلي اسوق اللي عندهم :tease:
وبس طاب خاطري عادي سهالات

والحين في خاطري اسكليد بيك اب
:shy:


لكن ترقبوني مع سيارتي القادمه

http://www.uncrate.com/men/images/2009/09/mb-sls-amg-3.jpg

:tease::tease::tease:

[R 7 A L]

شكرا" على الافاده :nice:

والله يارحال ماني بفاهمه شتقول اكسر السكان والوزنيه والقمره تعال هالقمره << هاي الي تغنو بها وقالو انا والليل والقمرة :omen2:

اقول خلني اسمع بنصيحه خيتي ام السعف واجلس خلف السائق واكون شيخه نفسي احسن دام فيها هالمصطلحات 000:(


بس بعد مصره ابغي احقق امنيتي بالسواقه ولو ليوم واحد بس




مادام هالمصطلحات صعبــــة
خلك خلف السائق ابرك لك



بالنسبة لامنيتك ماراح تحسين بلذة القيادة الا وانتي عارفه كل مصطلحات السيارة والقيادة :tease:

[R 7 A L]

فشلينا ياوطن هذه صورتها


http://up.3ros.net/get-6-2011-rvtihl4w.jpg (http://up.3ros.net)




هذي مستبيشي :anger1:

[بولينجر]

العنوان ماله حل هههههه وكلن ينام على الجنب اللي يريحه.....

[هبوب الكوس]

وشفيه السيكل بوثلاث تواير

سوقو في الحوش وخمسو فيه بعد :tease:

[المسك1969]

السلام عليكم
السياره سياره... واللي بتسوق مرسيدس بتسوق بيكم وقت الحاجه... ولعل سيارتها كانت خربانه واضطرت تروح بالبيكم
اما امر الكروزرات فانا اعتقد انها ضرورة وحاجه للمرأة وخصوصا لو عندها اطفال وين بتركبهم البي ام الصالون والا المرسيدس الصالون والا البورش اللي جنها قرقور...مافي احلى من الكروزر للعوائل.. انا ما احب الجيمس والا كنت بشتري ولا الشفر..
وأخير السياره سياره ...قير عادي والا اتوماتيك؟؟ سياره بيكم والا تريلا... كبيره تريلا خخخ
اهم شيء سياره تفي بالغرض ومب محرج الوحده تركبها وخصوصا ان ماعندها احد يقوم فيها واللي يتطنز على وحده تسوق بيكم مثلا...خله يروح يسوي لها مشاويرها ويخلص لها شغلها او يسكت...ما اقصد احد اتكلم بشكل عام..
جزاك الله خيرا على طرح الموضوع

[La Bella]

ليش الشركة يوم صنعت السيارات
كتبت لاستعمال الذكر فقط
أشوف الاجانب والامريكان من مبطي يسوقون جموس الأخ

[هبوب الكوس]

وشرايكم تركبون بوكلين بعد :happy:

[الـراسي]

مرة من المرات شفت وحده الله يهديها

راكبة نيسان باب موديل 1996 لونين احمر وبيج وتتمشى بالكورنيش

لا وحاطة يدها مع الدريشه مثل حركة الشباب بس رفيقي عطاها عين الله يستر عليه

ما مداها تطلع من الدوار الا وهي داعمه هندي بس دعمه خفيفه

[jeep-srt8]

للبيع صيخ فتك للنواعم فقط

[الطيبة كلها]

ياشين اللاندكروزر على البنات ولا سيارات الجمس ارف

[همسه]

يمكن سيارة حد من اهلها واضطرت تسوقها مافيها شي اهم شي انها ماتكون قاصده تقلد الشباب بس

انا عني ماسوق لحد الحين اهلي مب متقبلين الفكره فديتهم يخافون علي

:)

اما العراوي ياحبي لها يازينها في البيت

استانس اذا رحت الجمعيه وترست البدي ومعوده البيت اووووووووه وناسه

و كله كوم ومطامرها على المطبات شي ثاني هذا بروحه تمرين

ههههههههههههههههههههه

[حليتان*]

صحيح انا مع هالكلام ومرة شفت وحده بجمس حبه وربع محول دينالي منزل ونفخة بالبانة
وحركات ماعتقد بنت عندها وقت تضبط هالتضبيط اتوقع سيارة اخوها واحتدت تسوقها او يمكن سيارة موقته تستخدمها استخدام موقت ولحد مالله يوفقها بسيارة غير واعتقد هالشي حرية شخصية بما انها محترمة نفسها الكل راح يحترمها لو راكبه بيجو موديل 77

