المساعد الشخصي الرقمي

مشاهدة النسخة كاملة : قصتي اليوم مع ادارة المرور ولخويا بخصوص مخالفات الابراج


KHALiDiSH
16-06-2011, 06:27 PM
بسم الله الرحمن الرحيم

أولا احب اشكر الملازم احمد بن ثاني المسيفري ... السبب بالاسفل


بعد ما طقت من كثر المخالفات الي سكوني اياها ويا كثر ما اشوف اللزقة الصفره واتحسر واتكدر عشاني بس اشتغل في منطفة الابراج.

قمت اليوم من الصبح ولبست غترتي وعقالي وتسلحت بصورة من جريدة الراية في تاريخ 16-3-2011 وتبين فيها خبر للسيد مدير ادارة المرور وهو يصرح " لا مخالفات للوقوف بالممنوع في منطقة الابراج"

وركبت سيارتي وطيران على مدينة خليفة

دخلت على الاداره ولقيت مجموعة من الضباط جالسين كأنهم في مجلس .... سلمت عليهم واحد واحد وكلمت مدير المكتب وقتله ابي ادخل على المدير... قالي خير... قتله الخير بوجهك ... بس بغيته بخصوص مخالفات الابراج... الا الضباط الي على اليمين كل واحد صرخ وقال..روح عند الملازم فلان بن فلان في قسم المخالفات ...

ومدير المكتب يناظرني واحس اني كاسر خاطره... قالي مرهم وراجعهم وشوف.

طلعت من عندهم وسيــــــــده لقسم المخالفات ادور فلان بن فلان.

اول ما حصلت فلان.. قتله السلام عليكم ... رد وعليكم السلام
قتله اخوي ... بخصوص مخالفات الابراج.... قبل ما اكمل جملتي قال.... "مخالفات صحيحه"
"مخالفات الابراج صحيحه" يكلمني بخياسة نفس كني ابوق فلوسه مب العكس

قتله يبة انا صاف صح وهم مخالفيني ولا منطقة الابراج كلها ممنوع الموقوف فيها!!!... قالي ما يصير يخالفك.. قتله هذا الي حصل... قالي خذ رقم وقدم تظلم ومب عاجبك عندك المحكمة وفوقها بتدفع رسوم <--- عبالة خفت .... الي يطالب بحقة ما يخوف من شئ

المهم... جلست انطر ساعة... انتظر الاخ الي يداوم في التظلمات.. يجلس على مكتبة

وفي خلال انتظاري جو اثنين اجانب ... واشوفهم يكلمون فلان... وبو فلان ما يفهم انجلش
الا نادى على الفراش يكلمهم

اسمعم يقولون عندهم 3 مخالفات في منطقة الابراج ويقول ان قرأ بالجريدة انهم ما يخالفون هناك

اخر شي مشاهم وقالهم بنطرش دورية تكلمكم تجيكم مكان ما خالفوكم ومنها يقدرون اذا صح ولا لاء. <-- لحد الان مب مستوعب ليش.... وليش ما قالولي انا انزين.


تعبت من الانتظار ورقمي مب راضي يطلع في الشاشه

دخلت غرفة تقديم الشكوى والتظلمات ... حصلت شاب صغير خلوق ... قتله اخوي فلان وصل... قالي لا... قالي امر ... قتله ما يأمر عليك عدو ... بس عندي مخالفات في منطقة الابراج وانا واقف صح ... قالي عطني رقم سيارتك وبساعدك ... قتله تسلم...

شيك على المخالفات الا قالي اخوي هذه المخالفات من الخويا .... لازم تراجعهم هناك ... قتله ليش المخالفات مش مكان واحد!!! .... قالي لا... واذا كانت طالعه من لخويا لازم هم الي يشيلونها ... قتله جزاك الله خير...

وركبت موتري ... وسيـــــــــــده على الخويا.
دخلت مكتب مثل الكبينه وحصلت عسكري .... اسمه على اسمي... بعد ما سلمت ... قتله السمي انا جاي على موضوع مخالفة الابراج .... قالي تفضل وعطني بطاقتك الشخصية ... عطيته ودخلني وركبني سيارة ووصلتني عند مكتب الملازم احمد بن ثاني المسيفري.

