تحيه عطره للدكاتره الجلديه والشعر .. علاجنا في بيوتنا [الأرشيف]

بنت قطريههه

15-06-2011, 01:42 PM

السلام عليكم :)

مثل ماقلت في العنوان تحيه عطره (( للحراميه )) الي باقو فلوسي طول فترة علاجي على الفاضي

انا من الناس الي تاثرت بالمسميات الجديده الي تنشرها الجرايد

علاج الاوباااااجي ... وجهااااز جديد لليزر وخرابيط مالها اخر رحت حالي حال اي بنت تبي تعالج من الحرار عند اطباء جلديه (( معروفين )) وباشرت بالعلاج والفواتير اقل شي خمسميه كل شهر @@

اهااااا جينا مربط الفرس لازم كل شهر ادش على الدكتوره او الدكتور الفلاني والعلاج الجديد الي توه يمدحونه يجربونه فينا عشان يتربحون على حسابنا المهم احنا فيران التجارب ،،، وعقب عدة (( فواتير )) وتجارب على كريماتهم الي باااااااااااأت بالفشل .. قررت اصير مواطنه تبحث عن التوفير ،، جلست مع احدى العراقيات الله يجزاها خير وقلت لها مشكلتي عن البشره واني جربت كل شي وماجاب نتيجه قالت لي شوفي اختي انتو مقصه انتو القطريات مقصه احنا نجي من الخارج عشان انقص عليكم وانتو الفيران الي نجرب فيها ،،، قلت عندج حل . قالت روحي اقرب صيدليه واشتري صابونة روز بعشر ريالات وتعالي لي عقب اسبوع وعطيني انطباعج !!!!! جربتها والله العظيم من كثر ماني مقهوره كتبت لكم تجربتي لاتخسرون جربو ودعو لي انا درت كل الدكاتره الحرااااااااااااااااميه والله ثم والله ان الصابونه هذي غيرت وجهي من نعومه وبياض لاااتخسرون. فلوسكم وجربو وشوفو النتيجه .

اما من ناحية الشعر وحده فلسطنيه الله يجزاها خير . عقب ماصبغت روس خواتي سالتها قلت لها ممكن تعطيني خلطه للشعر من عقب الصبغات صار شعري خفيف وتعب وعطتني خلطه من عقب الجلسات الشعر الي مافادتني هالخلطه صج روووووووووووووووووووووووووووعه من تطويل وتكثير ونعومه اذا انتو حابين تعرفون عنها قولو لي لانها عن تجربه وااااايد صار شعري احسن من قبل ،،،، وابي منكم يخواتي القطريات تفكرون قبل ماتحسفون مثلي وفلوسكم انتو اولا بها من الحراميه . :telephone:

حليتان*

15-06-2011, 01:45 PM

:eek5:

rose مشرفتنا عندها صاابونه !! من متى ؟؟ :rolleyes2:

شبح الصمت

15-06-2011, 01:48 PM

حبيت اقولج الله يجزاج خير على تنبيـه الاخوات

اهم شيء لا تاكلون كوافي وايد

ما لنا علاقه بس مشكوره على التنبيه

Dawn

15-06-2011, 01:54 PM

ماسك الروب والعسل بعد مفيد ولو بتسوينه مع حمام بخار راح يعطي نتايج افضل ... وغسل الوجه بماي الورد مفيد للي عندهم مسامات

بس تبين الصج التغذيه هي الاساس واحنا وايد مهملين في هالنقطه بالذات ... وهذا سبب مشاكل البشره

شكرا عالنصيحه

qrt_trading

15-06-2011, 01:55 PM

لوسمحتي ممكن خلطة الشعر والله إني مثلج تعبت من كثر ماجربت أبي شي أكيد.
والله يعطيج العافية على الموضوع

نــــظــــره

15-06-2011, 02:02 PM

والي يتعالج ويقعد سنين يدفع بدون نتيجه وبالاخير تطلع عين وصابته
والعلاج في كتاب الله وسنة رسوله
صج قهر :weeping:

مشكوره اختي ع الموضوع

شبح الصمت

15-06-2011, 02:08 PM

والي يتعالج ويقعد سنين يدفع بدون نتيجه وبالاخير تطلع عين وصابته
والعلاج في كتاب الله وسنة رسوله
صج قهر :weeping:

مشكوره اختي ع الموضوع

ولا يصير خاطرج الا طيب اختي

بكره باذن الله بنزل موضوع آيات عن العين والحسد

بنت قطريههه

15-06-2011, 02:11 PM

تسلمون على ردودكم الطيبه والجو هالفتره حار ولازم عنايه للبشره والشعر

اما من ناحية الخلطه للشعر ... عن تجربه خواتي والله العظيم انهااااا وااااااااااااااااجد غيرت شعري وطول مشااءالله 'و بقولها لكم

تروحين عند سوق واقف او اي مكان يبيع زيوت

تشترين زيت زيتون للشعر << اهم شي زيت زيتون الخاص للشعر

وسدر - وحبة البركه - وزيت خروع -وزيت اللوز المر - وزيت املا مال الهنود - وزيت السمسم وتجيبين اي علبة فمتو فاضيه وتوزعينها بقياس كوب وتخلينها اربع ايام في مكان بعيد عن الحراره عقب تخضينها قبل الاستخدام وتحطين الخلطه بشعرج باصابعج على شكل مساج عقب تحطين الباقي وتمشطينه بمشط الي اسنانه واسعه الي في بدي شوب وتمشطينه من ورا لقدام عشان يتوزع على كامل الشعر عقب تغطين شعرج وتخلينه لمدة ثلاث ساعات . بعدين تغسلينه بالشامبو عدل

ويفضل استخدامها احسن شي كل ثلاث ايام دام الاجازه جات خلوها كل ثلاث ايام بالاسبوع عقب بالتدريج لازم ماتقطعون الخلطه فجاه الاستمرار والنتااااايج روعه من اول شهر راح تشوفين شعرج طال وصار فيه لمعه ... انا لين اللحين مستمره عليها .