تخبر الكورفت االخضره ؟؟ :secret: << مالت البنت :shy:

[نوفا91]

مشكورين على الردود ..:)

للتوضيح :انا ماقصدت اللي مضطره ومحتاجه انها تسوق عراوي والاجمس والا جيب ....الخ هذي محد يختلف فيها ,,لكن في بنات اللي يهديهم سيارتها هي الخاصه والبعض تسوق لفت الانتباه <<وهذي شخصيا اعرفها ونفس ماقال اخوي مطلعه ايدها مع الدريشه وماشيه ع الرصيف لحد يقول مضطره ومادري وشو اللي شفتها لازحمه ولا مايحزنون وداقتها سوالف وضحك يسمعه اللي توه بيدش الشارع ومنزله الجامه .


اتمنى وصلت الفكره
:)

[Rashid554]

اخوي راشد هذي اشلون صايرة ؟ :)


انا بنت ومادريت بهالموضه !!!!
عسى ماااشر ..:rolleyes2:



ان شاء الله العصر بحاول اتاكد من اسم هالموضه تكرمون جوتي ماركة معينه موضته ان ماتلبس دلاغ :secret:

[همسه]

اها فهمت قصدج

لا هذي مب عدله قل حلاها شهالحركات عيب عليها

قلنا حريه ماقلنا قلة ادب و مصاخه

يازينها الخيزران منقعه في ماي و ملح

:anger1:

[هبة ريح]

ياخي يمكن ماعندها الا هالموتر ولا شي ما اعتقد فيها شي يعني لازم يعني تسوق لكزس ..

لكن الي يبط الجبد الصراحه هالبنات الي طايحين بموضه يديده جواتي من غير دلاغات الصراحه شي غريب !!

اول مره اسمع عن هلموضة وانت بكرامه :eek5: ههههههههههههههههههههههههه
عاد مع الحر والجو البديع :victory: :rolleyes2:

[الدمعه]

لا يمكن تلبس الدلاغات القصيره اللي يدوب تغطي الاصابع ...

وصج صراحه البنات من تسوق سياره وبتشتري سيده تختار السياره الشبابيه ..

اما فور ويل والا سياره باب واحد تشبه سيايير السباق ..

في سيايير وااايد تناسب المره يبين من شكلها انها تناسب الحرمه ..

اما جمس غماره وحده والا سوبر ..

والبيكم احسه ابو السيايير صراحه وبالعكس اذا شفت مره تسوقها اعرف انها

رايحه بتمير البيت او ماعندها غيرها ..

[المقاول]

يعني انتوا الحين مستغربين وجود بنت تسوق هايلكس؟
ليش تطالبون بحقوق المراءة ومساواتها بالرجل في كل شي .. يعنى المفروض تستعمل نوع معين من السيارات ؟ هذا الرجل يسوق كل السيارات والاليات .. المفروض المراءة تسوق بعد تريلة وسكس ويل وحفار . خلاص هي تبي تصير نفس الرجل . خلوني اشوف

[Doha Sun]

اللحين الموضوع عن السيارات ولا الدلاغات ..
اذا عن السيارات انا شفت حرمة تسوق بيكم قير عادي ( بعدي عليها)
اما عن الدلاغات .. شي عادي لان للدلاغات انواع يمكن ذي الدلاغ الصغير ( موضة الحريم ماتنتهي )

[همسه]

http://uaesm.maktoob.com/up/uploads/aa0fb56b6e.jpg

شرايكم في سيارتي

:shy:

[alsubaiai]

مشكورين على الردود ..:)

للتوضيح :انا ماقصدت اللي مضطره ومحتاجه انها تسوق عراوي والاجمس والا جيب ....الخ هذي محد يختلف فيها ,,لكن في بنات اللي يهديهم سيارتها هي الخاصه والبعض تسوق لفت الانتباه <<وهذي شخصيا اعرفها ونفس ماقال اخوي مطلعه ايدها مع الدريشه وماشيه ع الرصيف لحد يقول مضطره ومادري وشو اللي شفتها لازحمه ولا مايحزنون وداقتها سوالف وضحك يسمعه اللي توه بيدش الشارع ومنزله الجامه .


