النصيحه يا اخون مابين مكيفات جنرال او باناسونيك

[ابـو مــحــــمـــــد]

السلام عليكم ورحمة الله وبركاته

انا الحين في مرحلة تركيب هوزات المكيفات في البيت

اليوم مريت على شركة الجنرال لان عندهم تنزيلات وبتخلص بكره
ومريت من قبل شركة ناشيونال وكيل الباناسونيك معطيني عرض خاص

انا طلبي 10 مكيفات 2طن سبليت و 4مكيفات 2.5طن كاسيت

المهم اني خذيت الاسعار مابين الاثنين والفرق طلع لي حوالي 16 الف ريال الباناسونيك
اقل في سعر المجموع

المشكله ان الباناسيونك اورتري و الجنرال بستن

البانسيونك بيوت اخواني مركبين منه مايقارب 80 مكيف من قبل سنه ونص
حتى يومنا هذا والكل يمدحون فيه وفي البروده وخاصه في الخدمه مابعد البيع

الجنرال الحين ناس تمدحه وناس تقول لي معاد مثل فبل

فـ شراكم بالمقارنه مابين الاثنين

ياليت الي عنده خبره فيهم يفيدني في الموضوع

واكون شاكر لكم

[Chambray]

والله يالغالي على حسب ميزانيتك إذا تقدر على دفع الفرق اخذ جنرال او موتسبيشي ديا
اذا ماتقدر
ارشح لك الباناسونيك - دايكن (التايلندي ) - موتسبيشي الكتريك - فوجي - هيتاشي - كلفنتور - قري


الباناسونيك ممتاز على فكرة .. صديقي مركبه في مجلسه رائع وباااااااااارد
والجنرال ممتاز ..
الدايكن نظامه لا هو روتري ولا بستر ، نظام جديد يتحمل فوق 50 درجة ..

ياخوي اهم شئ الصيانة ..

واهم شئ تبتعد عن شئ اسمه مكيف إل جي ، و سامسونــــــــــــــــــــغ ( تراهم سيئين )

[جاكم الأعصار]

السلام عليكم ورحمة الله وبركاته
انا الي اسمعه انه احسن مكيفات تكون من هالشركات موتسبيشي الكتريك - فوجي - هيتاشي- جنرال ماسمعت احد يشتكي منهم وسالت عنهم في المنتديات قبل والكل مدحهم وكانوا من ضمن اول الاختيارات
وجنرال الي اعرفه نوعين في امريكي وفيه تايلندي اظن اهم شي اسال عن نوعية الكمبريسور وشنو صناعته ومثل ماقالوا للك الاخوان اهم شي خدمة مابعد الشراء
تحياتي لك

[بوخالد911]

جنراااااااااااااال


والله يوووفق

[قلبي الطيب]

جنرال لأنه عمره طويل واهذى في الصوت مركبين الاثنين في البيت الباناسونك مزعج جدااااا أسوء من مكيفات الشباك

[صــوت قطــر]

ارشح الجنــرال .. وموفق ان شاء الله

[barod]

على فكره مكيفات فوجي قريبه جدا من الجنرال ووكيلها الريس انا مركب منهم وجيدين لكن الباناسونيك ما جربته

[daaark]

باناسونيك وانت مغمض

[almaf1a]

انا نفسك محتار بين الاثنين
الجنرال والفوجي او باناسونيك
واحد من الربع يمدح الباناسونيك وايد خصوصا مركز الصيانه عندهم
وبالنسبه للسعر الباناسونيك افضل

لكن الجنرال والفوجي انا مجربهم ماعليهم كلام
تبي نصيحتي اذا ال16 الف ماراح تفرق معاك وايد توكل على الله واخذ جنرال
والله يعينك على مركز الصيانه
لكن الجوده ممتازه
ما ادري عن المعلومه الي قلتها ان الجنرال حاليا مب نفس قبل اول مره اسمعها منك اللحين

[دوحة الجميع]

الجنرال وبس والله يعينك على مركز الصيانة وباناسونيك مكيف عادي بس مركزالخدمة عندهم مية مية

[بو نايف]

البناسونك سئ
عن تجربه

[كبير المتداولين]

بانسونك قوه جنرال عزم

انصحك خذ تشكيله اذا محتار ههههههههههههه

[eXpert*]

اللي اعرفة الفوجي وجينرال نفس الكمبيريسر الفرق بالوحدة الداخلية فقط !!

وللعلم مكيفات جينرال تلاقي مكتوب عليها صنع في مصانع فوجي !!!

معناة فوجي هو الأصل وجينرال علامة تجارية مسجلة تحت فوجي .

على العموم شيك على فوجي اذا ارخص توكل على الله .

أو ألحق على التنزيلات اليوم قبل لاتخلص .

