المساعد الشخصي الرقمي

مشاهدة النسخة كاملة : طالبـــــة العووون



VIP
19-02-2005, 10:03 PM
السلام عليكم والرحمه

اخواتي واخواني الكرام

انا من احدى الدول الخليجيه القريبه وابي اشتري اسهم في سوقكم
شو الخطوات اللي اتبعها ياترا!!

واي من الشركات افضل اني اشتري فيها اسهم !!

وهل اوزع المبلغ على عدة شركات ام احطه فشركه والسلام !!


اتمنى تقولون رايكم ومشكورين مقدمن

ibrahem
19-02-2005, 10:22 PM
ياهلا اختي


اولا الاسهم المفضله بالتاكيد الصناعيه ومن الافضل انك تنوعين وانصحك بالصناعات القطريه بالدرجه الاولى والمتحده الثانيه والتحويليه الثالثه


بداية شهر ابريل يسمح بالتداول طبعا لازم يكون عندك حساب في احد البنوك القطريه


وانصحك بشراء الاسهم هذا الوقت باسم احد الاخوه القطريين لو قدرتي يعني شوفي لك حد ثقه واشتري الاسهم بأسمه لأن الاسعار حاليا فرصه ويوجد دافعين قويين لرفع السوق بقوه

1/ رجيع الفائض من اكتتاب ناقلات الغاز بداية شهر مارس 2/ دخول المستثمرين الاجانب شهر ابريل

يعني الان افضل فرصه لشراء حتى لو رايتي السوق يتراجع قليلا هذا ممكن يكون بسبب ضخ السيوله في ناقلات الغاز يعني شهرين بس والي ب 100 الحين اتوقع له 180 بعد شهرين


وتحياتي لك

قناص قطر
19-02-2005, 10:30 PM
السلام عليكم

هلا وغلا


اخوي ابراهيم ماقصر

ومثل ماقال : الشركات التي تعتمد على الصناعات

ومنها الصناعات والمتحده والتحويلية

وهناك شركات اخرى قوية مثل وقود والكهرباء

وهناك مرتبة اخرى ومنها الاسهم ذات قليلة القيمه ومنها مخازن والسلام

والاخوان ان شاء الله فيهم البركه

وبالله التوفيق

سوبر سهم
20-02-2005, 09:40 AM
السلام عليكم حياج الله في المنتدى

بالنبة لاخوي ابراهيم مااقصر

الا انه ماوضح نقطه بالنسبة للمتحده والتحويلية تقدرين تشترين باسمج من اليوم
لان مسموح للخليجيين بتداولها


االصناعات 3/4 بيفتحونها للجميع


عندج السلام جمعيته مثل ماسمعت ماادري عن صحة الخبر انها في 28/2

وتقدرين تشترين باسمج حاليا

وخخليلج سيولة عشان الاكتتاب.


ومواشي زينه حاليا لكن مادري على دخول الاجنبيين كم بتوصل

عموما كل الاسهم في ارتفاع باذن الله

ولاتنسين الغاز بتنطرح بعد دخول الخليجيين.

واي خدمة حاضرين

موفقة وسلام

VIP
20-02-2005, 09:55 AM
مشكورين يااهل قطر مب غريبه عليكم

اخي الكريم ابراهيم
الصناعات مب غاليه اني اشتري فيها ياليت تطرح رايك اما المتحده والتحويليه ماعندي معلومات عنها
ماقدر اشتري اسهم باسم احد القطريين لاني ماعرف حد ثقه للأسف بس شو الحكمه يااخوي ماقلتلي ؟

مشكور اخوي ابراهيم واتمنى ترد عن استفساراتي

هلا اخوي قناص قطر
بخصوص الاسهم مخازن والسلام هل اقدر اشتري فيها من اليوم ؟
وشكرن

سوبر سهم هلا اخوي
انا سمعت اني اقدر اشتري فبعض الشركات من اليوم وحبيت اتأكد ومب عارفه اي شركات بالتحديد
وأخلي سيوله حق اكتتاب اي شركه تقصد فيها اخوي ؟
تنصح اشتري بالسلام ؟

اشكرررركم وايد واذا عندكم رقم معين اتصل فيه يرد على كل استفساراتي فالسوق اكون شاكره

سوبر سهم
20-02-2005, 10:09 AM
عند المجموعة 4444444 خوش رقم والله طبعا فتح الخط 974