اتمنى وصلت الفكره
:)







الله يهديهن و يصلحهن


ويستر عليهن

[بوخالد911]

ما ندري عن ظروفهم

اتس اووك


والله يحييكم

[بـــــــنت النوخـّــــذه]

:tooth:
http://uaesm.maktoob.com/up/uploads/aa0fb56b6e.jpg

شرايكم في سيارتي

:shy:

اوووووووووووف سكتي عجيبه يختي

عاد احنا الحريم ذبحتنا اي شي يبرق :tooth:

[شبح الصمت]

يمكن الموتر موتر البيت وموترها في الشركه وتقـزر عمرها

او يمكن موتر ريلها اخوها !!

مب شرط سيارتها اخوي

في حريم صج مقاليـع تحس انه سواقتها اسوقة شنب بس بعد في الجنس الناعم اكثر منهم بوايد

بس يمدحون الهيلكوس والعراوي كرسي تدليك للظهر

:shy:

[المتحدث الرسمي]

..

انا مره شفت عجوز ببطولتها تسوق ...


^
^
^
^
^
^
^


برازيلي :eek5::eek5::secret::secret:

[NeverLand]

يازين البنت وهي قاعده ورى والدريول يسوق فيها .. برستيج وملوكيه .. مب قاعده تحافص بالشارع وتزاحم الشباب بسيارتها !!!

[chillis]

يازين البنت وهي قاعده ورى والدريول يسوق فيها .. برستيج وملوكيه .. مب قاعده تحافص بالشارع وتزاحم الشباب بسيارتها !!!

كل واحد وظروفه :) واذا على الشرع بنمشي الافضل هي تسوق

[همسه]

بنت النوخذه ابرزي بمرج اخذج امشيج فيها عشان احقق حلمج

بس البنات اللي يبوني امشيهم فيها عقبج يدفعون مافيه شي بلاش

:victory:

من ناحية نحب البرقه صادقه بصراحه نستانس على اي شي يبرق حياه حياه

ههههههههههههههههههههههه

[بو خليفه 123]

طيب ليه انتقدتي المره الي تسوق الهليكس و مانتقدتي البنت الي تسوق فيراري ..


ولا على راسها ريشه ؟



او ذوقها حلو يمكن ..

[chillis]

طيب ليه انتقدتي المره الي تسوق الهليكس و مانتقدتي البنت الي تسوق فيراري ..


ولا على راسها ريشه ؟



او ذوقها حلو يمكن ..

المخرج عاوز كده انت عمرك شفت احد ينتقد احد راكب فراري ولا بنتلي النقد لعيال الفقاره بس :secret:

[Doha Sun]

يازين البنت وهي قاعده ورى والدريول يسوق فيها .. برستيج وملوكيه .. مب قاعده تحافص بالشارع وتزاحم الشباب بسيارتها !!!


واللي ماعندها ديول وتقضي حاجتها وحاجة عيالها .. ( الله المستعان )وماتبي رجال غريب عندها في البيت

[NeverLand]

كل واحد وظروفه :) واذا على الشرع بنمشي الافضل هي تسوق

اللي حادتها الظروف الله يعينها ان شاء الله .. انا اتكلم عن نظرتي الشخصيه للبنت وهي تسوق .. شكلها غير مستحب ابداً بالنسبه لي .. طبعاً مب الكل في بنات محترمات ويفرضون احترامهم .. لكن في بنات اقويا واشوفهم يجوون الكرك واماكن فيها ازدحام شبابي ويصارخون ويتكعكعون بشكل سافر ومافيهم من الانوثه شي ..

[chillis]

اللي حادتها الظروف الله يعينها ان شاء الله .. انا اتكلم عن نظرتي الشخصيه للبنت وهي تسوق .. شكلها غير مستحب ابداً بالنسبه لي .. طبعاً مب الكل في بنات محترمات ويفرضون احترامهم .. لكن في بنات اقوى واشوفهم يجوون الكرك واماكن فيها ازدحام شبابي ويصارخون ويتكعكعون بشكل سافر ومافيهم من الانوثه شي ..

