طريقة حساب سعر الصبغ للي عنده خبره

[حمد بن سعد]

اخواني لو افترضنا اني جايب صباغ وقالي المتر سعره 40 اريال وعندي غرفه 5×5 كيف احسب السعر عشان اطلع المبلغ الاجمالي .


وجزاكم الله خير

[الســـهم]

هلا اخوي حمد ..

تجمع امتار كل طوفة , يعني 5+5+5+5 وتضربها × الارتفاع ..

بافتراض المساحة اللي حطيتها انت ..

5+5+5+5 (عرض كل طوفة) × 3 (بافتراض الارتفاع) = 60 متر مربع (عدد الامتار) ..

60 (عدد الامتار) ×40 (السعر) = 2400 التكلفه الاجماليه ..

[المقاول]

انا اقولك ..
الغرفة عبارة عن اربعة اضلاع طول كل واحد 5 متر يعني 20 متر في الاتفاع إذا الارتفاع عادي 3.3 م يعني 5+5+5+5 ضرب الارتفاع = 66 متر واخصم مساحة الباب والشباك.
مثلا الباب 1 متر في ارتفاع 2.2 =66-2.2=63.8 ضرب 40=2552 ريال ..
انشاءالله الرؤيا واضحة..

[حمد بن سعد]

بيض الله وجيهكم ماقصرتو وصلة الفكره


الله يوفقنا وياكم يارب

[khaldoon]

مثل ما قال الاخوان بس الابواب و الشبابيك اللي اقل من متر مربع كمساحه لا تخصم

[راشد محمد]

الله يوفقنا وياكم يارب

[حمد بن سعد]

امين يارب

وجزاكم الله كل خير

[كبير المتداولين]

الطول * ألعرض * الارتفاع * 4 = عدد الامتار * السعر = المبلغ

[ANONYMOUS]

طريقة حساب الصبغ زي ماقلوا الشباب

بس السعر يعتمد

هل طوفه جديده. تبي طبقة معجون

او مصبوغه وبس تبي تجدد وهذا ارخص

الأسعار تختلف

[كبير المتداولين]

اخر اسعار الاصباغ

بريمر مع معجون طبقتين المتر 5 ريال
بريمير مع معجون طبقتين وصبغ جونتن عادي اي لون 11 ريال
ترخيم تعتيق تشميخ 24 ريال
اصباخ معجونيه 40 ريال
اصباغ مرايا 40 ريال

ويختلف بعض الاصباغ سعرها من سعر الصبغ نفسه

[بن رومي]

في حالت ان البيت ينصبغ من الداخل كامل يخصم البيبان الخشبية من الواجهتين والا بواب الالمنيون من ناحية واحدة

والله يوفقك

بن رومي

[khaldoon]

في حالت ان البيت ينصبغ من الداخل كامل يخصم البيبان الخشبية من الواجهتين والا بواب الالمنيون من ناحية واحدة

والله يوفقك

بن رومي

يخصم من الجهتين لأنه نوع الصبغ الخارجي و سعره يختلف عن الداخلي و يمكن اللي يصبغ داخل البيت يكون مب هو نفس المقاول اللي يصبغ خارج
ويمكن يكون من الداخل صبغ ومن الخارج رخام او اي شي غير الصبغ

يعني في النهايه مثل ما قلت لكم اي فتحه اقل من متر لا تحذف و الفرق ما بيكون كبير

[حمد بن سعد]

جزاكم الله كل خير