والله يعينك على التركيب مب قبل 4/7/2011

[مضارب مستثمر]

عليك ب ميتسوبيشي-دايا,,,,عند التيسير للتكييف

"الوكيل الحصري في قطر"

والان يوجد لديهم نظام جديد "سبليت متعدد"

وهو حسب النظام العالمي الجديد للغاز ويوفر
بالكهرباء 60%,,,,,,

وهو منتج ياباني على غير الموجود بالسوق,,,,

اذا كان البيت لسكنك فاحرص على راحة البال,,,,

بالتوفيق ,,,,,,,

[احساس شايب]

نصيحة اخو

عندك يا جنرال او فوجي اذا ميزانيتك متوسطة - مكيفات ما عليهم كلام وجودة

اما اذا ميزانيتك تسمح فأرشح لك مكيفات تدمر ممتازة جدا

[meto2010]

نصيحه عن تجربه عمليه عليك بمكيفات gree
لديهم البستن والتروبكال مواصفات خليجيه والخدمه ممتازه
ولو حبيت تخفيضات بس قولى بعرف صديق هناك

[ابـو مــحــــمـــــد]

الله يجزاكم خييييير جميييييع
على مشاركتكم وتفاعلكم

توكلنا على الله وخذينا الجنرال والله يبارك لنا ولا يخسرنا


شاكر لكل من مر وشارك في الموضوع

[asulaiti]

نصيحه عن تجربه عمليه عليك بمكيفات gree
لديهم البستن والتروبكال مواصفات خليجيه والخدمه ممتازه
ولو حبيت تخفيضات بس قولى بعرف صديق هناك

أخوي كم صار لك تستخدم مكيفات gree ؟؟

لأني أفكر اشتري كم واحد من هذا النوع .. والله يجزيك خير على أي معلومة أو نصيحة حول
هذا النوع ..

[حسن]

انه جربت البناسونيك صراحه بروده وهدوء والاعبر شركتهم ممتازه من المواعيد والصيانه اما الجنرال الله يعين

[دااانة قطر]

جنرااال من أحسن ما يمكن
عندي 3 مكيفاات وندوز من 2003 وماشااء الله
والخدمه ماعليهم كلااام احتجتهم العاام والحمدلله المكيفاات غير شكل
الأهل عندهم سامسونج وال جي وشاارب وكل وااحد مشااكله اكثر من الثااني والصياانه في الحضيض ( مدري شلون طلعت هالكلمه)

[الـــبـيـرق]

ابو محمد
توكل الله على وروح حق الجنرال والله يوفقك بس مب جنرال كووول
جنرال الاصلي (( وعقب 5 سنين والا اكثر بتعرف ليش جنرال ,,,,الياباني الاصلي والله يوفقك ))
واذا شايف الفرق وايد وتبي تستغل الفرق في شي ثاني الباناسونيك زين .

[ابـو مــحــــمـــــد]

الاخوان الاعزاء

حسن دانة قطر البيرق

الله لايهينكم على المشاركه وابشركم خلاص خذيت الجنرال العمادي

شاكر لكم مروركم العطر

[ذكي جدااا]

اول شي خذ كمبريسور بستن وابعد عن الروتري . ثانيا انا ركبت متسوبيشي واخترب احسن شي اشوفه الجنرال الاصلي البستن والفوجي وكارييير انا ركبت كارير بستن ب 3200 رياال 2 طن ما عليه كلااام. من تجربتي الساابقه اشوف اذا الواحد عنده فلووس وميزانيته تسمح يا خذ جنرال او فوجي واذا ميزانيته وسط يا خذ كاريير وبس

[ذكي جدااا]

جنرااال من أحسن ما يمكن
عندي 3 مكيفاات وندوز من 2003 وماشااء الله
والخدمه ماعليهم كلااام احتجتهم العاام والحمدلله المكيفاات غير شكل
الأهل عندهم سامسونج وال جي وشاارب وكل وااحد مشااكله اكثر من الثااني والصياانه في الحضيض ( مدري شلون طلعت هالكلمه)

عندنا جنرال شراهم الوالد سنة 1975 ماشاء الله علييه يبرد ثلج

[eXpert*]

انا توني جاي من جينرال خذت مكيف سبليت طنين للزرع ب ٣٧٩٠ تقريبا و التركيب يوم ٧/٧

[بايع بايع]

ذل فلوسك تعز نفسك

جنرال

[حمد بن سعد]

جنرال تبع العمادي

ركب ونت مقمظ

[دااانة قطر]

الاخوان الاعزاء

حسن دانة قطر البيرق

الله لايهينكم على المشاركه وابشركم خلاص خذيت الجنرال العمادي

شاكر لكم مروركم العطر



موفق أخوي

[meto2010]

أخوي كم صار لك تستخدم مكيفات gree ؟؟

لأني أفكر اشتري كم واحد من هذا النوع .. والله يجزيك خير على أي معلومة أو نصيحة حول
هذا النوع ..


استخدمهم من 5 سنوات والحمد لله مكيف ممتاز والخدمه ممتازة

[ابـو مــحــــمـــــد]

شاكر لكم جميع

[ZURICH]

ذل فلوسك تعز نفسك

جنرال

او هين قرشك ولا تهين نفسك :)

اهم مافي المكيف ان يكون الكمبريسر نوع بستن وحجمة كبير

[ابـو مــحــــمـــــد]

ذل فلوسك تعز نفسك

جنرال





او هين قرشك ولا تهين نفسك :)

اهم مافي المكيف ان يكون الكمبريسر نوع بستن وحجمة كبير

الدعوه مش على ذل فلوسك ولا هين قرشك

الدعوه نبي الافضل وهذا الي خلاني استشير الاخوان اهل الخبره

شاكر لكم