وعندج المجموعة الخليجية للاستثمارات ماعندي حاليا رقمها


بالنسبة للسلام تقدرين من اليوم تشترين باسمج

اقصد بالسيوله ان السلام راح ايسوي اكتتاب خاص لحملة اسهمه بتاريخ 28/2 بسعر خاص
اقل من سعر السوق مثلا ب 12 ريال

على قد ماتملكينه من اسهم مثلا شريتي اليوم 5000 سه ب 25 ريال

راح ايخلونج تكتتبين ب 5000 سهم بسعر 12 ريال مثلا اكرر مثلا

ويكون ناتج اسهم 10الاف سهم وتكون تكلفة السهم بانج تقسمين
راس مال الشراء+راس مال الاكتتاب
___________________________ = تكلفة السهم الجديدة
10000

مثلا تكلفة السهم طلعة 18.5 تعني ان يجب عليك البيع ب اكثر من 18.5 ريال لجني الارباح

ام اقل فتكون خساره

لكن اذا بعتي كل الاسهم ب 18.5 فتكوتين في وضع عادل يعني طلعتي براس المال دون الربح او الخساره


اتمنى انج فهمتي علي وحياج

VIP
20-02-2005, 10:21 AM
هلاااااا اخوووي سووووووبر انا كل المبلغ اللي حابه ادخل فيه 150,000.00
كيف اني اقدر اوزعه اتوقع ان مبلغ مثله مايتوزع صح؟ يعني احطهم كلهم فالسلام واتوكل على الله
رايك اخوي

هند الخير
20-02-2005, 10:52 AM
مرحبااااااااا

انا غشيمه مررررررره بالبورصه ابي احد يفيدني

وانا من النوع مافيني صبر
ابي الارباح سريعه وموكده
ويعطيكم العافيه

VIP
20-02-2005, 11:09 AM
هلا اختي هنــــــــد

عندي خبره باسواقنا وكنت بفيدج فيها بس ان شالله باقي الاخوان والخوات مايقصرون وياج

تحياتي

ibrahem
20-02-2005, 11:58 AM
الأخت vip

الصناعات مب غاليه اني اشتري فيها ياليت تطرح رايك اما المتحده والتحويليه ماعندي معلومات عنها
ماقدر اشتري اسهم باسم احد القطريين لاني ماعرف حد ثقه للأسف بس شو الحكمه يااخوي ماقلتلي ؟
النقطه الاولى الصناعات اشتري ولاتخافين بكرا اتوقع سعرها بيكون عند ال 150 فرصه انك تشترين ولايهمك النزول الحاصل انصحك اشتري وانسي شاشة الاسهم اسبوعين بس وتعالي شوفي الاسعار بعدها

التحويليه والمتحده شركات جيده ولها مستقبل لكن انا انصحك بالصناعات درجه اولى وهاذي الشركتين درجه ثانيه وثالثه

النقطه الثانيه لو اشتريتي الان فرصه اكثر من رائعه السوق لاتوجد به سيوله الان كافيه والأسعار تعتبر نازله وربما تنزل اكثر هاليومين الأخوه القطرين ينتظرون فائض الاكتتاب لدخول سوق الاسهم لكي ينتظرون دخول الاجانب لرفع السوق لهم .. طبعا دخول القطرين ددفعه واحده والفائض جدا كبير يقدر بحوالي 18 مليار سيرفع السوق وقتها ارتفاع اولي وسيأتي الارتفاع الثاني مع دخول الأجانب

يعني انا كنت اقصد تكونين انتي السابقه وتستفيدين من الأرتفاعين بدل ارتفاع واحد


اتمنى اني اكون وضحت لك الغامض


تحياتي لك واي استفسار انا حاضر

VIP
20-02-2005, 12:57 PM
لك كل الشكر اخوي ابراهيم
بس انا مااقدر اشتري اليوم فالصناعات ولاباجر لاني غير قطريه وسهم الصناعات الكل يمدح فيه بس انا ماعندي احد ثقه في قطر يعني انتظر لين يفتحونه للخليجيين واشتري فلصناعات بس خايفه يكون سعرها وصل 200 :cool: وهالتوقعات على السهم وكل العلم عند الله

النقطه الثانيه لو اشتريتي الان فرصه اكثر من رائعه السوق لاتوجد به سيوله الان كافيه والأسعار تعتبر نازله وربما تنزل اكثر هاليومين الأخوه القطرين ينتظرون فائض الاكتتاب لدخول سوق الاسهم لكي ينتظرون دخول الاجانب لرفع السوق لهم .. طبعا دخول القطرين ددفعه واحده والفائض جدا كبير يقدر بحوالي 18 مليار سيرفع السوق وقتها ارتفاع اولي وسيأتي الارتفاع الثاني مع دخول الأجانب