نــــظــــره

15-06-2011, 02:16 PM

ولا يصير خاطرج الا طيب اختي

بكره باذن الله بنزل موضوع آيات عن العين والحسد

ياريت والله تسوي فيني وفي غيري خير
لان الايات والعلاجات في النت مختلفه

انا جربت ايات الحرب سبحان ربي مفيده في كل شي كنت اقراها على الحشرات الضاره الي قطعت جلودنا من القرص يصيدها السكينه وتبتعد عني طول الليل على الرغم من وجودها

مشكور اخوي شبح الصمت

V!P

15-06-2011, 02:18 PM

الغلا81

15-06-2011, 08:54 PM

بس يقولون صابونة روز مب زينه لانه فيها زئبق ويسبب فشل كلوي

دولة قطر.

15-06-2011, 09:07 PM

صدقتي ما وراهم غير الخساير بالنسبة لي انا كنت اعاني من تساقط فضيع بالشعر لدرجة ان حالتي النفسية تدمرت لكن بالصدفة سبحان الله لقيت علاج للتساقط الشعرلقيت وحده في احدى العيادة الخاصة قامت تسولف معاي ودردشت معاها وجبنا سالفة الماي والكلور وانه مضر للشعر ومن هالسوالف قالتي انا اسوي خلطة والحمدالله الكل يمدح عليها بيني وبين نفسي قلت هالزيت مثل كل زين للتجاره فقط قلت ليش مااجرب وخذه من عندها غرشة وللاالله الحمد من ثاني استخدام توقف التساقط وملمسة بداء احسن وبداء يطوول

eXpert*

15-06-2011, 09:19 PM

بس يقولون صابونة روز مب زينه لانه فيها زئبق ويسبب فشل كلوي

الصابون استخدامه خارجي شلون بيسبب فشل كلوي ؟؟؟

الدمعه

15-06-2011, 09:25 PM

مافي احسن من المره تنقعينها وتمسحين بها ويهج ولاحرار ولابقع .. ولااثار جانبيه ..

تسوينها مثل الاسكينول ..

وماي الورد رشي به الويه ..

وكنت استخدمه حق عيالي يوم هم صغار على ويههم والاماكن اللي فيها الاكزيما ..

كان يبرد عليهم الحكه والاحمرار ..

وصح صابونه الروز فيها زئبق مادري زرنيخ شي جيه حسب ماسمعت ..
_______________________________

وبالنسبه لخلطه الشعر هذي من واحنا صغار امي تسويها لنا ومايندهن شعرنا

الا بها .. 7زيوت تقريبا .. ويوم سويتها حق بناتي ..اخ وتف ..:anger1:

نفس الزيوت بس مامعاهم سدر .. السدر اذا تعود شعرج عليه وقطعتيه يرجع

يطيح ..

واهلنا قبل كانو يستخدمونه بدل الشامبو .. فماكان يفرق عندهم لكن احين لا

عندنا شامبوهات اشكال والوان .. فماعدنا نستخدم السدر ..

والحنه وايد حريم احين مايحبون يحطون الحنه براسهم .. مع ان لها فوايد كثيره ..

بـــــــنت النوخـّــــذه

15-06-2011, 09:30 PM

للامانه ساعات اتفيد علاجاتهم خصوصا" الليزر والله نعمه

وساعات يعتمد على تركيبه الجسم وطبيعه الهرمونات وكذلك طبيعه البشره كلها عوامل أتأثر

يعني انا الخساره الوحيده الي خسرتها على العيادات الخاصه هي الابر الي تنعطى بالرأس لزياده تكثيف الشعر واعطاءه لمعان ورونق خاص الله يهديها الدكتوره دخلت عليها ابغي شي وطلعت من عندها بشي وشويات استحملت 6 اشهر اتقضض قرعتي :( اقصد راسي بهالابره وبالمحلول الي فيها يا الله مادري اشلون كنت استحمل وفي الاخير ماصار شي بس يطول الشعر اما تكثيف وخرابيط ومادري شنهو كلها مصاريف على الفاضي :(

احنا الحريم ينقص علينا بسرعه اهههه مره شفت برنامج ياباني علاج تساقط الشعر بالتدليك وفعلا" عن تجربه علاج فعّال جدا" لان فروه الرأس تحتاج لتحريك الدوره الدمويه وفتح المسامات خصوصا" بعد السبوح 00 وعندكم بعد الحنه المغربيه مفيده وايده ولها طريقه خاصه 0في الوضع واللف هي اسمها حنه لكن ماتصبغ لتغذيه الشعر وبعضهم يستخدمونها للجسم عشان يشده دلتني عليها مغربيه لكن صج فضيعه اتشل الصداع واتريح فروه الرأس 0 وكذلك النظام الغذائي يلعب دور كبير

والبشره ونعومتها وكذلك لشد الجسم عليكم بزيت الزيتون الاصلي مهب التجاري الي ينباع بالجميعات 00 الاصلي بمجرد انه ينحط على البشره بسرعه ينشف ولا له ريحه اما التجاري يلبد وله ريحه قويه 00

في الاخير قبل البدأ بأي علاجه ابتعدو عن كلمه (جربيه ) لان ياما وصفات تحت نصيحه التجربه ودت ناس في داهيه 00الاهم معرفه مايناسب ويتناسب مع الشخص نفسه لان كل شخص يختلف عن الاخر 00