اول ما دخلت المكتب... شافني بو ثاني ورحب فيني ورجال مرح واخلاق

قالي خير اخوي شعندك ... قتله عندي موضوع بخصوص مخالفة الابراج ... قالي عطني رقم سيارتك ... وعطيته ... وبعدها كلمني بكل احترام وقالي انت وين اداوم ... قتله في المكان الفلاني ... وبعدها شوية سوالف طيبة مع بو ثاني ... وشربني من قهوته الطيبة ... وقالي خلاص امورك طيبة وخالصه... تشكرت له ودعيت له والله يعطية على قد نيته وعلى تعاملة الطيب.

طلعت منه وانشالت كل مخالفاتي...

وهذه كل قصتي مع ادارة المرور ولخويا بخصوص مخالفات الابراج
R 7 A L
16-06-2011, 06:34 PM
بخصوص مخالفات المرور ولخويا تذكرت سالفة مؤسسة حمد و وزارة الصحة ( جهتين وشغلها نفس الشي ) للحين مو قادر استوعب لين جهتين وشغلها نفس الشي !!!



المهم نرجع للموضوع
بالنسبة لخياس النفس مالنا الا نقول الله يعينا عليهم اصحاب هذه الصفه اصحاب الشغل بمزاجية لازم نتحملهم ماهما صار يبقون منا وفينا ( ان شاء الله ربي يكتب لنا أجر وحسنات بمعاملتنا معهم لين ربي يفرجها )
الـخـالـدي
16-06-2011, 06:41 PM
جزاك الله خير .. اهم شي انك وصلت للي تبيه
al-bake2002
16-06-2011, 06:58 PM
الوضع مفتلت ,,, والحقوق قامت تضيع,, وملاحظ القطري قام يلف ويدورو يتعب حتى يحصل على ابسط حقوقه
متواصل
16-06-2011, 07:05 PM
اذونا على هذه المنطقة

عطوني مخالفة على سيارة مركونه في البيت خذ لها شهر او اكثر محد يستخدمها مغبره
وكاتبين منطقة الابراج الوقوف في مكان ممنوع

" قلت في خاطري يمكن طبليتنا الابراج "

المهم
رحت المرور قالوا نفس الكلام اللي قالوه لك مالنا خص شوف الاخويا
لان الرقم طلع فيه تشابه مابين الــ 6 و الــ 9 يعني خطأ في الارقام

ولاني ماعرفت مكان الاخويا دفعت المخالفة وعطوني 3 نقاط في رصيدي
وحسبي الله ونعم الوكيل
ZURICH
16-06-2011, 07:08 PM
المهم نرجع للموضوع
بالنسبة لخياس النفس مالنا الا نقول الله يعينا عليهم اصحاب هذه الصفه اصحاب الشغل بمزاجية لازم نتحملهم ماهما صار يبقون منا وفينا ( ان شاء الله ربي يكتب لنا أجر وحسنات بمعاملتنا معهم لين ربي يفرجها )


رحال بارك الله فيك الي مفروض يتحمل هو من يقوم بخدمة الناس والمفروض يتعلم فن التعامل مع الناس وحسن الحوار او يقعد في بيتهم افضل له وللآخرين ومايقعد يحذف كلام على كل من هب ودب في مكتبة وياكثرهم هالايام ..
عسى الله يرفع عنهم ولايبتلينا
في التسعينات عطوا قوات الأمن الخاصة صلاحيات كبيرة ولكثرة المشاكل رفعوا صلاحياتهم ..
الحين ؟
هل إدارة المرور ماتقدر تقوم بدورها الامني .!
وليش عند لخويا شبك خاص لحجز السيارات!!
مكتوم
16-06-2011, 07:22 PM
ونعمممممممممم والله


هذي المرجلة والمعاني الله يبارك له


والله يسامح اللي مخيس النفس
مايندرا ليه شوفة النفس والاستعلاء على الناس
khaldoon
16-06-2011, 07:45 PM
الله يجزيه الخير ما قصر و شكرا للقصه الحلوه

الحمد لله الدنيا لسه فيها خير
الخزرجي قطر
17-06-2011, 12:22 PM
الله يجزيه الخير ويكثر من امثاله ماقصر
حليتان*
17-06-2011, 01:45 PM
الحمدلله خلص موضوعك .. والله يعطيه العافيه الرجال الي ساعدك

لكن صج ...شلون تعرف هالمخالفه من المرور وله لخويا !!