انا ابي اشتري اليوم قبل باجر بس مب عارفه شو اسوي او الخطوات اللي تدخلني السوق عندكم فتح حساب فالبنك مقدور عليه طيب غيره شو اسوي

ماعليه اخوي تعبتك بس محتاجه رأيك

المخلب
20-02-2005, 01:33 PM
مرحبااااااااا

انا غشيمه مررررررره بالبورصه ابي احد يفيدني

وانا من النوع مافيني صبر
ابي الارباح سريعه وموكده
ويعطيكم العافيه


الصبر مفتاح الفرج


وبخصوص الاخت VIP

افضل شركه اتوقع الصناعات تليها العقاريه

هذا راااي وانتي حره :cool:

سهم عتيج
20-02-2005, 03:55 PM
نقطة للتوضيح,, هناك تقريبا 9 شركات مسموح للخليجين بالشراء فيها بما لا يتجاوز 25% من الأسهم المطروحة للتداول وهي تقريبا مركزة في قطاعي الخدمات والصناعة,, أما قطاعي البنوك والتأمين فانهما مقتصران على القطريين حتى تاريخ 3/4/2005..

وبالنسبة لجدوى الاستثمار بالأسهم القطرية,, أعتقد يا Vip عندك سهم ممتاز ويعطي عوائد مجزية وتقدرين تشترينه من الامارات وهو سهم كيوتل,, والذي من المنتظر أن يحقق أرباح كبيرة جدا على المدى المتوسط والطويل,, وهو من الأسهم الاستراتيجية في السوق القطري,, لذلك فانني أنصحك دام انك ما تعرفين حد هني انك تبدأين بكيوتل,, بس لازم تطلعين نسبة من الأرباح عبارة عن الأرباح الربوية التي تدخل مع أرباح كيوتل,, والله يوفقك

VIP
20-02-2005, 07:00 PM
اخوي المخلب شاكرة ردك والاغلبيه تنصح بالصناعات

اخوي سهم عتيج علعموم كيوتل مطروح في سوقنا وسعره غالي بس الاغلبيه تتوقع له الصعود واسهم اتصالات دوم هي الكسبانه اقتراح حلو بس الخوف اني اشتريه بهالسعر الغالي ومايطلع

بس لو ابي ادخل السوق القطري اكيد في خطوات لازم اسويها افتح حساب فالبنك وانا برا واي بنك افتح وعقب شو اسوي اتصل بالوسيط ؟ واي وسيط تنصحوني فيه ولبنك لازم اسلامي

ادري كثرة اسئلة بس انتظر ردودكم

سوبر سهم
20-02-2005, 07:15 PM
في اي بي

هذا راجع لج بس من وين بتجيبين السيولة للاكتتاب؟

الحكمة من شراء السلام هو الاكتتاب الخاص

عشان اتحققين اعلى ربح


فمادري انتي استخيري وتوكلي

:)

شرقاوي
20-02-2005, 07:53 PM
مثل ماذكر الأخ سهم عتيج قطاح الصناعات والخدمات مسموح التداول فيها للخليجيين

ام طريقة التسجيل واجراءات التداول على هذا الرابط

http://www.qatarshares.com/vb/showthread.php?t=507

VIP
20-02-2005, 10:11 PM
سووووووبر سهم قصدك اشتري فالسلام واصرف النظر عن غيرها ادري الربح والخساره شي غير مضمون بس اتمنى تعطيني رايك

شرقاووووووووي طيب اركز على قطاع ولا اوزع المبلغ
ومشكور اخوي على اللينك

VIP
20-02-2005, 10:13 PM
اخوووي الشرقاوووووووي ارسلهم عبر الفاكس ولا شوووووو وشو الخطوه الثانيه انا حابه ابدأ سريع قبل لاتبدا الاسعار ترتفع افيدوووووووني ياجماعة الخير

sulai6i
20-02-2005, 10:18 PM
الأخت الكريمة

لما لا تتصلين بالوسيط صباح الغد لتأخذي منه كل المعلومات ..