بالتوفيق للجميع وتسلمين بنت قطر على الموضوع الهادف استفدت كثير من ردود الاعضاء :)

بنت قطريههه

15-06-2011, 09:57 PM

الله يجزاكم خير ياخواتي على ردودكم بهالموضوع بس علقت على الصابونه روز لانها واااااااااااااجد حسنت بشرتي كثير ماتتصورون والخلطه الشعر من عقب ماجربت انواع واشكال من الزيوت مشاءالله شعري صاير مثل الباروكه قولو مشاءالله الحمدالله ثبت على شي ينفع احسن من الادويه والابر والكريمات وماي الورد معروف قبل النوم الوالده مشاءالله عليها معلمتنا عليه والسدر كنز ماتخيلون اهميته للشعر اهم شي السدر وحبة البركه والله يخواتي راح تدعون لي عن تجربه راح تعجبكم الوصفه

روح الاطلس

15-06-2011, 10:50 PM

كيف شكلها صابونه روز ممكن صورة؟؟؟

بنت قطريههه

15-06-2011, 10:55 PM

صابونة روز شكلها بهالرابط وتلقونها في صيدلية العزيزيه بعشر ريالات

http://www.google.com/imgres?imgurl=http://kw-sale.com/ar/image/cache/data/rose1-500x500.jpg&imgrefurl=http://kw-sale.com/ar/index.php%3Froute%3Dproduct/product%26product_id%3D80&usg=__v07vNgMVP1urRR8OqhS8ZsYlsMg=&h=500&w=500&sz=87&hl=en&start=0&sig2=UhY5r-9yN0TVPeq3J5j6Qw&zoom=1&tbnid=ToyrwlR7ROL01M:&tbnh=166&tbnw=171&ei=hA35TZb3PIjsrAe66t3LDw&prev=/search%3Fq%3D%25D8%25B5%25D8%25A7%25D8%25A8%25D9%2 588%25D9%2586%25D9%2587%2B%25D8%25B1%25D9%2588%25D 8%25B2%26um%3D1%26hl%3Den%26safe%3Dactive%26client %3Dsafari%26sa%3DN%26biw%3D981%26bih%3D661%26noj%3 D1%26tbm%3Disch&um=1&itbs=1&iact=hc&vpx=327&vpy=-28&dur=2311&hovh=225&hovw=225&tx=145&ty=242&page=1&ndsp=12&ved=1t:429,r:1,s:0&biw=981&bih=661

سهم نيشان

15-06-2011, 11:09 PM

الصابون استخدامه خارجي شلون بيسبب فشل كلوي ؟؟؟
بغض النظر عن الصابون الي انذكر

اي كريم او سائل اتحطه على جلدك يدخل الجسم ولو بكميات صغيرة جدا

بنت قطريههه

15-06-2011, 11:39 PM

كتبو في قوقل عن الصابونه واذا حصلتو ناس تشتكي منها لاتجربون انا تعذبت من كريمات الدكاتره خلت بشرتي حساسه ولولا الله ثم هالصابونه جان تشوه وجهي '

ع.م

15-06-2011, 11:53 PM

مشكورة أختي على النصايح..

بنت قطريههه

16-06-2011, 12:18 AM

العفو اختي ويشرفني اني اساعدكم بالاشيا الي تنفعني وانشاءالله تنفعكم ..

فتى الجود

16-06-2011, 01:16 AM

السلام علييكم

الله يشافيك ان شاء الله

وعليك بماي البحر لبعض حالات " الحرار " والدمامل و الفطريات
و الأقلال من الحويات والسكر نهائياً
وبالنسبة للحرامية ياكثرهم في البلاد :

يقول الأمير عبد الرحمن بن مساعد آل سعود :

إحترامي .. للحرامي !!
صاحب المجد العصامي ..
صبر مع حنكة وحيطة ..
وابتدا بسرقة بسيطة ..
وبعدها سرقة بسيطة ..
وبعدها تَعدى محيطه ..
وصار في الصف الأمامي .. !
احترامي .. للحرامي .. !!

احترامي .. للحرامي ..
صاحب المجد العصامي ..
صاحب النفس العفيفة ..
صاحب اليد النظيفة ..
جاب هالثروة المخيفة ..
من معاشه في الوظيفة ..
وصار في الصف الأمامي ..
احترامي .. للحرامي .. !!

احترامي .. للحرامي ..
صاحب المجد العصامي..
يولي تطبيق النظام ..
أولوية واهتمام ..
ما يقرب للحرام ..
إلا في جنح الظلام ..
صار في الصف الأمامي
احترامي .. للحرامي .. !!

احترامي .. للحرامي ..
صاحب المجد العصامي ..
يسرق بهمة دؤوبة ..
يكدح ويملي جيوبه ..
يعرق ويرجي المثوبة ..
ما يخاف من العقوبة ..
صار في الصف الأمامي ..
احترامي .. للحرامي .. !!

احترامي .. للحرامي ..
صاحب المجد العصامي ..
صار يحكي في الفضا ..
عن نزاهة ما مضى ..
وكيف آمن بالقضا ..
وغير حقه ما ارتضى ..
صار في الصف الأمامي ..
احترامي .. للحرامي ..
احترامي للنكوص ..
عن قوانين ونصوص ..
احترامي للفساد ..
وأكل أموال العباد ..
والجشع والازدياد ..
والتحول في البلاد ..
من عمومي للخصوص ..
احترامي للصوص .. !!

