الـكـل ايشارك : افضل شركة طيران و افضل طياره ؟

[yousef545]

بسم الله الرحمن الرحيم

بماا انه احنا في الصيف و السفر ماخذ عقول كل الناس

و اغلبية الناس قبل لاتفكر بشركة الطيران اتفكر بالميزانيه

ع العموم موضوعنا ترفيهي و نفس الوقت نقدر نستفيد منه

كل واحد ايقولنا شنو احسن خطوط طيران سافر عليه

و شنهي الطياره الي سافر فيها

و شنهي الطياره الي يتمنى ايسافر فيها

[بولينجر]

مؤخرا كل رحلاتي على القطرية... ما اقدر امدحها لان في شركات افضل منها.... طيران الامارات والاتحاد اقرب مثال......

[البدع]

القطرية هي الافضل

الإماراتية جربتها قبل اسبوع وكانت ليست بالمستوى

[Rashid554]

القطريه والاتحاد رائعه
والتايلنديه راقيه
وطيران اسيا اقتصادية جميلة

[yousef545]

اوكي شباب ذكرتو شركات الطيران بس ماذكرتو اشنوع الطياره

انا ببدا و بعطيكم مثال

الطيارات الي سافرت فيهم

Airbus 330 Doha To Dubai الاماراتيه

Airbus 380 Dubai To Bangkok الاماراتيه

Boeing 777 Doha To Bangkok القطريه

Airbus 320 Bagkok To Phukit بنكوك ايرويز

الحين الطيارات الي ركبتهم بما اني شغال في المطار مرو علي وايد طيارات

Airbus 318
Airbus 319
Airbus 320
Airbus 321
Airbus 300
Airbus 310
Airbus 330
Airbus 340
Boeing 737
Boeing 747
Boeing 777
EMBRAER 175
Antonov

بس ركبتهم ماسافرت فيهم ههههههههههههه

[فرحة الكواري]

الاماراتية

[التيما]

القطرية صراحة لا يعلى عليها وبريتش .. جربت الاماراتية والاتحاد والسورية والماليزية والمصرية .. مثل القطرية مافي خاصة الطائرات الكبيرة للمسافات البعيدة لاني ماعرف انواع الطائرات ومابي اعرف بيعورني راسي

[captin]

بالنسبة لي خلال الفترة القليلة الماضية

جربت أكثر من شركة طيران

القطرية Qatar Airways

بحكم انها الناقلة الوطنية وميزة الوصول المباشر
من الدوحة لأغلب المحطات فكانت 90% من سفراتي على القطرية بس من الملاحظ
نزل مستواها في الخدمات أثناء الرحلة
وصارت أقرب للشركات الاقتصادية اللي يهمها تنقل الركاب وبس حتى انهم حولوا معظم الطيارات على اغلب الخطوط بزنس وسياحية .
لازالت القطرية تحتفظ بسجل معقول في الاقلاع بالوقت المحدد.
وتجربتي الأخيرة كانت من أمريكا إلى الدوحة مؤخرا وكانت الخدمات
متواضعة والمضيفين مو بالمستوى لازم كل مرة تناديهم ويالله
توصلك الخدمة المطلوبة.

الإمارات Emirates

أثرت عليها الأزمة الإقتصادية وخفضت من مستوى الخدمات
على أغلب الرحلات ما عدا رحلات معينة منها خط لندن
لكنها لازالت تعيش على شهرة الماضي وعندها مقاييس لازالت تحافظ عليها.
مثل الإقلاع بالوقت المحدد ومرونة في تغيير الحجوزات.

الإتحاد Etihad

طيران راقي جدا والمفروض يسمونها طيران الخمس نجوم بدل القطرية
خدمات راقية على الأرض وفي الجو واكثر ما عجبني فيها تصميم مقاعد
درجة رجال الأعمال تعطي الراكب خصوصية عند تحويل المقعد إلى سرير.
وجباتها ممتازة والخدمات الأرضية بمطار أبوظبي ممتازة ويسمون الراكب
ضيف الإتحاد.

فلاي دبي Flydubai

لا شي يذكر غير ان الطيارات جديدة نوع بوينغ 737-800 والوان الطيارات جذاب
ورغم ذلك تعرضت لتأخير لأكثر من ساعتين لرحلة العودة من دبي إلى الدوحة.


التايلندية Thai Airways
جربتها في رحلة على درجة رجال الأعمال من كولالمبور إلى بانكوك وكان نوع الطيارة
بوينغ 747-400 وكانت راقية من اول كاونتر التسجيل الى صالة الانتظار بمطار كوالالمبور إلى الاستقبال على باب الطيارة والانحناء والابتسامة إلى تقديم الخدمات
في الطائرة وحتى الوصول إلى المحطة.


فيصبح الترتيب كالتالي :

التايلندية

الإتحاد

القطرية

الإمارات

[معشوق قطر]

ملاحظه عن الخطوط القطريه

انا في الطياره ماطلب شي بس اشوف المضيفين حبوبين جدا

و بالنسبه لطيارات القطريه جديده و من ناحية السيرفس و المنتنس

وايد مهتمين و مهندسينهم و المكانيكيين ع مستواي عالي جدا

و بالنسبه للاتحاد بعد طياراتهم جديده لانه الشركه من الاساس جديده

و مطار بوظبي فيه جميع خدمات الصيانه و حتى صبغ الطيارات بالكامل

[Kuwaiti88]

انا بالنسبه لي أفضل طيران اهو طيران الإمارات ومن بعده طيران الإتحاد ...

أغلب رحلاتي الطويله كانت على طيران الإمارات مثل لندن وماليزيا وجنوب أفريقيا

كانوا شي خيال ...

وما أبالغ إذا قلت اهو أفضل طيران في العالم ... :)

1- الكويتيه: أسوأ طيران بالعالم حتى الطيران الأثيوبي يمكن أرقى.

2- القطريه: اصدمتني ما توقعتها جذي (قالوا طيران 5 نجوم).

3- البريطانيه: لأ بأس بها زوينه.

4- الطيران العماني: في تطور مستمر وبصراحه يعطيهم العافيه.

5- السعوديه: ما أذكر.

6-السنغافوريه: كانت زينه.

وفي غيرهم بعد ...

[alghalya1]

1الاتحاد
رحت فيها لندن و بانكوك والصراحة من افضل الخطوط اللي سافرت عليها

2 KLM
دايم أروح الدمام عليها


3 طيران الخليج
جربتها في اغلب سفراتي مثل مصر والبحرين طبعا

يعني لو تلاحظ أنا مبتعدة عن طيران القطرية لانها غالية على الفاضي :tease:

[المتحدث الرسمي]

...



القطريه


الاتحاد



الاماراتيه

[@north_star@]

الاماراتيه جربتها للفلبين وعندهم التزام بالمواعيد وأسعارهم مقبولة والخدمة جيدة جدا .

القطرية جربتها للاردن وعندهم التزام بالمواعيد بس الخدمة بالاكونومي الله بالخير .. وأسعارهم مرتفعة مقارنة مع غيرهم .

طيران الخليج جربتها للفلبين طياراتهم للمسافات البعيدة ولا اروع وخدمتهم جيدة بس مواعيدهم كله تتغير ..والسعر مقبول .