هاي الي ابي اوصله خصص لا تعمم :)

[ضد التيار]

عشنا وشفنا يازمن .,,. واللة بنات اخر زمن .,

[هبوب الكوس]

http://t1.gstatic.com/images?q=tbn:ANd9GcRXZJvUP3RbE31rvjskXucR1-LKHeBtIL_lwH47Wc-_LmlNxbeM&t=1

رووووووووووووووح

[شبح الصمت]

http://t1.gstatic.com/images?q=tbn:ANd9GcRXZJvUP3RbE31rvjskXucR1-LKHeBtIL_lwH47Wc-_LmlNxbeM&t=1

رووووووووووووووح



تكفى ياخي ابي اخذ فرى

عن خاطر هارلي

:shy:

[wadha-qa]

لحوووول صدق من راقب الناس مات هماً

فرضا ما في عندهم الا هالسياره تبينها تخلي السياره تحت الطبيله و تاجر لها بورش(لزوم الكشخه و عشان الناس تستانس وتقول وااوو تسوق بورش !!!) تقضي عليه مشاويرها الضروريه ؟؟؟؟

ياليت نخلي الناس في حالهم ومالكم خص فيهم دام ما اذوكم بشي يمكن عندها ذوق بس الضروف اجبرتها ماتدرين عن حياه الناس و مشاكلهم و الصعوبات اللي عايشينها

[هبوب الكوس]

تكفى ياخي ابي اخذ فرى

عن خاطر هارلي

:shy:

تبيها تردفك اتصل لها :nice: على البليب

[وطن]

طيب ليه انتقدتي المره الي تسوق الهليكس و مانتقدتي البنت الي تسوق فيراري ..


ولا على راسها ريشه ؟



او ذوقها حلو يمكن ..

واللي تسوق مرسيدس جي

:shy:

[شبح الصمت]

واللي تسوق مرسيدس جي

:shy:


للبيع الجي !!

:shy:

[هبوب الكوس]

للبيع الجي !!

:shy:

قصدك اللي بدون مكينه

[تحداني]

مو كفايه سواقه المرأه هو امر مخالف للفطره .. وبعد يركبون سياير مالها داعي
الهمر .. والــfj والهيلكس والجمس هاذي مو للبنات ابدا .. وقله ذوق ..
وفي حلول بديله كثيره في السوق .. وارخيصه وايد .. ولا ادخلونا في حلات استثنائيه للحكم على المشهد انه عادي
الاستثناءات خلوها على جنب
احنه نتكلم عن الامر الطبيعي


وبالفعل كثرت هالنوعيه من السياير عند البنات
وبأساليب للسواقه مخالفه حتى لانوثه المرأه واحترامه للغير . وللطريق
الي ما يعرف السنع في السواقه واحترام الطريق لايسوق
عشان ما تكون نظره الرجل زياده عن اللزوم نظره دونيه لنا نحن النساء

المشكله لما فئه تخرب على فئه


جملكم الله برضاه

[شبح الصمت]

قصدك اللي بدون مكينه



لا تخرب البيعه علي اصبر اشووي

مب جي جي الي خبرك بوصفقتين لا لا جي جي

مرشيدش

:secret:

[بو خليفه 123]

واللي تسوق مرسيدس جي

:shy:

يا لبى :tease:


طيب و الي تسوق سياره "انثويه" و حاطه لزقه في خلف السياره يحفظك ربي .. او مردك لي .. او احدى هذه العبارات ..


تحداني الزمن .. اتفق معك من جهة .. و اختلف معك من جهة اخرى .. ليه ؟
تختلف وجهات النظر من ناحية اقتناء السياره و ليس لها علاقه سواءً كانت مناسبه للمرأه و ارخص او العكس ..

البعض يفكر بالسياره العمليه .. الـ fj والتي تسمى فاطمه جاسم لدى الشباب او الكروزر من ناحية عمليه و اقتصاد بقطع الغيار و عدد مرات التشييك لدى الوكاله والتي تقتصر على تواجد الرجال فقط .. من هذا المنطلق او التفكير انا ارى ان السياراه المذكوره ابرك من السياراه الارخص ..

[UniCorn-80]

هيلكس والله وناسه بخاطري اسوقها

[همسه]

بو خليفه فيه ناس يسمونها فاطمه جعفر والحين انت كاتب فاطمه جاسم حلاتين

ههههههههههههههه

[chillis]

بو خليفه فيه ناس يسمونها فاطمه جعفر والحين انت كاتب فاطمه جاسم حلاتين

ههههههههههههههه

السياره فاطمه جاسم مهب من صوب ايران :(

[تحداني]

بوخليفه 123
حياك الله يا اخوي .. والحمد لله على السلامه
ياخوي والله مو حلوه على البنات وشينه .. واكبيره وايد وكأنها سياير حربيه .. مو سياير آدميه
لإستعمال يومي .. في بدائل كثيره صدقني .. وفي حلول كثيره .. اوقفت على الهمر
ولا على الجمس


ما اعرف ما اتقبلها ابدا ابدا
وسواقتها تثير الدفاشه في كل شي .. ولو على الوسع وحق البيت هو في خيارات اكثر