نورالهدى

16-06-2011, 01:33 AM

أختي السدر وحبة البركه إشلون نحطهم مع الزيت
هل يكون زيت أم حبيبات وورق
ممكن تفصيل أكثر
وجزاكي الله خيرا

مشتاقة لقطر

16-06-2011, 06:34 AM

شكرررررررررررررا لج غاليتي

بنت قطريههه

16-06-2011, 07:56 AM

نور الهدى انا عن نفسي استخدم الحبيبات ..

مشتاقه لقطر تسلمين على الرد

فتى الجود حتى الحراميه كتبنا فيهم قصايد *

قلبي الطيب

16-06-2011, 08:27 AM

يعني تجربتج سيئة مع الدكاترة بس عن نفسي أنا رحت دكتور جلدية عشان حب الشباب ونفع والحمد لله

wadha-qa

16-06-2011, 08:43 AM

تم سحبه من جميع الصيدليات لاحتوائه على نسبه عاليه من الزئبق الذي يدخل للجسم عن طريق تشربه من خلال البشره وقد يؤدي الى اضرار في الدماغ لذلك كل من تستخدم كريم روز او ديانا تتجنب استخدامه فورااااااا

اختي هيني فلوسج وادفعي 500 كل شهر و لا تركضين ورا الدعايات الكذابه اللي نتايجها سريعه و تدمر الصحه اذا تبين علاج لحب الشباب روحي لفهد الباكر بيعطيج حبوب لمدة كورس كامل و خلطه للبشره بتشيل كل اثار حب الشباب

بنت قطريههه

16-06-2011, 08:45 AM

قلبي الطيب الدكاتره الي رحت لهم ممولين للمنتجات اي منتج جديد نازل يباشرون فيه في وجيهنا وانا تبت خلاص منهم اكتشفت انهم يزيدون الطين بله فتعالجت من ناس مجربين ويقولونك

اسال مجرب ولا تسال طبيب

بنت قطريههه

16-06-2011, 08:54 AM

اختي wdha-qa

توني مسكره من الصيدليه الفاتح وتقول مافيها شي الصابونه لو فيها شي كان منعوها الصيدليات في قطر

اللحين بالله عليكم وثقتو بالاوباجي الي يحرق الوجه وتصرفين خمسة الاف واستخسرتي الي بعشر ريالات بسكم لعب بفلووووسكم جمعو الفلوس في شي مفيد ><

وطن

16-06-2011, 09:28 AM

بنت قطريه
الله يعطيج العافية اختي

بعض العلاجات ما تركب مع الكل من جسم لجسم يفرق
يعني مثلا الليزر انا استفيد منه واختي لا أو العكس "على سبيل المثال"

بعض الكريمات تطيح على بشره وبشره لا

صحيح بعض الدكاتره تجاريين وما يهمهم الا الربح
بس في منهم مخلصين للمهنه وعندهم ضمير
انا ارتاح للدكتور اللي يشرح لي بالتفصيل وما يكذب علي
مثلا في دكاتره يقولون لج الليزر يقطع الشعر وبعد كم جلسه تفتكين ومادري شنو
وفي دكتور يقول لج اللي يقول مثل هالكلام كذاب لان بعض الناس يستفيدون وناس لا
على حسب الجسم نفسه ونوعية الشعر

هم علاج الشعر انا استفدت ورفيجتي لا
وعلاج البقع و ... و ... الخ

للامانه ساعات اتفيد علاجاتهم خصوصا" الليزر والله نعمه

وساعات يعتمد على تركيبه الجسم وطبيعه الهرمونات وكذلك طبيعه البشره كلها عوامل أتأثر

يعني انا الخساره الوحيده الي خسرتها على العيادات الخاصه هي الابر الي تنعطى بالرأس لزياده تكثيف الشعر واعطاءه لمعان ورونق خاص الله يهديها الدكتوره دخلت عليها ابغي شي وطلعت من عندها بشي وشويات استحملت 6 اشهر اتقضض قرعتي :( اقصد راسي بهالابره وبالمحلول الي فيها يا الله مادري اشلون كنت استحمل وفي الاخير ماصار شي بس يطول الشعر اما تكثيف وخرابيط ومادري شنهو كلها مصاريف على الفاضي :(

احنا الحريم ينقص علينا بسرعه اهههه مره شفت برنامج ياباني علاج تساقط الشعر بالتدليك وفعلا" عن تجربه علاج فعّال جدا" لان فروه الرأس تحتاج لتحريك الدوره الدمويه وفتح المسامات خصوصا" بعد السبوح 00 وعندكم بعد الحنه المغربيه مفيده وايده ولها طريقه خاصه 0في الوضع واللف هي اسمها حنه لكن ماتصبغ لتغذيه الشعر وبعضهم يستخدمونها للجسم عشان يشده دلتني عليها مغربيه لكن صج فضيعه اتشل الصداع واتريح فروه الرأس 0 وكذلك النظام الغذائي يلعب دور كبير

والبشره ونعومتها وكذلك لشد الجسم عليكم بزيت الزيتون الاصلي مهب التجاري الي ينباع بالجميعات 00 الاصلي بمجرد انه ينحط على البشره بسرعه ينشف ولا له ريحه اما التجاري يلبد وله ريحه قويه 00

في الاخير قبل البدأ بأي علاجه ابتعدو عن كلمه (جربيه ) لان ياما وصفات تحت نصيحه التجربه ودت ناس في داهيه 00الاهم معرفه مايناسب ويتناسب مع الشخص نفسه لان كل شخص يختلف عن الاخر 00

بالتوفيق للجميع وتسلمين بنت قطر على الموضوع الهادف استفدت كثير من ردود الاعضاء :)

