هل صحيح طلع هالقرار اليوم من المرور بخصوص تصليح السيارت؟ [الأرشيف]

we-r-sawa

16-06-2011, 08:38 PM

سمعت ان اليوم طلع قرار من ادارة المرور ان لو لا قدر الله لو حد دعمك وكان الغلط منه وصار حادث بسيارتك فانت ملزم بالتصليح بنسبة 40% من المبلغ سواء من جيبك الخاص أو من الشركة اللي مأمن عندهم سيارتك حتى لو ماكنت انت الغلطان!فهل هذا صحيح؟

jeep-srt8

16-06-2011, 08:44 PM

يلا زيييييين

مو غلطان وادفع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يستر الناس بتقوم على المرور مرة وحده اصبرو بس

جاسم القطري

16-06-2011, 08:52 PM

المرور ماله علاقه

بس التأمين ياخذون منك نسبه لو انت مب غلطان ٣٠٪ ولا ٤٠٪

على اساس اذا بيركبون لك قطع جديده من الوكاله

شغل نصب يا ريال

ويقولك اذا ما تبي تدفع نركب لك من السكراب ولا تجاري

we-r-sawa

16-06-2011, 09:07 PM

المرور ماله علاقه

بس التأمين ياخذون منك نسبه لو انت مب غلطان ٣٠٪ ولا ٤٠٪

على اساس اذا بيركبون لك قطع جديده من الوكاله

شغل نصب يا ريال

ويقولك اذا ما تبي تدفع نركب لك من السكراب ولا تجاري

أستغفر الله العظيم من ذنب عظيم!!!ليييييييييييييش!!ووين المرور عنهم!!! وين حماية المستهلك عنهم!!ومنو اللي قاعد يحط هالقوانين في شركات التأمين وأعضاء مجلس الادارة بكل شركة من هذولي الشركات قاعدين ياخذون الألوف المؤلفة وهم بمكانهم!!!كل حاجة قاموا يطلعونها من ظهور المواطن والمقيم!!!حسبنا الله عليهم ليوم الدين والله لا يحللهم لا دنيا ولا آخرة اذا كانت هذي سوايتهم فينا ..قولوا آمين

بوخالد88

16-06-2011, 09:22 PM

شنو هاي المصخرة اكيد محد راح يرضي

حلوه منهم والله ليش ادفع حق التامين!!

يعطيك العافية

جرح الزمان

16-06-2011, 09:23 PM

اعتقد ان الخبر غير صحيح

لان هذا ظلم

we-r-sawa

16-06-2011, 09:32 PM

من شوي أخوي يقول لي ان عنده سواق البيت دعموه وهو يسوق السيارة والخطأ على صاحب السيارة الثاني ولما راح المرور قالوا له هذا الكلام مع ان صاحب السيارة الثاني اعترف انها غلطته !!!

نجم سهيل

16-06-2011, 09:43 PM

السلام عليكم

شي غريب

البالون يسبب الحوادث

والقطع التجارية بريئة منها !!!!

الســيل

16-06-2011, 09:44 PM

السلام عليكم

القرار مو توه نازل من زمان

انا قبل شهر دعمني واحد والغلط عليه

رحت المرور وخلصت مع التامين

يوم جيت التامين قالى تدفع 80% من قيمة قطع الغيار

طبعا بعد محاولات معاهم واقنعهم انه انا مالى ذنب قالى هذا قانون وادخل على المدير عشان ينزلك طبعا رحت المدير وخلاها 40 % من قيمة قطع الغيار

طبعا قالى اذا قطع الغيار من الشركة يعني اصليه تدفع 40 % واذا مستعمله او تقليد ماتدفع شي

هذا وانت مالك شغل

يعني بالعربي اللحين تحاسب من سواقتك وسواقت غيرك

دمتم بود

we-r-sawa

16-06-2011, 09:49 PM

وينكم يامسئولين!!وينكم ياادارة المرور!!! ليش ماعاد في ضمير ولا نخوة ولا فزعة!!!!