في بنات وايد اشوفهم يركبونها عشانهم وعشان صديقاتهم
لا ايوصلون احد ولا يجيبون احد
وان اطلعوا اطلعوا ثلاث ولا اربع مع بعض



اكيد في حالات استثنائيه
هذيلن خلهم على جنب .. في الحاجه او عدم القدره


اقلبها يمين يسار
راح تقتنع


جملك الله برضاه

[Rashid554]

الي يسالون عن جواتي بدون دلاغات مثل ما وصلني

جوتي اسمه كلاسيك ( اسم الماركة اعتقد ) ( مثل جواتي المدرسين الي مسكره من قدام ) تكرمون
وبس مايلبسون دلاغات ويكون شكلهم مبهدل

وسوري صاحب الموضوع دخلنا موضوع الدلاغات بالسيارات هههه

[وطن]

للبيع الجي !!

:shy:





قصدك اللي بدون مكينه


لا تخرب البيعه علي اصبر اشووي

مب جي جي الي خبرك بوصفقتين لا لا جي جي

مرشيدش

:secret:

هاهاهاهاهاها
خل اشتري واحد بالأول

[black@white]

قد تكون مضطره في ذلك الوقت او تكون السياره الوحيده في البيت
من يعاف سياره كشخه مرسيدس او بورش تكون متواجده عنده ويركب هيلوكس
ما اعتقد موضه كلن على مقدرته

[الراقيه سبشل]

ماتدروون بالظروف

يمكن ماعندهم غيره

او يمكن سيارتها اختبرت وماخذه سيارة اخوها

[Super Cool]

مو كفايه سواقه المرأه هو امر مخالف للفطره .. وبعد يركبون سياير مالها داعي
الهمر .. والــfj والهيلكس والجمس هاذي مو للبنات ابدا .. وقله ذوق ..
وفي حلول بديله كثيره في السوق .. وارخيصه وايد .. ولا ادخلونا في حلات استثنائيه للحكم على المشهد انه عادي
الاستثناءات خلوها على جنب
احنه نتكلم عن الامر الطبيعي


وبالفعل كثرت هالنوعيه من السياير عند البنات
وبأساليب للسواقه مخالفه حتى لانوثه المرأه واحترامه للغير . وللطريق
الي ما يعرف السنع في السواقه واحترام الطريق لايسوق
عشان ما تكون نظره الرجل زياده عن اللزوم نظره دونيه لنا نحن النساء

المشكله لما فئه تخرب على فئه


جملكم الله برضاه


بل بل بل بل بل؟؟؟؟ ضد الفطرة مرة وحدة!!!!....اذا ضد الفطرة ان المرة تسوق عيل من فطرة الريال انه يسوق....انا ريال و ما اشوف من فطرتي ان اسوق و ولا احب اتمشى بالسياؤة و ما احرب اتم فالسيارة اكثر من المطلوب!!!

تذكر ان اللي تطبقه في حياتك الشخصية لا يعتبر مثال يحتذى به و ما تقدر مباشرة تحكم بأن اي شي ما يتماشا مع حياتك يعتبر مخالف للفطرة!!!!

كمثال انت تقول ما تتخيل بنت تسوق اف جي.....و غيرك من الشباب يردد ان الاف جي موتر بنات عيب يسوقونه ريايل!!!

[نوفا91]

طيب ليه انتقدتي المره الي تسوق الهليكس و مانتقدتي البنت الي تسوق فيراري ..


ولا على راسها ريشه ؟



او ذوقها حلو يمكن ..

يعطيك العافيه اخوي بوخليفه ..

اخوي انا مو بس انتقدت الهليكس بعد الجي والجمس وع قولتهم فاطمه جاسم والاهم واللي نسيته سيارات السبورت !!!
عاد اللي تسوق بصراحه سياره سبورت ........مادري شقول غير الله يهديها ..
مره شفت بنت تسوق سياره سبورت بس مادري شسمها المهم الا شباب منزلين الجامه وهم يالشارع الثاني ويقطون عليها كلام وحبتين ومادري وشو:rolleyes2:

عاد تدري فيراري ماعرفتها الا من قوقل العزيز:shy:

[ام السعف]

بوخليفه 123
حياك الله يا اخوي .. والحمد لله على السلامه
ياخوي والله مو حلوه على البنات وشينه .. واكبيره وايد وكأنها سياير حربيه .. مو سياير آدميه
لإستعمال يومي .. في بدائل كثيره صدقني .. وفي حلول كثيره .. اوقفت على الهمر
ولا على الجمس