تقصدين ابر الميزو ثيرابي للشعر وهي فيتامينات للشعر
صار لي سنه اسويهم
ومن اول ما ابتديت ماشاء الله اشوف طلع لي شعر جديد
ووايد استفدت منه
والحين ان شاء الله بوقف كم شهر وبرجع له بس بشوف مكان ثاني ولو في طريقه غير الابر
الابر تعور :(
لين اتذكر المها اقول ياربي شحادني على عمري
وبعدها اضغط على نفسي عشان النتيجه اللي شفتها

الله يكون بعوننا

بغض النظر عن الصابون الي انذكر

اي كريم او سائل اتحطه على جلدك يدخل الجسم ولو بكميات صغيرة جدا

صحيح
:victory:

تحداني

16-06-2011, 09:42 AM

التجارب لا تعمم سيدتي الفاضله
وهناك الكثير من اطباء الجلد الي تعاملت معاهم سواء انا ولا اخواني وكانت النتائج رائعه
ولكن هناك الامراض الجلديه الي يحاول فيها المريض انه يتخلص منها نهائيه وهذا صعب جدا حتى في علم الجلد محتاج فقط منا ان نقرأ ونضطلع ونتصفح خليني اعطيج امثله :

بعض الندب او الحفر .. مثل هذه النوعيه من الامراض لايمكن ان تختفي وحتى نسبه تقليلها جدا ضئيله عن طريق الليزر وفتراتها محدوده .. وكذلك الحال مع
" الاكزيما " ايضا لها عمر لا تتوقعي ان تختفي ايضا في غضون اشهر

والشعر وسمكه وغلضه / هذا اما يكون امر وراثي او نقص فيتامينات .. وهناك الكثير من الاطباء اعلنوا ان لايمكن التغلب عليها .. وكل الادويه والمستحضرات توقف عمليه التساقط " صح " ولا لايمكن ان تعيد كل شي كما كان في السابق

وغيرها وغيرها من امراض

الطب البديل او الشعبي احيانا يكون له رده فعل سيئه وان كانت النتائج الظاهره احيانا مرضيه
لذلك لا غنى من اطباء الجلد الي لهم باع طويل ومصداقيه عاليه
وهذا يعتمد على المريض في البحث عنهم

جملك الله برضاه

جميل الصبر

16-06-2011, 10:03 AM

اختي شلون ينحط السدر مع الخلطه

يعني هل هم زيت او ورق

بنت قطريههه

16-06-2011, 10:10 AM

وطن - وتحداني زمن

الطب الشعبي من زمان اغنانا عن المستحضرات الجديده الي تنباع في قطر وانا متاكده ان اغلب مشاكل البنات في الحمل باسباب الادويه الي ياكلونها والكريمات الي يحطونها في وجيهم وهم مايدرون..

ارجع واقول ان الكريمات فيها مواد كيماويه خطره ولها مضار في المستقبل والطب الشعبي اغنى الناس عن الامراض الجديده الظاهره عندنا

وثقو بتجارب الناس القدامى ماحتاجو اطباء يعالجونهم احنا عندنا نعمه ونستهين فيها تصدقون في تجارب الغرب في وجيهكم ولا تصدقون اجدادكم الي ماحتاجو لا اوباجي ولا يحزنون ، لعلمكم الاوباااااااااجي مايصلح في الخليج ويعرض البشره للسرطان يالله احسب كم وحده بقطر سوته '

والله العظيم من خوفي على البنات كتبت،، كريمات الدكاتره مضره رجعو للطب الشعبي اهون من المشاكل الي قاعده تصير في بناتنا

بنت قطريههه

16-06-2011, 10:13 AM

اختي شلون ينحط السدر مع الخلطه

يعني هل هم زيت او ورق

السدر العادي البودره >>> مثل الحنه شكله بس سدر ،، حطي اول شي الزيوت بمقادير متساويه عقب السدر لانه ثقيل وخضيه عدل عشان يختلط مع الزيت وخليه اربع ايام بمكان بعيد عن الشمس والحر .

بنت قطريههه

16-06-2011, 10:19 AM

واذا تبون خلطه لبياض الركب والكوع اعرف وشي تافه ماتخيلونه

شفتو كريم سودو مال اليهال ضيفو زيت اللوز معه وكل يوم قبل لاتنامين حطيه نتايجه روعه عن تجربه

وعندي خلطات ثانيه الي تبي تسال عن شي معين ترسل لي واجاوبها ،

مابي غير الدعاء منكم ان الله يفرج همي انشاءالله

chillis

16-06-2011, 10:22 AM

عن نفسي اشوف استفدت من دكاترة الجلد لو ان في بعضهم تجارين اما بالنسبه لصابون الي ذكرتيه انا ضرني ما نفعني :) كل بشره ولها شي خاص

بنت قطريههه

16-06-2011, 10:32 AM

عن نفسي اشوف استفدت من دكاترة الجلد لو ان في بعضهم تجارين اما بالنسبه لصابون الي ذكرتيه انا ضرني ما نفعني :) كل بشره ولها شي خاص

هلا اختي chillis انا عن نفسي بشرتي كانت روعه بس طمعت ابي البياض والنضاره ورحت للدكتوره الفلانيه المعروفه والدكتور العلاني المعروف وصارت حساسه ودهنيه وتعذبت مادريت شنو العلاج صادني تهيج وحساسيه وقرف مادريت شسوي والحمدالله نفعت معاي هالصابونه عراقيه فديت قلبها نصحتني استخدمها ومشاءالله مب مصدقه ان وجهي اخيييييراااا رد احسن من قبل بوااااجد ' والي مب مصدق يجربها في جسمه مب لازم الوجه ويشوف اذا كلامي مب صحيح

