المساعد الشخصي الرقمي

مشاهدة النسخة كاملة : :::...وش ذنبـــــــــــي...يوم انك اخطيــــــــــــــــت...:::...احم


The Master
15-06-2011, 04:01 AM
احم احم...ثم احم...

يا ويل حالي...احس ان صار لي اسنين ماكتبت...:weeping:
مشاغل الدنيا واهمومها...ماخلت لنا وقت...حتى دخول المنتدى ماعاد ندخله...:rolleyes2:


على العموم...مالكم بالطويلة...:)


http://4.bp.blogspot.com/--qjKKOKDdtc/TYNPG66rqgI/AAAAAAAAErE/49aTXLuMBgw/s1600/pointing-finger%255B1%255D.jpg




وش ذنبي...يوم انك اخطيت...
اي والله ليه اتلومني...لما انت تخطي...
هل هو هروب من واقعك...ومن معرفة حقيقتك...
تجي واتلوم الغير...ب خطأ انت اقترفته...وذنب انت فعلته...


قصة واقعيه...
للتنويه..."طبعا عيشوا القصه...لكن ابعيد عن عالمنا الخليجي...يعني القصه صارت بره الخليج...واصحابها مسلمين..."


زوج...وزوجته...عايشين حياتهم...صار في يوم خلاف...بينهم وشجار...وتكررت الخلافات وحدة تلو الاخرى...فا قرر الزوج انه يبتعد لفتره...منها عشان يريح باله...وعشان تهدى الامور...ويرجع كل واحد لطبيعته...خاصه ان الابتعاد يخلي الشخص يقدر مكانة الثاني...
بعد ما رجع الزوج...لقى زوجته في احسن حال...وتغيرت النفوس وارجعت لطبيعتها...وصارت افضل...
ثاني يوم...الزوجة لقت شعرة بنت في ملابس زوجها...فا قفلت وتنحت...وماقالت شي حق زوجها...
لما رجع زوجها من الدوام...المسا...دخل البيت...حس ان في شي غريب...شي مب طبيعي...
المكان مظلم...والاضاءة ضعيفة...والمكان مش امرتب...استغرب الزوج...واللي زاد من الغرابه انه يصوت على زوجته ما اترد...
راح غرفة النوم...محد...قال يمكن انها راحت بيت صديقتها...فتح الكبت...اغراضها واثيابها موجودة...دور في الحمام...مالقاها فيه...
حاول يتصل على جوالها...مغلق...زادت حيرته...وقلقه على زوجته...
قال مافي الا اكلم صديقتها...اتصل على صديقتها...وهو رافع التلفون عند اذنه...جا على باله المطبخ...يمكن هي هناك...برغم ان اضاءة المطبخ طافيه ومافي اي حس لحد هناك...لكن قال خلني اروح...
شغل ليت المطبخ...وصديقة زوجته عالتلفون اتقول "الوو الووو"...
ماقدر يرد عليها...وانصدم من اللي شافه...وماصدق اللي قدامه...