ما اعرف ما اتقبلها ابدا ابدا
وسواقتها تثير الدفاشه في كل شي .. ولو على الوسع وحق البيت هو في خيارات اكثر

في بنات وايد اشوفهم يركبونها عشانهم وعشان صديقاتهم
لا ايوصلون احد ولا يجيبون احد
وان اطلعوا اطلعوا ثلاث ولا اربع مع بعض



اكيد في حالات استثنائيه
هذيلن خلهم على جنب .. في الحاجه او عدم القدره


اقلبها يمين يسار
راح تقتنع


جملك الله برضاه

اشعر بحزن لما اشوف بنت تطلب يشترون لها فطوم جعفر او سيارة فور ويل
من الحجم البعير :(

[ام السعف]

الي يسالون عن جواتي بدون دلاغات مثل ما وصلني

جوتي اسمه كلاسيك ( اسم الماركة اعتقد ) ( مثل جواتي المدرسين الي مسكره من قدام ) تكرمون
وبس مايلبسون دلاغات ويكون شكلهم مبهدل

وسوري صاحب الموضوع دخلنا موضوع الدلاغات بالسيارات هههه

ما ادري عنها ،، هذيلا وين يلبسونها ؟ :shy:

[نوفا91]

الي يسالون عن جواتي بدون دلاغات مثل ما وصلني

جوتي اسمه كلاسيك ( اسم الماركة اعتقد ) ( مثل جواتي المدرسين الي مسكره من قدام ) تكرمون
وبس مايلبسون دلاغات ويكون شكلهم مبهدل

وسوري صاحب الموضوع دخلنا موضوع الدلاغات بالسيارات هههه

اخوي لازم تقول لنا من قالك ع هالموضه :omen2:
صج ماسمعت فيها من قبل :rolleyes2:

والموضوع موضوعك اخوي خذ راحتك :shy:

[chillis]

ممكن صورة الجوتي

[نوفا91]

ممكن صورة الجوتي

خيتو افا عليج فضولي ماخلاني كتبت بقوقل نعال كلاسيك طلع لي شنط ونعال شانيل مو نفس اللي يقصده اخونا :)

[ام السعف]

خيتو افا عليج فضولي ماخلاني كتبت بقوقل نعال كلاسيك طلع لي شنط ونعال شانيل مو نفس اللي يقصده اخونا :)

لحل اللغز :
المعطيات: 1- جوتي يلبسه المدرسين
2- مسكر من جدام
3- يطلق عليه اسم كلاسيك
؟؟؟

نبي الحل :(

[نوفا91]

لحل اللغز :
المعطيات: 1- جوتي يلبسه المدرسين
2- مسكر من جدام
3- يطلق عليه اسم كلاسيك
؟؟؟

نبي الحل :(

ام سعف شدي الهمه انتي الحين رتبتي المعادله كلها يلا باقي الحل ..يصير تستعيني باخونا صاحب الغز :shy:

[ام السعف]

ام سعف شدي الهمه انتي الحين رتبتي المعادله كلها يلا باقي الحل ..يصير تستعيني باخونا صاحب الغز :shy:

ناطرة يحط الصورة علشان احل اللغز :shy:

[بلوتنيوم]

لحل اللغز :
المعطيات: 1- جوتي يلبسه المدرسين
2- مسكر من جدام
3- يطلق عليه اسم كلاسيك
؟؟؟

نبي الحل :(

مواصفات سيارة مب جوتي
باقي نقول للمبادلة مع جي اكس موديل 2009:secret:

[ام السعف]

مواصفات سيارة مب جوتي
باقي نقول للمبادلة مع جي اكس موديل 2009:secret:

تتواقع الجوتي ( مكرمين ) موديل نفس سنة السيارة المذكورة ؟ :(

[شميرام]

أكيد للضروره ،بس شسالفه بعض الأجانب ولبنانين بذات كل واحد يسوق سياره اقل شي اب 400 الف

[بلوتنيوم]

تتواقع الجوتي ( مكرمين ) موديل نفس سنة السيارة المذكورة ؟ :(

في حلقة ضايعة باللغز
مدرسين ومسكر وكلاسيك ومبهدل
+ موديل 2009
في كل قصص الجرائم القاتل في اخر صفحة
يطلع اما الدكتور او المزارع :tease:

[ام السعف]