والله سالفه :(
wadha-qa
17-06-2011, 02:13 PM
والله انا كل ما اطلع من الدوام احصل سياره الخويا و الشرطي ماسك الورقه و القلم ويسجل مخالفات
انقهررر وخاطري انزل الدريشه واقول لهم مالكم حق الخرجي قال ما فيه مخالفات ليش تخالفون موظفينا ههههههههه
بو الجوري
19-06-2011, 12:48 PM
مادري ليش الإستهبال :.. :anger1:

الحين الخرجي طلع وصرح إنه مافي مخالفات إلا اللي معرقل السير أو صاف على الرصيف :..
و هو ماصرح لـمنطقة الأبراج إلا إنه شاف المعاناه و سمع الشكاوي :..:telephone:

ليش بعض الدوريات و لخويا يستهبلون :.. !!!:anger1:

و الله إنه الواحد يتـم يدور و يدور بس عشان يصيد موقف :.. و طبعاً كله محسوب من وقتك و قت دوامك :..:rolleyes2:

من كـم يوم واحد من الربع كان صاف على جنب :.. و خالفوه :.. هو المواتر اللي وراه و اللي قدامه :..

راح المرور :.. قالوله :.. القرار مب مطبق :.. و هو صدق و راح :.. :anger1:


حتى لو رحت و شالوها :..
لكن خذوا من وقتي و قت الدوام و تعطيل الشغل :..
إذا أنا أقدر أستاذن غيري ما يقدر :..

خاطري أعرف ليش العبط :.. !!!

:anger1:








و بس :.. :secret:
KHALiDiSH
19-06-2011, 05:20 PM
والله انا كل ما اطلع من الدوام احصل سياره الخويا و الشرطي ماسك الورقه و القلم ويسجل مخالفات
انقهررر وخاطري انزل الدريشه واقول لهم مالكم حق الخرجي قال ما فيه مخالفات ليش تخالفون موظفينا ههههههههه

كثير من الي معاي في الدوام تخالفوا

الي دفع والي ينطر يجمعهم مره وحده

والي والي

لكن بعد ما علمتهم بالي سويته ..... كلهم طارو على لخويا

ولكن يبقى كيف تعرف المخالفه صدرت من المرور او لخويا

وليش كل واحد يمشي على هواء معنهم تحت قيادة وحده

هذا السؤال الي يجب اي يجاوب عليه احد المسؤولين
KHALiDiSH
19-06-2011, 05:22 PM
مادري ليش الإستهبال :.. :anger1:

الحين الخرجي طلع وصرح إنه مافي مخالفات إلا اللي معرقل السير أو صاف على الرصيف :..
و هو ماصرح لـمنطقة الأبراج إلا إنه شاف المعاناه و سمع الشكاوي :..:telephone:

ليش بعض الدوريات و لخويا يستهبلون :.. !!!:anger1:

و الله إنه الواحد يتـم يدور و يدور بس عشان يصيد موقف :.. و طبعاً كله محسوب من وقتك و قت دوامك :..:rolleyes2:

من كـم يوم واحد من الربع كان صاف على جنب :.. و خالفوه :.. هو المواتر اللي وراه و اللي قدامه :..

راح المرور :.. قالوله :.. القرار مب مطبق :.. و هو صدق و راح :.. :anger1:


حتى لو رحت و شالوها :..
لكن خذوا من وقتي و قت الدوام و تعطيل الشغل :..
إذا أنا أقدر أستاذن غيري ما يقدر :..

خاطري أعرف ليش العبط :.. !!!

:anger1:








و بس :.. :secret:

هذا الي ينقال عنه تخبط في تخبط ويجب عليه محاسبة المسؤولين
بوخالد88
19-06-2011, 08:37 PM
مادري ليش هالنفسية يعني افكر انه امطوووول علي الكرسي هو بس لو يفكر كم واحد

قبلة قعد علي هالكرسي راح يعرف انه مب امطووووول عليه ، بس شتسوي وياه هالناس

الله يعينه عليهم بس ، وبيض الله وجه ملازم لخويا اللي ماقصر وياك وهاي هم عيال قطر

والله يعينكم علي منطقة الابراج مايسوا عليكم الدوام هناك ، لازم تطالبون ببدل مخالفة.*
بوسلمان 2010
20-06-2011, 08:40 AM
الله يجزاه خير بوثاني