الطاولة اللي في المطبخ...زوجته قاعده على الكرسي...وطايح راسها عالطاولة...
خاف...وارتعب...يمكن غمى عليها...يمكن صار لها شي...مب عوايدها اتنام هالوقت...او ما تسمعنى اصوت عليها...
ركض في اتجاهها...وهو يصوت عليها...ما اترد...يحركها...ما اترد...
خاف اكثر...واصابه الهلع...
لفت نظره رائحة غريبة...كريهه...نتنه...وحاده...
قال يمكن شي سام...واصابته الوساوس...
طلع تلفونه بيتصل على الاسعاف...
سمع صوت غريب...طالع من زوجته...شفايفها ما اتحرك...لكن الصوت منها...
تتمتم...غير مفهوم...
الزوج زاد رعبه...وخاف على زوجته...
فجأة...شاف شي ملقي على الارض...شئ غير طبيعي وجوده في البيت...
الزوج...اغلق المكالمه للاسعاف...ورجع التلفون مخباه...
واخذ ماء بارد...وسكبه على وجه زوجته...انتفضت...وفتحت عينها...
مسكها...واخذها للسرير...وبعد كم ساعة...
افتحت الزوجه عينها...وشافت زوجها قاعد اقبالها...
وسألها..."ممكن اعرف شسالفة؟؟؟"
"اااااخ...راسي يعورني..."
"راسك يعورك؟؟...اصبري...واشيا ثانيه بتعورك...قولي لي...ليه شاربة خمر البارحه؟؟؟"
نزلت راسها...اسكتت شوي...وقالت..."كله منك انت"
"نعم؟؟..."
"اي كله منك انت...لو اني ماعرفت انك اتخوني كان ما زعلت وعصبت"
"من يخونك؟؟...انا؟؟؟...شسالفة؟؟"
"لقيت شعرة بنت في ثيابك...ثياب السفر...اعترف...من هذي؟؟؟"
سكت الزوج...وانصدم...وهز راسه...وقال "طيب وعشان هالسبب تشربين خمر؟؟؟"
"كله منك...كله بسببك انت...بخيانتك طلعتني من طوري...وخليتني اغلط"
"طيب الحين انا خنتك وغلطت...انتي اتروحين تغلطين ليه؟؟؟..."
"كله منك...انت السبب...ماعرفت كيف اقهرك...او اعاقبك...فا شربت خمر...كله منك...وعشان انسى...القهر اللي انا فيه..."
"طيب اعرفي اني ماخنتك...واعتقد هالشعر من الزحمه في المطار...يمكن وحده بالغلط اصطدمت فيني...لكن السؤال...تدرين ان الخمر من اكبر الكبائر...وش عذرك عند رب العالمين؟؟...هل بتقولين له...لاني انا خنتك شربتي خمر وعصيتي ربي؟؟؟...ولا لان هالشعرة بالغلط جات في اثيابي...فا شربتي خمر من القهر...؟؟؟"


اي والله شي ينرفز...وغريب...
الحين انا غلطت ولا ماغلطت...عليك...ليه لما انت ترتكب خطأ او ذنب...اتحطني انا عذر...واتلومني...يا اخي واشدخلني فيك...طبعا اقصد لا اتحطني شماعتك...او سبب لاخطائك...
الله سبحانه لايزر وازرة وزر اخرى...
كلن واعماله...محد يجبر حد عالخطأ...كلن وعقله براسه...

لكن في زمانا...انشوف الكثير من يتبع اهواء...وقرارات من حوله...كانت خطأ ولا صواب...وبعدها يلوم الناس والمجتمع...

اي والله اني صدقت يوم اني قلت...
"وش ذنبي...يوم انك اخطيت..."
ورواية اخرى...
"ليه اتلومني...في ذنبك..."



طبعا القصه انا امسويها اكشن...خبركم تشويق...بس هي صارت صدق...
فا فيها عبر كثيره...بالنسبه لي...استفدت اشيا كثيره...وان شاء الله انكم تستفيدون...

طبعا هالقصه لايصال المعلومه...وقصص كثيره اتصير حولنا نفس الفكره...
"وش ذنبي يوم انك...اخطييييييت"
alrheeb2020
15-06-2011, 04:18 AM
السلام عليكم ورحمة الله وبركاته ,,

ما شاء الله عوده قويه وموفقه ^_^ ولكم باك ,,

القصة اللي ذكرتها جبتها عالجرح ,, يامكثر من يعصي ربه علشان يعاند فلان
او علشان فلان ينقهر ,, او علشان فلان غلط عليه ف قام تغير 180 درجه ,,


انمر بهالنوع من القصص في حياتنه الواقعيه ,,

اعرف شخص ,, كان متدين ما شاء الله عليه حافظ للقران ملتزم بالدين ,,
فجاة الرجال تغير 180 درجة ,, !!! شسالفه
وصلني خبر لانه فلان صاده موقف مع احد المطاوعه او المشايخ ,, وكان موقف سلبي من الشيخ نفسه ,, ف أثر في نفس الشخص المتدين ,, ف رجع عن التدين بسبب هالموقف والقهر اللي صاده من شخص المفروض يكون قدوه ,,


يعطيك العافيه ورحم الله والديك عالطرح الرائع:nice:
حليتان*
15-06-2011, 04:19 AM
اي والله

تسلم ع القصه يالذيب
The Master
15-06-2011, 04:41 AM
السلام عليكم ورحمة الله وبركاته ,,