في حلقة ضايعة باللغز
مدرسين ومسكر وكلاسيك ومبهدل
+ موديل 2009
في كل قصص الجرائم القاتل في اخر صفحة
يطلع اما الدكتور او المزارع :tease:

:secret::secret::secret:

عيل حاط لنا معلومات للتمويه :weeping:

[شبح الصمت]

عرفت الجوتي ( الله يعزكم الي يقصده )

جوتي علاء الدين الي له بوز عرفته

http://www.nobles-news.com/news/photo//mais1/2011051711-4dd2e75530168.jpg

http://www.tafrihi.com/photo/StrangeFashionFootwears/cool-Footwears-01.jpg

[حليتان*]

في حلقة ضايعة باللغز
مدرسين ومسكر وكلاسيك ومبهدل
+ موديل 2009
في كل قصص الجرائم القاتل في اخر صفحة
يطلع اما الدكتور او المزارع :tease:

نسيت الريحه الخاايسه :vampire:

[ام السعف]

عرفت الجوتي ( الله يعزكم الي يقصده )

جوتي علاء الدين الي له بوز عرفته

http://www.nobles-news.com/news/photo//mais1/2011051711-4dd2e75530168.jpg

http://www.tafrihi.com/photo/StrangeFashionFootwears/cool-Footwears-01.jpg

:secret::secret::secret:

لا هذا هو المقصود

http://t0.gstatic.com/images?q=tbn:ANd9GcRqHk7z68fkJ56vRcNLSNs-UdxElrAM00F6Ren-0ZmTx8yFx6Pe:image.made-in-china.com/2f0j00lbaQCqtGWTEI/Men-s-Classic-Shoes-05D0019-.jpg

اسمه بالانجليزي classic shoes
ونفس اللي يلبسونه المدرسين ومسكر من جدا
تحققت كل المعطيات ،،

ترى على فكرة في دلاغات اتغطي الاصابع وكعب القدم بس
وما تغطي ظهر القدم،، فاحتمال يلبسون الادلاغات هذي ،،

وفي اللو سوكس اللي ما يبان لو البسوا الجوتي ،،

بس بشكل عام ضد الأزياء الرجالية على البنات :(

والله يهديهم

[دااانة قطر]

اصلن وهو فيه بيت في قطر مافيه عراوي :telephone:



انا ماعندي واهلي ماعندهم .. وامي ودها .. بروح اعلمها

[دااانة قطر]

السياره فاطمه جاسم مهب من صوب ايران :(



شفيكم على فطومتي :shy:

[وطن]

:secret::secret::secret:

لا هذا هو المقصود

http://t0.gstatic.com/images?q=tbn:ANd9GcRqHk7z68fkJ56vRcNLSNs-UdxElrAM00F6Ren-0ZmTx8yFx6Pe:image.made-in-china.com/2f0j00lbaQCqtGWTEI/Men-s-Classic-Shoes-05D0019-.jpg

اسمه بالانجليزي classic shoes
ونفس اللي يلبسونه المدرسين ومسكر من جدا
تحققت كل المعطيات ،،

ترى على فكرة في دلاغات اتغطي الاصابع وكعب القدم بس
وما تغطي ظهر القدم،، فاحتمال يلبسون الادلاغات هذي ،،

وفي اللو سوكس اللي ما يبان لو البسوا الجوتي ،،

بس بشكل عام ضد الأزياء الرجالية على البنات :(

والله يهديهم

بل شخباري
موضته كانت من فوق الـ 15 سنة

العيب مو في الكلاسيك شوز
العيب في اللي يستخدمونه غلط
لان في اشكال بناتيه وحلوه منه
وبكعب بعد
:victory:

وهذي صورة للنسخة الرجالية من الكلاسيك اللي اقصده

http://www.lodgerfootwear.com/skin/frontend/default/lodger/images/img-readyToWearLanding-englishClassic.jpg

اسمحي لنا اختي صاحبة الموضوع
تغير مساره من بيك ابااات
لين جواتي مكرم القاري والسامع

:shy:

[بـــــــنت النوخـّــــذه]

طولتو السالفه وهي قصيره اههههههه :p

[الحال مايساعد]

ألله أعلم بظروف كل واحد
خلها على ربك

[إينشتاين]

ههههههههه والله انكم عجيبين :ok: :ok: :ok:

فتحت اول صفحة لقيتكم تكلمون عن السيارات
نقزت لآخر صفحة لقيتكم تتكلمون عن الجواتي (مكرمين)

[ام السعف]

