استفسار : بسافر امريكا شهر 7 .. ممكن حد يفيدني !!!!!

[هند88]

مرحبا للكل


بسافر امريكا شهر 7 وبنزل في نيويورك..
وابي اروح غيرها ولايتين .. بس مب عارفة وين؟؟

ممكن حد يفيدني شنو احسن الولايات وتكون تناسب العوائل؟وشنو الاماكن السياحية الحلوه؟؟


وما تكون بعيدة عن نيويورك

وشنهي اقرب ولاية من نيويورك فيها ديزني لاند؟


ملاحظه : مدة السفرة اسبوعين:telephone:

:nice:I NEED HELP

[sweety lolo]

بالتوفيق وانشالله تكون رحلة سعيدة

[La Bella]

تبين ملاهي ديزني لاند تروحين ولاية أورلاندو
تبين ملاهي سكسفلاغز تروحين ولاية شيكاغو

[بوسعود (USA)]

احلى مدينة حق عوائل
orlando
في ولاية فلوريدا
هذي لو تقعدون فيها 10 ايام ماتخلصونها
وقريبه من نيويورك .. ثلاث ساعات بالطياره

وعندكم ولاية كاليفورنيا .. فيها ثلاث مدن لوس انجلس سان دييغو وسان فرانسيسكو بس بعيده من نيويورك..

بس نصيحتي دام ان السفره اسبوعين..
4 او 5 ايام في نيويورك .. والباقي في اورلاندو.. مدينه عائليه وفيها اكبر دزني لاند فالعالم .. وفيها مدن ترفيهيه وايد
احلى جدول وماراح تندمون :)

[lawyer]

هلا

مشكلة سفرتج انها اسبوعين بس .. ولا قلتج روحي كاليفورنيا فيها كل الي تبينا من ديزني لاند او سكس فلاسق

ومن شهر سبعه تنترس من هل الخليج خاص اورنج كونتي و لوس انجلس

[مستر بن]

عندج رحال ,, اسئلية ’’

وترووحيين وترجعين بالسلامة ’’



يطييييييييييييييييييييح .؟

[عميد الريان]

امريكا ام الدنيا كل ولايه بتروحين بتلاقين الي تبينه لكن اذا بغيتي الوناسه والتسوق الرخيص مافي مثل فلوردا خصوصا ميامي و اورلاندوا بس مشكلتها حوالي ساعتين ونص بالطياره من نيويورك بس تستاهل وعائليه

[abu abdulla]

اورلاندو افضل وانسب لكم بس الجو حار وامطار غزيره بس الفنادق احدث والمولات كثيره ونوع ماء ارخص للتسوق وكذلك المطاعم وبيكون الخضار لونه طاغي وقريبه لكم من نيويورك طبعا بالطياره
اجازه سعيده

[Master_qtr]

كالفورنيا ..فيها كل شي ..صحيح بعيد بس تستاهل والله ..

[bo_besht]

السلام عليكم.
انه بعد 10 ايام مسافر امريكا شهر مع العائلة
اي استفسار انه حاضر عن التذاكر او الأسعار او الفنادق او الاماكن السياحية
جدولي راح يكون
نيويورك 3ايام
اورلاندو اسبوع
كروز بالباخرة 4 ايام
لوس انجلوس اسبوع
لأس فيجاس 3 ايام
سان فرانسيسكو 5 ايام

[clouds]

ماتكفي اسبوعين حق نيويورك وولايتين
لو تبين روحي دوحه نيويورك ترنازيت وعلى ظول على اورلاندو هي العائليه والاسعار حلوه او رخيصه نوعا ما...والفنادق في منتجعات حلوه للعايله وفيها برك سباحه لليهال وملاعب وكل شي خاص لليهال اصلا حتى اسبوعين ماتكفي انا العام رحت شهر وماشبعنا واول العام رحنا اسبوعين وماخلصنا ربع الحدايق
عندج ديزني 4 حدايق كبيره وحديقتين مائيات رحنا وحده منهم والثانيه قالو خطره على اليهال تنفع للكبار والحدايق مالت ديزني كل وحده يبيلها يوم واحلى شي لما بتسكر الحديقه تشوفين عرض الالعاب الناريه
عندج داون تاون ديزني هاي مكان خيال يبيله يومين اقل شي..ساعات نتسوق في مول ونجي نكمل في الدوان تاون المطاعم خيال وغريبه وفي كل مكان في شي للعيال وفي ديزني كويست عباره عن 5 ادوار كلها العاب للكبار والصغار واغلبها بال3 دي
وفي الداون تاون بعد كل محلات ديزني اللي في الحدايق
وعندج يونيفرسال ستوديوز حديقتين ونفس الشي عندهم داون تاون
وسي وورلد حديقتين
وطبعا كل الحدايق يبيلها يوم..فهاي 10 حدايق تقريبا ب10 ايام
وحطي يوم للداون تاون 11 يوم
وعندج بوش غاردن بعد ملاهي واااايد حلوه ويبيلها يوم..فيها عالم سمسم وفيها حديقه حيوانات وبعد اقول لج لاتفوتينها
وطبعا البيت المقلوب لازم تروحين لله
والاوت لت والمولات هناك عجيبه
امريكا عالم ثاني الصراحه

[cartier]

مالج الا كاليفورنيا

[هند88]

تسلمون كــــــلـــــــــــــــكم على الردود ماقصرتوا.. :nice:


استقريت على ولايتين .. نيويورك و اورلاندو..
بما ان الكل مدح اورلاندو وانها عائلية..
وقريبة من نيويورك..


clouds
تسلم اخوي على الشرح الوافي :)


بس باقي الفنادق ..
بشنو تنصحوني؟؟

[عميد الريان]

تسلمون كــــــلـــــــــــــــكم على الردود ماقصرتوا.. :nice:


واستقريت على ولايتين .. نيويورك و اورلاندو..
بما ان الكل مدح اورلاندو وانها عائلية..
وقريبة من نيويورك..


clouds
تسلم اخوي على الشرح الوافي :)


بس باقي الفنادق ..
بشنو تنصحوني؟؟
اذا بتروحين اورلاندو انصحك تسكنيين في فيلا ومعظم الفلل فيها بركة سباحه خاصه وصراحه اسعارهم مناسبه والفلل لها خصوصيه اكثر شوفي هاسيات يمكن ينفعك
http://www.floridabestvillas.com/english/index.html

[clouds]

هنوووده انا بنت مو ولد!!
والفندق سكنت بالريونين عجييييب هو منتجع غولف وفيه فندق وفلل احنا ناخذ فيلا جنج قاعده بالدوحه مكان شرح وكبير مو مثل اوروبا دواعيس وفي ملاهي مائيه والمنتجع وااااااايد كبير


http://www.reunionresort.com/

[clouds]

نيويورك اشوف يمدحون ماريوت ماركيز وانه بنص اللويه والحشره