مشكورتكم يا اخواني !!

[المرونة]

بغيت اعرف وين احصل ورق جدران راقي افتر راسي في شارع الاصمخ بغيت مكان ثقة يبيع شي راقي وسعره معقول ومجرب

[المسك1969]

السلام عليكم
انا بعد ابي اعرف لو تكرمتوا وين القى ورق الجدران اللي ينحط في الوسط.. بس عندي له فكره غير دورت بس اللي لقيته عند البعض مب حلو كلش..
ادور على شي لغرفه العاب اليهال وشي للكبار
جزاكم الله خيرا

[PGR]

انصحك اخوي بمركز الديكور مقابل السنتر ,, عندهم ورق راقي وتركيبهم حلو

[na7ees]

نفس الموقف صادني. تعبت وانا ادور اسعار نار وأشكال محدوده

لين نصحني شخص بالسوق الصيني في دبي

اشكال روعه وخيارات كثيره واهم شي. الأسعار أوكي

[[vip]]

نفس الموقف صادني. تعبت وانا ادور اسعار نار وأشكال محدوده

لين نصحني شخص بالسوق الصيني في دبي

اشكال روعه وخيارات كثيره واهم شي. الأسعار أوكي

:nice::nice::nice::nice::nice::nice::nice:

[فتى الجود]

السلام علييكم

انا مركب من عند ستائر الجميل
طريق سلوى
بين دوار الديكور ودوار الجمعه
على اليمين بجانب البنك التجاري

بس فيهم عيب سعرهم غالي اشوي
لكن دقة في التنفيذ واحترام المواعيد


وسلم على أسد الايراني
وفتوح المصري

[السد]

فقط المتخصصين لاعمال ورق الجدران
رافكو
منطقة الريان القديم
بجانب مطابع الدوحة الحديثة

[Bu 7amad]

ستائر زينه في شارع سلوى
اخوي مركب عندهم من اربع سنين وماشاء الله للحين ورقهم مقاوم
انا مريت عليهم قبل شهر وبركب لبيتي اليديد من عندهم ان شاء الله
تقدرين تاخذين الكاتلوجات من عندهم وتختارين على راحتج
احسن شي عندهم الايطالي عقبه الاسباني واخيرا الانجليزي
حسب رايي طبعا

[كبير المتداولين]

شارع المنتزه خلف السينماء

[كود نمبر]

انا توني جاي من دبي الاسبوع الي طاف
بصراحه خذيت من السوق الصيني وعلى كلامهم كواليتي
اسعار روعه واشكل مدهشه
وبعد عند سوق نايف حصلت محلات عندهم اشكال روعه بس قدني شاري

[بنت البدر 77]

الاسعار في الدوحة ضوو واتمنى الكل بعد التشطيب يروح دبي السوق الصيني وياخذ له سوالف الديكور
لانها روعه واقل تكلفة من هنا ..

حتى الثريات لو تبين تغيرين من فضي لين ذهبي والعكس يقولج ارجعي بعد كم ساعه ويعطيج اللي تبينه

[La Bella]

دبي السوق الصيني وحدة من الأهل خذت ب 5000 ورق جدران للبيت كامل
وأحسب التركيب كم
ويطلع السعر أرخص بوايد من صبغ البيت كامل

[المسك1969]

كل ما اقرأ مشكورتكم استغرب اقول شنو تبي تقول؟؟
وانتي تقصدين مشورتكم ...

[ZURICH]

خذيت مرتين من مفروشات الخليج عند إشارات نابينا
عندهم اشكال حلوة واجد
في 2005 ركبوا لي فلبينيين ورق جدران والى الان متماسك وممتاز
عندهم عمال سيريلانكيين اقل كفاءة من الفلبينيين
المحل عموماً جميل لكن شوي غالي

[صــوت قطــر]

السوق الصيني فيه كل شي ... والرول الــ 10 متر بــ 55 درهم ولو كميه بينزل .. واهم شي مايكون الورق خفيف مثل ورق الجرايد .. لابد يكون سميك شوي بيكون احلى والتركيب بيكون مضبوط ..

وبالتوفيق

[المرونة]

مشكورين على التفاعل وجزاكم الله خير ولحد الحين ما حصلت شي زين وسعره مقبول

اما عن الاخوان الي قالوا لي عن السوق الصيني او الامارات فانا ظروفي ما تسمح بالسفر ولكم جزيل الشكر

[حسن]

المرونه في الدوحه بتلقى اسعار خياليه شوف انا اعرف محل راعي ستاير وتركيب ورق يقولي كل محلات الدوحه تجيب من دبي هم يرونك الكتلوج ويطلبون بادي اتش ال خلال يومين يكون واصل الدوحه اذا بتوح دبي بتلقى رخيص واجد وشوفلك من هل البنغال ولا الهنود يركبونلك واذا تبي حد يركب باعطيك رقمه وانت تفاهم معاه

[AL-ANSARI]

دراجون مول في دبي اسعاره رخيصة وتلاقي الزين والشين على حسب اختيارك