بل شخباري
موضته كانت من فوق الـ 15 سنة

العيب مو في الكلاسيك شوز
العيب في اللي يستخدمونه غلط
لان في اشكال بناتيه وحلوه منه
وبكعب بعد
:victory:

وهذي صورة للنسخة الرجالية من الكلاسيك اللي اقصده

http://www.lodgerfootwear.com/skin/frontend/default/lodger/images/img-readyToWearLanding-englishClassic.jpg

اسمحي لنا اختي صاحبة الموضوع
تغير مساره من بيك ابااات
لين جواتي مكرم القاري والسامع

:shy:

الكلاسك الحريمية تلقينها بوز من المقدمة او مدبدبة
لكن الرجالية شكلها مميز،، بس شنسوي صرنا في زمن
مب عارفين شنهو الرجالي وشنهو الحريمي ....> وانزلي يا دموعي :weeping:

[سهم عتيج]

:con2:

[ام السعف]

:con2:

احنا شفناهم يضربون ضربنا وياهم .....> للأمانة مب عارفين شسالفة

ممكن تعطينا البراءة :(

[سهم عتيج]

احنا شفناهم يضربون ضربنا وياهم .....> للأمانة مب عارفين شسالفة

ممكن تعطينا البراءة :(

والله مادري شاقول يا ام السعف.. حتى احنا احترنا في الموضوع.. شنو الهدف منه و113 رد وسالفة..

مادري يعني ممكن ايش نقدر نستخلص من الموضوع بعد كل هذا الرأي والرأي الآخر والمناوشات والزعل اللي ممكن كان يصير بسبب بنت تسوق جمس وثانية لابسة جوتي بدون دلاغ (كرمكم الله)

عاد يالله لا تعطون الموضوع أكبر من حقه عشان مواضيع ثانية تظهر في صدر الصفحة..

عندكم مهلة من الحين لين بعد شوي تحطون خلاصة الموضوع قبل مايجيكم مقص الرقيب:anger1:

[لاجل QT]

عااادي مافيها شي ..مايسوى علينا في كل شي نشبينا نشبة حتى في اختيار السيارات ..
زين انا شفت وحدة مدري قطرية ولا بس اغلب الظن قطرية راكبة سيارة ..

نوع السيارة لاهو حرام ولاعيب عادي تسوق اللى تسوقة

[ام السعف]

الخلاصة تقول :

يا زين البنت اللي لركبت السيارة تصرفت في حدود حاجتها للسواقة
مب تتحول من قطوة اليفة بريئة لين عتوي مقطوع ذيله
تركب ارصفة واتركب ارايل وتركب بوالين وترفع صوت المسجل
واتصرخ على اللي يلف عليها ....> او تسوي له حركة مب حلوة :(

مب حلو عليها كلش مب حلو مب حلو مرة مو كويس اللي اتسويه ،،


اما بخصوص الجواتي ( مكرمين )،، بعض البنات الله يهداهم تقول كولي مضيع طريقه
الويه ويه بنت والريول ريول عامل تنظيف بسبة شكل الجوتي القريب
من طباع الرجال الغلظة والخشنة والضخمة :(
يعني يا بنت عيشي شكلج البناتي مب بنت بزي رجل :(

خلصت اللي عندي :(

[حليتان*]

:con2:

هههههههههه

شووف اخر رد حق ام سعف :happy:

[سهم عتيج]

الخلاصة تقول :

يا زين البنت اللي لركبت السيارة تصرفت في حدود حاجتها للسواقة
مب تتحول من قطوة اليفة بريئة لين عتوي مقطوع ذيله
تركب ارصفة واتركب ارايل وتركب بوالين وترفع صوت المسجل
واتصرخ على اللي يلف عليها ....> او تسوي له حركة مب حلوة :(

مب حلو عليها كلش مب حلو مب حلو مرة مو كويس اللي اتسويه ،،


اما بخصوص الجواتي ( مكرمين )،، بعض البنات الله يهداهم تقول كولي مضيع طريقه
الويه ويه بنت والريول ريول عامل تنظيف بسبة شكل الجوتي القريب
من طباع الرجال الغلظة والخشنة والضخمة :(
يعني يا بنت عيشي شكلج البناتي مب بنت بزي رجل :(

خلصت اللي عندي :(


ونعم الخلاصة والله..

يعطيك العافية,, ونشكر كل من شارك في الموضوع,, واسمحوا لنا على اغلاق الموضوع لاتاحة الفرصة لمواضيع اخرى تظهر على السطح..