ما شاء الله عوده قويه وموفقه ^_^ ولكم باك ,,

القصة اللي ذكرتها جبتها عالجرح ,, يامكثر من يعصي ربه علشان يعاند فلان
او علشان فلان ينقهر ,, او علشان فلان غلط عليه ف قام تغير 180 درجه ,,


انمر بهالنوع من القصص في حياتنه الواقعيه ,,

اعرف شخص ,, كان متدين ما شاء الله عليه حافظ للقران ملتزم بالدين ,,
فجاة الرجال تغير 180 درجة ,, !!! شسالفه
وصلني خبر لانه فلان صاده موقف مع احد المطاوعه او المشايخ ,, وكان موقف سلبي من الشيخ نفسه ,, ف أثر في نفس الشخص المتدين ,, ف رجع عن التدين بسبب هالموقف والقهر اللي صاده من شخص المفروض يكون قدوه ,,


يعطيك العافيه ورحم الله والديك عالطرح الرائع:nice:

وعليكم السلام ورحمة الله وبركاته...

يلا حيهم اخوي الرهيب...وعاش من شافك خيو...:nice:

ولك الولاكم خيو...من ذوقك...وعسانا انوصل الفكره للناس...

ماشاء الله عليك...اثريت الموضوع ب ذكرك للقصه اللي فوق...احسنت...والله يجزاك خير عالتفاعل والمشاركه الطيبه...
والقصص كثيره...وعلى الناس انها تسمع وتعتبر...لعل وعسى..يكفون عن لوم الغير في ذنوبهم...

الله يعافيك يارب...ووالديك والمسلمين اجمعين يارب...
ماعليك زود...والشكر موصول لك على اثرائك الموضوع...الله يجزاك خير...
وعسى ربي يثبتنا على دينه يارب...وطاعته يارب...

ويامرحبا الساع...
ولاهنت عالمشاركة المثرية...
The Master
15-06-2011, 04:43 AM
اي والله

تسلم ع القصه يالذيب

هلا وغلا ب راعي الجمس الحمر :nice:

ومن قال سالم يابويوسف...

تشكر عالمرور الطيب...

"الا تعال بشر اخبار الامتحانات؟؟؟"
عساك بس بيضت الوجه...:)

قدها واقدود خيو...وبالتوفيق يارب...:victory:
R 7 A L
15-06-2011, 08:48 AM
أشهد أنك صادق ( وش ذنبي يوم انك اخطيت )

قصه فيها نصيحة عظيمة

لاتردين خطئ زوجك بانك ترتكبين الحرام
وانت يارجل لاترتكب الحرام على شان غيرك مرتبكة


تسلم اخوي الماستر على الطرح
sara jsm
15-06-2011, 11:26 AM
يامرحبا بالماستر الحمدلله عالسلامة ^ ^
و عوده حميده ,, بهالمشاركة الطيبة ,,

:

تعليقي على الموضوع ...
ان ممكن يكون سبب هالرده الفعل هو العناد ,,
وسيطرة الشيطان على النفوس البشريه ,,
لان ساعات الشخص مب يخطي لمجرد الخطأ ,,
ممكن ياذي نفسه مثل القصة اللي ذكرتها ,, والقصة اللي ذكرها اخوي الرهيب ,, يعني غير انهم غضبوا الله اذوا نفسهم ..

احين لو انا انحطيت في اي موقف مشابه مستحيل اسوي ( وحدة بوحدة ) ,,
لازم افكر اني مااغضب الله وان شاءالله انا بعيدة عن هالشي ,, ومااذي نفسي ,, :nice:

بس ارجع له الاذيه والقهر بـ طريقة الحريم :shy:

:
:

الف شكر على هالموضوع ,,
ولله يوفقك في دراستك ,, :victory:
black@white
15-06-2011, 11:40 AM
welcome back
موضوع جميل ...وعنوان مؤثر
قصه واقعيه وقد تحدث كثيرا بموقف مختلفه
قد تخون الزوجه زوجها انتقاما منه عندما تعلم بخيانته
وقد ينتقم شخص من صديق اساء اليه
وقد ينتقم المدير من موظف لديه لاسباب عائليه
وقد....وقد... وقد.......
وفي كل الاحوال ضعف ايمان ونفس مريضة
لك تحياتي
بـــــــنت النوخـّــــذه
15-06-2011, 11:44 AM
عودا" محمودا" الماستر