Q.p.R

16-06-2011, 09:53 PM

زين آمنا بالله

واذا موتري عليه ضمان و ما ابي ادفع 40% للتأمين و ركبوا تجاري

انا اخسر الضمان عيني عينك يعني

موت وخراب ديار

الواعد

16-06-2011, 10:33 PM

يعني لو واحد لا قدر الله دعمني مب الصحيح ان تأمينه هو اللي يصلح سيارتي ؟؟؟

يعني تأميني ماله دخل نهائيا لأني مدعوم مب داعم

نيساني

17-06-2011, 12:09 AM

السلام عليكم

شي غريب

البالون يسبب الحوادث

والقطع التجارية بريئة منها !!!!

القطع التجاريه عباره عن اصطابات وخطوط ورفرف وهالسوالف لكن مكانيكيه ما اعتقد

وشكرآ

التايه

17-06-2011, 12:28 AM

في الامارات اذا كان التأمين عندك شامل , التصليح يكون على التأمين للسيارتين بدون ما تدفع ولا ريال.

واذا التامين ضد الغير ,والتأمين يصلح السيارة المتضرره بدون ما يدفع ولا ريال المتضرر ولا المتسبب في

الحادث .

عيون الدوحة

17-06-2011, 12:34 AM

ومدير المرور أذا دعمو سيارته والغلط مب عليه
كم ينزل حق نفسة
أذا نزل لشخص 40%
؟؟

we-r-sawa

17-06-2011, 12:36 AM

(يعني لو واحد لا قدر الله دعمني مب الصحيح ان تأمينه هو اللي يصلح سيارتي ؟؟؟
يعني تأميني ماله دخل نهائيا لأني مدعوم مب داعم )

هلا والله سألت أخوي نفس سؤالك بس أكد لي اليوم المعلومة انك لو حتى اندعمت ومالك ذنب بعد عليك 40%!!!فماني بعارف ليش !!

ابوسعود

17-06-2011, 12:38 AM

اقول حتى يرتاحون

الكل يدفع 100 % قيمة التصليح للمرور

التيما

17-06-2011, 12:38 AM

للاسف التامين عندنا يبي لنا تامين عليه .. تامين نصب عيني عينك حسبي الله عليهم

بوحارب

17-06-2011, 12:51 AM

شركات التأمين كل همها كيف تدخل فلوس

وبسسسسسسس :)

we-r-sawa

17-06-2011, 12:55 AM

الله يعافيك أخوي اذا في جهات عندنا والمفروض يحكمون بشرع الله وهم يكونون مثال لنبراس العدل وقاعدين يظلمون بين الخصوم ،صاحب الحق يروح عليه حقه وصاحب الباطل يصير الحق له!!!فلا تستغرب هالظلم من عباد المال والدنيا...وليسوا عباد الله أستغفر الله العظيم ...ومالنا الا الله نرفع له أيادينا بهذي الليلة ليلة الجمعة ليسلط على صاحب هذا القرار المجحف من هو أقوى منه ولرفع هذا الظلم عنا

راعي البيرق

17-06-2011, 01:00 AM

ممكن الواحد بيرجع يركب حصان بدال المواتر
عشان يروح دوامه
:fight:

البحار00

17-06-2011, 01:00 AM

ياعيني

الدور على من هالمرة ياترى

دولة مصالح

كل قانون ينزل والمستفيد واااحد

khaldoon

17-06-2011, 01:02 AM

اخوي انا من سنتين كنت واقف وقوف تام على الدوار و جاء شب طايش الله لا يسامحه ضرب سياره و السياره ضربتني و انا ضربت السياره اللي قدامي و تامينه هو ضد الغير و مبلغ التصليح يمكن طاف ال 100 الف ريال على تقدير الشرطي لان السيارات كانت من كروزر و بورش و انفينيتي و سيارتي :shy:والغلطان هو بس هالشب الطايش

المهم قالولي على سيارتي ادفع قطع غيار جديده 50% او نشتري سكراب او تجاري

قلت لهم ابي اكنسل السياره وما ابي ادفع و بعد محاولات كثيره و عناد و اصرار مني قالولي ادفع على القطع الجديده 20%