الوسيط هم

(( المجموعة ))


هاتف : 4444444


نتمنى لكِ التوفيق

سوبر سهم
20-02-2005, 10:23 PM
حاليا نعم اشتري بالسلام هذا اذا لقيتي حد ايبيع

بس خليلج سيولة بعدد الاسهم اللي بتشترينها

مثلا بتشترين 3000 سهم

3000×12= 36000 ريال خليها مسيله عندج عشان تكتتبين بالاسهم الجديد

والله ايوفقج

VIP
20-02-2005, 10:55 PM
أخووووووي واحد في حاله والله دقيت عليهم ولا حد رد ولو انه فوقت دوامهم ؟؟

أخوي سوبر شاكرة لك سعة صدرك
وماعليه سؤال ثاااااااااااااااااااااااااااني : شو الاكتتاب اليديد ,, هل في شركة يديده بتنزل عشان اخليلها مبلغ ؟

VIP
20-02-2005, 10:58 PM
اخوي سووووووبر دام اني اقدر اشتري الحين فالسلام اتصل على السوق باجر ولا اتصل على المجموعه وولوانهم ماردوووووووا !! ولا شو اسوي !!

محتارررررررررررره

سوبر سهم
20-02-2005, 11:46 PM
تتصلين على المجموعة في وقت ايكونون فاضيين فيه بعد الساعه 4 العصر

وعندج رقم ثاني لهم اللي هو 4442288

بالنسبة للاكتتاب الجديد هو اكتتاب لشركة السلام نفسها

عشان اتزيد راس مالها


وبتخليه حق حملة اسهمها الى تاريخ 28/2 اعتقد

وبيكتتبون بالاسهم بسعر زهيد جدا ... يمكن 12 او 10 ريال ...

وهو ينباع في السوق باكثر من 20


ان شالله فهمتي قصدي :)

VIP
21-02-2005, 11:16 AM
سوووووووبر الله يرزقك كل خير يارب مشكور على سعة صدرك
وان شالله بدق عليهم ويردون وبخصوص السلام محطوطه بعين الاعتبار

تحياتي

ibrahem
21-02-2005, 12:19 PM
اخواني

اكتتاب زيادة راس المال في اي شركه من الشركات غير مجدي


سأعطيكم مثال


لو فرضنا اقرو ل السلام سهم لكل سهمين بسعر 10 ريال مثلا

في اخر يوم ل احقية الاكتتاب راح يعملون المعادله التاليه فرضا اقفل السهم على سعر 28

تحسب هكذا 28+28+10 / 3 = يطلع سعر افتتاح يوم الثاني 22 ريال وطبعا على حسب الشركه اذا الشركه قويه وسعرها تستاهله ممكن تثبت على السعر هذا واذا شركه مو ذاك الزود ممكن تتراجع

وحتى لو كان يوجد ربح فلو تحسبها لو تضعها في سهم نشيط ثاني راح تحقق اكثر ارباحا

وهذا مجرد راي مني


تحياتي

VIP
21-02-2005, 01:02 PM
اخ ابراهيم وشو السهم النشيط واللي اقدر اشتري فيه من وجهة نظرك ياليت تعطي رايك
ومشكور

ibrahem
21-02-2005, 01:15 PM
اختي


انا قلت لك من قبل الصناعات والحمد لله اليوم الكل شاف التصريح في جريدة الشرق وتوقعو لسهم اذا راح تستثمره بيوصل من 400 الى 500 هاذي ممكنه لكن اراها بعيده شوي انا اتوقع له يوصل 300 خلال سنه

ومع الاسف انك ماعندك حد تاخذين باسمه


لكن في البديل ان شاء الله الدرجه الثانيه

انصحك بالمتحده حاولي تقتنصينها تحت ال 50 والتحويليه ايظا والكهرباء



المتحده لها مشاريع قويه

واهم شي تاخذين لك في الصناعات بداية شهر 4 نصيحتي لو بدء اول يوم تداول الاجانب وشفتي السهم زاد ازدياد جنوني في اول يوم او اول يومين انتظري شوي لان راح يجي تصريف الاخوه القطرين وراح يتراجع قليللا


وهذا طبعا مجرد راي وتوقع مني يعني ممكن اصيب وممكن اخطئ


والقرار لك


تحياتي

VIP
21-02-2005, 07:55 PM
ابررراهيم الله يسعدك ويرزقك كل خير يارب
مشكوووور على طرح رايك وانا حاطته عين الاعتبار ومافي شي مضمون بالسوق اللهم ماخاب من استشارررررر

تسلمون

ibrahem
21-02-2005, 08:04 PM
العفو اختي وانا في الخدمه

تحياتي