ممكن اعلق ولا ؟؟؟؟؟؟

يحليلهم الاجانب لي ازعلو الحريم اشربو خمر استغفر الله زين وقفت على هذا الحد ماطلعت مع واحد كعقاب يسوونها:(
واحنا لي زعلنا وعليه علينا على طول ميري نزلي الشنطه بسرعه ولمي ملابسي بروح بيت ابوي اهههههه :p ادز لزوجها مسجات مسج ورى مسج بروح بيت ابوي يعني ألحقني لاتخليني اهههه حركات

عموما المفترض التأكد قبل اصدار الحكم وايذاء النفس 00 وعلى فكره لاتلوم الحريم لي تسرعوا بسوء الظن في الحياه الزوجيه الحب ومايسوي بس بعد هذا مهب مبرر للتسرع بالحكم 00

سلام:)
@north_star@
15-06-2011, 11:50 AM
يعطيك الف عافية اخوي الماستر على هالقصة والي احداثها فعلا تتكرر وتتواجد بمجتمعاتنا العربية والمسلمة وكما يقول الله تعالى (( ولا تزر وازرة وزر اخرى)).

وأهم شي الواحد قبل لا يحكم يتثبت ويتأكد وما يحاول يصلح الغلط بغلط اكبر وتقبل مروري
بوخالد911
15-06-2011, 11:51 AM
مالك ذنب اخوووي

وعساك ع القوووة


لا هنت


تحياتي قبل سرد روايااتي
ع.م
15-06-2011, 11:58 AM
أنا أعرف ناس.. من القهر اللي فيهم بعد خيانة أزواجهم تبرجوا وافصخوا الحجاب انتقاماً من الزوج.. وكأنها تحجبت عشانه مب عشان رب العالمين..

فعلاً يالماستر وش ذنب رياجيلهم..

صراحة هو جزء من الموضوع من الشيطان وجزء من الغباء.. كن مافي الدنيا إلا ذا الرجال ولابه مصادر اخرى للفرح.. أشهد انها قليلة رابعة :)
The Master
15-06-2011, 02:03 PM
أشهد أنك صادق ( وش ذنبي يوم انك اخطيت )

قصه فيها نصيحة عظيمة

لاتردين خطئ زوجك بانك ترتكبين الحرام
وانت يارجل لاترتكب الحرام على شان غيرك مرتبكة


تسلم اخوي الماستر على الطرح

يلا حيهم جاري بس من الشرق :eek5:
اخبار الاوضاع عندكم عقب بركان تشيلي؟؟؟:telephone:
الربع عندنا اموقفين الطيارات؟؟؟:eek5:

المهم نرجع للموضوع...

تشكر عالمرور اخوي رحال...
وماعليك زود...
وان شاء الله الموضوع اعجبك...
وتشكر على النصيحة الطيبه من رجال اطيب...

ومن قال سالم...

ولاهنت عالتواجد اخوي...
ويامرحبا الساع...:nice:
The Master
15-06-2011, 02:09 PM
يامرحبا بالماستر الحمدلله عالسلامة ^ ^
و عوده حميده ,, بهالمشاركة الطيبة ,,

:

تعليقي على الموضوع ...
ان ممكن يكون سبب هالرده الفعل هو العناد ,,
وسيطرة الشيطان على النفوس البشريه ,,
لان ساعات الشخص مب يخطي لمجرد الخطأ ,,
ممكن ياذي نفسه مثل القصة اللي ذكرتها ,, والقصة اللي ذكرها اخوي الرهيب ,, يعني غير انهم غضبوا الله اذوا نفسهم ..

احين لو انا انحطيت في اي موقف مشابه مستحيل اسوي ( وحدة بوحدة ) ,,
لازم افكر اني مااغضب الله وان شاءالله انا بعيدة عن هالشي ,, ومااذي نفسي ,, :nice:

بس ارجع له الاذيه والقهر بـ طريقة الحريم :shy:

:
:

الف شكر على هالموضوع ,,
ولله يوفقك في دراستك ,, :victory:

الله يسلمك من كل شر اختي ساره...
عسانا انكون فاعلين خير...يارب...