اعتقد انه ما في قانون فعلا و المسأله لا تعدو ان تكون جهل بالقانون و التامين يستغل هالجهل و يضحك علينا لاننا محتاجين سياراتنا و لو بغيت تعاند قدامك المحاكم و يا ليل ما اطولك ....انت اللي بتضرر من الانتظار

gamal503

17-06-2011, 02:17 AM

فلهاااا

17-06-2011, 03:53 AM

حاولت ارد ماقدرت لأني لو تكلمت عن المرور بخربها

فلهاااا

17-06-2011, 03:56 AM

Sewar Qtr

17-06-2011, 04:06 AM

يا جماعه سؤال مهم انا استمارني منتهيه من 4 ايام ودعمت حرمة والله وقفت قدامي فجاءه الحين انا بصلحلها ع حسابي ولا لسه فيه فرصه الشهر فيه ناس بتقول ع حسابي لان الاستمارة منتيهه وفيه ناس بتقول ان تاميني بيصلحلها وانا بصلح لنفسي
ياريت حد يفيدني

عادي اخوي في فترة سماح شهر .. تأمينك لم ينتهي بعد
تقدر تراجع المرور وتاخذ ورقة التصليح ..
صارت معاي من قبل ( مب متأكده اذا شهر او اسبوعين )
يعني انت بتصلح حق نفسك .. وتأمينك بيصلح لها

يعطيك العافية

هجمة مرتدة

17-06-2011, 04:48 AM

كثر الدق يفك اللحام يا إدارة المرور

آخرتنا بنطلع في الشوارع رافعين راية "الشعب يريد اسقاط المرور" !!

R 7 A L

17-06-2011, 04:52 AM

القرار صحيح ميه بالميه
ومن زماااااااااان
والمرور ماله شغل
كل من شركات التأمين ومستحيل يتغير هالقرار
ادفعوا وأنتوا ساكتين
2005 دعمني واحد وجه بوجه وهو الغلطان وربي سلمني الحمدلله
قالوا لي التأمين تبين كل شيء سكراب أو تجاري ماراح تدفع ولا ريال
تبين أصلي ادفع 40 في الميه لأن سيارتك قديمة موديل 97
ودفعت الأربعين بالميه غصب

khaldoon

17-06-2011, 06:01 AM

يا جماعه سؤال مهم انا استمارني منتهيه من 4 ايام ودعمت حرمة والله وقفت قدامي فجاءه الحين انا بصلحلها ع حسابي ولا لسه فيه فرصه الشهر فيه ناس بتقول ع حسابي لان الاستمارة منتيهه وفيه ناس بتقول ان تاميني بيصلحلها وانا بصلح لنفسي
ياريت حد يفيدني

التأمين سواء شامل او ضد الغير صالح لمدة شهر كانه تأمين ضد الغير

لو تامينك شامل بيصير بعد انتهاء السنه كأنه ضد الغير لو ما جددته

بخصوص الاستماره معاك 45 يوم بس لا تخاطر لانه ممكن تضطر تاخذ موافقه من مدير في المرور فحاول تجدد الاستماره خلال اول شهر من انتهائها

عسل الدوحة

17-06-2011, 06:35 AM

عاااااااادي توقع كل شى يصير

كان فيه وخلص

17-06-2011, 06:59 AM

المثل يقول ،،

كون داعم ولا تكنش مدعوم ،

الزجاجي

17-06-2011, 07:04 AM

القانون قديم

اذا سيارتك موديل السنه وتامينك شامل ما تدفع ولا ريال حتى لو انت الغلطان
اذا طافت السنه يبدا اللعب وتشتغل سالفه النسب مثلا اذا تبي كراج الوكاله تدفع .. اذا نبي قطع اصليه من الوكاله تدفع حتى لو انت مش الغلطان

لهذا السبب انا اخذ التامين شامل او سنه .. واذا طاف السنه حولته ضد الغير

انا نصيحتي للشباب اذ لا قدر الله اذا صادك حادث وموترك عدا مديل السنه انك تخلي السياره في الكراج وصاحب الكراج يتفاهم مع التامين او تاخذ افلوس التصليح كاش وتصلح على راحتك في اي كراج حبيت غير الوكاله