بوخالد911

16-06-2011, 10:48 AM

يسلموو للتنبيه

ولا هنتي

بـــــــنت النوخـّــــذه

16-06-2011, 12:16 PM

تقصدين ابر الميزو ثيرابي للشعر وهي فيتامينات للشعر
صار لي سنه اسويهم
ومن اول ما ابتديت ماشاء الله اشوف طلع لي شعر جديد
ووايد استفدت منه
والحين ان شاء الله بوقف كم شهر وبرجع له بس بشوف مكان ثاني ولو في طريقه غير الابر
الابر تعور :(
لين اتذكر المها اقول ياربي شحادني على عمري
وبعدها اضغط على نفسي عشان النتيجه اللي شفتها

الله يكون بعوننا

صحيح
:victory:

ايوه

تو وحده دازه لي رساله تستفسر عن اسم الدكتوره فقالت ألي رحت لها اكبر حراميه :( وهذي مهب اول وحده اتقولي عنها :( بس انا ارتاح لها هالدكتوره

يا الله كله اسئل نفسي في حد تم ماقص علي :p

على فكره انا يوم كانت تضرب براسي الابر كنت العوزها ما اثبت اقول لها دكتوره هاي ابره مهب لعبه واتخفف درجة الضربه لان الجهاز له درجات 00 ولما اطلع امي اتقولي هاه مافقدتي الذاكره خخخ
بس عموما استبدلت العلاج بمساج خاص بالزيوت وعلى البخار شهريا" احسن وابرك واريح يازين المساج بالراس اتخدر لين اتسويلي الفلبينيه

chillis

16-06-2011, 12:17 PM

ايوه

تو وحده دازه لي رساله تستفسر عن اسم الدكتوره فقالت ألي رحت لها اكبر حراميه :( وهذي مهب اول وحده اتقولي عنها :( بس انا ارتاح لها هالدكتوره

يا الله كله اسئل نفسي في حد تم ماقص علي :p

على فكره انا يوم كانت تضرب براسي الابر كنت العوزها ما اثبت اقول لها دكتوره هاي ابره مهب لعبه واتخفف درجة الضربه لان الجهاز له درجات 00 ولما اطلع امي اتقولي هاه مافقدتي الذاكره خخخ
بس عموما استبدلت العلاج بمساج خاص بالزيوت وعلى البخار شهريا" احسن وابرك واريح

صدقيني ثومه حكيها براسج 3 ايام بالاسبوع وامورج طيبه

بـــــــنت النوخـّــــذه

16-06-2011, 12:22 PM

صدقيني ثومه حكيها براسج 3 ايام بالاسبوع وامورج طيبه

اي الثوم مفيد ومعروف كعلاج وخاصه لعلاج الثعلبه علاج فعّال

بس صعب تبينهم يطردوني من البيت :(

ما استحمل ريحه الثوم كلش كلش كلش كلش كلش

روح قطر 1

16-06-2011, 12:24 PM

اشكركم جزيل الشكر

روح الاطلس

16-06-2011, 12:26 PM

كم مرة تغسلين ويهج في الصابونه؟؟

بنت قطريههه

16-06-2011, 12:26 PM

بنت النوخذه انا استعملت الثوم وماانصحج ابد ابد اببببببددددددددد اجربينه يحرق البويصله سبحان الله

اما اذا ماحبيتي تجربين الخلطه الي كتبتها عليج بزيت الزيتون الخاص للشعر

بنت قطريههه

16-06-2011, 12:28 PM

روح الاطلس انا اغسل وجهي يوميا الصبح واستخدم عقبها كريم مرطب loreal

الصابونه تنشف الوجه وانا ارطبه بكريم لوريال collagen re-plumper
للنهار كثير يساعد بعد .

بـــــــنت النوخـّــــذه

16-06-2011, 12:30 PM

بنت النوخذه انا استعملت الثوم وماانصحج ابد ابد اببببببددددددددد اجربينه يحرق البويصله سبحان الله

اما اذا ماحبيتي تجربين الخلطه الي كتبتها عليج بزيت الزيتون الخاص للشعر

الخلطه كتبتها :shy: بس يبيلي اروح عند عطار يجيب الزيوت الاصليه لان بعضهم الله لايوريج غش× غش

وبالنسبه زيت الزيتون بعد اخذ منه الاصلي يجيبه من الاردن ممتاز حتى للجسم
يختي يبيلنا الاداره يفتحون لنا موضوع اهنيه ماناخذ راحتنا عندي كلام وايد بس شسمه غير صالح للنشر

بالنسبه للثوم انا تقطيع ماقطعه كلش ولا اقرب صوبه بعد احطه براسي صعب جدا" مع انه مفيد ومعروف كعلاج
واشكرج جزيل الشكر على الموضوع كثير استفدت منه ومن ردود الاعضاء :nice:

شبح الصمت

16-06-2011, 12:37 PM

http://imagehost.vendio.com/a/35036732/aview/AmlaGold2.jpg

chillis

16-06-2011, 12:37 PM

http://imagehost.vendio.com/a/35036732/aview/AmlaGold2.jpg

طلعت خبير ومهب هين :omg:

بنت قطريههه

16-06-2011, 12:40 PM

هلا اختي بنت النوخذه اي والله انا اقترحت على الاداره ياريت لو يعطونا حريه في قسم خبرج حوار عام هههههه بس يالله اذا ودج بشي تستفسرين رسلي لي على الخاص وانا مقهوووووره من هالدكاتره اوريج فيهم هههههه < محتره

ياريت يالاداره ماتعممون الخلط في هالمواضيع ودنا نتكلم بخصوصيه < ركزو على الخلط-_-

بـــــــنت النوخـّــــذه

16-06-2011, 12:46 PM

[
هلا اختي بنت النوخذه اي والله انا اقترحت على الاداره ياريت لو يعطونا حريه في قسم خبرج حوار عام هههههه بس يالله اذا ودج بشي تستفسرين رسلي لي على الخاص وانا مقهوووووره من هالدكاتره اوريج فيهم هههههه < محتره