احييك على تعليقك العقلاني...وهذا هو المطلوب في مثل هالمواقف...والامور...ان الواحد مايتركب خطأ ويحط الذنب على غيره...انه هو السبب...

مشاركه مثرية...وتشكرين عليها...

بس جملة ارجع له الاذية بطريقة الحريم...هذي الصراحه اتخوف :eek5:
ولا وفيس اللي يستحي...مب راكبه ابد...ذكرتيني ب احد الاعضاء اللي يحط فيس انها تستحي لكن هي في الواقع غير :sneaky::threaten: ...احم

الشكر موصول لك ولتواجدك ومشاركتك الطيبه اختي...
وياك يارب...
الله يسمع منك...:weeping:
دعواتكم يالربع...نفلح...:(

لاهنتي...
ويامرحبا مليووون...:nice:
The Master
15-06-2011, 02:12 PM
welcome back
موضوع جميل ...وعنوان مؤثر
قصه واقعيه وقد تحدث كثيرا بموقف مختلفه
قد تخون الزوجه زوجها انتقاما منه عندما تعلم بخيانته
وقد ينتقم شخص من صديق اساء اليه
وقد ينتقم المدير من موظف لديه لاسباب عائليه
وقد....وقد... وقد.......
وفي كل الاحوال ضعف ايمان ونفس مريضة
لك تحياتي

هلا ومرحب ب الابيض والاسود...عاش من شافك اختي...:nice:

تشكرين على الاطراء...والكلام الجميل...
والاهم ان استفدنا من الموضوع...:)

احسنتي في سرد المواقف والامثلة...وهذا اللي حبيت اوصله من خلال هالموضوع...
ان هالشي يصير...مب شرط بين الزوجين...وانما بين اي شخصين تربطهم علاقة...كانت بالايجابيه ولا سلبيه...

وختمتيها ب جملة طيبة...
ضعف الايمان والنفوس المريضة...
الله ياجرنا منها يارب...ويبعدنا عن هالامور...
ويعينا على سلوك درب الاستقامه...وطاعته يارب...

يامرحبا بك...
ولاهنتي على التواجد...
واهم شي لاتقطعينا...:nice:
The Master
15-06-2011, 02:18 PM
عودا" محمودا" الماستر

ممكن اعلق ولا ؟؟؟؟؟؟

يحليلهم الاجانب لي ازعلو الحريم اشربو خمر استغفر الله زين وقفت على هذا الحد ماطلعت مع واحد كعقاب يسوونها:(
واحنا لي زعلنا وعليه علينا على طول ميري نزلي الشنطه بسرعه ولمي ملابسي بروح بيت ابوي اهههههه :p ادز لزوجها مسجات مسج ورى مسج بروح بيت ابوي يعني ألحقني لاتخليني اهههه حركات

عموما المفترض التأكد قبل اصدار الحكم وايذاء النفس 00 وعلى فكره لاتلوم الحريم لي تسرعوا بسوء الظن في الحياه الزوجيه الحب ومايسوي بس بعد هذا مهب مبرر للتسرع بالحكم 00

سلام:)

تشكرات تشكرات اختي بنت النواخــــــــــــــــــــــــــــــــــــــــــــ ـــــــذة...:)

تشكرين عالترحيب الطيب...من طيبك...:nice:

اي والله خمر...بس من ناحيه فيسيلوجية...ترا هو ينسيك الواقع...:secret:...احم
اما الخيانة...امممم...مايندرى...يمكن فكرت ليش لا...:con2:

اهم شي المسجات...يعني انتي رايحة بيت هلك...اتغثيني ليه؟؟؟crazy
خليني اعيش اللحظة "the moment" :dance ...احم

على العموم...تشكرين عالمداخله...والتعليق...
مع اني ماكنت اتكلم عن النسوان او غيرهم...وانما بشكل عام...الواحد يخطي ويحط شماعته غيره السبب...ايا كان السبب...

