شنو احسن نوع للصبغ الخارجي للبيت

[بوعبود]

السلام عليكم ورحمة الله وبركاته


اخواني بغيت استفسر منكم


شنو احسن نوع صبغ خارجي للبيت

ومايتاثر بالحراره ولايتقشر

وانا مفكر اسوي بيتي تحت حجر وفوق الصبغ


ان شالله فهمتو شلون لان ماابغيه حجر كامل

والشي الثاني شرايكم بالصبغ اللي فيه لمعه بس تكون لمعته خفيفه

ماادري هل هو زجاج مخلوط بالصبغ ؟؟!!


بانتظار رايكم وافكاركم:)

[بنت البدر 77]

اخوي بوعبود

هذا موضوع لنفس التساؤل اتمنى يفيدك

http://www.qatarshares.com/vb/showthread.php?t=396580

[ذكي جدااا]

الرملي جوتن او همبل وبس . انا رحت عند محل صبغ قال لي المتر ب 12 قاام يضرب ويحسب طلع التكلفة 15 ألف ريااال عسى ماااشر .. قال لي هذا سعر المكتب قلت له زين كم درااام صبغ احتااج وومعجوون قاال لي تقريبا كذا دراام . المهم رحت جبت وااحد وصااني عليه واحد من الربع شريت الاغراض والاصبااغ من جوتن اصليه ب 4000 ريال بس تخيلوو وخذ شغل اليد 2000 ريااال طلع على ب 6000 ريااال يعني وفرررت تسعة الاف ريااال

[حسن]

اللي تكلم عنه بولمعه يسومنه المينرلايت اخبر المتر 90 ريال وهذا يتركب مثل البلاستر واحسن ناس شركه تدمر بس تيبي نصيحه ركب لك حجر سعودي البيت كامل وفك عمرك

[AL-ANSARI]

مافي احسن من الحجر

تدري مايمدح السوق الا راعيه :nice:

[PGR]

اللي تكلم عنه بولمعه يسومنه المينرلايت اخبر المتر 90 ريال وهذا يتركب مثل البلاستر واحسن ناس شركه تدمر بس تيبي نصيحه ركب لك حجر سعودي البيت كامل وفك عمرك

الحجر السعودي زين بس لازم تركبه بالطريقه الميكانيكيه لانه نسبة شربه للماي كبيره فبالتالي تقريبا سعره بيوصل سعر الحجر السوري فاذا بتركب ركب سوري افضل

وبالنسبله للاصباغ كلشي له حلاته الصبغ له نكهته والحجر بعد ولولا اختلاف الاذواق لبارت السلع :)

[بوفصول]

صبغ بولمعة اسمه اعتقد سانتكس ..

صابغ منه . وايد زين ولا يتغير ماشاء الله .. الدرام 20 لتر اب 320 ريال (جوتن)

والرملي زين بعد .. بس اتحمل من البنغالية .. يمكسونه مع اللايميلشن .. الدرام يسوونه درامين .

بالتوفيق أخوي ..