ياريت يالاداره ماتعممون الخلط في هالمواضيع ودنا نتكلم بخصوصيه < ركزو على الخلط-_-

اهههههه قلبج متروس عليهم :p بس ترى بعضهم يطلع منهم شي مفيد

الله ويحطوني انا مشرفه على القسم صدقوني ولا عضو بخليه يشبر المواضيع اههههههههههه بنات وبس ,,<< الحين بيدخل واحد وبيقول روحو منتديات ثانيه :(

روح قطر777

16-06-2011, 12:49 PM

تسلمين اختي على هالموضوع فعلا خلطة الزيوت الي ذكرتيها ممتازه جدا

بصمة قطرية

16-06-2011, 12:57 PM

يعطيج العافية اختي ..
وتسلمين على النصايح ..

بالنسبة لي شخصياً ..
ما أحب كثير الكريمات والصابون ..
احس مهما يكون لها آثار مع الوقت ..
اشياء كثيرة مدحوها وجربوها ناس جربناها وانظرينا منها ..

كل بشرة وطبيعتها ..
أساس كل شي التغذية السليمة
بالذات الفواكه هي سر جمال البشره إسألي مجرب ..
تعطيج بشرة صافية ..

بحكم ان بشرتي حساسة جداً اتجنب هالشغلات
لازم يكون اللي استخدمه طبي ..
جربت مرة خلطة الكل مدحها للأسف سببت لي التهاب في البشرة ..

وكريمات الترطيب استخدمت من أشهر وأغلى الماركات ولا فادني شي منها
رجعت على ( أكواديرم ) خلطة طبية ما تحصلينها الا في المستشفيات
ما تنباع في الصيدليات ..
اي مستشفى حكومي مركز صحي او العيادة الجلدية قولي لهم ابي كريم ( اكوا ديرم ) للترطيب ..
سنين وانا استخدمة ترطيب ما في احلى منه ونعومة ولا أحلى ..
للبشرة والجسم كله حتى الأطفال ممتاز لهم طبي ولا منه خطورة ..

نــــظــــره

16-06-2011, 01:03 PM

[

اهههههه قلبج متروس عليهم :p بس ترى بعضهم يطلع منهم شي مفيد

الله ويحطوني انا مشرفه على القسم صدقوني ولا عضو بخليه يشبر المواضيع اههههههههههه بنات وبس ,,<< الحين بيدخل واحد وبيقول روحو منتديات ثانيه :(

اوف هذي طرده مبطنه :(
وياريت يحطونج مشرفه تستاهلين يالغاليه :) شنو باخذ راحتي

بنت قطريههه

16-06-2011, 01:07 PM

بنت النوخذه والله ماانلام كل شوي قاطه فلوسي عندهم واشر بويهي يعالجونه حروني اعطي ولا يعطون نتيجه اااخخخ لو بكيفي جان خذيت الفلوس وبعت عليهم الصابونه ههههههههههه

اما الاقتراح انشاءالله خير مدير المنتدى سنافي وانشاءالله يعطينا منتدى خاص (( للنسوان فققققققطططططط)))

وشسمه ،
روح قطر الله يسلمج كان ودي ابيع الخلطه ههههههههه بس قلت مراح اقص عليكم مثل ماقصو علي نبي الاجر

بصمه قطريه الله يجزاج خير على مشاركتج ...

قال اوباجي قال <<<

كود نمبر

16-06-2011, 01:08 PM

بنسبه لخلطة الشعر تنفع لنا يا الرجاجيل ولا لاني قربت بصلع ولا فيه فايده في الكريمات

بنت قطريههه

16-06-2011, 01:10 PM

تنفع للكل

pink pearl

16-06-2011, 01:37 PM

ماشاء الله
ممكن تخبريني عن خلطة الشعر

بنت قطريههه

16-06-2011, 01:55 PM

هلا حبيبتي شوفي معاي روحي الحواج وطلبي منه الي بكتبه لج

زيت زيتون اصلي للشعر - زيت خروع- زيت اللوز(المر) - زيت السمسم - زيت دابر املا تلقينها في الجمعيات للشعر - وحبة البركه (حبوب صغيره) - والسدر

جيبي غرشه وضيفي المقادير كلها بالقياس وصبي الزيوت في الغرشه واخر شي السدر عقب خضيها عدل وتركيها على جنب اربع ايام بعيد عن الحراره والشمس بعدين حطيها في شعرج على شكل مساج ومشطي شعرج بمشط اسنانه واسعه من ورا لقدام عشان يتوزع اهم شي المشط الي اسنانه واسعه في بدي شوب مب اي مشط وتغطين شعرج لمدة ثلاث ساعات وتغسلينه عدل بالشامبو انا استخدم شامبو دوف ضد الحراره واحسن شي تستخدمين الخلطه كل ثلاث ايام ولازم ماتقطعين الخلطه بسرعه بالتدريج يعني بعد استخدامج كل ثلاث ايام بالاسبوع يصير كل يومين بالاسبوع عقب كل يوم بالاسبوع وهكذا والخلطه عجيبه مااظن انج بتقطعينها .،

saud580

17-06-2011, 12:00 AM

شكرا يالغالية عالنصيحة ......... الله يوفقج ويعطيج على قد نيتج الصافيه ....... باجرب الخلطه ..... الله يوفقج