ويامرحبا بك...
ولاهنتي عالمرور...:nice:
نوفا91
15-06-2011, 02:27 PM
اخوي اعرف وحده متوجه واحد معروف فالدوله ويوم درت انه يخونها قامت تسوي نفسه تكشخ لما تطلع ومكياج يعني تلفت الانتباه ويوم كلمتها انه مايصير قالت مثل مايسوي بسوي وخله يعرف مره ثانيه شلون يروح لغيري!!
aljaber1
15-06-2011, 02:45 PM
قصه ثريه بالعبر مادري ليه لما قراءة هالقصه تذكرة بيت شعر الفيحاني
يخطي الخطا غيري وانا فيه مقيود .. وش زلتي ياوقت شنهو خطايا
تسلم على القصه المفيده والشيقه والرادعه عن معالجة الخطأ بالخطأ

ودام عطائك ومثلك مواضيعه تثري المتصفح
فتى الجود
15-06-2011, 06:28 PM
قصه حلوه


والعبره مها احلى


وخصوصاً انها صارت برع الخليج

في انتظار جديدك والله يوفقك
R 7 A L
15-06-2011, 09:08 PM
اخوي اعرف وحده متوجه واحد معروف فالدوله ويوم درت انه يخونها قامت تسوي نفسه تكشخ لما تطلع ومكياج يعني تلفت الانتباه ويوم كلمتها انه مايصير قالت مثل مايسوي بسوي وخله يعرف مره ثانيه شلون يروح لغيري!!



انصحيها بارك الله فيك
قولي الى تسوين ماحد راح يتحاسب علية ويتقلب على النار الا هي .
The Master
16-06-2011, 12:52 AM
يعطيك الف عافية اخوي الماستر على هالقصة والي احداثها فعلا تتكرر وتتواجد بمجتمعاتنا العربية والمسلمة وكما يقول الله تعالى (( ولا تزر وازرة وزر اخرى)).

وأهم شي الواحد قبل لا يحكم يتثبت ويتأكد وما يحاول يصلح الغلط بغلط اكبر وتقبل مروري

هلا ومرحب اخوي نجم الشمال...

الله يعافيك يارب...وتشكر عالاطراء الجميل...

صدقت في ماذكرت...والله يجزاك خير عالنصيحه الطيبه...وان شاء الله بتاخذها بعين الاعتبار...

تشكر عالتواصل والمرور الطيب...
لاهنت...:nice:
نوفا91
16-06-2011, 12:56 AM
انصحيها بارك الله فيك
قولي الى تسوين ماحد راح يتحاسب علية ويتقلب على النار الا هي .

نصحتها اخوي وفهمتها الغلط اللي هي فيه والبنت افيها خير وان شاء الله يهديها ويسخر لها زوج ويبعد عنها الحرام ..
The Master
19-06-2011, 10:06 AM
مالك ذنب اخوووي

وعساك ع القوووة


لا هنت


تحياتي قبل سرد روايااتي


هلا ومرحب اخوي...

تشكر عالتعليق...والله يقويك...

ولا انت...

ويامرحبا بك...امنور...:nice:
The Master
19-06-2011, 10:10 AM
أنا أعرف ناس.. من القهر اللي فيهم بعد خيانة أزواجهم تبرجوا وافصخوا الحجاب انتقاماً من الزوج.. وكأنها تحجبت عشانه مب عشان رب العالمين..

فعلاً يالماستر وش ذنب رياجيلهم..

صراحة هو جزء من الموضوع من الشيطان وجزء من الغباء.. كن مافي الدنيا إلا ذا الرجال ولابه مصادر اخرى للفرح.. أشهد انها قليلة رابعة :)

هلا ومرحب ب مؤسسة مسابقة الاكل...:nice:

تشكرين على المصادقة...والمشاركه...
اي والله انك صادقة...كنها متحجبه عشانه...:secret:

نورتي بتواجدك وتعليقك...ولاهنتي...

ويامرحبا الساع...:nice:
The Master
19-06-2011, 10:19 AM
اخوي اعرف وحده متوجه واحد معروف فالدوله ويوم درت انه يخونها قامت تسوي نفسه تكشخ لما تطلع ومكياج يعني تلفت الانتباه ويوم كلمتها انه مايصير قالت مثل مايسوي بسوي وخله يعرف مره ثانيه شلون يروح لغيري!!

هلا بك اختي اتعبني الحزن...

تشكرين عالمشاركه...
وهالاشكال ذنبها على جنبها...وحسابها عند ربي...ومايندرى وش بيكون عذرها لجا وقت الحساب...

الله يجزاك خير على نصيحتها...وفي ميزان حسناتك ان شاء الله...

ويامرحبا بك...:nice:
سما الوطن
19-06-2011, 11:43 AM
ما شاء الله اسلوب جميل بسرد القصه
ونصيحه اجمل

دائما لكل فعل رده فعل
ولكن يجب ان تفقدني رده الفعل اسمى ما املك .... ديني

عندها يكون الغلط بحقي غلطتين ... من الطرف الاخر ومني

جدا اعجبني اسلوبك
بوسلمان 2010
19-06-2011, 11:46 AM
والله انها سالفه اتعالج الخطاء باالخطاء ومشكور على القصه صراحه وايد مؤثره والله يجزاك خير
The Master
28-06-2011, 02:51 AM
قصه ثريه بالعبر مادري ليه لما قراءة هالقصه تذكرة بيت شعر الفيحاني
يخطي الخطا غيري وانا فيه مقيود .. وش زلتي ياوقت شنهو خطايا
تسلم على القصه المفيده والشيقه والرادعه عن معالجة الخطأ بالخطأ

ودام عطائك ومثلك مواضيعه تثري المتصفح

هلا بك اخوي الجابر...

تشكر على هالكلام الطيب...والمشجع...لاهنت اخوي...

وصح السانك على البيت...:nice:

ومن قال سالم...

امين يارب...وتريا جديدنا...

"...نظرية...ليه ماتسمع..."

ويامرحبا بك...
اسعدتني مشاركتك اخوي...:nice:
The Master
28-06-2011, 02:53 AM
قصه حلوه


والعبره مها احلى


وخصوصاً انها صارت برع الخليج

في انتظار جديدك والله يوفقك

وانت احلاهم...:tease:

لاهنت عالمرور...وتشكر عالاطراء...:)

ويامرحبا بك...:nice:
وياك يارب...
The Master
28-06-2011, 02:56 AM
ما شاء الله اسلوب جميل بسرد القصه
ونصيحه اجمل

دائما لكل فعل رده فعل
ولكن يجب ان تفقدني رده الفعل اسمى ما املك .... ديني

عندها يكون الغلط بحقي غلطتين ... من الطرف الاخر ومني

جدا اعجبني اسلوبك


هلا بك اختي سما الوطن...

الله يجزاك خير عالكلام الجميل...والمشجع...من طيبك اختي...

كلام صحيح...واحسنتي...الا معصية ربي...ولكل شي حدود...

افا عليك نعجبك...:victory:
تابعينا وفالك طيب...:)

ويامرحبا بك...
لاهنتي عالمرور...:nice:
The Master
28-06-2011, 03:30 AM
والله انها سالفه اتعالج الخطاء باالخطاء ومشكور على القصه صراحه وايد مؤثره والله يجزاك خير

اي والله انك صادق يابوسلمان...

لاهنت عالمرور والتعليق الجميل...:nice:
ويجزاك يارب...وعسى ربي يجزينا خير يارب...:)

ويامرحبا بك...
روح قطر777
28-06-2011, 01:03 PM
قصة برع الخليج
وياكثر القصص اللي عندنا في الخليج هالقصه تعتبر اهون من اللي يصير عندنا
الكل ينتقم من الثاني خل احد يشوف خيانه من الثاني وشوف المناكر
البنت تنتقم من ريلها وتروح حق اقرب الناس له يعني بلفيت تقول له علشان احرك وموت قهر وماتدري انها المسكينه تنزل من قدرها وهي اللي راح اتحاسب على كل تصرفا واخرتها تنتهي علاقتهم بالطلاق ياسااااااااااااااااااااتر
والا على الزوج لو يشوف خيانه من زوجته يحط حرته في كل الحريم وينتقم منهم يتعقد الريال ويخلي زوجته هي السبب
الزوجه والزوج كل انسان محاسب اهم شي الضمير يكون حي والا شنو انتقام
كل انسان وله اخلاقه والا شنو اسوي شي يغضب ربي علشان فلان او فلانه
وشاكره لك اخي الكريم على هالقصه
The Master
04-07-2011, 08:53 AM
كل الشكر ياروح قطر...
لاهنتي عالمداخله الطيبة...ووضع رايك...

يامرحبا بك...