أختك............ ام سعود

بنت قطريههه

17-06-2011, 12:30 AM

فديت قلبج ام سعود وياج انشاءالله يكفي طلبتكم لي ... ويشرفني اساعدكم

سكون الليل

17-06-2011, 11:05 PM

مشكورة على المعلومات المفيدة والقيمة
ياريت توضحي كمية السدر وكمية الحبة السوداء وأي نوع من زيت أملا لأن الانواع من ها النوع وايد
جزاك الله خيراً

بنت قطريههه

17-06-2011, 11:16 PM

هلا حبيبتي سكون الليل

انا احطهم بالتساوي يعني شفتي كوب الشاي على قد المقاس ، اما زيت املا الي في صوره

http://www.google.com.qa/imgres?imgurl=http://www.3thra.com/imgcache/53113.imgcache.jpg&imgrefurl=http://www.3thra.com/iacass-oiiei/12884-aeoyce-ncaeua-accocae.html&usg=__Z8VpMtPjfP9V53HdUolXKZD25Es=&h=389&w=300&sz=104&hl=ar&start=0&sig2=1HdWRxkMfo3yI2s9rGaJxw&zoom=1&tbnid=rogATCuHrawp7M:&tbnh=118&tbnw=96&ei=6rX7Tdq5Bo_MrQfpqdn0Dw&prev=/search%3Fq%3D%25D8%25B2%25D9%258A%25D8%25AA%2B%25D 8%25A7%25D9%2585%25D9%2584%25D8%25A7%26um%3D1%26hl %3Dar%26safe%3Dactive%26sa%3DN%26biw%3D981%26bih%3 D662%26tbm%3Disch&um=1&itbs=1&iact=hc&vpx=658&vpy=-68&dur=3371&hovh=256&hovw=197&tx=41&ty=392&page=1&ndsp=24&ved=1t:429,r:0,s:0&biw=981&bih=662

ام الجوري

18-06-2011, 05:35 PM

اختي بنت قطريه ولا عليج امر من وين خذتي الصابونه لأني دورتها في كم صيدليه مب موجوده واكثرهم مايعرفونها
وجزاك الله خير *

سكون الليل

18-06-2011, 06:46 PM

مشكورة أختي الفاضلة بنت قطريههه
جزاك الله خيراً

بنت قطريههه

18-06-2011, 07:11 PM

اختي بنت قطريه ولا عليج امر من وين خذتي الصابونه لأني دورتها في كم صيدليه مب موجوده واكثرهم مايعرفونها
وجزاك الله خير *

هلا اختي روحي صيدلية الفاتح العزيزيه وتلقين الصابونه عندهم بعشر ريال

اسمها صابونة روز صناعه لبنانيه فيها صورة بنت وهذي صورتها

http://www.google.com.qa/imgres?imgurl=http://kw-sale.com/ar/image/cache/data/rose1-500x500.jpg&imgrefurl=http://kw-sale.com/ar/index.php%3Froute%3Dproduct/product%26product_id%3D80&usg=__v07vNgMVP1urRR8OqhS8ZsYlsMg=&h=500&w=500&sz=87&hl=ar&start=0&sig2=Yqv8xQgkLn45rMcYU-RcBw&zoom=1&tbnid=ToyrwlR7ROL01M:&tbnh=126&tbnw=123&ei=MM78TbGaPNHwrQeRocjCDw&prev=/search%3Fq%3D%25D8%25B5%25D8%25A7%25D8%25A8%25D9%2 588%25D9%2586%25D8%25A9%2B%25D8%25B1%25D9%2588%25D 8%25B2%26um%3D1%26hl%3Dar%26safe%3Dactive%26sa%3DN %26biw%3D981%26bih%3D662%26tbm%3Disch&um=1&itbs=1&iact=hc&vpx=630&vpy=-48&dur=2089&hovh=225&hovw=225&tx=126&ty=270&page=1&ndsp=20&ved=1t:429,r:0,s:0&biw=981&bih=662

بنت قطريههه

18-06-2011, 07:13 PM

مشكورة أختي الفاضلة بنت قطريههه
جزاك الله خيراً

وياج اختي وانا في الخدمه :nice:

ام الجوري

19-06-2011, 12:49 AM

فديت قلبج بنت قطريه اتصلت الحين ماعندهم
تعرفين صيدليه ثانيه عندهم هالصابونه
وجزاج الله خير

بنت قطريههه

19-06-2011, 01:00 AM

هلا اختي ام الجوري
انا بكره انشاءالله بدور لج وبدز لج رساله ان حصلتها مايصير خاطرج الا طيب .

مسك روز

19-06-2011, 01:44 AM

الله يعطيج على قد نيتج

جزاج الله خير

بنت قطريههه

19-06-2011, 10:02 AM

مسك روز تسلمين حبيبتي ،

وطن

19-06-2011, 10:59 AM

ايوه

تو وحده دازه لي رساله تستفسر عن اسم الدكتوره فقالت ألي رحت لها اكبر حراميه :( وهذي مهب اول وحده اتقولي عنها :( بس انا ارتاح لها هالدكتوره

يا الله كله اسئل نفسي في حد تم ماقص علي :p

على فكره انا يوم كانت تضرب براسي الابر كنت العوزها ما اثبت اقول لها دكتوره هاي ابره مهب لعبه واتخفف درجة الضربه لان الجهاز له درجات 00 ولما اطلع امي اتقولي هاه مافقدتي الذاكره خخخ
بس عموما استبدلت العلاج بمساج خاص بالزيوت وعلى البخار شهريا" احسن وابرك واريح يازين المساج بالراس اتخدر لين اتسويلي الفلبينيه

انا يطلع دم في راسي :(
بس نتيجته وايد وايد حلوة

زين وين اللي تسوي لج مساج بالزيت ؟؟
تجي البيت ولا لازم صالون
<=== تتعيز تطلع في الزحمة